| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੧੮. ਧਮ੍ਮਹਦਯવਿਭਙ੍ਗੋ
18. Dhammahadayavibhaṅgo
੧. ਸਬ੍ਬਸਙ੍ਗਾਹਿਕવਾਰવਣ੍ਣਨਾ
1. Sabbasaṅgāhikavāravaṇṇanā
੯੭੮. ਇਦਾਨਿ ਤਦਨਨ੍ਤਰੇ ਧਮ੍ਮਹਦਯવਿਭਙ੍ਗੇ ਪਾਲ਼ਿਪਰਿਚ੍ਛੇਦੋ ਤਾવ ਏવਂ વੇਦਿਤਬ੍ਬੋ – ਏਤ੍ਥ ਹਿ ਆਦਿਤੋવ ਖਨ੍ਧਾਦੀਨਂ ਦ੍વਾਦਸਨ੍ਨਂ ਕੋਟ੍ਠਾਸਾਨਂ વਸੇਨ ਸਬ੍ਬਸਙ੍ਗਾਹਿਕવਾਰੋ ਨਾਮ વੁਤ੍ਤੋ। ਦੁਤਿਯੋ ਤੇਸਂਯੇવ ਧਮ੍ਮਾਨਂ ਕਾਮਧਾਤੁਆਦੀਸੁ ਉਪ੍ਪਤ੍ਤਾਨੁਪ੍ਪਤ੍ਤਿਦਸ੍ਸਨવਾਰੋ ਨਾਮ। ਤਤਿਯੋ ਤਤ੍ਥੇવ ਪਰਿਯਾਪਨ੍ਨਾਪਰਿਯਾਪਨ੍ਨਦਸ੍ਸਨવਾਰੋ ਨਾਮ। ਚਤੁਤ੍ਥੋ ਤੀਸੁ ਭੂਮੀਸੁ ਉਪ੍ਪਤ੍ਤਿਕ੍ਖਣੇ વਿਜ੍ਜਮਾਨਾવਿਜ੍ਜਮਾਨਧਮ੍ਮਦਸ੍ਸਨવਾਰੋ ਨਾਮ। ਪਞ੍ਚਮੋ ਤੇਸਂ ਧਮ੍ਮਾਨਂ ਭੂਮਨ੍ਤਰવਸੇਨ ਦਸ੍ਸਨવਾਰੋ ਨਾਮ। ਛਟ੍ਠੋ ਗਤੀਸੁ ਉਪ੍ਪਾਦਕਕਮ੍ਮਆਯੁਪ੍ਪਮਾਣਦਸ੍ਸਨવਾਰੋ ਨਾਮ। ਸਤ੍ਤਮੋ ਅਭਿਞ੍ਞੇਯ੍ਯਾਦਿવਾਰੋ ਨਾਮ। ਅਟ੍ਠਮੋ ਸਾਰਮ੍ਮਣਾਨਾਰਮ੍ਮਣવਾਰੋ ਨਾਮ। ਨવਮੋ ਤੇਸਂ ਖਨ੍ਧਾਦਿਧਮ੍ਮਾਨਂ ਦਿਟ੍ਠਸੁਤਾਦਿવਸੇਨ ਸਙ੍ਗਹੇਤ੍વਾ ਦਸ੍ਸਨવਾਰੋ ਨਾਮ। ਦਸਮੋ ਕੁਸਲਤ੍ਤਿਕਾਦਿવਸੇਨ ਸਙ੍ਗਹੇਤ੍વਾ ਦਸ੍ਸਨવਾਰੋ ਨਾਮ।
978. Idāni tadanantare dhammahadayavibhaṅge pāḷiparicchedo tāva evaṃ veditabbo – ettha hi āditova khandhādīnaṃ dvādasannaṃ koṭṭhāsānaṃ vasena sabbasaṅgāhikavāro nāma vutto. Dutiyo tesaṃyeva dhammānaṃ kāmadhātuādīsu uppattānuppattidassanavāro nāma. Tatiyo tattheva pariyāpannāpariyāpannadassanavāro nāma. Catuttho tīsu bhūmīsu uppattikkhaṇe vijjamānāvijjamānadhammadassanavāro nāma. Pañcamo tesaṃ dhammānaṃ bhūmantaravasena dassanavāro nāma. Chaṭṭho gatīsu uppādakakammaāyuppamāṇadassanavāro nāma. Sattamo abhiññeyyādivāro nāma. Aṭṭhamo sārammaṇānārammaṇavāro nāma. Navamo tesaṃ khandhādidhammānaṃ diṭṭhasutādivasena saṅgahetvā dassanavāro nāma. Dasamo kusalattikādivasena saṅgahetvā dassanavāro nāma.
੯੭੯. ਏવਂ ਦਸਹਿ વਾਰੇਹਿ ਪਰਿਚ੍ਛਿਨ੍ਨਾਯ ਪਾਲ਼ਿਯਾ ਪਠਮੇ ਤਾવ ਸਬ੍ਬਸਙ੍ਗਾਹਿਕવਾਰੇ ‘‘ਅવੀਚਿਤੋ ਯਾવ ਭવਗ੍ਗਂ ਏਤ੍ਥਨ੍ਤਰੇ ਕਤਿ ਖਨ੍ਧਾ’’ਤਿ ਪੁਚ੍ਛਿਤੇ ‘‘ਏਕੋਤਿ વਾ…ਪੇ॰… ਚਤ੍ਤਾਰੋਤਿ વਾ ਛਾਤਿ વਾ ਅવਤ੍વਾ ਪਞ੍ਚਾਤਿ વਤ੍ਤੁਂ ਸਮਤ੍ਥੋ ਅਞ੍ਞੋ ਨਤ੍ਥੀ’’ਤਿ ਅਤ੍ਤਨੋ ਞਾਣਬਲਂ ਦੀਪੇਨ੍ਤੋ ਪਞ੍ਚਕ੍ਖਨ੍ਧਾਤਿ ਪੁਚ੍ਛਾਨੁਰੂਪਂ વਿਸ੍ਸਜ੍ਜਨਂ ਆਹ। ਯਥਾਪੁਚ੍ਛਂ વਿਸ੍ਸਜ੍ਜਨਞ੍ਹਿ ਸਬ੍ਬਞ੍ਞੁਬ੍ਯਾਕਰਣਂ ਨਾਮਾਤਿ વੁਚ੍ਚਤਿ। ਦ੍વਾਦਸਾਯਤਨਾਨੀਤਿਆਦੀਸੁਪਿ ਏਸੇવ ਨਯੋ। ਰੂਪਕ੍ਖਨ੍ਧਾਦੀਨਂ ਪਭੇਦੋ ਖਨ੍ਧવਿਭਙ੍ਗਾਦੀਸੁ વੁਤ੍ਤਨਯੇਨੇવ વੇਦਿਤਬ੍ਬੋ।
979. Evaṃ dasahi vārehi paricchinnāya pāḷiyā paṭhame tāva sabbasaṅgāhikavāre ‘‘avīcito yāva bhavaggaṃ etthantare kati khandhā’’ti pucchite ‘‘ekoti vā…pe… cattāroti vā chāti vā avatvā pañcāti vattuṃ samattho añño natthī’’ti attano ñāṇabalaṃ dīpento pañcakkhandhāti pucchānurūpaṃ vissajjanaṃ āha. Yathāpucchaṃ vissajjanañhi sabbaññubyākaraṇaṃ nāmāti vuccati. Dvādasāyatanānītiādīsupi eseva nayo. Rūpakkhandhādīnaṃ pabhedo khandhavibhaṅgādīsu vuttanayeneva veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧੮. ਧਮ੍ਮਹਦਯવਿਭਙ੍ਗੋ • 18. Dhammahadayavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧੮. ਧਮ੍ਮਹਦਯવਿਭਙ੍ਗੋ • 18. Dhammahadayavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੧੮. ਧਮ੍ਮਹਦਯવਿਭਙ੍ਗੋ • 18. Dhammahadayavibhaṅgo
