| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
саб̣б̣асан̇галананаяагат̇ааван̣н̣анаа
Sabbasaṅkalananayakathāvaṇṇanā
873. бариваарз мукааг̇ад̇аа гад̇т̇абан̃н̃ад̇д̇иваараад̣̇аяо адта ваараа, д̇зязва бажжаяа-сад̣̇д̣̇зна яож̇зд̇ваа вуд̇д̇аа адтабажжаяаваараад̇и вибхан̇г̇ад̣̇ваяз висум̣ висум̣ д̣̇ассид̇аа сол̣аса бариваараа ассаад̇и сол̣асабаривааро, д̇асса сол̣асабариваарасса. саб̣б̣ам̣ сан̇галанам̣ наяанд̇и саб̣б̣зсам̣ вуд̇д̇аанам̣ сан̇галананаяаанам̣ сан̇г̇ахзд̇аб̣б̣ад̇о саб̣б̣ам̣ сан̇галабхзд̣̇анам̣ наяам̣.
873. Parivāre mukhāgatā katthapaññattivārādayo aṭṭha vārā, teyeva paccaya-saddena yojetvā vuttā aṭṭhapaccayavārāti vibhaṅgadvaye visuṃ visuṃ dassitā soḷasa parivārā assāti soḷasaparivāro, tassa soḷasaparivārassa. Sabbaṃ saṅkalanaṃ nayanti sabbesaṃ vuttānaṃ saṅkalananayānaṃ saṅgahetabbato sabbaṃ saṅkalabhedanaṃ nayaṃ.
875. гааяигаа чаб̣б̣ид̇хаад̇и батамабаарааж̇игаабад̇д̇и, гудигаран̣з баяог̇з д̣̇уггадаабад̇д̇и, згам̣ бин̣д̣ам̣ анааг̇ад̇з т̇уллажжаяаабад̇д̇и, д̇асмим̣ ааг̇ад̇з сан̇гхаад̣̇исзсаабад̇д̇и, вигаалабхож̇анз баажид̇д̇ияаабад̇д̇и, батамабаадид̣̇зсанийяаабад̇д̇ийд̇и чаб̣б̣ид̇хаа.
875.Kāyikā chabbidhāti paṭhamapārājikāpatti, kuṭikaraṇe payoge dukkaṭāpatti, ekaṃ piṇḍaṃ anāgate thullaccayāpatti, tasmiṃ āgate saṅghādisesāpatti, vikālabhojane pācittiyāpatti, paṭhamapāṭidesanīyāpattīti chabbidhā.
д̇ат̇аа ваажасигааби жаад̇и жад̇уд̇т̇абаарааж̇игаа, гудияаа гаараабанз буб̣б̣аг̇ад̇ияо, бад̣̇асод̇хаммабаажид̇д̇ияам̣, д̣̇авагамяад̇ааяа хийнзна кум̣санам̣, д̇асса д̣̇уб̣бхаасид̇анд̇и д̇ат̇аа чаб̣б̣ид̇хаа.
Tathā vācasikāpi cāti catutthapārājikā, kuṭiyā kārāpane pubbagatiyo, padasodhammapācittiyaṃ, davakamyatāya hīnena khuṃsanaṃ, tassa dubbhāsitanti tathā chabbidhā.
чаад̣̇знд̇асса жа д̇иссод̇и бхигкунияаа важ̇ж̇абадижчаад̣̇игааяа баарааж̇игам̣, бхигкуно сан̇гхаад̣̇исзсачаад̣̇анз баажид̇д̇ияам̣, ад̇д̇ано д̣̇удтуллажчаад̣̇анз д̣̇уггаданд̇и д̇иссо жа.
Chādentassaca tissoti bhikkhuniyā vajjapaṭicchādikāya pārājikaṃ, bhikkhuno saṅghādisesachādane pācittiyaṃ, attano duṭṭhullacchādane dukkaṭanti tisso ca.
бан̃жа сам̣саг̇г̇абажжаяаад̇и гааяасам̣саг̇г̇з бхигкунияаа баарааж̇игам̣, бхигкуно сан̇гхаад̣̇исзсо, гааязна гааяабадиб̣ад̣̇д̇хз т̇уллажжаяам̣, ниссаг̇г̇иязна гааяабадиб̣ад̣̇д̇хз д̣̇уггадам̣, ан̇г̇улибад̇од̣̇агз баажид̇д̇ияанд̇и гааяасам̣саг̇г̇абажжаяаа бан̃жа аабад̇д̇ияо.
Pañcasaṃsaggapaccayāti kāyasaṃsagge bhikkhuniyā pārājikaṃ, bhikkhuno saṅghādiseso, kāyena kāyapaṭibaddhe thullaccayaṃ, nissaggiyena kāyapaṭibaddhe dukkaṭaṃ, aṅgulipatodake pācittiyanti kāyasaṃsaggapaccayā pañca āpattiyo.
877. бхигкунияаа важ̇ж̇абадижчаад̣̇игааяа баарааж̇игам̣, бхигкусса сан̇гхаад̣̇исзсабадижчаад̣̇агасса баажид̇д̇ияанд̇и д̣̇удтуллажчаад̣̇анз д̣̇увз.
877. Bhikkhuniyā vajjapaṭicchādikāya pārājikaṃ, bhikkhussa saṅghādisesapaṭicchādakassa pācittiyanti duṭṭhullacchādane duve.
879. ‘‘г̇ааманд̇арз жад̇ассоваа’’д̇иаад̣̇и бадинид̣̇д̣̇зсад̇о жа вин̃н̃ааяад̇и.
879.‘‘Gāmantare catassovā’’tiādi paṭiniddesato ca viññāyati.
881. важ̇анд̇ияаад̇и г̇ажчанд̇ияаа.
881.Vajantiyāti gacchantiyā.
885. яаа бана бхигкуний рад̇д̇анд̇хагаарз аббад̣̇ийбз хад̇т̇абаасз бурисзна сад̣̇д̇хим̣ яад̣̇и саллабзяяа, д̇ассаа баажид̇д̇и. д̣̇уурз тид̇аа хад̇т̇абаасам̣ виж̇ахид̇ваа тид̇аа вад̣̇зяяа жз, д̣̇уггадамзваад̇и яож̇анаа.
885. Yā pana bhikkhunī rattandhakāre appadīpe hatthapāse purisena saddhiṃ yadi sallapeyya, tassā pācitti. Dūre ṭhitā hatthapāsaṃ vijahitvā ṭhitā vadeyya ce, dukkaṭamevāti yojanā.
886. яаа бана бхигкуний чаннз бадижчаннадтаанз д̣̇иваа бурисзна сад̣̇д̇хим̣ асса бурисасса хад̇т̇абаасз тид̇аа вад̣̇зяяа саллабзяяа, д̇ассаа баажид̇д̇и. хад̇т̇абаасам̣ виж̇ахид̇ваа вад̣̇зяяа жз, д̣̇уггадамзваад̇и яож̇анаа.
886.Yā pana bhikkhunī channe paṭicchannaṭṭhāne divā purisena saddhiṃ assa purisassa hatthapāse ṭhitā vadeyya sallapeyya, tassā pācitti. Hatthapāsaṃ vijahitvā vadeyya ce, dukkaṭamevāti yojanā.
891. саниссаг̇г̇аа жа баажид̇д̇ийд̇и ниссаж̇ж̇анавинаяагаммасахид̇ааязва баажид̇д̇и.
891.Sanissaggā ca pācittīti nissajjanavinayakammasahitāyeva pācitti.
893. ид̇ха имасмим̣ саасанз.
893.Idha imasmiṃ sāsane.
896. д̣̇увиннанд̇и д̣̇виннам̣.
896.Duvinnanti dvinnaṃ.
898. самаанасам̣ваасагабхууми наама багад̇ад̇д̇асса бхигкуно самааналад̣̇д̇хигасса згасиймааяам̣ тид̇абхааво. наанаабад̣̇ам̣ буб̣б̣ам̣ зд̇иссаад̇и наанаабад̣̇абуб̣б̣игаа, наанаасам̣ваасагабхуумийд̇и ад̇т̇о . угкид̇д̇анаанаалад̣̇д̇хиганаанаасиймаг̇ад̇аа наанаасам̣ваасагабхууми. имаа д̣̇взязва сам̣ваасагабхуумияо хи махзсинаа гаарун̣игзна вуд̇д̇аад̇и яож̇анаа.
898.Samānasaṃvāsakabhūmi nāma pakatattassa bhikkhuno samānaladdhikassa ekasīmāyaṃ ṭhitabhāvo. Nānāpadaṃ pubbaṃ etissāti nānāpadapubbikā, nānāsaṃvāsakabhūmīti attho . Ukkhittanānāladdhikanānāsīmagatā nānāsaṃvāsakabhūmi. Imā dveyeva saṃvāsakabhūmiyo hi mahesinā kāruṇikena vuttāti yojanā.
899. д̣̇увиннанд̇и баариваасигамаанад̇д̇ажаарийнам̣ д̣̇виннам̣ буг̇г̇алаанам̣. д̣̇ваяаад̇ийд̇знаад̇и гаамасукаллигаануяог̇аад̇д̇агиламат̇аануяог̇асан̇каад̇ам̣ анд̇ад̣̇ваяам̣ ад̇иггамма маж̇жхимааяа бадибад̣̇ааяа тид̇зна. ат̇а ваа сассад̇ужчзд̣̇ад̣̇ваяам̣ ад̇игганд̇зна.
899.Duvinnanti pārivāsikamānattacārīnaṃ dvinnaṃ puggalānaṃ. Dvayātītenāti kāmasukhallikānuyogaattakilamathānuyogasaṅkhātaṃ antadvayaṃ atikkamma majjhimāya paṭipadāya ṭhitena. Atha vā sassatucchedadvayaṃ atikkantena.
900. ‘‘д̣̇ван̇г̇улабаб̣б̣абарамам̣ аад̣̇аад̇аб̣б̣а’’нд̇и жа д̇ат̇зва ‘‘д̣̇ван̇г̇улам̣ ваа д̣̇умаасам̣ ваа’’д̇и жа д̣̇ван̇г̇улаа д̣̇увз бан̃н̃ад̇д̇аад̇и яож̇анаа.
900. ‘‘Dvaṅgulapabbaparamaṃ ādātabba’’nti ca tatheva ‘‘dvaṅgulaṃ vā dumāsaṃ vā’’ti ca dvaṅgulā duve paññattāti yojanā.
905. аан̣ад̇д̇ияаа мануссамааран̣ам̣, аан̣ад̇д̇ияаа ад̣̇иннаад̣̇аанамбийд̇и яож̇анаа.
905. Āṇattiyā manussamāraṇaṃ, āṇattiyā adinnādānampīti yojanā.
907. д̇иссо обхаасанааяимаад̇и имаа д̇иссо мзт̇унаад̇хиббааяаббагаасанаа.
907.Tisso obhāsanāyimāti imā tisso methunādhippāyappakāsanā.
908. сан̇гхаад̣̇исзсо зва сан̇гхаад̣̇исзсад̇аа.
908. Saṅghādiseso eva saṅghādisesatā.
910. ванаббад̇и наама бубпам̣ винаа паланд̇ий ниг̇род̇хауд̣̇умб̣араассад̇т̇абилагкагаад̣̇иругкаж̇аад̇и, ид̇ха бана ванаж̇здто рагкид̇аг̇обид̇ажзд̇ияаругко ванаббад̇ийд̇и ад̇хиббааяо. т̇уллад̇аад̇и т̇уллажжаяам̣.
910.Vanappati nāma pupphaṃ vinā phalantī nigrodhaudumbaraassatthapilakkhakādirukkhajāti, idha pana vanajeṭṭho rakkhitagopitacetiyarukkho vanappatīti adhippāyo. Thullatāti thullaccayaṃ.
912. виссадтийд̇и виссаж̇ж̇и самбхавад̇хаад̇у. чад̣д̣анзд̇и убаггамид̇ваа можанз. ‘‘харид̇з ужжаарам̣ бассаавам̣ чад̣д̣анз’’д̇и бад̣̇ажчзд̣̇о.
912.Vissaṭṭhīti vissajji sambhavadhātu. Chaḍḍaneti upakkamitvā mocane. ‘‘Harite uccāraṃ passāvaṃ chaḍḍane’’ti padacchedo.
913. гим̣ бамаан̣амзд̇аасанд̇и гид̇д̇агаа.
913. Kiṃ pamāṇametāsanti kittakā.
915. бхигку бхигкунияаа сад̣̇д̇хинд̇и зд̇т̇а бхигкууд̇и саамиважанаббасан̇г̇з бажжад̇д̇ам̣, бхигкунод̇и ад̇т̇о. г̇аат̇ааб̣анд̇хавасзна ваа ван̣н̣алобо.
915.Bhikkhubhikkhuniyā saddhinti ettha bhikkhūti sāmivacanappasaṅge paccattaṃ, bhikkhunoti attho. Gāthābandhavasena vā vaṇṇalopo.
918. д̣̇уд̇ияааяа хад̇т̇абаасагам̣.
918. Dutiyāya hatthapāsakaṃ.
922. ‘‘яаавад̇ад̇ияагз д̇иссо аабад̇д̇ияо’’д̇и (бари. адта. 476 ад̇т̇ад̇о самаанам̣) бад̣̇асса нид̣̇д̣̇зсз ‘‘т̇уллажжаяам̣ сияаа сан̇гха-бхзд̣̇агассаанувад̇д̇ино’’д̇и батанд̇и. ‘‘д̇ин̣н̣ам̣ сан̇гхабхзд̣̇аанувад̇д̇аагаанам̣ гогаалигаад̣̇ийнам̣ сан̇гхаад̣̇исзсо’’д̇и адтагат̇ааяам̣ вуд̇д̇ад̇д̇аа д̇ат̇аа баато на г̇ахзд̇аб̣б̣о.
922. ‘‘Yāvatatiyake tisso āpattiyo’’ti (pari. aṭṭha. 476 atthato samānaṃ) padassa niddese ‘‘thullaccayaṃ siyā saṅgha-bhedakassānuvattino’’ti paṭhanti. ‘‘Tiṇṇaṃ saṅghabhedānuvattākānaṃ kokālikādīnaṃ saṅghādiseso’’ti aṭṭhakathāyaṃ vuttattā tathā pāṭho na gahetabbo.
923. яаавад̇ад̇ияагзд̇и д̇ин̣н̣ам̣ бууран̣ий д̇ад̇ияаа, гаммаваажаа, яаавад̇ад̇ияааяа гаммаваажааяа барияосаанз аабаж̇ж̇ид̇аб̣б̣аа аабад̇д̇и яаавад̇ад̇ияагаа наама.
923.Yāvatatiyaketi tiṇṇaṃ pūraṇī tatiyā, kammavācā, yāvatatiyāya kammavācāya pariyosāne āpajjitabbā āpatti yāvatatiyakā nāma.
926. ‘‘авассуд̇асса…бз… гин̃жий’’д̇и ид̣̇ам̣ г̇аругаабад̇д̇ияаа вад̇т̇уд̣̇ассанам̣. ‘‘саб̣б̣ам̣ мам̣сам̣ агаббияа’’нд̇и ид̣̇ам̣ т̇уллажжаяад̣̇уггадаанам̣ вад̇т̇уд̣̇ассанам̣.
926.‘‘Avassutassa…pe… kiñcī’’ti idaṃ garukāpattiyā vatthudassanaṃ. ‘‘Sabbaṃ maṃsaṃ akappiya’’nti idaṃ thullaccayadukkaṭānaṃ vatthudassanaṃ.
927. ‘‘вин̃н̃аабзд̇ваана…бз… бхож̇анамби жаа’’д̇и ид̣̇ам̣ баадид̣̇зсанийяавад̇т̇уд̣̇ассанам̣. ‘‘ласун̣амби жаа’’д̇и ид̣̇ам̣ баажид̇д̇ияавад̇т̇уд̣̇ассанам̣. ‘‘згад̇о аж̇жхохаранд̇ияаа’’д̇и бад̣̇ажчзд̣̇о.
927.‘‘Viññāpetvāna…pe… bhojanampi cā’’ti idaṃ pāṭidesanīyavatthudassanaṃ. ‘‘Lasuṇampi cā’’ti idaṃ pācittiyavatthudassanaṃ. ‘‘Ekato ajjhoharantiyā’’ti padacchedo.
930. рад̇д̇ажид̇д̇зна ид̇т̇ияаа ан̇г̇аж̇аад̇ам̣ ологзнд̇асса д̣̇уггадам̣ вуд̇д̇анд̇и яож̇анаа.
930. Rattacittena itthiyā aṅgajātaṃ olokentassa dukkaṭaṃ vuttanti yojanā.
931. саммаавад̇д̇анаава саммаавад̇д̇анагаа. д̇зжад̇д̇аалийса вад̇д̇анаа д̣̇ваасийд̇игканд̇хагавад̇д̇аанам̣ барибууран̣адтаанз д̣̇ассид̇аа.
931. Sammāvattanāva sammāvattanakā. Tecattālīsa vattanā dvāsītikkhandhakavattānaṃ paripūraṇaṭṭhāne dassitā.
932. ад̣̇ассанаабадигаммз аабаннаабад̇д̇ияаа д̣̇увз буг̇г̇алаа, баабигааяа д̣̇идтияаа аббадиниссаг̇г̇з аабаннаабад̇д̇ияаа згод̇и имз д̇аяо угкид̇д̇абуг̇г̇алаа.
932. Adassanaapaṭikamme āpannāpattiyā duve puggalā, pāpikāya diṭṭhiyā appaṭinissagge āpannāpattiyā ekoti ime tayo ukkhittapuggalā.
934. д̣̇уусагод̇и бхигкунид̣̇уусаго. ган̣дагод̇и ган̣дагасааман̣зро.
934.Dūsakoti bhikkhunidūsako. Kaṇṭakoti kaṇṭakasāmaṇero.
937. д̣̇ад̣̇зяяажжзвамаад̣̇игаад̇и н̃ад̇д̇игаалз ‘‘сан̇гхо д̣̇ад̣̇зяяаа’’д̇иаад̣̇ибхзд̣̇аа н̃ад̇д̇игаббанаа, н̃ад̇д̇игирияаад̇и ад̇т̇о. д̣̇зд̇и сан̇гхо гарод̇ийд̇иаад̣̇ийд̇и гаммаваажаагаалз ‘‘сан̇гхо д̣̇зд̇ий’’д̇и ваа ‘‘гарод̇ий’’д̇и ваа аад̣̇ибхзд̣̇аа важанагаммасса анидтид̇ад̇д̇аа виббагад̇абажжуббаннам̣ наама сияаа.
937.Dadeyyaccevamādikāti ñattikāle ‘‘saṅgho dadeyyā’’tiādibhedā ñattikappanā, ñattikiriyāti attho. Deti saṅgho karotītiādīti kammavācākāle ‘‘saṅgho detī’’ti vā ‘‘karotī’’ti vā ādibhedā vacanakammassa aniṭṭhitattā vippakatapaccuppannaṃ nāma siyā.
938. д̣̇иннам̣ гад̇ам̣ банижжаад̣̇ийд̇и гаммаваажааяа нидтид̇ааяа ‘‘д̣̇иннам̣ сан̇гхзнаа’’д̇и ваа ‘‘гад̇ам̣ сан̇гхзнаа’’д̇и ваад̇иаад̣̇иважанам̣ ад̇ийд̇агаран̣ам̣ наама сияаа.
938.Dinnaṃ kataṃ paniccādīti kammavācāya niṭṭhitāya ‘‘dinnaṃ saṅghenā’’ti vā ‘‘kataṃ saṅghenā’’ti vātiādivacanaṃ atītakaraṇaṃ nāma siyā.
939. сан̇гхзд̇и сан̇гхамаж̇жхз.
939.Saṅgheti saṅghamajjhe.
‘‘гааран̣зхи бана д̣̇вийхи, сан̇гхо бхиж̇ж̇ад̇и нан̃н̃ат̇аа’’д̇и гасмаа вуд̇д̇ам̣, нану ‘‘бан̃жахубаали, аагаарзхи сан̇гхо бхиж̇ж̇ад̇и. гад̇амзхи бан̃жахи? гаммзна, уд̣̇д̣̇зсзна, вохаранд̇о, ануссааванзна, салаагаг̇г̇аахзнаа’’д̇и (бари. 458) вуд̇д̇ад̇д̇аа, адтагат̇ааяан̃жа (бари. адта. 458) ‘‘бан̃жахи гааран̣зхий’’д̇и важанад̇о жа ид̇ха имзхи д̣̇вийхзва гааран̣зхи сан̇гхабхзд̣̇агат̇анам̣ аяуд̇д̇анд̇и? вужжад̇з – нааяуд̇д̇ам̣ буб̣б̣абаяог̇агаарагавасзна вуд̇д̇ад̇д̇аа. д̇ат̇аа хи адтагат̇ааяам̣ –
‘‘Kāraṇehi pana dvīhi, saṅgho bhijjati naññathā’’ti kasmā vuttaṃ, nanu ‘‘pañcahupāli, ākārehi saṅgho bhijjati. Katamehi pañcahi? Kammena, uddesena, voharanto, anussāvanena, salākaggāhenā’’ti (pari. 458) vuttattā, aṭṭhakathāyañca (pari. aṭṭha. 458) ‘‘pañcahi kāraṇehī’’ti vacanato ca idha imehi dvīheva kāraṇehi saṅghabhedakathanaṃ ayuttanti? Vuccate – nāyuttaṃ pubbapayogakārakavasena vuttattā. Tathā hi aṭṭhakathāyaṃ –
‘‘гаммзнаад̇и абалоганаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и гат̇аяанд̇о, д̇аахи д̇аахи убабад̇д̇ийхи ‘ад̇хаммам̣ д̇хаммо’д̇иаад̣̇ийни адтаараса бхзд̣̇агаравад̇т̇ууни д̣̇ийбзнд̇о. ануссааванзнаад̇и ‘нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣, б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇усаасанам̣ гарзяяаад̇и жид̇д̇з уббаад̣̇зд̇ум̣ д̇умхаагам̣ яуд̇д̇ам̣, гим̣ маяхам̣ авийжи нийлуббалаванамива сийд̇ало, гимахам̣ абааяад̇о на бхааяаамий’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммз гад̇ваа ‘г̇ан̣хат̇а имам̣ салаага’нд̇и салаагаг̇г̇аахзна.
‘‘Kammenāti apalokanādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Voharantoti kathayanto, tāhi tāhi upapattīhi ‘adhammaṃ dhammo’tiādīni aṭṭhārasa bhedakaravatthūni dīpento. Anussāvanenāti ‘nanu tumhe jānātha mayhaṃ uccākulā pabbajitabhāvaṃ, bahussutabhāvañca, mādiso nāma uddhammaṃ ubbinayaṃ satthusāsanaṃ kareyyāti citte uppādetuṃ tumhākaṃ yuttaṃ, kiṃ mayhaṃ avīci nīluppalavanamiva sītalo, kimahaṃ apāyato na bhāyāmī’tiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anivattidhamme katvā ‘gaṇhatha imaṃ salāka’nti salākaggāhena.
‘‘зд̇т̇а жа гаммамзва, уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасзна хи вохаранд̇з д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇ахид̇ааяаби абхиннова ход̇и сан̇гхо. яад̣̇аа бана звам̣ жад̇д̇ааро ваа ад̇ирзгз ваа салаагам̣ г̇аахзд̇ваа аавзн̣игам̣ гаммам̣ ваа уд̣̇д̣̇зсам̣ ваа гарод̇и, д̇ад̣̇аа сан̇гхо бхинно наама ход̇ий’’д̇и (бари. адта. 458) –
‘‘Ettha ca kammameva, uddeso vā pamāṇaṃ, vohārānussāvanasalākaggāhā pana pubbabhāgā. Aṭṭhārasavatthudīpanavasena hi voharante tattha rucijananatthaṃ anussāvetvā salākāya gahitāyapi abhinnova hoti saṅgho. Yadā pana evaṃ cattāro vā atireke vā salākaṃ gāhetvā āveṇikaṃ kammaṃ vā uddesaṃ vā karoti, tadā saṅgho bhinno nāma hotī’’ti (pari. aṭṭha. 458) –
вуд̇д̇ад̇д̇аа салаагаг̇г̇аахагаммаани д̣̇вз бад̇хаанагааран̣аанийд̇и ид̇ха д̇аанзва д̣̇ассид̇аани.
Vuttattā salākaggāhakammāni dve padhānakāraṇānīti idha tāneva dassitāni.
нану жа салаагаг̇г̇аахоби сан̇гхабхзд̣̇асса буб̣б̣абхааг̇о вуд̇д̇о, уд̣̇д̣̇зсагаммаанзва бад̇хаанабхаавзна вуд̇д̇аани, д̇асмаа гат̇амасса салаагаг̇г̇аахасса бад̇хаанагааран̣абхаавод̇и? вужжад̇з – уд̣̇д̣̇зсагаммааниби салаагаг̇г̇аахз сид̣̇д̇хз авассамбхаванад̇о ад̇т̇асаад̇ханабаяог̇зна винаа асид̣̇д̇хаанзва хонд̇ийд̇и со бад̇хаанабхаавзна ид̇ха г̇ахид̇о, уд̣̇д̣̇зсо бана бан̃н̃ад̇д̇агаммабуб̣б̣ан̇г̇амад̇д̇аа гаммзнзва сан̇г̇ахид̇од̇и ид̇ха висум̣ на вуд̇д̇од̇и д̣̇адтаб̣б̣ам̣.
Nanu ca salākaggāhopi saṅghabhedassa pubbabhāgo vutto, uddesakammāneva padhānabhāvena vuttāni, tasmā kathamassa salākaggāhassa padhānakāraṇabhāvoti? Vuccate – uddesakammānipi salākaggāhe siddhe avassambhavanato atthasādhanapayogena vinā asiddhāneva hontīti so padhānabhāvena idha gahito, uddeso pana paññattakammapubbaṅgamattā kammeneva saṅgahitoti idha visuṃ na vuttoti daṭṭhabbaṃ.
941. баяуд̇д̇ааяуд̇д̇аваажааяаад̇и бажжаяуббаад̣̇анад̇т̇ааяа баяуд̇д̇аа жа саа сагяабуд̇д̇ияабхаавасса аяуд̇д̇аа анануруубаа жаад̇и баяуд̇д̇ааяуд̇д̇аа, сааязва ваажаад̇и баяуд̇д̇ааяуд̇д̇аваажаа, д̇ааяа.
941.Payuttāyuttavācāyāti paccayuppādanatthāya payuttā ca sā sakyaputtiyabhāvassa ayuttā ananurūpā cāti payuttāyuttā, sāyeva vācāti payuttāyuttavācā, tāya.
944. яаа бхигкуний вин̃н̃аабзд̇ваа бхун̃ж̇ад̇и, д̇ассаа жа баадид̣̇зсанийяам̣ сияаад̇и яож̇анаа.
944. Yā bhikkhunī viññāpetvā bhuñjati, tassā ca pāṭidesanīyaṃ siyāti yojanā.
945. анаамаяод̇и аг̇илаано.
945.Anāmayoti agilāno.
946. ‘‘д̣̇асасад̇ааний’’д̇иаад̣̇иг̇аат̇ааяа рад̇д̇ийнанд̇и зд̇т̇а ‘‘сад̇а’’нд̇и сзсо. чаад̣̇анагирияааяа ажжанд̇асам̣яог̇з убаяог̇аважанам̣. д̣̇асасад̇аани аабад̇д̇ияо рад̇д̇ийнам̣ сад̇ам̣ чаад̣̇зд̇ваад̇и яож̇анаа. звам̣ гад̇д̇аб̣б̣аяож̇анааяам̣ –
946.‘‘Dasasatānī’’tiādigāthāya rattīnanti ettha ‘‘sata’’nti seso. Chādanakiriyāya accantasaṃyoge upayogavacanaṃ. Dasasatāni āpattiyo rattīnaṃ sataṃ chādetvāti yojanā. Evaṃ kattabbayojanāyaṃ –
‘‘д̣̇аса сад̇ам̣ рад̇д̇исад̇ам̣, аабад̇д̇ияо чаад̣̇аяид̇ваана;
‘‘Dasa sataṃ rattisataṃ, āpattiyo chādayitvāna;
д̣̇аса рад̇д̇ияо васид̇ваана, мужжзяяа баариваасиго’’д̇и. (бари. 477) –
Dasa rattiyo vasitvāna, mucceyya pārivāsiko’’ti. (pari. 477) –
аяам̣ бариваараг̇аат̇аабамаан̣ам̣. згад̣̇ивасам̣ сад̇ам̣сан̇гхаад̣̇исзсаабад̇д̇ияо аабаж̇ж̇ид̇ваа д̣̇асад̣̇ивасз чаад̣̇анавасзна сад̇ам̣д̣̇ивасз сахассасан̇гхаад̣̇исзсаабад̇д̇ияо чаад̣̇аяид̇ваад̇и ад̇т̇о. аяамзд̇т̇а сан̇кзбад̇т̇о – яо д̣̇асад̣̇ивасз сад̇ам̣ сан̇гхаад̣̇исзсаа аабад̇д̇ияо аабаж̇ж̇ид̇ваа д̣̇асад̣̇ивасз бадижчаад̣̇зд̇и, д̇зна рад̇д̇исад̇ам̣ аабад̇д̇исахассам̣ бадижчаад̣̇ид̇ам̣ ход̇ийд̇и. д̣̇аса рад̇д̇ияо васид̇ваанаад̇и ‘‘саб̣б̣аава д̇аа аабад̇д̇ияо д̣̇асаахабадижчаннаа’’д̇и бариваасам̣ яаажид̇ваа д̣̇аса рад̇д̇ияо васид̇ваад̇и ад̇т̇о. мужжзяяа баариваасигод̇и бариваасам̣ васанд̇о бхигку ад̇д̇анаа васид̇аб̣б̣абариваасад̇о мужжзяяа, муд̇д̇о бхавзяяаад̇и ад̇т̇о.
Ayaṃ parivāragāthāpamāṇaṃ. Ekadivasaṃ sataṃsaṅghādisesāpattiyo āpajjitvā dasadivase chādanavasena sataṃdivase sahassasaṅghādisesāpattiyo chādayitvāti attho. Ayamettha saṅkhepattho – yo dasadivase sataṃ saṅghādisesā āpattiyo āpajjitvā dasadivase paṭicchādeti, tena rattisataṃ āpattisahassaṃ paṭicchāditaṃ hotīti. Dasa rattiyo vasitvānāti ‘‘sabbāva tā āpattiyo dasāhapaṭicchannā’’ti parivāsaṃ yācitvā dasa rattiyo vasitvāti attho. Mucceyya pārivāsikoti parivāsaṃ vasanto bhikkhu attanā vasitabbaparivāsato mucceyya, mutto bhaveyyāti attho.
947. баарааж̇игаани адтзваад̇и аг̇г̇ахид̇аг̇г̇ахан̣зна. д̇звийса г̇аругаад̇и бхигкуухи асаад̇хааран̣аа бхигкунийнам̣ д̣̇аса, бхигкунийхи асаад̇хааран̣аа бхигкуунам̣ ча, убхиннам̣ саад̇хааран̣аа сад̇д̇аад̇и звам̣ д̇звийса сан̇гхаад̣̇исзсаа.
947.Pārājikāni aṭṭhevāti aggahitaggahaṇena. Tevīsa garukāti bhikkhūhi asādhāraṇā bhikkhunīnaṃ dasa, bhikkhunīhi asādhāraṇā bhikkhūnaṃ cha, ubhinnaṃ sādhāraṇā sattāti evaṃ tevīsa saṅghādisesā.
948. вуд̇д̇аанийд̇и яат̇аавуд̇д̇аани ниссаг̇г̇ияаани. д̣̇взжад̇д̇аалийса хонд̇ийд̇и бхигкувибхан̇г̇ааг̇ад̇аа д̇им̣са, бхигкуухи асаад̇хааран̣аа бхигкунийнам̣ аад̣̇ид̇о д̣̇ваад̣̇аса жаад̇и д̣̇ваажад̇д̇аалийса ниссаг̇г̇ияаани хонд̇и. адтаасийд̇исад̇ам̣ баажид̇д̇ияаа буб̣б̣з д̣̇ассид̇аава.
948.Vuttānīti yathāvuttāni nissaggiyāni. Dvecattālīsa hontīti bhikkhuvibhaṅgāgatā tiṃsa, bhikkhūhi asādhāraṇā bhikkhunīnaṃ ādito dvādasa cāti dvācattālīsa nissaggiyāni honti. Aṭṭhāsītisataṃ pācittiyā pubbe dassitāva.
949. сусигкзнаад̇и судту сигкид̇аад̇хисийлаад̣̇ид̇ивид̇хасигкзна бхаг̇авад̇аа.
949.Susikkhenāti suṭṭhu sikkhitaadhisīlāditividhasikkhena bhagavatā.
950. субан̃н̃знаад̇и собхан̣аа д̣̇асаб̣алажад̇увзсаараж̇ж̇ачаасаад̇хааран̣аад̣̇аяо бан̃н̃аа яасса со субан̃н̃о, д̇зна. яасассинаад̇и адтаарияабуг̇г̇аласамуухасан̇каад̇абариваараяасаа жа саб̣б̣алогаб̣яаабагаг̇ун̣агхосасан̇каад̇агид̇д̇ияасаа жа д̇зна саманнааг̇ад̇ад̇д̇аа яасассинаа. ад̣дхуд̣дхаани сад̇аани бхаванд̇ийд̇и яат̇аад̣̇ассид̇аг̇ан̣анааяа бин̣д̣авасзна бан̃н̃аасаад̇хигаани д̇ийн̣и сад̇аани бхаванд̇ийд̇и ад̇т̇о. субан̃н̃зна яасассинаа г̇од̇амзна бан̃н̃ад̇д̇аани саб̣б̣аани сигкаабад̣̇аани ад̣дхуд̣дхаани сад̇аани бхаванд̇ийд̇и яож̇анаа.
950.Supaññenāti sobhaṇā dasabalacatuvesārajjachaasādhāraṇādayo paññā yassa so supañño, tena. Yasassināti aṭṭhaariyapuggalasamūhasaṅkhātaparivārayasā ca sabbalokabyāpakaguṇaghosasaṅkhātakittiyasā ca tena samannāgatattā yasassinā. Aḍḍhuḍḍhāni satāni bhavantīti yathādassitagaṇanāya piṇḍavasena paññāsādhikāni tīṇi satāni bhavantīti attho. Supaññena yasassinā gotamena paññattāni sabbāni sikkhāpadāni aḍḍhuḍḍhāni satāni bhavantīti yojanā.
951. зд̇зсу сигкаабад̣̇зсу яо саарабхууд̇о винижчаяо вад̇д̇аб̣б̣о, со сагало маяаа самаасзна саб̣б̣ат̇аа саб̣б̣аагаарзна вуд̇д̇од̇и яож̇анаа.
951.Etesu sikkhāpadesu yo sārabhūto vinicchayo vattabbo, so sakalo mayā samāsena sabbathā sabbākārena vuttoti yojanā.
952. ид̣̇ам̣ уд̇д̇арам̣ наама багаран̣ам̣.
952.Idaṃ uttaraṃ nāma pakaraṇaṃ.
953. д̇асмаад̇и маяаа вижаарзд̇ваа вуд̇д̇ад̇д̇аава. ад̇т̇зд̇и важанад̇т̇абхаавад̇т̇аад̣̇ибхзд̣̇з ад̇т̇з ваа. агкараб̣анд̇хз ваад̇и агкарасан̇каад̇абад̣̇аб̣анд̇хз ваа. вин̃н̃аасасса гамзби ваад̇и уд̣̇д̣̇зсавасзна г̇ант̇анигкзбасса гамзби. ган̇каа на гаад̇аб̣б̣аад̇и ‘‘яат̇ааад̇хиббзд̇асса ид̣̇ам̣ ваажагам̣ ну ко, аваажага’’нд̇и ваа ‘‘ид̣̇амаяуд̇д̇ам̣ ну ко, яуд̇д̇а’’нд̇и ваа ‘‘ид̣̇амад̇хигам̣ ну ко, ууна’’нд̇и ваа ‘‘ид̣̇амагхаддид̇аггамам̣ ну ко, гхаддид̇аггама’’нд̇и ваа ‘‘ид̣̇ам̣ вируд̣̇д̇хасамаяам̣ ну ко, авируд̣̇д̇хасамаяа’’нд̇и ваа ‘‘ид̣̇ам̣ д̣̇уруд̇д̇ам̣ ну ко, сувуд̇д̇а’’нд̇и ваа ‘‘ид̣̇ам̣ сад̇т̇агам̣ ну ко, нирад̇т̇ага’’нд̇и ваа ган̇каа вимад̇и язна гзнажи на гаад̇аб̣б̣аа. б̣ахумаанад̇аад̇и ‘‘винаяо сам̣варад̇т̇ааяаа’’д̇иаад̣̇инаа (бари. 366) нид̣̇д̣̇идтабаяож̇анабарамбарааяа муулагааран̣ад̇д̇аа махад̇ий саммаанаа гаад̇аб̣б̣аад̇и ад̇т̇о.
953.Tasmāti mayā vicāretvā vuttattāva. Attheti vacanatthabhāvatthādibhede atthe vā. Akkharabandhevāti akkharasaṅkhātapadabandhe vā. Viññāsassa kamepi vāti uddesavasena ganthanikkhepassa kamepi. Kaṅkhā na kātabbāti ‘‘yathāadhippetassa idaṃ vācakaṃ nu kho, avācaka’’nti vā ‘‘idamayuttaṃ nu kho, yutta’’nti vā ‘‘idamadhikaṃ nu kho, ūna’’nti vā ‘‘idamaghaṭṭitakkamaṃ nu kho, ghaṭṭitakkama’’nti vā ‘‘idaṃ viruddhasamayaṃ nu kho, aviruddhasamaya’’nti vā ‘‘idaṃ duruttaṃ nu kho, suvutta’’nti vā ‘‘idaṃ satthakaṃ nu kho, niratthaka’’nti vā kaṅkhā vimati yena kenaci na kātabbā. Bahumānatāti ‘‘vinayo saṃvaratthāyā’’tiādinā (pari. 366) niddiṭṭhapayojanaparamparāya mūlakāraṇattā mahatī sammānā kātabbāti attho.
954. яо бхигку сауд̇д̇арам̣ уд̇д̇арабагаран̣зна сахид̇ам̣ винаяассавинижчаяам̣ наама багаран̣ам̣ ж̇аанаад̇и д̇хаммад̇о жзва ад̇т̇ад̇о жа винижчаяад̇о жа саб̣б̣ат̇аа аваб̣уж̇жхад̇и, со бхигку ад̇д̇анаа сигкид̇аб̣б̣ааяа сигкааяа саб̣б̣асо вин̃н̃аад̇ад̇д̇аа сигкаабагзна аажариязна винааби сигкид̇ум̣ самад̇т̇од̇и. ниссаяам̣ вимун̃жид̇ваад̇и аажарияубаж̇жхааяз ниссааяа ваасам̣ мун̃жид̇ваа. яат̇аагааман̇г̇ад̇о сияаад̇и яаад̣̇исаа яаад̣̇исаа ад̇д̇анаа г̇аамид̇аа, д̇ад̇т̇а д̇ад̇т̇а г̇аманаарахо бхавзяяаад̇и ад̇т̇о.
954.Yo bhikkhu sauttaraṃ uttarapakaraṇena sahitaṃ vinayassavinicchayaṃ nāma pakaraṇaṃ jānāti dhammato ceva atthato ca vinicchayato ca sabbathā avabujjhati, so bhikkhu attanā sikkhitabbāya sikkhāya sabbaso viññātattā sikkhāpakena ācariyena vināpi sikkhituṃ samatthoti. Nissayaṃ vimuñcitvāti ācariyupajjhāye nissāya vāsaṃ muñcitvā. Yathākāmaṅgato siyāti yādisā yādisā attanā gāmitā, tattha tattha gamanāraho bhaveyyāti attho.
955. ниссаяам̣ д̣̇аад̇угаамзна. саха вибхан̇г̇зна савибхан̇г̇ам̣. саха маад̇игааяа самаад̇игам̣. ид̣̇ам̣ сауд̇д̇арам̣ винаяавинижчаяабагаран̣ам̣ судту ваажуг̇г̇ад̇ам̣ гад̇ваа г̇ант̇ад̇о судту баг̇ун̣ам̣ ваажуг̇г̇ад̇ам̣ гад̇ваа ад̇т̇ад̇о, винижчаяад̇о жа саммаа ж̇аанид̇ваа звам̣ д̣̇аад̇аб̣б̣анд̇и яож̇анаа.
955. Nissayaṃ dātukāmena. Saha vibhaṅgena savibhaṅgaṃ. Saha mātikāya samātikaṃ. Idaṃ sauttaraṃ vinayavinicchayapakaraṇaṃ suṭṭhu vācuggataṃ katvā ganthato suṭṭhu paguṇaṃ vācuggataṃ katvā atthato, vinicchayato ca sammā jānitvā evaṃ dātabbanti yojanā.
956-7. яо бхигку имам̣ сауд̇д̇арам̣ винаяавинижчаяабагаран̣ам̣ ваажааяа батад̇и, манасаа жинд̇зд̇и, ан̃н̃зхи вужжамаанам̣ сун̣аад̇и, ад̇т̇ам̣ барибужчад̇и, барам̣ ваажзд̇и, нижжам̣ ад̇т̇ам̣ убабаригкад̇и яат̇аабарибужчид̇амад̇т̇ам̣ хзд̇ууд̣̇аахаран̣абавад̇д̇ивасзна убаг̇анд̇ваа саманд̇ад̇о игкад̇и бан̃н̃ааяа нияамзд̇и вавад̇т̇абзд̇и, д̇асса бана бхигкусса винаяаниссид̇аа саб̣б̣зва ад̇т̇аа аабад̇д̇аанаабад̇д̇игаббияаагаббияаад̣̇ибабхзд̣̇аа саб̣б̣з ад̇т̇аа хад̇т̇з аамалагам̣ вияа гарад̇алз амаламан̣ирад̇анам̣ вияа убадтаханд̇и баагадаа бхаванд̇ийд̇и яож̇анаа. над̇т̇и зд̇асса маланд̇и амалам̣, амаламзва аамалаганд̇и ман̣ирад̇анам̣ вужжад̇и.
956-7.Yo bhikkhu imaṃ sauttaraṃ vinayavinicchayapakaraṇaṃ vācāya paṭhati, manasā cinteti, aññehi vuccamānaṃ suṇāti, atthaṃ paripucchati, paraṃ vāceti, niccaṃ atthaṃ upaparikkhati yathāparipucchitamatthaṃ hetuudāharaṇapavattivasena upagantvā samantato ikkhati paññāya niyameti vavatthapeti, tassa pana bhikkhussa vinayanissitā sabbeva atthā āpattānāpattikappiyākappiyādipabhedā sabbe atthā hatthe āmalakaṃ viya karatale amalamaṇiratanaṃ viya upaṭṭhahanti pākaṭā bhavantīti yojanā. Natthi etassa malanti amalaṃ, amalameva āmalakanti maṇiratanaṃ vuccati.
958. над̇т̇и зд̇зсам̣ б̣уд̣̇д̇хийд̇и аб̣уд̣̇д̇хий, аб̣уд̣̇д̇хий жа д̇з ж̇анаа жаад̇и аб̣уд̣̇д̇хиж̇анаа, аб̣уд̣̇д̇хиж̇анаанам̣ саарам̣ авасаарам̣ осийд̣̇анам̣ д̣̇ад̣̇аад̇и аад̣̇ад̣̇аад̇и гарод̇ийд̇и аб̣уд̣̇д̇хиж̇анасаарад̣̇ам̣, б̣уд̣̇д̇хивирахид̇аанам̣ аг̇аад̇хам̣ г̇амбхийрам̣. д̇зхи алад̣̇д̇хабад̇идтам̣ амад̇асааг̇арам̣ сад̣̇д̣̇ад̇т̇арасаамад̇асса, ниб̣б̣аанаамад̇асса ваа бадилаабхагааран̣ад̇д̇аа сааг̇арасад̣̇исам̣ барамам̣ уд̇д̇амам̣ имам̣ уд̇д̇арам̣ сааг̇арам̣ аасаннабажжагкам̣ уд̇д̇арабагаран̣асан̇каад̇ам̣ самуд̣̇д̣̇асааг̇арам̣ саарад̣̇о худ̇ваа уд̇д̇арам̣ уд̇д̇аранд̇о барияосаабзнд̇о наро бхигку хи яасмаа винаяабаараг̇о винаяабидагасса барияанд̇ам̣ г̇ад̇о худ̇ваа баараг̇о баарам̣ сам̣саарасса баарасан̇каад̇ам̣ ниб̣б̣аанам̣ г̇ажчанд̇о сияаа бхавзяяаад̇и яож̇анаа.
958. Natthi etesaṃ buddhīti abuddhī, abuddhī ca te janā cāti abuddhijanā, abuddhijanānaṃ sāraṃ avasāraṃ osīdanaṃ dadāti ādadāti karotīti abuddhijanasāradaṃ, buddhivirahitānaṃ agādhaṃ gambhīraṃ. Tehi aladdhapatiṭṭhaṃ amatasāgaraṃ saddattharasāmatassa, nibbānāmatassa vā paṭilābhakāraṇattā sāgarasadisaṃ paramaṃ uttamaṃ imaṃ uttaraṃ sāgaraṃ āsannapaccakkhaṃ uttarapakaraṇasaṅkhātaṃ samuddasāgaraṃ sārado hutvā uttaraṃ uttaranto pariyosāpento naro bhikkhu hi yasmā vinayapārago vinayapiṭakassa pariyantaṃ gato hutvā pārago pāraṃ saṃsārassa pārasaṅkhātaṃ nibbānaṃ gacchanto siyā bhaveyyāti yojanā.
959. ад̇од̇и д̇асмаад̣̇зва гааран̣аа авабуурад̇орад̇о баабабуурад̇о нираасан̇гад̇ааяа орад̇о нивад̇д̇о баабабхийруго наро д̇амам̣ вид̇хууяа баабабхийругад̇ааяа зва жид̇д̇абарияудтаанавасзна уббаж̇ж̇анагам̣ моханд̇хагаарам̣ д̇ад̣̇ан̇г̇абахаанавасзна вид̇хамзд̇ваа. саб̣б̣ан̇г̇ан̣агаммад̣̇ам̣ саб̣б̣зсам̣ рааг̇аад̣̇ийнам̣ ан̇г̇ан̣аанам̣ гаммам̣ д̇ад̣̇ан̇г̇аад̣̇ибахаанам̣ д̣̇ад̣̇аад̇и аавахад̇ийд̇и ‘‘саб̣б̣ан̇г̇ан̣агаммад̣̇а’’нд̇и лад̣̇д̇ханаамам̣ сукасса бад̣̇ам̣ логияалогуд̇д̇арасса сукасса гааран̣ам̣ г̇ун̣асам̣хид̇ам̣ сийлаад̣̇ийхи ад̇т̇абхууд̇зхи г̇ун̣зхи сам̣хид̇ам̣ яуд̇д̇ам̣ г̇ун̣аббагаасагам̣ хид̇ам̣ амад̇осад̇хам̣ вияа саб̣б̣ад̣̇осасаб̣б̣аб̣яаад̇хирахид̇ад̇ааяа аж̇арааамад̇аад̣̇иг̇ун̣аавахад̇д̇аа хид̇ам̣ имам̣ уд̇д̇арам̣ наама багаран̣ам̣ саггажжам̣ аад̣̇аро худ̇ваа нижжам̣ сад̇ад̇ам̣ сигкз ‘‘звам̣ барижаяанд̇ам̣ гаромий’’д̇и жинд̇зд̇ваа зганд̇зна яат̇аавуд̇д̇абаяож̇анасаад̇ханаяог̇г̇ам̣ гад̇ваа аж̇жхзнаад̣̇ивасзна сигкзяяа зва, на аж̇жхубзгкаго бхавзяяаад̇и яож̇анаа.
959.Atoti tasmādeva kāraṇā avapūratorato pāpapūrato nirāsaṅkatāya orato nivatto pāpabhīruko naro tamaṃ vidhūya pāpabhīrukatāya eva cittapariyuṭṭhānavasena uppajjanakaṃ mohandhakāraṃ tadaṅgapahānavasena vidhametvā. Sabbaṅgaṇakammadaṃ sabbesaṃ rāgādīnaṃ aṅgaṇānaṃ kammaṃ tadaṅgādipahānaṃ dadāti āvahatīti ‘‘sabbaṅgaṇakammada’’nti laddhanāmaṃ sukhassa padaṃ lokiyalokuttarassa sukhassa kāraṇaṃ guṇasaṃhitaṃ sīlādīhi atthabhūtehi guṇehi saṃhitaṃ yuttaṃ guṇappakāsakaṃ hitaṃ amatosadhaṃ viya sabbadosasabbabyādhirahitatāya ajarāamatādiguṇāvahattā hitaṃ imaṃ uttaraṃ nāma pakaraṇaṃ sakkaccaṃ ādaro hutvā niccaṃ satataṃ sikkhe ‘‘evaṃ paricayantaṃ karomī’’ti cintetvā ekantena yathāvuttapayojanasādhanayoggaṃ katvā ajjhenādivasena sikkheyya eva, na ajjhupekkhako bhaveyyāti yojanā.
960. бадубхаавагарз баад̇имогкасам̣варасийлабууран̣з, саасанабажжад̇т̇игаабхибхаванз жа бадубхаавам̣ чзгад̇д̇ам̣ взсаараж̇ж̇ам̣ гарод̇и ад̇д̇аанам̣ д̇хаарзнд̇аанам̣ лаж̇ж̇ибуг̇г̇алаананд̇и бадубхаавагарз барамз д̇ад̇оязва уд̇д̇амз бидагз винаяабидагз бадуд̇ам̣ баадавам̣ бан̃н̃аагосаллам̣ абхибад̇т̇аяанд̇зна бадунаа яад̇инаа ниммалаббавад̇д̇игзна бадунаа вид̇хинаа чзгзна саарзна вид̇хаанзна ид̣̇ам̣ сауд̇д̇арам̣ винаяавинижчаяабагаран̣ам̣ сад̇ад̇ам̣ ниранд̇арам̣ барияаабун̣ид̇аб̣б̣ам̣ уг̇г̇ахан̣ад̇хааран̣абарибужчаажинд̇анаад̣̇ивасзна сигкид̇аб̣б̣анд̇и яож̇анаа.
960.Paṭubhāvakare pātimokkhasaṃvarasīlapūraṇe, sāsanapaccatthikābhibhavane ca paṭubhāvaṃ chekattaṃ vesārajjaṃ karoti attānaṃ dhārentānaṃ lajjipuggalānanti paṭubhāvakare parame tatoyeva uttame piṭake vinayapiṭake paṭutaṃ pāṭavaṃ paññākosallaṃ abhipatthayantena paṭunā yatinā nimmalappavattikena paṭunā vidhinā chekena sārena vidhānena idaṃ sauttaraṃ vinayavinicchayapakaraṇaṃ satataṃ nirantaraṃ pariyāpuṇitabbaṃ uggahaṇadhāraṇaparipucchācintanādivasena sikkhitabbanti yojanā.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
саб̣б̣асан̇галананаяагат̇ааван̣н̣анаа нидтид̇аа.
Sabbasaṅkalananayakathāvaṇṇanā niṭṭhitā.
