| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. саб̣б̣асад̇д̇ахид̇апаран̣абан̃хо
2. Sabbasattahitapharaṇapañho
2. ‘‘бханд̇з нааг̇асзна, д̇умхз бхан̣ат̇а ‘д̇ат̇ааг̇ад̇о саб̣б̣асад̇д̇аанам̣ ахид̇амабанзд̇ваа хид̇амубад̣̇ахад̇ий’д̇и. буна жа бхан̣ат̇а аг̇г̇игканд̇хуубамз д̇хаммабарияааяз бхан̃н̃амаанз ‘садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ад̇а’нд̇и. аг̇г̇игканд̇хуубамам̣, бханд̇з, д̇хаммабарияааяам̣ д̣̇зсзнд̇зна д̇ат̇ааг̇ад̇зна садтимад̇д̇аанам̣ бхигкуунам̣ хид̇амабанзд̇ваа ахид̇амубад̣̇ахид̇ам̣. яад̣̇и, бханд̇з нааг̇асзна, д̇ат̇ааг̇ад̇о саб̣б̣асад̇д̇аанам̣ ахид̇амабанзд̇ваа хид̇амубад̣̇ахад̇и, д̇зна хи аг̇г̇игканд̇хуубамз д̇хаммабарияааяз бхан̃н̃амаанз садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ад̇анд̇и яам̣ важанам̣, д̇ам̣ мижчаа. яад̣̇и аг̇г̇игканд̇хуубамз д̇хаммабарияааяз бхан̃н̃амаанз садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ад̇ам̣, д̇зна хи д̇ат̇ааг̇ад̇о саб̣б̣асад̇д̇аанам̣ ахид̇амабанзд̇ваа хид̇амубад̣̇ахад̇ийд̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
2. ‘‘Bhante nāgasena, tumhe bhaṇatha ‘tathāgato sabbasattānaṃ ahitamapanetvā hitamupadahatī’ti. Puna ca bhaṇatha aggikkhandhūpame dhammapariyāye bhaññamāne ‘saṭṭhimattānaṃ bhikkhūnaṃ uṇhaṃ lohitaṃ mukhato uggata’nti. Aggikkhandhūpamaṃ, bhante, dhammapariyāyaṃ desentena tathāgatena saṭṭhimattānaṃ bhikkhūnaṃ hitamapanetvā ahitamupadahitaṃ. Yadi, bhante nāgasena, tathāgato sabbasattānaṃ ahitamapanetvā hitamupadahati, tena hi aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggatanti yaṃ vacanaṃ, taṃ micchā. Yadi aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tena hi tathāgato sabbasattānaṃ ahitamapanetvā hitamupadahatīti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘д̇ат̇ааг̇ад̇о , махаарааж̇а, саб̣б̣асад̇д̇аанам̣ ахид̇амабанзд̇ваа хид̇амубад̣̇ахад̇и, аг̇г̇игканд̇хуубамз д̇хаммабарияааяз бхан̃н̃амаанз садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ад̇ам̣, д̇ан̃жа бана на д̇ат̇ааг̇ад̇асса гад̇зна, д̇зсам̣ язва ад̇д̇ано гад̇знаа’’д̇и.
‘‘Tathāgato , mahārāja, sabbasattānaṃ ahitamapanetvā hitamupadahati, aggikkhandhūpame dhammapariyāye bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tañca pana na tathāgatassa katena, tesaṃ yeva attano katenā’’ti.
‘‘яад̣̇и, бханд̇з нааг̇асзна, д̇ат̇ааг̇ад̇о аг̇г̇игканд̇хуубамам̣ д̇хаммабарияааяам̣ на бхаасзяяа, аби ну д̇зсам̣ ун̣хам̣ лохид̇ам̣ мукад̇о уг̇г̇ажчзяяаад̇и, на хи, махаарааж̇а, мижчаабадибаннаанам̣ д̇зсам̣ бхаг̇авад̇о д̇хаммабарияааяам̣ суд̇ваа барил̣аахо гааяз уббаж̇ж̇и, д̇зна д̇зсам̣ барил̣аахзна ун̣хам̣ лохид̇ам̣ мукад̇о уг̇г̇ад̇а’’нд̇и. ‘‘д̇зна хи, бханд̇з нааг̇асзна, д̇ат̇ааг̇ад̇ассзва гад̇зна д̇зсам̣ ун̣хам̣ лохид̇ам̣ мукад̇о уг̇г̇ад̇ам̣, д̇ат̇ааг̇ад̇о язва д̇ад̇т̇а ад̇хигааро д̇зсам̣ наасанааяа, яат̇аа наама, бханд̇з нааг̇асзна, ахи ваммигам̣ бависзяяа, ат̇ан̃н̃ад̇аро бам̣сугаамо бурисо ваммигам̣ бхинд̣̇ид̇ваа бам̣сум̣ харзяяа, д̇асса бам̣сухаран̣зна ваммигасса сусирам̣ бид̣̇ахзяяа, ат̇а д̇ад̇т̇зва со ассаасам̣ алабхамаано марзяяа, нану со, бханд̇з, ахи д̇асса бурисасса гад̇зна маран̣аббад̇д̇о’’д̇и. ‘‘аама махаарааж̇аа’’д̇и. ‘‘звамзва ко, бханд̇з нааг̇асзна, д̇ат̇ааг̇ад̇о язва д̇ад̇т̇а ад̇хигааро д̇зсам̣ наасанааяаа’’д̇и.
‘‘Yadi, bhante nāgasena, tathāgato aggikkhandhūpamaṃ dhammapariyāyaṃ na bhāseyya, api nu tesaṃ uṇhaṃ lohitaṃ mukhato uggaccheyyāti, na hi, mahārāja, micchāpaṭipannānaṃ tesaṃ bhagavato dhammapariyāyaṃ sutvā pariḷāho kāye uppajji, tena tesaṃ pariḷāhena uṇhaṃ lohitaṃ mukhato uggata’’nti. ‘‘Tena hi, bhante nāgasena, tathāgatasseva katena tesaṃ uṇhaṃ lohitaṃ mukhato uggataṃ, tathāgato yeva tattha adhikāro tesaṃ nāsanāya, yathā nāma, bhante nāgasena, ahi vammikaṃ paviseyya, athaññataro paṃsukāmo puriso vammikaṃ bhinditvā paṃsuṃ hareyya, tassa paṃsuharaṇena vammikassa susiraṃ pidaheyya, atha tattheva so assāsaṃ alabhamāno mareyya, nanu so, bhante, ahi tassa purisassa katena maraṇappatto’’ti. ‘‘Āma mahārājā’’ti. ‘‘Evameva kho, bhante nāgasena, tathāgato yeva tattha adhikāro tesaṃ nāsanāyā’’ti.
‘‘д̇ат̇ааг̇ад̇о, махаарааж̇а, д̇хаммам̣ д̣̇зсаяамаано анунаяаббадигхам̣ на гарод̇и, анунаяаббадигхавиббамуд̇д̇о д̇хаммам̣ д̣̇зсзд̇и, звам̣ д̇хаммз д̣̇зсийяамаанз яз д̇ад̇т̇а саммаабадибаннаа, д̇з б̣уж̇жханд̇и. яз бана мижчаабадибаннаа, д̇з бад̇анд̇и. яат̇аа, махаарааж̇а, бурисасса амб̣ам̣ ваа ж̇амб̣ум̣ ваа мад̇хугам̣ ваа жаалаяамаанасса яаани д̇ад̇т̇а палаани саараани д̣̇ал̣хаб̣анд̇ханаани, д̇аани д̇ад̇т̇зва ажжуд̇аани д̇идтанд̇и, яаани д̇ад̇т̇а палаани бууд̇иван̣дамуулаани д̣̇уб̣б̣алаб̣анд̇ханаани, д̇аани бад̇анд̇и. звамзва ко, махаарааж̇а, д̇ат̇ааг̇ад̇о д̇хаммам̣ д̣̇зсаяамаано анунаяаббадигхам̣ на гарод̇и, анунаяаббадигхавиббамуд̇д̇о д̇хаммам̣ д̣̇зсзд̇и, звам̣ д̇хаммз д̣̇зсийяамаанз яз д̇ад̇т̇а саммаабадибаннаа, д̇з б̣уж̇жханд̇и. яз бана мижчаабадибаннаа, д̇з бад̇анд̇и.
‘‘Tathāgato, mahārāja, dhammaṃ desayamāno anunayappaṭighaṃ na karoti, anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te patanti. Yathā, mahārāja, purisassa ambaṃ vā jambuṃ vā madhukaṃ vā cālayamānassa yāni tattha phalāni sārāni daḷhabandhanāni, tāni tattheva accutāni tiṭṭhanti, yāni tattha phalāni pūtivaṇṭamūlāni dubbalabandhanāni, tāni patanti. Evameva kho, mahārāja, tathāgato dhammaṃ desayamāno anunayappaṭighaṃ na karoti, anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te patanti.
‘‘яат̇аа ваа бана, махаарааж̇а, гассаго д̇хан̃н̃ам̣ робзд̇угаамо кзд̇д̇ам̣ гасад̇и, д̇асса гасанд̇асса анзгасад̇асахассаани д̇ин̣аани маранд̇и. звамзва ко, махаарааж̇а, д̇ат̇ааг̇ад̇о барибаггамаанасз сад̇д̇з б̣од̇хзнд̇о 1 анунаяаббадигхавиббамуд̇д̇о д̇хаммам̣ д̣̇зсзд̇и, звам̣ д̇хаммз д̣̇зсийяамаанз яз д̇ад̇т̇а саммаабадибаннаа, д̇з б̣уж̇жханд̇и. яз бана мижчаабадибаннаа, д̇з д̇ин̣аани вияа маранд̇и.
‘‘Yathā vā pana, mahārāja, kassako dhaññaṃ ropetukāmo khettaṃ kasati, tassa kasantassa anekasatasahassāni tiṇāni maranti. Evameva kho, mahārāja, tathāgato paripakkamānase satte bodhento 2 anunayappaṭighavippamutto dhammaṃ deseti, evaṃ dhamme desīyamāne ye tattha sammāpaṭipannā, te bujjhanti. Ye pana micchāpaṭipannā, te tiṇāni viya maranti.
‘‘яат̇аа ваа бана, махаарааж̇а, мануссаа расахзд̇у яанд̇зна ужчум̣ бийл̣аяанд̇и, д̇зсам̣ ужчум̣ бийл̣аяамаанаанам̣ яз д̇ад̇т̇а яанд̇амукаг̇ад̇аа гимаяо, д̇з бийл̣ияанд̇и. звамзва ко, махаарааж̇а, д̇ат̇ааг̇ад̇о барибаггамаанасз сад̇д̇з б̣од̇хзнд̇о д̇хаммаяанд̇амабхибийл̣аяад̇и 3, яз д̇ад̇т̇а мижчаабадибаннаа, д̇з гимий вияа маранд̇ий’’д̇и.
‘‘Yathā vā pana, mahārāja, manussā rasahetu yantena ucchuṃ pīḷayanti, tesaṃ ucchuṃ pīḷayamānānaṃ ye tattha yantamukhagatā kimayo, te pīḷiyanti. Evameva kho, mahārāja, tathāgato paripakkamānase satte bodhento dhammayantamabhipīḷayati 4, ye tattha micchāpaṭipannā, te kimī viya marantī’’ti.
‘‘нану, бханд̇з нааг̇асзна, д̇з бхигкуу д̇ааяа д̇хаммад̣̇зсанааяа бад̇ид̇аа’’д̇и? ‘‘аби ну ко, махаарааж̇а, д̇ажчаго ругкам̣ д̇ажчанд̇о 5 уж̇угам̣ барисуд̣̇д̇хам̣ гарод̇ий’’д̇и? ‘‘на хи, бханд̇з, важ̇ж̇анийяам̣ абанзд̇ваа д̇ажчаго ругкам̣ уж̇угам̣ барисуд̣̇д̇хам̣ гарод̇ий’’д̇и. ‘‘звамзва ко, махаарааж̇а, д̇ат̇ааг̇ад̇о барисам̣ рагканд̇о на саггод̇и б̣од̇ханзяяз 6 сад̇д̇з б̣од̇хзд̇ум̣, мижчаабадибаннз бана сад̇д̇з абанзд̇ваа б̣од̇ханзяяз сад̇д̇з б̣од̇хзд̇и, ад̇д̇агад̇зна бана д̇з, махаарааж̇а, мижчаабадибаннаа бад̇анд̇и.
‘‘Nanu, bhante nāgasena, te bhikkhū tāya dhammadesanāya patitā’’ti? ‘‘Api nu kho, mahārāja, tacchako rukkhaṃ tacchanto 7 ujukaṃ parisuddhaṃ karotī’’ti? ‘‘Na hi, bhante, vajjanīyaṃ apanetvā tacchako rukkhaṃ ujukaṃ parisuddhaṃ karotī’’ti. ‘‘Evameva kho, mahārāja, tathāgato parisaṃ rakkhanto na sakkoti bodhaneyye 8 satte bodhetuṃ, micchāpaṭipanne pana satte apanetvā bodhaneyye satte bodheti, attakatena pana te, mahārāja, micchāpaṭipannā patanti.
‘‘яат̇аа, махаарааж̇а, гад̣̇алий взл̣у ассад̇арий ад̇д̇аж̇зна 9 хан̃н̃ад̇и, звамзва ко, махаарааж̇а, яз д̇з мижчаабадибаннаа, д̇з ад̇д̇агад̇зна хан̃н̃анд̇и бад̇анд̇и.
‘‘Yathā, mahārāja, kadalī veḷu assatarī attajena 10 haññati, evameva kho, mahārāja, ye te micchāpaṭipannā, te attakatena haññanti patanti.
‘‘яат̇аа, махаарааж̇а, жораа ад̇д̇агад̇зна жагкуббааданам̣ суулааробанам̣ сийсажчзд̣̇анам̣ баабун̣анд̇и, звамзва ко, махаарааж̇а, яз д̇з мижчаабадибаннаа, д̇з ад̇д̇агад̇зна хан̃н̃анд̇и бад̇анд̇и 11. язсам̣, махаарааж̇а, садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ад̇ам̣, д̇зсам̣ д̇ам̣ нзва бхаг̇авад̇о гад̇зна, на барзсам̣ гад̇зна, ат̇а ко ад̇д̇ано язва гад̇зна.
‘‘Yathā, mahārāja, corā attakatena cakkhuppāṭanaṃ sūlāropanaṃ sīsacchedanaṃ pāpuṇanti, evameva kho, mahārāja, ye te micchāpaṭipannā, te attakatena haññanti patanti 12. Yesaṃ, mahārāja, saṭṭhimattānaṃ bhikkhūnaṃ uṇhaṃ lohitaṃ mukhato uggataṃ, tesaṃ taṃ neva bhagavato katena, na paresaṃ katena, atha kho attano yeva katena.
‘‘яат̇аа, махаарааж̇а, бурисо саб̣б̣аж̇анасса амад̇ам̣ д̣̇ад̣̇зяяа, д̇з д̇ам̣ амад̇ам̣ асид̇ваа арог̇аа д̣̇ийгхааяугаа саб̣б̣ийд̇ид̇о 13 баримужжзяяум̣, ат̇ан̃н̃ад̇аро бурисо д̣̇урубажаарзна д̇ам̣ асид̇ваа маран̣ам̣ баабун̣зяяа, аби ну ко со, махаарааж̇а, амад̇ад̣̇ааяаго бурисо д̇ад̇онид̣̇аанам̣ гин̃жи абун̃н̃ам̣ аабаж̇ж̇зяяаа’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, д̇ат̇ааг̇ад̇о д̣̇асасахассияаа логад̇хаад̇уяаа д̣̇звамануссаанам̣ амад̇ам̣ д̇хаммад̣̇аанам̣ д̣̇зд̇и, яз д̇з сад̇д̇аа бхаб̣б̣аа, д̇з д̇хаммаамад̇зна б̣уж̇жханд̇и. яз бана д̇з сад̇д̇аа абхаб̣б̣аа, д̇з д̇хаммаамад̇зна хан̃н̃анд̇и бад̇анд̇и. бхож̇анам̣, махаарааж̇а, саб̣б̣асад̇д̇аанам̣ ж̇ийвид̇ам̣ рагкад̇и, д̇амзгажжз бхун̃ж̇ид̇ваа висуужигааяа маранд̇и, аби ну ко со, махаарааж̇а, бхож̇анад̣̇ааяаго бурисо д̇ад̇онид̣̇аанам̣ гин̃жи абун̃н̃ам̣ аабаж̇ж̇зяяаа’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, д̇ат̇ааг̇ад̇о д̣̇асасахассияаа логад̇хаад̇уяаа д̣̇звамануссаанам̣ амад̇ам̣ д̇хаммад̣̇аанам̣ д̣̇зд̇и, яз д̇з сад̇д̇аа бхаб̣б̣аа, д̇з д̇хаммаамад̇зна б̣уж̇жханд̇и. яз бана д̇з сад̇д̇аа абхаб̣б̣аа, д̇з д̇хаммаамад̇зна хан̃н̃анд̇и бад̇анд̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā, mahārāja, puriso sabbajanassa amataṃ dadeyya, te taṃ amataṃ asitvā arogā dīghāyukā sabbītito 14 parimucceyyuṃ, athaññataro puriso durupacārena taṃ asitvā maraṇaṃ pāpuṇeyya, api nu kho so, mahārāja, amatadāyako puriso tatonidānaṃ kiñci apuññaṃ āpajjeyyā’’ti? ‘‘Na hi, bhante’’ti. ‘‘Evameva kho, mahārāja, tathāgato dasasahassiyā lokadhātuyā devamanussānaṃ amataṃ dhammadānaṃ deti, ye te sattā bhabbā, te dhammāmatena bujjhanti. Ye pana te sattā abhabbā, te dhammāmatena haññanti patanti. Bhojanaṃ, mahārāja, sabbasattānaṃ jīvitaṃ rakkhati, tamekacce bhuñjitvā visūcikāya maranti, api nu kho so, mahārāja, bhojanadāyako puriso tatonidānaṃ kiñci apuññaṃ āpajjeyyā’’ti? ‘‘Na hi, bhante’’ti. ‘‘Evameva kho, mahārāja, tathāgato dasasahassiyā lokadhātuyā devamanussānaṃ amataṃ dhammadānaṃ deti, ye te sattā bhabbā, te dhammāmatena bujjhanti. Ye pana te sattā abhabbā, te dhammāmatena haññanti patantī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
саб̣б̣асад̇д̇ахид̇апаран̣абан̃хо д̣̇уд̇ияо.
Sabbasattahitapharaṇapañho dutiyo.
Footnotes:
