Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    2. саб̣б̣аасавасуд̇д̇аван̣н̣анаа

    2. Sabbāsavasuttavaṇṇanā

    14. звам̣ мз суд̇ам̣…бз… саавад̇т̇ияанд̇и саб̣б̣аасавасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа – саавад̇т̇ийд̇и савад̇т̇асса исино ниваасадтаанабхууд̇аа наг̇арий, яат̇аа гааганд̣̇ий мааганд̣̇ий госамб̣ийд̇и звам̣ д̇аава агкаражинд̇агаа. адтагат̇аажарияаа бана бхан̣анд̇и ‘‘яам̣гин̃жи мануссаанам̣ убабхог̇абарибхог̇ам̣ саб̣б̣амзд̇т̇а ад̇т̇ийд̇и саавад̇т̇ий. сад̇т̇асамааяог̇з жа гим̣ бхан̣д̣амад̇т̇ийд̇и бужчид̇з саб̣б̣амад̇т̇ий’’д̇и важанамубаад̣̇ааяа саавад̇т̇ий.

    14.Evaṃme sutaṃ…pe… sāvatthiyanti sabbāsavasuttaṃ. Tatrāyaṃ apubbapadavaṇṇanā – sāvatthīti savatthassa isino nivāsaṭṭhānabhūtā nagarī, yathā kākandī mākandī kosambīti evaṃ tāva akkharacintakā. Aṭṭhakathācariyā pana bhaṇanti ‘‘yaṃkiñci manussānaṃ upabhogaparibhogaṃ sabbamettha atthīti sāvatthī. Satthasamāyoge ca kiṃ bhaṇḍamatthīti pucchite sabbamatthī’’ti vacanamupādāya sāvatthī.

    ‘‘саб̣б̣ад̣̇аа саб̣б̣уубагаран̣ам̣, саавад̇т̇ияам̣ самохид̇ам̣;

    ‘‘Sabbadā sabbūpakaraṇaṃ, sāvatthiyaṃ samohitaṃ;

    д̇асмаа саб̣б̣амубаад̣̇ааяа, саавад̇т̇ийд̇и бавужжад̇и.

    Tasmā sabbamupādāya, sāvatthīti pavuccati.

    госалаанам̣ бурам̣ раммам̣, д̣̇ассанзяяам̣ манорамам̣;

    Kosalānaṃ puraṃ rammaṃ, dassaneyyaṃ manoramaṃ;

    д̣̇асахи сад̣̇д̣̇зхи авивид̇д̇ам̣, аннабаанасамааяуд̇ам̣.

    Dasahi saddehi avivittaṃ, annapānasamāyutaṃ.

    вуд̣̇д̇хим̣ взбуллад̇ам̣ бад̇д̇ам̣, ид̣̇д̇хам̣ пийд̇ам̣ манорамам̣;

    Vuddhiṃ vepullataṃ pattaṃ, iddhaṃ phītaṃ manoramaṃ;

    ал̣агаманд̣̇аава д̣̇зваанам̣, саавад̇т̇ибурамуд̇д̇ама’’нд̇и.

    Aḷakamandāva devānaṃ, sāvatthipuramuttama’’nti.

    д̇ассам̣ саавад̇т̇ияам̣. ж̇зд̇аванзд̇и зд̇т̇а ад̇д̇ано бажжад̇т̇игаж̇анам̣ ж̇инаад̇ийд̇и ж̇зд̇о, ран̃н̃аа ваа ад̇д̇ано бажжад̇т̇игаж̇анз ж̇ид̇з ж̇аад̇од̇и ж̇зд̇о, ман̇г̇алагамяад̇ааяа ваа д̇асса звам̣наамамзва гад̇анд̇и ж̇зд̇о, ж̇зд̇асса ванам̣ ж̇зд̇аванам̣. д̇ан̃хи ж̇зд̇зна рааж̇агумаарзна робид̇ам̣ сам̣вад̣̇д̇хид̇ам̣ барибаалид̇ам̣, со жа д̇асса саамий ахоси. д̇асмаа ж̇зд̇авананд̇и вужжад̇и, д̇асмим̣ ж̇зд̇аванз. анаат̇абин̣д̣игасса аараамзд̇и зд̇т̇а суд̣̇ад̇д̇о наама со г̇ахабад̇и маад̇аабид̇уухи гад̇анаамавасзна. саб̣б̣агаамасамид̣̇д̇хид̇ааяа бана виг̇ад̇амаламажчзрад̇ааяа гарун̣аад̣̇иг̇ун̣асаман̇г̇ид̇ааяа жа нижжагаалам̣ анаат̇аанам̣ бин̣д̣амад̣̇ааси, д̇зна анаат̇абин̣д̣игод̇и сан̇кам̣ г̇ад̇о. аараманд̇и зд̇т̇а баан̣ино висзсзна ваа баб̣б̣аж̇ид̇аад̇и аараамо, д̇асса бубпапалаад̣̇исобхааяа наад̇ид̣̇ууранажжаасаннад̇аад̣̇ибан̃жавид̇хасзнаасанан̇г̇асамбад̇д̇ияаа жа д̇ад̇о д̇ад̇о ааг̇амма раманд̇и абхираманд̇и анугган̣тид̇аа худ̇ваа нивасанд̇ийд̇и ад̇т̇о. вуд̇д̇аббагаарааяа ваа самбад̇д̇ияаа д̇ад̇т̇а д̇ад̇т̇а г̇ад̇зби ад̇д̇ано аб̣бханд̇арам̣язва аанзд̇ваа рамзд̇ийд̇и аараамо. со хи анаат̇абин̣д̣игзна г̇ахабад̇инаа ж̇зд̇асса рааж̇агумаарасса хад̇т̇ад̇о адтаарасахи хиран̃н̃агодийхи годисант̇арзна гийн̣ид̇ваа адтаарасахи хиран̃н̃агодийхи сзнаасанаани гаараабзд̇ваа адтаарасахи хиран̃н̃агодийхи вихаарамахам̣ нидтаабзд̇ваа звам̣ жад̇убан̃н̃аасахиран̃н̃агодибарижжааг̇зна б̣уд̣̇д̇хаббамукасса сан̇гхасса нияяаад̣̇ид̇о. д̇асмаа ‘‘анаат̇абин̣д̣игасса аараамо’’д̇и вужжад̇и. д̇асмим̣ анаат̇абин̣д̣игасса аараамз.

    Tassaṃ sāvatthiyaṃ. Jetavaneti ettha attano paccatthikajanaṃ jinātīti jeto, raññā vā attano paccatthikajane jite jātoti jeto, maṅgalakamyatāya vā tassa evaṃnāmameva katanti jeto, jetassa vanaṃ jetavanaṃ. Tañhi jetena rājakumārena ropitaṃ saṃvaddhitaṃ paripālitaṃ, so ca tassa sāmī ahosi. Tasmā jetavananti vuccati, tasmiṃ jetavane. Anāthapiṇḍikassa ārāmeti ettha sudatto nāma so gahapati mātāpitūhi katanāmavasena. Sabbakāmasamiddhitāya pana vigatamalamaccheratāya karuṇādiguṇasamaṅgitāya ca niccakālaṃ anāthānaṃ piṇḍamadāsi, tena anāthapiṇḍikoti saṅkhaṃ gato. Āramanti ettha pāṇino visesena vā pabbajitāti ārāmo, tassa pupphaphalādisobhāya nātidūranaccāsannatādipañcavidhasenāsanaṅgasampattiyā ca tato tato āgamma ramanti abhiramanti anukkaṇṭhitā hutvā nivasantīti attho. Vuttappakārāya vā sampattiyā tattha tattha gatepi attano abbhantaraṃyeva ānetvā rametīti ārāmo. So hi anāthapiṇḍikena gahapatinā jetassa rājakumārassa hatthato aṭṭhārasahi hiraññakoṭīhi koṭisantharena kīṇitvā aṭṭhārasahi hiraññakoṭīhi senāsanāni kārāpetvā aṭṭhārasahi hiraññakoṭīhi vihāramahaṃ niṭṭhāpetvā evaṃ catupaññāsahiraññakoṭipariccāgena buddhappamukhassa saṅghassa niyyādito. Tasmā ‘‘anāthapiṇḍikassa ārāmo’’ti vuccati. Tasmiṃ anāthapiṇḍikassa ārāme.

    зд̇т̇а жа ‘‘ж̇зд̇аванз’’д̇и важанам̣ буримасаамибаригид̇д̇анам̣. ‘‘анаат̇абин̣д̣игасса аараамз’’д̇и бажчимасаамибаригид̇д̇анам̣. гимзд̇зсам̣ баригид̇д̇анз баяож̇ананд̇и. бун̃н̃агаамаанам̣ д̣̇идтаануг̇ад̇иаабаж̇ж̇анам̣. д̇ад̇ра хи д̣̇ваарагодтагабаасаад̣̇амаабанз бхуумивиггаяалад̣̇д̇хаа адтаараса хиран̃н̃агодияо анзгагодиаг̇гханагаа ругкаа жа ж̇зд̇асса барижжааг̇о, жад̇убан̃н̃ааса годияо анаат̇абин̣д̣игасса. ид̇и д̇зсам̣ баригид̇д̇анзна звам̣ бун̃н̃агаамаа бун̃н̃аани гаронд̇ийд̇и д̣̇ассзнд̇о ааяасмаа аананд̣̇о ан̃н̃зби бун̃н̃агаамз д̇зсам̣ д̣̇идтаануг̇ад̇иаабаж̇ж̇анз нияож̇зд̇и.

    Ettha ca ‘‘jetavane’’ti vacanaṃ purimasāmiparikittanaṃ. ‘‘Anāthapiṇḍikassa ārāme’’ti pacchimasāmiparikittanaṃ. Kimetesaṃ parikittane payojananti. Puññakāmānaṃ diṭṭhānugatiāpajjanaṃ. Tatra hi dvārakoṭṭhakapāsādamāpane bhūmivikkayaladdhā aṭṭhārasa hiraññakoṭiyo anekakoṭiagghanakā rukkhā ca jetassa pariccāgo, catupaññāsa koṭiyo anāthapiṇḍikassa. Iti tesaṃ parikittanena evaṃ puññakāmā puññāni karontīti dassento āyasmā ānando aññepi puññakāme tesaṃ diṭṭhānugatiāpajjane niyojeti.

    саб̣б̣аасавасам̣варабарияааяам̣ во, бхигкавзд̇и гасмаа ид̣̇ам̣ суд̇д̇амабхааси? д̇зсам̣ бхигкуунам̣ убаггилзсависод̇ханам̣ аад̣̇им̣ гад̇ваа аасавагкаяааяа бадибад̇д̇ид̣̇ассанад̇т̇ам̣. д̇ад̇т̇а саб̣б̣аасавасам̣варабарияааяанд̇и саб̣б̣зсам̣ аасаваанам̣ сам̣варагааран̣ам̣ сам̣варабхууд̇ам̣ гааран̣ам̣, язна гааран̣зна д̇з сам̣варид̇аа бид̣̇ахид̇аа худ̇ваа ануббаад̣̇анирод̇хасан̇каад̇ам̣ каяам̣ г̇ажчанд̇и бахийяанд̇и наббавад̇д̇анд̇и, д̇ам̣ гааран̣анд̇и ад̇т̇о. д̇ад̇т̇а аасаванд̇ийд̇и аасаваа, жагкуд̇оби…бз… манад̇оби санд̣̇анд̇и бавад̇д̇анд̇ийд̇и вуд̇д̇ам̣ ход̇и. д̇хаммад̇о яаава г̇од̇рабхум̣ огаасад̇о яаава бхаваг̇г̇ам̣ саванд̇ийд̇и ваа аасаваа, зд̇з д̇хаммз зд̇ан̃жа огаасам̣ анд̇о гарид̇ваа бавад̇д̇анд̇ийд̇и ад̇т̇о. анд̇огаран̣ад̇т̇о хи аяам̣ аагааро. жирабаариваасияадтзна мад̣̇ираад̣̇аяо аасаваа, аасаваа вияаад̇иби аасаваа. логасмин̃хи жирабаариваасигаа мад̣̇ираад̣̇аяо аасаваад̇и вужжанд̇и. яад̣̇и жа жирабаариваасияадтзна аасаваа, зд̇зязва бхавид̇умараханд̇и. вуд̇д̇ан̃хзд̇ам̣ ‘‘буримаа, бхигкавз, годи на бан̃н̃ааяад̇и авиж̇ж̇ааяа, ид̇о буб̣б̣з авиж̇ж̇аа наахосий’’д̇иаад̣̇и (а. ни. 10.61). ааяад̇ам̣ ваа сам̣саарад̣̇угкам̣ саванд̇и басаванд̇ийд̇иби аасаваа. буримаани жзд̇т̇а ниб̣б̣ажанаани яад̇т̇а гилзсаа аасаваад̇и ааг̇ажчанд̇и, д̇ад̇т̇а яуж̇ж̇анд̇и, бажчимам̣ гаммзби. на гзвалан̃жа гаммагилзсааязва аасаваа, абижа ко наанаббагаарагаа уббад̣̇д̣̇авааби. суд̇д̇зсу хи ‘‘наахам̣, жунд̣̇а, д̣̇идтад̇хаммигаанам̣язва аасаваанам̣ сам̣варааяа д̇хаммам̣ д̣̇зсзмий’’д̇и (д̣̇ий. ни. 3.182) зд̇т̇а виваад̣̇амуулабхууд̇аа гилзсаа аасаваад̇и ааг̇ад̇аа.

    Sabbāsavasaṃvarapariyāyaṃ vo, bhikkhaveti kasmā idaṃ suttamabhāsi? Tesaṃ bhikkhūnaṃ upakkilesavisodhanaṃ ādiṃ katvā āsavakkhayāya paṭipattidassanatthaṃ. Tattha sabbāsavasaṃvarapariyāyanti sabbesaṃ āsavānaṃ saṃvarakāraṇaṃ saṃvarabhūtaṃ kāraṇaṃ, yena kāraṇena te saṃvaritā pidahitā hutvā anuppādanirodhasaṅkhātaṃ khayaṃ gacchanti pahīyanti nappavattanti, taṃ kāraṇanti attho. Tattha āsavantīti āsavā, cakkhutopi…pe… manatopi sandanti pavattantīti vuttaṃ hoti. Dhammato yāva gotrabhuṃ okāsato yāva bhavaggaṃ savantīti vā āsavā, ete dhamme etañca okāsaṃ anto karitvā pavattantīti attho. Antokaraṇattho hi ayaṃ ākāro. Cirapārivāsiyaṭṭhena madirādayo āsavā, āsavā viyātipi āsavā. Lokasmiñhi cirapārivāsikā madirādayo āsavāti vuccanti. Yadi ca cirapārivāsiyaṭṭhena āsavā, eteyeva bhavitumarahanti. Vuttañhetaṃ ‘‘purimā, bhikkhave, koṭi na paññāyati avijjāya, ito pubbe avijjā nāhosī’’tiādi (a. ni. 10.61). Āyataṃ vā saṃsāradukkhaṃ savanti pasavantītipi āsavā. Purimāni cettha nibbacanāni yattha kilesā āsavāti āgacchanti, tattha yujjanti, pacchimaṃ kammepi. Na kevalañca kammakilesāyeva āsavā, apica kho nānappakārakā uppaddavāpi. Suttesu hi ‘‘nāhaṃ, cunda, diṭṭhadhammikānaṃyeva āsavānaṃ saṃvarāya dhammaṃ desemī’’ti (dī. ni. 3.182) ettha vivādamūlabhūtā kilesā āsavāti āgatā.

    ‘‘язна д̣̇звуубабад̇яасса, г̇анд̇хаб̣б̣о ваа вихан̇г̇амо;

    ‘‘Yena devūpapatyassa, gandhabbo vā vihaṅgamo;

    яагкад̇д̇ам̣ язна г̇ажчзяяам̣, мануссад̇д̇ан̃жа аб̣б̣аж̇з;

    Yakkhattaṃ yena gaccheyyaṃ, manussattañca abbaje;

    д̇з маяхам̣ аасаваа кийн̣аа, вид̣̇д̇хасд̇аа винал̣ийгад̇аа’’д̇и. (а. ни. 4.36); –

    Te mayhaṃ āsavā khīṇā, viddhastā vinaḷīkatā’’ti. (a. ni. 4.36); –

    зд̇т̇а д̇збхуумаган̃жа гаммам̣ авасзсаа жа агусалаа д̇хаммаа. ‘‘д̣̇идтад̇хаммигаанам̣ аасаваанам̣ сам̣варааяа самбарааяигаанам̣ аасаваанам̣ бадигхаад̇ааяаа’’д̇и (баараа. 39) зд̇т̇а баруубаваад̣̇авиббадисааравад̇хаб̣анд̇хаад̣̇аяо жзва абааяад̣̇угкабхууд̇аа жа наанаббагаараа убад̣̇д̣̇аваа. д̇з банзд̇з аасаваа яад̇т̇а яат̇аа ааг̇ад̇аа, д̇ад̇т̇а д̇ат̇аа взд̣̇ид̇аб̣б̣аа.

    Ettha tebhūmakañca kammaṃ avasesā ca akusalā dhammā. ‘‘Diṭṭhadhammikānaṃ āsavānaṃ saṃvarāya samparāyikānaṃ āsavānaṃ paṭighātāyā’’ti (pārā. 39) ettha parūpavādavippaṭisāravadhabandhādayo ceva apāyadukkhabhūtā ca nānappakārā upaddavā. Te panete āsavā yattha yathā āgatā, tattha tathā veditabbā.

    зд̇з хи винаяз д̇аава ‘‘д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяаа’’д̇и д̣̇взд̇хаа ааг̇ад̇аа. сал̣ааяад̇анз ‘‘д̇аяомз аавусо аасаваа, гаамаасаво бхаваасаво авиж̇ж̇аасаво’’д̇и (а. ни. 6.63) д̇ид̇хаа ааг̇ад̇аа. ан̃н̃зсу жа суд̇д̇анд̇зсу абхид̇хаммз жа д̇зязва д̣̇идтаасавзна саха жад̇уд̇хаа ааг̇ад̇аа. ниб̣б̣зд̇хигабарияааяз – ‘‘ад̇т̇и, бхигкавз, аасаваа нираяаг̇ааминияаа, ад̇т̇и аасаваа д̇иражчаанаяониг̇ааминияаа, ад̇т̇и аасаваа бзд̇д̇ивисаяаг̇ааминияаа, ад̇т̇и аасаваа мануссалогаг̇ааминияаа, ад̇т̇и аасаваа д̣̇звалогаг̇ааминияаа’’д̇и (а. ни. 6.63) бан̃жад̇хаа ааг̇ад̇аа. чагганибаад̇з – ‘‘ад̇т̇и, бхигкавз, аасаваа сам̣вараа бахаад̇аб̣б̣аа’’д̇иаад̣̇инаа наязна чад̇хаа ааг̇ад̇аа. имасмим̣ бана суд̇д̇з д̇зязва д̣̇ассанаабахаад̇аб̣б̣зхи сад̣̇д̇хим̣ сад̇д̇ад̇хаа ааг̇ад̇аад̇и. аяам̣ д̇аава аасавабад̣̇з важанад̇т̇о жзва бабхзд̣̇о жа.

    Ete hi vinaye tāva ‘‘diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāyā’’ti dvedhā āgatā. Saḷāyatane ‘‘tayome āvuso āsavā, kāmāsavo bhavāsavo avijjāsavo’’ti (a. ni. 6.63) tidhā āgatā. Aññesu ca suttantesu abhidhamme ca teyeva diṭṭhāsavena saha catudhā āgatā. Nibbedhikapariyāye – ‘‘atthi, bhikkhave, āsavā nirayagāminiyā, atthi āsavā tiracchānayonigāminiyā, atthi āsavā pettivisayagāminiyā, atthi āsavā manussalokagāminiyā, atthi āsavā devalokagāminiyā’’ti (a. ni. 6.63) pañcadhā āgatā. Chakkanipāte – ‘‘atthi, bhikkhave, āsavā saṃvarā pahātabbā’’tiādinā nayena chadhā āgatā. Imasmiṃ pana sutte teyeva dassanāpahātabbehi saddhiṃ sattadhā āgatāti. Ayaṃ tāva āsavapade vacanattho ceva pabhedo ca.

    сам̣варабад̣̇з бана сам̣вараяад̇ийд̇и сам̣варо, бид̣̇ахад̇и ниваарзд̇и бавад̇д̇ид̇ум̣ на д̣̇зд̇ийд̇и ад̇т̇о. д̇ат̇аа хи ‘‘ануж̇аанаами, бхигкавз, д̣̇иваа бадисаллийяанд̇зна д̣̇ваарам̣ сам̣варид̇ваа бадисаллийяид̇у’’нд̇и (баараа. 77), ‘‘сод̇аанам̣ сам̣варам̣б̣раууми, бан̃н̃ааязд̇з бид̇хийяарз’’д̇и (су. ни. 1041) жа аад̣̇ийсу бид̇хаанадтзна сам̣варамааха. свааяам̣ сам̣варо бан̃жавид̇хо ход̇и сийласам̣варо сад̇ин̃аан̣а канд̇и вийрияасам̣варод̇и. д̇ад̇т̇а ‘‘иминаа баад̇имогкасам̣варзна убзд̇о’’д̇и (вибха. 511) аяам̣ сийласам̣варо. баад̇имогкасийлан̃хи зд̇т̇а сам̣варод̇и вуд̇д̇ам̣. ‘‘жагкунд̣̇рияз сам̣варамаабаж̇ж̇ад̇ий’’д̇иаад̣̇ийсу (д̣̇ий. ни. 1.213) сад̇исам̣варо. сад̇и хзд̇т̇а сам̣варод̇и вуд̇д̇аа. ‘‘сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и аяам̣ н̃аан̣асам̣варо. н̃аан̣ан̃хзд̇т̇а бид̇хийяарзд̇и иминаа бид̇хаанадтзна сам̣варод̇и вуд̇д̇ам̣. ‘‘камо ход̇и сийд̇асса…бз…, уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.24-26) бана наязна ид̇хзва канд̇ивийрияасам̣вараа ааг̇ад̇аа. д̇зсан̃жа ‘‘саб̣б̣аасавасам̣варабарияааяа’’нд̇и иминаа уд̣̇д̣̇зсзна сан̇г̇ахид̇ад̇д̇аа сам̣варабхааво взд̣̇ид̇аб̣б̣о.

    Saṃvarapade pana saṃvarayatīti saṃvaro, pidahati nivāreti pavattituṃ na detīti attho. Tathā hi ‘‘anujānāmi, bhikkhave, divā paṭisallīyantena dvāraṃ saṃvaritvā paṭisallīyitu’’nti (pārā. 77), ‘‘sotānaṃ saṃvaraṃbraūmi, paññāyete pidhīyare’’ti (su. ni. 1041) ca ādīsu pidhānaṭṭhena saṃvaramāha. Svāyaṃ saṃvaro pañcavidho hoti sīlasaṃvaro satiñāṇa khanti vīriyasaṃvaroti. Tattha ‘‘iminā pātimokkhasaṃvarena upeto’’ti (vibha. 511) ayaṃ sīlasaṃvaro. Pātimokkhasīlañhi ettha saṃvaroti vuttaṃ. ‘‘Cakkhundriye saṃvaramāpajjatī’’tiādīsu (dī. ni. 1.213) satisaṃvaro. Sati hettha saṃvaroti vuttā. ‘‘Sotānaṃ saṃvaraṃ brūmi, paññāyete pidhīyare’’ti ayaṃ ñāṇasaṃvaro. Ñāṇañhettha pidhīyareti iminā pidhānaṭṭhena saṃvaroti vuttaṃ. ‘‘Khamo hoti sītassa…pe…, uppannaṃ kāmavitakkaṃ nādhivāsetī’’tiādinā (ma. ni. 1.24-26) pana nayena idheva khantivīriyasaṃvarā āgatā. Tesañca ‘‘sabbāsavasaṃvarapariyāya’’nti iminā uddesena saṅgahitattā saṃvarabhāvo veditabbo.

    абижа бан̃жавид̇хоби аяам̣ сам̣варо ид̇ха ааг̇ад̇оязва, д̇ад̇т̇а канд̇ивийрияасам̣вараа д̇аава вуд̇д̇ааязва. ‘‘со д̇ан̃жа анаасанам̣ д̇ан̃жа аг̇ожара’’нд̇и (ма. ни. 1.25) аяам̣ банзд̇т̇а сийласам̣варо. ‘‘бадисан̇каа яонисо жагкунд̣̇рияасам̣варасам̣вуд̇о’’д̇и (ма. ни. 1.22) аяам̣ сад̇исам̣варо. саб̣б̣ад̇т̇а бадисан̇каа н̃аан̣асам̣варо. аг̇г̇ахид̇аг̇г̇ахан̣зна бана д̣̇ассанам̣ бадисзванаа бхааванаа жа н̃аан̣асам̣варо. барияааяанд̇и зд̇зна д̇хаммаад̇и барияааяо, уббад̇д̇им̣ нирод̇хам̣ ваа г̇ажчанд̇ийд̇и вуд̇д̇ам̣ ход̇и. зд̇д̇аавад̇аа ‘‘саб̣б̣аасавасам̣варабарияааяа’’нд̇и зд̇т̇а яам̣ вад̇д̇аб̣б̣ам̣, д̇ам̣ вуд̇д̇ам̣ ход̇и.

    Apica pañcavidhopi ayaṃ saṃvaro idha āgatoyeva, tattha khantivīriyasaṃvarā tāva vuttāyeva. ‘‘So tañca anāsanaṃ tañca agocara’’nti (ma. ni. 1.25) ayaṃ panettha sīlasaṃvaro. ‘‘Paṭisaṅkhā yoniso cakkhundriyasaṃvarasaṃvuto’’ti (ma. ni. 1.22) ayaṃ satisaṃvaro. Sabbattha paṭisaṅkhā ñāṇasaṃvaro. Aggahitaggahaṇena pana dassanaṃ paṭisevanā bhāvanā ca ñāṇasaṃvaro. Pariyāyanti etena dhammāti pariyāyo, uppattiṃ nirodhaṃ vā gacchantīti vuttaṃ hoti. Ettāvatā ‘‘sabbāsavasaṃvarapariyāya’’nti ettha yaṃ vattabbaṃ, taṃ vuttaṃ hoti.

    15. ид̣̇аани ж̇аанад̇о аханд̇иаад̣̇ийсу ж̇аанад̇од̇и ж̇аананд̇асса. бассад̇од̇и бассанд̇асса. д̣̇взби бад̣̇аани згад̇т̇аани, б̣яан̃ж̇анамзва наанам̣. звам̣ санд̇зби ж̇аанад̇од̇и н̃аан̣алагкан̣ам̣ убаад̣̇ааяа буг̇г̇алам̣ нид̣̇д̣̇исад̇и, ж̇аананалагкан̣ан̃хи н̃аан̣ам̣. бассад̇од̇и н̃аан̣аббабхаавам̣ убаад̣̇ааяа, бассанаббабхааван̃хи н̃аан̣ам̣. н̃аан̣асаман̇г̇ий буг̇г̇ало жагкумаа вияа жагкунаа руубаани н̃аан̣зна вивадз д̇хаммз бассад̇и. абижа яонисоманасигаарам̣ уббаад̣̇зд̇ум̣ ж̇аанад̇о, аяонисоманасигааро яат̇аа на уббаж̇ж̇ад̇и, звам̣ бассад̇од̇и аяамзд̇т̇а сааро. гзжи банаажарияаа б̣ахуу бабан̃жз бхан̣анд̇и, д̇з имасмим̣ ад̇т̇з на яуж̇ж̇анд̇и.

    15. Idāni jānato ahantiādīsu jānatoti jānantassa. Passatoti passantassa. Dvepi padāni ekatthāni, byañjanameva nānaṃ. Evaṃ santepi jānatoti ñāṇalakkhaṇaṃ upādāya puggalaṃ niddisati, jānanalakkhaṇañhi ñāṇaṃ. Passatoti ñāṇappabhāvaṃ upādāya, passanappabhāvañhi ñāṇaṃ. Ñāṇasamaṅgī puggalo cakkhumā viya cakkhunā rūpāni ñāṇena vivaṭe dhamme passati. Apica yonisomanasikāraṃ uppādetuṃ jānato, ayonisomanasikāro yathā na uppajjati, evaṃ passatoti ayamettha sāro. Keci panācariyā bahū papañce bhaṇanti, te imasmiṃ atthe na yujjanti.

    аасаваанам̣ каяанд̇и аасаваббахаанам̣ аасаваанам̣ ажжанд̇агкаяасамуббаад̣̇ам̣ кийн̣аагаарам̣ над̇т̇ибхааванд̇и аяамзва хи имасмин̃жа суд̇д̇з, ‘‘аасаваанам̣ каяаа анаасавам̣ жзд̇овимуд̇д̇и’’нд̇иаад̣̇ийсу (ма. ни. 1.438) жа аасавагкаяад̇т̇о. ан̃н̃ад̇т̇а бана маг̇г̇апаланиб̣б̣аанааниби аасавагкаяод̇и вужжанд̇и. д̇ат̇аа хи –

    Āsavānaṃkhayanti āsavappahānaṃ āsavānaṃ accantakkhayasamuppādaṃ khīṇākāraṃ natthibhāvanti ayameva hi imasmiñca sutte, ‘‘āsavānaṃ khayā anāsavaṃ cetovimutti’’ntiādīsu (ma. ni. 1.438) ca āsavakkhayattho. Aññattha pana maggaphalanibbānānipi āsavakkhayoti vuccanti. Tathā hi –

    ‘‘сзкасса сигкамаанасса, уж̇умаг̇г̇аанусаарино;

    ‘‘Sekhassa sikkhamānassa, ujumaggānusārino;

    каяасмим̣ батамам̣ н̃аан̣ам̣, д̇ад̇о ан̃н̃аа ананд̇араа’’д̇и. (ид̇иву. 62) –

    Khayasmiṃ paṭhamaṃ ñāṇaṃ, tato aññā anantarā’’ti. (itivu. 62) –

    аад̣̇ийсу маг̇г̇о аасавагкаяод̇и вуд̇д̇о,

    Ādīsu maggo āsavakkhayoti vutto,

    ‘‘аасаваанам̣ каяаа саман̣о ход̇ий’’д̇иаад̣̇ийсу (ма. ни. 1.438) палам̣.

    ‘‘Āsavānaṃ khayā samaṇo hotī’’tiādīsu (ma. ni. 1.438) phalaṃ.

    ‘‘бараваж̇ж̇аанубассисса, нижжам̣ уж̇жхаанасан̃н̃ино;

    ‘‘Paravajjānupassissa, niccaṃ ujjhānasaññino;

    аасаваа д̇асса вад̣дханд̇и, аараа со аасавагкаяаа’’д̇и. (д̇ха. ба. 253) –

    Āsavā tassa vaḍḍhanti, ārā so āsavakkhayā’’ti. (dha. pa. 253) –

    аад̣̇ийсу ниб̣б̣аанам̣ ‘‘аасавагкаяо’’д̇и вуд̇д̇ам̣.

    Ādīsu nibbānaṃ ‘‘āsavakkhayo’’ti vuttaṃ.

    но аж̇аанад̇о но абассад̇од̇и яо бана на ж̇аанаад̇и на бассад̇и, д̇асса но вад̣̇аамийд̇и ад̇т̇о. зд̇зна яз аж̇аанад̇о абассад̇оби сам̣вараад̣̇ийхиязва суд̣̇д̇хим̣ вад̣̇анд̇и, д̇з бадигкид̇д̇аа хонд̇и. буримзна ваа бад̣̇ад̣̇ваязна убааяо вуд̇д̇о, иминаа анубааяабадисзд̇хо. сан̇кзбзна жзд̇т̇а н̃аан̣ам̣ аасавасам̣варабарияааяод̇и д̣̇ассид̇ам̣ ход̇и.

    No ajānato no apassatoti yo pana na jānāti na passati, tassa no vadāmīti attho. Etena ye ajānato apassatopi saṃvarādīhiyeva suddhiṃ vadanti, te paṭikkhittā honti. Purimena vā padadvayena upāyo vutto, iminā anupāyapaṭisedho. Saṅkhepena cettha ñāṇaṃ āsavasaṃvarapariyāyoti dassitaṃ hoti.

    ид̣̇аани яам̣ ж̇аанад̇о аасаваанам̣ каяо ход̇и, д̇ам̣ д̣̇ассзд̇угаамо гин̃жа, бхигкавз, ж̇аанад̇од̇и бужчам̣ аарабхи, д̇ад̇т̇а ж̇аананаа б̣ахувид̇хаа. д̣̇аб̣б̣аж̇аад̇иго зва хи гожи бхигку чад̇д̇ам̣ гаад̇ум̣ ж̇аанаад̇и, гожи жийвараад̣̇ийнам̣ ан̃н̃ад̇арам̣, д̇асса ийд̣̇исаани гаммаани вад̇д̇асийсз тад̇ваа гаронд̇асса саа ж̇аананаа маг̇г̇апалаанам̣ бад̣̇адтаанам̣ на ход̇ийд̇и на вад̇д̇аб̣б̣аа. яо бана саасанз баб̣б̣аж̇ид̇ваа взж̇ж̇агаммаад̣̇ийни гаад̇ум̣ ж̇аанаад̇и, д̇ассзвам̣ ж̇аанад̇о аасаваа вад̣дханд̇иязва, д̇асмаа яам̣ ж̇аанад̇о бассад̇о жа аасаваанам̣ каяо ход̇и, д̇ад̣̇зва д̣̇ассзнд̇о ааха яонисо жа манасигаарам̣ аяонисо жа манасигааранд̇и.

    Idāni yaṃ jānato āsavānaṃ khayo hoti, taṃ dassetukāmo kiñca, bhikkhave, jānatoti pucchaṃ ārabhi, tattha jānanā bahuvidhā. Dabbajātiko eva hi koci bhikkhu chattaṃ kātuṃ jānāti, koci cīvarādīnaṃ aññataraṃ, tassa īdisāni kammāni vattasīse ṭhatvā karontassa sā jānanā maggaphalānaṃ padaṭṭhānaṃ na hotīti na vattabbā. Yo pana sāsane pabbajitvā vejjakammādīni kātuṃ jānāti, tassevaṃ jānato āsavā vaḍḍhantiyeva, tasmā yaṃ jānato passato ca āsavānaṃ khayo hoti, tadeva dassento āha yoniso ca manasikāraṃ ayoniso ca manasikāranti.

    д̇ад̇т̇а яонисо манасигааро наама убааяаманасигааро бат̇аманасигааро, анижжаад̣̇ийсу анижжанд̇и аад̣̇инаа зва наязна сажжаануломигзна ваа жид̇д̇асса аавадданаа анваавадданаа аабхог̇о саманнаахааро манасигааро, аяам̣ вужжад̇и яонисо манасигаарод̇и.

    Tattha yoniso manasikāro nāma upāyamanasikāro pathamanasikāro, aniccādīsu aniccanti ādinā eva nayena saccānulomikena vā cittassa āvaṭṭanā anvāvaṭṭanā ābhogo samannāhāro manasikāro, ayaṃ vuccati yoniso manasikāroti.

    аяонисо манасигаарод̇и анубааяаманасигааро уббат̇аманасигааро. анижжз нижжанд̇и д̣̇угкз суканд̇и анад̇д̇ани ад̇д̇аад̇и асубхз субханд̇и аяонисо манасигааро уббат̇аманасигааро. сажжаббадигулзна ваа жид̇д̇асса аавадданаа анваавадданаа аабхог̇о саманнаахааро манасигааро, аяам̣ вужжад̇и аяонисо манасигаарод̇и. звам̣ яонисо манасигаарам̣ уббаад̣̇зд̇ум̣ ж̇аанад̇о, аяонисо манасигааро жа яат̇аа на уббаж̇ж̇ад̇и, звам̣ бассад̇о аасаваанам̣ каяо ход̇и.

    Ayoniso manasikāroti anupāyamanasikāro uppathamanasikāro. Anicce niccanti dukkhe sukhanti anattani attāti asubhe subhanti ayoniso manasikāro uppathamanasikāro. Saccappaṭikulena vā cittassa āvaṭṭanā anvāvaṭṭanā ābhogo samannāhāro manasikāro, ayaṃ vuccati ayoniso manasikāroti. Evaṃ yoniso manasikāraṃ uppādetuṃ jānato, ayoniso manasikāro ca yathā na uppajjati, evaṃ passato āsavānaṃ khayo hoti.

    ид̣̇аани имассзвад̇т̇асса яуд̇д̇им̣ д̣̇ассзнд̇о ааха аяонисо, бхигкавз…бз… бахийяанд̇ийд̇и. д̇зна гим̣ вуд̇д̇ам̣ ход̇и, яасмаа аяонисо манасигарод̇о аасаваа уббаж̇ж̇анд̇и, яонисо манасигарод̇о бахийяанд̇и, д̇асмаа ж̇аанид̇аб̣б̣ам̣ яонисо манасигаарам̣ уббаад̣̇зд̇ум̣ ж̇аанад̇о, аяонисо манасигааро жа яат̇аа на уббаж̇ж̇ад̇и, звам̣ бассад̇о аасаваанам̣ каяо ход̇ийд̇и, аяам̣ д̇аавзд̇т̇а сан̇кзбаван̣н̣анаа.

    Idāni imassevatthassa yuttiṃ dassento āha ayoniso, bhikkhave…pe… pahīyantīti. Tena kiṃ vuttaṃ hoti, yasmā ayoniso manasikaroto āsavā uppajjanti, yoniso manasikaroto pahīyanti, tasmā jānitabbaṃ yoniso manasikāraṃ uppādetuṃ jānato, ayoniso manasikāro ca yathā na uppajjati, evaṃ passato āsavānaṃ khayo hotīti, ayaṃ tāvettha saṅkhepavaṇṇanā.

    аяам̣ бана вид̇т̇ааро – д̇ад̇т̇а ‘‘яонисо аяонисо’’д̇и имзхи д̇аава д̣̇вийхи бад̣̇зхи ааб̣ад̣̇д̇хам̣ ход̇и убари сагаласуд̇д̇ам̣. ваддавиваддавасзна хи убари сагаласуд̇д̇ам̣ вуд̇д̇ам̣. аяонисо манасигаарамуулаган̃жа ваддам̣, яонисо манасигаарамуулаган̃жа виваддам̣. гат̇ам̣? аяонисо манасигааро хи вад̣дхамаано д̣̇вз д̇хаммз барибуурзд̇и авиж̇ж̇ан̃жа бхавад̇ан̣хан̃жа. авиж̇ж̇ааяа жа сад̇и ‘‘авиж̇ж̇аабажжаяаа сан̇каараа…бз… д̣̇угкагканд̇хасса самуд̣̇аяо ход̇и. д̇ан̣хааяа сад̇и д̇ан̣хаабажжаяаа убаад̣̇аанам̣…бз… самуд̣̇аяо ход̇ий’’д̇и. звам̣ аяам̣ аяонисо манасигаараб̣ахуло буг̇г̇ало ваад̇авзг̇аабхигхаад̇зна виббанадтанааваа вияа г̇ан̇г̇ааваддз бад̇ид̇аг̇огулам̣ вияа жаггаяанд̇з яуд̇д̇аб̣алиб̣ад̣̇д̣̇о вияа жа бунаббунам̣ бхаваяониг̇ад̇ивин̃н̃аан̣адтид̇исад̇д̇ааваасзсу ааваддабариваддам̣ гарод̇и, звам̣ д̇аава аяонисо манасигаарамуулагам̣ ваддам̣.

    Ayaṃ pana vitthāro – tattha ‘‘yoniso ayoniso’’ti imehi tāva dvīhi padehi ābaddhaṃ hoti upari sakalasuttaṃ. Vaṭṭavivaṭṭavasena hi upari sakalasuttaṃ vuttaṃ. Ayoniso manasikāramūlakañca vaṭṭaṃ, yoniso manasikāramūlakañca vivaṭṭaṃ. Kathaṃ? Ayoniso manasikāro hi vaḍḍhamāno dve dhamme paripūreti avijjañca bhavataṇhañca. Avijjāya ca sati ‘‘avijjāpaccayā saṅkhārā…pe… dukkhakkhandhassa samudayo hoti. Taṇhāya sati taṇhāpaccayā upādānaṃ…pe… samudayo hotī’’ti. Evaṃ ayaṃ ayoniso manasikārabahulo puggalo vātavegābhighātena vippanaṭṭhanāvā viya gaṅgāvaṭṭe patitagokulaṃ viya cakkayante yuttabalibaddo viya ca punappunaṃ bhavayonigativiññāṇaṭṭhitisattāvāsesu āvaṭṭaparivaṭṭaṃ karoti, evaṃ tāva ayoniso manasikāramūlakaṃ vaṭṭaṃ.

    яонисо манасигааро бана вад̣дхамаано – ‘‘яонисо манасигаарасамбаннассзд̇ам̣, бхигкавз, бхигкуно баадиган̇кам̣, арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇ий’’д̇и (сам̣. ни. 5.55) важанад̇о саммаад̣̇идтибамукам̣ адтан̇г̇игам̣ маг̇г̇ам̣ барибуурзд̇и. яаа жа саммаад̣̇идти, саа виж̇ж̇аад̇и д̇асса виж̇ж̇уббаад̣̇аа авиж̇ж̇аанирод̇хо, ‘‘авиж̇ж̇аанирод̇хаа сан̇кааранирод̇хо…бз… звам̣ зд̇асса гзваласса д̣̇угкагканд̇хасса нирод̇хо ход̇ий’’д̇и (махаава. 1) звам̣ яонисо манасигаарамуулагам̣ виваддам̣ взд̣̇ид̇аб̣б̣ам̣. звам̣ имзхи д̣̇вийхи бад̣̇зхи ааб̣ад̣̇д̇хам̣ ход̇и убари сагаласуд̇д̇ам̣.

    Yoniso manasikāro pana vaḍḍhamāno – ‘‘yoniso manasikārasampannassetaṃ, bhikkhave, bhikkhuno pāṭikaṅkhaṃ, ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissatī’’ti (saṃ. ni. 5.55) vacanato sammādiṭṭhipamukhaṃ aṭṭhaṅgikaṃ maggaṃ paripūreti. Yā ca sammādiṭṭhi, sā vijjāti tassa vijjuppādā avijjānirodho, ‘‘avijjānirodhā saṅkhāranirodho…pe… evaṃ etassa kevalassa dukkhakkhandhassa nirodho hotī’’ti (mahāva. 1) evaṃ yoniso manasikāramūlakaṃ vivaṭṭaṃ veditabbaṃ. Evaṃ imehi dvīhi padehi ābaddhaṃ hoti upari sakalasuttaṃ.

    звам̣ ааб̣ад̣̇д̇хз жзд̇т̇а яасмаа буб̣б̣з аасаваббахаанам̣ д̣̇ассзд̇ваа бажчаа уббад̇д̇и вужжамаанаа на яуж̇ж̇ад̇и. на хи бахийнаа буна уббаж̇ж̇анд̇и. уббаннаанам̣ бана бахаанам̣ яуж̇ж̇ад̇и, д̇асмаа уд̣̇д̣̇зсабадиломад̇оби ‘‘аяонисо, бхигкавз, манасигарод̇о’’д̇иаад̣̇имааха.

    Evaṃ ābaddhe cettha yasmā pubbe āsavappahānaṃ dassetvā pacchā uppatti vuccamānā na yujjati. Na hi pahīnā puna uppajjanti. Uppannānaṃ pana pahānaṃ yujjati, tasmā uddesapaṭilomatopi ‘‘ayoniso, bhikkhave, manasikaroto’’tiādimāha.

    д̇ад̇т̇а аяонисо манасигарод̇од̇и вуд̇д̇аббагаарам̣ аяонисо манасигаарам̣ уббаад̣̇аяад̇о. ануббаннаа жзва аасаваа уббаж̇ж̇анд̇ийд̇и зд̇т̇а яз буб̣б̣з аббадилад̣̇д̇хабуб̣б̣ам̣ жийвараад̣̇им̣ ваа бажжаяам̣ убадтаагасад̣̇д̇хивихааригаанд̇зваасигаанам̣ ваа ан̃н̃ад̇арам̣ манун̃н̃ам̣ вад̇т̇ум̣ бадилабхид̇ваа, д̇ам̣ субхам̣ суканд̇и аяонисо манасигарод̇о, ан̃н̃ад̇аран̃н̃ад̇арам̣ ваа бана ананубхууд̇абуб̣б̣ам̣ аарамман̣ам̣ яат̇аа ваа д̇ат̇аа ваа аяонисо манасигарод̇о аасаваа уббаж̇ж̇анд̇и, д̇з ануббаннаа уббаж̇ж̇анд̇ийд̇и взд̣̇ид̇аб̣б̣аа, ан̃н̃ат̇аа хи анамад̇аг̇г̇з сам̣саарз ануббаннаа наама аасаваа на санд̇и. анубхууд̇абуб̣б̣зби жа вад̇т̇умхи аарамман̣з ваа яасса багад̇исуд̣̇д̇хияаа ваа уд̣̇д̣̇зсабарибужчаабарияад̇д̇инавагаммаяонисоманасигаараанам̣ ваа ан̃н̃ад̇аравасзна буб̣б̣з ануббаж̇ж̇ид̇ваа бажчаа д̇аад̣̇исзна бажжаязна сахасаа уббаж̇ж̇анд̇и, имзби ануббаннаа уббаж̇ж̇анд̇ийд̇и взд̣̇ид̇аб̣б̣аа. д̇зсуязва бана вад̇т̇аарамман̣зсу бунаббунам̣ уббаж̇ж̇амаанаа уббаннаа бавад̣дханд̇ийд̇и вужжанд̇и. ид̇о ан̃н̃ат̇аа хи батамуббаннаанам̣ вад̣дхи наама над̇т̇и.

    Tattha ayoniso manasikarototi vuttappakāraṃ ayoniso manasikāraṃ uppādayato. Anuppannā ceva āsavā uppajjantīti ettha ye pubbe appaṭiladdhapubbaṃ cīvarādiṃ vā paccayaṃ upaṭṭhākasaddhivihārikaantevāsikānaṃ vā aññataraṃ manuññaṃ vatthuṃ paṭilabhitvā, taṃ subhaṃ sukhanti ayoniso manasikaroto, aññataraññataraṃ vā pana ananubhūtapubbaṃ ārammaṇaṃ yathā vā tathā vā ayoniso manasikaroto āsavā uppajjanti, te anuppannā uppajjantīti veditabbā, aññathā hi anamatagge saṃsāre anuppannā nāma āsavā na santi. Anubhūtapubbepi ca vatthumhi ārammaṇe vā yassa pakatisuddhiyā vā uddesaparipucchāpariyattinavakammayonisomanasikārānaṃ vā aññataravasena pubbe anuppajjitvā pacchā tādisena paccayena sahasā uppajjanti, imepi anuppannā uppajjantīti veditabbā. Tesuyeva pana vatthārammaṇesu punappunaṃ uppajjamānā uppannā pavaḍḍhantīti vuccanti. Ito aññathā hi paṭhamuppannānaṃ vaḍḍhi nāma natthi.

    яонисо жа ко, бхигкавзд̇и зд̇т̇а бана яасса багад̇исуд̣̇д̇хияаа ваа сзяяат̇ааби ааяасмад̇о махаагассабасса бхад̣̇д̣̇ааяа жа гаабилаанияаа, уд̣̇д̣̇зсабарибужчаад̣̇ийхи ваа гааран̣зхи аасаваа нуббаж̇ж̇анд̇и, со жа ж̇аанаад̇и ‘‘на ко мз аасаваа маг̇г̇зна самуг̇гхаад̇ам̣ г̇ад̇аа, ханд̣̇а нзсам̣ самуг̇гхаад̇ааяа бадибаж̇ж̇аамий’’д̇и. д̇ад̇о маг̇г̇абхааванааяа саб̣б̣з самуг̇гхаад̇зд̇и. д̇асса д̇з аасаваа ануббаннаа на уббаж̇ж̇анд̇ийд̇и вужжанд̇и. яасса бана гаарагассзва сад̇о сад̇исаммосзна сахасаа аасаваа уббаж̇ж̇анд̇и, д̇ад̇о сам̣взг̇амаабаж̇ж̇ид̇ваа яонисо бад̣̇аханд̇о д̇з аасавз самужчинд̣̇ад̇и, д̇асса уббаннаа бахийяанд̇ийд̇и вужжанд̇и ман̣д̣алаараамаваасиймахаад̇иссабхууд̇ад̇т̇зрасса вияа. со гира д̇асмим̣язва вихаарз уд̣̇д̣̇зсам̣ г̇ан̣хаад̇и, ат̇асса г̇аамз бин̣д̣ааяа жарад̇о висабхааг̇аарамман̣з гилзсо уббаж̇ж̇и, со д̇ам̣ вибассанааяа вигкамбхзд̇ваа вихаарам̣ аг̇амааси. д̇асса субинанд̇зби д̇ам̣ аарамман̣ам̣ на убадтааси. со ‘‘аяам̣ гилзсо вад̣дхид̇ваа абааяасам̣вад̇д̇аниго ход̇ий’’д̇и сам̣взг̇ам̣ ж̇анзд̇ваа аажарияам̣ аабужчид̇ваа вихаараа нигкамма махаасан̇гхарагкид̇ад̇т̇зрасса санд̇игз рааг̇абадибагкам̣ асубхагаммадтаанам̣ г̇ахзд̇ваа г̇умб̣анд̇арам̣ бависид̇ваа бам̣сугуулажийварам̣ сант̇арид̇ваа нисаж̇ж̇а анааг̇аамимаг̇г̇зна бан̃жагаамаг̇ун̣игарааг̇ам̣ чинд̣̇ид̇ваа удтааяа аажарияам̣ ванд̣̇ид̇ваа бунад̣̇ивасз уд̣̇д̣̇зсамаг̇г̇ам̣ баабун̣и. яз бана вад̇д̇амаануббаннаа, д̇зсам̣ бадибад̇д̇ияаа бахаанам̣ наама над̇т̇и.

    Yonisoca kho, bhikkhaveti ettha pana yassa pakatisuddhiyā vā seyyathāpi āyasmato mahākassapassa bhaddāya ca kāpilāniyā, uddesaparipucchādīhi vā kāraṇehi āsavā nuppajjanti, so ca jānāti ‘‘na kho me āsavā maggena samugghātaṃ gatā, handa nesaṃ samugghātāya paṭipajjāmī’’ti. Tato maggabhāvanāya sabbe samugghāteti. Tassa te āsavā anuppannā na uppajjantīti vuccanti. Yassa pana kārakasseva sato satisammosena sahasā āsavā uppajjanti, tato saṃvegamāpajjitvā yoniso padahanto te āsave samucchindati, tassa uppannā pahīyantīti vuccanti maṇḍalārāmavāsīmahātissabhūtattherassa viya. So kira tasmiṃyeva vihāre uddesaṃ gaṇhāti, athassa gāme piṇḍāya carato visabhāgārammaṇe kileso uppajji, so taṃ vipassanāya vikkhambhetvā vihāraṃ agamāsi. Tassa supinantepi taṃ ārammaṇaṃ na upaṭṭhāsi. So ‘‘ayaṃ kileso vaḍḍhitvā apāyasaṃvattaniko hotī’’ti saṃvegaṃ janetvā ācariyaṃ āpucchitvā vihārā nikkhamma mahāsaṅgharakkhitattherassa santike rāgapaṭipakkhaṃ asubhakammaṭṭhānaṃ gahetvā gumbantaraṃ pavisitvā paṃsukūlacīvaraṃ santharitvā nisajja anāgāmimaggena pañcakāmaguṇikarāgaṃ chinditvā uṭṭhāya ācariyaṃ vanditvā punadivase uddesamaggaṃ pāpuṇi. Ye pana vattamānuppannā, tesaṃ paṭipattiyā pahānaṃ nāma natthi.

    16. ид̣̇аани ‘‘уббаннаа жа аасаваа бахийяанд̇ий’’д̇и ид̣̇амзва бад̣̇ам̣ г̇ахзд̇ваа яз д̇з аасаваа бахийяанд̇и, д̇зсам̣ наанаббагаарад̇о ан̃н̃амби бахаанагааран̣ам̣ аавигаад̇ум̣ д̣̇зсанам̣ вид̇т̇аарзнд̇о ад̇т̇и, бхигкавз, аасаваа д̣̇ассанаа бахаад̇аб̣б̣аад̇иаад̣̇имааха яат̇аа д̇ам̣ д̣̇зсанаабабхзд̣̇агусало д̇хаммарааж̇аа. д̇ад̇т̇а д̣̇ассанаа бахаад̇аб̣б̣аад̇и д̣̇ассанзна бахаад̇аб̣б̣аа. зса наяо саб̣б̣ад̇т̇а.

    16. Idāni ‘‘uppannā ca āsavā pahīyantī’’ti idameva padaṃ gahetvā ye te āsavā pahīyanti, tesaṃ nānappakārato aññampi pahānakāraṇaṃ āvikātuṃ desanaṃ vitthārento atthi, bhikkhave, āsavā dassanā pahātabbātiādimāha yathā taṃ desanāpabhedakusalo dhammarājā. Tattha dassanā pahātabbāti dassanena pahātabbā. Esa nayo sabbattha.

    д̣̇ассанаабахаад̇аб̣б̣ааасававан̣н̣анаа

    Dassanāpahātabbaāsavavaṇṇanā

    17. ид̣̇аани д̇аани бад̣̇аани анубуб̣б̣ад̇о б̣яаагаад̇угаамо ‘‘гад̇амз жа, бхигкавз, аасаваа д̣̇ассанаа бахаад̇аб̣б̣аа’’д̇и бужчам̣ гад̇ваа муулабарияааяаван̣н̣анааяам̣ вуд̇д̇анаязнзва ‘‘ид̇ха, бхигкавз, ассуд̇аваа бут̇уж̇ж̇ано’’д̇и буг̇г̇алаад̇хидтаанам̣ д̣̇зсанам̣ аарабхи. д̇ад̇т̇а манасигаран̣ийяз д̇хаммз наббаж̇аанаад̇ийд̇и ааваж̇ж̇ид̇аб̣б̣з саманнаахарид̇аб̣б̣з д̇хаммз на баж̇аанаад̇и. аманасигаран̣ийязд̇и д̇аб̣б̣ибарийд̇з. зса наяо сзсабад̣̇зсуби. яасмаа бана имз д̇хаммаа манасигаран̣ийяаа, имз аманасигаран̣ийяаад̇и д̇хаммад̇о нияамо над̇т̇и, аагаарад̇о бана ад̇т̇и. язнаа аагаарзна манасигарияамаанаа агусалуббад̇д̇ибад̣̇адтаанаа хонд̇и, д̇знаагаарзна на манасигаад̇аб̣б̣аа. язна гусалуббад̇д̇ибад̣̇адтаанаа хонд̇и, д̇знаагаарзна манасигаад̇аб̣б̣аа. д̇асмаа ‘‘яа’сса, бхигкавз, д̇хаммз манасигарод̇о ануббанно ваа гаамаасаво’’д̇иаад̣̇имааха.

    17. Idāni tāni padāni anupubbato byākātukāmo ‘‘katame ca, bhikkhave, āsavā dassanā pahātabbā’’ti pucchaṃ katvā mūlapariyāyavaṇṇanāyaṃ vuttanayeneva ‘‘idha, bhikkhave, assutavā puthujjano’’ti puggalādhiṭṭhānaṃ desanaṃ ārabhi. Tattha manasikaraṇīye dhamme nappajānātīti āvajjitabbe samannāharitabbe dhamme na pajānāti. Amanasikaraṇīyeti tabbiparīte. Esa nayo sesapadesupi. Yasmā pana ime dhammā manasikaraṇīyā, ime amanasikaraṇīyāti dhammato niyamo natthi, ākārato pana atthi. Yenā ākārena manasikariyamānā akusaluppattipadaṭṭhānā honti, tenākārena na manasikātabbā. Yena kusaluppattipadaṭṭhānā honti, tenākārena manasikātabbā. Tasmā ‘‘ya’ssa, bhikkhave, dhamme manasikaroto anuppanno vā kāmāsavo’’tiādimāha.

    д̇ад̇т̇а яа’ссаад̇и яз асса ассуд̇авад̇о бут̇уж̇ж̇анасса. манасигарод̇од̇и ааваж̇ж̇аяад̇о саманнаахаранд̇асса. ануббанно ваа гаамаасавод̇и зд̇т̇а самужжаяад̇т̇о ваасад̣̇д̣̇о, на вигаббад̇т̇о. д̇асмаа яат̇аа ‘‘яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа…бз… д̇ат̇ааг̇ад̇о д̇зсам̣ аг̇г̇амагкааяад̇ий’’д̇и (ид̇иву. 90) вуд̇д̇з абад̣̇аа жа д̣̇вибад̣̇аа жаад̇и ад̇т̇о, яат̇аа жа ‘‘бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяаа’’д̇и (ма. ни. 1.402) вуд̇д̇з бхууд̇аанан̃жа самбхавзсийнан̃жаад̇и ад̇т̇о, яат̇аа жа ‘‘аг̇г̇ид̇о ваа уд̣̇агад̇о ваа мит̇убхзд̣̇ад̇о ваа’’д̇и (уд̣̇аа. 76) вуд̇д̇з аг̇г̇ид̇о жа уд̣̇агад̇о жа мит̇убхзд̣̇ад̇о жаад̇и ад̇т̇о, звамид̇хааби ануббанно жа гаамаасаво уббаж̇ж̇ад̇и, уббанно жа гаамаасаво бавад̣дхад̇ийд̇и ад̇т̇о д̣̇адтаб̣б̣о. звам̣ сзсзсу.

    Tattha ya’ssāti ye assa assutavato puthujjanassa. Manasikarototi āvajjayato samannāharantassa. Anuppanno vā kāmāsavoti ettha samuccayattho vāsaddo, na vikappattho. Tasmā yathā ‘‘yāvatā, bhikkhave, sattā apadā vā dvipadā vā…pe… tathāgato tesaṃ aggamakkhāyatī’’ti (itivu. 90) vutte apadā ca dvipadā cāti attho, yathā ca ‘‘bhūtānaṃ vā sattānaṃ ṭhitiyā sambhavesīnaṃ vā anuggahāyā’’ti (ma. ni. 1.402) vutte bhūtānañca sambhavesīnañcāti attho, yathā ca ‘‘aggito vā udakato vā mithubhedato vā’’ti (udā. 76) vutte aggito ca udakato ca mithubhedato cāti attho, evamidhāpi anuppanno ca kāmāsavo uppajjati, uppanno ca kāmāsavo pavaḍḍhatīti attho daṭṭhabbo. Evaṃ sesesu.

    зд̇т̇а жа гаамаасавод̇и бан̃жагаамаг̇ун̣иго рааг̇о. бхаваасавод̇и рубааруубабхавз чанд̣̇арааг̇о, жхаананиганд̇и жа сассад̇ужчзд̣̇ад̣̇идтисахаг̇ад̇аа. звам̣ д̣̇идтаасавоби бхаваасавз зва самод̇хаанам̣ г̇ажчад̇и. авиж̇ж̇аасавод̇и жад̇уусу сажжзсу ан̃н̃аан̣ам̣. д̇ад̇т̇а гаамаг̇ун̣з ассаад̣̇ад̇о манасигарод̇о ануббанно жа гаамаасаво уббаж̇ж̇ад̇и, уббанно жа бавад̣дхад̇и. махаг̇г̇ад̇ад̇хаммз ассаад̣̇ад̇о манасигарод̇о ануббанно жа бхаваасаво уббаж̇ж̇ад̇и, уббанно жа бавад̣дхад̇и. д̇ийсу бхуумийсу д̇хаммз жад̇увибаллаасабад̣̇адтаанабхаавзна манасигарод̇о ануббанно жа авиж̇ж̇аасаво уббаж̇ж̇ад̇и, уббанно жа бавад̣дхад̇ийд̇и взд̣̇ид̇аб̣б̣о. вуд̇д̇анаяабажжанийгад̇о суггабагко вид̇т̇аарзд̇аб̣б̣о.

    Ettha ca kāmāsavoti pañcakāmaguṇiko rāgo. Bhavāsavoti rupārūpabhave chandarāgo, jhānanikanti ca sassatucchedadiṭṭhisahagatā. Evaṃ diṭṭhāsavopi bhavāsave eva samodhānaṃ gacchati. Avijjāsavoti catūsu saccesu aññāṇaṃ. Tattha kāmaguṇe assādato manasikaroto anuppanno ca kāmāsavo uppajjati, uppanno ca pavaḍḍhati. Mahaggatadhamme assādato manasikaroto anuppanno ca bhavāsavo uppajjati, uppanno ca pavaḍḍhati. Tīsu bhūmīsu dhamme catuvipallāsapadaṭṭhānabhāvena manasikaroto anuppanno ca avijjāsavo uppajjati, uppanno ca pavaḍḍhatīti veditabbo. Vuttanayapaccanīkato sukkapakkho vitthāretabbo.

    гасмаа бана д̇аяо зва аасаваа ид̇ха вуд̇д̇аад̇и. вимогкабадибагкад̇о. аббан̣ихид̇авимогкабадибагко хи гаамаасаво,. анимид̇д̇асун̃н̃ад̇авимогкабадибагкаа ид̇арз. д̇асмаа имз д̇аяо аасавз уббаад̣̇знд̇аа д̇ин̣н̣ам̣ вимогкаанам̣ абхааг̇ино хонд̇и, ануббаад̣̇знд̇аа бхааг̇инод̇и зд̇амад̇т̇ам̣ д̣̇ассзнд̇зна д̇аяо зва вуд̇д̇аад̇и взд̣̇ид̇аб̣б̣аа. д̣̇идтаасавоби ваа зд̇т̇а вуд̇д̇о язваад̇и ван̣н̣ид̇амзд̇ам̣.

    Kasmā pana tayo eva āsavā idha vuttāti. Vimokkhapaṭipakkhato. Appaṇihitavimokkhapaṭipakkho hi kāmāsavo,. Animittasuññatavimokkhapaṭipakkhā itare. Tasmā ime tayo āsave uppādentā tiṇṇaṃ vimokkhānaṃ abhāgino honti, anuppādentā bhāginoti etamatthaṃ dassentena tayo eva vuttāti veditabbā. Diṭṭhāsavopi vā ettha vutto yevāti vaṇṇitametaṃ.

    д̇асса аманасигаран̣ийяаанам̣ д̇хаммаанам̣ манасигаараад̇и манасигаарахзд̇у, яасмаа д̇з д̇хаммз манаси гарод̇и, д̇асмаад̇и вуд̇д̇ам̣ ход̇и. зса наяо д̣̇уд̇ияабад̣̇зби. ‘‘ануббаннаа жзва аасаваа уббаж̇ж̇анд̇и, уббаннаа жа аасаваа бавад̣дханд̇ий’’д̇и хздтаа вуд̇д̇ааасаваанам̣язва абхзд̣̇ад̇о ниг̇аманамзд̇ам̣.

    Tassaamanasikaraṇīyānaṃ dhammānaṃ manasikārāti manasikārahetu, yasmā te dhamme manasi karoti, tasmāti vuttaṃ hoti. Esa nayo dutiyapadepi. ‘‘Anuppannā ceva āsavā uppajjanti, uppannā ca āsavā pavaḍḍhantī’’ti heṭṭhā vuttaāsavānaṃyeva abhedato nigamanametaṃ.

    18. зд̇д̇аавад̇аа яо аяам̣ буг̇г̇алаад̇хидтаанааяа д̣̇зсанааяа д̣̇ассанаа бахаад̇аб̣б̣з аасавз нид̣̇д̣̇исид̇ум̣ ассуд̇аваа бут̇уж̇ж̇ано вуд̇д̇о, со яасмаа ‘‘аяонисо, бхигкавз, манасигарод̇о ануббаннаа жзва аасаваа уббаж̇ж̇анд̇ий’’д̇и звам̣ сааман̃н̃ад̇о вуд̇д̇аанам̣ аяонисо манасигаарабажжаяаанам̣ гаамаасаваад̣̇ийнамби ад̇хидтаанам̣, д̇асмаа д̇зби аасавз д̇знзва буг̇г̇алзна д̣̇ассзд̇ваа ид̣̇аани д̣̇ассанаа бахаад̇аб̣б̣з аасавз д̣̇ассзнд̇о со звам̣ аяонисо манаси гарод̇и, ахосим̣ ну ко аханд̇иаад̣̇имааха. вижигижчаасийсзна жзд̇т̇а д̣̇идтаасавамби д̣̇ассзд̇ум̣ имам̣ д̣̇зсанам̣ аарабхи.

    18. Ettāvatā yo ayaṃ puggalādhiṭṭhānāya desanāya dassanā pahātabbe āsave niddisituṃ assutavā puthujjano vutto, so yasmā ‘‘ayoniso, bhikkhave, manasikaroto anuppannā ceva āsavā uppajjantī’’ti evaṃ sāmaññato vuttānaṃ ayoniso manasikārapaccayānaṃ kāmāsavādīnampi adhiṭṭhānaṃ, tasmā tepi āsave teneva puggalena dassetvā idāni dassanā pahātabbe āsave dassento so evaṃ ayoniso manasi karoti, ahosiṃ nu kho ahantiādimāha. Vicikicchāsīsena cettha diṭṭhāsavampi dassetuṃ imaṃ desanaṃ ārabhi.

    д̇ассад̇т̇о, яасса д̇з иминаа вуд̇д̇анаязна аасаваа уббаж̇ж̇анд̇и, со бут̇уж̇ж̇ано, яо жааяам̣ ‘‘ассуд̇аваа’’д̇иаад̣̇инаа наязна вуд̇д̇о, со бут̇уж̇ж̇ано звам̣ аяонисо анубааязна уббат̇зна манаси гарод̇и. гат̇ам̣? ахосим̣ ну ко…бз…со гухим̣ г̇аамий бхависсад̇ийд̇и. гим̣ вуд̇д̇ам̣ ход̇и, со звам̣ аяонисо манаси гарод̇и, яат̇аасса ‘‘ахам̣ ахосим̣ ну ко’’д̇иаад̣̇инаа наязна вуд̇д̇аа сол̣асавид̇хааби вижигижчаа уббаж̇ж̇ад̇ийд̇и.

    Tassattho, yassa te iminā vuttanayena āsavā uppajjanti, so puthujjano, yo cāyaṃ ‘‘assutavā’’tiādinā nayena vutto, so puthujjano evaṃ ayoniso anupāyena uppathena manasi karoti. Kathaṃ? Ahosiṃ nu kho…pe…so kuhiṃ gāmī bhavissatīti. Kiṃ vuttaṃ hoti, so evaṃ ayoniso manasi karoti, yathāssa ‘‘ahaṃ ahosiṃ nu kho’’tiādinā nayena vuttā soḷasavidhāpi vicikicchā uppajjatīti.

    д̇ад̇т̇а ахосим̣ ну ко нану код̇и сассад̇аагааран̃жа ад̇хижжасамуббад̇д̇иаагааран̃жа ниссааяа ад̇ийд̇з ад̇д̇ано виж̇ж̇амаанад̇ам̣ авиж̇ж̇амаанад̇ан̃жа ган̇кад̇и. гим̣ гааран̣анд̇и на вад̇д̇аб̣б̣ам̣. уммад̇д̇аго вияа хи б̣аалабут̇уж̇ж̇ано яат̇аа ваа д̇ат̇аа ваа бавад̇д̇ад̇и. абижа аяонисо манасигаароязвзд̇т̇а гааран̣ам̣. звам̣ аяонисо манасигаарасса бана гим̣ гааран̣анд̇и. свзва бут̇уж̇ж̇анабхааво арияаанам̣ ад̣̇ассанаад̣̇ийни ваа. нану жа бут̇уж̇ж̇аноби яонисо манаси гарод̇ийд̇и. го ваа звамааха на манаси гарод̇ийд̇и. на бана д̇ад̇т̇а бут̇уж̇ж̇анабхааво гааран̣ам̣ , сад̣̇д̇хаммассаванагаляаан̣амид̇д̇аад̣̇ийни д̇ад̇т̇а гааран̣аани. на хи мажчамам̣саад̣̇ийни ад̇д̇ано ад̇д̇ано багад̇ияаа суг̇анд̇хаани, абхисан̇каарабажжаяаа бана суг̇анд̇хааниби хонд̇и.

    Tattha ahosiṃ nu kho nanu khoti sassatākārañca adhiccasamuppattiākārañca nissāya atīte attano vijjamānataṃ avijjamānatañca kaṅkhati. Kiṃ kāraṇanti na vattabbaṃ. Ummattako viya hi bālaputhujjano yathā vā tathā vā pavattati. Apica ayoniso manasikāroyevettha kāraṇaṃ. Evaṃ ayoniso manasikārassa pana kiṃ kāraṇanti. Sveva puthujjanabhāvo ariyānaṃ adassanādīni vā. Nanu ca puthujjanopi yoniso manasi karotīti. Ko vā evamāha na manasi karotīti. Na pana tattha puthujjanabhāvo kāraṇaṃ , saddhammassavanakalyāṇamittādīni tattha kāraṇāni. Na hi macchamaṃsādīni attano attano pakatiyā sugandhāni, abhisaṅkhārapaccayā pana sugandhānipi honti.

    гим̣ ну ко ахосинд̇и ж̇аад̇илин̇г̇уубабад̇д̇ияо ниссааяа кад̇д̇ияо ну ко ахосим̣, б̣раахман̣авзссасуд̣̇д̣̇аг̇ахадтабаб̣б̣аж̇ид̇ад̣̇звамануссаанам̣ ан̃н̃ад̇арод̇и ган̇кад̇и.

    Kiṃnu kho ahosinti jātiliṅgūpapattiyo nissāya khattiyo nu kho ahosiṃ, brāhmaṇavessasuddagahaṭṭhapabbajitadevamanussānaṃ aññataroti kaṅkhati.

    гат̇ам̣ ну код̇и сан̣таанаагаарам̣ ниссааяа д̣̇ийгхо ну ко ахосим̣, рассаод̣̇аад̇аган̣хаббамаан̣игааббамаан̣игаад̣̇ийнам̣ ан̃н̃ад̇арод̇и ган̇кад̇и. гзжи бана иссараниммаанаад̣̇им̣ ниссааяа гзна ну ко гааран̣зна ахосинд̇и хзд̇уд̇о ган̇кад̇ийд̇и вад̣̇анд̇и.

    Kathaṃ nu khoti saṇṭhānākāraṃ nissāya dīgho nu kho ahosiṃ, rassaodātakaṇhappamāṇikaappamāṇikādīnaṃ aññataroti kaṅkhati. Keci pana issaranimmānādiṃ nissāya kena nu kho kāraṇena ahosinti hetuto kaṅkhatīti vadanti.

    гим̣ худ̇ваа гим̣ ахосинд̇и ж̇аад̇иаад̣̇ийни ниссааяа кад̇д̇ияо худ̇ваа ну ко б̣раахман̣о ахосим̣…бз… д̣̇зво худ̇ваа мануссод̇и ад̇д̇ано барамбарам̣ ган̇кад̇и. саб̣б̣ад̇т̇зва бана ад̣̇д̇хаананд̇и гаалаад̇хиважанамзд̇ам̣.

    Kiṃ hutvā kiṃ ahosinti jātiādīni nissāya khattiyo hutvā nu kho brāhmaṇo ahosiṃ…pe… devo hutvā manussoti attano paramparaṃ kaṅkhati. Sabbattheva pana addhānanti kālādhivacanametaṃ.

    бхависсаами ну ко нану код̇и сассад̇аагааран̃жа ужчзд̣̇аагааран̃жа ниссааяа анааг̇ад̇з ад̇д̇ано виж̇ж̇амаанад̇ам̣ авиж̇ж̇амаанад̇ан̃жа ган̇кад̇и. сзсамзд̇т̇а вуд̇д̇анаяамзва.

    Bhavissāminu kho nanu khoti sassatākārañca ucchedākārañca nissāya anāgate attano vijjamānataṃ avijjamānatañca kaṅkhati. Sesamettha vuttanayameva.

    зд̇арахи ваа бажжуббаннамад̣̇д̇хаананд̇и ид̣̇аани ваа бадисанд̇хим̣ аад̣̇им̣ гад̇ваа жуд̇ибарияанд̇ам̣ саб̣б̣амби вад̇д̇амаанагаалам̣ г̇ахзд̇ваа. аж̇жхад̇д̇ам̣ гат̇ам̣гат̇ий ход̇ийд̇и ад̇д̇ано канд̇хзсу вижигижчо ход̇и. ахам̣ ну космийд̇и ад̇д̇ано ад̇т̇ибхаавам̣ ган̇кад̇и. яуд̇д̇ам̣ банзд̇анд̇и? яуд̇д̇ам̣ аяуд̇д̇анд̇и гаа зд̇т̇а жинд̇аа. абижзд̇т̇а ид̣̇ам̣ вад̇т̇умби уд̣̇аахаранд̇и. жуул̣амаад̇ааяа гира буд̇д̇о мун̣д̣о, махаамаад̇ааяа буд̇д̇о амун̣д̣о, д̇ам̣ буд̇д̇ам̣ мун̣д̣зсум̣. со удтааяа ахам̣ ну ко жуул̣амаад̇ааяа буд̇д̇од̇и жинд̇зси. звам̣ ахам̣ ну космийд̇и ган̇каа ход̇и.

    Etarahi vā paccuppannamaddhānanti idāni vā paṭisandhiṃ ādiṃ katvā cutipariyantaṃ sabbampi vattamānakālaṃ gahetvā. Ajjhattaṃ kathaṃkathī hotīti attano khandhesu vicikiccho hoti. Ahaṃ nu khosmīti attano atthibhāvaṃ kaṅkhati. Yuttaṃ panetanti? Yuttaṃ ayuttanti kā ettha cintā. Apicettha idaṃ vatthumpi udāharanti. Cūḷamātāya kira putto muṇḍo, mahāmātāya putto amuṇḍo, taṃ puttaṃ muṇḍesuṃ. So uṭṭhāya ahaṃ nu kho cūḷamātāya puttoti cintesi. Evaṃ ahaṃ nu khosmīti kaṅkhā hoti.

    но ну космийд̇и ад̇д̇ано над̇т̇ибхаавам̣ ган̇кад̇и. д̇ад̇рааби ид̣̇ам̣ вад̇т̇у – зго гира мажчз г̇ан̣ханд̇о уд̣̇агз жирадтаанзна сийд̇ибхууд̇ам̣ ад̇д̇ано уурум̣ мажчод̇и жинд̇зд̇ваа бахари. абаро сусаанабассз кзд̇д̇ам̣ рагканд̇о бхийд̇о сан̇гудид̇о саяи. со бадиб̣уж̇жхид̇ваа ад̇д̇ано ж̇ан̣н̣угаани д̣̇вз яагкаад̇и жинд̇зд̇ваа бахари. звам̣ но ну космийд̇и ган̇кад̇и.

    No nu khosmīti attano natthibhāvaṃ kaṅkhati. Tatrāpi idaṃ vatthu – eko kira macche gaṇhanto udake ciraṭṭhānena sītibhūtaṃ attano ūruṃ macchoti cintetvā pahari. Aparo susānapasse khettaṃ rakkhanto bhīto saṅkuṭito sayi. So paṭibujjhitvā attano jaṇṇukāni dve yakkhāti cintetvā pahari. Evaṃ no nu khosmīti kaṅkhati.

    гим̣ ну космийд̇и кад̇д̇ияова самаано ад̇д̇ано кад̇д̇ияабхаавам̣ ган̇кад̇и. зса наяо сзсзсу. д̣̇зво бана самаано д̣̇звабхаавам̣ аж̇аананд̇о наама над̇т̇и. соби бана ‘‘ахам̣ руубий ну ко аруубий ну ко’’д̇иаад̣̇инаа наязна ган̇кад̇и. кад̇д̇ияаад̣̇аяо гасмаа на ж̇аананд̇ийд̇и жз. абажжагкаа д̇зсам̣ д̇ад̇т̇а д̇ад̇т̇а гулз уббад̇д̇и. г̇ахадтааби жа бод̇т̇алигаад̣̇аяо баб̣б̣аж̇ид̇асан̃н̃ино. баб̣б̣аж̇ид̇ааби ‘‘губбам̣ ну ко мз гамма’’нд̇иаад̣̇инаа наязна г̇ахадтасан̃н̃ино. мануссааби жа рааж̇аано вияа ад̇д̇ани д̣̇звасан̃н̃ино хонд̇и.

    Kiṃ nu khosmīti khattiyova samāno attano khattiyabhāvaṃ kaṅkhati. Esa nayo sesesu. Devo pana samāno devabhāvaṃ ajānanto nāma natthi. Sopi pana ‘‘ahaṃ rūpī nu kho arūpī nu kho’’tiādinā nayena kaṅkhati. Khattiyādayo kasmā na jānantīti ce. Apaccakkhā tesaṃ tattha tattha kule uppatti. Gahaṭṭhāpi ca potthalikādayo pabbajitasaññino. Pabbajitāpi ‘‘kuppaṃ nu kho me kamma’’ntiādinā nayena gahaṭṭhasaññino. Manussāpi ca rājāno viya attani devasaññino honti.

    гат̇ам̣ ну космийд̇и вуд̇д̇анаяамзва. гзвалан̃жзд̇т̇а аб̣бханд̇арз ж̇ийво наама ад̇т̇ийд̇и г̇ахзд̇ваа д̇асса сан̣таанаагаарам̣ ниссааяа д̣̇ийгхо ну косми, рассажад̇урам̣сачал̣ам̣саадтам̣сасол̣асам̣саад̣̇ийнам̣ ан̃н̃ад̇араббагаарод̇и ган̇канд̇о гат̇ам̣ ну космийд̇и ган̇кад̇ийд̇и взд̣̇ид̇аб̣б̣о. сарийрасан̣таанам̣ бана бажжуббаннам̣ аж̇аананд̇о наама над̇т̇и.

    Kathaṃ nu khosmīti vuttanayameva. Kevalañcettha abbhantare jīvo nāma atthīti gahetvā tassa saṇṭhānākāraṃ nissāya dīgho nu khosmi, rassacaturaṃsachaḷaṃsaaṭṭhaṃsasoḷasaṃsādīnaṃ aññatarappakāroti kaṅkhanto kathaṃ nu khosmīti kaṅkhatīti veditabbo. Sarīrasaṇṭhānaṃ pana paccuppannaṃ ajānanto nāma natthi.

    гуд̇о ааг̇ад̇о, со гухим̣ г̇аамий бхависсад̇ийд̇и ад̇д̇абхаавасса ааг̇ад̇иг̇ад̇идтаанам̣ ган̇кад̇и.

    Kutoāgato, so kuhiṃ gāmī bhavissatīti attabhāvassa āgatigatiṭṭhānaṃ kaṅkhati.

    19. звам̣ сол̣асаббабхзд̣̇ам̣ вижигижчам̣ д̣̇ассзд̇ваа ид̣̇аани яам̣ иминаа вижигижчаасийсзна д̣̇идтаасавам̣ д̣̇ассзд̇ум̣ аяам̣ д̣̇зсанаа аарад̣̇д̇хаа. д̇ам̣ д̣̇ассзнд̇о д̇асса звам̣ аяонисо манасигарод̇о чаннам̣ д̣̇идтийнанд̇иаад̣̇имааха. д̇ад̇т̇а д̇асса буг̇г̇аласса яат̇аа аяам̣ вижигижчаа уббаж̇ж̇ад̇и, звам̣ аяонисо манасигарод̇о д̇ассзва савижигижчасса аяонисо манасигаарасса т̇аамаг̇ад̇ад̇д̇аа чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇ийд̇и вуд̇д̇ам̣ ход̇и. д̇ад̇т̇а саб̣б̣абад̣̇зсу ваасад̣̇д̣̇о вигаббад̇т̇о, звам̣ ваа звам̣ ваа д̣̇идти уббаж̇ж̇ад̇ийд̇и вуд̇д̇ам̣ ход̇и. ад̇т̇и мз ад̇д̇аад̇и жзд̇т̇а сассад̇ад̣̇идти саб̣б̣агаалзсу ад̇д̇ано ад̇т̇ид̇ам̣ г̇ан̣хаад̇и. сажжад̇о т̇зд̇ад̇од̇и бхууд̇ад̇о жа т̇ирад̇о жа, ‘‘ид̣̇ам̣ сажжа’’нд̇и бхууд̇ад̇о судту д̣̇ал̣хабхаавзнаад̇и вуд̇д̇ам̣ ход̇и. над̇т̇и мз ад̇д̇аад̇и аяам̣ бана ужчзд̣̇ад̣̇идти, сад̇о сад̇д̇асса д̇ад̇т̇а д̇ад̇т̇а вибхаваг̇г̇ахан̣ад̇о. ат̇а ваа буримааби д̇ийсу гаалзсу ад̇т̇ийд̇и г̇ахан̣ад̇о сассад̇ад̣̇идти, бажжуббаннамзва ад̇т̇ийд̇и г̇ан̣ханд̇о ужчзд̣̇ад̣̇идти. бажчимааби ад̇ийд̇аанааг̇ад̇зсу над̇т̇ийд̇и г̇ахан̣ад̇о бхасманд̇аахуд̇ияод̇и г̇ахид̇ад̣̇идтигаанам̣ вияа, ужчзд̣̇ад̣̇идти. ад̇ийд̇з зва над̇т̇ийд̇и г̇ан̣ханд̇о ад̇хижжасамуббад̇д̇игассзва сассад̇ад̣̇идти.

    19. Evaṃ soḷasappabhedaṃ vicikicchaṃ dassetvā idāni yaṃ iminā vicikicchāsīsena diṭṭhāsavaṃ dassetuṃ ayaṃ desanā āraddhā. Taṃ dassento tassa evaṃ ayoniso manasikaroto channaṃ diṭṭhīnantiādimāha. Tattha tassa puggalassa yathā ayaṃ vicikicchā uppajjati, evaṃ ayoniso manasikaroto tasseva savicikicchassa ayoniso manasikārassa thāmagatattā channaṃ diṭṭhīnaṃ aññatarā diṭṭhi uppajjatīti vuttaṃ hoti. Tattha sabbapadesu vāsaddo vikappattho, evaṃ vā evaṃ vā diṭṭhi uppajjatīti vuttaṃ hoti. Atthi me attāti cettha sassatadiṭṭhi sabbakālesu attano atthitaṃ gaṇhāti. Saccato thetatoti bhūtato ca thirato ca, ‘‘idaṃ sacca’’nti bhūtato suṭṭhu daḷhabhāvenāti vuttaṃ hoti. Natthi me attāti ayaṃ pana ucchedadiṭṭhi, sato sattassa tattha tattha vibhavaggahaṇato. Atha vā purimāpi tīsu kālesu atthīti gahaṇato sassatadiṭṭhi, paccuppannameva atthīti gaṇhanto ucchedadiṭṭhi. Pacchimāpi atītānāgatesu natthīti gahaṇato bhasmantāhutiyoti gahitadiṭṭhikānaṃ viya, ucchedadiṭṭhi. Atīte eva natthīti gaṇhanto adhiccasamuppattikasseva sassatadiṭṭhi.

    ад̇д̇анаава ад̇д̇аанам̣ сан̃ж̇аанаамийд̇и сан̃н̃аагканд̇хасийсзна канд̇хз ад̇д̇аад̇и г̇ахзд̇ваа сан̃н̃ааяа авасзсагканд̇хз сан̃ж̇аанад̇о иминаа ад̇д̇анаа имам̣ ад̇д̇аанам̣ сан̃ж̇аанаамийд̇и ход̇и. ад̇д̇анаава анад̇д̇аананд̇и сан̃н̃аагканд̇хам̣язва ад̇д̇аад̇и г̇ахзд̇ваа, ид̇арз жад̇д̇аароби анад̇д̇аад̇и г̇ахзд̇ваа сан̃н̃ааяа д̇зсам̣ ж̇аанад̇о звам̣ ход̇и . анад̇д̇анаава ад̇д̇аананд̇и сан̃н̃аагканд̇хам̣ анад̇д̇аад̇и. ид̇арз жад̇д̇ааро ад̇д̇аад̇и г̇ахзд̇ваа сан̃н̃ааяа д̇зсам̣ ж̇аанад̇о звам̣ ход̇и, саб̣б̣ааби сассад̇ужчзд̣̇ад̣̇идтияова.

    Attanāva attānaṃ sañjānāmīti saññākkhandhasīsena khandhe attāti gahetvā saññāya avasesakkhandhe sañjānato iminā attanā imaṃ attānaṃ sañjānāmīti hoti. Attanāva anattānanti saññākkhandhaṃyeva attāti gahetvā, itare cattāropi anattāti gahetvā saññāya tesaṃ jānato evaṃ hoti . Anattanāva attānanti saññākkhandhaṃ anattāti. Itare cattāro attāti gahetvā saññāya tesaṃ jānato evaṃ hoti, sabbāpi sassatucchedadiṭṭhiyova.

    вад̣̇о взд̣̇зяяод̇иаад̣̇аяо бана сассад̇ад̣̇идтияаа зва абхинивзсаагаараа. д̇ад̇т̇а вад̣̇ад̇ийд̇и вад̣̇о, важийгаммасса гаарагод̇и вуд̇д̇ам̣ ход̇и. взд̣̇аяад̇ийд̇и взд̣̇зяяо, ж̇аанаад̇и анубхавад̇и жаад̇и вуд̇д̇ам̣ ход̇и. гим̣ взд̣̇зд̇ийд̇и, д̇ад̇ра д̇ад̇ра галяаан̣абаабагаанам̣ гаммаанам̣ вибаагам̣ бадисам̣взд̣̇зд̇и. д̇ад̇ра д̇ад̇раад̇и д̇зсу д̇зсу яониг̇ад̇идтид̇иниваасанигааязсу аарамман̣зсу ваа. нижжод̇и уббаад̣̇аваяарахид̇о. д̇хувод̇и т̇иро саарабхууд̇о. сассад̇од̇и саб̣б̣агаалиго. авибарин̣аамад̇хаммод̇и ад̇д̇ано багад̇ибхаавам̣ авиж̇аханад̇хаммо, гаган̣даго вияа наанаббагаарад̇ам̣ наабаж̇ж̇ад̇и. сассад̇исаманд̇и жанд̣̇асуурияасамуд̣̇д̣̇амахаабат̇авийбаб̣б̣ад̇аа логавохаарзна сассад̇ияод̇и вужжанд̇и. сассад̇ийхи самам̣ сассад̇исамам̣. яаава сассад̇ияо д̇идтанд̇и, д̇аава д̇ат̇зва тассад̇ийд̇и г̇ан̣хад̇о звам̣д̣̇идти ход̇и.

    Vado vedeyyotiādayo pana sassatadiṭṭhiyā eva abhinivesākārā. Tattha vadatīti vado, vacīkammassa kārakoti vuttaṃ hoti. Vedayatīti vedeyyo, jānāti anubhavati cāti vuttaṃ hoti. Kiṃ vedetīti, tatra tatra kalyāṇapāpakānaṃ kammānaṃ vipākaṃ paṭisaṃvedeti. Tatra tatrāti tesu tesu yonigatiṭṭhitinivāsanikāyesu ārammaṇesu vā. Niccoti uppādavayarahito. Dhuvoti thiro sārabhūto. Sassatoti sabbakāliko. Avipariṇāmadhammoti attano pakatibhāvaṃ avijahanadhammo, kakaṇṭako viya nānappakārataṃ nāpajjati. Sassatisamanti candasūriyasamuddamahāpathavīpabbatā lokavohārena sassatiyoti vuccanti. Sassatīhi samaṃ sassatisamaṃ. Yāva sassatiyo tiṭṭhanti, tāva tatheva ṭhassatīti gaṇhato evaṃdiṭṭhi hoti.

    ид̣̇ам̣ вужжад̇и, бхигкавз, д̣̇идтиг̇ад̇анд̇иаад̣̇ийсу. ид̣̇анд̇и ид̣̇аани вад̇д̇аб̣б̣асса бажжагканид̣̇ассанам̣. д̣̇идтиг̇ад̇асамб̣анд̇хзна жа ид̣̇анд̇и вуд̇д̇ам̣, на д̣̇идтисамб̣анд̇хзна. зд̇т̇а жа д̣̇идтиязва д̣̇идтиг̇ад̇ам̣, г̇уут̇аг̇ад̇ам̣ вияа. д̣̇идтийсу ваа г̇ад̇амид̣̇ам̣ д̣̇ассанам̣ д̣̇ваасадтид̣̇идтианд̇ог̇ад̇хад̇д̇аад̇иби д̣̇идтиг̇ад̇ам̣. д̣̇идтияаа ваа г̇ад̇ам̣ д̣̇идтиг̇ад̇ам̣. ид̣̇ан̃хи ад̇т̇и мз ад̇д̇аад̇иаад̣̇и д̣̇идтияаа г̇аманамад̇д̇амзва, над̇т̇зд̇т̇а ад̇д̇аа ваа нижжо ваа гожийд̇и вуд̇д̇ам̣ ход̇и. саа жааяам̣ д̣̇идти д̣̇унниг̇г̇аманадтзна г̇аханам̣. д̣̇урад̇иггамадтзна саббадибхаяадтзна жа ганд̇ааро, д̣̇уб̣бхигкаганд̇аараваал̣аганд̇аараад̣̇аяо вияа. саммаад̣̇идтияаа винивиж̇жханадтзна виломанадтзна ваа висуугам̣. гад̣̇аажи сассад̇асса, гад̣̇аажи ужчзд̣̇асса г̇ахан̣ад̇о вируубам̣ панд̣̇ид̇анд̇и вибпанд̣̇ид̇ам̣. б̣анд̇ханадтзна сам̣яож̇анам̣. д̇знааха ‘‘д̣̇идтиг̇аханам̣…бз… д̣̇идтисам̣яож̇ана’’нд̇и. ид̣̇аанисса д̇амзва б̣анд̇ханад̇т̇ам̣ д̣̇ассзнд̇о д̣̇идтисам̣яож̇анасам̣яуд̇д̇од̇иаад̣̇имааха. д̇ассааяам̣ сан̇кзбад̇т̇о. иминаа д̣̇идтисам̣яож̇анзна сам̣яуд̇д̇о бут̇уж̇ж̇ано зд̇зхи ж̇аад̇иаад̣̇ийхи на баримужжад̇ийд̇и. гим̣ ваа б̣ахунаа, сагалаваддад̣̇угкад̇оби на мужжад̇ийд̇и.

    Idaṃ vuccati, bhikkhave, diṭṭhigatantiādīsu. Idanti idāni vattabbassa paccakkhanidassanaṃ. Diṭṭhigatasambandhena ca idanti vuttaṃ, na diṭṭhisambandhena. Ettha ca diṭṭhiyeva diṭṭhigataṃ, gūthagataṃ viya. Diṭṭhīsu vā gatamidaṃ dassanaṃ dvāsaṭṭhidiṭṭhiantogadhattātipi diṭṭhigataṃ. Diṭṭhiyā vā gataṃ diṭṭhigataṃ. Idañhi atthi me attātiādi diṭṭhiyā gamanamattameva, natthettha attā vā nicco vā kocīti vuttaṃ hoti. Sā cāyaṃ diṭṭhi dunniggamanaṭṭhena gahanaṃ. Duratikkamaṭṭhena sappaṭibhayaṭṭhena ca kantāro, dubbhikkhakantāravāḷakantārādayo viya. Sammādiṭṭhiyā vinivijjhanaṭṭhena vilomanaṭṭhena vā visūkaṃ. Kadāci sassatassa, kadāci ucchedassa gahaṇato virūpaṃ phanditanti vipphanditaṃ. Bandhanaṭṭhena saṃyojanaṃ. Tenāha ‘‘diṭṭhigahanaṃ…pe… diṭṭhisaṃyojana’’nti. Idānissa tameva bandhanatthaṃ dassento diṭṭhisaṃyojanasaṃyuttotiādimāha. Tassāyaṃ saṅkhepattho. Iminā diṭṭhisaṃyojanena saṃyutto puthujjano etehi jātiādīhi na parimuccatīti. Kiṃ vā bahunā, sakalavaṭṭadukkhatopi na muccatīti.

    20. звам̣ чаббабхзд̣̇ам̣ д̣̇идтаасавам̣ д̣̇ассзд̇ваа яасмаа сийлаб̣б̣ад̇абараамаасо гаамаасаваад̣̇иважанзнзва д̣̇ассид̇о ход̇и. гаамасукад̇т̇ан̃хи бхавасукабхавависуд̣̇д̇хиад̇т̇ан̃жа авиж̇ж̇ааяа абхибхууд̇аа ид̇о б̣ахид̣̇д̇хаа саман̣аб̣раахман̣аа сийлаб̣б̣ад̇аани бараамасанд̇и, д̇асмаа д̇ам̣ ад̣̇ассзд̇ваа д̣̇идтиг̇г̇ахан̣зна ваа д̇асса г̇ахид̇ад̇д̇ааби д̇ам̣ ад̣̇ассзд̇ваава ид̣̇аани яо буг̇г̇ало д̣̇ассанаа бахаад̇аб̣б̣з аасавз баж̇ахад̇и, д̇ам̣ д̣̇ассзд̇ваа д̇зсам̣ аасаваанам̣ бахаанам̣ д̣̇ассзд̇ум̣ буб̣б̣з ваа аяонисо манасигарод̇о бут̇уж̇ж̇анасса д̇зсам̣ уббад̇д̇им̣ д̣̇ассзд̇ваа ид̣̇аани д̇аб̣б̣ибарийд̇асса бахаанам̣ д̣̇ассзд̇ум̣ суд̇аваа жа ко, бхигкавзд̇иаад̣̇имааха.

    20. Evaṃ chappabhedaṃ diṭṭhāsavaṃ dassetvā yasmā sīlabbataparāmāso kāmāsavādivacaneneva dassito hoti. Kāmasukhatthañhi bhavasukhabhavavisuddhiatthañca avijjāya abhibhūtā ito bahiddhā samaṇabrāhmaṇā sīlabbatāni parāmasanti, tasmā taṃ adassetvā diṭṭhiggahaṇena vā tassa gahitattāpi taṃ adassetvāva idāni yo puggalo dassanā pahātabbe āsave pajahati, taṃ dassetvā tesaṃ āsavānaṃ pahānaṃ dassetuṃ pubbe vā ayoniso manasikaroto puthujjanassa tesaṃ uppattiṃ dassetvā idāni tabbiparītassa pahānaṃ dassetuṃ sutavā ca kho, bhikkhavetiādimāha.

    д̇ассад̇т̇о, яаава ‘‘со ид̣̇ам̣ д̣̇угка’’нд̇и ааг̇ажчад̇и, д̇аава хздтаа вуд̇д̇анаязна жа вуд̇д̇абажжанийгад̇о жа взд̣̇ид̇аб̣б̣о. бажжанийгад̇о жа саб̣б̣аагаарзна арияад̇хаммасса аговид̣̇аавинийд̇абажжанийгад̇о аяам̣ ‘‘суд̇аваа арияасааваго арияад̇хаммасса говид̣̇о арияад̇хаммз сувинийд̇о’’д̇и взд̣̇ид̇аб̣б̣о. абижа ко сикаабад̇д̇авибассанад̇о бабхуд̇и яаава г̇од̇рабху, д̇аава д̇ад̣̇ануруубзна ад̇т̇зна аяам̣ арияасаавагод̇и взд̣̇ид̇аб̣б̣о.

    Tassattho, yāva ‘‘so idaṃ dukkha’’nti āgacchati, tāva heṭṭhā vuttanayena ca vuttapaccanīkato ca veditabbo. Paccanīkato ca sabbākārena ariyadhammassa akovidāvinītapaccanīkato ayaṃ ‘‘sutavā ariyasāvako ariyadhammassa kovido ariyadhamme suvinīto’’ti veditabbo. Apica kho sikhāpattavipassanato pabhuti yāva gotrabhu, tāva tadanurūpena atthena ayaṃ ariyasāvakoti veditabbo.

    21. ‘‘со ид̣̇ам̣ д̣̇угканд̇и яонисо манаси гарод̇ий’’д̇иаад̣̇ийсу бана аяам̣ ад̇т̇авибхааванаа, со жад̇усажжагаммадтааниго арияасааваго д̇ан̣хааваж̇ж̇аа д̇збхуумагаа канд̇хаа д̣̇угкам̣, д̇ан̣хаа д̣̇угкасамуд̣̇аяо, убхиннам̣ аббавад̇д̇и нирод̇хо, нирод̇хасамбаабаго маг̇г̇од̇и звам̣ буб̣б̣зва аажарияасанд̇игз уг̇г̇ахид̇ажад̇усажжагаммадтаано абарзна самаязна вибассанаамаг̇г̇ам̣ самаарул̣хо самаано д̇з д̇збхуумагз канд̇хз ид̣̇ам̣ д̣̇угканд̇и яонисо манаси гарод̇и, убааязна бат̇зна саманнаахарад̇и жзва вибассад̇и жа. зд̇т̇а хи яаава сод̇аабад̇д̇имаг̇г̇о, д̇аава манасигаарасийсзнзва вибассанаа вуд̇д̇аа. яаа банааяам̣ д̇ассзва д̣̇угкасса самудтаабигаа бабхаавигаа д̇ан̣хаа, аяам̣ самуд̣̇аяод̇и яонисо манаси гарод̇и. яасмаа бана д̣̇угкан̃жа самуд̣̇аяо жа ид̣̇ам̣ таанам̣ бад̇ваа нируж̇жханд̇и наббавад̇д̇анд̇и, д̇асмаа яад̣̇ид̣̇ам̣ ниб̣б̣аанам̣ наама, аяам̣ д̣̇угканирод̇ход̇и яонисо манаси гарод̇и. нирод̇хасамбаабагам̣ адтан̇г̇игам̣ маг̇г̇ам̣ аяам̣ д̣̇угканирод̇хаг̇ааминий бадибад̣̇аад̇и яонисо манаси гарод̇и, убааязна бат̇зна саманнаахарад̇и жзва вибассад̇и жа.

    21. ‘‘So idaṃ dukkhanti yoniso manasi karotī’’tiādīsu pana ayaṃ atthavibhāvanā, so catusaccakammaṭṭhāniko ariyasāvako taṇhāvajjā tebhūmakā khandhā dukkhaṃ, taṇhā dukkhasamudayo, ubhinnaṃ appavatti nirodho, nirodhasampāpako maggoti evaṃ pubbeva ācariyasantike uggahitacatusaccakammaṭṭhāno aparena samayena vipassanāmaggaṃ samāruḷho samāno te tebhūmake khandhe idaṃ dukkhanti yoniso manasi karoti, upāyena pathena samannāharati ceva vipassati ca. Ettha hi yāva sotāpattimaggo, tāva manasikārasīseneva vipassanā vuttā. Yā panāyaṃ tasseva dukkhassa samuṭṭhāpikā pabhāvikā taṇhā, ayaṃ samudayoti yoniso manasi karoti. Yasmā pana dukkhañca samudayo ca idaṃ ṭhānaṃ patvā nirujjhanti nappavattanti, tasmā yadidaṃ nibbānaṃ nāma, ayaṃ dukkhanirodhoti yoniso manasi karoti. Nirodhasampāpakaṃ aṭṭhaṅgikaṃ maggaṃ ayaṃ dukkhanirodhagāminī paṭipadāti yoniso manasi karoti, upāyena pathena samannāharati ceva vipassati ca.

    д̇ад̇рааяам̣ убааяо, абхинивзсо наама ваддз ход̇и, виваддз над̇т̇и. д̇асмаа ‘‘аяам̣ ад̇т̇и имасмим̣ гааяз бат̇авийд̇хаад̇у, аабод̇хаад̇уу’’д̇иаад̣̇инаа наязна сагасанд̇ад̇ияам̣ жад̇д̇аари бхууд̇аани д̇ад̣̇анусаарзна убаад̣̇ааруубаани жа бариг̇г̇ахзд̇ваа аяам̣ руубагканд̇ход̇и вавад̇т̇абзд̇и. д̇ам̣ вавад̇т̇аабаяад̇о уббаннз д̇ад̣̇аарамман̣з жид̇д̇ажзд̇асигз д̇хаммз имз жад̇д̇ааро аруубагканд̇хаад̇и вавад̇т̇абзд̇и. д̇ад̇о имз бан̃жагканд̇хаа д̣̇угканд̇и вавад̇т̇абзд̇и. д̇з бана сан̇кзбад̇о нааман̃жа руубан̃жаад̇и д̣̇вз бхааг̇ааязва хонд̇и. ид̣̇ан̃жа наамаруубам̣ сахзд̇у саббажжаяам̣ уббаж̇ж̇ад̇и. д̇асса аяам̣ хзд̇у аяам̣ бажжаяод̇и авиж̇ж̇аабхавад̇ан̣хаагаммаахаараад̣̇игз хзд̇убажжаяз вавад̇т̇абзд̇и. д̇ад̇о д̇зсам̣ бажжаяаанан̃жа бажжаяуббаннад̇хаммаанан̃жа яаат̇аавасарасалагкан̣ам̣ вавад̇т̇абзд̇ваа имз д̇хаммаа ахуд̇ваа хонд̇ийд̇и анижжалагкан̣ам̣ ааробзд̇и, уд̣̇аяаб̣б̣аяабийл̣ид̇ад̇д̇аа д̣̇угкаад̇и д̣̇угкалагкан̣ам̣ ааробзд̇и. авасавад̇д̇анад̇о анад̇д̇аад̇и анад̇д̇алагкан̣ам̣ ааробзд̇и. звам̣ д̇ийн̣и лагкан̣аани ааробзд̇ваа бадибаадияаа вибассанам̣ бавад̇д̇знд̇о сод̇аабад̇д̇имаг̇г̇ам̣ баабун̣аад̇и.

    Tatrāyaṃ upāyo, abhiniveso nāma vaṭṭe hoti, vivaṭṭe natthi. Tasmā ‘‘ayaṃ atthi imasmiṃ kāye pathavīdhātu, āpodhātū’’tiādinā nayena sakasantatiyaṃ cattāri bhūtāni tadanusārena upādārūpāni ca pariggahetvā ayaṃ rūpakkhandhoti vavatthapeti. Taṃ vavatthāpayato uppanne tadārammaṇe cittacetasike dhamme ime cattāro arūpakkhandhāti vavatthapeti. Tato ime pañcakkhandhā dukkhanti vavatthapeti. Te pana saṅkhepato nāmañca rūpañcāti dve bhāgāyeva honti. Idañca nāmarūpaṃ sahetu sappaccayaṃ uppajjati. Tassa ayaṃ hetu ayaṃ paccayoti avijjābhavataṇhākammāhārādike hetupaccaye vavatthapeti. Tato tesaṃ paccayānañca paccayuppannadhammānañca yāthāvasarasalakkhaṇaṃ vavatthapetvā ime dhammā ahutvā hontīti aniccalakkhaṇaṃ āropeti, udayabbayapīḷitattā dukkhāti dukkhalakkhaṇaṃ āropeti. Avasavattanato anattāti anattalakkhaṇaṃ āropeti. Evaṃ tīṇi lakkhaṇāni āropetvā paṭipāṭiyā vipassanaṃ pavattento sotāpattimaggaṃ pāpuṇāti.

    д̇асмим̣ кан̣з жад̇д̇аари сажжаани згабадивзд̇хзнзва бадивиж̇жхад̇и, згаабхисамаязна абхисамзд̇и. д̣̇угкам̣ барин̃н̃аабадивзд̇хзна бадивиж̇жхад̇и, самуд̣̇аяам̣ бахаанабадивзд̇хзна, нирод̇хам̣ сажчигирияаабадивзд̇хзна, маг̇г̇ам̣ бхааванаабадивзд̇хзна. д̣̇угкан̃жа барин̃н̃аабхисамаязна абхисамзд̇и…бз… маг̇г̇ам̣ бхааванаабхисамаязна абхисамзд̇и, но жа ко ан̃н̃аман̃н̃зна н̃аан̣зна. зган̃аан̣знзва хи зса нирод̇хам̣ аарамман̣ад̇о, сзсаани гижжад̇о бадивиж̇жхад̇и жзва абхисамзд̇и жа. на хисса д̇асмим̣ самаяз звам̣ ход̇и – ‘‘ахам̣ д̣̇угкам̣ бариж̇аанаамий’’д̇и ваа…бз… ‘‘маг̇г̇ам̣ бхаавзмий’’д̇и ваа. абижа квасса аарамман̣ам̣ гад̇ваа бадивзд̇хавасзна нирод̇хам̣ сажчигарод̇о звам̣ д̇ам̣ н̃аан̣ам̣ д̣̇угкабарин̃н̃аагижжамби самуд̣̇аяабахаанагижжамби маг̇г̇абхааванаагижжамби гарод̇иязва. д̇ассзвам̣ убааязна яонисо манасигарод̇о д̇ийн̣и сам̣яож̇анаани бахийяанд̇и, вийсад̇ивад̇т̇угаа саггааяад̣̇идти, адтавад̇т̇угаа вижигижчаа, ‘‘сийлзна суд̣̇д̇хи вад̇зна суд̣̇д̇хий’’д̇и сийлаб̣б̣ад̇аанам̣ бараамасанад̇о сийлаб̣б̣ад̇абараамаасод̇и. д̇ад̇т̇а жад̇уусу аасавзсу саггааяад̣̇идтисийлаб̣б̣ад̇абараамаасаа д̣̇идтаасавзна сан̇г̇ахид̇ад̇д̇аа аасаваа жзва сам̣яож̇анаа жа. вижигижчаа сам̣яож̇анамзва, на аасаво . ‘‘д̣̇ассанаа бахаад̇аб̣б̣аа аасаваа’’д̇и зд̇т̇а барияаабаннад̇д̇аа бана аасаваад̇и.

    Tasmiṃ khaṇe cattāri saccāni ekapaṭivedheneva paṭivijjhati, ekābhisamayena abhisameti. Dukkhaṃ pariññāpaṭivedhena paṭivijjhati, samudayaṃ pahānapaṭivedhena, nirodhaṃ sacchikiriyāpaṭivedhena, maggaṃ bhāvanāpaṭivedhena. Dukkhañca pariññābhisamayena abhisameti…pe… maggaṃ bhāvanābhisamayena abhisameti, no ca kho aññamaññena ñāṇena. Ekañāṇeneva hi esa nirodhaṃ ārammaṇato, sesāni kiccato paṭivijjhati ceva abhisameti ca. Na hissa tasmiṃ samaye evaṃ hoti – ‘‘ahaṃ dukkhaṃ parijānāmī’’ti vā…pe… ‘‘maggaṃ bhāvemī’’ti vā. Apica khvassa ārammaṇaṃ katvā paṭivedhavasena nirodhaṃ sacchikaroto evaṃ taṃ ñāṇaṃ dukkhapariññākiccampi samudayapahānakiccampi maggabhāvanākiccampi karotiyeva. Tassevaṃ upāyena yoniso manasikaroto tīṇi saṃyojanāni pahīyanti, vīsativatthukā sakkāyadiṭṭhi, aṭṭhavatthukā vicikicchā, ‘‘sīlena suddhi vatena suddhī’’ti sīlabbatānaṃ parāmasanato sīlabbataparāmāsoti. Tattha catūsu āsavesu sakkāyadiṭṭhisīlabbataparāmāsā diṭṭhāsavena saṅgahitattā āsavā ceva saṃyojanā ca. Vicikicchā saṃyojanameva, na āsavo . ‘‘Dassanā pahātabbā āsavā’’ti ettha pariyāpannattā pana āsavāti.

    ‘‘имз вужжанд̇и…бз… бахаад̇аб̣б̣аа’’д̇и имз саггааяад̣̇идтиаад̣̇аяо д̣̇ассанаа бахаад̇аб̣б̣аа наама аасаваад̇и д̣̇ассзнд̇о ааха. ат̇а ваа яаа аяам̣ чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇ийд̇и звам̣ саруубзнзва саггааяад̣̇идти вибхад̇д̇аа. д̇ам̣ санд̇хааяааха ‘‘имз вужжанд̇и, бхигкавз’’д̇и. саа жа яасмаа сахаж̇аад̇абахаанзгадтзхи сад̣̇д̇хим̣ бахийяад̇и. д̣̇идтаасавз хи бахийяамаанз д̇ам̣сахаж̇аад̇о жад̇уусу д̣̇идтисамбаяуд̇д̇ажид̇д̇зсу гаамаасавоби авиж̇ж̇аасавоби бахийяад̇и . бахаанзгадто бана жад̇уусу д̣̇идтивиббаяуд̇д̇зсу нааг̇асубан̣н̣аад̣̇исамид̣̇д̇хибад̇т̇анаавасзна уббаж̇ж̇амаано бхаваасаво. д̇знзва самбаяуд̇д̇о авиж̇ж̇аасавоби, д̣̇вийсу д̣̇оманассажид̇д̇зсу баан̣аад̇ибаад̇аад̣̇иниб̣б̣ад̇д̇аго авиж̇ж̇аасавоби, д̇ат̇аа вижигижчаажид̇д̇асамбаяуд̇д̇о авиж̇ж̇аасавобийд̇и звам̣ саб̣б̣ат̇ааби авасзсаа д̇аяоби аасаваа бахийяанд̇и. д̇асмаа б̣ахуважананид̣̇д̣̇зсо гад̇од̇и звамзд̇т̇а ад̇т̇о взд̣̇ид̇аб̣б̣о. зса бораан̣аанам̣ ад̇хиббааяо.

    ‘‘Ime vuccanti…pe… pahātabbā’’ti ime sakkāyadiṭṭhiādayo dassanā pahātabbā nāma āsavāti dassento āha. Atha vā yā ayaṃ channaṃ diṭṭhīnaṃ aññatarā diṭṭhi uppajjatīti evaṃ sarūpeneva sakkāyadiṭṭhi vibhattā. Taṃ sandhāyāha ‘‘ime vuccanti, bhikkhave’’ti. Sā ca yasmā sahajātapahānekaṭṭhehi saddhiṃ pahīyati. Diṭṭhāsave hi pahīyamāne taṃsahajāto catūsu diṭṭhisampayuttacittesu kāmāsavopi avijjāsavopi pahīyati . Pahānekaṭṭho pana catūsu diṭṭhivippayuttesu nāgasupaṇṇādisamiddhipatthanāvasena uppajjamāno bhavāsavo. Teneva sampayutto avijjāsavopi, dvīsu domanassacittesu pāṇātipātādinibbattako avijjāsavopi, tathā vicikicchācittasampayutto avijjāsavopīti evaṃ sabbathāpi avasesā tayopi āsavā pahīyanti. Tasmā bahuvacananiddeso katoti evamettha attho veditabbo. Esa porāṇānaṃ adhippāyo.

    д̣̇ассанаа бахаад̇аб̣б̣аад̇и д̣̇ассанам̣ наама сод̇аабад̇д̇имаг̇г̇о, д̇зна бахаад̇аб̣б̣аад̇и ад̇т̇о. гасмаа сод̇аабад̇д̇имаг̇г̇о д̣̇ассанам̣? батамам̣ ниб̣б̣аанад̣̇ассанад̇о. нану г̇од̇рабху батамад̇арам̣ бассад̇ийд̇и? но на бассад̇и. д̣̇исваа гад̇д̇аб̣б̣агижжам̣ бана на гарод̇и сам̣яож̇анаанам̣ аббахаанад̇о. д̇асмаа бассад̇ийд̇и на вад̇д̇аб̣б̣о. яад̇т̇а гад̇т̇ажи рааж̇аанам̣ д̣̇исвааби бан̣н̣аагаарам̣ д̣̇ад̇ваа гижжанибпад̇д̇ияаа ад̣̇идтад̇д̇аа ‘‘аж̇ж̇ааби рааж̇аанам̣ на бассаамий’’д̇и вад̣̇анд̇о г̇аамаваасий бурисо жзд̇т̇а нид̣̇ассанам̣.

    Dassanā pahātabbāti dassanaṃ nāma sotāpattimaggo, tena pahātabbāti attho. Kasmā sotāpattimaggo dassanaṃ? Paṭhamaṃ nibbānadassanato. Nanu gotrabhu paṭhamataraṃ passatīti? No na passati. Disvā kattabbakiccaṃ pana na karoti saṃyojanānaṃ appahānato. Tasmā passatīti na vattabbo. Yattha katthaci rājānaṃ disvāpi paṇṇākāraṃ datvā kiccanipphattiyā adiṭṭhattā ‘‘ajjāpi rājānaṃ na passāmī’’ti vadanto gāmavāsī puriso cettha nidassanaṃ.

    д̣̇ассанаабахаад̇аб̣б̣ааасававан̣н̣анаа нидтид̇аа.

    Dassanāpahātabbaāsavavaṇṇanā niṭṭhitā.

    сам̣вараабахаад̇аб̣б̣ааасававан̣н̣анаа

    Saṃvarāpahātabbaāsavavaṇṇanā

    22. звам̣ д̣̇ассанзна бахаад̇аб̣б̣з аасавз д̣̇ассзд̇ваа ид̣̇аани д̇ад̣̇ананд̇аруд̣̇д̣̇идтз сам̣вараа бахаад̇аб̣б̣з д̣̇ассзд̇ум̣, гад̇амз жа, бхигкавз, аасаваа сам̣вараа бахаад̇аб̣б̣аад̇и ааха. звам̣ саб̣б̣ад̇т̇а самб̣анд̇хо взд̣̇ид̇аб̣б̣о. ид̇о баран̃хи ад̇т̇амад̇д̇амзва ван̣н̣аяиссаама.

    22. Evaṃ dassanena pahātabbe āsave dassetvā idāni tadanantaruddiṭṭhe saṃvarā pahātabbe dassetuṃ, katame ca, bhikkhave, āsavā saṃvarā pahātabbāti āha. Evaṃ sabbattha sambandho veditabbo. Ito parañhi atthamattameva vaṇṇayissāma.

    нану жа д̣̇ассанзна бхааванааяаад̇и имзхи д̣̇вийхи аббахаад̇аб̣б̣о аасаво наама над̇т̇и, ат̇а гасмаа висум̣ сам̣вараад̣̇ийхи бахаад̇аб̣б̣з д̣̇ассзд̇ийд̇и. сам̣вараад̣̇ийхи буб̣б̣абхааг̇з вигкамбхид̇аа аасаваа жад̇уухи маг̇г̇зхи самуг̇гхаад̇ам̣ г̇ажчанд̇и, д̇асмаа д̇зсам̣ маг̇г̇аанам̣ буб̣б̣абхааг̇з имзхи бан̃жахаагаарзхи вигкамбханаббахаанам̣ д̣̇ассзнд̇о звамааха. д̇асмаа яо жааяам̣ вуд̇д̇о батамо д̣̇ассанамаг̇г̇оязва, ид̣̇аани бхааванаанаамзна вужжиссанд̇и д̇аяо маг̇г̇аа, д̇зсам̣ саб̣б̣зсамби аяам̣ буб̣б̣абхааг̇абадибад̣̇аад̇и взд̣̇ид̇аб̣б̣аа.

    Nanu ca dassanena bhāvanāyāti imehi dvīhi appahātabbo āsavo nāma natthi, atha kasmā visuṃ saṃvarādīhi pahātabbe dassetīti. Saṃvarādīhi pubbabhāge vikkhambhitā āsavā catūhi maggehi samugghātaṃ gacchanti, tasmā tesaṃ maggānaṃ pubbabhāge imehi pañcahākārehi vikkhambhanappahānaṃ dassento evamāha. Tasmā yo cāyaṃ vutto paṭhamo dassanamaggoyeva, idāni bhāvanānāmena vuccissanti tayo maggā, tesaṃ sabbesampi ayaṃ pubbabhāgapaṭipadāti veditabbā.

    д̇ад̇т̇а ид̇хаад̇и имасмим̣ саасанз. бадисан̇каад̇и бадисан̇кааяа. д̇ад̇т̇ааяам̣ сан̇каасад̣̇д̣̇о н̃аан̣агодтаасабан̃н̃ад̇д̇иг̇ан̣анаасу д̣̇иссад̇и. ‘‘сан̇кааязгам̣ бадисзвад̇ий’’д̇иаад̣̇ийсу (ма. ни. 2.168) хи н̃аан̣з д̣̇иссад̇и. ‘‘бабан̃жасан̃н̃аасан̇каа самуд̣̇аажаранд̇ий’’д̇иаад̣̇ийсу (ма. ни. 1.201) годтаасз. ‘‘д̇зсам̣ д̇зсам̣ д̇хаммаанам̣ сан̇каа саман̃н̃аа’’д̇иаад̣̇ийсу (д̇ха. са. 1313) бан̃н̃ад̇д̇ияам̣. ‘‘на сугарам̣ сан̇каад̇у’’нд̇иаад̣̇ийсу (сам̣. ни. 2.128) г̇ан̣анааяам̣. ид̇ха бана н̃аан̣з д̣̇адтаб̣б̣о.

    Tattha idhāti imasmiṃ sāsane. Paṭisaṅkhāti paṭisaṅkhāya. Tatthāyaṃ saṅkhāsaddo ñāṇakoṭṭhāsapaññattigaṇanāsu dissati. ‘‘Saṅkhāyekaṃ paṭisevatī’’tiādīsu (ma. ni. 2.168) hi ñāṇe dissati. ‘‘Papañcasaññāsaṅkhā samudācarantī’’tiādīsu (ma. ni. 1.201) koṭṭhāse. ‘‘Tesaṃ tesaṃ dhammānaṃ saṅkhā samaññā’’tiādīsu (dha. sa. 1313) paññattiyaṃ. ‘‘Na sukaraṃ saṅkhātu’’ntiādīsu (saṃ. ni. 2.128) gaṇanāyaṃ. Idha pana ñāṇe daṭṭhabbo.

    бадисан̇каа яонисод̇и хи убааязна бат̇зна бадисан̇кааяа н̃ад̇ваа бажжавзгкид̇ваад̇и ад̇т̇о. зд̇т̇а жа асам̣варз аад̣̇ийнавабадисан̇каа яонисо бадисан̇каад̇и взд̣̇ид̇аб̣б̣аа. саа жааяам̣ ‘‘варам̣, бхигкавз, д̇ад̇д̇ааяа аяосалаагааяа аад̣̇ид̇д̇ааяа самбаж̇ж̇алид̇ааяа саж̇од̇ибхууд̇ааяа жагкунд̣̇рияам̣ самбалимадтам̣, на д̇взва жагкувин̃н̃зяязсу руубзсу ануб̣яан̃ж̇анасо нимид̇д̇аг̇г̇аахо’’д̇иаад̣̇инаа (сам̣. ни. 4.235) аад̣̇ид̇д̇абарияааяанаязна взд̣̇ид̇аб̣б̣аа. жагкунд̣̇рияасам̣варасам̣вуд̇о вихарад̇ийд̇и зд̇т̇а жагкумзва инд̣̇рияам̣ жагкунд̣̇рияам̣, сам̣варан̣ад̇о сам̣варо, бид̣̇аханад̇о т̇аганад̇од̇и вуд̇д̇ам̣ ход̇и. сад̇ияаа зд̇ам̣ ад̇хиважанам̣. жагкунд̣̇рияз сам̣варо жагкунд̣̇рияасам̣варо. д̇ид̇т̇агааго ааваадагажчабо ванамахим̣сод̇иаад̣̇аяо вияа.

    Paṭisaṅkhā yonisoti hi upāyena pathena paṭisaṅkhāya ñatvā paccavekkhitvāti attho. Ettha ca asaṃvare ādīnavapaṭisaṅkhā yoniso paṭisaṅkhāti veditabbā. Sā cāyaṃ ‘‘varaṃ, bhikkhave, tattāya ayosalākāya ādittāya sampajjalitāya sajotibhūtāya cakkhundriyaṃ sampalimaṭṭhaṃ, na tveva cakkhuviññeyyesu rūpesu anubyañjanaso nimittaggāho’’tiādinā (saṃ. ni. 4.235) ādittapariyāyanayena veditabbā. Cakkhundriyasaṃvarasaṃvuto viharatīti ettha cakkhumeva indriyaṃ cakkhundriyaṃ, saṃvaraṇato saṃvaro, pidahanato thakanatoti vuttaṃ hoti. Satiyā etaṃ adhivacanaṃ. Cakkhundriye saṃvaro cakkhundriyasaṃvaro. Titthakāko āvāṭakacchapo vanamahiṃsotiādayo viya.

    д̇ад̇т̇а гин̃жааби жагкунд̣̇рияз сам̣варо ваа асам̣варо ваа над̇т̇и. на хи жагкубасаад̣̇ам̣ ниссааяа сад̇и ваа мудтасажжам̣ ваа уббаж̇ж̇ад̇и. абижа яад̣̇аа руубаарамман̣ам̣ жагкусса аабаат̇ам̣ ааг̇ажчад̇и, д̇ад̣̇аа бхаван̇г̇з д̣̇вигкад̇д̇ум̣ уббаж̇ж̇ид̇ваа нируд̣̇д̇хз гирияаманод̇хаад̇у ааваж̇ж̇анагижжам̣ саад̇хаяамаанаа уббаж̇ж̇ид̇ваа нируж̇жхад̇и, д̇ад̇о жагкувин̃н̃аан̣ам̣ д̣̇ассанагижжам̣, д̇ад̇о вибаагаманод̇хаад̇у самбадижчанагижжам̣, д̇ад̇о вибаагаахзд̇угамановин̃н̃аан̣ад̇хаад̇у санд̇ийран̣агижжам̣, д̇ад̇о гирияаахзд̇угамановин̃н̃аан̣ад̇хаад̇у водтаб̣б̣анагижжам̣ саад̇хаяамаанаа уббаж̇ж̇ид̇ваа нируж̇жхад̇и. д̇ад̣̇ананд̇арам̣ ж̇аванам̣ ж̇авад̇и.

    Tattha kiñcāpi cakkhundriye saṃvaro vā asaṃvaro vā natthi. Na hi cakkhupasādaṃ nissāya sati vā muṭṭhasaccaṃ vā uppajjati. Apica yadā rūpārammaṇaṃ cakkhussa āpāthaṃ āgacchati, tadā bhavaṅge dvikkhattuṃ uppajjitvā niruddhe kiriyamanodhātu āvajjanakiccaṃ sādhayamānā uppajjitvā nirujjhati, tato cakkhuviññāṇaṃ dassanakiccaṃ, tato vipākamanodhātu sampaṭicchanakiccaṃ, tato vipākāhetukamanoviññāṇadhātu santīraṇakiccaṃ, tato kiriyāhetukamanoviññāṇadhātu voṭṭhabbanakiccaṃ sādhayamānā uppajjitvā nirujjhati. Tadanantaraṃ javanaṃ javati.

    д̇ад̇т̇аби нзва бхаван̇г̇асамаяз, на ааваж̇ж̇анаад̣̇ийнам̣ ан̃н̃ад̇арасамаяз сам̣варо ваа асам̣варо ваа ад̇т̇и. ж̇аванагкан̣з бана сажз д̣̇уссийляам̣ ваа мудтасажжам̣ ваа ан̃н̃аан̣ам̣ ваа агканд̇и ваа госаж̇ж̇ам̣ ваа уббаж̇ж̇ад̇и, аяам̣ асам̣варо ход̇и. звам̣ хонд̇оби со жагкунд̣̇рияз асам̣варод̇и вужжад̇и. гасмаа? д̇асмин̃хи сад̇и д̣̇ваарамби аг̇уд̇д̇ам̣ ход̇и, бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣ , яат̇аа наг̇арз жад̇уусу д̣̇ваарзсу асам̣вуд̇зсу гин̃жааби анд̇о гхарагодтагаг̇аб̣бхаад̣̇аяо сусам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ арагкид̇ам̣ аг̇обид̇амзва ход̇и. наг̇арад̣̇ваарзна хи бависид̇ваа жораа яад̣̇ижчанд̇и, д̇ам̣ гарзяяум̣, звамзва ж̇аванз д̣̇уссийляаад̣̇ийсу уббаннзсу, д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и, бхаван̇г̇амби ааваж̇ж̇анаад̣̇ийни вийт̇ижид̇д̇аанибийд̇и.

    Tatthapi neva bhavaṅgasamaye, na āvajjanādīnaṃ aññatarasamaye saṃvaro vā asaṃvaro vā atthi. Javanakkhaṇe pana sace dussīlyaṃ vā muṭṭhasaccaṃ vā aññāṇaṃ vā akkhanti vā kosajjaṃ vā uppajjati, ayaṃ asaṃvaro hoti. Evaṃ hontopi so cakkhundriye asaṃvaroti vuccati. Kasmā? Tasmiñhi sati dvārampi aguttaṃ hoti, bhavaṅgampi āvajjanādīni vīthicittānipi. Yathā kiṃ , yathā nagare catūsu dvāresu asaṃvutesu kiñcāpi anto gharakoṭṭhakagabbhādayo susaṃvutā, tathāpi antonagare sabbaṃ bhaṇḍaṃ arakkhitaṃ agopitameva hoti. Nagaradvārena hi pavisitvā corā yadicchanti, taṃ kareyyuṃ, evameva javane dussīlyādīsu uppannesu, tasmiṃ asaṃvare sati dvārampi aguttaṃ hoti, bhavaṅgampi āvajjanādīni vīthicittānipīti.

    д̇асмим̣ бана сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и, бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣? яат̇аа наг̇арад̣̇ваарзсу сусам̣вуд̇зсу гин̃жааби анд̇о гхараад̣̇аяо асам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ сурагкид̇ам̣ суг̇обид̇амзва ход̇и. наг̇арад̣̇ваарзсу хи бихид̇зсу жораанам̣ бавзсо над̇т̇и, звамзва ж̇аванз сийлаад̣̇ийсу уббаннзсу д̣̇ваарамби суг̇уд̇д̇ам̣ ход̇и, бхаван̇г̇амби ааваж̇ж̇анаад̣̇ийни вийт̇ижид̇д̇ааниби. д̇асмаа ж̇аванагкан̣з уббаж̇ж̇амааноби жагкунд̣̇рияз сам̣варод̇и вуд̇д̇о. ид̇ха жааяам̣ сад̇исам̣варо ад̇хиббзд̇од̇и взд̣̇ид̇аб̣б̣о. жагкунд̣̇рияасам̣варзна сам̣вуд̇о жагкунд̣̇рияасам̣варасам̣вуд̇о, убзд̇од̇и вуд̇д̇ам̣ ход̇и. д̇ат̇аа хи, баад̇имогкасам̣варасам̣вуд̇од̇и имасса вибхан̇г̇з ‘‘иминаа баад̇имогкасам̣варзна убзд̇о ход̇и…бз… саманнааг̇ад̇о’’д̇и (вибха. 511) вуд̇д̇ам̣. д̇ам̣ згаж̇жхам̣ гад̇ваа жагкунд̣̇рияасам̣варзна сам̣вуд̇од̇и звамад̇т̇о взд̣̇ид̇аб̣б̣о.

    Tasmiṃ pana sīlādīsu uppannesu dvārampi guttaṃ hoti, bhavaṅgampi āvajjanādīni vīthicittānipi. Yathā kiṃ? Yathā nagaradvāresu susaṃvutesu kiñcāpi anto gharādayo asaṃvutā, tathāpi antonagare sabbaṃ bhaṇḍaṃ surakkhitaṃ sugopitameva hoti. Nagaradvāresu hi pihitesu corānaṃ paveso natthi, evameva javane sīlādīsu uppannesu dvārampi suguttaṃ hoti, bhavaṅgampi āvajjanādīni vīthicittānipi. Tasmā javanakkhaṇe uppajjamānopi cakkhundriye saṃvaroti vutto. Idha cāyaṃ satisaṃvaro adhippetoti veditabbo. Cakkhundriyasaṃvarena saṃvuto cakkhundriyasaṃvarasaṃvuto, upetoti vuttaṃ hoti. Tathā hi, pātimokkhasaṃvarasaṃvutoti imassa vibhaṅge ‘‘iminā pātimokkhasaṃvarena upeto hoti…pe… samannāgato’’ti (vibha. 511) vuttaṃ. Taṃ ekajjhaṃ katvā cakkhundriyasaṃvarena saṃvutoti evamattho veditabbo.

    ат̇а ваа сам̣варийд̇и сам̣вуд̇о, т̇агзси бид̣̇ахийд̇и вуд̇д̇ам̣ ход̇и. жагкунд̣̇рияз сам̣варасам̣вуд̇о жагкунд̣̇рияасам̣варасам̣вуд̇о, жагкунд̣̇рияасам̣варасан̃н̃ид̇ам̣ сад̇игаваадам̣ жагкуд̣̇ваарз, гхарад̣̇ваарз гаваадам̣ вияа сам̣вари т̇агзси бид̣̇ахийд̇и вуд̇д̇ам̣ ход̇и. аяамзва жзд̇т̇а ад̇т̇о сунд̣̇арад̇аро. д̇ат̇аа хи ‘‘жагкунд̣̇рияасам̣варам̣ асам̣вуд̇асса вихарад̇о сам̣вуд̇асса вихарад̇о’’д̇и зд̇зсу бад̣̇зсу аяамзва ад̇т̇о д̣̇иссад̇и.

    Atha vā saṃvarīti saṃvuto, thakesi pidahīti vuttaṃ hoti. Cakkhundriye saṃvarasaṃvuto cakkhundriyasaṃvarasaṃvuto, cakkhundriyasaṃvarasaññitaṃ satikavāṭaṃ cakkhudvāre, gharadvāre kavāṭaṃ viya saṃvari thakesi pidahīti vuttaṃ hoti. Ayameva cettha attho sundarataro. Tathā hi ‘‘cakkhundriyasaṃvaraṃ asaṃvutassa viharato saṃvutassa viharato’’ti etesu padesu ayameva attho dissati.

    вихарад̇ийд̇и звам̣ жагкунд̣̇рияасам̣варасам̣вуд̇о язна гзнажи ирияаабат̇авихаарзна вихарад̇и. яан̃хиссаад̇иаад̣̇имхи яам̣ жагкунд̣̇рияасам̣варам̣ асса бхигкуно асам̣вуд̇асса ат̇агзд̇ваа абид̣̇ахид̇ваа вихаранд̇ассаад̇и звамад̇т̇о взд̣̇ид̇аб̣б̣о. ат̇а ваа, яз-гаарасса яанд̇и аад̣̇зсо. хигааро жа бад̣̇абууран̣о, яз ассаад̇и ад̇т̇о.

    Viharatīti evaṃ cakkhundriyasaṃvarasaṃvuto yena kenaci iriyāpathavihārena viharati. Yañhissātiādimhi yaṃ cakkhundriyasaṃvaraṃ assa bhikkhuno asaṃvutassa athaketvā apidahitvā viharantassāti evamattho veditabbo. Atha vā, ye-kārassa yanti ādeso. Hikāro ca padapūraṇo, ye assāti attho.

    уббаж̇ж̇зяяунд̇и ниб̣б̣ад̇д̇зяяум̣. аасаваа вигхаад̇абарил̣аахаад̇и жад̇д̇ааро аасаваа жа ан̃н̃з жа вигхаад̇агараа гилзсабарил̣аахаа вибаагабарил̣аахаа жа. жагкуд̣̇ваарз хи идтаарамман̣ам̣ аабаат̇аг̇ад̇ам̣ гаамассаад̣̇авасзна ассаад̣̇аяад̇о абхинанд̣̇ад̇о гаамаасаво уббаж̇ж̇ад̇и, ийд̣̇исам̣ ан̃н̃асмимби суг̇ад̇ибхавз лабхиссаамийд̇и бхавабад̇т̇анааяа ассаад̣̇аяад̇о бхаваасаво уббаж̇ж̇ад̇и, сад̇д̇од̇и ваа сад̇д̇ассаад̇и ваа г̇ан̣ханд̇асса д̣̇идтаасаво уббаж̇ж̇ад̇и, саб̣б̣зхзва сахаж̇аад̇ам̣ ан̃н̃аан̣ам̣ авиж̇ж̇аасавод̇и жад̇д̇ааро аасаваа уббаж̇ж̇анд̇и. д̇зхи самбаяуд̇д̇аа абарз гилзсаа вигхаад̇абарил̣аахаа, ааяад̇им̣ ваа д̇зсам̣ вибаагаа. д̇зби хи асам̣вуд̇ассзва вихарад̇о уббаж̇ж̇зяяунд̇и вужжанд̇и.

    Uppajjeyyunti nibbatteyyuṃ. Āsavā vighātapariḷāhāti cattāro āsavā ca aññe ca vighātakarā kilesapariḷāhā vipākapariḷāhā ca. Cakkhudvāre hi iṭṭhārammaṇaṃ āpāthagataṃ kāmassādavasena assādayato abhinandato kāmāsavo uppajjati, īdisaṃ aññasmimpi sugatibhave labhissāmīti bhavapatthanāya assādayato bhavāsavo uppajjati, sattoti vā sattassāti vā gaṇhantassa diṭṭhāsavo uppajjati, sabbeheva sahajātaṃ aññāṇaṃ avijjāsavoti cattāro āsavā uppajjanti. Tehi sampayuttā apare kilesā vighātapariḷāhā, āyatiṃ vā tesaṃ vipākā. Tepi hi asaṃvutasseva viharato uppajjeyyunti vuccanti.

    звам̣са д̇зд̇и звам̣ асса д̇з. звам̣ зд̇зна убааязна на хонд̇и, но ан̃н̃ат̇аад̇и вуд̇д̇ам̣ ход̇и. зса наяо бадисан̇каа яонисо сод̇инд̣̇рияасам̣варасам̣вуд̇од̇иаад̣̇ийсу.

    Evaṃsa teti evaṃ assa te. Evaṃ etena upāyena na honti, no aññathāti vuttaṃ hoti. Esa nayo paṭisaṅkhā yoniso sotindriyasaṃvarasaṃvutotiādīsu.

    имз вужжанд̇и, бхигкавз, аасаваа сам̣вараа бахаад̇аб̣б̣аад̇и имз часу д̣̇ваарзсу жад̇д̇ааро жад̇д̇ааро гад̇ваа жад̇увийсад̇и аасаваа сам̣варзна бахаад̇аб̣б̣аад̇и вужжанд̇и. саб̣б̣ад̇т̇зва жзд̇т̇а сад̇исам̣варо зва сам̣варод̇и взд̣̇ид̇аб̣б̣о.

    Ime vuccanti, bhikkhave, āsavā saṃvarā pahātabbāti ime chasu dvāresu cattāro cattāro katvā catuvīsati āsavā saṃvarena pahātabbāti vuccanti. Sabbattheva cettha satisaṃvaro eva saṃvaroti veditabbo.

    сам̣вараабахаад̇аб̣б̣ааасававан̣н̣анаа нидтид̇аа.

    Saṃvarāpahātabbaāsavavaṇṇanā niṭṭhitā.

    бадисзванаабахаад̇аб̣б̣ааасававан̣н̣анаа

    Paṭisevanāpahātabbaāsavavaṇṇanā

    23. бадисан̇каа яонисо жийваранд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з сийлагат̇ааяам̣ вуд̇д̇амзва. яан̃хиссаад̇и яам̣ жийварабин̣д̣абаад̇аад̣̇ийсу ваа ан̃н̃ад̇арам̣ асса. аббадисзвад̇од̇и звам̣ яонисо аббадисзванд̇асса. сзсам̣ вуд̇д̇анаяамзва. гзвалам̣ банид̇ха алад̣̇д̇хам̣ жийвараад̣̇им̣ бад̇т̇аяад̇о лад̣̇д̇хам̣ ваа ассаад̣̇аяад̇о гаамаасавасса уббад̇д̇и взд̣̇ид̇аб̣б̣аа. ийд̣̇исам̣ ан̃н̃асмимби самбад̇д̇ибхавз суг̇ад̇ибхавз лабхиссаамийд̇и бхавабад̇т̇анааяа ассаад̣̇аяад̇о бхаваасавасса, ахам̣ лабхаами на лабхаамийд̇и ваа маяхам̣ ваа ид̣̇анд̇и ад̇д̇асан̃н̃ам̣ ад̇хидтахад̇о д̣̇идтаасавасса уббад̇д̇и взд̣̇ид̇аб̣б̣аа. саб̣б̣зхзва бана сахаж̇аад̇о авиж̇ж̇аасавод̇и звам̣ жад̇уннам̣ аасаваанам̣ уббад̇д̇и вибаагабарил̣аахаа жа нававзд̣̇ануббаад̣̇анад̇оби взд̣̇ид̇аб̣б̣аа.

    23.Paṭisaṅkhā yoniso cīvarantiādīsu yaṃ vattabbaṃ, taṃ sabbaṃ visuddhimagge sīlakathāyaṃ vuttameva. Yañhissāti yaṃ cīvarapiṇḍapātādīsu vā aññataraṃ assa. Appaṭisevatoti evaṃ yoniso appaṭisevantassa. Sesaṃ vuttanayameva. Kevalaṃ panidha aladdhaṃ cīvarādiṃ patthayato laddhaṃ vā assādayato kāmāsavassa uppatti veditabbā. Īdisaṃ aññasmimpi sampattibhave sugatibhave labhissāmīti bhavapatthanāya assādayato bhavāsavassa, ahaṃ labhāmi na labhāmīti vā mayhaṃ vā idanti attasaññaṃ adhiṭṭhahato diṭṭhāsavassa uppatti veditabbā. Sabbeheva pana sahajāto avijjāsavoti evaṃ catunnaṃ āsavānaṃ uppatti vipākapariḷāhā ca navavedanuppādanatopi veditabbā.

    имз вужжанд̇и, бхигкавз, аасаваа бадисзванаа бахаад̇аб̣б̣аад̇и имз згамзгасмим̣ бажжаяз жад̇д̇ааро жад̇д̇ааро гад̇ваа сол̣аса аасаваа иминаа н̃аан̣асам̣варасан̇каад̇зна бажжавзгкан̣абадисзванзна бахаад̇аб̣б̣аад̇и вужжанд̇и.

    Imevuccanti, bhikkhave, āsavā paṭisevanā pahātabbāti ime ekamekasmiṃ paccaye cattāro cattāro katvā soḷasa āsavā iminā ñāṇasaṃvarasaṅkhātena paccavekkhaṇapaṭisevanena pahātabbāti vuccanti.

    бадисзванаабахаад̇аб̣б̣ааасававан̣н̣анаа нидтид̇аа.

    Paṭisevanāpahātabbaāsavavaṇṇanā niṭṭhitā.

    ад̇хиваасанаабахаад̇аб̣б̣ааасававан̣н̣анаа

    Adhivāsanāpahātabbaāsavavaṇṇanā

    24. бадисан̇каа яонисо камо ход̇и сийд̇ассаад̇и убааязна бат̇зна бажжавзгкид̇ваа камо ход̇и сийд̇асса сийд̇ам̣ камад̇и сахад̇и, на авийрабурисо вияа аббамад̇д̇агзнаби сийд̇зна жалад̇и гамбад̇и гаммадтаанам̣ виж̇ахад̇и. абижа ко ломасанааг̇ад̇т̇зро вияа анаббагзнааби сийд̇зна пудто на жалад̇и на гамбад̇и, гаммадтаанамзва манаси гарод̇и. т̇зро гира жзд̇ияабаб̣б̣ад̇з бияан̇г̇уг̇ухааяам̣ бад̇хаанагхарз вихаранд̇о анд̇арадтагз химабаад̇асамаяз логанд̇ариганираяз бажжавзгкид̇ваа гаммадтаанам̣ авиж̇аханд̇ова аб̣бхогаасз вийд̇инаамзси. звам̣ ун̣хаад̣̇ийсуби ад̇т̇аяож̇анаа взд̣̇ид̇аб̣б̣аа.

    24.Paṭisaṅkhā yoniso khamo hoti sītassāti upāyena pathena paccavekkhitvā khamo hoti sītassa sītaṃ khamati sahati, na avīrapuriso viya appamattakenapi sītena calati kampati kammaṭṭhānaṃ vijahati. Apica kho lomasanāgatthero viya anappakenāpi sītena phuṭṭho na calati na kampati, kammaṭṭhānameva manasi karoti. Thero kira cetiyapabbate piyaṅguguhāyaṃ padhānaghare viharanto antaraṭṭhake himapātasamaye lokantarikaniraye paccavekkhitvā kammaṭṭhānaṃ avijahantova abbhokāse vītināmesi. Evaṃ uṇhādīsupi atthayojanā veditabbā.

    гзвалан̃хи яо бхигку ад̇химад̇д̇амби ун̣хам̣ сахад̇и свзва т̇зро вияа, аяам̣ ‘‘камо ун̣хассаа’’д̇и взд̣̇ид̇аб̣б̣о. т̇зро гира г̇имхасамаяз бажчаабхад̇д̇ам̣ б̣ахижан̇гамз нисийд̣̇и. гаммадтаанам̣ манасигаронд̇о сзд̣̇аабисса гажчзхи мужжанд̇и. ат̇а нам̣ анд̇зваасиго ааха ‘‘ид̇ха, бханд̇з, нисийд̣̇ат̇а, сийд̇ало огаасо’’д̇и. т̇зро ‘‘ун̣хабхаязнзвамхи аавусо ид̇ха нисинно’’д̇и авийжимахаанираяам̣ бажжавзгкид̇ваа нисийд̣̇иязва. ун̣ханд̇и жзд̇т̇а аг̇г̇исанд̇аабова взд̣̇ид̇аб̣б̣о. суурияасанд̇аабавасзна банзд̇ам̣ вад̇т̇у вуд̇д̇ам̣.

    Kevalañhi yo bhikkhu adhimattampi uṇhaṃ sahati sveva thero viya, ayaṃ ‘‘khamo uṇhassā’’ti veditabbo. Thero kira gimhasamaye pacchābhattaṃ bahicaṅkame nisīdi. Kammaṭṭhānaṃ manasikaronto sedāpissa kacchehi muccanti. Atha naṃ antevāsiko āha ‘‘idha, bhante, nisīdatha, sītalo okāso’’ti. Thero ‘‘uṇhabhayenevamhi āvuso idha nisinno’’ti avīcimahānirayaṃ paccavekkhitvā nisīdiyeva. Uṇhanti cettha aggisantāpova veditabbo. Sūriyasantāpavasena panetaṃ vatthu vuttaṃ.

    яо жа д̣̇вз д̇аяо ваарз бхад̇д̇ам̣ ваа баанийяам̣ ваа алабхамааноби анамад̇аг̇г̇з сам̣саарз ад̇д̇ано бзд̇д̇ивисаяуубабад̇д̇им̣ бажжавзгкид̇ваа авзд̇хзнд̇о гаммадтаанам̣ на виж̇ахад̇иязва. ад̇химад̇д̇зхи д̣ам̣самагасаваад̇аад̇абасампассзхи пудто жааби д̇иражчаануубабад̇д̇им̣ бажжавзгкид̇ваа авзд̇хзнд̇о гаммадтаанам̣ на виж̇ахад̇иязва. сарийсабасампассзна пудто жааби анамад̇аг̇г̇з сам̣саарз сийхаб̣яаг̇гхаад̣̇имукзсу анзгаваарам̣ баривад̇д̇ид̇абуб̣б̣абхаавам̣ бажжавзгкид̇ваа авзд̇хзнд̇о гаммадтаанам̣ на виж̇ахад̇иязва бад̇хаанияад̇т̇зро вияа. аяам̣ ‘‘камо ж̇игхажчааяа…бз… сарийсабасампассаана’’нд̇и взд̣̇ид̇аб̣б̣о.

    Yo ca dve tayo vāre bhattaṃ vā pānīyaṃ vā alabhamānopi anamatagge saṃsāre attano pettivisayūpapattiṃ paccavekkhitvā avedhento kammaṭṭhānaṃ na vijahatiyeva. Adhimattehi ḍaṃsamakasavātātapasamphassehi phuṭṭho cāpi tiracchānūpapattiṃ paccavekkhitvā avedhento kammaṭṭhānaṃ na vijahatiyeva. Sarīsapasamphassena phuṭṭho cāpi anamatagge saṃsāre sīhabyagghādimukhesu anekavāraṃ parivattitapubbabhāvaṃ paccavekkhitvā avedhento kammaṭṭhānaṃ na vijahatiyeva padhāniyatthero viya. Ayaṃ ‘‘khamo jighacchāya…pe… sarīsapasamphassāna’’nti veditabbo.

    т̇зрам̣ гира кан̣д̣ажзлавихаарз ган̣игаарабад̇хаанияагхарз арияавам̣сам̣ сун̣анд̇ам̣ гхорависо саббо д̣ам̣си. т̇зро ж̇аанид̇вааби басаннажид̇д̇о нисинно д̇хаммам̣язва сун̣аад̇и. висавзг̇о т̇ад̣̇д̇хо ахоси. т̇зро убасамбад̣̇аман̣д̣алам̣ аад̣̇им̣ гад̇ваа сийлам̣ бажжавзгкид̇ваа барисуд̣̇д̇хасийлохамасмийд̇и бийд̇им̣ уббаад̣̇зси. саха бийд̇уббаад̣̇аа висам̣ нивад̇д̇ид̇ваа бат̇авим̣ баависи. т̇зро д̇ад̇т̇зва жид̇д̇згаг̇г̇ад̇ам̣ лабхид̇ваа вибассанам̣ вад̣дхзд̇ваа арахад̇д̇ам̣ баабун̣и.

    Theraṃ kira khaṇḍacelavihāre kaṇikārapadhāniyaghare ariyavaṃsaṃ suṇantaṃ ghoraviso sappo ḍaṃsi. Thero jānitvāpi pasannacitto nisinno dhammaṃyeva suṇāti. Visavego thaddho ahosi. Thero upasampadamaṇḍalaṃ ādiṃ katvā sīlaṃ paccavekkhitvā parisuddhasīlohamasmīti pītiṃ uppādesi. Saha pītuppādā visaṃ nivattitvā pathaviṃ pāvisi. Thero tattheva cittekaggataṃ labhitvā vipassanaṃ vaḍḍhetvā arahattaṃ pāpuṇi.

    яо бана аггосавасзна д̣̇уруд̇д̇з д̣̇уруд̇д̇ад̇д̇ааязва жа д̣̇урааг̇ад̇з аби анд̇имавад̇т̇усан̃н̃ид̇з важанабат̇з суд̇ваа канд̇иг̇ун̣ам̣язва бажжавзгкид̇ваа на взд̇хад̇и д̣̇ийгхабхаан̣агаабхаяад̇т̇зро вияа. аяам̣ ‘‘камо д̣̇уруд̇д̇аанам̣ д̣̇урааг̇ад̇аанам̣ важанабат̇аана’’нд̇и взд̣̇ид̇аб̣б̣о.

    Yo pana akkosavasena durutte duruttattāyeva ca durāgate api antimavatthusaññite vacanapathe sutvā khantiguṇaṃyeva paccavekkhitvā na vedhati dīghabhāṇakaabhayatthero viya. Ayaṃ ‘‘khamo duruttānaṃ durāgatānaṃ vacanapathāna’’nti veditabbo.

    т̇зро гира бажжаяасанд̇осабхааванаараамад̇ааяа махааарияавам̣саббадибад̣̇ам̣ гат̇зси, саб̣б̣о махааг̇аамо ааг̇ажчад̇и. т̇зрасса махаасаггааро уббаж̇ж̇ад̇и. д̇ам̣ ан̃н̃ад̇аро махаат̇зро ад̇хиваасзд̇ум̣ асаггонд̇о д̣̇ийгхабхаан̣аго арияавам̣сам̣ гат̇змийд̇и саб̣б̣арад̇д̇им̣ голаахалам̣ гаросийд̇иаад̣̇ийхи аггоси. убхоби жа ад̇д̇ано ад̇д̇ано вихаарам̣ г̇ажчанд̇аа г̇аавуд̇амад̇д̇ам̣ згабат̇зна аг̇амам̣су. сагалаг̇аавуд̇амби со д̇ам̣ аггосиязва. д̇ад̇о яад̇т̇а д̣̇виннам̣ вихаараанам̣ маг̇г̇о бхиж̇ж̇ад̇и, д̇ад̇т̇а тад̇ваа д̣̇ийгхабхаан̣агад̇т̇зро д̇ам̣ ванд̣̇ид̇ваа ‘‘зса, бханд̇з, д̇умхаагам̣ маг̇г̇о’’д̇и ааха. со асун̣анд̇о вияа аг̇амааси. т̇зроби вихаарам̣ г̇анд̇ваа баад̣̇з багкаалзд̇ваа нисийд̣̇и. д̇амзнам̣ анд̇зваасиго ‘‘гим̣, бханд̇з, сагалаг̇аавуд̇ам̣ барибхаасанд̇ам̣ на гин̃жи авожуд̇т̇аа’’д̇и ааха. т̇зро ‘‘канд̇иязва, аавусо, маяхам̣ бхааро, на агканд̇и. згабад̣̇уд̣̇д̇хаарзби гаммадтаанавияог̇ам̣ на бассаамий’’д̇и ааха. зд̇т̇а жа важанамзва важанабат̇од̇и взд̣̇ид̇аб̣б̣о.

    Thero kira paccayasantosabhāvanārāmatāya mahāariyavaṃsappaṭipadaṃ kathesi, sabbo mahāgāmo āgacchati. Therassa mahāsakkāro uppajjati. Taṃ aññataro mahāthero adhivāsetuṃ asakkonto dīghabhāṇako ariyavaṃsaṃ kathemīti sabbarattiṃ kolāhalaṃ karosītiādīhi akkosi. Ubhopi ca attano attano vihāraṃ gacchantā gāvutamattaṃ ekapathena agamaṃsu. Sakalagāvutampi so taṃ akkosiyeva. Tato yattha dvinnaṃ vihārānaṃ maggo bhijjati, tattha ṭhatvā dīghabhāṇakatthero taṃ vanditvā ‘‘esa, bhante, tumhākaṃ maggo’’ti āha. So asuṇanto viya agamāsi. Theropi vihāraṃ gantvā pāde pakkhāletvā nisīdi. Tamenaṃ antevāsiko ‘‘kiṃ, bhante, sakalagāvutaṃ paribhāsantaṃ na kiñci avocutthā’’ti āha. Thero ‘‘khantiyeva, āvuso, mayhaṃ bhāro, na akkhanti. Ekapaduddhārepi kammaṭṭhānaviyogaṃ na passāmī’’ti āha. Ettha ca vacanameva vacanapathoti veditabbo.

    яо бана уббаннаа саарийригаа взд̣̇анаа д̣̇угкаманадтзна д̣̇угкаа, б̣ахаладтзна д̇иб̣б̣аа, парусадтзна караа, д̇икин̣адтзна гадугаа, ассаад̣̇авирахад̇о асаад̇аа, манам̣ авад̣дханад̇о аманаабаа, баан̣ахаран̣асамад̇т̇ад̇ааяа баан̣ахараа ад̇хиваасзд̇иязва, на взд̇хад̇и. звам̣ сабхааво ход̇и жид̇д̇алабаб̣б̣ад̇з бад̇хаанияад̇т̇зро вияа. аяам̣ ‘‘уббаннаанам̣…бз… ад̇хиваасанаж̇аад̇иго’’д̇и взд̣̇ид̇аб̣б̣о.

    Yo pana uppannā sārīrikā vedanā dukkhamanaṭṭhena dukkhā, bahalaṭṭhena tibbā, pharusaṭṭhena kharā, tikhiṇaṭṭhena kaṭukā, assādavirahato asātā, manaṃ avaḍḍhanato amanāpā, pāṇaharaṇasamatthatāya pāṇaharā adhivāsetiyeva, na vedhati. Evaṃ sabhāvo hoti cittalapabbate padhāniyatthero viya. Ayaṃ ‘‘uppannānaṃ…pe… adhivāsanajātiko’’ti veditabbo.

    т̇зрасса гира рад̇д̇им̣ бад̇хаанзна вийд̇инаамзд̇ваа тид̇асса уд̣̇араваад̇о уббаж̇ж̇и. со д̇ам̣ ад̇хиваасзд̇ум̣ асаггонд̇о аавад̇д̇ад̇и баривад̇д̇ад̇и. д̇амзнам̣ жан̇гамабассз тид̇о бин̣д̣абаад̇ияад̇т̇зро ааха ‘‘аавусо, баб̣б̣аж̇ид̇о наама ад̇хиваасанасийло ход̇ий’’д̇и. со ‘‘саад̇ху, бханд̇з’’д̇и ад̇хиваасзд̇ваа нижжало саяи. ваад̇о наабхид̇о яаава хад̣̇аяам̣ паалзд̇и. т̇зро взд̣̇анам̣ вигкамбхзд̇ваа вибассанд̇о мухуд̇д̇зна анааг̇аамий худ̇ваа бариниб̣б̣ааяийд̇и.

    Therassa kira rattiṃ padhānena vītināmetvā ṭhitassa udaravāto uppajji. So taṃ adhivāsetuṃ asakkonto āvattati parivattati. Tamenaṃ caṅkamapasse ṭhito piṇḍapātiyatthero āha ‘‘āvuso, pabbajito nāma adhivāsanasīlo hotī’’ti. So ‘‘sādhu, bhante’’ti adhivāsetvā niccalo sayi. Vāto nābhito yāva hadayaṃ phāleti. Thero vedanaṃ vikkhambhetvā vipassanto muhuttena anāgāmī hutvā parinibbāyīti.

    яан̃хиссаад̇и сийд̇аад̣̇ийсу яам̣гин̃жи згад̇хаммамби асса. анад̇хиваасаяад̇од̇и анад̇хиваасзнд̇асса агкаманд̇асса. сзсам̣ вуд̇д̇анаяамзва. аасавуббад̇д̇и банзд̇т̇а звам̣ взд̣̇ид̇аб̣б̣аа. сийд̇зна пудтасса ун̣хам̣ бад̇т̇аяанд̇асса гаамаасаво уббаж̇ж̇ад̇и, звам̣ саб̣б̣ад̇т̇а. над̇т̇и но самбад̇д̇ибхавз суг̇ад̇ибхавз сийд̇ам̣ ваа ун̣хам̣ ваад̇и бхавам̣ бад̇т̇аяанд̇асса бхаваасаво. маяхам̣ сийд̇ам̣ ун̣ханд̇и г̇аахо д̣̇идтаасаво. саб̣б̣зхзва самбаяуд̇д̇о авиж̇ж̇аасавод̇и.

    Yañhissāti sītādīsu yaṃkiñci ekadhammampi assa. Anadhivāsayatoti anadhivāsentassa akkhamantassa. Sesaṃ vuttanayameva. Āsavuppatti panettha evaṃ veditabbā. Sītena phuṭṭhassa uṇhaṃ patthayantassa kāmāsavo uppajjati, evaṃ sabbattha. Natthi no sampattibhave sugatibhave sītaṃ vā uṇhaṃ vāti bhavaṃ patthayantassa bhavāsavo. Mayhaṃ sītaṃ uṇhanti gāho diṭṭhāsavo. Sabbeheva sampayutto avijjāsavoti.

    ‘‘имз вужжанд̇и…бз… ад̇хиваасанаа бахаад̇аб̣б̣аа’’д̇и имз сийд̇аад̣̇ийсу згамзгасса васзна жад̇д̇ааро жад̇д̇ааро гад̇ваа анзгз аасаваа имааяа канд̇исам̣варасан̇каад̇ааяа ад̇хиваасанааяа бахаад̇аб̣б̣аад̇и вужжанд̇ийд̇и ад̇т̇о. зд̇т̇а жа яасмаа аяам̣ канд̇и сийд̇аад̣̇ид̇хаммз ад̇хиваасзд̇и, ад̇д̇ано убари ааробзд̇ваа ваасзд̇иязва. на асахамаанаа худ̇ваа нирассад̇и, д̇асмаа ‘‘ад̇хиваасанаа’’д̇и вужжад̇ийд̇и взд̣̇ид̇аб̣б̣аа.

    ‘‘Ime vuccanti…pe… adhivāsanā pahātabbā’’ti ime sītādīsu ekamekassa vasena cattāro cattāro katvā aneke āsavā imāya khantisaṃvarasaṅkhātāya adhivāsanāya pahātabbāti vuccantīti attho. Ettha ca yasmā ayaṃ khanti sītādidhamme adhivāseti, attano upari āropetvā vāsetiyeva. Na asahamānā hutvā nirassati, tasmā ‘‘adhivāsanā’’ti vuccatīti veditabbā.

    ад̇хиваасанаабахаад̇аб̣б̣ааасававан̣н̣анаа нидтид̇аа.

    Adhivāsanāpahātabbaāsavavaṇṇanā niṭṭhitā.

    бариваж̇ж̇анаабахаад̇аб̣б̣ааасававан̣н̣анаа

    Parivajjanāpahātabbaāsavavaṇṇanā

    25. бадисан̇каа яонисо жан̣д̣ам̣ хад̇т̇им̣ бариваж̇ж̇зд̇ийд̇и ахам̣ саман̣од̇и жан̣д̣асса хад̇т̇исса аасаннз на таад̇аб̣б̣ам̣. д̇ад̇онид̣̇аанан̃хи маран̣амби сияаа маран̣амад̇д̇амби д̣̇угканд̇и звам̣ убааязна бат̇зна бажжаязна бажжавзгкид̇ваа жан̣д̣ам̣ хад̇т̇им̣ бариваж̇ж̇зд̇и бадиггамад̇и. зса наяо саб̣б̣ад̇т̇а. жан̣д̣анд̇и жа д̣̇удтам̣, ваал̣анд̇и вуд̇д̇ам̣ ход̇и. каан̣унд̇и кад̣̇иракаан̣уаад̣̇им̣. ган̣дагадтаананд̇и ган̣дагаанам̣ таанам̣, яад̇т̇а ган̣дагаа виж̇ж̇анд̇и, д̇ам̣ огаасанд̇и вуд̇д̇ам̣ ход̇и. соб̣бханд̇и саб̣б̣ад̇о барижчиннад̇адам̣. бабаад̇анд̇и згад̇о чиннад̇адам̣. жанд̣̇аниганд̇и ужчидтод̣̇агаг̇аб̣бхамалаад̣̇ийнам̣ чад̣д̣анадтаанам̣. ол̣иг̇алланд̇и д̇зсам̣язва сагад̣̇д̣̇амаад̣̇ийнам̣ санд̣̇аногаасам̣. д̇ам̣ ж̇ан̣н̣умад̇д̇амби асужибхарид̇ам̣ ход̇и, д̣̇взби жзд̇аани таанаани амануссад̣̇удтаани хонд̇и. д̇асмаа д̇аани важ̇ж̇зд̇аб̣б̣аани. анаасанзд̇и зд̇т̇а бана аяуд̇д̇ам̣ аасанам̣ анаасанам̣, д̇ам̣ ад̇т̇ад̇о анияад̇авад̇т̇угам̣ рахобадижчаннаасананд̇и взд̣̇ид̇аб̣б̣ам̣. аг̇ожарзд̇и зд̇т̇аби жа аяуд̇д̇о г̇ожаро аг̇ожаро, со взсияаад̣̇ибхзд̣̇ад̇о бан̃жавид̇хо. баабагз мид̇д̇зд̇и лаамагз д̣̇уссийлз мид̇д̇абад̇ируубагз, амид̇д̇з ваа. бхаж̇анд̇анд̇и сзвамаанам̣. вин̃н̃уу саб̣рахмажаарийд̇и бан̣д̣ид̇аа б̣уд̣̇д̇хисамбаннаа саб̣рахмажаараяо, бхигкуунамзд̇ам̣ ад̇хиважанам̣. д̇з хи згагаммам̣ згуд̣̇д̣̇зсо самасигкад̇аад̇и имам̣ б̣рахмам̣ самаанам̣ жаранд̇и, д̇асмаа саб̣рахмажаарийд̇и вужжанд̇и. баабагзсу таанзсууд̇и лаамагзсу таанзсу. огаббзяяунд̇и сад̣̇д̣̇ахзяяум̣, ад̇химужжзяяум̣ ‘‘ад̣̇д̇хаа аяамааяасмаа агааси ваа гариссад̇и ваа’’д̇и.

    25.Paṭisaṅkhāyoniso caṇḍaṃ hatthiṃ parivajjetīti ahaṃ samaṇoti caṇḍassa hatthissa āsanne na ṭhātabbaṃ. Tatonidānañhi maraṇampi siyā maraṇamattampi dukkhanti evaṃ upāyena pathena paccayena paccavekkhitvā caṇḍaṃ hatthiṃ parivajjeti paṭikkamati. Esa nayo sabbattha. Caṇḍanti ca duṭṭhaṃ, vāḷanti vuttaṃ hoti. Khāṇunti khadirakhāṇuādiṃ. Kaṇṭakaṭṭhānanti kaṇṭakānaṃ ṭhānaṃ, yattha kaṇṭakā vijjanti, taṃ okāsanti vuttaṃ hoti. Sobbhanti sabbato paricchinnataṭaṃ. Papātanti ekato chinnataṭaṃ. Candanikanti ucchiṭṭhodakagabbhamalādīnaṃ chaḍḍanaṭṭhānaṃ. Oḷigallanti tesaṃyeva sakaddamādīnaṃ sandanokāsaṃ. Taṃ jaṇṇumattampi asucibharitaṃ hoti, dvepi cetāni ṭhānāni amanussaduṭṭhāni honti. Tasmā tāni vajjetabbāni. Anāsaneti ettha pana ayuttaṃ āsanaṃ anāsanaṃ, taṃ atthato aniyatavatthukaṃ rahopaṭicchannāsananti veditabbaṃ. Agocareti etthapi ca ayutto gocaro agocaro, so vesiyādibhedato pañcavidho. Pāpake mitteti lāmake dussīle mittapatirūpake, amitte vā. Bhajantanti sevamānaṃ. Viññū sabrahmacārīti paṇḍitā buddhisampannā sabrahmacārayo, bhikkhūnametaṃ adhivacanaṃ. Te hi ekakammaṃ ekuddeso samasikkhatāti imaṃ brahmaṃ samānaṃ caranti, tasmā sabrahmacārīti vuccanti. Pāpakesu ṭhānesūti lāmakesu ṭhānesu. Okappeyyunti saddaheyyuṃ, adhimucceyyuṃ ‘‘addhā ayamāyasmā akāsi vā karissati vā’’ti.

    яан̃хиссаад̇и хад̇т̇иаад̣̇ийсу яам̣гин̃жи згамби асса. сзсам̣ вуд̇д̇анаяамзва. аасавуббад̇д̇и банзд̇т̇а звам̣ взд̣̇ид̇аб̣б̣аа. хад̇т̇иаад̣̇инид̣̇аанзна д̣̇угкзна пудтасса сукам̣ бад̇т̇аяад̇о гаамаасаво уббаж̇ж̇ад̇и. над̇т̇и но самбад̇д̇ибхавз суг̇ад̇ибхавз ийд̣̇исам̣ д̣̇угканд̇и бхавам̣ бад̇т̇знд̇асса бхаваасаво. мам̣ хад̇т̇ий мад̣̇д̣̇ад̇и, мам̣ ассод̇и г̇аахо д̣̇идтаасаво. саб̣б̣зхзва самбаяуд̇д̇о авиж̇ж̇аасавод̇и.

    Yañhissāti hatthiādīsu yaṃkiñci ekampi assa. Sesaṃ vuttanayameva. Āsavuppatti panettha evaṃ veditabbā. Hatthiādinidānena dukkhena phuṭṭhassa sukhaṃ patthayato kāmāsavo uppajjati. Natthi no sampattibhave sugatibhave īdisaṃ dukkhanti bhavaṃ patthentassa bhavāsavo. Maṃ hatthī maddati, maṃ assoti gāho diṭṭhāsavo. Sabbeheva sampayutto avijjāsavoti.

    имз вужжанд̇и…бз… бариваж̇ж̇анаа бахаад̇аб̣б̣аад̇и имз хад̇т̇иаад̣̇ийсу згзгасса васзна жад̇д̇ааро жад̇д̇ааро гад̇ваа анзгз аасаваа иминаа сийласам̣варасан̇каад̇зна бариваж̇ж̇анзна бахаад̇аб̣б̣аад̇и вужжанд̇ийд̇и взд̣̇ид̇аб̣б̣аа.

    Ime vuccanti…pe… parivajjanā pahātabbāti ime hatthiādīsu ekekassa vasena cattāro cattāro katvā aneke āsavā iminā sīlasaṃvarasaṅkhātena parivajjanena pahātabbāti vuccantīti veditabbā.

    бариваж̇ж̇анаабахаад̇аб̣б̣ааасававан̣н̣анаа нидтид̇аа.

    Parivajjanāpahātabbaāsavavaṇṇanā niṭṭhitā.

    винод̣̇анаабахаад̇аб̣б̣ааасававан̣н̣анаа

    Vinodanāpahātabbaāsavavaṇṇanā

    26. бадисан̇каа яонисо уббаннам̣ гаамавид̇аггам̣ наад̇хиваасзд̇ийд̇и ‘‘ид̇и бааяам̣ вид̇агго агусало, ид̇иби сааваж̇ж̇о, ид̇иби д̣̇угкавибааго, со жа ко ад̇д̇аб̣яааб̣аад̇хааяа сам̣вад̇д̇ад̇ий’’д̇иаад̣̇инаа наязна яонисо гаамавид̇аггз аад̣̇ийнавам̣ бажжавзгкид̇ваа д̇асмим̣ д̇асмим̣ аарамман̣з уббаннам̣ ж̇аад̇амабхиниб̣б̣ад̇д̇ам̣ гаамавид̇аггам̣ наад̇хиваасзд̇и, жид̇д̇ам̣ ааробзд̇ваа на ваасзд̇и, аб̣бханд̇арз ваа на ваасзд̇ийд̇иби ад̇т̇о.

    26.Paṭisaṅkhāyoniso uppannaṃ kāmavitakkaṃ nādhivāsetīti ‘‘iti pāyaṃ vitakko akusalo, itipi sāvajjo, itipi dukkhavipāko, so ca kho attabyābādhāya saṃvattatī’’tiādinā nayena yoniso kāmavitakke ādīnavaṃ paccavekkhitvā tasmiṃ tasmiṃ ārammaṇe uppannaṃ jātamabhinibbattaṃ kāmavitakkaṃ nādhivāseti, cittaṃ āropetvā na vāseti, abbhantare vā na vāsetītipi attho.

    анад̇хиваасзнд̇о гим̣ гарод̇ийд̇и? баж̇ахад̇и чад̣д̣зд̇и.

    Anadhivāsento kiṃ karotīti? Pajahati chaḍḍeti.

    гим̣ гажаварам̣ вияа бидагзнаад̇и? на хи, абижа ко нам̣ винод̣̇зд̇и д̇уд̣̇ад̇и виж̇жхад̇и нийхарад̇и.

    Kiṃ kacavaraṃ viya piṭakenāti? Na hi, apica kho naṃ vinodeti tudati vijjhati nīharati.

    гим̣ б̣алиб̣ад̣̇д̣̇ам̣ вияа бад̇од̣̇знаад̇и? на хи, ат̇а ко нам̣ б̣яанд̇ийгарод̇и виг̇ад̇анд̇ам̣ гарод̇и. яат̇аасса анд̇оби наавасиссад̇и анд̇амасо бхан̇г̇амад̇д̇амби, д̇ат̇аа нам̣ гарод̇и.

    Kiṃ balibaddaṃ viya patodenāti? Na hi, atha kho naṃ byantīkaroti vigatantaṃ karoti. Yathāssa antopi nāvasissati antamaso bhaṅgamattampi, tathā naṃ karoti.

    гат̇ам̣ бана нам̣ д̇ат̇аа гарод̇ийд̇и? анабхаавам̣ г̇амзд̇ийд̇и ану ану абхаавам̣ г̇амзд̇и, вигкамбханаббахаанзна яат̇аа сувигкамбхид̇о ход̇и, д̇ат̇аа гарод̇ийд̇и вуд̇д̇ам̣ ход̇и. зса наяо б̣яаабаад̣̇авихим̣саавид̇аггзсу.

    Kathaṃ pana naṃ tathā karotīti? Anabhāvaṃ gametīti anu anu abhāvaṃ gameti, vikkhambhanappahānena yathā suvikkhambhito hoti, tathā karotīti vuttaṃ hoti. Esa nayo byāpādavihiṃsāvitakkesu.

    зд̇т̇а жа гаамавид̇аггод̇и ‘‘яо гаамабадисам̣яуд̇д̇о д̇агго вид̇агго мижчаасан̇габбо’’д̇и вибхан̇г̇з (вибха. 910) вуд̇д̇о. зса наяо ид̇арзсу. уббаннуббаннзд̇и уббаннз уббаннз, уббаннамад̇д̇зязваад̇и вуд̇д̇ам̣ ход̇и. сагим̣ ваа уббаннз винод̣̇зд̇ваа д̣̇уд̇ияаваарз аж̇жхубзгкид̇аа на ход̇и, сад̇агкад̇д̇умби уббаннз уббаннз винод̣̇зд̇иязва. баабагз агусалзд̇и лаамагадтзна баабагз, агосаллад̇ааяа агусалз. д̇хаммзд̇и д̇зязва гаамавид̇аггаад̣̇аяо саб̣б̣зби ваа нава махаавид̇аггз. д̇ад̇т̇а д̇аяо вуд̇д̇аа зва. авасзсаа ‘‘н̃аад̇ивид̇агго ж̇анабад̣̇авид̇агго амаравид̇агго бараануд̣̇д̣̇аяад̇аабадисам̣яуд̇д̇о вид̇агго лаабхасаггаарасилогабадисам̣яуд̇д̇о вид̇агго анаван̃н̃ад̇д̇ибадисам̣яуд̇д̇о вид̇агго’’д̇и (махаани. 207) имз ча.

    Ettha ca kāmavitakkoti ‘‘yo kāmapaṭisaṃyutto takko vitakko micchāsaṅkappo’’ti vibhaṅge (vibha. 910) vutto. Esa nayo itaresu. Uppannuppanneti uppanne uppanne, uppannamatteyevāti vuttaṃ hoti. Sakiṃ vā uppanne vinodetvā dutiyavāre ajjhupekkhitā na hoti, satakkhattumpi uppanne uppanne vinodetiyeva. Pāpake akusaleti lāmakaṭṭhena pāpake, akosallatāya akusale. Dhammeti teyeva kāmavitakkādayo sabbepi vā nava mahāvitakke. Tattha tayo vuttā eva. Avasesā ‘‘ñātivitakko janapadavitakko amaravitakko parānuddayatāpaṭisaṃyutto vitakko lābhasakkārasilokapaṭisaṃyutto vitakko anavaññattipaṭisaṃyutto vitakko’’ti (mahāni. 207) ime cha.

    яан̃хиссаад̇и зд̇зсу вид̇аггзсу яам̣гин̃жи асса, сзсам̣ вуд̇д̇анаяамзва. гаамавид̇агго банзд̇т̇а гаамаасаво зва. д̇аб̣б̣исзсо бхаваасаво. д̇ам̣самбаяуд̇д̇о д̣̇идтаасаво. саб̣б̣авид̇аггзсу авиж̇ж̇аасавод̇и звам̣ аасавуббад̇д̇иби взд̣̇ид̇аб̣б̣аа.

    Yañhissāti etesu vitakkesu yaṃkiñci assa, sesaṃ vuttanayameva. Kāmavitakko panettha kāmāsavo eva. Tabbiseso bhavāsavo. Taṃsampayutto diṭṭhāsavo. Sabbavitakkesu avijjāsavoti evaṃ āsavuppattipi veditabbā.

    имз вужжанд̇и…бз… винод̣̇анаа бахаад̇аб̣б̣аад̇и имз гаамавид̇аггаад̣̇ивасзна вуд̇д̇аббагаараа аасаваа иминаа д̇асмим̣ д̇асмим̣ вид̇аггз аад̣̇ийнавабажжавзгкан̣асахид̇зна вийрияасам̣варасан̇каад̇зна винод̣̇анзна бахаад̇аб̣б̣аад̇и вужжанд̇ийд̇и взд̣̇ид̇аб̣б̣аа.

    Ime vuccanti…pe… vinodanā pahātabbāti ime kāmavitakkādivasena vuttappakārā āsavā iminā tasmiṃ tasmiṃ vitakke ādīnavapaccavekkhaṇasahitena vīriyasaṃvarasaṅkhātena vinodanena pahātabbāti vuccantīti veditabbā.

    винод̣̇анаабахаад̇аб̣б̣ааасававан̣н̣анаа нидтид̇аа.

    Vinodanāpahātabbaāsavavaṇṇanā niṭṭhitā.

    бхааванаабахаад̇аб̣б̣ааасававан̣н̣анаа

    Bhāvanāpahātabbaāsavavaṇṇanā

    27. бадисан̇каа яонисо сад̇исамб̣ож̇жхан̇г̇ам̣ бхаавзд̇ийд̇и абхааванааяа аад̣̇ийнавам̣, бхааванааяа жа аанисам̣сам̣ убааязна бат̇зна бажжавзгкид̇ваа сад̇исамб̣ож̇жхан̇г̇ам̣ бхаавзд̇и, зса наяо саб̣б̣ад̇т̇а. зд̇т̇а жа гин̃жааби имз убаримаг̇г̇ад̇д̇аяасамаяасамбхууд̇аа логуд̇д̇араб̣ож̇жхан̇г̇аа зва ад̇хиббзд̇аа, д̇ат̇ааби аад̣̇игаммигаанам̣ б̣ож̇жхан̇г̇зсу асаммохад̇т̇ам̣ логияалогуд̇д̇арамиссагзна нзсам̣ наязна ад̇т̇аван̣н̣анам̣ гариссаами. ид̇ха бана логияанаяам̣ бахааяа логуд̇д̇аранаяо зва г̇ахзд̇аб̣б̣о. д̇ад̇т̇а сад̇исамб̣ож̇жхан̇г̇анд̇иаад̣̇инаа наязна вуд̇д̇аанам̣ сад̇д̇аннам̣ аад̣̇ибад̣̇аанам̣язва д̇аава –

    27.Paṭisaṅkhā yoniso satisambojjhaṅgaṃ bhāvetīti abhāvanāya ādīnavaṃ, bhāvanāya ca ānisaṃsaṃ upāyena pathena paccavekkhitvā satisambojjhaṅgaṃ bhāveti, esa nayo sabbattha. Ettha ca kiñcāpi ime uparimaggattayasamayasambhūtā lokuttarabojjhaṅgā eva adhippetā, tathāpi ādikammikānaṃ bojjhaṅgesu asammohatthaṃ lokiyalokuttaramissakena nesaṃ nayena atthavaṇṇanaṃ karissāmi. Idha pana lokiyanayaṃ pahāya lokuttaranayo eva gahetabbo. Tattha satisambojjhaṅgantiādinā nayena vuttānaṃ sattannaṃ ādipadānaṃyeva tāva –

    ад̇т̇ад̇о лагкан̣аад̣̇ийхи, гамад̇о жа винижчаяо;

    Atthato lakkhaṇādīhi, kamato ca vinicchayo;

    ануунаад̇хигад̇о жзва, вин̃н̃аад̇аб̣б̣о вибхаавинаа.

    Anūnādhikato ceva, viññātabbo vibhāvinā.

    д̇ад̇т̇а сад̇исамб̣ож̇жхан̇г̇з д̇аава саран̣адтзна сад̇и. саа банзсаа убадтааналагкан̣аа, абилаабаналагкан̣аа ваа. вуд̇д̇амби хзд̇ам̣ ‘‘яат̇аа, махаарааж̇а, ран̃н̃о бхан̣д̣ааг̇аариго ран̃н̃о саабад̇зяяам̣ абилаабзд̇и, зд̇д̇агам̣, махаарааж̇а, хиран̃н̃ам̣, зд̇д̇агам̣ суван̣н̣ам̣, зд̇д̇агам̣ саабад̇зяяанд̇и, звамзва ко, махаарааж̇а , сад̇и уббаж̇ж̇амаанаа гусалаагусаласааваж̇ж̇аанаваж̇ж̇ахийнабан̣ийд̇аган̣хасуггасаббадибхааг̇з д̇хаммз абилаабзд̇и. имз жад̇д̇ааро сад̇ибадтаанаа’’д̇и (ми. ба. 2.1.13) вид̇т̇ааро. абилаабанарасаа. гижжавасзнзва хисса зд̇ам̣ лагкан̣ам̣ т̇зрзна вуд̇д̇ам̣. асаммосарасаа ваа. г̇ожараабхимукабхаавабажжубадтаанаа. сад̇и зва самб̣ож̇жхан̇г̇о сад̇исамб̣ож̇жхан̇г̇о. д̇ад̇т̇а б̣од̇хияаа б̣од̇хисса ваа ан̇г̇од̇и б̣ож̇жхан̇г̇о.

    Tattha satisambojjhaṅge tāva saraṇaṭṭhena sati. Sā panesā upaṭṭhānalakkhaṇā, apilāpanalakkhaṇā vā. Vuttampi hetaṃ ‘‘yathā, mahārāja, rañño bhaṇḍāgāriko rañño sāpateyyaṃ apilāpeti, ettakaṃ, mahārāja, hiraññaṃ, ettakaṃ suvaṇṇaṃ, ettakaṃ sāpateyyanti, evameva kho, mahārāja , sati uppajjamānā kusalākusalasāvajjānavajjahīnapaṇītakaṇhasukkasappaṭibhāge dhamme apilāpeti. Ime cattāro satipaṭṭhānā’’ti (mi. pa. 2.1.13) vitthāro. Apilāpanarasā. Kiccavaseneva hissa etaṃ lakkhaṇaṃ therena vuttaṃ. Asammosarasā vā. Gocarābhimukhabhāvapaccupaṭṭhānā. Sati eva sambojjhaṅgo satisambojjhaṅgo. Tattha bodhiyā bodhissa vā aṅgoti bojjhaṅgo.

    гим̣ вуд̇д̇ам̣ ход̇и? яаа хи аяам̣ д̇хаммасаамаг̇г̇ий, яааяа логияалогуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяуухана-гаамасукад̇д̇агиламат̇аануяог̇а-ужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇ийд̇и гад̇ваа ‘‘б̣од̇хий’’д̇и вужжад̇и. б̣уж̇жхад̇ийд̇и гилзсасанд̇аананид̣̇д̣̇ааяа удтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и вуд̇д̇ам̣ ход̇и. яат̇ааха ‘‘сад̇д̇а б̣ож̇жхан̇г̇з бхаавзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо’’д̇и. д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇од̇иби б̣ож̇жхан̇г̇о, жхаанан̇г̇амаг̇г̇ан̇г̇аад̣̇аяо вияа.

    Kiṃ vuttaṃ hoti? Yā hi ayaṃ dhammasāmaggī, yāya lokiyalokuttaramaggakkhaṇe uppajjamānāya līnuddhaccapatiṭṭhānāyūhana-kāmasukhattakilamathānuyoga-ucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhatīti katvā ‘‘bodhī’’ti vuccati. Bujjhatīti kilesasantānaniddāya uṭṭhahati, cattāri vā ariyasaccāni paṭivijjhati, nibbānameva vā sacchikarotīti vuttaṃ hoti. Yathāha ‘‘satta bojjhaṅge bhāvetvā anuttaraṃ sammāsambodhiṃ abhisambuddho’’ti. Tassā dhammasāmaggisaṅkhātāya bodhiyā aṅgotipi bojjhaṅgo, jhānaṅgamaggaṅgādayo viya.

    яобзса яат̇аавуд̇д̇аббагаарааяа зд̇ааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго ‘‘б̣од̇хий’’д̇и вужжад̇и, д̇асса б̣од̇хисса ан̇г̇од̇иби б̣ож̇жхан̇г̇о, сзнан̇г̇арат̇ан̇г̇аад̣̇аяо вияа. д̇знааху адтагат̇аажарияаа ‘‘б̣уж̇жханагасса буг̇г̇аласса ан̇г̇аад̇и ваа б̣ож̇жхан̇г̇аа’’д̇и. абижа ‘‘б̣ож̇жхан̇г̇аад̇и гзнадтзна б̣ож̇жхан̇г̇аа? б̣од̇хааяа сам̣вад̇д̇анд̇ийд̇и б̣ож̇жхан̇г̇аа, б̣уж̇жханд̇ийд̇и б̣ож̇жхан̇г̇аа, ануб̣уж̇жханд̇ийд̇и б̣ож̇жхан̇г̇аа, бадиб̣уж̇жханд̇ийд̇и б̣ож̇жхан̇г̇аа, самб̣уж̇жханд̇ийд̇и б̣ож̇жхан̇г̇аа’’д̇иаад̣̇инаа (бади. ма. 3.17) бадисамбхид̣̇аанаязнааби ад̇т̇о взд̣̇ид̇аб̣б̣о. басад̇т̇о сунд̣̇аро ваа б̣ож̇жхан̇г̇од̇и самб̣ож̇жхан̇г̇о. звам̣ сад̇и зва самб̣ож̇жхан̇г̇о сад̇исамб̣ож̇жхан̇г̇о. д̇ам̣ сад̇исамб̣ож̇жхан̇г̇ам̣. звам̣ д̇аава згасса аад̣̇ибад̣̇асса ад̇т̇ад̇о лагкан̣аад̣̇ийхи жа винижчаяо вин̃н̃аад̇аб̣б̣о.

    Yopesa yathāvuttappakārāya etāya dhammasāmaggiyā bujjhatīti katvā ariyasāvako ‘‘bodhī’’ti vuccati, tassa bodhissa aṅgotipi bojjhaṅgo, senaṅgarathaṅgādayo viya. Tenāhu aṭṭhakathācariyā ‘‘bujjhanakassa puggalassa aṅgāti vā bojjhaṅgā’’ti. Apica ‘‘bojjhaṅgāti kenaṭṭhena bojjhaṅgā? Bodhāya saṃvattantīti bojjhaṅgā, bujjhantīti bojjhaṅgā, anubujjhantīti bojjhaṅgā, paṭibujjhantīti bojjhaṅgā, sambujjhantīti bojjhaṅgā’’tiādinā (paṭi. ma. 3.17) paṭisambhidānayenāpi attho veditabbo. Pasattho sundaro vā bojjhaṅgoti sambojjhaṅgo. Evaṃ sati eva sambojjhaṅgo satisambojjhaṅgo. Taṃ satisambojjhaṅgaṃ. Evaṃ tāva ekassa ādipadassa atthato lakkhaṇādīhi ca vinicchayo viññātabbo.

    д̣̇уд̇ияаад̣̇ийсу бана жад̇усажжад̇хаммз вижинаад̇ийд̇и д̇хаммавижаяо. со бана вижаяалагкан̣о, обхаасанарасо, асаммохабажжубадтаано. вийрабхаавад̇о вид̇хинаа ийраяид̇аб̣б̣ад̇о жа вийрияам̣. д̇ам̣ баг̇г̇ахалагкан̣ам̣ , убад̇т̇амбханарасам̣, аносийд̣̇анабажжубадтаанам̣ . бийн̣аяад̇ийд̇и бийд̇и. саа паран̣алагкан̣аа, д̇удтилагкан̣аа ваа, гааяажид̇д̇аанам̣ бийн̣анарасаа, д̇зсам̣язва од̣̇аг̇яабажжубадтаанаа. гааяажид̇д̇ад̣̇арат̇абассамбханад̇о бассад̣̇д̇хи. саа убасамалагкан̣аа, гааяажид̇д̇ад̣̇арат̇аниммад̣̇д̣̇анарасаа, ааяажид̇д̇аанам̣ абарибпанд̣̇анабхууд̇асийд̇ибхаавабажжубадтаанаа. самаад̇хаанад̇о самаад̇хи. со авигкзбалагкан̣о, ависааралагкан̣о ваа, жид̇д̇ажзд̇асигаанам̣ самбин̣д̣анарасо, жид̇д̇адтид̇ибажжубадтаано. аж̇жхубзгканад̇о убзгкаа. саа бадисан̇кааналагкан̣аа, самаваахид̇алагкан̣аа ваа, уунаад̇хигад̇аанивааран̣арасаа, багкабаад̇убажчзд̣̇арасаа ваа, маж̇жхад̇д̇абхаавабажжубадтаанаа. сзсам̣ вуд̇д̇анаяамзва. звам̣ сзсабад̣̇аанамби ад̇т̇ад̇о лагкан̣аад̣̇ийхи жа винижчаяо вин̃н̃аад̇аб̣б̣о.

    Dutiyādīsu pana catusaccadhamme vicinātīti dhammavicayo. So pana vicayalakkhaṇo, obhāsanaraso, asammohapaccupaṭṭhāno. Vīrabhāvato vidhinā īrayitabbato ca vīriyaṃ. Taṃ paggahalakkhaṇaṃ , upatthambhanarasaṃ, anosīdanapaccupaṭṭhānaṃ . Pīṇayatīti pīti. Sā pharaṇalakkhaṇā, tuṭṭhilakkhaṇā vā, kāyacittānaṃ pīṇanarasā, tesaṃyeva odagyapaccupaṭṭhānā. Kāyacittadarathapassambhanato passaddhi. Sā upasamalakkhaṇā, kāyacittadarathanimmaddanarasā, āyacittānaṃ aparipphandanabhūtasītibhāvapaccupaṭṭhānā. Samādhānato samādhi. So avikkhepalakkhaṇo, avisāralakkhaṇo vā, cittacetasikānaṃ sampiṇḍanaraso, cittaṭṭhitipaccupaṭṭhāno. Ajjhupekkhanato upekkhā. Sā paṭisaṅkhānalakkhaṇā, samavāhitalakkhaṇā vā, ūnādhikatānivāraṇarasā, pakkhapātupacchedarasā vā, majjhattabhāvapaccupaṭṭhānā. Sesaṃ vuttanayameva. Evaṃ sesapadānampi atthato lakkhaṇādīhi ca vinicchayo viññātabbo.

    гамад̇од̇и зд̇т̇а жа ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234) важанад̇о саб̣б̣зсам̣ сзсаб̣ож̇жхан̇г̇аанам̣ убагаарагад̇д̇аа сад̇исамб̣ож̇жхан̇г̇ова батамам̣ вуд̇д̇о. д̇ад̇о барам̣ ‘‘со д̇ат̇аа сад̇о вихаранд̇о д̇ам̣ д̇хаммам̣ бан̃н̃ааяа бавижинад̇ий’’д̇иаад̣̇инаа (вибха. 469) наязна сзсаб̣ож̇жхан̇г̇аанам̣ буб̣б̣аабарияаважанз баяож̇анам̣ суд̇д̇зязва вуд̇д̇ам̣. звамзд̇т̇а гамад̇оби винижчаяо вин̃н̃аад̇аб̣б̣о.

    Kamatoti ettha ca ‘‘satiñca khvāhaṃ, bhikkhave, sabbatthikaṃ vadāmī’’ti (saṃ. ni. 5.234) vacanato sabbesaṃ sesabojjhaṅgānaṃ upakārakattā satisambojjhaṅgova paṭhamaṃ vutto. Tato paraṃ ‘‘so tathā sato viharanto taṃ dhammaṃ paññāya pavicinatī’’tiādinā (vibha. 469) nayena sesabojjhaṅgānaṃ pubbāpariyavacane payojanaṃ sutteyeva vuttaṃ. Evamettha kamatopi vinicchayo viññātabbo.

    ануунаад̇хигад̇од̇и гасмаа бана бхаг̇авад̇аа сад̇д̇зва б̣ож̇жхан̇г̇аа вуд̇д̇аа ануунаа анад̇хигаад̇и. лийнуд̣̇д̇хажжабадибагкад̇о саб̣б̣ад̇т̇игад̇о жа. зд̇т̇а хи д̇аяо б̣ож̇жхан̇г̇аа лийнасса бадибагкаа. яат̇ааха – ‘‘яасмин̃жа ко, бхигкавз, самаяз лийнам̣ жид̇д̇ам̣ ход̇и, гаало д̇асмим̣ самаяз д̇хаммавижаяасамб̣ож̇жхан̇г̇асса бхааванааяа, гаало вийрияасамб̣ож̇жхан̇г̇асса бхааванааяа, гаало бийд̇исамб̣ож̇жхан̇г̇асса бхааванааяаа’’д̇и (сам̣. ни. 5.234). д̇аяо уд̣̇д̇хажжасса бадибагкаа. яат̇ааха – ‘‘яасмин̃жа ко, бхигкавз, самаяз уд̣̇д̇хад̇ам̣ жид̇д̇ам̣ ход̇и, гаало д̇асмим̣ самаяз бассад̣̇д̇хисамб̣ож̇жхан̇г̇асса бхааванааяа, гаало самаад̇хисамб̣ож̇жхан̇г̇асса бхааванааяа, гаало убзгкаасамб̣ож̇жхан̇г̇асса бхааванааяаа’’д̇и (сам̣. ни. 5.234). зго банзд̇т̇а саб̣б̣ад̇т̇иго. яат̇ааха – ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и. ‘‘саб̣б̣ад̇т̇ага’’нд̇иби баато, д̣̇виннамби саб̣б̣ад̇т̇а ижчид̇аб̣б̣анд̇и ад̇т̇о. звам̣ лийнуд̣̇д̇хажжабадибагкад̇о саб̣б̣ад̇т̇игад̇о жа сад̇д̇зва б̣ож̇жхан̇г̇аа вуд̇д̇аа ануунаа анад̇хигаад̇и, звамзд̇т̇а ануунаад̇хигад̇оби винижчаяо вин̃н̃аад̇аб̣б̣о.

    Anūnādhikatoti kasmā pana bhagavatā satteva bojjhaṅgā vuttā anūnā anadhikāti. Līnuddhaccapaṭipakkhato sabbatthikato ca. Ettha hi tayo bojjhaṅgā līnassa paṭipakkhā. Yathāha – ‘‘yasmiñca kho, bhikkhave, samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāyā’’ti (saṃ. ni. 5.234). Tayo uddhaccassa paṭipakkhā. Yathāha – ‘‘yasmiñca kho, bhikkhave, samaye uddhataṃ cittaṃ hoti, kālo tasmiṃ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāyā’’ti (saṃ. ni. 5.234). Eko panettha sabbatthiko. Yathāha – ‘‘satiñca khvāhaṃ, bhikkhave, sabbatthikaṃ vadāmī’’ti. ‘‘Sabbatthaka’’ntipi pāṭho, dvinnampi sabbattha icchitabbanti attho. Evaṃ līnuddhaccapaṭipakkhato sabbatthikato ca satteva bojjhaṅgā vuttā anūnā anadhikāti, evamettha anūnādhikatopi vinicchayo viññātabbo.

    звам̣ д̇аава ‘‘сад̇исамб̣ож̇жхан̇г̇а’’нд̇иаад̣̇инаа наязна вуд̇д̇аанам̣ сад̇д̇аннам̣ аад̣̇ибад̣̇аанам̣язва ад̇т̇аван̣н̣анам̣ н̃ад̇ваа ид̣̇аани бхаавзд̇и вивзганиссид̇анд̇иаад̣̇ийсу звам̣ н̃аад̇аб̣б̣аа. бхаавзд̇ийд̇и вад̣дхзд̇и, ад̇д̇ано жид̇д̇асанд̇аанз бунаббунам̣ ж̇анзд̇и абхиниб̣б̣ад̇д̇зд̇ийд̇и ад̇т̇о. вивзганиссид̇анд̇и вивзгз ниссид̇ам̣. вивзгод̇и вивид̇д̇ад̇аа. свааяам̣ д̇ад̣̇ан̇г̇авивзго вигкамбханасамужчзд̣̇абадиббассад̣̇д̇хи ниссаран̣авивзгод̇и бан̃жавид̇хо. д̇асса наанад̇д̇ам̣ ‘‘арияад̇хаммз авинийд̇о’’д̇и зд̇т̇а вуд̇д̇анаязнзва взд̣̇ид̇аб̣б̣ам̣. аяамзва хи д̇ад̇т̇а винаяод̇и вуд̇д̇о. звам̣ зд̇асмим̣ бан̃жавид̇хз вивзгз.

    Evaṃ tāva ‘‘satisambojjhaṅga’’ntiādinā nayena vuttānaṃ sattannaṃ ādipadānaṃyeva atthavaṇṇanaṃ ñatvā idāni bhāveti vivekanissitantiādīsu evaṃ ñātabbā. Bhāvetīti vaḍḍheti, attano cittasantāne punappunaṃ janeti abhinibbattetīti attho. Vivekanissitanti viveke nissitaṃ. Vivekoti vivittatā. Svāyaṃ tadaṅgaviveko vikkhambhanasamucchedapaṭippassaddhi nissaraṇavivekoti pañcavidho. Tassa nānattaṃ ‘‘ariyadhamme avinīto’’ti ettha vuttanayeneva veditabbaṃ. Ayameva hi tattha vinayoti vutto. Evaṃ etasmiṃ pañcavidhe viveke.

    вивзганиссид̇анд̇и д̇ад̣̇ан̇г̇авивзганиссид̇ам̣ самужчзд̣̇авивзганиссид̇ам̣ ниссаран̣авивзганиссид̇ан̃жа сад̇исамб̣ож̇жхан̇г̇ам̣ бхаавзд̇ийд̇и аяамад̇т̇о взд̣̇ид̇аб̣б̣о. д̇ат̇аа хи аяам̣ б̣ож̇жхан̇г̇абхааванаануяуд̇д̇о яог̇ий вибассанаагкан̣з гижжад̇о д̇ад̣̇ан̇г̇авивзганиссид̇ам̣, аж̇жхаасаяад̇о ниссаран̣авивзганиссид̇ам̣, маг̇г̇агаалз бана гижжад̇о самужчзд̣̇авивзганиссид̇ам̣, аарамман̣ад̇о ниссаран̣авивзганиссид̇ам̣ сад̇исамб̣ож̇жхан̇г̇ам̣ бхаавзд̇и. бан̃жавид̇хавивзганиссид̇анд̇иби згз, д̇з хи на гзвалам̣ б̣алававибассанаамаг̇г̇апалагкан̣зсу зва б̣ож̇жхан̇г̇з уд̣̇д̇харанд̇и, вибассанаабаад̣̇агагасин̣аж̇жхаанааанаабаанаасубхаб̣рахмавихаараж̇жхаанзсуби уд̣̇д̇харанд̇и. на жа бадисид̣̇д̇хаа адтагат̇аажариязхи. д̇асмаа д̇зсам̣ мад̇зна зд̇зсам̣ жхаанаанам̣ бавад̇д̇игкан̣з гижжад̇о зва вигкамбханавивзганиссид̇ам̣. яат̇аа жа ‘‘вибассанаагкан̣з аж̇жхаасаяад̇о ниссаран̣авивзганиссид̇а’’нд̇и вуд̇д̇ам̣, звам̣ бадиббассад̣̇д̇хививзганиссид̇амби бхаавзд̇ийд̇и вад̇д̇ум̣ ваддад̇и. зса наяо вирааг̇аниссид̇аад̣̇ийсу. вивзгадтаа зва хи вирааг̇аад̣̇аяо.

    Vivekanissitanti tadaṅgavivekanissitaṃ samucchedavivekanissitaṃ nissaraṇavivekanissitañca satisambojjhaṅgaṃ bhāvetīti ayamattho veditabbo. Tathā hi ayaṃ bojjhaṅgabhāvanānuyutto yogī vipassanākkhaṇe kiccato tadaṅgavivekanissitaṃ, ajjhāsayato nissaraṇavivekanissitaṃ, maggakāle pana kiccato samucchedavivekanissitaṃ, ārammaṇato nissaraṇavivekanissitaṃ satisambojjhaṅgaṃ bhāveti. Pañcavidhavivekanissitantipi eke, te hi na kevalaṃ balavavipassanāmaggaphalakkhaṇesu eva bojjhaṅge uddharanti, vipassanāpādakakasiṇajjhānaānāpānāsubhabrahmavihārajjhānesupi uddharanti. Na ca paṭisiddhā aṭṭhakathācariyehi. Tasmā tesaṃ matena etesaṃ jhānānaṃ pavattikkhaṇe kiccato eva vikkhambhanavivekanissitaṃ. Yathā ca ‘‘vipassanākkhaṇe ajjhāsayato nissaraṇavivekanissita’’nti vuttaṃ, evaṃ paṭippassaddhivivekanissitampi bhāvetīti vattuṃ vaṭṭati. Esa nayo virāganissitādīsu. Vivekaṭṭhā eva hi virāgādayo.

    гзвалан̃хзд̇т̇а воссаг̇г̇о д̣̇увид̇хо барижжааг̇авоссаг̇г̇о жа багканд̣̇анавоссаг̇г̇о жаад̇и. д̇ад̇т̇а барижжааг̇авоссаг̇г̇од̇и вибассанаагкан̣з жа д̇ад̣̇ан̇г̇авасзна, маг̇г̇агкан̣з жа самужчзд̣̇авасзна гилзсаббахаанам̣. багканд̣̇анавоссаг̇г̇од̇и вибассанаагкан̣з д̇анниннабхаавзна, маг̇г̇агкан̣з бана аарамман̣агаран̣зна ниб̣б̣аанабагканд̣̇анам̣. д̇ад̣̇убхаяамби имасмим̣ логияалогуд̇д̇арамиссагз ад̇т̇аван̣н̣анаанаяз ваддад̇и. д̇ат̇аа хи аяам̣ сад̇исамб̣ож̇жхан̇г̇о яат̇аавуд̇д̇зна багаарзна гилзсз барижжаж̇ад̇и, ниб̣б̣аанан̃жа багканд̣̇ад̇и. воссаг̇г̇абарин̣ааминд̇и иминаа бана сагалзна важанзна воссаг̇г̇ад̇д̇ам̣ барин̣аманд̇ам̣ барин̣ад̇ан̃жа барибажжанд̇ам̣ барибагган̃жаад̇и. ид̣̇ам̣ вуд̇д̇ам̣ ход̇и ‘‘аяан̃хи б̣ож̇жхан̇г̇абхааванаануяуд̇д̇о бхигку яат̇аа сад̇исамб̣ож̇жхан̇г̇о гилзсабарижжааг̇авоссаг̇г̇ад̇д̇ам̣ ниб̣б̣аанабагканд̣̇анавоссаг̇г̇ад̇д̇ан̃жа барибажжад̇и, яат̇аа жа барибагго ход̇и, д̇ат̇аа нам̣ бхаавзд̇ий’’д̇и. зса наяо сзсаб̣ож̇жхан̇г̇зсу.

    Kevalañhettha vossaggo duvidho pariccāgavossaggo ca pakkhandanavossaggo cāti. Tattha pariccāgavossaggoti vipassanākkhaṇe ca tadaṅgavasena, maggakkhaṇe ca samucchedavasena kilesappahānaṃ. Pakkhandanavossaggoti vipassanākkhaṇe tanninnabhāvena, maggakkhaṇe pana ārammaṇakaraṇena nibbānapakkhandanaṃ. Tadubhayampi imasmiṃ lokiyalokuttaramissake atthavaṇṇanānaye vaṭṭati. Tathā hi ayaṃ satisambojjhaṅgo yathāvuttena pakārena kilese pariccajati, nibbānañca pakkhandati. Vossaggapariṇāminti iminā pana sakalena vacanena vossaggattaṃ pariṇamantaṃ pariṇatañca paripaccantaṃ paripakkañcāti. Idaṃ vuttaṃ hoti ‘‘ayañhi bojjhaṅgabhāvanānuyutto bhikkhu yathā satisambojjhaṅgo kilesapariccāgavossaggattaṃ nibbānapakkhandanavossaggattañca paripaccati, yathā ca paripakko hoti, tathā naṃ bhāvetī’’ti. Esa nayo sesabojjhaṅgesu.

    ид̇ха бана ниб̣б̣аанам̣язва саб̣б̣асан̇кад̇зхи вивид̇д̇ад̇д̇аа вивзго, саб̣б̣зсам̣ вирааг̇абхаавад̇о вирааг̇о, нирод̇хабхаавад̇о нирод̇ход̇и вуд̇д̇ам̣. маг̇г̇о зва жа воссаг̇г̇абарин̣аамий, д̇асмаа сад̇исамб̣ож̇жхан̇г̇ам̣ бхаавзд̇и вивзгам̣ аарамман̣ам̣ гад̇ваа бавад̇д̇ияаа вивзганиссид̇ам̣. д̇ат̇аа вирааг̇аниссид̇ам̣ нирод̇ханиссид̇ам̣. д̇ан̃жа ко арияамаг̇г̇агкан̣уббад̇д̇ияаа гилзсаанам̣ самужчзд̣̇ад̇о барижжааг̇абхаавзна жа ниб̣б̣аанабагканд̣̇анабхаавзна жа барин̣ад̇ам̣ барибагганд̇и аяамзва ад̇т̇о д̣̇адтаб̣б̣о. зса наяо сзсаб̣ож̇жхан̇г̇зсу.

    Idha pana nibbānaṃyeva sabbasaṅkhatehi vivittattā viveko, sabbesaṃ virāgabhāvato virāgo, nirodhabhāvato nirodhoti vuttaṃ. Maggo eva ca vossaggapariṇāmī, tasmā satisambojjhaṅgaṃ bhāveti vivekaṃ ārammaṇaṃ katvā pavattiyā vivekanissitaṃ. Tathā virāganissitaṃ nirodhanissitaṃ. Tañca kho ariyamaggakkhaṇuppattiyā kilesānaṃ samucchedato pariccāgabhāvena ca nibbānapakkhandanabhāvena ca pariṇataṃ paripakkanti ayameva attho daṭṭhabbo. Esa nayo sesabojjhaṅgesu.

    яан̃хиссаад̇и зд̇зсу б̣ож̇жхан̇г̇зсу яам̣гин̃жи асса. сзсам̣ вуд̇д̇анаяамзва. аасавуббад̇д̇ияам̣ банзд̇т̇а имзсам̣ убаримаг̇г̇ад̇д̇аяасамбаяуд̇д̇аанам̣ б̣ож̇жхан̇г̇аанам̣ абхаавид̇ад̇д̇аа яз уббаж̇ж̇зяяум̣ гаамаасаво бхаваасаво авиж̇ж̇аасавод̇и д̇аяо аасаваа, бхааваяад̇о звам̣са д̇з аасаваа на хонд̇ийд̇и аяам̣ наяо взд̣̇ид̇аб̣б̣о.

    Yañhissāti etesu bojjhaṅgesu yaṃkiñci assa. Sesaṃ vuttanayameva. Āsavuppattiyaṃ panettha imesaṃ uparimaggattayasampayuttānaṃ bojjhaṅgānaṃ abhāvitattā ye uppajjeyyuṃ kāmāsavo bhavāsavo avijjāsavoti tayo āsavā, bhāvayato evaṃsa te āsavā na hontīti ayaṃ nayo veditabbo.

    имз вужжанд̇и…бз… бхааванаа бахаад̇аб̣б̣аад̇и имз д̇аяо аасаваа имааяа маг̇г̇ад̇д̇аяасамбаяуд̇д̇ааяа б̣ож̇жхан̇г̇абхааванааяа бахаад̇аб̣б̣аад̇и вужжанд̇ийд̇и взд̣̇ид̇аб̣б̣аа.

    Ime vuccanti…pe… bhāvanā pahātabbāti ime tayo āsavā imāya maggattayasampayuttāya bojjhaṅgabhāvanāya pahātabbāti vuccantīti veditabbā.

    28. ид̣̇аани имзхи сад̇д̇ахаагаарзхи бахийнаасавам̣ бхигкум̣ т̇омзнд̇о аасаваббахаанз жасса аанисам̣сам̣ д̣̇ассзнд̇о зд̇зхзва жа гааран̣зхи аасаваббахаанз сад̇д̇аанам̣ уссуггам̣ ж̇анзнд̇о яад̇о ко, бхигкавз…бз… анд̇амагааси д̣̇угкассаад̇и ааха. д̇ад̇т̇а яад̇о код̇и саамиважанз д̇огааро, яасса код̇и вуд̇д̇ам̣ ход̇и. бораан̣аа бана яасмим̣ гаалзд̇и ван̣н̣аяанд̇и. яз аасаваа д̣̇ассанаа бахаад̇аб̣б̣аад̇и яз аасаваа д̣̇ассанзна бахаад̇аб̣б̣аа, д̇з д̣̇ассанзнзва бахийнаа хонд̇и, на аббахийнзсуязва бахийнасан̃н̃ий ход̇и. звам̣ саб̣б̣ад̇т̇а вид̇т̇ааро.

    28. Idāni imehi sattahākārehi pahīnāsavaṃ bhikkhuṃ thomento āsavappahāne cassa ānisaṃsaṃ dassento eteheva ca kāraṇehi āsavappahāne sattānaṃ ussukkaṃ janento yato kho, bhikkhave…pe… antamakāsi dukkhassāti āha. Tattha yato khoti sāmivacane tokāro, yassa khoti vuttaṃ hoti. Porāṇā pana yasmiṃ kāleti vaṇṇayanti. Ye āsavā dassanā pahātabbāti ye āsavā dassanena pahātabbā, te dassaneneva pahīnā honti, na appahīnesuyeva pahīnasaññī hoti. Evaṃ sabbattha vitthāro.

    саб̣б̣аасавасам̣варасам̣вуд̇од̇и саб̣б̣зхи аасавабид̇хаанзхи бихид̇о, саб̣б̣зсам̣ ваа аасаваанам̣ бид̇хаанзхи бихид̇о. ажчзжчи д̇ан̣ханд̇и саб̣б̣амби д̇ан̣хам̣ чинд̣̇и, сам̣чинд̣̇и самужчинд̣̇и. вивад̇д̇аяи сам̣яож̇ананд̇и д̣̇асавид̇хамби сам̣яож̇анам̣ баривад̇д̇аяи ниммаламагааси. саммаад̇и хзд̇унаа гааран̣зна. маанаабхисамаяаад̇и маанасса д̣̇ассанаабхисамаяаа бахаанаабхисамаяаа жа. арахад̇д̇амаг̇г̇о хи гижжавасзна маанам̣ бассад̇и, аяамасса д̣̇ассанаабхисамаяо. д̇зна д̣̇идто бана со д̇аавад̣̇зва бахийяад̇и д̣̇идтависзна д̣̇идтасад̇д̇аанам̣ ж̇ийвид̇ам̣ вияа. аяамасса бахаанаабхисамаяо.

    Sabbāsavasaṃvarasaṃvutoti sabbehi āsavapidhānehi pihito, sabbesaṃ vā āsavānaṃ pidhānehi pihito. Acchecchitaṇhanti sabbampi taṇhaṃ chindi, saṃchindi samucchindi. Vivattayi saṃyojananti dasavidhampi saṃyojanaṃ parivattayi nimmalamakāsi. Sammāti hetunā kāraṇena. Mānābhisamayāti mānassa dassanābhisamayā pahānābhisamayā ca. Arahattamaggo hi kiccavasena mānaṃ passati, ayamassa dassanābhisamayo. Tena diṭṭho pana so tāvadeva pahīyati diṭṭhavisena diṭṭhasattānaṃ jīvitaṃ viya. Ayamassa pahānābhisamayo.

    анд̇амагааси д̣̇угкассаад̇и звам̣ арахад̇д̇амаг̇г̇зна саммаа маанасса д̣̇идтад̇д̇аа бахийнад̇д̇аа жа яз имз ‘‘гааяаб̣анд̇ханасса анд̇о ж̇ийрад̇и (жуул̣ава. 278). харид̇анд̇ам̣ ваа’’д̇и (ма. ни. 1.304) звам̣ вуд̇д̇аанд̇имамарияаад̣̇анд̇о жа, ‘‘анд̇амид̣̇ам̣, бхигкавз, ж̇ийвигаана’’нд̇и (ид̇иву. 91; сам̣. ни. 3.80) звам̣ вуд̇д̇алаамаганд̇о жа, ‘‘саггааяо зго анд̇о’’д̇и (а. ни. 6.61) звам̣ вуд̇д̇агодтаасанд̇о жа, ‘‘зсзванд̇о д̣̇угкасса саб̣б̣абажжаяасан̇каяаа’’д̇и (сам̣. ни. 2.51) звам̣ вуд̇д̇агоданд̇о жаад̇и звам̣ жад̇д̇ааро анд̇аа, д̇зсу саб̣б̣ассзва ваддад̣̇угкасса анд̇ам̣ жад̇уд̇т̇агодисан̇каад̇ам̣ анд̇имагодисан̇каад̇ам̣ анд̇амагааси барижчзд̣̇ам̣ баривадумам̣ агааси. анд̇имасамуссаяамад̇д̇аавасзсам̣ д̣̇угкам̣ агаасийд̇и вуд̇д̇ам̣ ход̇и.

    Antamakāsi dukkhassāti evaṃ arahattamaggena sammā mānassa diṭṭhattā pahīnattā ca ye ime ‘‘kāyabandhanassa anto jīrati (cūḷava. 278). Haritantaṃ vā’’ti (ma. ni. 1.304) evaṃ vuttaantimamariyādanto ca, ‘‘antamidaṃ, bhikkhave, jīvikāna’’nti (itivu. 91; saṃ. ni. 3.80) evaṃ vuttalāmakanto ca, ‘‘sakkāyo eko anto’’ti (a. ni. 6.61) evaṃ vuttakoṭṭhāsanto ca, ‘‘esevanto dukkhassa sabbapaccayasaṅkhayā’’ti (saṃ. ni. 2.51) evaṃ vuttakoṭanto cāti evaṃ cattāro antā, tesu sabbasseva vaṭṭadukkhassa antaṃ catutthakoṭisaṅkhātaṃ antimakoṭisaṅkhātaṃ antamakāsi paricchedaṃ parivaṭumaṃ akāsi. Antimasamussayamattāvasesaṃ dukkhaṃ akāsīti vuttaṃ hoti.

    ад̇д̇аманаа д̇з бхигкууд̇и сагаманаа д̇удтаманаа, бийд̇исоманассзхи ваа самбаяуд̇д̇аманаа худ̇ваа. бхаг̇авад̇о бхаасид̇ам̣ абхинанд̣̇унд̇и ид̣̇ам̣ д̣̇угкасса анд̇агирияаабарияосаанам̣ бхаг̇авад̇о бхаасид̇ам̣ сугат̇ид̇ам̣ сулабид̇ам̣, звамзд̇ам̣ бхаг̇аваа звамзд̇ам̣ суг̇ад̇аад̇и мад̇т̇агзна самбадижчанд̇аа аб̣бханумод̣̇им̣сууд̇и.

    Attamanā te bhikkhūti sakamanā tuṭṭhamanā, pītisomanassehi vā sampayuttamanā hutvā. Bhagavato bhāsitaṃ abhinandunti idaṃ dukkhassa antakiriyāpariyosānaṃ bhagavato bhāsitaṃ sukathitaṃ sulapitaṃ, evametaṃ bhagavā evametaṃ sugatāti matthakena sampaṭicchantā abbhanumodiṃsūti.

    сзсамзд̇т̇а яам̣ на вуд̇д̇ам̣, д̇ам̣ буб̣б̣з вуд̇д̇ад̇д̇аа жа сувин̃н̃зяяад̇д̇аа жа на вуд̇д̇ам̣. д̇асмаа саб̣б̣ам̣ вуд̇д̇аанусаарзна анубад̣̇асо бажжавзгкид̇аб̣б̣ам̣.

    Sesamettha yaṃ na vuttaṃ, taṃ pubbe vuttattā ca suviññeyyattā ca na vuttaṃ. Tasmā sabbaṃ vuttānusārena anupadaso paccavekkhitabbaṃ.

    бхааванаабахаад̇аб̣б̣ааасававан̣н̣анаа нидтид̇аа.

    Bhāvanāpahātabbaāsavavaṇṇanā niṭṭhitā.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    саб̣б̣аасавасуд̇д̇аван̣н̣анаа нидтид̇аа.

    Sabbāsavasuttavaṇṇanā niṭṭhitā.




    Next: 3. д̇хаммад̣̇ааяаад̣̇асуд̇д̇аван̣н̣анаа • 3. Dhammadāyādasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. саб̣б̣аасавасуд̇д̇ам̣ • 2. Sabbāsavasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. саб̣б̣аасавасуд̇д̇аван̣н̣анаа • 2. Sabbāsavasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact