| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. саб̣б̣аваг̇г̇о
3. Sabbavaggo
1. саб̣б̣асуд̇д̇аван̣н̣анаа
1. Sabbasuttavaṇṇanā
23. саб̣б̣аваг̇г̇асса батамз саб̣б̣ам̣ во, бхигкавзд̇и саб̣б̣ам̣ наама жад̇уб̣б̣ид̇хам̣ – саб̣б̣асаб̣б̣ам̣, ааяад̇анасаб̣б̣ам̣, саггааяасаб̣б̣ам̣, бад̣̇зсасаб̣б̣анд̇и. д̇ад̇т̇а –
23. Sabbavaggassa paṭhame sabbaṃ vo, bhikkhaveti sabbaṃ nāma catubbidhaṃ – sabbasabbaṃ, āyatanasabbaṃ, sakkāyasabbaṃ, padesasabbanti. Tattha –
‘‘на д̇асса ад̣̇д̣̇идтамид̇хаад̇т̇и гин̃жи,
‘‘Na tassa addiṭṭhamidhaatthi kiñci,
ат̇о авин̃н̃аад̇амаж̇аанид̇аб̣б̣ам̣;
Atho aviññātamajānitabbaṃ;
саб̣б̣ам̣ абхин̃н̃ааси яад̣̇ад̇т̇и нзяяам̣,
Sabbaṃ abhiññāsi yadatthi neyyaṃ,
д̇ат̇ааг̇ад̇о д̇зна саманд̇ажагкуу’’д̇и. (махаани. 156; жуул̣ани. д̇ход̇агамаан̣авабужчаанид̣̇д̣̇зсо 32; бади. ма. 1.121) –
Tathāgato tena samantacakkhū’’ti. (mahāni. 156; cūḷani. dhotakamāṇavapucchāniddeso 32; paṭi. ma. 1.121) –
ид̣̇ам̣ саб̣б̣асаб̣б̣ам̣ наама. ‘‘саб̣б̣ам̣ во, бхигкавз, д̣̇зсзссаами, д̇ам̣ сун̣аат̇аа’’д̇и (сам̣. ни. 4.24) ид̣̇ам̣ ааяад̇анасаб̣б̣ам̣ наама. ‘‘саб̣б̣ад̇хаммамуулабарияааяам̣ во, бхигкавз, д̣̇зсзссаамий’’д̇и (ма. ни. 1.1) ид̣̇ам̣ саггааяасаб̣б̣ам̣ наама. ‘‘саб̣б̣ад̇хаммзсу ваа бана батамасаманнаахааро уббаж̇ж̇ад̇и жид̇д̇ам̣ мано маанасам̣…бз… д̇аж̇ж̇ааманод̇хаад̇уу’’д̇и ид̣̇ам̣ бад̣̇зсасаб̣б̣ам̣ наама. ид̇и бан̃жаарамман̣амад̇д̇ам̣ бад̣̇зсасаб̣б̣ам̣. д̇збхуумагад̇хаммаа саггааяасаб̣б̣ам̣. жад̇убхуумагад̇хаммаа ааяад̇анасаб̣б̣ам̣. яам̣гин̃жи нзяяам̣ саб̣б̣асаб̣б̣ам̣. бад̣̇зсасаб̣б̣ам̣ саггааяасаб̣б̣ам̣ на баабун̣аад̇и, саггааяасаб̣б̣ам̣ ааяад̇анасаб̣б̣ам̣ на баабун̣аад̇и, ааяад̇анасаб̣б̣ам̣ саб̣б̣асаб̣б̣ам̣ на баабун̣аад̇и. гасмаа? саб̣б̣ан̃н̃уд̇ан̃н̃аан̣асса аяам̣ наама д̇хаммо аарамман̣ам̣ на ход̇ийд̇и над̇т̇ид̇ааяа. имасмим̣ бана суд̇д̇з ааяад̇анасаб̣б̣ам̣ ад̇хиббзд̇ам̣.
Idaṃ sabbasabbaṃ nāma. ‘‘Sabbaṃ vo, bhikkhave, desessāmi, taṃ suṇāthā’’ti (saṃ. ni. 4.24) idaṃ āyatanasabbaṃ nāma. ‘‘Sabbadhammamūlapariyāyaṃ vo, bhikkhave, desessāmī’’ti (ma. ni. 1.1) idaṃ sakkāyasabbaṃ nāma. ‘‘Sabbadhammesu vā pana paṭhamasamannāhāro uppajjati cittaṃ mano mānasaṃ…pe… tajjāmanodhātū’’ti idaṃ padesasabbaṃ nāma. Iti pañcārammaṇamattaṃ padesasabbaṃ. Tebhūmakadhammā sakkāyasabbaṃ. Catubhūmakadhammā āyatanasabbaṃ. Yaṃkiñci neyyaṃ sabbasabbaṃ. Padesasabbaṃ sakkāyasabbaṃ na pāpuṇāti, sakkāyasabbaṃ āyatanasabbaṃ na pāpuṇāti, āyatanasabbaṃ sabbasabbaṃ na pāpuṇāti. Kasmā? Sabbaññutaññāṇassa ayaṃ nāma dhammo ārammaṇaṃ na hotīti natthitāya. Imasmiṃ pana sutte āyatanasabbaṃ adhippetaṃ.
бажжагкааяаад̇и бадигкибид̇ваа. ваажаавад̇т̇угамзвассаад̇и, ваажааяа вад̇д̇аб̣б̣авад̇т̇умад̇д̇агамзва бхавзяяа. имаани бана д̣̇ваад̣̇асааяад̇анаани ад̇иггамид̇ваа аяам̣ наама ан̃н̃о сабхаавад̇хаммо ад̇т̇ийд̇и д̣̇ассзд̇ум̣ на саггун̣зяяа. будто жа на самбааязяяаад̇и, ‘‘гад̇амам̣ ан̃н̃ам̣ саб̣б̣ам̣ наамаа’’д̇и? бужчид̇о, ‘‘ид̣̇ам̣ наамаа’’д̇и важанзна самбаад̣̇зд̇ум̣ на саггун̣зяяа. вигхаад̇ам̣ аабаж̇ж̇зяяаад̇и д̣̇угкам̣ аабаж̇ж̇зяяа. яат̇аа д̇ам̣, бхигкавз, ависаяасминд̇и зд̇т̇а д̇анд̇и нибаад̇амад̇д̇ам̣. яат̇аад̇и гааран̣аважанам̣, яасмаа ависаяз будтод̇и ад̇т̇о. ависаяасмин̃хи сад̇д̇аанам̣ вигхаад̇ова ход̇и, гуудааг̇аарамад̇д̇ам̣ силам̣ сийсзна угкибид̇ваа г̇амбхийрз уд̣̇агз д̇аран̣ам̣ ависаяо, д̇ат̇аа жанд̣̇имасуурияаанам̣ аагад̣дхид̇ваа баад̇анам̣, д̇асмим̣ ависаяз вааяаманд̇о вигхаад̇амзва аабаж̇ж̇ад̇и, звам̣ имасмимби ависаяз вигхаад̇амзва аабаж̇ж̇зяяаад̇и ад̇хиббааяо.
Paccakkhāyāti paṭikkhipitvā. Vācāvatthukamevassāti, vācāya vattabbavatthumattakameva bhaveyya. Imāni pana dvādasāyatanāni atikkamitvā ayaṃ nāma añño sabhāvadhammo atthīti dassetuṃ na sakkuṇeyya. Puṭṭho ca na sampāyeyyāti, ‘‘katamaṃ aññaṃ sabbaṃ nāmā’’ti? Pucchito, ‘‘idaṃ nāmā’’ti vacanena sampādetuṃ na sakkuṇeyya. Vighātaṃ āpajjeyyāti dukkhaṃ āpajjeyya. Yathā taṃ, bhikkhave, avisayasminti ettha tanti nipātamattaṃ. Yathāti kāraṇavacanaṃ, yasmā avisaye puṭṭhoti attho. Avisayasmiñhi sattānaṃ vighātova hoti, kūṭāgāramattaṃ silaṃ sīsena ukkhipitvā gambhīre udake taraṇaṃ avisayo, tathā candimasūriyānaṃ ākaḍḍhitvā pātanaṃ, tasmiṃ avisaye vāyamanto vighātameva āpajjati, evaṃ imasmimpi avisaye vighātameva āpajjeyyāti adhippāyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. саб̣б̣асуд̇д̇ам̣ • 1. Sabbasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. саб̣б̣асуд̇д̇аван̣н̣анаа • 1. Sabbasuttavaṇṇanā
