| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. саб̣б̣аваг̇г̇о
3. Sabbavaggo
1. саб̣б̣асуд̇д̇аван̣н̣анаа
1. Sabbasuttavaṇṇanā
23. саб̣б̣а-сад̣̇д̣̇о багаран̣авасзна гад̇т̇ажи саббад̣̇зсзби бавад̇д̇ад̇ийд̇и д̇ад̇о нивад̇д̇анад̇т̇ам̣ анавасзсависаязна саб̣б̣а-сад̣̇д̣̇зна висзсзд̇ваа вуд̇д̇ам̣ ‘‘саб̣б̣асаб̣б̣а’’нд̇и, саб̣б̣амзва худ̇ваа саб̣б̣анд̇и ад̇т̇о. ааяад̇анабхаавам̣ саб̣б̣ам̣ ааяад̇анасаб̣б̣ам̣, сзсад̣̇ваязби зсзва наяо.
23. Sabba-saddo pakaraṇavasena katthaci sappadesepi pavattatīti tato nivattanatthaṃ anavasesavisayena sabba-saddena visesetvā vuttaṃ ‘‘sabbasabba’’nti, sabbameva hutvā sabbanti attho. Āyatanabhāvaṃ sabbaṃ āyatanasabbaṃ, sesadvayepi eseva nayo.
д̇асса ависаяаабхаавад̇о на ад̣̇д̣̇идтамид̇хад̇т̇и гин̃жийд̇и. ид̇хаад̇и нибаад̇амад̇д̇ам̣, ид̇ха ваа сад̣̇звагз логз, д̣̇ассанабхууд̇зна н̃аан̣зна ад̣̇идтам̣ наама гин̃жи над̇т̇ийд̇и ад̇т̇о. яад̣̇и звам̣ анумаанависаяам̣ ну ко гат̇анд̇и ааха ‘‘ат̇о авин̃н̃аад̇а’’нд̇и. ан̃н̃зсам̣ абажжагкамби авин̃н̃аад̇ам̣ д̇асса гин̃жи над̇т̇ийд̇и ад̣̇идтам̣ авин̃н̃аад̇ам̣ над̇т̇и. бажжуббаннам̣ ад̇ийд̇амзва н̃зяяам̣ г̇ахид̇ам̣, анааг̇ад̇ам̣ ну ко гат̇анд̇и ааха – ‘‘аж̇аанид̇аб̣б̣а’’нд̇и, д̇асса гин̃жи над̇т̇ийд̇и аанзд̇ваа самб̣анд̇хо. ж̇аанид̇ум̣ н̃аад̇ум̣ асаггун̣зяяам̣ наама д̇асса гин̃жи над̇т̇ийд̇и д̣̇ассзнд̇о ааха ‘‘саб̣б̣ам̣ абхин̃н̃аасий’’д̇иаад̣̇и.
Tassa avisayābhāvato na addiṭṭhamidhatthi kiñcīti. Idhāti nipātamattaṃ, idha vā sadevake loke, dassanabhūtena ñāṇena adiṭṭhaṃ nāma kiñci natthīti attho. Yadi evaṃ anumānavisayaṃ nu kho kathanti āha ‘‘atho aviññāta’’nti. Aññesaṃ apaccakkhampi aviññātaṃ tassa kiñci natthīti adiṭṭhaṃ aviññātaṃ natthi. Paccuppannaṃ atītameva ñeyyaṃ gahitaṃ, anāgataṃ nu kho kathanti āha – ‘‘ajānitabba’’nti, tassa kiñci natthīti ānetvā sambandho. Jānituṃ ñātuṃ asakkuṇeyyaṃ nāma tassa kiñci natthīti dassento āha ‘‘sabbaṃ abhiññāsī’’tiādi.
сагаласса саггааяад̇хаммасса бариг̇г̇ахид̇ад̇д̇аа саггааяасаб̣б̣ам̣. саб̣б̣ад̇хаммзсууд̇и бан̃жаннам̣ д̣̇ваараанам̣ аарамман̣абхууд̇зсу саб̣б̣зсу д̇хаммзсу. яасмаа часуби аарамман̣зсу г̇ахид̇зсу бад̣̇зсасаб̣б̣ам̣ наама на ход̇и, д̇асмаа ‘‘бан̃жаарамман̣амад̇д̇а’’нд̇и вуд̇д̇ам̣. бад̣̇зсасаб̣б̣ам̣ саггааяасаб̣б̣ам̣ на баабун̣аад̇и д̇асса д̇збхуумагад̇хаммзсу згад̣̇зсасса асан̇г̇ан̣ханад̇о. саггааяасаб̣б̣ам̣ ааяад̇анасаб̣б̣ам̣ на баабун̣аад̇и логуд̇д̇арад̇хаммаанам̣ асан̇г̇ан̣ханад̇о. ааяад̇анасаб̣б̣ам̣ саб̣б̣асаб̣б̣ам̣ на баабун̣аад̇и. яасмаа ааяад̇анасаб̣б̣зна жад̇убхуумагад̇хаммаава бариг̇г̇ахид̇аа, на лагкан̣абан̃н̃ад̇д̇ияо, яасмаа саб̣б̣асаб̣б̣ам̣ д̣̇ассзнд̇зна б̣уд̣̇д̇хан̃аан̣ависаяо д̣̇ассид̇о, д̇асмаа ‘‘саб̣б̣асаб̣б̣ам̣ на баабун̣аад̇ий’’д̇и зд̇т̇ааби ‘‘гасмаа…бз… над̇т̇ид̇ааяаа’’д̇и саб̣б̣ам̣ н̃аад̇аарамман̣знзва бужчаависсаж̇ж̇анам̣ гад̇ам̣. ‘‘ааяад̇анасаб̣б̣зби ид̇ха вибассанубаг̇ад̇хаммаава г̇ахзд̇аб̣б̣аа абхин̃н̃зяяанид̣̇д̣̇зсавасзнаби саммасанажаарассзва ижчид̇ад̇д̇аа’’д̇и вад̣̇анд̇и.
Sakalassa sakkāyadhammassa pariggahitattā sakkāyasabbaṃ. Sabbadhammesūti pañcannaṃ dvārānaṃ ārammaṇabhūtesu sabbesu dhammesu. Yasmā chasupi ārammaṇesu gahitesu padesasabbaṃ nāma na hoti, tasmā ‘‘pañcārammaṇamatta’’nti vuttaṃ. Padesasabbaṃ sakkāyasabbaṃ na pāpuṇāti tassa tebhūmakadhammesu ekadesassa asaṅgaṇhanato. Sakkāyasabbaṃ āyatanasabbaṃ na pāpuṇāti lokuttaradhammānaṃ asaṅgaṇhanato. Āyatanasabbaṃ sabbasabbaṃ na pāpuṇāti. Yasmā āyatanasabbena catubhūmakadhammāva pariggahitā, na lakkhaṇapaññattiyo, yasmā sabbasabbaṃ dassentena buddhañāṇavisayo dassito, tasmā ‘‘sabbasabbaṃ na pāpuṇātī’’ti etthāpi ‘‘kasmā…pe… natthitāyā’’ti sabbaṃ ñātārammaṇeneva pucchāvissajjanaṃ kataṃ. ‘‘Āyatanasabbepi idha vipassanupagadhammāva gahetabbā abhiññeyyaniddesavasenapi sammasanacārasseva icchitattā’’ti vadanti.
бадигкибид̇ваад̇и ‘‘ид̣̇ам̣ саб̣б̣ам̣ наама на ход̇ий’’д̇и звам̣ бадигкибид̇ваа. д̇ассаад̇и ‘‘ан̃н̃ам̣ саб̣б̣ам̣ бан̃н̃аабзссаамий’’д̇и вад̣̇анд̇асса. ваажааяа вад̇д̇аб̣б̣авад̇т̇умад̇д̇агамзваад̇и ван̃жхаабуд̇д̇аг̇аг̇анагусумаад̣̇иваажаа вияа зд̇асса ваажааяа гзвалам̣ вад̇д̇аб̣б̣авад̇т̇угамзва бхавзяяа, на ад̇т̇о, важанамад̇д̇агамзваад̇и ад̇т̇о . ад̇иггамид̇ваад̇и анаамасид̇ваа аг̇г̇ахзд̇ваа. д̇ам̣ гисса хзд̇ууд̇и вигхаад̇аабаж̇ж̇анам̣ гзна хзд̇унаа. яат̇аа д̇ам̣ ависаяасминд̇и яат̇аа ан̃н̃оби гожи ависаяз вааяаманд̇о, званд̇и ад̇т̇о. адтагат̇ааяам̣ бана яасмаа баал̣ияам̣ ‘‘д̇ам̣ гисса хзд̇уу’’д̇и вуд̇д̇агааран̣амзва убанаяанавасзна д̣̇ассзд̇ум̣ ‘‘яат̇аа д̇а’’нд̇иаад̣̇и вуд̇д̇ам̣. гааран̣обанаяанан̃жа гааран̣амзваад̇и ‘‘яат̇аад̇и гааран̣аважана’’нд̇и вуд̇д̇анд̇и д̣̇адтаб̣б̣ам̣. д̇знзвааха ‘‘звам̣ имасмимби ависаяз’’д̇иаад̣̇и.
Paṭikkhipitvāti ‘‘idaṃ sabbaṃ nāma na hotī’’ti evaṃ paṭikkhipitvā. Tassāti ‘‘aññaṃ sabbaṃ paññāpessāmī’’ti vadantassa. Vācāya vattabbavatthumattakamevāti vañjhāputtagaganakusumādivācā viya etassa vācāya kevalaṃ vattabbavatthukameva bhaveyya, na attho, vacanamattakamevāti attho . Atikkamitvāti anāmasitvā aggahetvā. Taṃ kissa hetūti vighātāpajjanaṃ kena hetunā. Yathā taṃ avisayasminti yathā aññopi koci avisaye vāyamanto, evanti attho. Aṭṭhakathāyaṃ pana yasmā pāḷiyaṃ ‘‘taṃ kissa hetū’’ti vuttakāraṇameva upanayanavasena dassetuṃ ‘‘yathā ta’’ntiādi vuttaṃ. Kāraṇopanayanañca kāraṇamevāti ‘‘yathāti kāraṇavacana’’nti vuttanti daṭṭhabbaṃ. Tenevāha ‘‘evaṃ imasmimpi avisaye’’tiādi.
саб̣б̣асуд̇д̇аван̣н̣анаа нидтид̇аа.
Sabbasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. саб̣б̣асуд̇д̇ам̣ • 1. Sabbasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. саб̣б̣асуд̇д̇аван̣н̣анаа • 1. Sabbasuttavaṇṇanā
