| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਸਬ੍ਬવਗ੍ਗੋ
3. Sabbavaggo
੧. ਸਬ੍ਬਸੁਤ੍ਤવਣ੍ਣਨਾ
1. Sabbasuttavaṇṇanā
੨੩. ਸਬ੍ਬ-ਸਦ੍ਦੋ ਪਕਰਣવਸੇਨ ਕਤ੍ਥਚਿ ਸਪ੍ਪਦੇਸੇਪਿ ਪવਤ੍ਤਤੀਤਿ ਤਤੋ ਨਿવਤ੍ਤਨਤ੍ਥਂ ਅਨવਸੇਸવਿਸਯੇਨ ਸਬ੍ਬ-ਸਦ੍ਦੇਨ વਿਸੇਸੇਤ੍વਾ વੁਤ੍ਤਂ ‘‘ਸਬ੍ਬਸਬ੍ਬ’’ਨ੍ਤਿ, ਸਬ੍ਬਮੇવ ਹੁਤ੍વਾ ਸਬ੍ਬਨ੍ਤਿ ਅਤ੍ਥੋ। ਆਯਤਨਭਾવਂ ਸਬ੍ਬਂ ਆਯਤਨਸਬ੍ਬਂ, ਸੇਸਦ੍વਯੇਪਿ ਏਸੇવ ਨਯੋ।
23. Sabba-saddo pakaraṇavasena katthaci sappadesepi pavattatīti tato nivattanatthaṃ anavasesavisayena sabba-saddena visesetvā vuttaṃ ‘‘sabbasabba’’nti, sabbameva hutvā sabbanti attho. Āyatanabhāvaṃ sabbaṃ āyatanasabbaṃ, sesadvayepi eseva nayo.
ਤਸ੍ਸ ਅવਿਸਯਾਭਾવਤੋ ਨ ਅਦ੍ਦਿਟ੍ਠਮਿਧਤ੍ਥਿ ਕਿਞ੍ਚੀਤਿ। ਇਧਾਤਿ ਨਿਪਾਤਮਤ੍ਤਂ, ਇਧ વਾ ਸਦੇવਕੇ ਲੋਕੇ, ਦਸ੍ਸਨਭੂਤੇਨ ਞਾਣੇਨ ਅਦਿਟ੍ਠਂ ਨਾਮ ਕਿਞ੍ਚਿ ਨਤ੍ਥੀਤਿ ਅਤ੍ਥੋ। ਯਦਿ ਏવਂ ਅਨੁਮਾਨવਿਸਯਂ ਨੁ ਖੋ ਕਥਨ੍ਤਿ ਆਹ ‘‘ਅਥੋ ਅવਿਞ੍ਞਾਤ’’ਨ੍ਤਿ। ਅਞ੍ਞੇਸਂ ਅਪਚ੍ਚਕ੍ਖਮ੍ਪਿ ਅવਿਞ੍ਞਾਤਂ ਤਸ੍ਸ ਕਿਞ੍ਚਿ ਨਤ੍ਥੀਤਿ ਅਦਿਟ੍ਠਂ ਅવਿਞ੍ਞਾਤਂ ਨਤ੍ਥਿ। ਪਚ੍ਚੁਪ੍ਪਨ੍ਨਂ ਅਤੀਤਮੇવ ਞੇਯ੍ਯਂ ਗਹਿਤਂ, ਅਨਾਗਤਂ ਨੁ ਖੋ ਕਥਨ੍ਤਿ ਆਹ – ‘‘ਅਜਾਨਿਤਬ੍ਬ’’ਨ੍ਤਿ, ਤਸ੍ਸ ਕਿਞ੍ਚਿ ਨਤ੍ਥੀਤਿ ਆਨੇਤ੍વਾ ਸਮ੍ਬਨ੍ਧੋ। ਜਾਨਿਤੁਂ ਞਾਤੁਂ ਅਸਕ੍ਕੁਣੇਯ੍ਯਂ ਨਾਮ ਤਸ੍ਸ ਕਿਞ੍ਚਿ ਨਤ੍ਥੀਤਿ ਦਸ੍ਸੇਨ੍ਤੋ ਆਹ ‘‘ਸਬ੍ਬਂ ਅਭਿਞ੍ਞਾਸੀ’’ਤਿਆਦਿ।
Tassa avisayābhāvato na addiṭṭhamidhatthi kiñcīti. Idhāti nipātamattaṃ, idha vā sadevake loke, dassanabhūtena ñāṇena adiṭṭhaṃ nāma kiñci natthīti attho. Yadi evaṃ anumānavisayaṃ nu kho kathanti āha ‘‘atho aviññāta’’nti. Aññesaṃ apaccakkhampi aviññātaṃ tassa kiñci natthīti adiṭṭhaṃ aviññātaṃ natthi. Paccuppannaṃ atītameva ñeyyaṃ gahitaṃ, anāgataṃ nu kho kathanti āha – ‘‘ajānitabba’’nti, tassa kiñci natthīti ānetvā sambandho. Jānituṃ ñātuṃ asakkuṇeyyaṃ nāma tassa kiñci natthīti dassento āha ‘‘sabbaṃ abhiññāsī’’tiādi.
ਸਕਲਸ੍ਸ ਸਕ੍ਕਾਯਧਮ੍ਮਸ੍ਸ ਪਰਿਗ੍ਗਹਿਤਤ੍ਤਾ ਸਕ੍ਕਾਯਸਬ੍ਬਂ। ਸਬ੍ਬਧਮ੍ਮੇਸੂਤਿ ਪਞ੍ਚਨ੍ਨਂ ਦ੍વਾਰਾਨਂ ਆਰਮ੍ਮਣਭੂਤੇਸੁ ਸਬ੍ਬੇਸੁ ਧਮ੍ਮੇਸੁ। ਯਸ੍ਮਾ ਛਸੁਪਿ ਆਰਮ੍ਮਣੇਸੁ ਗਹਿਤੇਸੁ ਪਦੇਸਸਬ੍ਬਂ ਨਾਮ ਨ ਹੋਤਿ, ਤਸ੍ਮਾ ‘‘ਪਞ੍ਚਾਰਮ੍ਮਣਮਤ੍ਤ’’ਨ੍ਤਿ વੁਤ੍ਤਂ। ਪਦੇਸਸਬ੍ਬਂ ਸਕ੍ਕਾਯਸਬ੍ਬਂ ਨ ਪਾਪੁਣਾਤਿ ਤਸ੍ਸ ਤੇਭੂਮਕਧਮ੍ਮੇਸੁ ਏਕਦੇਸਸ੍ਸ ਅਸਙ੍ਗਣ੍ਹਨਤੋ। ਸਕ੍ਕਾਯਸਬ੍ਬਂ ਆਯਤਨਸਬ੍ਬਂ ਨ ਪਾਪੁਣਾਤਿ ਲੋਕੁਤ੍ਤਰਧਮ੍ਮਾਨਂ ਅਸਙ੍ਗਣ੍ਹਨਤੋ। ਆਯਤਨਸਬ੍ਬਂ ਸਬ੍ਬਸਬ੍ਬਂ ਨ ਪਾਪੁਣਾਤਿ। ਯਸ੍ਮਾ ਆਯਤਨਸਬ੍ਬੇਨ ਚਤੁਭੂਮਕਧਮ੍ਮਾવ ਪਰਿਗ੍ਗਹਿਤਾ, ਨ ਲਕ੍ਖਣਪਞ੍ਞਤ੍ਤਿਯੋ, ਯਸ੍ਮਾ ਸਬ੍ਬਸਬ੍ਬਂ ਦਸ੍ਸੇਨ੍ਤੇਨ ਬੁਦ੍ਧਞਾਣવਿਸਯੋ ਦਸ੍ਸਿਤੋ, ਤਸ੍ਮਾ ‘‘ਸਬ੍ਬਸਬ੍ਬਂ ਨ ਪਾਪੁਣਾਤੀ’’ਤਿ ਏਤ੍ਥਾਪਿ ‘‘ਕਸ੍ਮਾ…ਪੇ॰… ਨਤ੍ਥਿਤਾਯਾ’’ਤਿ ਸਬ੍ਬਂ ਞਾਤਾਰਮ੍ਮਣੇਨੇવ ਪੁਚ੍ਛਾવਿਸ੍ਸਜ੍ਜਨਂ ਕਤਂ। ‘‘ਆਯਤਨਸਬ੍ਬੇਪਿ ਇਧ વਿਪਸ੍ਸਨੁਪਗਧਮ੍ਮਾવ ਗਹੇਤਬ੍ਬਾ ਅਭਿਞ੍ਞੇਯ੍ਯਨਿਦ੍ਦੇਸવਸੇਨਪਿ ਸਮ੍ਮਸਨਚਾਰਸ੍ਸੇવ ਇਚ੍ਛਿਤਤ੍ਤਾ’’ਤਿ વਦਨ੍ਤਿ।
Sakalassa sakkāyadhammassa pariggahitattā sakkāyasabbaṃ. Sabbadhammesūti pañcannaṃ dvārānaṃ ārammaṇabhūtesu sabbesu dhammesu. Yasmā chasupi ārammaṇesu gahitesu padesasabbaṃ nāma na hoti, tasmā ‘‘pañcārammaṇamatta’’nti vuttaṃ. Padesasabbaṃ sakkāyasabbaṃ na pāpuṇāti tassa tebhūmakadhammesu ekadesassa asaṅgaṇhanato. Sakkāyasabbaṃ āyatanasabbaṃ na pāpuṇāti lokuttaradhammānaṃ asaṅgaṇhanato. Āyatanasabbaṃ sabbasabbaṃ na pāpuṇāti. Yasmā āyatanasabbena catubhūmakadhammāva pariggahitā, na lakkhaṇapaññattiyo, yasmā sabbasabbaṃ dassentena buddhañāṇavisayo dassito, tasmā ‘‘sabbasabbaṃ na pāpuṇātī’’ti etthāpi ‘‘kasmā…pe… natthitāyā’’ti sabbaṃ ñātārammaṇeneva pucchāvissajjanaṃ kataṃ. ‘‘Āyatanasabbepi idha vipassanupagadhammāva gahetabbā abhiññeyyaniddesavasenapi sammasanacārasseva icchitattā’’ti vadanti.
ਪਟਿਕ੍ਖਿਪਿਤ੍વਾਤਿ ‘‘ਇਦਂ ਸਬ੍ਬਂ ਨਾਮ ਨ ਹੋਤੀ’’ਤਿ ਏવਂ ਪਟਿਕ੍ਖਿਪਿਤ੍વਾ। ਤਸ੍ਸਾਤਿ ‘‘ਅਞ੍ਞਂ ਸਬ੍ਬਂ ਪਞ੍ਞਾਪੇਸ੍ਸਾਮੀ’’ਤਿ વਦਨ੍ਤਸ੍ਸ। વਾਚਾਯ વਤ੍ਤਬ੍ਬવਤ੍ਥੁਮਤ੍ਤਕਮੇવਾਤਿ વਞ੍ਝਾਪੁਤ੍ਤਗਗਨਕੁਸੁਮਾਦਿવਾਚਾ વਿਯ ਏਤਸ੍ਸ વਾਚਾਯ ਕੇવਲਂ વਤ੍ਤਬ੍ਬવਤ੍ਥੁਕਮੇવ ਭવੇਯ੍ਯ, ਨ ਅਤ੍ਥੋ, વਚਨਮਤ੍ਤਕਮੇવਾਤਿ ਅਤ੍ਥੋ । ਅਤਿਕ੍ਕਮਿਤ੍વਾਤਿ ਅਨਾਮਸਿਤ੍વਾ ਅਗ੍ਗਹੇਤ੍વਾ। ਤਂ ਕਿਸ੍ਸ ਹੇਤੂਤਿ વਿਘਾਤਾਪਜ੍ਜਨਂ ਕੇਨ ਹੇਤੁਨਾ। ਯਥਾ ਤਂ ਅવਿਸਯਸ੍ਮਿਨ੍ਤਿ ਯਥਾ ਅਞ੍ਞੋਪਿ ਕੋਚਿ ਅવਿਸਯੇ વਾਯਮਨ੍ਤੋ, ਏવਨ੍ਤਿ ਅਤ੍ਥੋ। ਅਟ੍ਠਕਥਾਯਂ ਪਨ ਯਸ੍ਮਾ ਪਾਲ਼ਿਯਂ ‘‘ਤਂ ਕਿਸ੍ਸ ਹੇਤੂ’’ਤਿ વੁਤ੍ਤਕਾਰਣਮੇવ ਉਪਨਯਨવਸੇਨ ਦਸ੍ਸੇਤੁਂ ‘‘ਯਥਾ ਤ’’ਨ੍ਤਿਆਦਿ વੁਤ੍ਤਂ। ਕਾਰਣੋਪਨਯਨਞ੍ਚ ਕਾਰਣਮੇવਾਤਿ ‘‘ਯਥਾਤਿ ਕਾਰਣવਚਨ’’ਨ੍ਤਿ વੁਤ੍ਤਨ੍ਤਿ ਦਟ੍ਠਬ੍ਬਂ। ਤੇਨੇવਾਹ ‘‘ਏવਂ ਇਮਸ੍ਮਿਮ੍ਪਿ ਅવਿਸਯੇ’’ਤਿਆਦਿ।
Paṭikkhipitvāti ‘‘idaṃ sabbaṃ nāma na hotī’’ti evaṃ paṭikkhipitvā. Tassāti ‘‘aññaṃ sabbaṃ paññāpessāmī’’ti vadantassa. Vācāya vattabbavatthumattakamevāti vañjhāputtagaganakusumādivācā viya etassa vācāya kevalaṃ vattabbavatthukameva bhaveyya, na attho, vacanamattakamevāti attho . Atikkamitvāti anāmasitvā aggahetvā. Taṃ kissa hetūti vighātāpajjanaṃ kena hetunā. Yathā taṃ avisayasminti yathā aññopi koci avisaye vāyamanto, evanti attho. Aṭṭhakathāyaṃ pana yasmā pāḷiyaṃ ‘‘taṃ kissa hetū’’ti vuttakāraṇameva upanayanavasena dassetuṃ ‘‘yathā ta’’ntiādi vuttaṃ. Kāraṇopanayanañca kāraṇamevāti ‘‘yathāti kāraṇavacana’’nti vuttanti daṭṭhabbaṃ. Tenevāha ‘‘evaṃ imasmimpi avisaye’’tiādi.
ਸਬ੍ਬਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sabbasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਬ੍ਬਸੁਤ੍ਤਂ • 1. Sabbasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਬ੍ਬਸੁਤ੍ਤવਣ੍ਣਨਾ • 1. Sabbasuttavaṇṇanā
