| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. сад̇уллабагааяигаваг̇г̇о
4. Satullapakāyikavaggo
1. саб̣бхисуд̇д̇аван̣н̣анаа
1. Sabbhisuttavaṇṇanā
31. сад̇ам̣ саад̇хуунам̣ саран̣аг̇аманасийлаад̣̇ибхзд̣̇асса д̇хаммасса уллабанад̇о, ад̇д̇ано ваа буб̣б̣зниваасаануссад̇ияаа д̇асса д̇хаммасса уллабанад̇о гат̇анад̇о сад̇уллабаа, д̣̇звад̇аа, д̇аасам̣ гааяо самуухо, д̇ад̇т̇а бхаваад̇и сад̇уллабагааяигаа. д̇знааха ‘‘сад̇ам̣ д̇хамма’’нд̇иаад̣̇и. самаад̣̇аанавасзна уллабзд̇ваа, на ван̣н̣анаагат̇анамад̇д̇зна д̇ад̇раад̇и д̇асмим̣ д̇аасам̣ д̣̇звад̇аанам̣ сад̇уллабагааяигабхаавз. ид̣̇ам̣ вад̇т̇ууд̇и ид̣̇ам̣ гааран̣ам̣. самуд̣̇д̣̇аваан̣иж̇аад̇и сам̣яад̇д̇игаа. кид̇д̇асаравзг̇знаад̇и ж̇ияаамуд̇д̇асарасад̣̇исавзг̇зна, сийгхаогхзнаад̇и ад̇т̇о. уббад̇ад̇ийд̇и уббаад̇о. уббаад̇з бхавам̣ б̣яасанам̣ уббаад̇игам̣. бад̇идтаад̇и хид̇абад̇идтаа. баралогз хид̇асукаавахам̣ абхаяагааран̣ам̣. ж̇ан̇гхасад̇анд̇и мануссасад̇ам̣. ж̇ан̇гхаасийсзна хи мануссз вад̣̇ад̇и сахажаарибхаавад̇о. аг̇г̇ахзси бан̃жасийлаани. аасаннаанаасаннзсу аасаннассзва батамам̣ вибажжанад̇о ‘‘аасаннагаалз г̇ахид̇асийлам̣ ниссааяаа’’д̇и вуд̇д̇ам̣. гхадаавасзнаад̇и самуухавасзна.
31. Sataṃ sādhūnaṃ saraṇagamanasīlādibhedassa dhammassa ullapanato, attano vā pubbenivāsānussatiyā tassa dhammassa ullapanato kathanato satullapā, devatā, tāsaṃ kāyo samūho, tattha bhavāti satullapakāyikā. Tenāha ‘‘sataṃ dhamma’’ntiādi. Samādānavasena ullapetvā, na vaṇṇanākathanamattena tatrāti tasmiṃ tāsaṃ devatānaṃ satullapakāyikabhāve. Idaṃ vatthūti idaṃ kāraṇaṃ. Samuddavāṇijāti saṃyattikā. Khittasaravegenāti jiyāmuttasarasadisavegena, sīghaoghenāti attho. Uppatatīti uppāto. Uppāte bhavaṃ byasanaṃ uppātikaṃ. Patiṭṭhāti hitapatiṭṭhā. Paraloke hitasukhāvahaṃ abhayakāraṇaṃ. Jaṅghasatanti manussasataṃ. Jaṅghāsīsena hi manusse vadati sahacāribhāvato. Aggahesi pañcasīlāni. Āsannānāsannesu āsannasseva paṭhamaṃ vipaccanato ‘‘āsannakāle gahitasīlaṃ nissāyā’’ti vuttaṃ. Ghaṭāvasenāti samūhavasena.
саб̣бхийд̇и саад̇хуухи. д̇з хи сабарахид̇асаад̇ханад̇о баасам̣сад̇ааяа санд̇аг̇ун̣ад̇ааяа жа санд̇од̇и вужжад̇и. д̇з бана яасмаа бан̣д̣ид̇алагкан̣зхи саманнааг̇ад̇аа хонд̇и, д̇асмаа ‘‘бан̣д̣ид̇зхий’’д̇и ааха. самаасзт̇аад̇и сам̣васзт̇аад̇и аяамзд̇т̇а ад̇хиббааяод̇и ааха ‘‘саб̣б̣аирияаабат̇з’’д̇иаад̣̇и. мид̇д̇асант̇аванд̇и мзд̇д̇исанд̇хаанам̣. сад̇д̇аанам̣ хид̇зсид̇аалагкан̣аа хи мзд̇д̇и, саа жа н̃аан̣асахид̇аа н̃аан̣абуб̣б̣ан̇г̇амааваад̇и мид̇д̇асант̇аво асам̣гилидто, ид̇аро сам̣гилидтод̇и ааха ‘‘на гзнажи сад̣̇д̇хим̣ гаад̇аб̣б̣о’’д̇и. сад̣̇д̇хамманд̇и д̣̇идтад̇хаммигаад̣̇ихид̇аавахам̣ сунд̣̇арад̇хаммам̣. сзяяод̇и хид̇авад̣дханад̇аад̣̇и вуд̇д̇анд̇и ааха ‘‘вад̣дхий’’д̇и.
Sabbhīti sādhūhi. Te hi saparahitasādhanato pāsaṃsatāya santaguṇatāya ca santoti vuccati. Te pana yasmā paṇḍitalakkhaṇehi samannāgatā honti, tasmā ‘‘paṇḍitehī’’ti āha. Samāsethāti saṃvasethāti ayamettha adhippāyoti āha ‘‘sabbairiyāpathe’’tiādi. Mittasanthavanti mettisandhānaṃ. Sattānaṃ hitesitālakkhaṇā hi metti, sā ca ñāṇasahitā ñāṇapubbaṅgamāvāti mittasanthavo asaṃkiliṭṭho, itaro saṃkiliṭṭhoti āha ‘‘na kenaci saddhiṃ kātabbo’’ti. Saddhammanti diṭṭhadhammikādihitāvahaṃ sundaradhammaṃ. Seyyoti hitavaḍḍhanatādi vuttanti āha ‘‘vaḍḍhī’’ti.
сад̇ам̣ саад̇хуунам̣, бан̣д̣ид̇аананд̇и аяамзд̇т̇а ад̇т̇о. д̇аббадияог̇ависаяад̇д̇аа ан̃н̃а-сад̣̇д̣̇асса вуд̇д̇ам̣ ‘‘ан̃н̃ад̇о анд̇хаб̣аалад̇о’’д̇и. соганимид̇д̇ам̣ согагааран̣ам̣ уд̇д̇арабад̣̇алобзна ид̇ха согасад̣̇д̣̇зна г̇ахид̇анд̇и ааха ‘‘согавад̇т̇ууна’’нд̇иаад̣̇и. согавад̇т̇ууни наама жораад̣̇аяо ажчинд̣̇анаад̣̇ивасзна барзсам̣ согагаран̣ад̇о. согаануг̇ад̇аа согаббад̇д̇аа.
Sataṃ sādhūnaṃ, paṇḍitānanti ayamettha attho. Tappaṭiyogavisayattā añña-saddassa vuttaṃ ‘‘aññatoandhabālato’’ti. Sokanimittaṃ sokakāraṇaṃ uttarapadalopena idha sokasaddena gahitanti āha ‘‘sokavatthūna’’ntiādi. Sokavatthūni nāma corādayo acchindanādivasena paresaṃ sokakaraṇato. Sokānugatā sokappattā.
т̇зрассаад̇и сам̣гижжад̇т̇зрасса. ад̇д̇ано бхаг̇инияаа ж̇здтад̇д̇аа ‘‘д̇умхз’’д̇и ааха. аяам̣ ‘‘ид̇ха жораа бадибаж̇ж̇им̣суу’’д̇и амхз д̇ин̣ааяаби на ман̃н̃ад̇ийд̇и жинд̇зд̇ваа згажжз ‘‘маарзма на’’нд̇и аахам̣су. гарун̣ааяа згажжз ‘‘виссаж̇ж̇змаа’’д̇и аахам̣су. манд̇зд̇ваад̇и бхаасзд̇ваа.
Therassāti saṃkiccattherassa. Attano bhaginiyā jeṭṭhattā ‘‘tumhe’’ti āha. Ayaṃ ‘‘idha corā paṭipajjiṃsū’’ti amhe tiṇāyapi na maññatīti cintetvā ekacce ‘‘mārema na’’nti āhaṃsu. Karuṇāya ekacce ‘‘vissajjemā’’ti āhaṃsu. Mantetvāti bhāsetvā.
аху ахоси, бхууд̇абуб̣б̣анд̇и ад̇т̇о. аран̃н̃асмим̣ б̣рахааванзд̇и д̇аад̣̇исз б̣рахааванз, махааран̃н̃з ниваасийд̇и ад̇т̇о жзд̇од̇и б̣яаад̇хо. гуудаанийд̇и ваагураад̣̇аяо. од̣д̣зд̇ваад̇и саж̇ж̇зд̇ваа. сасаганд̇и бзлагам̣ уб̣б̣иг̇г̇аад̇и бхийд̇ад̇асид̇аа. згарад̇д̇инд̇и згарад̇д̇знзва. д̇ханаж̇аанийд̇и бариб̣б̣аяавасзна ад̣̇д̇хигзхи лад̣̇д̇хаб̣б̣ад̇ханад̇о хаани, ‘‘саман̣амби наама ханд̇и, гим̣ амхзсу лаж̇ж̇иссад̇ий’’д̇и ад̣̇д̇хигаанам̣ анааг̇аманад̇о згад̣̇ивасам̣ лад̣̇д̇хаб̣б̣абариб̣б̣аяамби на лабхиссанд̇ийд̇и ад̇хиббааяо.
Ahu ahosi, bhūtapubbanti attho. Araññasmiṃ brahāvaneti tādise brahāvane, mahāraññe nivāsīti attho cetoti byādho. Kūṭānīti vākurādayo. Oḍḍetvāti sajjetvā. Sasakanti pelakaṃ ubbiggāti bhītatasitā. Ekarattinti ekaratteneva. Dhanajānīti paribbayavasena addhikehi laddhabbadhanato hāni, ‘‘samaṇampi nāma hanti, kiṃ amhesu lajjissatī’’ti addhikānaṃ anāgamanato ekadivasaṃ laddhabbaparibbayampi na labhissantīti adhippāyo.
н̃аад̇аяоби маад̇аабид̇убхаад̇убхаг̇иниаад̣̇игз н̃аад̇агз. д̇з гира ад̇химуд̇д̇асса бхаг̇инияаа санд̇игам̣ убаг̇ажчанд̇аа анд̇араамаг̇г̇з д̇зна самааг̇ад̇аа, ад̇химуд̇д̇о сажжаваажам̣ анурагканд̇о жорабхаяам̣ д̇зсам̣ наарожзси. д̇зна вуд̇д̇ам̣ ‘‘д̇зсамбий’’д̇иаад̣̇и. д̇ам̣ ниссааяа баб̣б̣аж̇ид̇ад̇д̇аа ‘‘ад̇химуд̇д̇асааман̣зрасса санд̇игз’’д̇и вуд̇д̇ам̣, на убасамбад̣̇аажарияо худ̇ваа. д̇знааха ‘‘ад̇д̇ано анд̇зваасигз гад̇ваа’’д̇и. сажжаанурагкан̣зна ануд̇д̇араг̇ун̣аад̇хиг̇амзна жа н̃аад̇имаж̇жхз вирожад̇и.
Ñātayopi mātāpitubhātubhaginiādike ñātake. Te kira adhimuttassa bhaginiyā santikaṃ upagacchantā antarāmagge tena samāgatā, adhimutto saccavācaṃ anurakkhanto corabhayaṃ tesaṃ nārocesi. Tena vuttaṃ ‘‘tesampī’’tiādi. Taṃ nissāya pabbajitattā ‘‘adhimuttasāmaṇerassa santike’’ti vuttaṃ, na upasampadācariyo hutvā. Tenāha ‘‘attano antevāsike katvā’’ti. Saccānurakkhaṇena anuttaraguṇādhigamena ca ñātimajjhe virocati.
саад̇ад̇анд̇и сад̇ад̇ам̣. са-сад̣̇д̣̇асса хи ид̇ха саабхааво яат̇аа ‘‘саарааг̇о’’д̇иаад̣̇ийсу. саад̇абхааво ваа саад̇ад̇анд̇и ааха ‘‘сукам̣ ваа’’д̇и. гааран̣знаад̇и д̇зна д̇зна гааран̣зна. саб̣б̣аасам̣ д̇аасам̣ важанам̣ субхаасид̇ам̣, бхаг̇авад̇о бана уггам̣саг̇ад̇ам̣ субхаасид̇амзва. свааяамад̇т̇о д̇ам̣д̇ам̣г̇аат̇аабад̣̇знзва вин̃н̃ааяад̇ийд̇и д̇ам̣ нийхарид̇ваа д̣̇ассзд̇ум̣ ‘‘на гзвала’’нд̇иаад̣̇и вуд̇д̇ам̣. д̇зна саббурисуубасам̣сзвасад̣̇д̇хаммаабхияог̇о яат̇аа сад̇д̇аанам̣ вад̣дхияаа бан̃н̃аабадилаабхасса зганд̇игам̣ гааран̣ам̣, звам̣ согабажжаяз сад̇и висогабхаавасса, н̃аад̇имаж̇жхз собхааяа, суг̇ад̇иг̇аманасса, жирам̣ сукадтаанасса, ваддад̣̇угкаможанассаби ан̃н̃аасаад̇хааран̣ам̣ ход̇ийд̇и вуд̇д̇амзваад̇и д̣̇адтаб̣б̣ам̣.
Sātatanti satataṃ. Sa-saddassa hi idha sābhāvo yathā ‘‘sārāgo’’tiādīsu. Sātabhāvo vā sātatanti āha ‘‘sukhaṃ vā’’ti. Kāraṇenāti tena tena kāraṇena. Sabbāsaṃ tāsaṃ vacanaṃ subhāsitaṃ, bhagavato pana ukkaṃsagataṃ subhāsitameva. Svāyamattho taṃtaṃgāthāpadeneva viññāyatīti taṃ nīharitvā dassetuṃ ‘‘na kevala’’ntiādi vuttaṃ. Tena sappurisūpasaṃsevasaddhammābhiyogo yathā sattānaṃ vaḍḍhiyā paññāpaṭilābhassa ekantikaṃ kāraṇaṃ, evaṃ sokapaccaye sati visokabhāvassa, ñātimajjhe sobhāya, sugatigamanassa, ciraṃ sukhaṭṭhānassa, vaṭṭadukkhamocanassapi aññāsādhāraṇaṃ hotīti vuttamevāti daṭṭhabbaṃ.
саб̣бхисуд̇д̇аван̣н̣анаа нидтид̇аа.
Sabbhisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. саб̣бхисуд̇д̇ам̣ • 1. Sabbhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. саб̣бхисуд̇д̇аван̣н̣анаа • 1. Sabbhisuttavaṇṇanā
