| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
94. сабхааг̇аабад̇д̇ибадигаммавид̇хи
94. Sabhāgāpattipaṭikammavidhi
171. д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з саб̣б̣о сан̇гхо сабхааг̇ам̣ аабад̇д̇им̣ аабанно ход̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на сабхааг̇аа аабад̇д̇и д̣̇зсзд̇аб̣б̣аа, на сабхааг̇аа аабад̇д̇и бадиг̇г̇ахзд̇аб̣б̣аа’д̇и . аяан̃жа саб̣б̣о сан̇гхо сабхааг̇ам̣ аабад̇д̇им̣ аабанно. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣.
171. Tena kho pana samayena aññatarasmiṃ āvāse tadahuposathe sabbo saṅgho sabhāgaṃ āpattiṃ āpanno hoti. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘na sabhāgā āpatti desetabbā, na sabhāgā āpatti paṭiggahetabbā’ti . Ayañca sabbo saṅgho sabhāgaṃ āpattiṃ āpanno. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ.
ид̇ха бана, бхигкавз, ан̃н̃ад̇арасмим̣ ааваасз д̇ад̣̇ахубосат̇з саб̣б̣о сан̇гхо сабхааг̇ам̣ аабад̇д̇им̣ аабанно ход̇и. д̇зхи, бхигкавз, бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о – г̇ажчаавусо, д̇ам̣ аабад̇д̇им̣ бадигарид̇ваа ааг̇ажча; маяам̣ д̇з санд̇игз аабад̇д̇им̣ бадигариссаамаад̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Idha pana, bhikkhave, aññatarasmiṃ āvāse tadahuposathe sabbo saṅgho sabhāgaṃ āpattiṃ āpanno hoti. Tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike āpattiṃ paṭikarissāmāti. Evañcetaṃ labhetha, iccetaṃ kusalaṃ. No ce labhetha, byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ саб̣б̣о сан̇гхо сабхааг̇ам̣ аабад̇д̇им̣ аабанно. яад̣̇аа ан̃н̃ам̣ бхигкум̣ суд̣̇д̇хам̣ анаабад̇д̇игам̣ бассиссад̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссад̇ий’’д̇и вад̇ваа убосат̇о гаад̇аб̣б̣о, баад̇имогкам̣ уд̣̇д̣̇исид̇аб̣б̣ам̣, на д̇взва д̇аббажжаяаа убосат̇асса анд̇арааяо гаад̇аб̣б̣о.
‘‘Suṇātu me, bhante, saṅgho. Ayaṃ sabbo saṅgho sabhāgaṃ āpattiṃ āpanno. Yadā aññaṃ bhikkhuṃ suddhaṃ anāpattikaṃ passissati, tadā tassa santike taṃ āpattiṃ paṭikarissatī’’ti vatvā uposatho kātabbo, pātimokkhaṃ uddisitabbaṃ, na tveva tappaccayā uposathassa antarāyo kātabbo.
ид̇ха бана, бхигкавз, ан̃н̃ад̇арасмим̣ ааваасз д̇ад̣̇ахубосат̇з саб̣б̣о сан̇гхо сабхааг̇ааяа аабад̇д̇ияаа взмад̇иго ход̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Idha pana, bhikkhave, aññatarasmiṃ āvāse tadahuposathe sabbo saṅgho sabhāgāya āpattiyā vematiko hoti. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ саб̣б̣о сан̇гхо сабхааг̇ааяа аабад̇д̇ияаа взмад̇иго. яад̣̇аа ниб̣б̣змад̇иго бхависсад̇и, д̇ад̣̇аа д̇ам̣ аабад̇д̇им̣ бадигариссад̇ий’’д̇и вад̇ваа убосат̇о гаад̇аб̣б̣о, баад̇имогкам̣ уд̣̇д̣̇исид̇аб̣б̣ам̣; на д̇взва д̇аббажжаяаа убосат̇асса анд̇арааяо гаад̇аб̣б̣о.
‘‘Suṇātu me, bhante, saṅgho. Ayaṃ sabbo saṅgho sabhāgāya āpattiyā vematiko. Yadā nibbematiko bhavissati, tadā taṃ āpattiṃ paṭikarissatī’’ti vatvā uposatho kātabbo, pātimokkhaṃ uddisitabbaṃ; na tveva tappaccayā uposathassa antarāyo kātabbo.
ид̇ха бана, бхигкавз, ан̃н̃ад̇арасмим̣ ааваасз вассуубаг̇ад̇о сан̇гхо сабхааг̇ам̣ аабад̇д̇им̣ аабанно ход̇и. д̇зхи, бхигкавз, бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о – г̇ажчаавусо, д̇ам̣ аабад̇д̇им̣ бадигарид̇ваа ааг̇ажча; маяам̣ д̇з санд̇игз д̇ам̣ аабад̇д̇им̣ бадигариссаамаад̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, зго бхигку сад̇д̇аахагаалигам̣ баахзд̇аб̣б̣о – г̇ажчаавусо, д̇ам̣ аабад̇д̇им̣ бадигарид̇ваа ааг̇ажча; маяам̣ д̇з санд̇игз д̇ам̣ аабад̇д̇им̣ бадигариссаамаад̇и.
Idha pana, bhikkhave, aññatarasmiṃ āvāse vassūpagato saṅgho sabhāgaṃ āpattiṃ āpanno hoti. Tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike taṃ āpattiṃ paṭikarissāmāti. Evañcetaṃ labhetha, iccetaṃ kusalaṃ. No ce labhetha, eko bhikkhu sattāhakālikaṃ pāhetabbo – gacchāvuso, taṃ āpattiṃ paṭikaritvā āgaccha; mayaṃ te santike taṃ āpattiṃ paṭikarissāmāti.
д̇зна ко бана самаязна ан̃н̃ад̇арасмим̣ ааваасз саб̣б̣о сан̇гхо сабхааг̇ам̣ аабад̇д̇им̣ аабанно ход̇и. со на ж̇аанаад̇и д̇ассаа аабад̇д̇ияаа наамаг̇од̇д̇ам̣. д̇ад̇т̇а ан̃н̃о бхигку ааг̇ажчад̇и б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. д̇амзнам̣ ан̃н̃ад̇аро бхигку язна со бхигку д̇знубасан̇гами, убасан̇гамид̇ваа д̇ам̣ бхигкум̣ зд̇ад̣̇авожа – ‘‘яо ну ко, аавусо, зван̃жзван̃жа гарод̇и, гим̣ наама со аабад̇д̇им̣ аабаж̇ж̇ад̇ий’’д̇и? со звамааха – ‘‘яо ко, аавусо, зван̃жзван̃жа гарод̇и, имам̣ наама со аабад̇д̇им̣ аабаж̇ж̇ад̇и. имам̣ наама д̇вам̣, аавусо, аабад̇д̇им̣ аабанно; бадигарохи д̇ам̣ аабад̇д̇и’’нд̇и. со звамааха – ‘‘на ко ахам̣, аавусо, згова имам̣ аабад̇д̇им̣ аабанно; аяам̣ саб̣б̣о сан̇гхо имам̣ аабад̇д̇им̣ аабанно’’д̇и. со звамааха – ‘‘гим̣ д̇з, аавусо, гариссад̇и баро аабанно ваа анаабанно ваа. ин̇гха, д̇вам̣, аавусо, сагааяа аабад̇д̇ияаа вудтаахий’’д̇и. ат̇а ко со бхигку д̇асса бхигкуно важанзна д̇ам̣ аабад̇д̇им̣ бадигарид̇ваа язна д̇з бхигкуу д̇знубасан̇гами, убасан̇гамид̇ваа д̇з бхигкуу зд̇ад̣̇авожа – ‘‘яо гира, аавусо, зван̃жзван̃жа гарод̇и, имам̣ наама со аабад̇д̇им̣ аабаж̇ж̇ад̇и. имам̣ наама д̇умхз, аавусо, аабад̇д̇им̣ аабаннаа; бадигарот̇а д̇ам̣ аабад̇д̇и’’нд̇и. ат̇а ко д̇з бхигкуу на ижчим̣су д̇асса бхигкуно важанзна д̇ам̣ аабад̇д̇им̣ бадигаад̇ум̣. бхаг̇авад̇о зд̇амад̇т̇ам̣ аарожзсум̣.
Tena kho pana samayena aññatarasmiṃ āvāse sabbo saṅgho sabhāgaṃ āpattiṃ āpanno hoti. So na jānāti tassā āpattiyā nāmagottaṃ. Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Tamenaṃ aññataro bhikkhu yena so bhikkhu tenupasaṅkami, upasaṅkamitvā taṃ bhikkhuṃ etadavoca – ‘‘yo nu kho, āvuso, evañcevañca karoti, kiṃ nāma so āpattiṃ āpajjatī’’ti? So evamāha – ‘‘yo kho, āvuso, evañcevañca karoti, imaṃ nāma so āpattiṃ āpajjati. Imaṃ nāma tvaṃ, āvuso, āpattiṃ āpanno; paṭikarohi taṃ āpatti’’nti. So evamāha – ‘‘na kho ahaṃ, āvuso, ekova imaṃ āpattiṃ āpanno; ayaṃ sabbo saṅgho imaṃ āpattiṃ āpanno’’ti. So evamāha – ‘‘kiṃ te, āvuso, karissati paro āpanno vā anāpanno vā. Iṅgha, tvaṃ, āvuso, sakāya āpattiyā vuṭṭhāhī’’ti. Atha kho so bhikkhu tassa bhikkhuno vacanena taṃ āpattiṃ paṭikaritvā yena te bhikkhū tenupasaṅkami, upasaṅkamitvā te bhikkhū etadavoca – ‘‘yo kira, āvuso, evañcevañca karoti, imaṃ nāma so āpattiṃ āpajjati. Imaṃ nāma tumhe, āvuso, āpattiṃ āpannā; paṭikarotha taṃ āpatti’’nti. Atha kho te bhikkhū na icchiṃsu tassa bhikkhuno vacanena taṃ āpattiṃ paṭikātuṃ. Bhagavato etamatthaṃ ārocesuṃ.
ид̇ха бана, бхигкавз, ан̃н̃ад̇арасмим̣ ааваасз саб̣б̣о сан̇гхо сабхааг̇ам̣ аабад̇д̇им̣ аабанно ход̇и. со на ж̇аанаад̇и д̇ассаа аабад̇д̇ияаа наамаг̇од̇д̇ам̣. д̇ад̇т̇а ан̃н̃о бхигку ааг̇ажчад̇и б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. д̇амзнам̣ ан̃н̃ад̇аро бхигку язна со бхигку д̇знубасан̇гами, убасан̇гамид̇ваа д̇ам̣ бхигкум̣ звам̣ вад̣̇зд̇и – ‘‘яо ну ко, аавусо, зван̃жзван̃жа гарод̇и, гим̣ наама со аабад̇д̇им̣ аабаж̇ж̇ад̇ий’’д̇и? со звам̣ вад̣̇зд̇и – ‘‘яо ко, аавусо, зван̃жзван̃жа гарод̇и, имам̣ наама со аабад̇д̇им̣ аабаж̇ж̇ад̇и. имам̣ наама д̇вам̣, аавусо, аабад̇д̇им̣ аабанно; бадигарохи д̇ам̣ аабад̇д̇и’’нд̇и. со звам̣ вад̣̇зд̇и – ‘‘на ко ахам̣, аавусо, згова имам̣ аабад̇д̇им̣ аабанно. аяам̣ саб̣б̣о сан̇гхо имам̣ аабад̇д̇им̣ аабанно’’д̇и. со звам̣ вад̣̇зд̇и – ‘‘гим̣ д̇з, аавусо, гариссад̇и баро аабанно ваа анаабанно ваа. ин̇гха, д̇вам̣, аавусо, сагааяа аабад̇д̇ияаа вудтаахий’’д̇и. со жз, бхигкавз, бхигку д̇асса бхигкуно важанзна д̇ам̣ аабад̇д̇им̣ бадигарид̇ваа язна д̇з бхигкуу д̇знубасан̇гами, убасан̇гамид̇ваа д̇з бхигкуу звам̣ вад̣̇зд̇и – ‘‘яо гира, аавусо, зван̃жзван̃жа гарод̇и имам̣ наама со аабад̇д̇им̣ аабаж̇ж̇ад̇и, имам̣ наама д̇умхз аавусо аабад̇д̇им̣ аабаннаа, бадигарот̇а д̇ам̣ аабад̇д̇и’’нд̇и. д̇з жз, бхигкавз, бхигкуу д̇асса бхигкуно важанзна д̇ам̣ аабад̇д̇им̣ бадигарзяяум̣, ижжзд̇ам̣ гусалам̣. но жз бадигарзяяум̣, на д̇з, бхигкавз, бхигкуу д̇зна бхигкунаа агаамаа важанийяаад̇и.
Idha pana, bhikkhave, aññatarasmiṃ āvāse sabbo saṅgho sabhāgaṃ āpattiṃ āpanno hoti. So na jānāti tassā āpattiyā nāmagottaṃ. Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Tamenaṃ aññataro bhikkhu yena so bhikkhu tenupasaṅkami, upasaṅkamitvā taṃ bhikkhuṃ evaṃ vadeti – ‘‘yo nu kho, āvuso, evañcevañca karoti, kiṃ nāma so āpattiṃ āpajjatī’’ti? So evaṃ vadeti – ‘‘yo kho, āvuso, evañcevañca karoti, imaṃ nāma so āpattiṃ āpajjati. Imaṃ nāma tvaṃ, āvuso, āpattiṃ āpanno; paṭikarohi taṃ āpatti’’nti. So evaṃ vadeti – ‘‘na kho ahaṃ, āvuso, ekova imaṃ āpattiṃ āpanno. Ayaṃ sabbo saṅgho imaṃ āpattiṃ āpanno’’ti. So evaṃ vadeti – ‘‘kiṃ te, āvuso, karissati paro āpanno vā anāpanno vā. Iṅgha, tvaṃ, āvuso, sakāya āpattiyā vuṭṭhāhī’’ti. So ce, bhikkhave, bhikkhu tassa bhikkhuno vacanena taṃ āpattiṃ paṭikaritvā yena te bhikkhū tenupasaṅkami, upasaṅkamitvā te bhikkhū evaṃ vadeti – ‘‘yo kira, āvuso, evañcevañca karoti imaṃ nāma so āpattiṃ āpajjati, imaṃ nāma tumhe āvuso āpattiṃ āpannā, paṭikarotha taṃ āpatti’’nti. Te ce, bhikkhave, bhikkhū tassa bhikkhuno vacanena taṃ āpattiṃ paṭikareyyuṃ, iccetaṃ kusalaṃ. No ce paṭikareyyuṃ, na te, bhikkhave, bhikkhū tena bhikkhunā akāmā vacanīyāti.
жод̣̇анаавад̇т̇убхаан̣авааро нидтид̇о д̣̇уд̇ияо.
Codanāvatthubhāṇavāro niṭṭhito dutiyo.
