| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. сабхияад̇т̇зраг̇аат̇ааван̣н̣анаа
3. Sabhiyattheragāthāvaṇṇanā
барз жаад̇иаад̣̇игаа ааяасмад̇о сабхияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о гагусанд̇хасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇иваавихаарааяа г̇ажчанд̇ам̣ д̣̇исваа басаннамаанасо убааханам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о гассабз бхаг̇авад̇и бариниб̣б̣уд̇з бад̇идтид̇з суван̣н̣ажзд̇ияз чахи гулабуд̇д̇зхи сад̣̇д̇хим̣ ад̇д̇асад̇д̇амо саасанз баб̣б̣аж̇ид̇ваа гаммадтаанам̣ г̇ахзд̇ваа аран̃н̃з вихаранд̇о висзсам̣ ниб̣б̣ад̇д̇зд̇ум̣ асаггонд̇о ид̇арз ааха – ‘‘маяам̣ бин̣д̣абаад̇ааяа г̇ажчанд̇о ж̇ийвид̇з саабзгкаа хома, ж̇ийвид̇з саабзгкзна жа на саггаа логуд̇д̇арад̇хаммам̣ ад̇хиг̇анд̇ум̣, бут̇уж̇ж̇анагаалан̇гирияаа жа д̣̇угкаа. ханд̣̇а, маяам̣ ниссзн̣им̣ б̣анд̇хид̇ваа баб̣б̣ад̇ам̣ абхируяха гааяз жа ж̇ийвид̇з жа анабзгкаа саман̣ад̇хаммам̣ гаромаа’’д̇и. д̇з д̇ат̇аа агам̣су.
Parecātiādikā āyasmato sabhiyattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto kakusandhassa bhagavato kāle kulagehe nibbattitvā viññutaṃ patto ekadivasaṃ satthāraṃ divāvihārāya gacchantaṃ disvā pasannamānaso upāhanaṃ adāsi. So tena puññakammena devamanussesu saṃsaranto kassape bhagavati parinibbute patiṭṭhite suvaṇṇacetiye chahi kulaputtehi saddhiṃ attasattamo sāsane pabbajitvā kammaṭṭhānaṃ gahetvā araññe viharanto visesaṃ nibbattetuṃ asakkonto itare āha – ‘‘mayaṃ piṇḍapātāya gacchanto jīvite sāpekkhā homa, jīvite sāpekkhena ca na sakkā lokuttaradhammaṃ adhigantuṃ, puthujjanakālaṅkiriyā ca dukkhā. Handa, mayaṃ nisseṇiṃ bandhitvā pabbataṃ abhiruyha kāye ca jīvite ca anapekkhā samaṇadhammaṃ karomā’’ti. Te tathā akaṃsu.
ат̇а нзсам̣ махаат̇зро убаниссаяасамбаннад̇д̇аа д̇ад̣̇ахзва чал̣абхин̃н̃о худ̇ваа уд̇д̇арагуруд̇о бин̣д̣абаад̇ам̣ убанзси. ид̇арз – ‘‘д̇умхз, бханд̇з, гад̇агижжаа д̇умхзхи сад̣̇д̇хим̣ саллаабамад̇д̇амби бабан̃жо, саман̣ад̇хаммамзва маяам̣ гариссаама, д̇умхз ад̇д̇анаа д̣̇идтад̇хаммасукавихаарамануяун̃ж̇ат̇аа’’д̇и вад̇ваа бин̣д̣абаад̇ам̣ бадигкибим̣су. т̇зро нз самбадижчаабзд̇ум̣ асаггонд̇о аг̇амааси.
Atha nesaṃ mahāthero upanissayasampannattā tadaheva chaḷabhiñño hutvā uttarakuruto piṇḍapātaṃ upanesi. Itare – ‘‘tumhe, bhante, katakiccā tumhehi saddhiṃ sallāpamattampi papañco, samaṇadhammameva mayaṃ karissāma, tumhe attanā diṭṭhadhammasukhavihāramanuyuñjathā’’ti vatvā piṇḍapātaṃ paṭikkhipiṃsu. Thero ne sampaṭicchāpetuṃ asakkonto agamāsi.
д̇ад̇о нзсам̣ зго д̣̇вийхад̇ийхажжаязна абхин̃н̃аабариваарам̣ анааг̇аамипалам̣ сажчигад̇ваа д̇ат̇зва вад̇ваа д̇зхи бадигкид̇д̇о аг̇амааси. д̇зсу кийн̣аасавад̇т̇зро бариниб̣б̣ааяи, анааг̇аамий суд̣̇д̇хааваасзсу уббаж̇ж̇и. ид̇арз бут̇уж̇ж̇анагаалан̇гирияамзва гад̇ваа часу гаамасаг̇г̇зсу ануломабадиломад̇о д̣̇иб̣б̣асамбад̇д̇им̣ анубхавид̇ваа амхаагам̣ бхаг̇авад̇о гаалз д̣̇звалогаа жавид̇ваа зго малларааж̇агулз бадисанд̇хим̣ г̇ан̣хи, зго г̇анд̇хаарарааж̇агулз, зго б̣аахирарадтз, зго рааж̇аг̇ахз згиссаа гулад̣̇ааригааяа гужчимхи бадисанд̇хим̣ г̇ан̣хи. ид̇аро ан̃н̃ад̇ариссаа бариб̣б̣ааж̇игааяа гужчимхи бадисанд̇хим̣ аг̇г̇ахзси. саа гира ан̃н̃ад̇арасса кад̇д̇ияасса д̇хийд̇аа, нам̣ маад̇аабид̇аро – ‘‘амхаагам̣ д̇хийд̇аа самаяанд̇арам̣ ж̇аанаад̇уу’’д̇и згасса бариб̣б̣ааж̇агасса нияяаад̣̇аяим̣су. ат̇зго бариб̣б̣ааж̇аго д̇ааяа сад̣̇д̇хим̣ виббадибаж̇ж̇и. саа д̇зна г̇аб̣бхам̣ г̇ан̣хи. д̇ам̣ г̇аб̣бхиним̣ д̣̇исваа бариб̣б̣ааж̇агаа ниггад̣дхим̣су. саа ан̃н̃ад̇т̇а г̇ажчанд̇ий анд̇араамаг̇г̇з сабхааяам̣ виж̇ааяи. д̇знасса сабхияод̇взва наамам̣ агааси. со вад̣дхид̇ваа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа наанаасад̇т̇аани уг̇г̇ахзд̇ваа махааваад̣̇ий худ̇ваа ваад̣̇аббасуд̇о вижаранд̇о ад̇д̇анаа сад̣̇исам̣ ад̣̇исваа наг̇арад̣̇ваарз ассамам̣ гаарзд̇ваа кад̇д̇ияагумаараад̣̇аяо сиббам̣ сигкаабзнд̇о вихаранд̇о ад̇д̇ано маад̇уяаа ид̇т̇ибхаавам̣ ж̇иг̇ужчид̇ваа жхаанам̣ уббаад̣̇зд̇ваа б̣рахмалогз уббаннааяа абхисан̇карид̇ваа д̣̇иннз вийсад̇ибан̃хз г̇ахзд̇ваа д̇з д̇з саман̣аб̣раахман̣з бужчи. д̇з жасса д̇зсам̣ бан̃хаанам̣ ад̇т̇ам̣ б̣яаагаад̇ум̣ наасагким̣су. сабхияасуд̇д̇аван̣н̣анааяам̣ (су. ни. адта. 2. сабхияасуд̇д̇аван̣н̣анаа) бана ‘‘суд̣̇д̇хааваасаб̣рахмаа д̇з бан̃хз абхисан̇карид̇ваа ад̣̇аасий’’д̇и ааг̇ад̇ам̣.
Tato nesaṃ eko dvīhatīhaccayena abhiññāparivāraṃ anāgāmiphalaṃ sacchikatvā tatheva vatvā tehi paṭikkhitto agamāsi. Tesu khīṇāsavatthero parinibbāyi, anāgāmī suddhāvāsesu uppajji. Itare puthujjanakālaṅkiriyameva katvā chasu kāmasaggesu anulomapaṭilomato dibbasampattiṃ anubhavitvā amhākaṃ bhagavato kāle devalokā cavitvā eko mallarājakule paṭisandhiṃ gaṇhi, eko gandhārarājakule, eko bāhiraraṭṭhe, eko rājagahe ekissā kuladārikāya kucchimhi paṭisandhiṃ gaṇhi. Itaro aññatarissā paribbājikāya kucchimhi paṭisandhiṃ aggahesi. Sā kira aññatarassa khattiyassa dhītā, naṃ mātāpitaro – ‘‘amhākaṃ dhītā samayantaraṃ jānātū’’ti ekassa paribbājakassa niyyādayiṃsu. Atheko paribbājako tāya saddhiṃ vippaṭipajji. Sā tena gabbhaṃ gaṇhi. Taṃ gabbhiniṃ disvā paribbājakā nikkaḍḍhiṃsu. Sā aññattha gacchantī antarāmagge sabhāyaṃ vijāyi. Tenassa sabhiyotveva nāmaṃ akāsi. So vaḍḍhitvā paribbājakapabbajjaṃ pabbajitvā nānāsatthāni uggahetvā mahāvādī hutvā vādappasuto vicaranto attanā sadisaṃ adisvā nagaradvāre assamaṃ kāretvā khattiyakumārādayo sippaṃ sikkhāpento viharanto attano mātuyā itthibhāvaṃ jigucchitvā jhānaṃ uppādetvā brahmaloke uppannāya abhisaṅkharitvā dinne vīsatipañhe gahetvā te te samaṇabrāhmaṇe pucchi. Te cassa tesaṃ pañhānaṃ atthaṃ byākātuṃ nāsakkhiṃsu. Sabhiyasuttavaṇṇanāyaṃ (su. ni. aṭṭha. 2. sabhiyasuttavaṇṇanā) pana ‘‘suddhāvāsabrahmā te pañhe abhisaṅkharitvā adāsī’’ti āgataṃ.
яад̣̇аа бана бхаг̇аваа бавад̇д̇аварад̇хаммажагго анубуб̣б̣зна рааж̇аг̇ахам̣ ааг̇анд̇ваа взл̣уванз вихааси, д̇ад̣̇аа сабхияо д̇ад̇т̇а г̇анд̇ваа сад̇т̇аарам̣ убасан̇гамид̇ваа д̇з бан̃хз бужчи. сад̇т̇аа д̇асса д̇з бан̃хз б̣яаагаасийд̇и саб̣б̣ам̣ сабхияасуд̇д̇з (су. ни. сабхияасуд̇д̇ам̣) ааг̇ад̇анаязна взд̣̇ид̇аб̣б̣ам̣. сабхияо бана бхаг̇авад̇аа д̇зсу бан̃хзсу б̣яаагад̇зсу бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.46.27-31) –
Yadā pana bhagavā pavattavaradhammacakko anupubbena rājagahaṃ āgantvā veḷuvane vihāsi, tadā sabhiyo tattha gantvā satthāraṃ upasaṅkamitvā te pañhe pucchi. Satthā tassa te pañhe byākāsīti sabbaṃ sabhiyasutte (su. ni. sabhiyasuttaṃ) āgatanayena veditabbaṃ. Sabhiyo pana bhagavatā tesu pañhesu byākatesu paṭiladdhasaddho pabbajitvā vipassanaṃ paṭṭhapetvā arahattaṃ pāpuṇi. Tena vuttaṃ apadāne (apa. thera 2.46.27-31) –
‘‘гагусанд̇хасса мунино, б̣раахман̣асса вусиймад̇о;
‘‘Kakusandhassa munino, brāhmaṇassa vusīmato;
д̣̇иваавихаарам̣ важ̇ад̇о, аггаманамад̣̇аасахам̣.
Divāvihāraṃ vajato, akkamanamadāsahaṃ.
‘‘имасмим̣язва габбамхи, яам̣ д̣̇аанамад̣̇ад̣̇им̣ д̇ад̣̇аа;
‘‘Imasmiṃyeva kappamhi, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, аггаманассид̣̇ам̣ палам̣.
Duggatiṃ nābhijānāmi, akkamanassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахаа бана худ̇ваа д̣̇звад̣̇ад̇д̇з сан̇гхабхзд̣̇ааяа бараггаманд̇з д̣̇звад̣̇ад̇д̇абагкигаанам̣ бхигкуунам̣ оваад̣̇ам̣ д̣̇знд̇о –
Arahā pana hutvā devadatte saṅghabhedāya parakkamante devadattapakkhikānaṃ bhikkhūnaṃ ovādaṃ dento –
275.
275.
‘‘барз жа на виж̇аананд̇и, маяамзд̇т̇а яамаамасз;
‘‘Pare ca na vijānanti, mayamettha yamāmase;
яз жа д̇ад̇т̇а виж̇аананд̇и, д̇ад̇о самманд̇и мзд̇хаг̇аа.
Ye ca tattha vijānanti, tato sammanti medhagā.
276.
276.
‘‘яад̣̇аа жа авиж̇аананд̇аа, ирияанд̇яамараа вияа;
‘‘Yadā ca avijānantā, iriyantyamarā viya;
виж̇аананд̇и жа яз д̇хаммам̣, аад̇урзсу анаад̇ураа.
Vijānanti ca ye dhammaṃ, āturesu anāturā.
277.
277.
‘‘яам̣ гин̃жи сит̇илам̣ гаммам̣, сам̣гилидтан̃жа яам̣ вад̇ам̣;
‘‘Yaṃ kiñci sithilaṃ kammaṃ, saṃkiliṭṭhañca yaṃ vataṃ;
сан̇гассарам̣ б̣рахмажарияам̣, на д̇ам̣ ход̇и махабпалам̣.
Saṅkassaraṃ brahmacariyaṃ, na taṃ hoti mahapphalaṃ.
278.
278.
‘‘яасса саб̣рахмажаарийсу, г̇аараво нуубалаб̣бхад̇и;
‘‘Yassa sabrahmacārīsu, gāravo nūpalabbhati;
аарагаа ход̇и сад̣̇д̇хаммаа, набхам̣ бут̇авияаа яат̇аа’’д̇и. –
Ārakā hoti saddhammā, nabhaṃ puthaviyā yathā’’ti. –
жад̇уухи г̇аат̇аахи д̇хаммам̣ д̣̇зсзси.
Catūhi gāthāhi dhammaṃ desesi.
д̇ад̇т̇а барзд̇и бан̣д̣ид̇з табзд̇ваа д̇ад̇о ан̃н̃з – ‘‘ад̇хаммам̣ д̇хаммо’’д̇и ‘‘д̇хаммам̣ ад̇хаммо’’д̇иаад̣̇ибхзд̣̇агаравад̇т̇уд̣̇ийбанавасзна виваад̣̇аббасуд̇аа барз наама. д̇з д̇ад̇т̇а виваад̣̇ам̣ гаронд̇аа ‘‘маяам̣ яамаамасз убарамаама нассаама сад̇ад̇ам̣ самид̇ам̣ мажжусанд̇игам̣ г̇ажчаамаа’’д̇и на ж̇аананд̇и. яз жа д̇ад̇т̇а виж̇аананд̇ийд̇и яз д̇ад̇т̇а бан̣д̣ид̇аа – ‘‘маяам̣ мажжусамийбам̣ г̇ажчаамаа’’д̇и виж̇аананд̇и. д̇ад̇о самманд̇и мзд̇хаг̇аад̇и зван̃хи д̇з ж̇аананд̇аа яонисоманасигаарам̣ уббаад̣̇зд̇ваа мзд̇хаг̇аанам̣ галахаанам̣ вуубасамааяа бадибаж̇ж̇анд̇и. ат̇а нзсам̣ д̇ааяа бадибад̇д̇ияаа д̇з мзд̇хаг̇аа самманд̇и. ат̇а ваа барз жаад̇и яз сад̇т̇у оваад̣̇аанусаасанияаа аг̇г̇ахан̣зна саасанад̇о б̣аахирад̇ааяа барз, д̇з яаава ‘‘маяам̣ мижчааг̇аахам̣ г̇ахзд̇ваа зд̇т̇а ид̇ха логз саасанасса бадиниг̇г̇аахзна яамаамасз вааяамаамаа’’д̇и на виж̇аананд̇и, д̇аава виваад̣̇аа на вуубасамманд̇и, яад̣̇аа бана д̇асса г̇аахасса виссаж̇ж̇анавасзна яз жа д̇ад̇т̇а д̇зсу виваад̣̇аббасуд̇зсу ад̇хаммад̇хаммаад̣̇игз ад̇хаммад̇хаммаад̣̇ид̇о яат̇аабхууд̇ам̣ виж̇аананд̇и, д̇ад̇о д̇зсам̣ санд̇игаа д̇з бан̣д̣ид̇абурисз ниссааяа виваад̣̇асан̇каад̇аа мзд̇хаг̇аа самманд̇ийд̇и звамбзд̇т̇а ад̇т̇о взд̣̇ид̇аб̣б̣о.
Tattha pareti paṇḍite ṭhapetvā tato aññe – ‘‘adhammaṃ dhammo’’ti ‘‘dhammaṃ adhammo’’tiādibhedakaravatthudīpanavasena vivādappasutā pare nāma. Te tattha vivādaṃ karontā ‘‘mayaṃ yamāmase uparamāma nassāma satataṃ samitaṃ maccusantikaṃ gacchāmā’’ti na jānanti. Ye ca tattha vijānantīti ye tattha paṇḍitā – ‘‘mayaṃ maccusamīpaṃ gacchāmā’’ti vijānanti. Tato sammanti medhagāti evañhi te jānantā yonisomanasikāraṃ uppādetvā medhagānaṃ kalahānaṃ vūpasamāya paṭipajjanti. Atha nesaṃ tāya paṭipattiyā te medhagā sammanti. Atha vā pare cāti ye satthu ovādānusāsaniyā aggahaṇena sāsanato bāhiratāya pare, te yāva ‘‘mayaṃ micchāgāhaṃ gahetvā ettha idha loke sāsanassa paṭiniggāhena yamāmase vāyamāmā’’ti na vijānanti, tāva vivādā na vūpasammanti, yadā pana tassa gāhassa vissajjanavasena ye ca tattha tesu vivādappasutesu adhammadhammādike adhammadhammādito yathābhūtaṃ vijānanti, tato tesaṃ santikā te paṇḍitapurise nissāya vivādasaṅkhātā medhagā sammantīti evampettha attho veditabbo.
яад̣̇аад̇и яасмим̣ гаалз. авиж̇аананд̇аад̇и виваад̣̇асса вуубасамуубааяам̣, д̇хаммаад̇хаммз ваа яаат̇аавад̇о аж̇аананд̇аа. ирияанд̇яамараа вияаад̇и амараа вияа ж̇араамаран̣ам̣ ад̇игганд̇аа вияа уд̣̇д̇хад̇аа уннал̣аа жабалаа мукараа виббагин̣н̣аваажаа худ̇ваа вад̇д̇анд̇и жаранд̇и вижаранд̇и д̇ад̣̇аа виваад̣̇о на вуубасаммад̇зва. виж̇аананд̇и жа яз д̇хаммам̣, аад̇урзсу анаад̇ураад̇и яз бана сад̇т̇у саасанад̇хаммам̣ яат̇аабхууд̇ам̣ ж̇аананд̇и, д̇з гилзсарог̇зна аад̇урзсу сад̇д̇зсу анаад̇ураа ниггилзсаа анийгхаа вихаранд̇и, д̇зсам̣ васзна виваад̣̇о ажжанд̇амзва вуубасаммад̇ийд̇и ад̇хиббааяо.
Yadāti yasmiṃ kāle. Avijānantāti vivādassa vūpasamūpāyaṃ, dhammādhamme vā yāthāvato ajānantā. Iriyantyamarā viyāti amarā viya jarāmaraṇaṃ atikkantā viya uddhatā unnaḷā capalā mukharā vippakiṇṇavācā hutvā vattanti caranti vicaranti tadā vivādo na vūpasammateva. Vijānanti ca ye dhammaṃ, āturesu anāturāti ye pana satthu sāsanadhammaṃ yathābhūtaṃ jānanti, te kilesarogena āturesu sattesu anāturā nikkilesā anīghā viharanti, tesaṃ vasena vivādo accantameva vūpasammatīti adhippāyo.
яам̣ гин̃жи сит̇илам̣ гамманд̇и олияид̇ваа гаран̣зна сит̇илаг̇аахам̣ гад̇ваа саат̇алибхаавзна гад̇ам̣ яам̣ гин̃жи гусалагаммам̣. сам̣гилидтанд̇и взсийаад̣̇игз аг̇ожарз жаран̣зна, гуханаад̣̇имижчааж̇ийвзна ваа сам̣гилидтам̣ вад̇асамаад̣̇аанам̣. сан̇гассаранд̇и сан̇гаахи сарид̇аб̣б̣ам̣, вихаарз гин̃жи асааруббам̣ суд̇ваа – ‘‘нууна асугзна гад̇а’’нд̇и барзхи асан̇гид̇аб̣б̣ам̣, убосат̇агижжаад̣̇ийсу ан̃н̃ад̇арагижжавасзна саннибад̇ид̇амби сан̇гхам̣ д̣̇исваа, ‘‘ад̣̇д̇хаа имз мама жарияам̣ н̃ад̇ваа мам̣ угкибид̇угаамаа саннибад̇ид̇аа’’д̇и звам̣ ад̇д̇ано ваа аасан̇гаахи сарид̇ам̣ усан̇гид̇ам̣ барисан̇гид̇ам̣. на д̇ам̣ ход̇ийд̇и д̇ам̣ зваруубам̣ б̣рахмажарияам̣ саман̣ад̇хаммагаран̣ам̣ д̇асса буг̇г̇аласса махабпалам̣ на ход̇и. д̇асса амахабпалабхаавзнзва бажжаяад̣̇ааяагаанамбисса на махабпалам̣ ход̇и. д̇асмаа саллзкавуд̇д̇инаа бхавид̇аб̣б̣ам̣. саллзкавуд̇д̇ино жа виваад̣̇асса авасаро зва над̇т̇ийд̇и ад̇хиббааяо.
Yaṃkiñci sithilaṃ kammanti oliyitvā karaṇena sithilagāhaṃ katvā sāthalibhāvena kataṃ yaṃ kiñci kusalakammaṃ. Saṃkiliṭṭhanti vesīādike agocare caraṇena, kuhanādimicchājīvena vā saṃkiliṭṭhaṃ vatasamādānaṃ. Saṅkassaranti saṅkāhi saritabbaṃ, vihāre kiñci asāruppaṃ sutvā – ‘‘nūna asukena kata’’nti parehi asaṅkitabbaṃ, uposathakiccādīsu aññatarakiccavasena sannipatitampi saṅghaṃ disvā, ‘‘addhā ime mama cariyaṃ ñatvā maṃ ukkhipitukāmā sannipatitā’’ti evaṃ attano vā āsaṅkāhi saritaṃ usaṅkitaṃ parisaṅkitaṃ. Na taṃ hotīti taṃ evarūpaṃ brahmacariyaṃ samaṇadhammakaraṇaṃ tassa puggalassa mahapphalaṃ na hoti. Tassa amahapphalabhāveneva paccayadāyakānampissa na mahapphalaṃ hoti. Tasmā sallekhavuttinā bhavitabbaṃ. Sallekhavuttino ca vivādassa avasaro eva natthīti adhippāyo.
г̇аараво нуубалаб̣бхад̇ийд̇и анусаасанияаа абад̣̇агкин̣аг̇г̇аахибхаавзна г̇аругаад̇аб̣б̣зсу саб̣рахмажаарийсу яасса буг̇г̇аласса г̇аараво г̇аругаран̣ам̣ на виж̇ж̇ад̇и. аарагаа ход̇и сад̣̇д̇хаммаад̇и со зваруубо буг̇г̇ало бадибад̇д̇исад̣̇д̇хаммад̇оби бадивзд̇хасад̣̇д̇хаммад̇оби д̣̇уурз ход̇и, на хи д̇ам̣ г̇аруу сигкаабзнд̇и, асигкияамаано анаад̣̇ияанд̇о на бадибаж̇ж̇ад̇и, аббадибаж̇ж̇анд̇о гуд̇о сажжаани бадивиж̇жхиссад̇ийд̇и. д̇знааха – ‘‘аарагаа ход̇и сад̣̇д̇хаммаа’’д̇и. яат̇аа гим̣? ‘‘набхам̣ бут̇авияаа яат̇аа’’д̇и яат̇аа набхам̣ аагаасам̣ бут̇авияаа бат̇авийд̇хаад̇уяаа сабхаавад̇о д̣̇уурз. на гад̣̇аажи саммиссабхааво. д̇знзвааха –
Gāravonūpalabbhatīti anusāsaniyā apadakkhiṇaggāhibhāvena garukātabbesu sabrahmacārīsu yassa puggalassa gāravo garukaraṇaṃ na vijjati. Ārakā hoti saddhammāti so evarūpo puggalo paṭipattisaddhammatopi paṭivedhasaddhammatopi dūre hoti, na hi taṃ garū sikkhāpenti, asikkhiyamāno anādiyanto na paṭipajjati, appaṭipajjanto kuto saccāni paṭivijjhissatīti. Tenāha – ‘‘ārakā hoti saddhammā’’ti. Yathā kiṃ? ‘‘Nabhaṃ puthaviyā yathā’’ti yathā nabhaṃ ākāsaṃ puthaviyā pathavīdhātuyā sabhāvato dūre. Na kadāci sammissabhāvo. Tenevāha –
‘‘набхан̃жа д̣̇уурз бат̇авий жа д̣̇уурз, баарам̣ самуд̣̇д̣̇асса д̇ад̣̇ааху д̣̇уурз;
‘‘Nabhañca dūre pathavī ca dūre, pāraṃ samuddassa tadāhu dūre;
д̇ад̇о хавз д̣̇уурад̇арам̣ вад̣̇анд̇и, сад̇ан̃жа д̇хаммо асад̇ан̃жа рааж̇аа’’д̇и.(ж̇аа. 2.21.414);
Tato have dūrataraṃ vadanti, satañca dhammo asatañca rājā’’ti.(jā. 2.21.414);
сабхияад̇т̇зраг̇аат̇ааван̣н̣анаа нидтид̇аа.
Sabhiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. сабхияад̇т̇зраг̇аат̇аа • 3. Sabhiyattheragāthā
