| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. ஸபோ⁴ஜனஸிக்கா²பத³ங்
3. Sabhojanasikkhāpadaṃ
279. ததியே ‘‘ஸயனியக⁴ரே’’தி வத்தப்³பே³ யகாரலோபங் கத்வா ‘‘ஸயனிக⁴ரே’’தி வுத்தந்தி ஆஹ ‘‘ஸயனிக⁴ரே’’தி. யதோதி எத்த² தோஸத்³தோ³ பட²மாதீ³ஸு அத்தே²ஸு தி³ஸ்ஸதி. ‘‘யதோனிதா³ன’’ந்திஆதீ³ஸு (ஸு॰ நி॰ 275) பட²மத்தே². ‘‘அந்தராயே அஸேஸதோ’’திஆதீ³ஸு (த⁴॰ ஸ॰ அட்ட²॰ க³ந்தா²ரம்ப⁴கதா² 7) து³தியத்தே² . ‘‘அனிச்சதோ’’திஆதீ³ஸு (பட்டா²॰ 1.1.409) ததியத்தே². ‘‘மாதிதோ பிதிதோ’’திஆதீ³ஸு (தீ³॰ நி॰ 1.311) பஞ்சம்யத்தே². ‘‘யங் பரதோ தா³னபச்சயா’’திஆதீ³ஸு (ஜா॰ 2.22.585) ச²ட்ட்²யத்தே². ‘‘புரதோ பச்ச²தோ’’திஆதீ³ஸு (பாசி॰ 576) ஸத்தம்யத்தே². ‘‘பத³மதோ’’திஆதீ³ஸு காரணத்தே² தி³ஸ்ஸதி. இதா⁴பி காரணத்தே²யேவாதி ஆஹ ‘‘யஸ்மா’’தி. யஸ்மா காரணா அய்யஸ்ஸ பி⁴க்கா² தி³ன்னா, தஸ்மா க³ச்ச²த² ப⁴ந்தே தும்ஹேதி அத்தோ². யந்தி பி⁴க்க²ங். வோதி தும்ஹேஹி. அதி⁴ப்பாயோதி புரிஸஸ்ஸ அஜ்ஜா²ஸயோ. ‘‘பரியுட்டி²தோ’’தி ஸாமஞ்ஞதோ வுத்தேபி அத்த²பகரணாதி³தோ ராக³பரியுட்டி²தோவாதி⁴ப்பேதோதி ஆஹ ‘‘ராக³பரியுட்டி²தோ’’தி, ராகே³ன பரிப⁴வித்வா உட்டி²தோதி அத்தோ².
279. Tatiye ‘‘sayaniyaghare’’ti vattabbe yakāralopaṃ katvā ‘‘sayanighare’’ti vuttanti āha ‘‘sayanighare’’ti. Yatoti ettha tosaddo paṭhamādīsu atthesu dissati. ‘‘Yatonidāna’’ntiādīsu (su. ni. 275) paṭhamatthe. ‘‘Antarāye asesato’’tiādīsu (dha. sa. aṭṭha. ganthārambhakathā 7) dutiyatthe . ‘‘Aniccato’’tiādīsu (paṭṭhā. 1.1.409) tatiyatthe. ‘‘Mātito pitito’’tiādīsu (dī. ni. 1.311) pañcamyatthe. ‘‘Yaṃ parato dānapaccayā’’tiādīsu (jā. 2.22.585) chaṭṭhyatthe. ‘‘Purato pacchato’’tiādīsu (pāci. 576) sattamyatthe. ‘‘Padamato’’tiādīsu kāraṇatthe dissati. Idhāpi kāraṇattheyevāti āha ‘‘yasmā’’ti. Yasmā kāraṇā ayyassa bhikkhā dinnā, tasmā gacchatha bhante tumheti attho. Yanti bhikkhaṃ. Voti tumhehi. Adhippāyoti purisassa ajjhāsayo. ‘‘Pariyuṭṭhito’’ti sāmaññato vuttepi atthapakaraṇādito rāgapariyuṭṭhitovādhippetoti āha ‘‘rāgapariyuṭṭhito’’ti, rāgena paribhavitvā uṭṭhitoti attho.
280. ஸபோ⁴ஜனந்தி எத்த² ஸகாரோ ஸஹஸத்³த³காரியோ ச அகாருகாரானங் அஸரூபத்தா அகாரதோ உகாரஸ்ஸ லோபோ ச தீஸு பதே³ஸு பச்சி²மானங் த்³வின்னங் பதா³னங் துல்யத்த²னிஸ்ஸிதஸமாஸோ ச புப்³ப³பதே³ன ஸஹ பே⁴த³னிஸ்ஸிதபா³ஹிரத்த²ஸமாஸோ ச ஹோதி, இதி இமமத்த²ங் த³ஸ்ஸெந்தோ ஆஹ ‘‘ஸஹ உபோ⁴ஹி ஜனேஹீ’’தி. அத² வா பு⁴ஞ்ஜிதப்³ப³ந்தி போ⁴ஜனங், ஸங் விஜ்ஜதி போ⁴ஜனங் அஸ்மிங் குலேதி ஸபோ⁴ஜனந்தி த³ஸ்ஸெந்தோ ஆஹ ‘‘அத² வா’’திஆதி³. ஹீதி ஸச்சங். தேனேவாதி தேனேவ அஞ்ஞமஞ்ஞங் பு⁴ஞ்ஜிதப்³ப³த்தா. அஸ்ஸாதி ‘‘ஸபோ⁴ஜனே’’திபத³ஸ்ஸ. க⁴ரேதி எத்த² புப்³போ³ ஸயனிஸத்³தோ³ லோபோதி ஆஹ ‘‘ஸயனிக⁴ரே’’தி. இமினா ‘‘த³த்தோ’’திஆதீ³ஸு விய புப்³ப³பத³லோபஸமாஸங் த³ஸ்ஸேதி. பிட்ட²ஸங்கா⁴டஸ்ஸாதி எத்த² பிட்ட²ஸங்கா⁴டோ நாம ந அஞ்ஞஸ்ஸ யஸ்ஸ கஸ்ஸசி, அத² கோ² ஸயனிக⁴ரக³ப்³ப⁴ஸ்ஸேவாதி ஆஹ ‘‘தஸ்ஸ ஸயனிக⁴ரக³ப்³ப⁴ஸ்ஸா’’தி. யதா² வா ததா² வாதி யேன வா தே ந வா ஆகாரேன. கதஸ்ஸாதி பிட்டி²வங்ஸங் ஆரோபெத்வா வா அனாரோபெத்வா வா கதஸ்ஸாதி. ததியங்.
280.Sabhojananti ettha sakāro sahasaddakāriyo ca akārukārānaṃ asarūpattā akārato ukārassa lopo ca tīsu padesu pacchimānaṃ dvinnaṃ padānaṃ tulyatthanissitasamāso ca pubbapadena saha bhedanissitabāhiratthasamāso ca hoti, iti imamatthaṃ dassento āha ‘‘saha ubhohi janehī’’ti. Atha vā bhuñjitabbanti bhojanaṃ, saṃ vijjati bhojanaṃ asmiṃ kuleti sabhojananti dassento āha ‘‘atha vā’’tiādi. Hīti saccaṃ. Tenevāti teneva aññamaññaṃ bhuñjitabbattā. Assāti ‘‘sabhojane’’tipadassa. Ghareti ettha pubbo sayanisaddo lopoti āha ‘‘sayanighare’’ti. Iminā ‘‘datto’’tiādīsu viya pubbapadalopasamāsaṃ dasseti. Piṭṭhasaṅghāṭassāti ettha piṭṭhasaṅghāṭo nāma na aññassa yassa kassaci, atha kho sayanigharagabbhassevāti āha ‘‘tassa sayanigharagabbhassā’’ti. Yathā vā tathā vāti yena vā te na vā ākārena. Katassāti piṭṭhivaṃsaṃ āropetvā vā anāropetvā vā katassāti. Tatiyaṃ.
284. சதுத்த²பஞ்சமேஸு யதா² ச ஸபோ⁴ஜனஸிக்கா²பத³ங் பட²மபாராஜிகஸமுட்டா²னங், ஏவமேவ தானிபீதி யோஜனாதி. சதுத்த²பஞ்சமானி.
284. Catutthapañcamesu yathā ca sabhojanasikkhāpadaṃ paṭhamapārājikasamuṭṭhānaṃ, evameva tānipīti yojanāti. Catutthapañcamāni.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
4. ரஹோபடிச்ச²ன்னஸிக்கா²பத³வண்ணனா • 4. Rahopaṭicchannasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
