| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
3. ஸபோ⁴ஜனஸிக்கா²பத³வண்ணனா
3. Sabhojanasikkhāpadavaṇṇanā
279. ததியஸிக்கா²பதே³ – ஸயனிக⁴ரேதி ஸயனியக⁴ரே. யதோ அய்யஸ்ஸ பி⁴க்கா² தி³ன்னாதி யஸ்மா பி⁴க்கா² தி³ன்னா, யங் ஆக³தேன லத்³த⁴ப்³ப³ங் தங் வோ லத்³த⁴ங்; க³ச்ச²தா²தி அதி⁴ப்பாயோ. பரியுட்டி²தோதி ராக³பரியுட்டி²தோ; மேது²னாதி⁴ப்பாயோதி அத்தோ².
279. Tatiyasikkhāpade – sayanighareti sayaniyaghare. Yato ayyassa bhikkhā dinnāti yasmā bhikkhā dinnā, yaṃ āgatena laddhabbaṃ taṃ vo laddhaṃ; gacchathāti adhippāyo. Pariyuṭṭhitoti rāgapariyuṭṭhito; methunādhippāyoti attho.
280. ஸஹ உபோ⁴ஹி ஜனேஹீதி ஸபோ⁴ஜனங்; தஸ்மிங் ஸபோ⁴ஜனே. அத² வா ஸபோ⁴ஜனேதி ஸபோ⁴கே³. ராக³பரியுட்டி²தஸ்ஸ ஹி புரிஸஸ்ஸ இத்தீ² போ⁴கோ³ இத்தி²யா ச புரிஸோ. தேனேவஸ்ஸ பத³பா⁴ஜனே – ‘‘இத்தீ² சேவ ஹோதி புரிஸோ சா’’திஆதி³ வுத்தங். மஹல்லகே க⁴ரேதி மஹல்லகே ஸயனிக⁴ரே. பிட்ட²ஸங்கா⁴டஸ்ஸ ஹத்த²பாஸங் விஜஹித்வாதி தஸ்ஸ ஸயனிக⁴ரே க³ப்³ப⁴ஸ்ஸ யோ பிட்ட²ஸங்கா⁴டோ, தஸ்ஸ ஹத்த²பாஸங் விஜஹித்வா; அந்தோஸயனஸ்ஸ ஆஸன்னே டா²னே நிஸீத³தீதி அத்தோ². ஈதி³ஸஞ்ச ஸயனிக⁴ரங் மஹாசதுஸ்ஸாலாதீ³ஸு ஹோதி. பிட்டி²வங்ஸங் அதிக்கமித்வாதி இமினா மஜ்ஜா²திக்கமங் த³ஸ்ஸேதி. தஸ்மா யதா² வா ததா² வா கதஸ்ஸ கு²த்³த³கஸ்ஸ ஸயனிக⁴ரஸ்ஸ மஜ்ஜா²திக்கமே ஆபத்தி வேதி³தப்³பா³. ஸேஸமெத்த² உத்தானமேவ.
280. Saha ubhohi janehīti sabhojanaṃ; tasmiṃ sabhojane. Atha vā sabhojaneti sabhoge. Rāgapariyuṭṭhitassa hi purisassa itthī bhogo itthiyā ca puriso. Tenevassa padabhājane – ‘‘itthī ceva hoti puriso cā’’tiādi vuttaṃ. Mahallake ghareti mahallake sayanighare. Piṭṭhasaṅghāṭassa hatthapāsaṃ vijahitvāti tassa sayanighare gabbhassa yo piṭṭhasaṅghāṭo, tassa hatthapāsaṃ vijahitvā; antosayanassa āsanne ṭhāne nisīdatīti attho. Īdisañca sayanigharaṃ mahācatussālādīsu hoti. Piṭṭhivaṃsaṃ atikkamitvāti iminā majjhātikkamaṃ dasseti. Tasmā yathā vā tathā vā katassa khuddakassa sayanigharassa majjhātikkame āpatti veditabbā. Sesamettha uttānameva.
பட²மபாராஜிகஸமுட்டா²னங் – கிரியங், ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், அகுஸலசித்தங், த்³விவேத³னந்தி.
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedananti.
ஸபோ⁴ஜனஸிக்கா²பத³ங் ததியங்.
Sabhojanasikkhāpadaṃ tatiyaṃ.
284. சதுத்த²பஞ்சமஸிக்கா²பதே³ஸு யங் வத்தப்³ப³ங் ஸியா, தங் ஸப்³ப³ங் அனியதத்³வயே வுத்தனயமேவ. யதா² ச ஸபோ⁴ஜனஸிக்கா²பத³ங் , ஏவமேதானிபி பட²மபாராஜிகஸமுட்டா²னானேவாதி.
284. Catutthapañcamasikkhāpadesu yaṃ vattabbaṃ siyā, taṃ sabbaṃ aniyatadvaye vuttanayameva. Yathā ca sabhojanasikkhāpadaṃ , evametānipi paṭhamapārājikasamuṭṭhānānevāti.
ரஹோபடிச்ச²ன்னஸிக்கா²பத³ங் சதுத்த²ங், ரஹோனிஸஜ்ஜஸிக்கா²பத³ங் பஞ்சமங்.
Rahopaṭicchannasikkhāpadaṃ catutthaṃ, rahonisajjasikkhāpadaṃ pañcamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
4. ரஹோபடிச்ச²ன்னஸிக்கா²பத³வண்ணனா • 4. Rahopaṭicchannasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. ஸபோ⁴ஜனஸிக்கா²பத³வண்ணனா • 3. Sabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. ஸபோ⁴ஜனஸிக்கா²பத³ங் • 3. Sabhojanasikkhāpadaṃ
