| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. сабхож̇анасигкаабад̣̇аван̣н̣анаа
3. Sabhojanasikkhāpadavaṇṇanā
‘‘сабхож̇анз’’д̇и б̣аахирад̇т̇асамаасояам̣, убхасад̣̇д̣̇з угаарасса жа лобод̇и ааха ‘‘саха убхохи ж̇анзхий’’д̇иаад̣̇и. д̇ад̇т̇а убхохи ж̇анзхийд̇и ж̇ааяаа жа бад̇и жаад̇и убхохи ж̇анзхи. бхун̃ж̇ид̇аб̣б̣анд̇и ваа бхож̇анам̣, ид̇т̇ий жа бурисо жа, д̇зна саха вад̇д̇ад̇ийд̇и сабхож̇ананд̇и ааха ‘‘ат̇а ваа’’д̇иаад̣̇и. рааг̇абарияудтид̇ассаад̇и мзт̇унаад̇хиббааяасса. саяанигхаранд̇и саяанийяагхарам̣, ваасаг̇зханд̇и ад̇т̇о. махаллагассаад̇и махаллагасса саяанигхарасса. бидтасан̇гхаадад̇од̇и д̣̇ваараб̣аахад̇о куд̣̇д̣̇агасса ваад̇и яат̇аа д̇ат̇аа ваа гад̇асса куд̣̇д̣̇агасса саяанигхарасса. взмаж̇жхам̣ ад̇иггамид̇ваа нисийд̣̇зяяаад̇и бидтивам̣сам̣ ад̇иггамид̇ваа нисийд̣̇зяяа. куд̣̇д̣̇агам̣ (саарад̇т̇а. дий. баажид̇д̇ияа 3.280) наама саяанигхарам̣ вид̇т̇аарад̇о бан̃жахад̇т̇аббамаан̣ам̣ ход̇и, д̇асса жа маж̇жхимадтаанам̣ бидтасан̇гхаадад̇о ад̣дхад̇зяяахад̇т̇аббамаан̣амзва ход̇и, д̇асмаа д̇аад̣̇исз саяанигхарз бидтасан̇гхаадад̇о хад̇т̇абаасам̣ виж̇ахид̇ваа нисинно бидтивам̣сам̣ ад̇иггамид̇ваа нисинно наама ход̇и. звам̣ нисинно жа взмаж̇жхам̣ ад̇иггамид̇ваа нисинно наама ход̇и. д̇зна вуд̇д̇ам̣ баал̣ияам̣ ‘‘бидтивам̣сам̣ ад̇иггамид̇ваа нисийд̣̇ад̇ий’’д̇и (баажи. 281). сажид̇д̇аган̃жзд̇т̇а анубависид̇ваа нисийд̣̇анажид̇д̇зна д̣̇адтаб̣б̣ам̣.
‘‘Sabhojane’’ti bāhiratthasamāsoyaṃ, ubhasadde ukārassa ca lopoti āha ‘‘saha ubhohi janehī’’tiādi. Tattha ubhohi janehīti jāyā ca pati cāti ubhohi janehi. Bhuñjitabbanti vā bhojanaṃ, itthī ca puriso ca, tena saha vattatīti sabhojananti āha ‘‘atha vā’’tiādi. Rāgapariyuṭṭhitassāti methunādhippāyassa. Sayanigharanti sayanīyagharaṃ, vāsagehanti attho. Mahallakassāti mahallakassa sayanigharassa. Piṭṭhasaṅghāṭatoti dvārabāhato khuddakassavāti yathā tathā vā katassa khuddakassa sayanigharassa. Vemajjhaṃ atikkamitvā nisīdeyyāti piṭṭhivaṃsaṃ atikkamitvā nisīdeyya. Khuddakaṃ (sārattha. ṭī. pācittiya 3.280) nāma sayanigharaṃ vitthārato pañcahatthappamāṇaṃ hoti, tassa ca majjhimaṭṭhānaṃ piṭṭhasaṅghāṭato aḍḍhateyyahatthappamāṇameva hoti, tasmā tādise sayanighare piṭṭhasaṅghāṭato hatthapāsaṃ vijahitvā nisinno piṭṭhivaṃsaṃ atikkamitvā nisinno nāma hoti. Evaṃ nisinno ca vemajjhaṃ atikkamitvā nisinno nāma hoti. Tena vuttaṃ pāḷiyaṃ ‘‘piṭṭhivaṃsaṃ atikkamitvā nisīdatī’’ti (pāci. 281). Sacittakañcettha anupavisitvā nisīdanacittena daṭṭhabbaṃ.
сабхож̇анасигкаабад̣̇аван̣н̣анаа нидтид̇аа.
Sabhojanasikkhāpadavaṇṇanā niṭṭhitā.
