| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
३. सभोजनसिक्खापदवण्णना
3. Sabhojanasikkhāpadavaṇṇanā
२८१. ततिये पाळियं खुद्दके घरेति एत्थ खुद्दकं घरं नाम पञ्चहत्थतो ऊनकवित्थारं अधिप्पेतं। तत्थ च पिट्ठसङ्घाटतो हत्थपासे अविजहितेपि पिट्ठिवंसातिक्कमो होतीति आह ‘‘पिट्ठिवंसं अतिक्कमित्वा’’ति। यथा तथा वा कतस्साति पिट्ठिवंसं आरोपेत्वा वा अनारोपेत्वा वा कतस्स।
281. Tatiye pāḷiyaṃ khuddake ghareti ettha khuddakaṃ gharaṃ nāma pañcahatthato ūnakavitthāraṃ adhippetaṃ. Tattha ca piṭṭhasaṅghāṭato hatthapāse avijahitepi piṭṭhivaṃsātikkamo hotīti āha ‘‘piṭṭhivaṃsaṃ atikkamitvā’’ti. Yathā tathā vā katassāti piṭṭhivaṃsaṃ āropetvā vā anāropetvā vā katassa.
२८३. पाळियं वीतरागाति अपरियुट्ठितरागानं, अनागामीनञ्च सङ्गहो। सचित्तकन्ति अनुपविसित्वा निसीदनचित्तेन सचित्तकं। परियुट्ठितरागजायम्पतिकानं सन्निहितता, सयनिघरता, दुतियस्स भिक्खुनो अभावो, अनुपखज्ज निसीदनन्ति इमानेत्थ चत्तारि अङ्गानि।
283. Pāḷiyaṃ vītarāgāti apariyuṭṭhitarāgānaṃ, anāgāmīnañca saṅgaho. Sacittakanti anupavisitvā nisīdanacittena sacittakaṃ. Pariyuṭṭhitarāgajāyampatikānaṃ sannihitatā, sayanigharatā, dutiyassa bhikkhuno abhāvo, anupakhajja nisīdananti imānettha cattāri aṅgāni.
सभोजनसिक्खापदवण्णना निट्ठिता।
Sabhojanasikkhāpadavaṇṇanā niṭṭhitā.
२८४-२८९. चतुत्थपञ्चमानि वुत्तत्थानि।
284-289. Catutthapañcamāni vuttatthāni.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ५. अचेलकवग्गो • 5. Acelakavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ३. सभोजनसिक्खापदवण्णना • 3. Sabhojanasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. सभोजनसिक्खापदवण्णना • 3. Sabhojanasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
४. रहोपटिच्छन्नसिक्खापदवण्णना • 4. Rahopaṭicchannasikkhāpadavaṇṇanā
५. रहोनिसज्जसिक्खापदवण्णना • 5. Rahonisajjasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ३. सभोजनसिक्खापदं • 3. Sabhojanasikkhāpadaṃ
