| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၃. သဘောဇနသိက္ခာပဒဝဏ္ဏနာ
3. Sabhojanasikkhāpadavaṇṇanā
၂၈၀. တတိယေ ပိဋ္ဌသင္ဃာဋောတိ ဒ္ဝာရဗာဟာယေတံ အဓိဝစနံ။ ခုဒ္ဒကံ နာမ သယနိဃရံ ဝိတ္ထာရတော ပဉ္စဟတ္ထပ္ပမာဏံ ဟောတိ, တသ္သ စ မဇ္ဈိမဋ္ဌာနံ ပိဋ္ဌသင္ဃာဋတော အဍ္ဎတေယ္ယဟတ္ထပ္ပမာဏမေဝ ဟောတိ, တသ္မာ တာဒိသေ သယနိဃရေ ပိဋ္ဌသင္ဃာဋတော ဟတ္ထပာသံ ဝိဇဟိတ္ဝာ နိသိန္နော ပိဋ္ဌိဝံသံ အတိက္ကမိတ္ဝာ နိသိန္နော နာမ ဟောတိ။ ဧဝံ နိသိန္နော စ မဇ္ဈံ အတိက္ကမိတ္ဝာ နိသိန္နော နာမ ဟောတီတိ အာဟ ‘‘ဣမိနာ မဇ္ဈာတိက္ကမံ ဒသ္သေတီ’’တိ။ ယထာ ဝာ တထာ ဝာ ကတသ္သာတိ ပိဋ္ဌိဝံသံ အာရောပေတ္ဝာ ဝာ အနာရောပေတ္ဝာ ဝာ ကတသ္သ။ သစိတ္တကန္တိ အနုပဝိသိတ္ဝာ နိသီဒနစိတ္တေန သစိတ္တကံ။ သေသမေတ္ထ ဥတ္တာနမေဝ။ ပရိယုဋ္ဌိတရာဂဇာယမ္ပတိကာနံ သန္နိဟိတတာ, သယနိဃရတာ, ဒုတိယသ္သ ဘိက္ခုနော အဘာဝော, အနုပခဇ္ဇ နိသီဒနန္တိ ဣမာနိ ပနေတ္ထ စတ္တာရိ အင္ဂာနိ။
280. Tatiye piṭṭhasaṅghāṭoti dvārabāhāyetaṃ adhivacanaṃ. Khuddakaṃ nāma sayanigharaṃ vitthārato pañcahatthappamāṇaṃ hoti, tassa ca majjhimaṭṭhānaṃ piṭṭhasaṅghāṭato aḍḍhateyyahatthappamāṇameva hoti, tasmā tādise sayanighare piṭṭhasaṅghāṭato hatthapāsaṃ vijahitvā nisinno piṭṭhivaṃsaṃ atikkamitvā nisinno nāma hoti. Evaṃ nisinno ca majjhaṃ atikkamitvā nisinno nāma hotīti āha ‘‘iminā majjhātikkamaṃ dassetī’’ti. Yathā vā tathā vā katassāti piṭṭhivaṃsaṃ āropetvā vā anāropetvā vā katassa. Sacittakanti anupavisitvā nisīdanacittena sacittakaṃ. Sesamettha uttānameva. Pariyuṭṭhitarāgajāyampatikānaṃ sannihitatā, sayanigharatā, dutiyassa bhikkhuno abhāvo, anupakhajja nisīdananti imāni panettha cattāri aṅgāni.
သဘောဇနသိက္ခာပဒဝဏ္ဏနာ နိဋ္ဌိတာ။
Sabhojanasikkhāpadavaṇṇanā niṭṭhitā.
၂၈၄-၂၈၉. စတုတ္ထပဉ္စမေသု နတ္ထိ ကိဉ္စိ ဝတ္တဗ္ဗံ။
284-289. Catutthapañcamesu natthi kiñci vattabbaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၃. သဘောဇနသိက္ခာပဒဝဏ္ဏနာ • 3. Sabhojanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
၃. သဘောဇနသိက္ခာပဒဝဏ္ဏနာ • 3. Sabhojanasikkhāpadavaṇṇanā
၄. ရဟောပဋိစ္ဆန္နသိက္ခာပဒဝဏ္ဏနာ • 4. Rahopaṭicchannasikkhāpadavaṇṇanā
၅. ရဟောနိသဇ္ဇသိက္ခာပဒဝဏ္ဏနာ • 5. Rahonisajjasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၃. သဘောဇနသိက္ခာပဒဝဏ္ဏနာ • 3. Sabhojanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃. သဘောဇနသိက္ခာပဒံ • 3. Sabhojanasikkhāpadaṃ
