| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਸਭੋਜਨਸਿਕ੍ਖਾਪਦવਣ੍ਣਨਾ
3. Sabhojanasikkhāpadavaṇṇanā
੨੭੯. ਤਤਿਯਸਿਕ੍ਖਾਪਦੇ – ਸਯਨਿਘਰੇਤਿ ਸਯਨਿਯਘਰੇ। ਯਤੋ ਅਯ੍ਯਸ੍ਸ ਭਿਕ੍ਖਾ ਦਿਨ੍ਨਾਤਿ ਯਸ੍ਮਾ ਭਿਕ੍ਖਾ ਦਿਨ੍ਨਾ, ਯਂ ਆਗਤੇਨ ਲਦ੍ਧਬ੍ਬਂ ਤਂ વੋ ਲਦ੍ਧਂ; ਗਚ੍ਛਥਾਤਿ ਅਧਿਪ੍ਪਾਯੋ। ਪਰਿਯੁਟ੍ਠਿਤੋਤਿ ਰਾਗਪਰਿਯੁਟ੍ਠਿਤੋ; ਮੇਥੁਨਾਧਿਪ੍ਪਾਯੋਤਿ ਅਤ੍ਥੋ।
279. Tatiyasikkhāpade – sayanighareti sayaniyaghare. Yato ayyassa bhikkhā dinnāti yasmā bhikkhā dinnā, yaṃ āgatena laddhabbaṃ taṃ vo laddhaṃ; gacchathāti adhippāyo. Pariyuṭṭhitoti rāgapariyuṭṭhito; methunādhippāyoti attho.
੨੮੦. ਸਹ ਉਭੋਹਿ ਜਨੇਹੀਤਿ ਸਭੋਜਨਂ; ਤਸ੍ਮਿਂ ਸਭੋਜਨੇ। ਅਥ વਾ ਸਭੋਜਨੇਤਿ ਸਭੋਗੇ। ਰਾਗਪਰਿਯੁਟ੍ਠਿਤਸ੍ਸ ਹਿ ਪੁਰਿਸਸ੍ਸ ਇਤ੍ਥੀ ਭੋਗੋ ਇਤ੍ਥਿਯਾ ਚ ਪੁਰਿਸੋ। ਤੇਨੇવਸ੍ਸ ਪਦਭਾਜਨੇ – ‘‘ਇਤ੍ਥੀ ਚੇવ ਹੋਤਿ ਪੁਰਿਸੋ ਚਾ’’ਤਿਆਦਿ વੁਤ੍ਤਂ। ਮਹਲ੍ਲਕੇ ਘਰੇਤਿ ਮਹਲ੍ਲਕੇ ਸਯਨਿਘਰੇ। ਪਿਟ੍ਠਸਙ੍ਘਾਟਸ੍ਸ ਹਤ੍ਥਪਾਸਂ વਿਜਹਿਤ੍વਾਤਿ ਤਸ੍ਸ ਸਯਨਿਘਰੇ ਗਬ੍ਭਸ੍ਸ ਯੋ ਪਿਟ੍ਠਸਙ੍ਘਾਟੋ, ਤਸ੍ਸ ਹਤ੍ਥਪਾਸਂ વਿਜਹਿਤ੍વਾ; ਅਨ੍ਤੋਸਯਨਸ੍ਸ ਆਸਨ੍ਨੇ ਠਾਨੇ ਨਿਸੀਦਤੀਤਿ ਅਤ੍ਥੋ। ਈਦਿਸਞ੍ਚ ਸਯਨਿਘਰਂ ਮਹਾਚਤੁਸ੍ਸਾਲਾਦੀਸੁ ਹੋਤਿ। ਪਿਟ੍ਠਿવਂਸਂ ਅਤਿਕ੍ਕਮਿਤ੍વਾਤਿ ਇਮਿਨਾ ਮਜ੍ਝਾਤਿਕ੍ਕਮਂ ਦਸ੍ਸੇਤਿ। ਤਸ੍ਮਾ ਯਥਾ વਾ ਤਥਾ વਾ ਕਤਸ੍ਸ ਖੁਦ੍ਦਕਸ੍ਸ ਸਯਨਿਘਰਸ੍ਸ ਮਜ੍ਝਾਤਿਕ੍ਕਮੇ ਆਪਤ੍ਤਿ વੇਦਿਤਬ੍ਬਾ। ਸੇਸਮੇਤ੍ਥ ਉਤ੍ਤਾਨਮੇવ।
280. Saha ubhohi janehīti sabhojanaṃ; tasmiṃ sabhojane. Atha vā sabhojaneti sabhoge. Rāgapariyuṭṭhitassa hi purisassa itthī bhogo itthiyā ca puriso. Tenevassa padabhājane – ‘‘itthī ceva hoti puriso cā’’tiādi vuttaṃ. Mahallake ghareti mahallake sayanighare. Piṭṭhasaṅghāṭassa hatthapāsaṃ vijahitvāti tassa sayanighare gabbhassa yo piṭṭhasaṅghāṭo, tassa hatthapāsaṃ vijahitvā; antosayanassa āsanne ṭhāne nisīdatīti attho. Īdisañca sayanigharaṃ mahācatussālādīsu hoti. Piṭṭhivaṃsaṃ atikkamitvāti iminā majjhātikkamaṃ dasseti. Tasmā yathā vā tathā vā katassa khuddakassa sayanigharassa majjhātikkame āpatti veditabbā. Sesamettha uttānameva.
ਪਠਮਪਾਰਾਜਿਕਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦ੍વਿવੇਦਨਨ੍ਤਿ।
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedananti.
ਸਭੋਜਨਸਿਕ੍ਖਾਪਦਂ ਤਤਿਯਂ।
Sabhojanasikkhāpadaṃ tatiyaṃ.
੨੮੪. ਚਤੁਤ੍ਥਪਞ੍ਚਮਸਿਕ੍ਖਾਪਦੇਸੁ ਯਂ વਤ੍ਤਬ੍ਬਂ ਸਿਯਾ, ਤਂ ਸਬ੍ਬਂ ਅਨਿਯਤਦ੍વਯੇ વੁਤ੍ਤਨਯਮੇવ। ਯਥਾ ਚ ਸਭੋਜਨਸਿਕ੍ਖਾਪਦਂ , ਏવਮੇਤਾਨਿਪਿ ਪਠਮਪਾਰਾਜਿਕਸਮੁਟ੍ਠਾਨਾਨੇવਾਤਿ।
284. Catutthapañcamasikkhāpadesu yaṃ vattabbaṃ siyā, taṃ sabbaṃ aniyatadvaye vuttanayameva. Yathā ca sabhojanasikkhāpadaṃ , evametānipi paṭhamapārājikasamuṭṭhānānevāti.
ਰਹੋਪਟਿਚ੍ਛਨ੍ਨਸਿਕ੍ਖਾਪਦਂ ਚਤੁਤ੍ਥਂ, ਰਹੋਨਿਸਜ੍ਜਸਿਕ੍ਖਾਪਦਂ ਪਞ੍ਚਮਂ।
Rahopaṭicchannasikkhāpadaṃ catutthaṃ, rahonisajjasikkhāpadaṃ pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
੪. ਰਹੋਪਟਿਚ੍ਛਨ੍ਨਸਿਕ੍ਖਾਪਦવਣ੍ਣਨਾ • 4. Rahopaṭicchannasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਸਭੋਜਨਸਿਕ੍ਖਾਪਦਂ • 3. Sabhojanasikkhāpadaṃ
