| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੩. ਸਭੋਜਨਸਿਕ੍ਖਾਪਦવਣ੍ਣਨਾ
3. Sabhojanasikkhāpadavaṇṇanā
੨੮੦. ਤਤਿਯੇ ਪਿਟ੍ਠਸਙ੍ਘਾਟੋਤਿ ਦ੍વਾਰਬਾਹਾਯੇਤਂ ਅਧਿવਚਨਂ। ਖੁਦ੍ਦਕਂ ਨਾਮ ਸਯਨਿਘਰਂ વਿਤ੍ਥਾਰਤੋ ਪਞ੍ਚਹਤ੍ਥਪ੍ਪਮਾਣਂ ਹੋਤਿ, ਤਸ੍ਸ ਚ ਮਜ੍ਝਿਮਟ੍ਠਾਨਂ ਪਿਟ੍ਠਸਙ੍ਘਾਟਤੋ ਅਡ੍ਢਤੇਯ੍ਯਹਤ੍ਥਪ੍ਪਮਾਣਮੇવ ਹੋਤਿ, ਤਸ੍ਮਾ ਤਾਦਿਸੇ ਸਯਨਿਘਰੇ ਪਿਟ੍ਠਸਙ੍ਘਾਟਤੋ ਹਤ੍ਥਪਾਸਂ વਿਜਹਿਤ੍વਾ ਨਿਸਿਨ੍ਨੋ ਪਿਟ੍ਠਿવਂਸਂ ਅਤਿਕ੍ਕਮਿਤ੍વਾ ਨਿਸਿਨ੍ਨੋ ਨਾਮ ਹੋਤਿ। ਏવਂ ਨਿਸਿਨ੍ਨੋ ਚ ਮਜ੍ਝਂ ਅਤਿਕ੍ਕਮਿਤ੍વਾ ਨਿਸਿਨ੍ਨੋ ਨਾਮ ਹੋਤੀਤਿ ਆਹ ‘‘ਇਮਿਨਾ ਮਜ੍ਝਾਤਿਕ੍ਕਮਂ ਦਸ੍ਸੇਤੀ’’ਤਿ। ਯਥਾ વਾ ਤਥਾ વਾ ਕਤਸ੍ਸਾਤਿ ਪਿਟ੍ਠਿવਂਸਂ ਆਰੋਪੇਤ੍વਾ વਾ ਅਨਾਰੋਪੇਤ੍વਾ વਾ ਕਤਸ੍ਸ। ਸਚਿਤ੍ਤਕਨ੍ਤਿ ਅਨੁਪવਿਸਿਤ੍વਾ ਨਿਸੀਦਨਚਿਤ੍ਤੇਨ ਸਚਿਤ੍ਤਕਂ। ਸੇਸਮੇਤ੍ਥ ਉਤ੍ਤਾਨਮੇવ। ਪਰਿਯੁਟ੍ਠਿਤਰਾਗਜਾਯਮ੍ਪਤਿਕਾਨਂ ਸਨ੍ਨਿਹਿਤਤਾ, ਸਯਨਿਘਰਤਾ, ਦੁਤਿਯਸ੍ਸ ਭਿਕ੍ਖੁਨੋ ਅਭਾવੋ, ਅਨੁਪਖਜ੍ਜ ਨਿਸੀਦਨਨ੍ਤਿ ਇਮਾਨਿ ਪਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
280. Tatiye piṭṭhasaṅghāṭoti dvārabāhāyetaṃ adhivacanaṃ. Khuddakaṃ nāma sayanigharaṃ vitthārato pañcahatthappamāṇaṃ hoti, tassa ca majjhimaṭṭhānaṃ piṭṭhasaṅghāṭato aḍḍhateyyahatthappamāṇameva hoti, tasmā tādise sayanighare piṭṭhasaṅghāṭato hatthapāsaṃ vijahitvā nisinno piṭṭhivaṃsaṃ atikkamitvā nisinno nāma hoti. Evaṃ nisinno ca majjhaṃ atikkamitvā nisinno nāma hotīti āha ‘‘iminā majjhātikkamaṃ dassetī’’ti. Yathā vā tathā vā katassāti piṭṭhivaṃsaṃ āropetvā vā anāropetvā vā katassa. Sacittakanti anupavisitvā nisīdanacittena sacittakaṃ. Sesamettha uttānameva. Pariyuṭṭhitarāgajāyampatikānaṃ sannihitatā, sayanigharatā, dutiyassa bhikkhuno abhāvo, anupakhajja nisīdananti imāni panettha cattāri aṅgāni.
ਸਭੋਜਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sabhojanasikkhāpadavaṇṇanā niṭṭhitā.
੨੮੪-੨੮੯. ਚਤੁਤ੍ਥਪਞ੍ਚਮੇਸੁ ਨਤ੍ਥਿ ਕਿਞ੍ਚਿ વਤ੍ਤਬ੍ਬਂ।
284-289. Catutthapañcamesu natthi kiñci vattabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
੪. ਰਹੋਪਟਿਚ੍ਛਨ੍ਨਸਿਕ੍ਖਾਪਦવਣ੍ਣਨਾ • 4. Rahopaṭicchannasikkhāpadavaṇṇanā
੫. ਰਹੋਨਿਸਜ੍ਜਸਿਕ੍ਖਾਪਦવਣ੍ਣਨਾ • 5. Rahonisajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਸਭੋਜਨਸਿਕ੍ਖਾਪਦવਣ੍ਣਨਾ • 3. Sabhojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਸਭੋਜਨਸਿਕ੍ਖਾਪਦਂ • 3. Sabhojanasikkhāpadaṃ
