1.саб̣рахмагасуд̇д̇ам̣

1. Sabrahmakasuttaṃ

31. ‘‘саб̣рахмагаани , бхигкавз, д̇аани гулаани язсам̣ буд̇д̇аанам̣ маад̇аабид̇аро аж̇жхааг̇аарз бууж̇ид̇аа хонд̇и. сабуб̣б̣аажарияагаани, бхигкавз, д̇аани гулаани язсам̣ буд̇д̇аанам̣ маад̇аабид̇аро аж̇жхааг̇аарз бууж̇ид̇аа хонд̇и. саахунзяяаани , бхигкавз, д̇аани гулаани язсам̣ буд̇д̇аанам̣ маад̇аабид̇аро аж̇жхааг̇аарз бууж̇ид̇аа хонд̇и. ‘б̣рахмаа’д̇и, бхигкавз, маад̇аабид̇уунам̣ зд̇ам̣ ад̇хиважанам̣. ‘буб̣б̣аажарияаа’д̇и, бхигкавз, маад̇аабид̇уунам̣ зд̇ам̣ ад̇хиважанам̣. ‘аахунзяяаа’д̇и , бхигкавз, маад̇аабид̇уунам̣ зд̇ам̣ ад̇хиважанам̣. д̇ам̣ гисса хзд̇у? б̣ахугаараа, бхигкавз, маад̇аабид̇аро буд̇д̇аанам̣, аабаад̣̇агаа босагаа, имасса логасса д̣̇ассзд̇аарод̇и.

31. ‘‘Sabrahmakāni , bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sapubbācariyakāni, bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sāhuneyyāni , bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. ‘Brahmā’ti, bhikkhave, mātāpitūnaṃ etaṃ adhivacanaṃ. ‘Pubbācariyā’ti, bhikkhave, mātāpitūnaṃ etaṃ adhivacanaṃ. ‘Āhuneyyā’ti , bhikkhave, mātāpitūnaṃ etaṃ adhivacanaṃ. Taṃ kissa hetu? Bahukārā, bhikkhave, mātāpitaro puttānaṃ, āpādakā posakā, imassa lokassa dassetāroti.

‘‘б̣рахмаад̇и маад̇аабид̇аро, буб̣б̣аажарияаад̇и вужжарз;

‘‘Brahmāti mātāpitaro, pubbācariyāti vuccare;

аахунзяяаа жа буд̇д̇аанам̣, баж̇ааяа анугамбагаа.

Āhuneyyā ca puttānaṃ, pajāya anukampakā.

‘‘д̇асмаа хи нз намассзяяа, саггарзяяа жа бан̣д̣ид̇о;

‘‘Tasmā hi ne namasseyya, sakkareyya ca paṇḍito;

аннзна ат̇а баанзна, вад̇т̇зна саяанзна жа;

Annena atha pānena, vatthena sayanena ca;

ужчаад̣̇анзна нхаабанзна ¹, баад̣̇аанам̣ д̇хованзна жа.

Ucchādanena nhāpanena ², pādānaṃ dhovanena ca.

‘‘д̇ааяа нам̣ баарижарияааяа, маад̇аабид̇уусу бан̣д̣ид̇аа;

‘‘Tāya naṃ pāricariyāya, mātāpitūsu paṇḍitā;

ид̇хзва ³ нам̣ басам̣санд̇и, бзжжа саг̇г̇з бамод̣̇ад̇ий’’д̇и ⁴. батамам̣;

Idheva ⁵ naṃ pasaṃsanti, pecca sagge pamodatī’’ti ⁶. paṭhamaṃ;

Next: 2. аананд̣̇асуд̇д̇ам̣ • 2. Ānandasuttaṃ

Footnotes:

1. нахаабанзна (сий.)

2. nahāpanena (sī.)

3. ид̇ха жзва (сий.)

4. саг̇г̇з жа мод̣̇ад̇ийд̇и (сий.) ид̇иву. 106 ид̇ивуд̇д̇агз

5. idha ceva (sī.)

6. sagge ca modatīti (sī.) itivu. 106 itivuttake

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. саб̣рахмагасуд̇д̇аван̣н̣анаа • 1. Sabrahmakasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. саб̣рахмагасуд̇д̇аван̣н̣анаа • 1. Sabrahmakasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact