| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. දෙවදූතවග්‌ගො
4. Devadūtavaggo
1.සබ්‍රහ්‌මකසුත්‌තං
1. Sabrahmakasuttaṃ
31. ‘‘සබ්‍රහ්‌මකානි , භික්‌ඛවෙ, තානි කුලානි යෙසං පුත්‌තානං මාතාපිතරො අජ්‌ඣාගාරෙ පූජිතා හොන්‌ති. සපුබ්‌බාචරියකානි, භික්‌ඛවෙ, තානි කුලානි යෙසං පුත්‌තානං මාතාපිතරො අජ්‌ඣාගාරෙ පූජිතා හොන්‌ති. සාහුනෙය්‍යානි , භික්‌ඛවෙ, තානි කුලානි යෙසං පුත්‌තානං මාතාපිතරො අජ්‌ඣාගාරෙ පූජිතා හොන්‌ති. ‘බ්‍රහ්‌මා’ති, භික්‌ඛවෙ, මාතාපිතූනං එතං අධිවචනං. ‘පුබ්‌බාචරියා’ති, භික්‌ඛවෙ, මාතාපිතූනං එතං අධිවචනං. ‘ආහුනෙය්‍යා’ති , භික්‌ඛවෙ, මාතාපිතූනං එතං අධිවචනං. තං කිස්‌ස හෙතු? බහුකාරා, භික්‌ඛවෙ, මාතාපිතරො පුත්‌තානං, ආපාදකා පොසකා, ඉමස්‌ස ලොකස්‌ස දස්‌සෙතාරොති.
31. ‘‘Sabrahmakāni , bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sapubbācariyakāni, bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sāhuneyyāni , bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. ‘Brahmā’ti, bhikkhave, mātāpitūnaṃ etaṃ adhivacanaṃ. ‘Pubbācariyā’ti, bhikkhave, mātāpitūnaṃ etaṃ adhivacanaṃ. ‘Āhuneyyā’ti , bhikkhave, mātāpitūnaṃ etaṃ adhivacanaṃ. Taṃ kissa hetu? Bahukārā, bhikkhave, mātāpitaro puttānaṃ, āpādakā posakā, imassa lokassa dassetāroti.
‘‘බ්‍රහ්‌මාති මාතාපිතරො, පුබ්‌බාචරියාති වුච්‌චරෙ;
‘‘Brahmāti mātāpitaro, pubbācariyāti vuccare;
ආහුනෙය්‍යා ච පුත්‌තානං, පජාය අනුකම්‌පකා.
Āhuneyyā ca puttānaṃ, pajāya anukampakā.
‘‘තස්‌මා හි නෙ නමස්‌සෙය්‍ය, සක්‌කරෙය්‍ය ච පණ්‌ඩිතො;
‘‘Tasmā hi ne namasseyya, sakkareyya ca paṇḍito;
අන්‌නෙන අථ පානෙන, වත්‌ථෙන සයනෙන ච;
Annena atha pānena, vatthena sayanena ca;
‘‘තාය නං පාරිචරියාය, මාතාපිතූසු පණ්‌ඩිතා;
‘‘Tāya naṃ pāricariyāya, mātāpitūsu paṇḍitā;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. සබ්‍රහ්‌මකසුත්‌තවණ්‌ණනා • 1. Sabrahmakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. සබ්‍රහ්‌මකසුත්‌තවණ්‌ණනා • 1. Sabrahmakasuttavaṇṇanā
