| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. д̣̇звад̣̇ууд̇аваг̇г̇о
4. Devadūtavaggo
1. саб̣рахмагасуд̇д̇аван̣н̣анаа
1. Sabrahmakasuttavaṇṇanā
31. жад̇уд̇т̇асса батамз аж̇жхааг̇аарзд̇и сагз гхарз. бууж̇ид̇аа хонд̇ийд̇и яам̣ гхарз ад̇т̇и, д̇зна бадиж̇аг̇г̇ид̇аа г̇обид̇аа хонд̇и. ид̇и маад̇аабид̇убууж̇агаани гулаани маад̇аабид̇уухи саб̣рахмагаанийд̇и багаасзд̇ваа ид̣̇аани нзсам̣ сабуб̣б̣аажарияагаад̣̇ибхаавам̣ багаасзнд̇о сабуб̣б̣аажарияагаанийд̇иаад̣̇имааха. д̇ад̇т̇а б̣рахмаад̇иаад̣̇ийни д̇зсам̣ б̣рахмаад̣̇ибхаавасаад̇ханад̇т̇ам̣ вуд̇д̇аани. б̣ахугаараад̇и буд̇д̇аанам̣ б̣ахуубагаараа. аабаад̣̇агаад̇и ж̇ийвид̇асса аабаад̣̇агаа. буд̇д̇агаанам̣ хи маад̇аабид̇уухи ж̇ийвид̇ам̣ аабаад̣̇ид̇ам̣ баалид̇ам̣ гхадид̇ам̣ ануббаб̣анд̇хзна бавад̇д̇ид̇ам̣. босагаад̇и хад̇т̇абаад̣̇з вад̣дхзд̇ваа хад̣̇аяалохид̇ам̣ бааязд̇ваа босзд̇ааро. имасса логасса д̣̇ассзд̇аарод̇и буд̇д̇аанам̣ хи имасмим̣ логз идтаанидтаарамман̣асса д̣̇ассанам̣ наама маад̇аабид̇аро ниссааяа ж̇аад̇анд̇и имасса логасса д̣̇ассзд̇ааро наама.
31. Catutthassa paṭhame ajjhāgāreti sake ghare. Pūjitā hontīti yaṃ ghare atthi, tena paṭijaggitā gopitā honti. Iti mātāpitupūjakāni kulāni mātāpitūhi sabrahmakānīti pakāsetvā idāni nesaṃ sapubbācariyakādibhāvaṃ pakāsento sapubbācariyakānītiādimāha. Tattha brahmātiādīni tesaṃ brahmādibhāvasādhanatthaṃ vuttāni. Bahukārāti puttānaṃ bahūpakārā. Āpādakāti jīvitassa āpādakā. Puttakānaṃ hi mātāpitūhi jīvitaṃ āpāditaṃ pālitaṃ ghaṭitaṃ anuppabandhena pavattitaṃ. Posakāti hatthapāde vaḍḍhetvā hadayalohitaṃ pāyetvā posetāro. Imassa lokassa dassetāroti puttānaṃ hi imasmiṃ loke iṭṭhāniṭṭhārammaṇassa dassanaṃ nāma mātāpitaro nissāya jātanti imassa lokassa dassetāro nāma.
б̣рахмаад̇и маад̇аабид̇арод̇и сздтаад̇хиважанам̣. яат̇аа б̣рахмуно жад̇ассо бхааванаа авиж̇ахид̇аа хонд̇и мзд̇д̇аа гарун̣аа муд̣̇ид̇аа убзгкаад̇и, звамзва маад̇аабид̇уунам̣ буд̇д̇агзсу жад̇ассо бхааванаа авиж̇ахид̇аа хонд̇и. д̇аа д̇асмим̣ д̇асмим̣ гаалз взд̣̇ид̇аб̣б̣аа – гужчиг̇ад̇асмим̣ хи д̣̇аарагз ‘‘гад̣̇аа ну ко буд̇д̇агам̣ арог̇ам̣ барибун̣н̣ан̇г̇абажжан̇г̇ам̣ бассиссаамаа’’д̇и маад̇аабид̇уунам̣ мзд̇д̇ажид̇д̇ам̣ уббаж̇ж̇ад̇и. яад̣̇аа банзса манд̣̇о уд̇д̇аанасзяяаго уугаахи ваа ман̇гулаад̣̇ийхи баан̣агзхи д̣̇адто д̣̇угкасзяяааяа ваа бана бийл̣ид̇о барод̣̇ад̇и виравад̇и, д̇ад̣̇аасса сад̣̇д̣̇ам̣ суд̇ваа маад̇аабид̇уунам̣ гаарун̃н̃ам̣ уббаж̇ж̇ад̇и, аад̇хаавид̇ваа вид̇хаавид̇ваа гийл̣анагаалз бана лобханийяаваяасмим̣ ваа тид̇агаалз д̣̇аарагам̣ ологзд̇ваа маад̇аабид̇уунам̣ жид̇д̇ам̣ саббиман̣д̣з багкид̇д̇асад̇авихад̇агаббаасабижубадалам̣ вияа муд̣̇угам̣ ход̇и аамод̣̇ид̇ам̣ бамод̣̇ид̇ам̣, д̇ад̣̇аа д̇зсам̣ муд̣̇ид̇аа лаб̣бхад̇и. яад̣̇аа банзса буд̇д̇о д̣̇аараабхаран̣ам̣ бажжубадтаабзд̇ваа баадиязггам̣ аг̇аарам̣ аж̇жхаавасад̇и, д̇ад̣̇аа маад̇аабид̇уунам̣ ‘‘саггод̇и д̣̇аани но буд̇д̇аго ад̇д̇ано д̇хаммад̇ааяа яаабзд̇у’’нд̇и маж̇жхад̇д̇абхааво уббаж̇ж̇ад̇и, д̇асмим̣ гаалз убзгкаа лаб̣бхад̇ийд̇и иминаа гааран̣зна ‘‘б̣рахмаад̇и маад̇аабид̇аро’’д̇и вуд̇д̇ам̣.
Brahmāti mātāpitaroti seṭṭhādhivacanaṃ. Yathā brahmuno catasso bhāvanā avijahitā honti mettā karuṇā muditā upekkhāti, evameva mātāpitūnaṃ puttakesu catasso bhāvanā avijahitā honti. Tā tasmiṃ tasmiṃ kāle veditabbā – kucchigatasmiṃ hi dārake ‘‘kadā nu kho puttakaṃ arogaṃ paripuṇṇaṅgapaccaṅgaṃ passissāmā’’ti mātāpitūnaṃ mettacittaṃ uppajjati. Yadā panesa mando uttānaseyyako ūkāhi vā maṅkulādīhi pāṇakehi daṭṭho dukkhaseyyāya vā pana pīḷito parodati viravati, tadāssa saddaṃ sutvā mātāpitūnaṃ kāruññaṃ uppajjati, ādhāvitvā vidhāvitvā kīḷanakāle pana lobhanīyavayasmiṃ vā ṭhitakāle dārakaṃ oloketvā mātāpitūnaṃ cittaṃ sappimaṇḍe pakkhittasatavihatakappāsapicupaṭalaṃ viya mudukaṃ hoti āmoditaṃ pamoditaṃ, tadā tesaṃ muditā labbhati. Yadā panesa putto dārābharaṇaṃ paccupaṭṭhāpetvā pāṭiyekkaṃ agāraṃ ajjhāvasati, tadā mātāpitūnaṃ ‘‘sakkoti dāni no puttako attano dhammatāya yāpetu’’nti majjhattabhāvo uppajjati, tasmiṃ kāle upekkhā labbhatīti iminā kāraṇena ‘‘brahmāti mātāpitaro’’ti vuttaṃ.
буб̣б̣аажарияаад̇и вужжарзд̇и маад̇аабид̇аро хи ж̇аад̇агаалад̇о бадтааяа ‘‘звам̣ нисийд̣̇а, звам̣ д̇идта, звам̣ г̇ажча, звам̣ саяа, звам̣ каад̣̇а, звам̣ бхун̃ж̇а, аяам̣ д̇з, д̇аад̇аад̇и вад̇д̇аб̣б̣о, аяам̣ бхаад̇игаад̇и, аяам̣ бхаг̇инийд̇и, ид̣̇ам̣ наама гаад̇ум̣ ваддад̇и, ид̣̇ам̣ на ваддад̇и, асугам̣ наама убасан̇гамид̇ум̣ ваддад̇и, асугам̣ на ваддад̇ий’’д̇и г̇аахаабзнд̇и сигкаабзнд̇и. ат̇аабарабхааг̇з ан̃н̃з аажарияаа хад̇т̇исиббаассасиббарат̇асиббад̇ханусиббат̇арусиббамуд̣̇д̣̇ааг̇ан̣анаад̣̇ийни сигкаабзнд̇и. ан̃н̃о саран̣аани д̣̇зд̇и, ан̃н̃о сийлзсу бад̇идтаабзд̇и, ан̃н̃о баб̣б̣ааж̇зд̇и, ан̃н̃о б̣уд̣̇д̇хаважанам̣ уг̇г̇ан̣хаабзд̇и, ан̃н̃о убасамбаад̣̇зд̇и, ан̃н̃о сод̇аабад̇д̇имаг̇г̇аад̣̇ийни баабзд̇и. ид̇и саб̣б̣зби д̇з бажчаажарияаа наама хонд̇и, маад̇аабид̇аро бана саб̣б̣абатамаа, д̇знааха – ‘‘буб̣б̣аажарияаад̇и вужжарз’’д̇и. д̇ад̇т̇а вужжарзд̇и вужжанд̇и гат̇ияанд̇и. аахунзяяаа жа буд̇д̇аананд̇и буд̇д̇аанам̣ аахуд̇ам̣ баахуд̇ам̣ абхисан̇кад̇ам̣ аннабаанаад̣̇им̣ араханд̇и, анужчавигаа д̇ам̣ бадиг̇г̇ахзд̇ум̣. д̇асмаа ‘‘аахунзяяаа жа буд̇д̇аана’’нд̇и вуд̇д̇ам̣. баж̇ааяа анугамбагаад̇и барзсам̣ баан̣з ажчинд̣̇ид̇вааби ад̇д̇ано баж̇ам̣ бадиж̇аг̇г̇анд̇и г̇обааяанд̇и. д̇асмаа ‘‘баж̇ааяа анугамбагаа’’д̇и вуд̇д̇ам̣.
Pubbācariyātivuccareti mātāpitaro hi jātakālato paṭṭhāya ‘‘evaṃ nisīda, evaṃ tiṭṭha, evaṃ gaccha, evaṃ saya, evaṃ khāda, evaṃ bhuñja, ayaṃ te, tātāti vattabbo, ayaṃ bhātikāti, ayaṃ bhaginīti, idaṃ nāma kātuṃ vaṭṭati, idaṃ na vaṭṭati, asukaṃ nāma upasaṅkamituṃ vaṭṭati, asukaṃ na vaṭṭatī’’ti gāhāpenti sikkhāpenti. Athāparabhāge aññe ācariyā hatthisippaassasipparathasippadhanusippatharusippamuddāgaṇanādīni sikkhāpenti. Añño saraṇāni deti, añño sīlesu patiṭṭhāpeti, añño pabbājeti, añño buddhavacanaṃ uggaṇhāpeti, añño upasampādeti, añño sotāpattimaggādīni pāpeti. Iti sabbepi te pacchācariyā nāma honti, mātāpitaro pana sabbapaṭhamā, tenāha – ‘‘pubbācariyāti vuccare’’ti. Tattha vuccareti vuccanti kathiyanti. Āhuneyyā ca puttānanti puttānaṃ āhutaṃ pāhutaṃ abhisaṅkhataṃ annapānādiṃ arahanti, anucchavikā taṃ paṭiggahetuṃ. Tasmā ‘‘āhuneyyā ca puttāna’’nti vuttaṃ. Pajāya anukampakāti paresaṃ pāṇe acchinditvāpi attano pajaṃ paṭijagganti gopāyanti. Tasmā ‘‘pajāya anukampakā’’ti vuttaṃ.
намассзяяаад̇и намо гарзяяа. саггарзяяаад̇и саггаарзна бадимаанзяяа. ид̣̇аани д̇ам̣ саггаарам̣ д̣̇ассзнд̇о ‘‘аннзнаа’’д̇иаад̣̇имааха. д̇ад̇т̇а аннзнаад̇и яааг̇убхад̇д̇акаад̣̇анийязна. баанзнаад̇и адтавид̇хабаанзна. вад̇т̇знаад̇и ниваасанабаарубанагзна вад̇т̇зна. саяанзнаад̇и ман̃жабийтаануббад̣̇аанзна. ужчаад̣̇анзнаад̇и д̣̇уг̇г̇анд̇хам̣ бадивинод̣̇зд̇ваа суг̇анд̇хагаран̣ужчаад̣̇анзна. нхаабанзнаад̇и сийд̇з ун̣ход̣̇агзна, ун̣хз сийд̇од̣̇агзна г̇ад̇д̇аани барисин̃жид̇ваа нхаабанзна. баад̣̇аанам̣ д̇хованзнаад̇и ун̣ход̣̇агасийд̇од̣̇агзхи баад̣̇ад̇хованзна жзва д̇зламагканзна жа. бзжжаад̇и баралогам̣ г̇анд̇ваа. саг̇г̇з бамод̣̇ад̇ийд̇и ид̇ха д̇аава маад̇аабид̇уусу баарижарияам̣ д̣̇исваа баарижарияагааран̣аа д̇ам̣ бан̣д̣ид̇амануссаа ид̇хзва басам̣санд̇и , баралогам̣ бана г̇анд̇ваа саг̇г̇з тид̇о со маад̇аабид̇уубадтааго д̣̇иб̣б̣асамбад̇д̇ийхи аамод̣̇ад̇и бамод̣̇ад̇ийд̇и.
Namasseyyāti namo kareyya. Sakkareyyāti sakkārena paṭimāneyya. Idāni taṃ sakkāraṃ dassento ‘‘annenā’’tiādimāha. Tattha annenāti yāgubhattakhādanīyena. Pānenāti aṭṭhavidhapānena. Vatthenāti nivāsanapārupanakena vatthena. Sayanenāti mañcapīṭhānuppadānena. Ucchādanenāti duggandhaṃ paṭivinodetvā sugandhakaraṇucchādanena. Nhāpanenāti sīte uṇhodakena, uṇhe sītodakena gattāni parisiñcitvā nhāpanena. Pādānaṃ dhovanenāti uṇhodakasītodakehi pādadhovanena ceva telamakkhanena ca. Peccāti paralokaṃ gantvā. Sagge pamodatīti idha tāva mātāpitūsu pāricariyaṃ disvā pāricariyakāraṇā taṃ paṇḍitamanussā idheva pasaṃsanti , paralokaṃ pana gantvā sagge ṭhito so mātāpituupaṭṭhāko dibbasampattīhi āmodati pamodatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1.саб̣рахмагасуд̇д̇ам̣ • 1. Sabrahmakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. саб̣рахмагасуд̇д̇аван̣н̣анаа • 1. Sabrahmakasuttavaṇṇanā
