| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. д̣̇звад̣̇ууд̇аваг̇г̇о
4. Devadūtavaggo
1. саб̣рахмагасуд̇д̇аван̣н̣анаа
1. Sabrahmakasuttavaṇṇanā
31. жад̇уд̇т̇асса батамз саб̣рахмагаанийд̇и сасздтагаани. язсанд̇и язсам̣ гулаанам̣. буд̇д̇аананд̇и буд̇д̇зхи. бууж̇ид̇асад̣̇д̣̇аяог̇зна хи ид̣̇ам̣ гаран̣ад̇т̇з саамиважанам̣. д̇знаад̇и аахаараад̣̇инаа. бадиж̇аг̇г̇ид̇аа г̇обид̇аад̇и яат̇аагаалам̣ д̇асса д̇асса д̣̇аад̇аб̣б̣асса д̣̇аанзна взяяааважжасса жа гаран̣зна бадиж̇аг̇г̇ид̇аа жзва уббаннаанад̇т̇аббахаран̣зна г̇обид̇аа жа хонд̇и. д̇зсанд̇и маад̇аабид̇уунам̣. б̣рахмаад̣̇ибхаавасаад̇ханад̇т̇анд̇и д̇зсам̣ г̇ун̣аанам̣ ад̇т̇ид̇ааяа логз б̣рахмаа наама вужжад̇и, аажарияо наама вужжад̇и, аахунзяяо наама вужжад̇и, д̇з маад̇аабид̇уунам̣ буд̇д̇агам̣ бадилабханд̇ийд̇и д̣̇ассанавасзна нзсам̣ б̣рахмаад̣̇ибхаавасаад̇ханад̇т̇ам̣ ‘‘б̣ахугаараа’’д̇и, вад̇ваа д̇ам̣ д̇зсам̣ б̣ахугаарад̇ам̣ наанаагаарад̇о д̣̇ассзд̇ум̣ ‘‘аабаад̣̇агаа’’д̇иаад̣̇и вуд̇д̇ам̣. маад̇аабид̇аро хи буд̇д̇аанам̣ ж̇ийвид̇асса аабаад̣̇агаа, сарийрасса босагаа, аажаарасамаажаараанам̣ сигкаабагаа сагалассаби имасса логасса д̣̇ассзд̇ааро. д̇знааха ‘‘буд̇д̇аанам̣ хий’’д̇иаад̣̇и. идтаарамман̣ам̣ д̇аава д̇з д̣̇ассзнд̇у, анидтаарамман̣ам̣ гат̇анд̇и? д̇амби д̣̇ассзд̇аб̣б̣амзва важ̇ж̇анийяабхааваж̇аанаабанад̇т̇ам̣.
31. Catutthassa paṭhame sabrahmakānīti saseṭṭhakāni. Yesanti yesaṃ kulānaṃ. Puttānanti puttehi. Pūjitasaddayogena hi idaṃ karaṇatthe sāmivacanaṃ. Tenāti āhārādinā. Paṭijaggitā gopitāti yathākālaṃ tassa tassa dātabbassa dānena veyyāvaccassa ca karaṇena paṭijaggitā ceva uppannānatthappaharaṇena gopitā ca honti. Tesanti mātāpitūnaṃ. Brahmādibhāvasādhanatthanti tesaṃ guṇānaṃ atthitāya loke brahmā nāma vuccati, ācariyo nāma vuccati, āhuneyyo nāma vuccati, te mātāpitūnaṃ puttakaṃ paṭilabhantīti dassanavasena nesaṃ brahmādibhāvasādhanatthaṃ ‘‘bahukārā’’ti, vatvā taṃ tesaṃ bahukārataṃ nānākārato dassetuṃ ‘‘āpādakā’’tiādi vuttaṃ. Mātāpitaro hi puttānaṃ jīvitassa āpādakā, sarīrassa posakā, ācārasamācārānaṃ sikkhāpakā sakalassapi imassa lokassa dassetāro. Tenāha ‘‘puttānaṃ hī’’tiādi. Iṭṭhārammaṇaṃ tāva te dassentu, aniṭṭhārammaṇaṃ kathanti? Tampi dassetabbameva vajjanīyabhāvajānāpanatthaṃ.
авиж̇ахид̇аа хонд̇ийд̇и д̇аасам̣ бхааванааяа б̣рахмаанам̣ б̣рахмалогз уббаннад̇д̇аа авиж̇ахид̇аа хонд̇и бхааванаа. лобханийяаваяасмим̣ батамаяоб̣б̣анз ад̇ивияа муд̣̇убхааваббад̇д̇ад̣̇ассанад̇т̇ам̣ сад̇авихад̇аг̇г̇ахан̣ам̣. баадиязгганд̇и висум̣. иминаа гааран̣знаад̇и иминаа яат̇аавуд̇д̇зна буд̇д̇зсу бавад̇д̇ид̇зхи ад̇иггамзна мзд̇д̇аад̣̇исамуббад̇д̇исан̇каад̇зна гааран̣зна.
Avijahitā hontīti tāsaṃ bhāvanāya brahmānaṃ brahmaloke uppannattā avijahitā honti bhāvanā. Lobhanīyavayasmiṃ paṭhamayobbane ativiya mudubhāvappattadassanatthaṃ satavihataggahaṇaṃ. Pāṭiyekkanti visuṃ. Iminā kāraṇenāti iminā yathāvuttena puttesu pavattitehi atikkamena mettādisamuppattisaṅkhātena kāraṇena.
т̇арусиббанд̇и асисад̇д̇игунд̇агалаабаад̣̇иааяуд̇хасиббам̣. муд̣̇д̣̇ааг̇ан̣анаад̇и ан̇г̇улисам̣гожанаад̣̇инаа хад̇т̇амуд̣̇д̣̇ааяа г̇ан̣анаа. аад̣̇исад̣̇д̣̇зна баан̣аад̣̇ийнам̣ сан̇г̇ахо. бажчаажарияаа наама маад̇аабид̇уунам̣ санд̇игз уг̇г̇ахид̇аг̇ахадтавад̇д̇ассзва буг̇г̇аласса яат̇аасагам̣ хад̇т̇аажарияаад̣̇ийнам̣ сиббаг̇г̇аахаабананд̇и гад̇ваа саб̣б̣абатамам̣ аажарияаа наамаад̇и яож̇зд̇аб̣б̣ам̣. аанийяа худ̇ам̣ аахуд̇ам̣. багаарзхи худ̇ам̣ баахуд̇ам̣. абхисан̇кад̇анд̇и д̇ассзва взважанам̣.
Tharusippanti asisattikuntakalāpādiāyudhasippaṃ. Muddāgaṇanāti aṅgulisaṃkocanādinā hatthamuddāya gaṇanā. Ādisaddena pāṇādīnaṃ saṅgaho. Pacchācariyā nāma mātāpitūnaṃ santike uggahitagahaṭṭhavattasseva puggalassa yathāsakaṃ hatthācariyādīnaṃ sippaggāhāpananti katvā sabbapaṭhamaṃ ācariyā nāmāti yojetabbaṃ. Ānīya hutaṃ āhutaṃ. Pakārehi hutaṃ pāhutaṃ. Abhisaṅkhatanti tasseva vevacanaṃ.
намо гарзяяаад̇и сааяам̣ баад̇ам̣ убадтаанам̣ г̇анд̇ваа ‘‘ид̣̇ам̣ маяхам̣ уд̇д̇амабун̃н̃агкзд̇д̇а’’нд̇и намаггаарам̣ гарзяяа. д̇ааяа нам̣ баарижарияааяаад̇и зд̇т̇а нанд̇и нибаад̇амад̇д̇ам̣, яат̇аавуд̇д̇абарижаран̣знаад̇и ад̇т̇о . ат̇а ваа баарижарияааяаад̇и бхаран̣агижжагаран̣агулавам̣саббад̇идтаанаабанаад̣̇инаа бан̃жавид̇хаубадтаанзна. вуд̇д̇ан̃хзд̇ам̣ –
Namo kareyyāti sāyaṃ pātaṃ upaṭṭhānaṃ gantvā ‘‘idaṃ mayhaṃ uttamapuññakkhetta’’nti namakkāraṃ kareyya. Tāya naṃ pāricariyāyāti ettha nanti nipātamattaṃ, yathāvuttaparicaraṇenāti attho . Atha vā pāricariyāyāti bharaṇakiccakaraṇakulavaṃsappatiṭṭhānāpanādinā pañcavidhaupaṭṭhānena. Vuttañhetaṃ –
‘‘бан̃жахи ко, г̇ахабад̇ибуд̇д̇а, таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтаад̇аб̣б̣аа – ‘бхад̇о нзсам̣ бхариссаами, гижжам̣ нзсам̣ гариссаами, гулавам̣сам̣ табзссаами, д̣̇ааяаж̇ж̇ам̣ бадибаж̇ж̇аами, ат̇а ваа бана бзд̇аанам̣ гаалагад̇аанам̣ д̣̇агкин̣ам̣ ануббад̣̇ассаамий’д̇и. имзхи ко, г̇ахабад̇ибуд̇д̇а, бан̃жахи таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтид̇аа бан̃жахи таанзхи буд̇д̇ам̣ анугамбанд̇и, баабаа ниваарзнд̇и, галяаан̣з нивзсзнд̇и, сиббам̣ сигкаабзнд̇и, бад̇ируубзна д̣̇аарзна сам̣яож̇знд̇и, самаяз д̣̇ааяаж̇ж̇ам̣ нияяаад̣̇знд̇ий’’д̇и (д̣̇ий. ни. 3.267).
‘‘Pañcahi kho, gahapatiputta, ṭhānehi puttena puratthimā disā mātāpitaro paccupaṭṭhātabbā – ‘bhato nesaṃ bharissāmi, kiccaṃ nesaṃ karissāmi, kulavaṃsaṃ ṭhapessāmi, dāyajjaṃ paṭipajjāmi, atha vā pana petānaṃ kālakatānaṃ dakkhiṇaṃ anuppadassāmī’ti. Imehi kho, gahapatiputta, pañcahi ṭhānehi puttena puratthimā disā mātāpitaro paccupaṭṭhitā pañcahi ṭhānehi puttaṃ anukampanti, pāpā nivārenti, kalyāṇe nivesenti, sippaṃ sikkhāpenti, patirūpena dārena saṃyojenti, samaye dāyajjaṃ niyyādentī’’ti (dī. ni. 3.267).
абижа яо маад̇аабид̇аро д̇ийсу вад̇т̇уусу абхиббасаннз гад̇ваа сийлзсу ваа бад̇идтаабзд̇ваа баб̣б̣аж̇ж̇ааяа ваа нияож̇зд̇ваа убадтахад̇и, аяам̣ маад̇аабид̇уубадтаагаанам̣ аг̇г̇од̇и взд̣̇ид̇аб̣б̣о. саа банааяам̣ баарижарияаа буд̇д̇асса убхаяалогахид̇асукаавахаад̇и д̇ам̣ д̣̇ассзд̇ум̣ ‘‘ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и вуд̇д̇ам̣. басам̣санд̇ийд̇и ‘‘аяам̣ буг̇г̇ало мад̇д̇зяяо бзд̇д̇зяяо саг̇г̇асам̣вад̇д̇анияам̣ бадибад̣̇ам̣ буурзд̇ий’’д̇и ид̇хзва нам̣ басам̣санд̇и. аамод̣̇ад̇и аад̣̇ид̇о бадтааяа мод̣̇аббад̇д̇ияаа. бамод̣̇ад̇и наанаббагаарамод̣̇асамбавад̇д̇ияаа.
Apica yo mātāpitaro tīsu vatthūsu abhippasanne katvā sīlesu vā patiṭṭhāpetvā pabbajjāya vā niyojetvā upaṭṭhahati, ayaṃ mātāpitūpaṭṭhākānaṃ aggoti veditabbo. Sā panāyaṃ pāricariyā puttassa ubhayalokahitasukhāvahāti taṃ dassetuṃ ‘‘idheva naṃ pasaṃsanti, pecca sagge pamodatī’’ti vuttaṃ. Pasaṃsantīti ‘‘ayaṃ puggalo matteyyo petteyyo saggasaṃvattaniyaṃ paṭipadaṃ pūretī’’ti idheva naṃ pasaṃsanti. Āmodati ādito paṭṭhāya modappattiyā. Pamodati nānappakāramodasampavattiyā.
саб̣рахмагасуд̇д̇аван̣н̣анаа нидтид̇аа.
Sabrahmakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1.саб̣рахмагасуд̇д̇ам̣ • 1. Sabrahmakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. саб̣рахмагасуд̇д̇аван̣н̣анаа • 1. Sabrahmakasuttavaṇṇanā
