| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༦. ཚཊྛཝགྒོ
6. Chaṭṭhavaggo
(༥༥) ༣. སཙྩཀཐཱ
(55) 3. Saccakathā
༤༥༢. ཙཏྟཱརི སཙྩཱནི ཨསངྑཏཱནཱིཏི? ཨཱམནྟཱ། ཙཏྟཱརི ཏཱཎཱནི ཙཏྟཱརི ལེཎཱནི ཙཏྟཱརི སརཎཱནི ཙཏྟཱརི པརཱཡནཱནི ཙཏྟཱརི ཨཙྩུཏཱནི ཙཏྟཱརི ཨམཏཱནི ཙཏྟཱརི ནིབྦཱནཱནཱིཏི? ན ཧེཝཾ ཝཏྟབྦེ…པེ॰… ཙཏྟཱརི ནིབྦཱནཱནཱིཏི? ཨཱམནྟཱ། ཨཏྠི ཙཏུནྣཾ ནིབྦཱནཱནཾ ཨུཙྩནཱིཙཏཱ ཧཱིནཔཎཱིཏཏཱ ཨུཀྐཾསཱཝཀཾསོ སཱིམཱ ཝཱ བྷེདོ ཝཱ རཱཛི ཝཱ ཨནྟརིཀཱ ཝཱཏི? ན ཧེཝཾ ཝཏྟབྦེ…པེ॰…།
452. Cattāri saccāni asaṅkhatānīti? Āmantā. Cattāri tāṇāni cattāri leṇāni cattāri saraṇāni cattāri parāyanāni cattāri accutāni cattāri amatāni cattāri nibbānānīti? Na hevaṃ vattabbe…pe… cattāri nibbānānīti? Āmantā. Atthi catunnaṃ nibbānānaṃ uccanīcatā hīnapaṇītatā ukkaṃsāvakaṃso sīmā vā bhedo vā rāji vā antarikā vāti? Na hevaṃ vattabbe…pe….
དུཀྑསཙྩཾ ཨསངྑཏནྟི? ཨཱམནྟཱ ། དུཀྑཾ ཨསངྑཏནྟི? ན ཧེཝཾ ཝཏྟབྦེ…པེ॰… དུཀྑསཙྩཾ ཨསངྑཏནྟི? ཨཱམནྟཱ། ཀཱཡིཀཾ དུཀྑཾ ཙེཏསིཀཾ དུཀྑཾ སོཀཔརིདེཝདུཀྑདོམནསྶཨུཔཱཡཱསཱ ཨསངྑཏཱཏི? ན ཧེཝཾ ཝཏྟབྦེ…པེ॰… སམུདཡསཙྩཾ ཨསངྑཏནྟི? ཨཱམནྟཱ། སམུདཡོ ཨསངྑཏོཏི? ན ཧེཝཾ ཝཏྟབྦེ…པེ॰… སམུདཡསཙྩཾ ཨསངྑཏནྟི? ཨཱམནྟཱ། ཀཱམཏཎྷཱ བྷཝཏཎྷཱ ཝིབྷཝཏཎྷཱ ཨསངྑཏཱཏི? ན ཧེཝཾ ཝཏྟབྦེ…པེ॰… མགྒསཙྩཾ ཨསངྑཏནྟི? ཨཱམནྟཱ། མགྒོ ཨསངྑཏོཏི? ན ཧེཝཾ ཝཏྟབྦེ…པེ॰… མགྒསཙྩཾ ཨསངྑཏནྟི? ཨཱམནྟཱ། སམྨཱདིཊྛི…པེ॰… སམྨཱསམཱདྷི ཨསངྑཏོཏི? ན ཧེཝཾ ཝཏྟབྦེ…པེ॰…།
Dukkhasaccaṃ asaṅkhatanti? Āmantā . Dukkhaṃ asaṅkhatanti? Na hevaṃ vattabbe…pe… dukkhasaccaṃ asaṅkhatanti? Āmantā. Kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā asaṅkhatāti? Na hevaṃ vattabbe…pe… samudayasaccaṃ asaṅkhatanti? Āmantā. Samudayo asaṅkhatoti? Na hevaṃ vattabbe…pe… samudayasaccaṃ asaṅkhatanti? Āmantā. Kāmataṇhā bhavataṇhā vibhavataṇhā asaṅkhatāti? Na hevaṃ vattabbe…pe… maggasaccaṃ asaṅkhatanti? Āmantā. Maggo asaṅkhatoti? Na hevaṃ vattabbe…pe… maggasaccaṃ asaṅkhatanti? Āmantā. Sammādiṭṭhi…pe… sammāsamādhi asaṅkhatoti? Na hevaṃ vattabbe…pe….
དུཀྑཾ སངྑཏནྟི? ཨཱམནྟཱ། དུཀྑསཙྩཾ སངྑཏནྟི? ན ཧེཝཾ ཝཏྟབྦེ…པེ॰… ཀཱཡིཀཾ དུཀྑཾ ཙེཏསིཀཾ དུཀྑཾ སོཀཔརིདེཝདུཀྑདོམནསྶཨུཔཱཡཱསཱ སངྑཏཱཏི? ཨཱམནྟཱ། དུཀྑསཙྩཾ སངྑཏནྟི? ན ཧེཝཾ ཝཏྟབྦེ…པེ॰… སམུདཡོ སངྑཏོཏི? ཨཱམནྟཱ། སམུདཡསཙྩཾ སངྑཏནྟི? ན ཧེཝཾ ཝཏྟབྦེ…པེ॰… ཀཱམཏཎྷཱ བྷཝཏཎྷཱ ཝིབྷཝཏཎྷཱ སངྑཏཱཏི? ཨཱམནྟཱ ། སམུདཡསཙྩཾ སངྑཏནྟི? ན ཧེཝཾ ཝཏྟབྦེ…པེ॰… མགྒོ སངྑཏོཏི? ཨཱམནྟཱ། མགྒསཙྩཾ སངྑཏནྟི? ན ཧེཝཾ ཝཏྟབྦེ…པེ॰… སམྨཱདིཊྛི…པེ॰… སམྨཱསམཱདྷི སངྑཏོཏི? ཨཱམནྟཱ། མགྒསཙྩཾ སངྑཏནྟི? ན ཧེཝཾ ཝཏྟབྦེ…པེ॰…།
Dukkhaṃ saṅkhatanti? Āmantā. Dukkhasaccaṃ saṅkhatanti? Na hevaṃ vattabbe…pe… kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā saṅkhatāti? Āmantā. Dukkhasaccaṃ saṅkhatanti? Na hevaṃ vattabbe…pe… samudayo saṅkhatoti? Āmantā. Samudayasaccaṃ saṅkhatanti? Na hevaṃ vattabbe…pe… kāmataṇhā bhavataṇhā vibhavataṇhā saṅkhatāti? Āmantā . Samudayasaccaṃ saṅkhatanti? Na hevaṃ vattabbe…pe… maggo saṅkhatoti? Āmantā. Maggasaccaṃ saṅkhatanti? Na hevaṃ vattabbe…pe… sammādiṭṭhi…pe… sammāsamādhi saṅkhatoti? Āmantā. Maggasaccaṃ saṅkhatanti? Na hevaṃ vattabbe…pe….
༤༥༣. ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ། དུཀྑསཙྩཾ ཨསངྑཏཾ, དུཀྑཾ ཨསངྑཏནྟི? ན ཧེཝཾ ཝཏྟབྦེ…པེ॰… ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ། སམུདཡསཙྩཾ ཨསངྑཏཾ, སམུདཡོ ཨསངྑཏོཏི? ན ཧེཝཾ ཝཏྟབྦེ…པེ॰… ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ། མགྒསཙྩཾ ཨསངྑཏཾ, མགྒོ ཨསངྑཏོཏི? ན ཧེཝཾ ཝཏྟབྦེ…པེ॰…།
453. Nirodhasaccaṃ asaṅkhataṃ, nirodho asaṅkhatoti? Āmantā. Dukkhasaccaṃ asaṅkhataṃ, dukkhaṃ asaṅkhatanti? Na hevaṃ vattabbe…pe… nirodhasaccaṃ asaṅkhataṃ, nirodho asaṅkhatoti? Āmantā. Samudayasaccaṃ asaṅkhataṃ, samudayo asaṅkhatoti? Na hevaṃ vattabbe…pe… nirodhasaccaṃ asaṅkhataṃ, nirodho asaṅkhatoti? Āmantā. Maggasaccaṃ asaṅkhataṃ, maggo asaṅkhatoti? Na hevaṃ vattabbe…pe….
དུཀྑསཙྩཾ ཨསངྑཏཾ, དུཀྑཾ སངྑཏནྟི? ཨཱམནྟཱ། ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ॰… སམུདཡསཙྩཾ ཨསངྑཏཾ, སམུདཡོ སངྑཏོཏི? ཨཱམནྟཱ། ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ॰… མགྒསཙྩཾ ཨསངྑཏཾ, མགྒོ སངྑཏོཏི? ཨཱམནྟཱ། ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ॰…།
Dukkhasaccaṃ asaṅkhataṃ, dukkhaṃ saṅkhatanti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe… samudayasaccaṃ asaṅkhataṃ, samudayo saṅkhatoti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe… maggasaccaṃ asaṅkhataṃ, maggo saṅkhatoti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe….
༤༥༤. ན ཝཏྟབྦཾ – ‘‘ཙཏྟཱརི སཙྩཱནི ཨསངྑཏཱནཱི’’ཏི? ཨཱམནྟཱ ། ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, ཏཐཱནི ཨཝིཏཐཱནི ཨནཉྙཐཱནི! ཀཏམཱནི ཙཏྟཱརི? ‘ཨིདཾ དུཀྑ’ནྟི, བྷིཀྑཝེ, ཏཐམེཏཾ ཨཝིཏཐམེཏཾ ཨནཉྙཐམེཏཾ…པེ॰… ‘ཨཡཾ དུཀྑསམུདཡོ’ཏི…པེ॰… ‘ཨཡཾ དུཀྑནིརོདྷོ’ཏི…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ། ཨིམཱནི ཁོ, བྷིཀྑཝེ, ཙཏྟཱརི ཏཐཱནི ཨཝིཏཐཱནི ཨནཉྙཐཱནཱི’’ཏི 1། ཨཏྠེཝ སུཏྟནྟོཏི? ཨཱམནྟཱ། ཏེན ཧི ཙཏྟཱརི སཙྩཱནི ཨསངྑཏཱནཱིཏི།
454. Na vattabbaṃ – ‘‘cattāri saccāni asaṅkhatānī’’ti? Āmantā . Nanu vuttaṃ bhagavatā – ‘‘cattārimāni, bhikkhave, tathāni avitathāni anaññathāni! Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathametaṃ…pe… ‘ayaṃ dukkhasamudayo’ti…pe… ‘ayaṃ dukkhanirodho’ti…pe… ‘ayaṃ dukkhanirodhagāminī paṭipadā’ti tathametaṃ avitathametaṃ anaññathametaṃ. Imāni kho, bhikkhave, cattāri tathāni avitathāni anaññathānī’’ti 2. Attheva suttantoti? Āmantā. Tena hi cattāri saccāni asaṅkhatānīti.
སཙྩཀཐཱ ནིཊྛིཏཱ།
Saccakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༣. སཙྩཀཐཱཝཎྞནཱ • 3. Saccakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. སཙྩཀཐཱཝཎྞནཱ • 3. Saccakathāvaṇṇanā
