| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੫੫) ੩. ਸਚ੍ਚਕਥਾ
(55) 3. Saccakathā
੪੫੨. ਚਤ੍ਤਾਰਿ ਸਚ੍ਚਾਨਿ ਅਸਙ੍ਖਤਾਨੀਤਿ? ਆਮਨ੍ਤਾ। ਚਤ੍ਤਾਰਿ ਤਾਣਾਨਿ ਚਤ੍ਤਾਰਿ ਲੇਣਾਨਿ ਚਤ੍ਤਾਰਿ ਸਰਣਾਨਿ ਚਤ੍ਤਾਰਿ ਪਰਾਯਨਾਨਿ ਚਤ੍ਤਾਰਿ ਅਚ੍ਚੁਤਾਨਿ ਚਤ੍ਤਾਰਿ ਅਮਤਾਨਿ ਚਤ੍ਤਾਰਿ ਨਿਬ੍ਬਾਨਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਚਤ੍ਤਾਰਿ ਨਿਬ੍ਬਾਨਾਨੀਤਿ? ਆਮਨ੍ਤਾ। ਅਤ੍ਥਿ ਚਤੁਨ੍ਨਂ ਨਿਬ੍ਬਾਨਾਨਂ ਉਚ੍ਚਨੀਚਤਾ ਹੀਨਪਣੀਤਤਾ ਉਕ੍ਕਂਸਾવਕਂਸੋ ਸੀਮਾ વਾ ਭੇਦੋ વਾ ਰਾਜਿ વਾ ਅਨ੍ਤਰਿਕਾ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
452. Cattāri saccāni asaṅkhatānīti? Āmantā. Cattāri tāṇāni cattāri leṇāni cattāri saraṇāni cattāri parāyanāni cattāri accutāni cattāri amatāni cattāri nibbānānīti? Na hevaṃ vattabbe…pe… cattāri nibbānānīti? Āmantā. Atthi catunnaṃ nibbānānaṃ uccanīcatā hīnapaṇītatā ukkaṃsāvakaṃso sīmā vā bhedo vā rāji vā antarikā vāti? Na hevaṃ vattabbe…pe….
ਦੁਕ੍ਖਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ । ਦੁਕ੍ਖਂ ਅਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦੁਕ੍ਖਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ। ਕਾਯਿਕਂ ਦੁਕ੍ਖਂ ਚੇਤਸਿਕਂ ਦੁਕ੍ਖਂ ਸੋਕਪਰਿਦੇવਦੁਕ੍ਖਦੋਮਨਸ੍ਸਉਪਾਯਾਸਾ ਅਸਙ੍ਖਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮੁਦਯਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ। ਸਮੁਦਯੋ ਅਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮੁਦਯਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ। ਕਾਮਤਣ੍ਹਾ ਭવਤਣ੍ਹਾ વਿਭવਤਣ੍ਹਾ ਅਸਙ੍ਖਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਮਗ੍ਗਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ। ਮਗ੍ਗੋ ਅਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਮਗ੍ਗਸਚ੍ਚਂ ਅਸਙ੍ਖਤਨ੍ਤਿ? ਆਮਨ੍ਤਾ। ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ ਅਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Dukkhasaccaṃ asaṅkhatanti? Āmantā . Dukkhaṃ asaṅkhatanti? Na hevaṃ vattabbe…pe… dukkhasaccaṃ asaṅkhatanti? Āmantā. Kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā asaṅkhatāti? Na hevaṃ vattabbe…pe… samudayasaccaṃ asaṅkhatanti? Āmantā. Samudayo asaṅkhatoti? Na hevaṃ vattabbe…pe… samudayasaccaṃ asaṅkhatanti? Āmantā. Kāmataṇhā bhavataṇhā vibhavataṇhā asaṅkhatāti? Na hevaṃ vattabbe…pe… maggasaccaṃ asaṅkhatanti? Āmantā. Maggo asaṅkhatoti? Na hevaṃ vattabbe…pe… maggasaccaṃ asaṅkhatanti? Āmantā. Sammādiṭṭhi…pe… sammāsamādhi asaṅkhatoti? Na hevaṃ vattabbe…pe….
ਦੁਕ੍ਖਂ ਸਙ੍ਖਤਨ੍ਤਿ? ਆਮਨ੍ਤਾ। ਦੁਕ੍ਖਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਾਯਿਕਂ ਦੁਕ੍ਖਂ ਚੇਤਸਿਕਂ ਦੁਕ੍ਖਂ ਸੋਕਪਰਿਦੇવਦੁਕ੍ਖਦੋਮਨਸ੍ਸਉਪਾਯਾਸਾ ਸਙ੍ਖਤਾਤਿ? ਆਮਨ੍ਤਾ। ਦੁਕ੍ਖਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮੁਦਯੋ ਸਙ੍ਖਤੋਤਿ? ਆਮਨ੍ਤਾ। ਸਮੁਦਯਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਾਮਤਣ੍ਹਾ ਭવਤਣ੍ਹਾ વਿਭવਤਣ੍ਹਾ ਸਙ੍ਖਤਾਤਿ? ਆਮਨ੍ਤਾ । ਸਮੁਦਯਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਮਗ੍ਗੋ ਸਙ੍ਖਤੋਤਿ? ਆਮਨ੍ਤਾ। ਮਗ੍ਗਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ ਸਙ੍ਖਤੋਤਿ? ਆਮਨ੍ਤਾ। ਮਗ੍ਗਸਚ੍ਚਂ ਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Dukkhaṃ saṅkhatanti? Āmantā. Dukkhasaccaṃ saṅkhatanti? Na hevaṃ vattabbe…pe… kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā saṅkhatāti? Āmantā. Dukkhasaccaṃ saṅkhatanti? Na hevaṃ vattabbe…pe… samudayo saṅkhatoti? Āmantā. Samudayasaccaṃ saṅkhatanti? Na hevaṃ vattabbe…pe… kāmataṇhā bhavataṇhā vibhavataṇhā saṅkhatāti? Āmantā . Samudayasaccaṃ saṅkhatanti? Na hevaṃ vattabbe…pe… maggo saṅkhatoti? Āmantā. Maggasaccaṃ saṅkhatanti? Na hevaṃ vattabbe…pe… sammādiṭṭhi…pe… sammāsamādhi saṅkhatoti? Āmantā. Maggasaccaṃ saṅkhatanti? Na hevaṃ vattabbe…pe….
੪੫੩. ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਅਸਙ੍ਖਤੋਤਿ? ਆਮਨ੍ਤਾ। ਦੁਕ੍ਖਸਚ੍ਚਂ ਅਸਙ੍ਖਤਂ, ਦੁਕ੍ਖਂ ਅਸਙ੍ਖਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਅਸਙ੍ਖਤੋਤਿ? ਆਮਨ੍ਤਾ। ਸਮੁਦਯਸਚ੍ਚਂ ਅਸਙ੍ਖਤਂ, ਸਮੁਦਯੋ ਅਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਅਸਙ੍ਖਤੋਤਿ? ਆਮਨ੍ਤਾ। ਮਗ੍ਗਸਚ੍ਚਂ ਅਸਙ੍ਖਤਂ, ਮਗ੍ਗੋ ਅਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
453. Nirodhasaccaṃ asaṅkhataṃ, nirodho asaṅkhatoti? Āmantā. Dukkhasaccaṃ asaṅkhataṃ, dukkhaṃ asaṅkhatanti? Na hevaṃ vattabbe…pe… nirodhasaccaṃ asaṅkhataṃ, nirodho asaṅkhatoti? Āmantā. Samudayasaccaṃ asaṅkhataṃ, samudayo asaṅkhatoti? Na hevaṃ vattabbe…pe… nirodhasaccaṃ asaṅkhataṃ, nirodho asaṅkhatoti? Āmantā. Maggasaccaṃ asaṅkhataṃ, maggo asaṅkhatoti? Na hevaṃ vattabbe…pe….
ਦੁਕ੍ਖਸਚ੍ਚਂ ਅਸਙ੍ਖਤਂ, ਦੁਕ੍ਖਂ ਸਙ੍ਖਤਨ੍ਤਿ? ਆਮਨ੍ਤਾ। ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਮੁਦਯਸਚ੍ਚਂ ਅਸਙ੍ਖਤਂ, ਸਮੁਦਯੋ ਸਙ੍ਖਤੋਤਿ? ਆਮਨ੍ਤਾ। ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਮਗ੍ਗਸਚ੍ਚਂ ਅਸਙ੍ਖਤਂ, ਮਗ੍ਗੋ ਸਙ੍ਖਤੋਤਿ? ਆਮਨ੍ਤਾ। ਨਿਰੋਧਸਚ੍ਚਂ ਅਸਙ੍ਖਤਂ, ਨਿਰੋਧੋ ਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Dukkhasaccaṃ asaṅkhataṃ, dukkhaṃ saṅkhatanti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe… samudayasaccaṃ asaṅkhataṃ, samudayo saṅkhatoti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe… maggasaccaṃ asaṅkhataṃ, maggo saṅkhatoti? Āmantā. Nirodhasaccaṃ asaṅkhataṃ, nirodho saṅkhatoti? Na hevaṃ vattabbe…pe….
੪੫੪. ਨ વਤ੍ਤਬ੍ਬਂ – ‘‘ਚਤ੍ਤਾਰਿ ਸਚ੍ਚਾਨਿ ਅਸਙ੍ਖਤਾਨੀ’’ਤਿ? ਆਮਨ੍ਤਾ । ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਤਥਾਨਿ ਅવਿਤਥਾਨਿ ਅਨਞ੍ਞਥਾਨਿ! ਕਤਮਾਨਿ ਚਤ੍ਤਾਰਿ? ‘ਇਦਂ ਦੁਕ੍ਖ’ਨ੍ਤਿ, ਭਿਕ੍ਖવੇ, ਤਥਮੇਤਂ ਅવਿਤਥਮੇਤਂ ਅਨਞ੍ਞਥਮੇਤਂ…ਪੇ॰… ‘ਅਯਂ ਦੁਕ੍ਖਸਮੁਦਯੋ’ਤਿ…ਪੇ॰… ‘ਅਯਂ ਦੁਕ੍ਖਨਿਰੋਧੋ’ਤਿ…ਪੇ॰… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਤਥਮੇਤਂ ਅવਿਤਥਮੇਤਂ ਅਨਞ੍ਞਥਮੇਤਂ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਤਥਾਨਿ ਅવਿਤਥਾਨਿ ਅਨਞ੍ਞਥਾਨੀ’’ਤਿ 1। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਚਤ੍ਤਾਰਿ ਸਚ੍ਚਾਨਿ ਅਸਙ੍ਖਤਾਨੀਤਿ।
454. Na vattabbaṃ – ‘‘cattāri saccāni asaṅkhatānī’’ti? Āmantā . Nanu vuttaṃ bhagavatā – ‘‘cattārimāni, bhikkhave, tathāni avitathāni anaññathāni! Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathametaṃ…pe… ‘ayaṃ dukkhasamudayo’ti…pe… ‘ayaṃ dukkhanirodho’ti…pe… ‘ayaṃ dukkhanirodhagāminī paṭipadā’ti tathametaṃ avitathametaṃ anaññathametaṃ. Imāni kho, bhikkhave, cattāri tathāni avitathāni anaññathānī’’ti 2. Attheva suttantoti? Āmantā. Tena hi cattāri saccāni asaṅkhatānīti.
ਸਚ੍ਚਕਥਾ ਨਿਟ੍ਠਿਤਾ।
Saccakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਸਚ੍ਚਕਥਾવਣ੍ਣਨਾ • 3. Saccakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸਚ੍ਚਕਥਾવਣ੍ਣਨਾ • 3. Saccakathāvaṇṇanā
