| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. сажжагат̇аа
2. Saccakathā
сажжагат̇ааван̣н̣анаа
Saccakathāvaṇṇanā
8. ид̣̇аани яуг̇анад̣̇д̇хаг̇ун̣асса арияамаг̇г̇асса васзна сажжадтам̣ сажжабадивзд̇хависзсам̣ сажжалагкан̣аад̣̇ивид̇хаанан̃жа д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа сажжагат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава д̇ат̇аанийд̇и яат̇аасабхаававасзна д̇ажчаани. яат̇аасабхаавабхууд̇аанзва хи д̇хаммаж̇аад̇аани сажжадтзна сажжаани. сажжадто батаман̃аан̣анид̣̇д̣̇зсаван̣н̣анааяам̣ вуд̇д̇о. авид̇ат̇аанийд̇и вуд̇д̇асабхаавз вибарияааяавирахид̇аани. на хи сажжаани асажжаани наама хонд̇и. анан̃н̃ат̇аанийд̇и ан̃н̃асабхаававирахид̇аани. на хи асажжаани сажжаани наама хонд̇и. ид̣̇ам̣ д̣̇угканд̇и, бхигкавз, д̇ат̇амзд̇анд̇и бхигкавз, ид̣̇ам̣ д̣̇угканд̇и яам̣ вужжад̇и, зд̇ам̣ яат̇аасабхаавад̇д̇аа д̇ат̇ам̣. д̣̇угкамзва хи д̣̇угкам̣. вуд̇д̇асабхаавз вибарияааяаабхаавад̇о авид̇ат̇ам̣. на хи д̣̇угкам̣ ад̣̇угкам̣ наама ход̇и. ан̃н̃асабхаававирахид̇ад̇д̇аа анан̃н̃ат̇ам̣. на хи д̣̇угкам̣ самуд̣̇аяаад̣̇исабхаавам̣ ход̇и. самуд̣̇аяаад̣̇ийсуби зсзва наяо.
8. Idāni yuganaddhaguṇassa ariyamaggassa vasena saccaṭṭhaṃ saccapaṭivedhavisesaṃ saccalakkhaṇādividhānañca dassentena kathitāya suttantapubbaṅgamāya saccakathāya apubbatthānuvaṇṇanā. Tattha suttante tāva tathānīti yathāsabhāvavasena tacchāni. Yathāsabhāvabhūtāneva hi dhammajātāni saccaṭṭhena saccāni. Saccaṭṭho paṭhamañāṇaniddesavaṇṇanāyaṃ vutto. Avitathānīti vuttasabhāve vipariyāyavirahitāni. Na hi saccāni asaccāni nāma honti. Anaññathānīti aññasabhāvavirahitāni. Na hi asaccāni saccāni nāma honti. Idaṃ dukkhanti, bhikkhave, tathametanti bhikkhave, idaṃ dukkhanti yaṃ vuccati, etaṃ yathāsabhāvattā tathaṃ. Dukkhameva hi dukkhaṃ. Vuttasabhāve vipariyāyābhāvato avitathaṃ. Na hi dukkhaṃ adukkhaṃ nāma hoti. Aññasabhāvavirahitattā anaññathaṃ. Na hi dukkhaṃ samudayādisabhāvaṃ hoti. Samudayādīsupi eseva nayo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. сажжагат̇аа • 2. Saccakathā
