| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. སཙྩཀཐཱཝཎྞནཱ
3. Saccakathāvaṇṇanā
༤༥༢-༤༥༤. ཨིདཱནི སཙྩཀཐཱ ནཱམ ཧོཏི། ཏཏྠ ཡེསཾ ‘‘ཙཏྟཱརིམཱནི, བྷིཀྑཝེ, ཏཐཱནི ཨཝིཏཐཱནཱི’’ཏི (སཾ॰ ནི॰ ༥.༡༠༩༠) སུཏྟཾ ནིསྶཱཡ ‘‘ཙཏྟཱརི སཙྩཱནི ནིཙྩཱནི ཨསངྑཏཱནཱི’’ཏི ལདྡྷི, སེཡྻཐཱཔི པུབྦསེལིཡཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཡཉྷིསྶ ཨདྷིཔྤཱཡོ – དུཀྑསམུདཡམགྒེསུ ཝཏྠུསཙྩཾ སངྑཏཾ, ལཀྑཎསཙྩཾ ཨསངྑཏཾ། ནིརོདྷེ ཝཏྠུསཙྩཾ ནཱམ ནཏྠི ཨསངྑཏམེཝ ཏནྟི། ཏསྨཱ ཨཱམནྟཱཏི ཨཱཧ། ཏཾ པནསྶ ལདྡྷིམཏྟམེཝ། སོ ཧི དུཀྑཾ ཝཏྠུསཙྩཾ ཨིཙྪཏི, ཏཐཱ སམུདཡཾ མགྒཉྩ། ཡཱནི པན ནེསཾ བཱདྷནཔབྷཝནིཡྻཱནིཀལཀྑཎཱནི, ཏཱནི ལཀྑཎསཙྩཾ ནཱམཱཏི, ན ཙ བཱདྷནལཀྑཎཱདཱིཧི ཨཉྙཱནི དུཀྑཱདཱིནི ནཱམ ཨཏྠཱིཏི། ཏཱཎཱནཱིཏིཨཱདཱིསུ ཨདྷིཔྤཱཡོ ཝུཏྟནཡེནེཝ ཝེདིཏབྦོ།
452-454. Idāni saccakathā nāma hoti. Tattha yesaṃ ‘‘cattārimāni, bhikkhave, tathāni avitathānī’’ti (saṃ. ni. 5.1090) suttaṃ nissāya ‘‘cattāri saccāni niccāni asaṅkhatānī’’ti laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Ayañhissa adhippāyo – dukkhasamudayamaggesu vatthusaccaṃ saṅkhataṃ, lakkhaṇasaccaṃ asaṅkhataṃ. Nirodhe vatthusaccaṃ nāma natthi asaṅkhatameva tanti. Tasmā āmantāti āha. Taṃ panassa laddhimattameva. So hi dukkhaṃ vatthusaccaṃ icchati, tathā samudayaṃ maggañca. Yāni pana nesaṃ bādhanapabhavaniyyānikalakkhaṇāni, tāni lakkhaṇasaccaṃ nāmāti, na ca bādhanalakkhaṇādīhi aññāni dukkhādīni nāma atthīti. Tāṇānītiādīsu adhippāyo vuttanayeneva veditabbo.
དུཀྑསཙྩནྟི པཉྷེ ལདྡྷིཝསེན ལཀྑཎཾ སནྡྷཱཡ པཊིཛཱནཱཏི། དུཀྑནྟི པཉྷེ ཝཏྠུཾ སནྡྷཱཡ པཊིཀྑིཔཏི། ཨིཏོ པརཾ སུདྡྷིཀཔཉྷཱ ཙ སཾསནྡནཔཉྷཱ ཙ སབྦེ པཱལི༹ཨནུསཱརེནེཝ ཝེདིཏབྦཱ། ཨཝསཱནེ ལདྡྷིཔཏིཊྛཱཔནཏྠཾ ཨཱཧཊསུཏྟཾ ཨཏྠསྶ མིཙྪཱ གཧིཏཏྟཱ ཨནཱཧཊསདིསམེཝཱཏི།
Dukkhasaccanti pañhe laddhivasena lakkhaṇaṃ sandhāya paṭijānāti. Dukkhanti pañhe vatthuṃ sandhāya paṭikkhipati. Ito paraṃ suddhikapañhā ca saṃsandanapañhā ca sabbe pāḷianusāreneva veditabbā. Avasāne laddhipatiṭṭhāpanatthaṃ āhaṭasuttaṃ atthassa micchā gahitattā anāhaṭasadisamevāti.
སཙྩཀཐཱཝཎྞནཱ།
Saccakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༥༥) ༣. སཙྩཀཐཱ • (55) 3. Saccakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. སཙྩཀཐཱཝཎྞནཱ • 3. Saccakathāvaṇṇanā
