| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਸਚ੍ਚਕਥਾવਣ੍ਣਨਾ
3. Saccakathāvaṇṇanā
੪੫੨-੪੫੪. ਇਦਾਨਿ ਸਚ੍ਚਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਤਥਾਨਿ ਅવਿਤਥਾਨੀ’’ਤਿ (ਸਂ॰ ਨਿ॰ ੫.੧੦੯੦) ਸੁਤ੍ਤਂ ਨਿਸ੍ਸਾਯ ‘‘ਚਤ੍ਤਾਰਿ ਸਚ੍ਚਾਨਿ ਨਿਚ੍ਚਾਨਿ ਅਸਙ੍ਖਤਾਨੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਯਞ੍ਹਿਸ੍ਸ ਅਧਿਪ੍ਪਾਯੋ – ਦੁਕ੍ਖਸਮੁਦਯਮਗ੍ਗੇਸੁ વਤ੍ਥੁਸਚ੍ਚਂ ਸਙ੍ਖਤਂ, ਲਕ੍ਖਣਸਚ੍ਚਂ ਅਸਙ੍ਖਤਂ। ਨਿਰੋਧੇ વਤ੍ਥੁਸਚ੍ਚਂ ਨਾਮ ਨਤ੍ਥਿ ਅਸਙ੍ਖਤਮੇવ ਤਨ੍ਤਿ। ਤਸ੍ਮਾ ਆਮਨ੍ਤਾਤਿ ਆਹ। ਤਂ ਪਨਸ੍ਸ ਲਦ੍ਧਿਮਤ੍ਤਮੇવ। ਸੋ ਹਿ ਦੁਕ੍ਖਂ વਤ੍ਥੁਸਚ੍ਚਂ ਇਚ੍ਛਤਿ, ਤਥਾ ਸਮੁਦਯਂ ਮਗ੍ਗਞ੍ਚ। ਯਾਨਿ ਪਨ ਨੇਸਂ ਬਾਧਨਪਭવਨਿਯ੍ਯਾਨਿਕਲਕ੍ਖਣਾਨਿ, ਤਾਨਿ ਲਕ੍ਖਣਸਚ੍ਚਂ ਨਾਮਾਤਿ, ਨ ਚ ਬਾਧਨਲਕ੍ਖਣਾਦੀਹਿ ਅਞ੍ਞਾਨਿ ਦੁਕ੍ਖਾਦੀਨਿ ਨਾਮ ਅਤ੍ਥੀਤਿ। ਤਾਣਾਨੀਤਿਆਦੀਸੁ ਅਧਿਪ੍ਪਾਯੋ વੁਤ੍ਤਨਯੇਨੇવ વੇਦਿਤਬ੍ਬੋ।
452-454. Idāni saccakathā nāma hoti. Tattha yesaṃ ‘‘cattārimāni, bhikkhave, tathāni avitathānī’’ti (saṃ. ni. 5.1090) suttaṃ nissāya ‘‘cattāri saccāni niccāni asaṅkhatānī’’ti laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Ayañhissa adhippāyo – dukkhasamudayamaggesu vatthusaccaṃ saṅkhataṃ, lakkhaṇasaccaṃ asaṅkhataṃ. Nirodhe vatthusaccaṃ nāma natthi asaṅkhatameva tanti. Tasmā āmantāti āha. Taṃ panassa laddhimattameva. So hi dukkhaṃ vatthusaccaṃ icchati, tathā samudayaṃ maggañca. Yāni pana nesaṃ bādhanapabhavaniyyānikalakkhaṇāni, tāni lakkhaṇasaccaṃ nāmāti, na ca bādhanalakkhaṇādīhi aññāni dukkhādīni nāma atthīti. Tāṇānītiādīsu adhippāyo vuttanayeneva veditabbo.
ਦੁਕ੍ਖਸਚ੍ਚਨ੍ਤਿ ਪਞ੍ਹੇ ਲਦ੍ਧਿવਸੇਨ ਲਕ੍ਖਣਂ ਸਨ੍ਧਾਯ ਪਟਿਜਾਨਾਤਿ। ਦੁਕ੍ਖਨ੍ਤਿ ਪਞ੍ਹੇ વਤ੍ਥੁਂ ਸਨ੍ਧਾਯ ਪਟਿਕ੍ਖਿਪਤਿ। ਇਤੋ ਪਰਂ ਸੁਦ੍ਧਿਕਪਞ੍ਹਾ ਚ ਸਂਸਨ੍ਦਨਪਞ੍ਹਾ ਚ ਸਬ੍ਬੇ ਪਾਲ਼ਿਅਨੁਸਾਰੇਨੇવ વੇਦਿਤਬ੍ਬਾ। ਅવਸਾਨੇ ਲਦ੍ਧਿਪਤਿਟ੍ਠਾਪਨਤ੍ਥਂ ਆਹਟਸੁਤ੍ਤਂ ਅਤ੍ਥਸ੍ਸ ਮਿਚ੍ਛਾ ਗਹਿਤਤ੍ਤਾ ਅਨਾਹਟਸਦਿਸਮੇવਾਤਿ।
Dukkhasaccanti pañhe laddhivasena lakkhaṇaṃ sandhāya paṭijānāti. Dukkhanti pañhe vatthuṃ sandhāya paṭikkhipati. Ito paraṃ suddhikapañhā ca saṃsandanapañhā ca sabbe pāḷianusāreneva veditabbā. Avasāne laddhipatiṭṭhāpanatthaṃ āhaṭasuttaṃ atthassa micchā gahitattā anāhaṭasadisamevāti.
ਸਚ੍ਚਕਥਾવਣ੍ਣਨਾ।
Saccakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੫੫) ੩. ਸਚ੍ਚਕਥਾ • (55) 3. Saccakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸਚ੍ਚਕਥਾવਣ੍ਣਨਾ • 3. Saccakathāvaṇṇanā
