| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੨. ਸਚ੍ਚਕਥਾ
2. Saccakathā
ਸਚ੍ਚਕਥਾવਣ੍ਣਨਾ
Saccakathāvaṇṇanā
੮. ਇਦਾਨਿ ਯੁਗਨਦ੍ਧਗੁਣਸ੍ਸ ਅਰਿਯਮਗ੍ਗਸ੍ਸ વਸੇਨ ਸਚ੍ਚਟ੍ਠਂ ਸਚ੍ਚਪਟਿવੇਧવਿਸੇਸਂ ਸਚ੍ਚਲਕ੍ਖਣਾਦਿવਿਧਾਨਞ੍ਚ ਦਸ੍ਸੇਨ੍ਤੇਨ ਕਥਿਤਾਯ ਸੁਤ੍ਤਨ੍ਤਪੁਬ੍ਬਙ੍ਗਮਾਯ ਸਚ੍ਚਕਥਾਯ ਅਪੁਬ੍ਬਤ੍ਥਾਨੁવਣ੍ਣਨਾ। ਤਤ੍ਥ ਸੁਤ੍ਤਨ੍ਤੇ ਤਾવ ਤਥਾਨੀਤਿ ਯਥਾਸਭਾવવਸੇਨ ਤਚ੍ਛਾਨਿ। ਯਥਾਸਭਾવਭੂਤਾਨੇવ ਹਿ ਧਮ੍ਮਜਾਤਾਨਿ ਸਚ੍ਚਟ੍ਠੇਨ ਸਚ੍ਚਾਨਿ। ਸਚ੍ਚਟ੍ਠੋ ਪਠਮਞਾਣਨਿਦ੍ਦੇਸવਣ੍ਣਨਾਯਂ વੁਤ੍ਤੋ। ਅવਿਤਥਾਨੀਤਿ વੁਤ੍ਤਸਭਾવੇ વਿਪਰਿਯਾਯવਿਰਹਿਤਾਨਿ। ਨ ਹਿ ਸਚ੍ਚਾਨਿ ਅਸਚ੍ਚਾਨਿ ਨਾਮ ਹੋਨ੍ਤਿ। ਅਨਞ੍ਞਥਾਨੀਤਿ ਅਞ੍ਞਸਭਾવવਿਰਹਿਤਾਨਿ। ਨ ਹਿ ਅਸਚ੍ਚਾਨਿ ਸਚ੍ਚਾਨਿ ਨਾਮ ਹੋਨ੍ਤਿ। ਇਦਂ ਦੁਕ੍ਖਨ੍ਤਿ, ਭਿਕ੍ਖવੇ, ਤਥਮੇਤਨ੍ਤਿ ਭਿਕ੍ਖવੇ, ਇਦਂ ਦੁਕ੍ਖਨ੍ਤਿ ਯਂ વੁਚ੍ਚਤਿ, ਏਤਂ ਯਥਾਸਭਾવਤ੍ਤਾ ਤਥਂ। ਦੁਕ੍ਖਮੇવ ਹਿ ਦੁਕ੍ਖਂ। વੁਤ੍ਤਸਭਾવੇ વਿਪਰਿਯਾਯਾਭਾવਤੋ ਅવਿਤਥਂ। ਨ ਹਿ ਦੁਕ੍ਖਂ ਅਦੁਕ੍ਖਂ ਨਾਮ ਹੋਤਿ। ਅਞ੍ਞਸਭਾવવਿਰਹਿਤਤ੍ਤਾ ਅਨਞ੍ਞਥਂ। ਨ ਹਿ ਦੁਕ੍ਖਂ ਸਮੁਦਯਾਦਿਸਭਾવਂ ਹੋਤਿ। ਸਮੁਦਯਾਦੀਸੁਪਿ ਏਸੇવ ਨਯੋ।
8. Idāni yuganaddhaguṇassa ariyamaggassa vasena saccaṭṭhaṃ saccapaṭivedhavisesaṃ saccalakkhaṇādividhānañca dassentena kathitāya suttantapubbaṅgamāya saccakathāya apubbatthānuvaṇṇanā. Tattha suttante tāva tathānīti yathāsabhāvavasena tacchāni. Yathāsabhāvabhūtāneva hi dhammajātāni saccaṭṭhena saccāni. Saccaṭṭho paṭhamañāṇaniddesavaṇṇanāyaṃ vutto. Avitathānīti vuttasabhāve vipariyāyavirahitāni. Na hi saccāni asaccāni nāma honti. Anaññathānīti aññasabhāvavirahitāni. Na hi asaccāni saccāni nāma honti. Idaṃ dukkhanti, bhikkhave, tathametanti bhikkhave, idaṃ dukkhanti yaṃ vuccati, etaṃ yathāsabhāvattā tathaṃ. Dukkhameva hi dukkhaṃ. Vuttasabhāve vipariyāyābhāvato avitathaṃ. Na hi dukkhaṃ adukkhaṃ nāma hoti. Aññasabhāvavirahitattā anaññathaṃ. Na hi dukkhaṃ samudayādisabhāvaṃ hoti. Samudayādīsupi eseva nayo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੨. ਸਚ੍ਚਕਥਾ • 2. Saccakathā
