| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[73] 3. сажжам̣гираж̇аад̇агаван̣н̣анаа
[73] 3. Saccaṃkirajātakavaṇṇanā
сажжам̣ гирзвамаахам̣сууд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. бхигкусан̇гхасмин̃хи д̇хаммасабхааяам̣ нисийд̣̇ид̇ваа ‘‘аавусо, д̣̇звад̣̇ад̇д̇о сад̇т̇у г̇ун̣ам̣ на ж̇аанаад̇и, вад̇хааяаязва барисаггад̇ий’’д̇и д̣̇звад̣̇ад̇д̇асса аг̇ун̣ам̣ гат̇знд̇з сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̣̇звад̣̇ад̇д̇о маяхам̣ вад̇хааяа барисаггад̇и, буб̣б̣зби барисаггиязваа’’д̇и вад̇ваа ад̇ийд̇ам̣ аахари.
Saccaṃ kirevamāhaṃsūti idaṃ satthā veḷuvane viharanto devadattassa vadhāya parisakkanaṃ ārabbha kathesi. Bhikkhusaṅghasmiñhi dhammasabhāyaṃ nisīditvā ‘‘āvuso, devadatto satthu guṇaṃ na jānāti, vadhāyayeva parisakkatī’’ti devadattassa aguṇaṃ kathente satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva devadatto mayhaṃ vadhāya parisakkati, pubbepi parisakkiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса д̣̇удтагумааро наама буд̇д̇о ахоси гагкал̣о парусо бахадаасийвисуубамо, анаггосид̇ваа ваа абахарид̇ваа ваа гзнажи сад̣̇д̇хим̣ на гат̇зд̇и. со анд̇ож̇анасса жа б̣ахиж̇анасса жа агкимхи бад̇ид̇араж̇ам̣ вияа, каад̣̇ид̇ум̣ ааг̇ад̇абисаажо вияа жа аманаабо ахоси уб̣б̣зж̇анийяо. со згад̣̇ивасам̣ над̣̇ийгийл̣ам̣ гийл̣ид̇угаамо маханд̇зна бариваарзна над̣̇ийд̇ийрам̣ аг̇амааси. д̇асмим̣ кан̣з махаамзгхо удтахи, д̣̇исаа анд̇хагаараа ж̇аад̇аа. со д̣̇аасабзссаж̇анам̣ ааха ‘‘зт̇а бхан̣з, мам̣ г̇ахзд̇ваа над̣̇иймаж̇жхам̣ нзд̇ваа нхаабзд̇ваа аанзт̇аа’’д̇и. д̇з д̇ам̣ д̇ад̇т̇а нзд̇ваа ‘‘гим̣ но рааж̇аа гариссад̇и, имам̣ баабабурисам̣ зд̇т̇зва маарзмаа’’д̇и манд̇аяид̇ваа ‘‘зд̇т̇а г̇ажча гаал̣аган̣н̣ий’’д̇и уд̣̇агз нам̣ обилаабзд̇ваа бажжуд̇д̇арид̇ваа д̇ийрз адтам̣су. ‘‘гахам̣ гумааро’’д̇и жа вуд̇д̇з ‘‘на маяам̣ гумаарам̣ бассаама, мзгхам̣ удтид̇ам̣ д̣̇исваа уд̣̇агз нимуж̇ж̇ид̇ваа бурад̇о ааг̇ад̇о бхависсад̇ий’’д̇и. амажжаа ран̃н̃о санд̇игам̣ аг̇амам̣су. рааж̇аа ‘‘гахам̣ мз буд̇д̇о’’д̇и бужчи. на ж̇аанаама д̣̇зва, мзгхз удтид̇з ‘‘бурад̇о ааг̇ад̇о бхависсад̇ий’’д̇и сан̃н̃ааяа ааг̇ад̇амхаад̇и. рааж̇аа д̣̇ваарам̣ вивараабзд̇ваа ‘‘над̣̇ийд̇ийрам̣ г̇анд̇ваа вижинат̇аа’’д̇и д̇ад̇т̇а д̇ад̇т̇а вижинаабзси, гожи гумаарам̣ наад̣̇д̣̇аса.
Atīte bārāṇasiyaṃ brahmadatte rajjaṃ kārente tassa duṭṭhakumāro nāma putto ahosi kakkhaḷo pharuso pahaṭāsīvisūpamo, anakkositvā vā apaharitvā vā kenaci saddhiṃ na katheti. So antojanassa ca bahijanassa ca akkhimhi patitarajaṃ viya, khādituṃ āgatapisāco viya ca amanāpo ahosi ubbejanīyo. So ekadivasaṃ nadīkīḷaṃ kīḷitukāmo mahantena parivārena nadītīraṃ agamāsi. Tasmiṃ khaṇe mahāmegho uṭṭhahi, disā andhakārā jātā. So dāsapessajanaṃ āha ‘‘etha bhaṇe, maṃ gahetvā nadīmajjhaṃ netvā nhāpetvā ānethā’’ti. Te taṃ tattha netvā ‘‘kiṃ no rājā karissati, imaṃ pāpapurisaṃ ettheva māremā’’ti mantayitvā ‘‘ettha gaccha kāḷakaṇṇī’’ti udake naṃ opilāpetvā paccuttaritvā tīre aṭṭhaṃsu. ‘‘Kahaṃ kumāro’’ti ca vutte ‘‘na mayaṃ kumāraṃ passāma, meghaṃ uṭṭhitaṃ disvā udake nimujjitvā purato āgato bhavissatī’’ti. Amaccā rañño santikaṃ agamaṃsu. Rājā ‘‘kahaṃ me putto’’ti pucchi. Na jānāma deva, meghe uṭṭhite ‘‘purato āgato bhavissatī’’ti saññāya āgatamhāti. Rājā dvāraṃ vivarāpetvā ‘‘nadītīraṃ gantvā vicinathā’’ti tattha tattha vicināpesi, koci kumāraṃ nāddasa.
соби ко мзгханд̇хагаарз д̣̇звз вассанд̇з над̣̇ияаа вуяхамаано згам̣ д̣̇ааругканд̇хам̣ д̣̇исваа д̇ад̇т̇а нисийд̣̇ид̇ваа маран̣абхаяад̇аж̇ж̇ид̇о барид̣̇звамаано г̇ажчад̇и. д̇асмим̣ бана гаалз б̣аараан̣асиваасий зго сздти над̣̇ийд̇ийрз жад̇д̇аалийсагодид̇ханам̣ нид̣̇ахид̇ваава маранд̇о д̇ханад̇ан̣хааяа д̇ханабидтз саббо худ̇ваа ниб̣б̣ад̇д̇и. абаро д̇асмим̣язва бад̣̇зсз д̇им̣са годияо нид̣̇ахид̇ваа д̇ханад̇ан̣хааяа д̇ад̇т̇зва унд̣̇ууро худ̇ваа ниб̣б̣ад̇д̇и. д̇зсам̣ васанадтаанам̣ уд̣̇агам̣ баависи. д̇з уд̣̇агасса бавидтамаг̇г̇знзва нигкамид̇ваа сод̇ам̣ чинд̣̇анд̇аа г̇анд̇ваа д̇ам̣ рааж̇агумаарзна абхинисиннам̣ д̣̇ааругканд̇хам̣ бад̇ваа зго згам̣ годим̣, ид̇аро ид̇арам̣ ааруяха канд̇хабидтзязва нибаж̇ж̇им̣су. д̇ассааязва ко бана над̣̇ияаа д̇ийрз зго симб̣алиругко ад̇т̇и, д̇ад̇т̇зго сувабод̇аго васад̇и. соби ругко уд̣̇агзна д̇ход̇амууло над̣̇ийбидтз бад̇и, сувабод̇аго д̣̇звз вассанд̇з уббад̇ид̇ваа г̇анд̇ум̣ асаггонд̇о г̇анд̇ваа д̇ассзва канд̇хасса згабассз нилийяи. звам̣ д̇з жад̇д̇ааро ж̇анаа згад̇о вуяхамаанаа г̇ажчанд̇и.
Sopi kho meghandhakāre deve vassante nadiyā vuyhamāno ekaṃ dārukkhandhaṃ disvā tattha nisīditvā maraṇabhayatajjito paridevamāno gacchati. Tasmiṃ pana kāle bārāṇasivāsī eko seṭṭhi nadītīre cattālīsakoṭidhanaṃ nidahitvāva maranto dhanataṇhāya dhanapiṭṭhe sappo hutvā nibbatti. Aparo tasmiṃyeva padese tiṃsa koṭiyo nidahitvā dhanataṇhāya tattheva undūro hutvā nibbatti. Tesaṃ vasanaṭṭhānaṃ udakaṃ pāvisi. Te udakassa paviṭṭhamaggeneva nikkhamitvā sotaṃ chindantā gantvā taṃ rājakumārena abhinisinnaṃ dārukkhandhaṃ patvā eko ekaṃ koṭiṃ, itaro itaraṃ āruyha khandhapiṭṭheyeva nipajjiṃsu. Tassāyeva kho pana nadiyā tīre eko simbalirukkho atthi, tattheko suvapotako vasati. Sopi rukkho udakena dhotamūlo nadīpiṭṭhe pati, suvapotako deve vassante uppatitvā gantuṃ asakkonto gantvā tasseva khandhassa ekapasse nilīyi. Evaṃ te cattāro janā ekato vuyhamānā gacchanti.
б̣од̇хисад̇д̇оби ко д̇асмим̣ гаалз гаасирадтз уд̣̇ижжаб̣раахман̣агулз ниб̣б̣ад̇д̇ид̇ваа вуд̣дхиббад̇д̇о исибаб̣б̣аж̇ж̇ам̣ баб̣б̣аж̇ид̇ваа згасмим̣ над̣̇ийнивад̇д̇анз бан̣н̣асаалам̣ маабзд̇ваа васад̇и. со ад̣дхарад̇д̇асамаяз жан̇гамамаано д̇асса рааж̇агумаарасса б̣алавабарид̣̇званасад̣̇д̣̇ам̣ суд̇ваа жинд̇зси ‘‘маад̣̇исз наама мзд̇д̇аануд̣̇д̣̇аяасамбаннз д̇аабасз бассанд̇з зд̇асса бурисасса маран̣ам̣ аяуд̇д̇ам̣, уд̣̇агад̇о уд̣̇д̇харид̇ваа д̇асса ж̇ийвид̇ад̣̇аанам̣ д̣̇ассаамий’’д̇и. со д̇ам̣ ‘‘маа бхааяи, маа бхааяий’’д̇и ассаасзд̇ваа уд̣̇агасод̇ам̣ чинд̣̇анд̇о г̇анд̇ваа д̇ам̣ д̣̇ааругканд̇хам̣ згааяа годияаа г̇ахзд̇ваа аагад̣дханд̇о нааг̇аб̣ало т̇аамасамбанно згавзг̇зна д̇ийрам̣ бад̇ваа гумаарам̣ угкибид̇ваа д̇ийрз бад̇идтаабзси. д̇зби саббаад̣̇аяо д̣̇исваа угкибид̇ваа ассамабад̣̇ам̣ нзд̇ваа аг̇г̇им̣ ж̇аалзд̇ваа ‘‘имз д̣̇уб̣б̣алад̇араа’’д̇и батамам̣ саббаад̣̇ийнам̣ сарийрам̣ сзд̣̇зд̇ваа бажчаа рааж̇агумаарасса сарийрам̣ сзд̣̇зд̇ваа д̇амби арог̇ам̣ гад̇ваа аахаарам̣ д̣̇знд̇оби батамам̣ саббаад̣̇ийнам̣язва д̣̇ад̇ваа бажчаа д̇асса палаапалаани убанаамзси. рааж̇агумааро ‘‘аяам̣ гуудад̇аабасо мам̣ рааж̇агумаарам̣ аг̇ан̣зд̇ваа д̇иражчаанаг̇ад̇аанам̣ саммаанам̣ гарод̇ий’’д̇и б̣од̇хисад̇д̇з аагхаад̇ам̣ б̣анд̇хи.
Bodhisattopi kho tasmiṃ kāle kāsiraṭṭhe udiccabrāhmaṇakule nibbattitvā vuḍḍhippatto isipabbajjaṃ pabbajitvā ekasmiṃ nadīnivattane paṇṇasālaṃ māpetvā vasati. So aḍḍharattasamaye caṅkamamāno tassa rājakumārassa balavaparidevanasaddaṃ sutvā cintesi ‘‘mādise nāma mettānuddayasampanne tāpase passante etassa purisassa maraṇaṃ ayuttaṃ, udakato uddharitvā tassa jīvitadānaṃ dassāmī’’ti. So taṃ ‘‘mā bhāyi, mā bhāyī’’ti assāsetvā udakasotaṃ chindanto gantvā taṃ dārukkhandhaṃ ekāya koṭiyā gahetvā ākaḍḍhanto nāgabalo thāmasampanno ekavegena tīraṃ patvā kumāraṃ ukkhipitvā tīre patiṭṭhāpesi. Tepi sappādayo disvā ukkhipitvā assamapadaṃ netvā aggiṃ jāletvā ‘‘ime dubbalatarā’’ti paṭhamaṃ sappādīnaṃ sarīraṃ sedetvā pacchā rājakumārassa sarīraṃ sedetvā tampi arogaṃ katvā āhāraṃ dentopi paṭhamaṃ sappādīnaṃyeva datvā pacchā tassa phalāphalāni upanāmesi. Rājakumāro ‘‘ayaṃ kūṭatāpaso maṃ rājakumāraṃ agaṇetvā tiracchānagatānaṃ sammānaṃ karotī’’ti bodhisatte āghātaṃ bandhi.
д̇ад̇о гад̇ибаахажжаязна саб̣б̣зсуби д̇зсу т̇аамаб̣алаббад̇д̇зсу над̣̇ияаа огхз бажчиннз саббо д̇аабасам̣ ванд̣̇ид̇ваа ааха ‘‘бханд̇з, д̇умхзхи маяхам̣ махааубагааро гад̇о, на ко банаахам̣ д̣̇алид̣̇д̣̇о, асугадтаанз мз жад̇д̇аалийса хиран̃н̃агодияо нид̣̇ахид̇ваа табид̇аа, д̇умхаагам̣ д̇ханзна гижжз сад̇и саб̣б̣амбзд̇ам̣ д̇ханам̣ д̇умхаагам̣ д̣̇аад̇ум̣ саггоми, д̇ам̣ таанам̣ ааг̇анд̇ваа ‘д̣̇ийгхаа’д̇и баггосзяяаат̇аа’’д̇и вад̇ваа баггаами. унд̣̇ууроби д̇ат̇зва д̇аабасам̣ ниманд̇зд̇ваа ‘‘асугадтаанз тад̇ваа ‘унд̣̇уураа’д̇и баггосзяяаат̇аа’’д̇и вад̇ваа баггаами. сувабод̇аго бана д̇аабасам̣ ванд̣̇ид̇ваа ‘‘бханд̇з, маяхам̣ д̇ханам̣ над̇т̇и, рад̇д̇асаалийхи бана во ад̇т̇з сад̇и асугам̣ наама маяхам̣ васанадтаанам̣, д̇ад̇т̇а г̇анд̇ваа ‘суваа’д̇и баггосзяяаат̇а, ахам̣ н̃аад̇агаанам̣ аарожзд̇ваа анзгасагадабуурамад̇д̇аа рад̇д̇асаалияо аахараабзд̇ваа д̣̇аад̇ум̣ саггомий’’д̇и вад̇ваа баггаами. ид̇аро бана мид̇д̇ад̣̇уб̣бхий ‘‘д̇хаммасуд̇хаммад̇ааяа гин̃жи авад̇ваа г̇анд̇ум̣ аяуд̇д̇ам̣, звам̣ д̇ам̣ ад̇д̇ано санд̇игам̣ ааг̇ад̇ам̣ маарзссаамий’’д̇и жинд̇зд̇ваа ‘‘бханд̇з, маяи раж̇ж̇з бад̇идтид̇з ааг̇ажчзяяаат̇а, ахам̣ во жад̇уухи бажжаязхи убадтахиссаамий’’д̇и вад̇ваа баггаами. со г̇анд̇ваа на жирассзва раж̇ж̇з бад̇идтааси.
Tato katipāhaccayena sabbesupi tesu thāmabalappattesu nadiyā oghe pacchinne sappo tāpasaṃ vanditvā āha ‘‘bhante, tumhehi mayhaṃ mahāupakāro kato, na kho panāhaṃ daliddo, asukaṭṭhāne me cattālīsa hiraññakoṭiyo nidahitvā ṭhapitā, tumhākaṃ dhanena kicce sati sabbampetaṃ dhanaṃ tumhākaṃ dātuṃ sakkomi, taṃ ṭhānaṃ āgantvā ‘dīghā’ti pakkoseyyāthā’’ti vatvā pakkāmi. Undūropi tatheva tāpasaṃ nimantetvā ‘‘asukaṭṭhāne ṭhatvā ‘undūrā’ti pakkoseyyāthā’’ti vatvā pakkāmi. Suvapotako pana tāpasaṃ vanditvā ‘‘bhante, mayhaṃ dhanaṃ natthi, rattasālīhi pana vo atthe sati asukaṃ nāma mayhaṃ vasanaṭṭhānaṃ, tattha gantvā ‘suvā’ti pakkoseyyātha, ahaṃ ñātakānaṃ ārocetvā anekasakaṭapūramattā rattasāliyo āharāpetvā dātuṃ sakkomī’’ti vatvā pakkāmi. Itaro pana mittadubbhī ‘‘dhammasudhammatāya kiñci avatvā gantuṃ ayuttaṃ, evaṃ taṃ attano santikaṃ āgataṃ māressāmī’’ti cintetvā ‘‘bhante, mayi rajje patiṭṭhite āgaccheyyātha, ahaṃ vo catūhi paccayehi upaṭṭhahissāmī’’ti vatvā pakkāmi. So gantvā na cirasseva rajje patiṭṭhāsi.
б̣од̇хисад̇д̇о ‘‘виймам̣сиссаами д̇аава нз’’д̇и батамам̣ саббасса санд̇игам̣ г̇анд̇ваа авид̣̇уурз тад̇ваа ‘‘д̣̇ийгхаа’’д̇и баггоси. со згаважанзнзва нигкамид̇ваа б̣од̇хисад̇д̇ам̣ ванд̣̇ид̇ваа ‘‘бханд̇з, имасмим̣ таанз жад̇д̇аалийса хиран̃н̃агодияо, д̇аа саб̣б̣ааби нийхарид̇ваа г̇ан̣хат̇аа’’д̇и ааха. б̣од̇хисад̇д̇о ‘‘звамад̇т̇у, уббаннз гижжз ж̇ааниссаамий’’д̇и д̇ам̣ нивад̇д̇зд̇ваа унд̣̇уурасса санд̇игам̣ г̇анд̇ваа сад̣̇д̣̇амагааси. соби д̇ат̇зва бадибаж̇ж̇и. б̣од̇хисад̇д̇о д̇амби нивад̇д̇зд̇ваа сувасса санд̇игам̣ г̇анд̇ваа ‘‘суваа’’д̇и баггоси. соби згаважанзнзва ругкаг̇г̇ад̇о од̇арид̇ваа б̣од̇хисад̇д̇ам̣ ванд̣̇ид̇ваа ‘‘гим̣, бханд̇з, маяхам̣ н̃аад̇агаанам̣ санд̇игам̣ г̇анд̇ваа химаванд̇аббад̣̇зсад̇о д̇умхаагам̣ саяам̣ж̇аад̇асаалий аахараабзмий’’д̇и бужчи. б̣од̇хисад̇д̇о ‘‘ад̇т̇з сад̇и ж̇ааниссаамий’’д̇и д̇амби нивад̇д̇зд̇ваа ‘‘ид̣̇аани рааж̇аанам̣ бариг̇г̇ан̣хиссаамий’’д̇и г̇анд̇ваа рааж̇уяяаанз васид̇ваа бунад̣̇ивасз аагаббасамбад̇д̇им̣ гад̇ваа бхигкаажааравад̇д̇зна наг̇арам̣ баависи. д̇асмим̣ кан̣з со мид̇д̇ад̣̇уб̣бхий рааж̇аа алан̇гад̇ахад̇т̇игканд̇хавараг̇ад̇о маханд̇зна бариваарзна наг̇арам̣ бад̣̇агкин̣ам̣ гарод̇и. со б̣од̇хисад̇д̇ам̣ д̣̇уурад̇ова д̣̇исваа ‘‘аяам̣ со гуудад̇аабасо мама санд̇игз бхун̃ж̇ид̇ваа васид̇угаамо ааг̇ад̇о, яаава барисамаж̇жхз ад̇д̇ано маяхам̣ гад̇аг̇ун̣ам̣ наббагаасзд̇и, д̇аавад̣̇звасса сийсам̣ чинд̣̇аабзссаамий’’д̇и бурисз ологзси. ‘‘гим̣ гарома, д̣̇зваа’’д̇и жа вуд̇д̇з ‘‘зса гуудад̇аабасо мам̣ гин̃жи яаажид̇угаамо ааг̇ажчад̇и ман̃н̃з, зд̇асса гаал̣аган̣н̣ид̇аабасасса мам̣ бассид̇ум̣ ад̣̇ад̇ваава зд̇ам̣ г̇ахзд̇ваа бажчааб̣аахам̣ б̣анд̇хид̇ваа жад̇уггз жад̇уггз бахаранд̇аа наг̇араа нигкаамзд̇ваа аагхаад̇анз сийсамасса чинд̣̇ид̇ваа сарийрам̣ суулз уд̇д̇аасзт̇аа’’д̇и ааха. д̇з ‘‘саад̇хуу’’д̇и самбадижчид̇ваа г̇анд̇ваа нирабараад̇хам̣ махаасад̇д̇ам̣ б̣анд̇хид̇ваа жад̇уггз жад̇уггз бахаранд̇аа аагхаад̇анам̣ нзд̇ум̣ аарабхим̣су. б̣од̇хисад̇д̇о бахадабахададтаанз ‘‘амма, д̇аад̇аа’’д̇и аганд̣̇ид̇ваа ниб̣б̣игааро имам̣ г̇аат̇амааха –
Bodhisatto ‘‘vīmaṃsissāmi tāva ne’’ti paṭhamaṃ sappassa santikaṃ gantvā avidūre ṭhatvā ‘‘dīghā’’ti pakkosi. So ekavacaneneva nikkhamitvā bodhisattaṃ vanditvā ‘‘bhante, imasmiṃ ṭhāne cattālīsa hiraññakoṭiyo, tā sabbāpi nīharitvā gaṇhathā’’ti āha. Bodhisatto ‘‘evamatthu, uppanne kicce jānissāmī’’ti taṃ nivattetvā undūrassa santikaṃ gantvā saddamakāsi. Sopi tatheva paṭipajji. Bodhisatto tampi nivattetvā suvassa santikaṃ gantvā ‘‘suvā’’ti pakkosi. Sopi ekavacaneneva rukkhaggato otaritvā bodhisattaṃ vanditvā ‘‘kiṃ, bhante, mayhaṃ ñātakānaṃ santikaṃ gantvā himavantappadesato tumhākaṃ sayaṃjātasālī āharāpemī’’ti pucchi. Bodhisatto ‘‘atthe sati jānissāmī’’ti tampi nivattetvā ‘‘idāni rājānaṃ pariggaṇhissāmī’’ti gantvā rājuyyāne vasitvā punadivase ākappasampattiṃ katvā bhikkhācāravattena nagaraṃ pāvisi. Tasmiṃ khaṇe so mittadubbhī rājā alaṅkatahatthikkhandhavaragato mahantena parivārena nagaraṃ padakkhiṇaṃ karoti. So bodhisattaṃ dūratova disvā ‘‘ayaṃ so kūṭatāpaso mama santike bhuñjitvā vasitukāmo āgato, yāva parisamajjhe attano mayhaṃ kataguṇaṃ nappakāseti, tāvadevassa sīsaṃ chindāpessāmī’’ti purise olokesi. ‘‘Kiṃ karoma, devā’’ti ca vutte ‘‘esa kūṭatāpaso maṃ kiñci yācitukāmo āgacchati maññe, etassa kāḷakaṇṇitāpasassa maṃ passituṃ adatvāva etaṃ gahetvā pacchābāhaṃ bandhitvā catukke catukke paharantā nagarā nikkhāmetvā āghātane sīsamassa chinditvā sarīraṃ sūle uttāsethā’’ti āha. Te ‘‘sādhū’’ti sampaṭicchitvā gantvā niraparādhaṃ mahāsattaṃ bandhitvā catukke catukke paharantā āghātanaṃ netuṃ ārabhiṃsu. Bodhisatto pahaṭapahaṭaṭṭhāne ‘‘amma, tātā’’ti akanditvā nibbikāro imaṃ gāthamāha –
73.
73.
‘‘сажжам̣ гирзвамаахам̣су, нараа згажжияаа ид̇ха;
‘‘Saccaṃ kirevamāhaṃsu, narā ekacciyā idha;
гадтам̣ ниблавид̇ам̣ сзяяо, на д̇взвзгажжияо наро’’д̇и.
Kaṭṭhaṃ niplavitaṃ seyyo, na tvevekacciyo naro’’ti.
д̇ад̇т̇а сажжам̣ гирзвамаахам̣сууд̇и авид̇ат̇амзва гира звам̣ вад̣̇анд̇и. нараа згажжияаа ид̇хаад̇и ид̇хзгажжз бан̣д̣ид̇абурисаа. гадтам̣ ниблавид̇ам̣ сзяяод̇и над̣̇ияаа вуяхамаанам̣ сугкад̣̇аарум̣ ниблавид̇ам̣ уд̇д̇аарзд̇ваа т̇алз табид̇ам̣ сзяяо сунд̣̇арад̇аро. зван̃хи вад̣̇амаанаа д̇з бурисаа сажжам̣ гира вад̣̇анд̇и. гим̣гааран̣аа? д̇ан̃хи яааг̇убхад̇д̇аад̣̇ийнам̣ бажанад̇т̇ааяа, сийд̇аад̇ураанам̣ висиб̣б̣анад̇т̇ааяа, ан̃н̃зсамби жа бариссаяаанам̣ харан̣ад̇т̇ааяа убагаарам̣ ход̇и. на д̇взвзгажжияо народ̇и згажжо бана мид̇д̇ад̣̇уб̣бхий агад̇ан̃н̃уу баабабурисо огхзна вуяхамаано хад̇т̇зна г̇ахзд̇ваа уд̇д̇аарид̇о на д̇взва сзяяо. д̇ат̇аа хи ахам̣ имам̣ баабабурисам̣ уд̇д̇аарзд̇ваа имам̣ ад̇д̇ано д̣̇угкам̣ аахаринд̇и. звам̣ бахадабахададтаанз имам̣ г̇аат̇амааха.
Tattha saccaṃ kirevamāhaṃsūti avitathameva kira evaṃ vadanti. Narā ekacciyā idhāti idhekacce paṇḍitapurisā. Kaṭṭhaṃ niplavitaṃ seyyoti nadiyā vuyhamānaṃ sukkhadāruṃ niplavitaṃ uttāretvā thale ṭhapitaṃ seyyo sundarataro. Evañhi vadamānā te purisā saccaṃ kira vadanti. Kiṃkāraṇā? Tañhi yāgubhattādīnaṃ pacanatthāya, sītāturānaṃ visibbanatthāya, aññesampi ca parissayānaṃ haraṇatthāya upakāraṃ hoti. Na tvevekacciyo naroti ekacco pana mittadubbhī akataññū pāpapuriso oghena vuyhamāno hatthena gahetvā uttārito na tveva seyyo. Tathā hi ahaṃ imaṃ pāpapurisaṃ uttāretvā imaṃ attano dukkhaṃ āharinti. Evaṃ pahaṭapahaṭaṭṭhāne imaṃ gāthamāha.
д̇ам̣ суд̇ваа яз д̇ад̇т̇а бан̣д̣ид̇абурисаа, д̇з аахам̣су ‘‘гим̣ бана, бхо баб̣б̣аж̇ид̇а, д̇аяаа амхаагам̣ ран̃н̃о ад̇т̇и гожи г̇ун̣о гад̇о’’д̇и? б̣од̇хисад̇д̇о д̇ам̣ бавад̇д̇им̣ аарожзд̇ваа ‘‘звамимам̣ махогхад̇о уд̇д̇аарзнд̇о ахамзва ад̇д̇ано д̣̇угкам̣ агаасим̣, ‘на вад̇а мз бораан̣агабан̣д̣ид̇аанам̣ важанам̣ гад̇а’нд̇и ануссарид̇ваа звам̣ вад̣̇аамий’’д̇и ааха. д̇ам̣ суд̇ваа кад̇д̇ияаб̣раахман̣аад̣̇аяо наг̇араваасино ‘‘свааяам̣ мид̇д̇ад̣̇уб̣бхий рааж̇аа звам̣ г̇ун̣асамбаннасса ад̇д̇ано ж̇ийвид̇ад̣̇ааяагасса г̇ун̣амад̇д̇амби на ж̇аанаад̇и, д̇ам̣ ниссааяа гуд̇о амхаагам̣ вуд̣дхи, г̇ан̣хат̇а на’’нд̇и губид̇аа саманд̇ад̇о удтахид̇ваа усусад̇д̇ибаасаан̣амуг̇г̇араад̣̇иббахаарзхи хад̇т̇игканд̇хаг̇ад̇амзва нам̣ гхаад̇зд̇ваа баад̣̇з г̇ахзд̇ваа гад̣дхид̇ваа барикаабидтз чад̣д̣зд̇ваа б̣од̇хисад̇д̇ам̣ абхисин̃жид̇ваа раж̇ж̇з бад̇идтаабзсум̣.
Taṃ sutvā ye tattha paṇḍitapurisā, te āhaṃsu ‘‘kiṃ pana, bho pabbajita, tayā amhākaṃ rañño atthi koci guṇo kato’’ti? Bodhisatto taṃ pavattiṃ ārocetvā ‘‘evamimaṃ mahoghato uttārento ahameva attano dukkhaṃ akāsiṃ, ‘na vata me porāṇakapaṇḍitānaṃ vacanaṃ kata’nti anussaritvā evaṃ vadāmī’’ti āha. Taṃ sutvā khattiyabrāhmaṇādayo nagaravāsino ‘‘svāyaṃ mittadubbhī rājā evaṃ guṇasampannassa attano jīvitadāyakassa guṇamattampi na jānāti, taṃ nissāya kuto amhākaṃ vuḍḍhi, gaṇhatha na’’nti kupitā samantato uṭṭhahitvā ususattipāsāṇamuggarādippahārehi hatthikkhandhagatameva naṃ ghātetvā pāde gahetvā kaḍḍhitvā parikhāpiṭṭhe chaḍḍetvā bodhisattaṃ abhisiñcitvā rajje patiṭṭhāpesuṃ.
со д̇хаммзна раж̇ж̇ам̣ гаарзнд̇о буна згад̣̇ивасам̣ саббаад̣̇аяо бариг̇г̇ан̣хид̇угаамо маханд̇зна бариваарзна саббасса васанадтаанам̣ г̇анд̇ваа ‘‘д̣̇ийгхаа’’д̇и баггоси. саббо ааг̇анд̇ваа ванд̣̇ид̇ваа ‘‘ид̣̇ам̣ д̇з саами д̇ханам̣ г̇ан̣хаа’’д̇и ааха. рааж̇аа жад̇д̇аалийсахиран̃н̃агодид̇ханам̣ амажжз бадижчаабзд̇ваа унд̣̇уурасса санд̇игам̣ г̇анд̇ваа ‘‘унд̣̇уураа’’д̇и баггоси. соби ааг̇анд̇ваа ванд̣̇ид̇ваа д̇им̣сагодид̇ханам̣ нияяаад̣̇зси. рааж̇аа д̇амби амажжз бадижчаабзд̇ваа сувасса васанадтаанам̣ г̇анд̇ваа ‘‘суваа’’д̇и баггоси. соби ааг̇анд̇ваа баад̣̇з ванд̣̇ид̇ваа ‘‘гим̣, саами, саалим̣ аахараамий’’д̇и ааха. рааж̇аа ‘‘саалийхи ад̇т̇з сад̇и аахариссаси, зхи г̇ажчаамаа’’д̇и сад̇д̇ад̇ияаа хиран̃н̃агодийхи сад̣̇д̇хим̣ д̇з д̇аяоби ж̇анз г̇аахаабзд̇ваа наг̇арам̣ г̇анд̇ваа баасаад̣̇аварз махаад̇алам̣ ааруяхам̣ д̇ханам̣ сан̇г̇обзд̇ваа саббасса васанад̇т̇ааяа суван̣н̣анаал̣им̣, унд̣̇уурасса палигаг̇ухам̣, сувасса суван̣н̣абан̃ж̇арам̣ гаараабзд̇ваа саббасса жа сувасса жа бхож̇анад̇т̇ааяа д̣̇звасигам̣ ган̃жанад̇аддагз мад̇хулааж̇з, унд̣̇уурасса г̇анд̇хасаалид̇ан̣д̣улз д̣̇аабзси, д̣̇аанаад̣̇ийни жа бун̃н̃аани гарод̇и. звам̣ д̇з жад̇д̇аароби ж̇анаа яааваж̇ийвам̣ самаг̇г̇аа саммод̣̇амаанаа вихарид̇ваа ж̇ийвид̇агкаяз яат̇аагаммам̣ аг̇амам̣су.
So dhammena rajjaṃ kārento puna ekadivasaṃ sappādayo pariggaṇhitukāmo mahantena parivārena sappassa vasanaṭṭhānaṃ gantvā ‘‘dīghā’’ti pakkosi. Sappo āgantvā vanditvā ‘‘idaṃ te sāmi dhanaṃ gaṇhā’’ti āha. Rājā cattālīsahiraññakoṭidhanaṃ amacce paṭicchāpetvā undūrassa santikaṃ gantvā ‘‘undūrā’’ti pakkosi. Sopi āgantvā vanditvā tiṃsakoṭidhanaṃ niyyādesi. Rājā tampi amacce paṭicchāpetvā suvassa vasanaṭṭhānaṃ gantvā ‘‘suvā’’ti pakkosi. Sopi āgantvā pāde vanditvā ‘‘kiṃ, sāmi, sāliṃ āharāmī’’ti āha. Rājā ‘‘sālīhi atthe sati āharissasi, ehi gacchāmā’’ti sattatiyā hiraññakoṭīhi saddhiṃ te tayopi jane gāhāpetvā nagaraṃ gantvā pāsādavare mahātalaṃ āruyhaṃ dhanaṃ saṅgopetvā sappassa vasanatthāya suvaṇṇanāḷiṃ, undūrassa phalikaguhaṃ, suvassa suvaṇṇapañjaraṃ kārāpetvā sappassa ca suvassa ca bhojanatthāya devasikaṃ kañcanataṭṭake madhulāje, undūrassa gandhasālitaṇḍule dāpesi, dānādīni ca puññāni karoti. Evaṃ te cattāropi janā yāvajīvaṃ samaggā sammodamānā viharitvā jīvitakkhaye yathākammaṃ agamaṃsu.
сад̇т̇аа ‘‘на, бхигкавз, д̣̇звад̣̇ад̇д̇о ид̣̇аанзва маяхам̣ вад̇хааяа барисаггад̇и, буб̣б̣зби барисаггиязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа д̣̇удтарааж̇аа д̣̇звад̣̇ад̇д̇о ахоси, саббо саарибуд̇д̇о, унд̣̇ууро мог̇г̇аллаано, суво аананд̣̇о, бажчаа раж̇ж̇аббад̇д̇о д̇хаммарааж̇аа бана ахамзва ахоси’’нд̇и.
Satthā ‘‘na, bhikkhave, devadatto idāneva mayhaṃ vadhāya parisakkati, pubbepi parisakkiyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā duṭṭharājā devadatto ahosi, sappo sāriputto, undūro moggallāno, suvo ānando, pacchā rajjappatto dhammarājā pana ahameva ahosi’’nti.
сажжам̣гираж̇аад̇агаван̣н̣анаа д̇ад̇ияаа.
Saccaṃkirajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 73. сажжам̣гираж̇аад̇агам̣ • 73. Saccaṃkirajātakaṃ
