| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
56-63. сажжан̃аан̣ажад̇уггад̣̇ваяанид̣̇д̣̇зсаван̣н̣анаа
56-63. Saccañāṇacatukkadvayaniddesavaṇṇanā
108-9. сажжан̃аан̣ажад̇уггад̣̇ваяанид̣̇д̣̇зсз д̣̇угкасса бийл̣анадтод̇иаад̣̇ийни вуд̇д̇ад̇т̇аанзва. маг̇г̇асаман̇г̇исса н̃аан̣ам̣ д̣̇угкзбзд̇ам̣ н̃аан̣анд̇иаад̣̇и ананд̇аражад̇уггз вияа згаабхисамаяавасзна вуд̇д̇ам̣. д̣̇увид̇хан̃хи сажжан̃аан̣ам̣ логияам̣ логуд̇д̇аран̃жа. логигам̣ д̣̇увид̇хам̣ ануб̣од̇хан̃аан̣ам̣ бажжавзгкан̣ан̃аан̣ан̃жа. ануб̣од̇хан̃аан̣ам̣ аад̣̇игаммигасса ануссаваад̣̇ивасзна нирод̇хз маг̇г̇з жа бавад̇д̇ад̇и, д̣̇угкз самуд̣̇аяз жа аарамман̣агаран̣авасзна. бажжавзгкан̣ан̃аан̣ам̣ бадивид̣̇д̇хасажжасса жад̇уусуби сажжзсу аарамман̣агаран̣авасзна. логуд̇д̇арам̣ бадивзд̇хан̃аан̣ам̣ нирод̇хамаарамман̣ам̣ гад̇ваа гижжад̇о жад̇д̇аари сажжаани бадивиж̇жхад̇и. яат̇ааха – ‘‘яо, бхигкавз, д̣̇угкам̣ бассад̇и, д̣̇угкасамуд̣̇аяамби со бассад̇и, д̣̇угканирод̇хамби бассад̇и, д̣̇угканирод̇хаг̇ааминим̣ бадибад̣̇амби бассад̇ий’’д̇и (сам̣. ни. 5.1100) саб̣б̣ам̣ вад̇д̇аб̣б̣ам̣. ид̇хааби иминаа ваарзна ид̣̇амзва вуд̇д̇ам̣. д̇ам̣ бана логуд̇д̇арамби ‘‘д̣̇угкз н̃аан̣а’’нд̇иаад̣̇ийни наамаани лабхад̇ийд̇и д̣̇ассанад̇т̇ам̣ вуд̇д̇ам̣. ид̇ха бана логиган̃аан̣амзва ад̇хиббзд̇ам̣. д̇асмааязва жа д̇ад̇т̇а гад̇амам̣ д̣̇угкз н̃аан̣анд̇иаад̣̇имааха.
108-9. Saccañāṇacatukkadvayaniddese dukkhassa pīḷanaṭṭhotiādīni vuttatthāneva. Maggasamaṅgissa ñāṇaṃ dukkhepetaṃ ñāṇantiādi anantaracatukke viya ekābhisamayavasena vuttaṃ. Duvidhañhi saccañāṇaṃ lokiyaṃ lokuttarañca. Lokikaṃ duvidhaṃ anubodhañāṇaṃ paccavekkhaṇañāṇañca. Anubodhañāṇaṃ ādikammikassa anussavādivasena nirodhe magge ca pavattati, dukkhe samudaye ca ārammaṇakaraṇavasena. Paccavekkhaṇañāṇaṃ paṭividdhasaccassa catūsupi saccesu ārammaṇakaraṇavasena. Lokuttaraṃ paṭivedhañāṇaṃ nirodhamārammaṇaṃ katvā kiccato cattāri saccāni paṭivijjhati. Yathāha – ‘‘yo, bhikkhave, dukkhaṃ passati, dukkhasamudayampi so passati, dukkhanirodhampi passati, dukkhanirodhagāminiṃ paṭipadampi passatī’’ti (saṃ. ni. 5.1100) sabbaṃ vattabbaṃ. Idhāpi iminā vārena idameva vuttaṃ. Taṃ pana lokuttarampi ‘‘dukkhe ñāṇa’’ntiādīni nāmāni labhatīti dassanatthaṃ vuttaṃ. Idha pana lokikañāṇameva adhippetaṃ. Tasmāyeva ca tattha katamaṃ dukkhe ñāṇantiādimāha.
д̇ад̇т̇а д̣̇угкам̣ аараб̣бхаад̇и д̣̇угкасажжам̣ ааламб̣ид̇ваа, аарамман̣ам̣ гад̇ваад̇и ад̇т̇о. бан̃н̃аад̇иаад̣̇ийсу д̇асса д̇асса ад̇т̇асса баагадагаран̣асан̇каад̇зна бан̃н̃аабанадтзна бан̃н̃аа, д̇зна д̇зна ваа анижжаад̣̇инаа багаарзна д̇хаммз ж̇аанаад̇ийд̇иби бан̃н̃аа. ид̣̇амассаа сабхаавабад̣̇ам̣. баж̇аананаагааро баж̇аананаа. анижжаад̣̇ийни вижинаад̇ийд̇и вижаяо. бавижаяод̇и убасаг̇г̇зна бад̣̇ам̣ вад̣дхид̇ам̣, багаарзна вижаяод̇и ад̇т̇о. жад̇усажжад̇хаммам̣ вижинаад̇ийд̇и д̇хаммавижаяо. анижжаад̣̇ийнам̣ саммаа лагкан̣авасзна саллагкан̣аа. саа зва убасаг̇г̇анаанад̇д̇зна убалагкан̣аа бажжубалагкан̣аад̇и вуд̇д̇аа. бхусам̣ лагкан̣аа д̇з д̇з анижжаад̣̇ид̇хаммз бадижжа убалагкан̣аад̇и ад̇т̇о. бан̣д̣ид̇абхааво бан̣д̣ижжам̣. гусалабхааво госаллам̣. нибун̣абхааво нзбун̃н̃ам̣. анижжаад̣̇ийнам̣ вибхааванавасзна взбхаб̣яаа. анижжаад̣̇ийнам̣ жинд̇анагавасзна жинд̇аа, яасса уббаж̇ж̇ад̇и, д̇ам̣ анижжаад̣̇ийни жинд̇аабзд̇ийд̇иби жинд̇аа. анижжаад̣̇ийни убабаригкад̇ийд̇и убабаригкаа. бхуурийд̇и бат̇авий. аяамби сан̣хадтзна вид̇т̇ад̇адтзна жа бхуурий вияаад̇и бхуурий. ат̇а ваа бан̃н̃ааязва бхууд̇з ад̇т̇з рамад̇ийд̇и бхуурийд̇и вужжад̇и. асани вияа силужжаяз гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа. яасса уббаж̇ж̇ад̇и, д̇ам̣ ад̇д̇ахид̇абадибад̇д̇ияам̣ самбаяуд̇д̇ад̇хаммз жа яаат̇аавалагкан̣абадивзд̇хз баринзд̇ийд̇и барин̣ааяигаа. д̇хаммз анижжаад̣̇ивасзна вивид̇хаа бассад̇ийд̇и вибассанаа. саммаа багаарзхи анижжаад̣̇ийни ж̇аанаад̇ийд̇и самбаж̇аано, д̇асса бхааво самбаж̇ан̃н̃ам̣. уббат̇абадибаннз синд̇хавз вийт̇иааробанад̇т̇ам̣ бад̇од̣̇о вияа уббат̇з д̇хааванагам̣ гуудажид̇д̇ам̣ вийт̇иааробанад̇т̇ам̣ виж̇жхад̇ийд̇и бад̇од̣̇о вияа бад̇од̣̇о.
Tattha dukkhaṃ ārabbhāti dukkhasaccaṃ ālambitvā, ārammaṇaṃ katvāti attho. Paññātiādīsu tassa tassa atthassa pākaṭakaraṇasaṅkhātena paññāpanaṭṭhena paññā, tena tena vā aniccādinā pakārena dhamme jānātītipi paññā. Idamassā sabhāvapadaṃ. Pajānanākāro pajānanā. Aniccādīni vicinātīti vicayo. Pavicayoti upasaggena padaṃ vaḍḍhitaṃ, pakārena vicayoti attho. Catusaccadhammaṃ vicinātīti dhammavicayo. Aniccādīnaṃ sammā lakkhaṇavasena sallakkhaṇā. Sā eva upasagganānattena upalakkhaṇāpaccupalakkhaṇāti vuttā. Bhusaṃ lakkhaṇā te te aniccādidhamme paṭicca upalakkhaṇāti attho. Paṇḍitabhāvo paṇḍiccaṃ. Kusalabhāvo kosallaṃ. Nipuṇabhāvo nepuññaṃ. Aniccādīnaṃ vibhāvanavasena vebhabyā. Aniccādīnaṃ cintanakavasena cintā, yassa uppajjati, taṃ aniccādīni cintāpetītipi cintā. Aniccādīni upaparikkhatīti upaparikkhā. Bhūrīti pathavī. Ayampi saṇhaṭṭhena vitthataṭṭhena ca bhūrī viyāti bhūrī. Atha vā paññāyeva bhūte atthe ramatīti bhūrīti vuccati. Asani viya siluccaye kilese medhati hiṃsatīti medhā, khippaṃ gahaṇadhāraṇaṭṭhena vā medhā. Yassa uppajjati, taṃ attahitapaṭipattiyaṃ sampayuttadhamme ca yāthāvalakkhaṇapaṭivedhe parinetīti pariṇāyikā. Dhamme aniccādivasena vividhā passatīti vipassanā. Sammā pakārehi aniccādīni jānātīti sampajāno, tassa bhāvo sampajaññaṃ. Uppathapaṭipanne sindhave vīthiāropanatthaṃ patodo viya uppathe dhāvanakaṃ kūṭacittaṃ vīthiāropanatthaṃ vijjhatīti patodo viya patodo.
д̣̇ассаналагкан̣з инд̣̇адтам̣ гарод̇ийд̇и инд̣̇рияам̣, бан̃н̃аасан̇каад̇ам̣ инд̣̇рияам̣ бан̃н̃инд̣̇рияам̣. гим̣ вуд̇д̇ам̣ ход̇и? наяид̣̇ам̣ ‘‘бурисасса инд̣̇рияам̣ бурисинд̣̇рияа’’нд̇иаад̣̇и вияа бан̃н̃ааяа инд̣̇рияам̣ бан̃н̃инд̣̇рияам̣. ат̇а ко бан̃н̃аа зва инд̣̇рияам̣ бан̃н̃инд̣̇рияанд̇и вуд̇д̇ам̣ ход̇и. авиж̇ж̇ааяа на гамбад̇ийд̇и бан̃н̃ааб̣алам̣. гилзсажчзд̣̇анадтзна бан̃н̃аава сад̇т̇ам̣ бан̃н̃аасад̇т̇ам̣. ажжуг̇г̇ад̇адтзна бан̃н̃аава баасаад̣̇о бан̃н̃аабаасаад̣̇о. аалоганадтзна бан̃н̃аава аалого бан̃н̃аааалого. обхаасанадтзна бан̃н̃аава обхаасо бан̃н̃ааобхаасо. баж̇ж̇од̇анадтзна бан̃н̃аава баж̇ж̇од̇о бан̃н̃аабаж̇ж̇од̇о. бан̃н̃авад̇о хи згабаллан̇гзна нисиннасса д̣̇асасахассилогад̇хаад̇у згаалогаа згобхаасаа згабаж̇ж̇од̇аа ход̇и. д̇знзд̇ам̣ вуд̇д̇ам̣. имзсу бана д̇ийсу бад̣̇зсу згабад̣̇знааби зд̇асмим̣ ад̇т̇з сид̣̇д̇хз яаани банзд̇аани бхаг̇авад̇аа ‘‘жад̇д̇ааромз, бхигкавз, аалогаа. гад̇амз жад̇д̇ааро? жанд̣̇аалого, суурияаалого, аг̇г̇аалого, бан̃н̃аалого. имз ко, бхигкавз, жад̇д̇ааро аалогаа. зд̇ад̣̇аг̇г̇ам̣, бхигкавз, имзсам̣ жад̇уннам̣ аалогаанам̣ яад̣̇ид̣̇ам̣ бан̃н̃аалого’’. д̇ат̇аа ‘‘жад̇д̇ааромз , бхигкавз, обхаасаа. жад̇д̇ааромз, бхигкавз, баж̇ж̇од̇аа’’д̇и (а. ни. 4.144-145) сад̇д̇аанам̣ аж̇жхаасаяавасзна суд̇д̇аани д̣̇зсид̇аани. д̇ад̣̇ануруубзнзва ид̇хааби т̇зрзна д̣̇зсанаа гад̇аа. ад̇т̇о хи анзгзхи аагаарзхи вибхаж̇ж̇амаано сувибхад̇д̇о ход̇и, ан̃н̃ат̇аа жа ан̃н̃о б̣уж̇жхад̇и, ан̃н̃ат̇аа ан̃н̃од̇и. рад̇игаран̣адтзна бана рад̇ид̣̇ааяагадтзна рад̇иж̇анагадтзна жид̇д̇ийгад̇адтзна д̣̇уллабхабаад̇убхаавадтзна ад̇уладтзна аномасад̇д̇абарибхог̇адтзна жа бан̃н̃аава рад̇анам̣ бан̃н̃аарад̇анам̣.
Dassanalakkhaṇe indaṭṭhaṃ karotīti indriyaṃ, paññāsaṅkhātaṃ indriyaṃ paññindriyaṃ. Kiṃ vuttaṃ hoti? Nayidaṃ ‘‘purisassa indriyaṃ purisindriya’’ntiādi viya paññāya indriyaṃ paññindriyaṃ. Atha kho paññā eva indriyaṃ paññindriyanti vuttaṃ hoti. Avijjāya na kampatīti paññābalaṃ. Kilesacchedanaṭṭhena paññāva satthaṃ paññāsatthaṃ. Accuggataṭṭhena paññāva pāsādo paññāpāsādo. Ālokanaṭṭhena paññāva āloko paññāāloko. Obhāsanaṭṭhena paññāva obhāso paññāobhāso. Pajjotanaṭṭhena paññāva pajjoto paññāpajjoto. Paññavato hi ekapallaṅkena nisinnassa dasasahassilokadhātu ekālokā ekobhāsā ekapajjotā hoti. Tenetaṃ vuttaṃ. Imesu pana tīsu padesu ekapadenāpi etasmiṃ atthe siddhe yāni panetāni bhagavatā ‘‘cattārome, bhikkhave, ālokā. Katame cattāro? Candāloko, sūriyāloko, aggāloko, paññāloko. Ime kho, bhikkhave, cattāro ālokā. Etadaggaṃ, bhikkhave, imesaṃ catunnaṃ ālokānaṃ yadidaṃ paññāloko’’. Tathā ‘‘cattārome , bhikkhave, obhāsā. Cattārome, bhikkhave, pajjotā’’ti (a. ni. 4.144-145) sattānaṃ ajjhāsayavasena suttāni desitāni. Tadanurūpeneva idhāpi therena desanā katā. Attho hi anekehi ākārehi vibhajjamāno suvibhatto hoti, aññathā ca añño bujjhati, aññathā aññoti. Ratikaraṇaṭṭhena pana ratidāyakaṭṭhena ratijanakaṭṭhena cittīkataṭṭhena dullabhapātubhāvaṭṭhena atulaṭṭhena anomasattaparibhogaṭṭhena ca paññāva ratanaṃ paññāratanaṃ.
на д̇зна сад̇д̇аа муяханд̇и, саяам̣ ваа аарамман̣з на муяхад̇ийд̇и амохо. д̇хаммавижаяабад̣̇ам̣ вуд̇д̇ад̇т̇амзва. гасмаа банзд̇ам̣ буна вуд̇д̇анд̇и? амохасса мохабадибагкабхаавад̣̇ийбанад̇т̇ам̣. д̇знзд̇ам̣ д̣̇ийбзд̇и ‘‘явааяам̣ амохо, со на гзвалам̣ мохад̇о ан̃н̃о д̇хаммо, мохасса бана бадибагко д̇хаммавижаяасан̇каад̇о амохо наама ид̇ха ад̇хиббзд̇о’’д̇и. саммаад̣̇идтийд̇и яаат̇ааванияяаанигагусалад̣̇идти . ‘‘д̇ад̇т̇а гад̇амам̣ д̣̇угкасамуд̣̇аяз н̃аан̣ам̣, д̇ад̇т̇а гад̇амам̣ д̣̇угканирод̇хз н̃аан̣ам̣, д̇ад̇т̇а гад̇амам̣ д̣̇угканирод̇хаг̇ааминияаа бадибад̣̇ааяа н̃аан̣а’’нд̇и бужчааважанаани сан̇кзбавасзна вуд̇д̇аанийд̇и.
Na tena sattā muyhanti, sayaṃ vā ārammaṇe na muyhatīti amoho. Dhammavicayapadaṃ vuttatthameva. Kasmā panetaṃ puna vuttanti? Amohassa mohapaṭipakkhabhāvadīpanatthaṃ. Tenetaṃ dīpeti ‘‘yvāyaṃ amoho, so na kevalaṃ mohato añño dhammo, mohassa pana paṭipakkho dhammavicayasaṅkhāto amoho nāma idha adhippeto’’ti. Sammādiṭṭhīti yāthāvaniyyānikakusaladiṭṭhi . ‘‘Tattha katamaṃ dukkhasamudaye ñāṇaṃ, tattha katamaṃ dukkhanirodhe ñāṇaṃ, tattha katamaṃ dukkhanirodhagāminiyā paṭipadāya ñāṇa’’nti pucchāvacanāni saṅkhepavasena vuttānīti.
сажжан̃аан̣ажад̇уггад̣̇ваяанид̣̇д̣̇зсаван̣н̣анаа нидтид̇аа.
Saccañāṇacatukkadvayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 56-63. сажжан̃аан̣ажад̇уггад̣̇ваяанид̣̇д̣̇зсо • 56-63. Saccañāṇacatukkadvayaniddeso
