| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
сажжабагин̣н̣агаван̣н̣анаа
Saccapakiṇṇakavaṇṇanā
жад̇уусу бана сажжзсу б̣аад̇ханалагкан̣ам̣ д̣̇угкасажжам̣, бабхавалагкан̣ам̣ самуд̣̇аяасажжам̣, санд̇илагкан̣ам̣ нирод̇хасажжам̣, нияяааналагкан̣ам̣ маг̇г̇асажжам̣, абижа бавад̇д̇ибавад̇д̇аганивад̇д̇инивад̇д̇агалагкан̣аани бадибаадияаа. д̇ат̇аа сан̇кад̇ад̇ан̣хааасан̇кад̇ад̣̇ассаналагкан̣аани жа.
Catūsu pana saccesu bādhanalakkhaṇaṃ dukkhasaccaṃ, pabhavalakkhaṇaṃ samudayasaccaṃ, santilakkhaṇaṃ nirodhasaccaṃ, niyyānalakkhaṇaṃ maggasaccaṃ, apica pavattipavattakanivattinivattakalakkhaṇāni paṭipāṭiyā. Tathā saṅkhatataṇhāasaṅkhatadassanalakkhaṇāni ca.
гасмаа бана жад̇д̇аарзва арияасажжаани вуд̇д̇аани ануунаани анад̇хигаанийд̇и жз? ан̃н̃асса асамбхавад̇о ан̃н̃ад̇арасса жа анабанзяяабхаавад̇о. на хи зд̇зхи ан̃н̃ам̣ ад̇хигам̣ ваа, зд̇зсам̣ ваа згамби абанзд̇аб̣б̣ам̣ самбход̇и. яат̇ааха –
Kasmā pana cattāreva ariyasaccāni vuttāni anūnāni anadhikānīti ce? Aññassa asambhavato aññatarassa ca anapaneyyabhāvato. Na hi etehi aññaṃ adhikaṃ vā, etesaṃ vā ekampi apanetabbaṃ sambhoti. Yathāha –
‘‘ид̇ха, бхигкавз, ааг̇ажчзяяа саман̣о ваа б̣раахман̣о ваа ‘нзд̇ам̣ д̣̇угкам̣ арияасажжам̣, ан̃н̃ам̣ д̣̇угкам̣ арияасажжам̣. яам̣ саман̣зна г̇од̇амзна д̣̇зсид̇ам̣, ахамзд̇ам̣ д̣̇угкам̣ арияасажжам̣ табзд̇ваа ан̃н̃ам̣ д̣̇угкам̣ арияасажжам̣ бан̃н̃абзссаамий’д̇и нзд̇ам̣ таанам̣ виж̇ж̇ад̇ий’’д̇иаад̣̇и.
‘‘Idha, bhikkhave, āgaccheyya samaṇo vā brāhmaṇo vā ‘netaṃ dukkhaṃ ariyasaccaṃ, aññaṃ dukkhaṃ ariyasaccaṃ. Yaṃ samaṇena gotamena desitaṃ, ahametaṃ dukkhaṃ ariyasaccaṃ ṭhapetvā aññaṃ dukkhaṃ ariyasaccaṃ paññapessāmī’ti netaṃ ṭhānaṃ vijjatī’’tiādi.
яат̇аа жааха –
Yathā cāha –
‘‘яо хи гожи, бхигкавз, саман̣о ваа б̣раахман̣о ваа звам̣ вад̣̇зяяа ‘нзд̇ам̣ д̣̇угкам̣ батамам̣ арияасажжам̣, яам̣ саман̣зна г̇од̇амзна д̣̇зсид̇ам̣, ахамзд̇ам̣ д̣̇угкам̣ батамам̣ арияасажжам̣ бажжагкааяа ан̃н̃ам̣ д̣̇угкам̣ батамам̣ арияасажжам̣ бан̃н̃абзссаамий’д̇и нзд̇ам̣ таанам̣ виж̇ж̇ад̇ий’’д̇иаад̣̇и (сам̣. ни. 5.1086).
‘‘Yo hi koci, bhikkhave, samaṇo vā brāhmaṇo vā evaṃ vadeyya ‘netaṃ dukkhaṃ paṭhamaṃ ariyasaccaṃ, yaṃ samaṇena gotamena desitaṃ, ahametaṃ dukkhaṃ paṭhamaṃ ariyasaccaṃ paccakkhāya aññaṃ dukkhaṃ paṭhamaṃ ariyasaccaṃ paññapessāmī’ti netaṃ ṭhānaṃ vijjatī’’tiādi (saṃ. ni. 5.1086).
абижа бавад̇д̇имаажигканд̇о бхаг̇аваа сахзд̇угам̣ аажигки, нивад̇д̇ин̃жа саубааяам̣. ид̇и бавад̇д̇инивад̇д̇ид̇ад̣̇убхаяахзд̇уунам̣ зд̇аббарамад̇о жад̇д̇аарзва вуд̇д̇аани. д̇ат̇аа барин̃н̃зяяабахаад̇аб̣б̣асажчигаад̇аб̣б̣абхаавзд̇аб̣б̣аанам̣, д̇ан̣хаавад̇т̇уд̇ан̣хаад̇ан̣хаанирод̇хад̇ан̣хаанирод̇хуубааяаанам̣, аалаяааалаяараамад̇аааалаяасамуг̇гхаад̇ааалаяасамуг̇гхаад̇уубааяаанан̃жа васзнааби жад̇д̇аарзва вуд̇д̇аанийд̇и.
Apica pavattimācikkhanto bhagavā sahetukaṃ ācikkhi, nivattiñca saupāyaṃ. Iti pavattinivattitadubhayahetūnaṃ etapparamato cattāreva vuttāni. Tathā pariññeyyapahātabbasacchikātabbabhāvetabbānaṃ, taṇhāvatthutaṇhātaṇhānirodhataṇhānirodhūpāyānaṃ, ālayaālayarāmatāālayasamugghātaālayasamugghātūpāyānañca vasenāpi cattāreva vuttānīti.
зд̇т̇а жа ол̣ааригад̇д̇аа саб̣б̣асад̇д̇асаад̇хааран̣ад̇д̇аа жа сувин̃н̃зяяанд̇и д̣̇угкасажжам̣ батамам̣ вуд̇д̇ам̣. д̇ассзва хзд̇уд̣̇ассанад̇т̇ам̣ д̇ад̣̇ананд̇арам̣ самуд̣̇аяасажжам̣, хзд̇унирод̇хаа паланирод̇ход̇и н̃аабанад̇т̇ам̣ д̇ад̇о нирод̇хасажжам̣, д̇ад̣̇ад̇хиг̇амуубааяад̣̇ассанад̇т̇ам̣ анд̇з маг̇г̇асажжам̣. бхавасукассаад̣̇аг̇ад̇хид̇аанам̣ ваа сад̇д̇аанам̣ сам̣взг̇аж̇ананад̇т̇ам̣ батамам̣ д̣̇угкамааха. д̇ам̣ нзва агад̇ам̣ ааг̇ажчад̇и, на иссараниммаанаад̣̇ид̇о ход̇и, ид̇о бана ход̇ийд̇и н̃аабанад̇т̇ам̣ д̇ад̣̇ананд̇арам̣ самуд̣̇аяам̣. д̇ад̇о сахзд̇угзна д̣̇угкзна абхибхууд̇ад̇д̇аа сам̣виг̇г̇амаанасаанам̣ д̣̇угканиссаран̣аг̇авзсийнам̣ ниссаран̣ад̣̇ассанзна ассаасаж̇ананад̇т̇ам̣ нирод̇хам̣. д̇ад̇о нирод̇хаад̇хиг̇аманад̇т̇ам̣ нирод̇хасамбаабагам̣ маг̇г̇анд̇и аяамзд̇зсам̣ гамо.
Ettha ca oḷārikattā sabbasattasādhāraṇattā ca suviññeyyanti dukkhasaccaṃ paṭhamaṃ vuttaṃ. Tasseva hetudassanatthaṃ tadanantaraṃ samudayasaccaṃ, hetunirodhā phalanirodhoti ñāpanatthaṃ tato nirodhasaccaṃ, tadadhigamūpāyadassanatthaṃ ante maggasaccaṃ. Bhavasukhassādagadhitānaṃ vā sattānaṃ saṃvegajananatthaṃ paṭhamaṃ dukkhamāha. Taṃ neva akataṃ āgacchati, na issaranimmānādito hoti, ito pana hotīti ñāpanatthaṃ tadanantaraṃ samudayaṃ. Tato sahetukena dukkhena abhibhūtattā saṃviggamānasānaṃ dukkhanissaraṇagavesīnaṃ nissaraṇadassanena assāsajananatthaṃ nirodhaṃ. Tato nirodhādhigamanatthaṃ nirodhasampāpakaṃ magganti ayametesaṃ kamo.
зд̇зсу бана бхааро вияа д̣̇угкасажжам̣ д̣̇адтаб̣б̣ам̣, бхаараад̣̇аанамива самуд̣̇аяасажжам̣, бхааранигкзбанамива нирод̇хасажжам̣, бхааранигкзбануубааяо вияа маг̇г̇асажжам̣. рог̇о вияа ваа д̣̇угкасажжам̣, рог̇анид̣̇аанамива самуд̣̇аяасажжам̣, рог̇авуубасамо вияа нирод̇хасажжам̣, бхзсаж̇ж̇амива маг̇г̇асажжам̣. д̣̇уб̣бхигкамива ваа д̣̇угкасажжам̣, д̣̇уб̣б̣удти вияа самуд̣̇аяасажжам̣, субхигкамива нирод̇хасажжам̣, сувудти вияа маг̇г̇асажжам̣. абижа взрийвзрамуулавзрасамуг̇гхаад̇авзрасамуг̇гхаад̇уубааязхи, висаругкаругкамууламуулуубажчзд̣̇ад̇ад̣̇убажчзд̣̇уубааязхи, бхаяабхаяамууланиб̣бхаяад̇ад̣̇ад̇хиг̇амуубааязхи, оримад̇ийрамахогхабааримад̇ийрад̇ам̣самбаабагавааяаамзхи жа яож̇зд̇ваабзд̇аани убамаад̇о взд̣̇ид̇аб̣б̣аанийд̇и.
Etesu pana bhāro viya dukkhasaccaṃ daṭṭhabbaṃ, bhārādānamiva samudayasaccaṃ, bhāranikkhepanamiva nirodhasaccaṃ, bhāranikkhepanūpāyo viya maggasaccaṃ. Rogo viya vā dukkhasaccaṃ, roganidānamiva samudayasaccaṃ, rogavūpasamo viya nirodhasaccaṃ, bhesajjamiva maggasaccaṃ. Dubbhikkhamiva vā dukkhasaccaṃ, dubbuṭṭhi viya samudayasaccaṃ, subhikkhamiva nirodhasaccaṃ, suvuṭṭhi viya maggasaccaṃ. Apica verīveramūlaverasamugghātaverasamugghātūpāyehi, visarukkharukkhamūlamūlūpacchedatadupacchedūpāyehi, bhayabhayamūlanibbhayatadadhigamūpāyehi, orimatīramahoghapārimatīrataṃsampāpakavāyāmehi ca yojetvāpetāni upamāto veditabbānīti.
саб̣б̣аанзва банзд̇аани сажжаани барамад̇т̇зна взд̣̇агагаараганиб̣б̣уд̇аг̇амагаабхаавад̇о сун̃н̃аанийд̇и взд̣̇ид̇аб̣б̣аани. д̇знзд̇ам̣ вужжад̇и –
Sabbāneva panetāni saccāni paramatthena vedakakārakanibbutagamakābhāvato suññānīti veditabbāni. Tenetaṃ vuccati –
‘‘д̣̇угкамзва хи на гожи д̣̇угкид̇о, гаараго на гирияаава виж̇ж̇ад̇и;
‘‘Dukkhameva hi na koci dukkhito, kārako na kiriyāva vijjati;
ад̇т̇и ниб̣б̣уд̇и на ниб̣б̣уд̇о бумаа, маг̇г̇амад̇т̇и г̇амаго на виж̇ж̇ад̇ий’’д̇и.
Atthi nibbuti na nibbuto pumā, maggamatthi gamako na vijjatī’’ti.
ат̇а ваа –
Atha vā –
д̇хувасубхасукад̇д̇асун̃н̃ам̣, буримад̣̇ваяамад̇д̇асун̃н̃амамад̇абад̣̇ам̣;
Dhuvasubhasukhattasuññaṃ, purimadvayamattasuññamamatapadaṃ;
д̇хувасукаад̇д̇авирахид̇о, маг̇г̇о ид̇и сун̃н̃ад̇аа д̇зсу.
Dhuvasukhaattavirahito, maggo iti suññatā tesu.
нирод̇хасун̃н̃аани ваа д̇ийн̣и, нирод̇хо жа сзсад̇д̇аяасун̃н̃о. паласун̃н̃о ваа зд̇т̇а хзд̇у самуд̣̇аяз д̣̇угкасса абхаавад̇о, маг̇г̇з жа нирод̇хасса, на палзна саг̇аб̣бхо багад̇иваад̣̇ийнам̣ багад̇и вияа. хзд̇усун̃н̃ан̃жа палам̣ д̣̇угкасамуд̣̇аяаанам̣ нирод̇хамаг̇г̇аанан̃жа асамавааяаа, на хзд̇усамавзд̇ам̣ хзд̇упалам̣ самавааяаваад̣̇ийнам̣ д̣̇виан̣угаад̣̇и вияа. д̇знзд̇ам̣ вужжад̇и –
Nirodhasuññāni vā tīṇi, nirodho ca sesattayasuñño. Phalasuñño vā ettha hetu samudaye dukkhassa abhāvato, magge ca nirodhassa, na phalena sagabbho pakativādīnaṃ pakati viya. Hetusuññañca phalaṃ dukkhasamudayānaṃ nirodhamaggānañca asamavāyā, na hetusamavetaṃ hetuphalaṃ samavāyavādīnaṃ dviaṇukādi viya. Tenetaṃ vuccati –
‘‘д̇аяамид̇ха нирод̇хасун̃н̃ам̣, д̇аязна д̇знааби ниб̣б̣уд̇ий сун̃н̃аа;
‘‘Tayamidha nirodhasuññaṃ, tayena tenāpi nibbutī suññā;
сун̃н̃о палзна хзд̇у, паламби д̇ам̣хзд̇унаа сун̃н̃а’’нд̇и.
Suñño phalena hetu, phalampi taṃhetunā suñña’’nti.
саб̣б̣аанзва сажжаани ан̃н̃аман̃н̃асабхааг̇аани авид̇ат̇ад̇о ад̇д̇асун̃н̃ад̇о д̣̇уггарабадивзд̇хад̇о жа. яат̇ааха –
Sabbāneva saccāni aññamaññasabhāgāni avitathato attasuññato dukkarapaṭivedhato ca. Yathāha –
‘‘д̇ам̣ гим̣ ман̃н̃аси, аананд̣̇а, гад̇амам̣ ну ко д̣̇уггарад̇арам̣ ваа д̣̇урабхисамбхавад̇арам̣ ваа, яо д̣̇уурад̇ова сукумзна д̇аал̣ажчиг̇г̇ал̣зна асанам̣ ад̇ибаад̇зяяа бон̇каанубон̇кам̣ авираад̇хид̇ам̣, яо ваа сад̇д̇ад̇хаа бхиннасса вааласса годияаа годим̣ бадивиж̇жхзяяаад̇и? зд̇ад̣̇зва, бханд̇з, д̣̇уггарад̇аран̃жзва д̣̇урабхисамбхавад̇аран̃жа; яо ваа сад̇д̇ад̇хаа бхиннасса вааласса годияаа годим̣ бадивиж̇жхзяяаад̇и; ат̇а ко д̇з, аананд̣̇а, д̣̇уббадивиж̇жхад̇арам̣ бадивиж̇жханд̇и, яз ‘ид̣̇ам̣ д̣̇угка’нд̇и яат̇аабхууд̇ам̣ бадивиж̇жханд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ бадивиж̇жханд̇ий’’д̇и (сам̣. ни. 5.1115);
‘‘Taṃ kiṃ maññasi, ānanda, katamaṃ nu kho dukkarataraṃ vā durabhisambhavataraṃ vā, yo dūratova sukhumena tāḷacchiggaḷena asanaṃ atipāteyya poṅkhānupoṅkhaṃ avirādhitaṃ, yo vā sattadhā bhinnassa vālassa koṭiyā koṭiṃ paṭivijjheyyāti? Etadeva, bhante, dukkaratarañceva durabhisambhavatarañca; Yo vā sattadhā bhinnassa vālassa koṭiyā koṭiṃ paṭivijjheyyāti; Atha kho te, ānanda, duppaṭivijjhataraṃ paṭivijjhanti, ye ‘idaṃ dukkha’nti yathābhūtaṃ paṭivijjhanti…pe… ‘ayaṃ dukkhanirodhagāminī paṭipadā’ti yathābhūtaṃ paṭivijjhantī’’ti (saṃ. ni. 5.1115);
висабхааг̇аани салагкан̣ававад̇т̇аанад̇о. буримаани жа д̣̇вз сабхааг̇аани д̣̇ураваг̇аахад̇т̇зна г̇амбхийрад̇д̇аа логияад̇д̇аа саасавад̇д̇аа жа, висабхааг̇аани палахзд̇убхзд̣̇ад̇о барин̃н̃зяяабахаад̇аб̣б̣ад̇о жа. бажчимааниби д̣̇вз сабхааг̇аани г̇амбхийрад̇д̇зна д̣̇ураваг̇аахад̇д̇аа логуд̇д̇арад̇д̇аа анаасавад̇д̇аа жа, висабхааг̇аани висаяависаяийбхзд̣̇ад̇о сажчигаад̇аб̣б̣абхаавзд̇аб̣б̣ад̇о жа. батамад̇ад̇ияаани жааби сабхааг̇аани палаабад̣̇зсад̇о, висабхааг̇аани сан̇кад̇аасан̇кад̇ад̇о . д̣̇уд̇ияажад̇уд̇т̇аани жааби сабхааг̇аани хзд̇уабад̣̇зсад̇о, висабхааг̇аани зганд̇агусалаагусалад̇о. батамажад̇уд̇т̇аани жааби сабхааг̇аани сан̇кад̇ад̇о, висабхааг̇аани логияалогуд̇д̇арад̇о. д̣̇уд̇ияад̇ад̇ияаани жааби сабхааг̇аани нзвасзгканаасзгкабхаавад̇о, висабхааг̇аани саарамман̣аанаарамман̣ад̇о.
Visabhāgāni salakkhaṇavavatthānato. Purimāni ca dve sabhāgāni duravagāhatthena gambhīrattā lokiyattā sāsavattā ca, visabhāgāni phalahetubhedato pariññeyyapahātabbato ca. Pacchimānipi dve sabhāgāni gambhīrattena duravagāhattā lokuttarattā anāsavattā ca, visabhāgāni visayavisayībhedato sacchikātabbabhāvetabbato ca. Paṭhamatatiyāni cāpi sabhāgāni phalāpadesato, visabhāgāni saṅkhatāsaṅkhatato . Dutiyacatutthāni cāpi sabhāgāni hetuapadesato, visabhāgāni ekantakusalākusalato. Paṭhamacatutthāni cāpi sabhāgāni saṅkhatato, visabhāgāni lokiyalokuttarato. Dutiyatatiyāni cāpi sabhāgāni nevasekkhanāsekkhabhāvato, visabhāgāni sārammaṇānārammaṇato.
‘‘ид̇и звам̣ багаарзхи, наязхи жа вижагкан̣о;
‘‘Iti evaṃ pakārehi, nayehi ca vicakkhaṇo;
виж̇ан̃н̃аа арияасажжаанам̣, сабхааг̇ависабхааг̇ад̇а’’нд̇и.
Vijaññā ariyasaccānaṃ, sabhāgavisabhāgata’’nti.
саб̣б̣амзва жзд̇т̇а д̣̇угкам̣ згавид̇хам̣ бавад̇д̇ибхаавад̇о, д̣̇увид̇хам̣ наамаруубад̇о, д̇ивид̇хам̣ гаамаруубааруубуубабад̇д̇ибхавабхзд̣̇ад̇о, жад̇уб̣б̣ид̇хам̣ жад̇уаахаарабхзд̣̇ад̇о, бан̃жавид̇хам̣ бан̃жубаад̣̇аанагканд̇хабхзд̣̇ад̇о. самуд̣̇аяоби згавид̇хо бавад̇д̇агабхаавад̇о, д̣̇увид̇хо д̣̇идтисамбаяуд̇д̇аасамбаяуд̇д̇ад̇о, д̇ивид̇хо гаамабхававибхавад̇ан̣хаабхзд̣̇ад̇о, жад̇уб̣б̣ид̇хо жад̇умаг̇г̇аббахзяяад̇о, бан̃жавид̇хо руубаабхинанд̣̇анаад̣̇ибхзд̣̇ад̇о, чаб̣б̣ид̇хо чад̇ан̣хаагааяабхзд̣̇ад̇о. нирод̇хоби згавид̇хо асан̇кад̇ад̇хаад̇убхаавад̇о, барияааяад̇о бана д̣̇увид̇хо саубаад̣̇исзсаанубаад̣̇исзсад̇о, д̇ивид̇хо бхавад̇д̇аяавуубасамад̇о, жад̇уб̣б̣ид̇хо жад̇умаг̇г̇аад̇хиг̇аманийяад̇о, бан̃жавид̇хо бан̃жаабхинанд̣̇анавуубасамад̇о, чаб̣б̣ид̇хо чад̇ан̣хаагааяагкаяабхзд̣̇ад̇о. маг̇г̇оби згавид̇хо бхаавзд̇аб̣б̣ад̇о, д̣̇увид̇хо самат̇авибассанаабхзд̣̇ад̇о, д̣̇ассанабхааванаабхзд̣̇ад̇о ваа, д̇ивид̇хо канд̇хад̇д̇аяабхзд̣̇ад̇о. аяан̃хи саббад̣̇зсад̇д̇аа наг̇арам̣ вияа раж̇ж̇зна ниббад̣̇зсзхи д̇ийхи канд̇хзхи сан̇г̇ахид̇о. яат̇ааха –
Sabbameva cettha dukkhaṃ ekavidhaṃ pavattibhāvato, duvidhaṃ nāmarūpato, tividhaṃ kāmarūpārūpūpapattibhavabhedato, catubbidhaṃ catuāhārabhedato, pañcavidhaṃ pañcupādānakkhandhabhedato. Samudayopi ekavidho pavattakabhāvato, duvidho diṭṭhisampayuttāsampayuttato, tividho kāmabhavavibhavataṇhābhedato, catubbidho catumaggappaheyyato, pañcavidho rūpābhinandanādibhedato, chabbidho chataṇhākāyabhedato. Nirodhopi ekavidho asaṅkhatadhātubhāvato, pariyāyato pana duvidho saupādisesaanupādisesato, tividho bhavattayavūpasamato, catubbidho catumaggādhigamanīyato, pañcavidho pañcābhinandanavūpasamato, chabbidho chataṇhākāyakkhayabhedato. Maggopi ekavidho bhāvetabbato, duvidho samathavipassanābhedato, dassanabhāvanābhedato vā, tividho khandhattayabhedato. Ayañhi sappadesattā nagaraṃ viya rajjena nippadesehi tīhi khandhehi saṅgahito. Yathāha –
‘‘на ко, аавусо висаака, ариязна адтан̇г̇игзна маг̇г̇зна д̇аяо канд̇хаа сан̇г̇ахид̇аа, д̇ийхи жа ко, аавусо висаака, канд̇хзхи арияо адтан̇г̇иго маг̇г̇о сан̇г̇ахид̇о. яаа, жаавусо висаака, саммааваажаа яо жа саммаагамманд̇о яо жа саммааааж̇ийво, имз д̇хаммаа сийлагканд̇хз сан̇г̇ахид̇аа. яо жа саммаавааяаамо яаа жа саммаасад̇и яо жа саммаасамаад̇хи, имз д̇хаммаа самаад̇хигканд̇хз сан̇г̇ахид̇аа. яаа жа саммаад̣̇идти яо жа саммаасан̇габбо, имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462).
‘‘Na kho, āvuso visākha, ariyena aṭṭhaṅgikena maggena tayo khandhā saṅgahitā, tīhi ca kho, āvuso visākha, khandhehi ariyo aṭṭhaṅgiko maggo saṅgahito. Yā, cāvuso visākha, sammāvācā yo ca sammākammanto yo ca sammāājīvo, ime dhammā sīlakkhandhe saṅgahitā. Yo ca sammāvāyāmo yā ca sammāsati yo ca sammāsamādhi, ime dhammā samādhikkhandhe saṅgahitā. Yā ca sammādiṭṭhi yo ca sammāsaṅkappo, ime dhammā paññākkhandhe saṅgahitā’’ti (ma. ni. 1.462).
жад̇уб̣б̣ид̇хо сод̇аабад̇д̇имаг̇г̇аад̣̇ивасзна.
Catubbidho sotāpattimaggādivasena.
абижа саб̣б̣аанзва сажжаани згавид̇хаани авид̇ат̇ад̇д̇аа, абхин̃н̃зяяад̇д̇аа ваа. д̣̇увид̇хаани логияалогуд̇д̇арад̇о, сан̇кад̇аасан̇кад̇ад̇о ваа. д̇ивид̇хаани д̣̇ассанабхааванаахи бахаад̇аб̣б̣ад̇о аббахаад̇аб̣б̣ад̇о нзвабахаад̇аб̣б̣анаабахаад̇аб̣б̣ад̇о жа. жад̇уб̣б̣ид̇хаани барин̃н̃зяяабахаад̇аб̣б̣асажчигаад̇аб̣б̣абхаавзд̇аб̣б̣ад̇од̇и.
Apica sabbāneva saccāni ekavidhāni avitathattā, abhiññeyyattā vā. Duvidhāni lokiyalokuttarato, saṅkhatāsaṅkhatato vā. Tividhāni dassanabhāvanāhi pahātabbato appahātabbato nevapahātabbanāpahātabbato ca. Catubbidhāni pariññeyyapahātabbasacchikātabbabhāvetabbatoti.
‘‘звам̣ арияасажжаанам̣, д̣̇уб̣б̣од̇хаанам̣ б̣уд̇хо вид̇хим̣;
‘‘Evaṃ ariyasaccānaṃ, dubbodhānaṃ budho vidhiṃ;
анзгабхзд̣̇ад̇о ж̇ан̃н̃аа, хид̇ааяа жа сукааяа жаа’’д̇и.
Anekabhedato jaññā, hitāya ca sukhāya cā’’ti.
сажжабагин̣н̣агаван̣н̣анаа нидтид̇аа.
Saccapakiṇṇakavaṇṇanā niṭṭhitā.
ид̣̇аани д̇хаммасзнаабад̇и бхаг̇авад̇аа д̣̇зсид̇аггамзнзва анд̇з сажжажад̇уггам̣ нид̣̇д̣̇исид̇ваа ‘‘д̇ам̣ н̃аад̇адтзна н̃аан̣а’’нд̇иаад̣̇инаа сажжажад̇уггавасзна суд̇амаяз н̃аан̣ам̣ ниг̇амзд̇ваа д̣̇ассзд̇и. звам̣ ‘‘сод̇аавад̇хаанз бан̃н̃аа суд̇амаяз н̃аан̣а’’нд̇и буб̣б̣з вуд̇д̇ам̣ саб̣б̣ам̣ ниг̇амзд̇ваа д̣̇ассзд̇ийд̇и.
Idāni dhammasenāpati bhagavatā desitakkameneva ante saccacatukkaṃ niddisitvā ‘‘taṃ ñātaṭṭhena ñāṇa’’ntiādinā saccacatukkavasena sutamaye ñāṇaṃ nigametvā dasseti. Evaṃ ‘‘sotāvadhāne paññā sutamaye ñāṇa’’nti pubbe vuttaṃ sabbaṃ nigametvā dassetīti.
сад̣̇д̇хаммаббагаасинияаа бадисамбхид̣̇аамаг̇г̇адтагат̇ааяа
Saddhammappakāsiniyā paṭisambhidāmaggaṭṭhakathāya
суд̇амаяан̃аан̣анид̣̇д̣̇зсаван̣н̣анаа нидтид̇аа.
Sutamayañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇амаяан̃аан̣анид̣̇д̣̇зсо • 1. Sutamayañāṇaniddeso
