| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. สจฺจสญฺญกเตฺถรอปทานํ
3. Saccasaññakattheraapadānaṃ
๑๑.
11.
‘‘เวสฺสภู ตมฺหิ สมเย, ภิกฺขุสงฺฆปุรกฺขโต;
‘‘Vessabhū tamhi samaye, bhikkhusaṅghapurakkhato;
เทเสติ อริยสจฺจานิ, นิพฺพาเปโนฺต มหาชนํฯ
Deseti ariyasaccāni, nibbāpento mahājanaṃ.
๑๒.
12.
‘‘ปรมการุญฺญปโตฺตมฺหิ, สมิติํ อคมาสหํ;
‘‘Paramakāruññapattomhi, samitiṃ agamāsahaṃ;
โสหํ นิสินฺนโก สโนฺต, ธมฺมมโสฺสสิ สตฺถุโนฯ
Sohaṃ nisinnako santo, dhammamassosi satthuno.
๑๓.
13.
‘‘ตสฺสาหํ ธมฺมํ สุตฺวาน, เทวโลกํ อคจฺฉหํ;
‘‘Tassāhaṃ dhammaṃ sutvāna, devalokaṃ agacchahaṃ;
ติํสกปฺปานิ เทเวสุ, อวสิํ ตตฺถหํ ปุเรฯ
Tiṃsakappāni devesu, avasiṃ tatthahaṃ pure.
๑๔.
14.
‘‘เอกตฺติํเส อิโต กเปฺป, ยํ สญฺญมลภิํ ตทา;
‘‘Ekattiṃse ito kappe, yaṃ saññamalabhiṃ tadā;
ทุคฺคติํ นาภิชานามิ, สจฺจสญฺญายิทํ ผลํฯ
Duggatiṃ nābhijānāmi, saccasaññāyidaṃ phalaṃ.
๑๕.
15.
‘‘ฉพฺพีสมฺหิ อิโต กเปฺป, เอโก อาสิํ ชนาธิโป;
‘‘Chabbīsamhi ito kappe, eko āsiṃ janādhipo;
เอกผุสิตนาเมน, จกฺกวตฺตี มหพฺพโลฯ
Ekaphusitanāmena, cakkavattī mahabbalo.
๑๖.
16.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สจฺจสญฺญโก เถโร อิมา คาถาโย อภาสิตฺถาติฯ
Itthaṃ sudaṃ āyasmā saccasaññako thero imā gāthāyo abhāsitthāti.
สจฺจสญฺญกเตฺถรสฺสาปทานํ ตติยํฯ
Saccasaññakattherassāpadānaṃ tatiyaṃ.
