| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. සච්‌චසඤ්‌ඤකත්‌ථෙරඅපදානං
3. Saccasaññakattheraapadānaṃ
11.
11.
‘‘වෙස්‌සභූ තම්‌හි සමයෙ, භික්‌ඛුසඞ්‌ඝපුරක්‌ඛතො;
‘‘Vessabhū tamhi samaye, bhikkhusaṅghapurakkhato;
දෙසෙති අරියසච්‌චානි, නිබ්‌බාපෙන්‌තො මහාජනං.
Deseti ariyasaccāni, nibbāpento mahājanaṃ.
12.
12.
‘‘පරමකාරුඤ්‌ඤපත්‌තොම්‌හි, සමිතිං අගමාසහං;
‘‘Paramakāruññapattomhi, samitiṃ agamāsahaṃ;
සොහං නිසින්‌නකො සන්‌තො, ධම්‌මමස්‌සොසි සත්‌ථුනො.
Sohaṃ nisinnako santo, dhammamassosi satthuno.
13.
13.
‘‘තස්‌සාහං ධම්‌මං සුත්‌වාන, දෙවලොකං අගච්‌ඡහං;
‘‘Tassāhaṃ dhammaṃ sutvāna, devalokaṃ agacchahaṃ;
තිංසකප්‌පානි දෙවෙසු, අවසිං තත්‌ථහං පුරෙ.
Tiṃsakappāni devesu, avasiṃ tatthahaṃ pure.
14.
14.
‘‘එකත්‌තිංසෙ ඉතො කප්‌පෙ, යං සඤ්‌ඤමලභිං තදා;
‘‘Ekattiṃse ito kappe, yaṃ saññamalabhiṃ tadā;
දුග්‌ගතිං නාභිජානාමි, සච්‌චසඤ්‌ඤායිදං ඵලං.
Duggatiṃ nābhijānāmi, saccasaññāyidaṃ phalaṃ.
15.
15.
‘‘ඡබ්‌බීසම්‌හි ඉතො කප්‌පෙ, එකො ආසිං ජනාධිපො;
‘‘Chabbīsamhi ito kappe, eko āsiṃ janādhipo;
එකඵුසිතනාමෙන, චක්‌කවත්‌තී මහබ්‌බලො.
Ekaphusitanāmena, cakkavattī mahabbalo.
16.
16.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සච්‌චසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā saccasaññako thero imā gāthāyo abhāsitthāti.
සච්‌චසඤ්‌ඤකත්‌ථෙරස්‌සාපදානං තතියං.
Saccasaññakattherassāpadānaṃ tatiyaṃ.
