| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
8. сажжад̇аабасажарияааван̣н̣анаа
8. Saccatāpasacariyāvaṇṇanā
адтамз д̇аабасо сажжасавхаяод̇и сажжасад̣̇д̣̇зна авхаад̇аб̣б̣о сажжанаамаго д̇аабасо яад̣̇аа яасмим̣ гаалз хоми, д̇ад̣̇аа. сажжзна логам̣ баалзсинд̇и ад̇д̇ано ависам̣ваад̣̇ибхаавзна сад̇д̇алогам̣ ж̇амб̣уд̣̇ийбз д̇ад̇т̇а д̇ад̇т̇а сад̇д̇анигааяам̣ баабад̇о наанаавид̇хаа анад̇т̇ад̇о жа рагким̣. самаг̇г̇ам̣ ж̇анамагаасаханд̇и д̇ад̇т̇а д̇ад̇т̇а галахавиг̇г̇ахавиваад̣̇аабаннам̣ махааж̇анам̣ галахз аад̣̇ийнавам̣ д̣̇ассзд̇ваа саамаг̇г̇ияам̣ аанисам̣сагат̇анзна самаг̇г̇ам̣ авивад̣̇амаанам̣ саммод̣̇амаанам̣ ахамагаасим̣.
Aṭṭhame tāpaso saccasavhayoti saccasaddena avhātabbo saccanāmako tāpaso yadā yasmiṃ kāle homi, tadā. Saccena lokaṃ pālesinti attano avisaṃvādibhāvena sattalokaṃ jambudīpe tattha tattha sattanikāyaṃ pāpato nānāvidhā anatthato ca rakkhiṃ. Samaggaṃ janamakāsahanti tattha tattha kalahaviggahavivādāpannaṃ mahājanaṃ kalahe ādīnavaṃ dassetvā sāmaggiyaṃ ānisaṃsakathanena samaggaṃ avivadamānaṃ sammodamānaṃ ahamakāsiṃ.
д̇ад̣̇аа хи б̣од̇хисад̇д̇о б̣аараан̣асияам̣ ан̃н̃ад̇арасмим̣ б̣раахман̣амахаасаалагулз ниб̣б̣ад̇д̇и. д̇асса ‘‘сажжо’’д̇и наамам̣ гарим̣су. со ваяаббад̇д̇о д̇аггасилам̣ г̇анд̇ваа д̣̇исаабаамогкасса аажарияасса санд̇игз сиббам̣ уг̇г̇ан̣хид̇ваа нажирассзва саб̣б̣асиббаанам̣ нибпад̇д̇им̣ бад̇д̇о. аажариязна анун̃н̃аад̇о б̣аараан̣асим̣ бажжааг̇анд̇ваа маад̇аабид̇аро ванд̣̇ид̇ваа д̇зхи абхинанд̣̇ияамаано д̇зсам̣ жид̇д̇аанурагкан̣ад̇т̇ам̣ гад̇ибаахам̣ д̇зсам̣ санд̇игз васи. ат̇а нам̣ маад̇аабид̇аро бад̇ируубзна д̣̇аарзна сам̣яож̇зд̇угаамаа саб̣б̣ам̣ вибхаваж̇аад̇ам̣ аажигкид̇ваа гхарааваасзна ниманд̇зсум̣.
Tadā hi bodhisatto bārāṇasiyaṃ aññatarasmiṃ brāhmaṇamahāsālakule nibbatti. Tassa ‘‘sacco’’ti nāmaṃ kariṃsu. So vayappatto takkasilaṃ gantvā disāpāmokkhassa ācariyassa santike sippaṃ uggaṇhitvā nacirasseva sabbasippānaṃ nipphattiṃ patto. Ācariyena anuññāto bārāṇasiṃ paccāgantvā mātāpitaro vanditvā tehi abhinandiyamāno tesaṃ cittānurakkhaṇatthaṃ katipāhaṃ tesaṃ santike vasi. Atha naṃ mātāpitaro patirūpena dārena saṃyojetukāmā sabbaṃ vibhavajātaṃ ācikkhitvā gharāvāsena nimantesuṃ.
махаасад̇д̇о нзгкаммаж̇жхаасаяо ад̇д̇ано нзгкаммабаарамим̣ бариб̣руухзд̇угаамо гхарааваасз аад̣̇ийнавам̣ баб̣б̣аж̇ж̇ааяа аанисам̣сан̃жа наанаббагаарад̇о гат̇зд̇ваа маад̇аабид̇уунам̣ ассумукаанам̣ род̣̇амаанаанам̣ абаримаан̣ам̣ бхог̇агканд̇хам̣ ананд̇ам̣ яасам̣ маханд̇ан̃жа н̃аад̇ибариваддам̣ бахааяа махаанааг̇ова аяасан̇калигам̣ гхараб̣анд̇ханам̣ чинд̣̇анд̇о нигкамид̇ваа химаванд̇аббад̣̇зсам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа ванамуулапалаапалзхи яаабзнд̇о нажирассзва адта самаабад̇д̇ияо бан̃жа жа абхин̃н̃ааяо ниб̣б̣ад̇д̇зд̇ваа жхаанагийл̣ам̣ гийл̣аяамаано самаабад̇д̇ивихаарзна вихарад̇и.
Mahāsatto nekkhammajjhāsayo attano nekkhammapāramiṃ paribrūhetukāmo gharāvāse ādīnavaṃ pabbajjāya ānisaṃsañca nānappakārato kathetvā mātāpitūnaṃ assumukhānaṃ rodamānānaṃ aparimāṇaṃ bhogakkhandhaṃ anantaṃ yasaṃ mahantañca ñātiparivaṭṭaṃ pahāya mahānāgova ayasaṅkhalikaṃ gharabandhanaṃ chindanto nikkhamitvā himavantappadesaṃ pavisitvā isipabbajjaṃ pabbajitvā vanamūlaphalāphalehi yāpento nacirasseva aṭṭha samāpattiyo pañca ca abhiññāyo nibbattetvā jhānakīḷaṃ kīḷayamāno samāpattivihārena viharati.
со згад̣̇ивасам̣ д̣̇иб̣б̣ажагкунаа логам̣ ологзнд̇о ад̣̇д̣̇аса сагалаж̇амб̣уд̣̇ийбз мануссз язбхуяязна баан̣аад̇ибаад̇аад̣̇ид̣̇асаагусалагаммабат̇абасуд̇з гааманид̣̇аанам̣ гаамаад̇хигаран̣ам̣ ан̃н̃аман̃н̃ам̣ виваад̣̇аабаннз. д̣̇исваа звам̣ жинд̇зси – ‘‘на ко бана мзд̇ам̣ бад̇ируубам̣, яад̣̇ид̣̇ам̣ имз сад̇д̇з звам̣ баабабасуд̇з виваад̣̇аабаннз жа д̣̇исваа аж̇жхубзгкан̣ам̣. ахан̃хи ‘сад̇д̇з сам̣саарабан̇гад̇о уд̣̇д̇харид̇ваа ниб̣б̣аанат̇алз бад̇идтабзссаамий’д̇и махаасамб̣од̇хияаанам̣ бадибанно, д̇асмаа д̇ам̣ бадин̃н̃ам̣ ависам̣ваад̣̇знд̇о яам̣нуунаахам̣ мануссабат̇ам̣ г̇анд̇ваа д̇з д̇з сад̇д̇з баабад̇о орамаабзяяам̣, виваад̣̇ан̃жа нзсам̣ вуубасамзяяа’’нд̇и.
So ekadivasaṃ dibbacakkhunā lokaṃ olokento addasa sakalajambudīpe manusse yebhuyyena pāṇātipātādidasaakusalakammapathapasute kāmanidānaṃ kāmādhikaraṇaṃ aññamaññaṃ vivādāpanne. Disvā evaṃ cintesi – ‘‘na kho pana metaṃ patirūpaṃ, yadidaṃ ime satte evaṃ pāpapasute vivādāpanne ca disvā ajjhupekkhaṇaṃ. Ahañhi ‘satte saṃsārapaṅkato uddharitvā nibbānathale patiṭṭhapessāmī’ti mahāsambodhiyānaṃ paṭipanno, tasmā taṃ paṭiññaṃ avisaṃvādento yaṃnūnāhaṃ manussapathaṃ gantvā te te satte pāpato oramāpeyyaṃ, vivādañca nesaṃ vūpasameyya’’nti.
звам̣ бана жинд̇зд̇ваа махаасад̇д̇о махаагарун̣ааяа самуссаахид̇о санд̇ам̣ самаабад̇д̇исукам̣ бахааяа ид̣̇д̇хияаа д̇ад̇т̇а д̇ад̇т̇а г̇анд̇ваа д̇зсам̣ жид̇д̇аанугуулам̣ д̇хаммам̣ д̣̇зсзнд̇о галахавиг̇г̇ахавиваад̣̇аабаннз сад̇д̇з д̣̇идтад̇хаммиган̃жа самбарааяиган̃жа вирод̇хз аад̣̇ийнавам̣ д̣̇ассзд̇ваа ан̃н̃аман̃н̃ам̣ самаг̇г̇з сахид̇з агааси. анзгаагааравогааран̃жа баабз аад̣̇ийнавам̣ вибхаавзнд̇о д̇ад̇о сад̇д̇з вивзжзд̇ваа згажжз д̣̇асасу гусалагаммабат̇ад̇хаммзсу бад̇идтаабзси. згажжз баб̣б̣ааж̇зд̇ваа сийласам̣варз инд̣̇рияаг̇уд̇д̇ияам̣ сад̇исамбаж̇ан̃н̃з бавивзгаваасз жхаанаабхин̃н̃аасу жа яат̇аарахам̣ бад̇идтаабзси. д̇зна вуд̇д̇ам̣ –
Evaṃ pana cintetvā mahāsatto mahākaruṇāya samussāhito santaṃ samāpattisukhaṃ pahāya iddhiyā tattha tattha gantvā tesaṃ cittānukūlaṃ dhammaṃ desento kalahaviggahavivādāpanne satte diṭṭhadhammikañca samparāyikañca virodhe ādīnavaṃ dassetvā aññamaññaṃ samagge sahite akāsi. Anekākāravokārañca pāpe ādīnavaṃ vibhāvento tato satte vivecetvā ekacce dasasu kusalakammapathadhammesu patiṭṭhāpesi. Ekacce pabbājetvā sīlasaṃvare indriyaguttiyaṃ satisampajaññe pavivekavāse jhānābhiññāsu ca yathārahaṃ patiṭṭhāpesi. Tena vuttaṃ –
71.
71.
‘‘бунаабарам̣ яад̣̇аа хоми, д̇аабасо сажжасавхаяо;
‘‘Punāparaṃ yadā homi, tāpaso saccasavhayo;
сажжзна логам̣ баалзсим̣, самаг̇г̇ам̣ ж̇анамагаасаха’’нд̇и.
Saccena lokaṃ pālesiṃ, samaggaṃ janamakāsaha’’nti.
ид̇хааби махаабурисасса хздтаа вуд̇д̇анаязнзва сзсабаарамияо нид̣̇д̇хаарзд̇аб̣б̣аа. д̇ат̇аа г̇ун̣аанубхааваа жа вибхаавзд̇аб̣б̣аад̇и.
Idhāpi mahāpurisassa heṭṭhā vuttanayeneva sesapāramiyo niddhāretabbā. Tathā guṇānubhāvā ca vibhāvetabbāti.
сажжад̇аабасажарияааван̣н̣анаа нидтид̇аа.
Saccatāpasacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 8. сажжад̇аабасажарияаа • 8. Saccatāpasacariyā
