| Library / Tipiṭaka / ਤਿਪਿਟਕ • Tipiṭaka / ਚਰਿਯਾਪਿਟਕ-ਅਟ੍ਠਕਥਾ • Cariyāpiṭaka-aṭṭhakathā |
੮. ਸਚ੍ਚਤਾਪਸਚਰਿਯਾવਣ੍ਣਨਾ
8. Saccatāpasacariyāvaṇṇanā
ਅਟ੍ਠਮੇ ਤਾਪਸੋ ਸਚ੍ਚਸવ੍ਹਯੋਤਿ ਸਚ੍ਚਸਦ੍ਦੇਨ ਅવ੍ਹਾਤਬ੍ਬੋ ਸਚ੍ਚਨਾਮਕੋ ਤਾਪਸੋ ਯਦਾ ਯਸ੍ਮਿਂ ਕਾਲੇ ਹੋਮਿ, ਤਦਾ। ਸਚ੍ਚੇਨ ਲੋਕਂ ਪਾਲੇਸਿਨ੍ਤਿ ਅਤ੍ਤਨੋ ਅવਿਸਂવਾਦਿਭਾવੇਨ ਸਤ੍ਤਲੋਕਂ ਜਮ੍ਬੁਦੀਪੇ ਤਤ੍ਥ ਤਤ੍ਥ ਸਤ੍ਤਨਿਕਾਯਂ ਪਾਪਤੋ ਨਾਨਾવਿਧਾ ਅਨਤ੍ਥਤੋ ਚ ਰਕ੍ਖਿਂ। ਸਮਗ੍ਗਂ ਜਨਮਕਾਸਹਨ੍ਤਿ ਤਤ੍ਥ ਤਤ੍ਥ ਕਲਹવਿਗ੍ਗਹવਿવਾਦਾਪਨ੍ਨਂ ਮਹਾਜਨਂ ਕਲਹੇ ਆਦੀਨવਂ ਦਸ੍ਸੇਤ੍વਾ ਸਾਮਗ੍ਗਿਯਂ ਆਨਿਸਂਸਕਥਨੇਨ ਸਮਗ੍ਗਂ ਅવਿવਦਮਾਨਂ ਸਮ੍ਮੋਦਮਾਨਂ ਅਹਮਕਾਸਿਂ।
Aṭṭhame tāpaso saccasavhayoti saccasaddena avhātabbo saccanāmako tāpaso yadā yasmiṃ kāle homi, tadā. Saccena lokaṃ pālesinti attano avisaṃvādibhāvena sattalokaṃ jambudīpe tattha tattha sattanikāyaṃ pāpato nānāvidhā anatthato ca rakkhiṃ. Samaggaṃ janamakāsahanti tattha tattha kalahaviggahavivādāpannaṃ mahājanaṃ kalahe ādīnavaṃ dassetvā sāmaggiyaṃ ānisaṃsakathanena samaggaṃ avivadamānaṃ sammodamānaṃ ahamakāsiṃ.
ਤਦਾ ਹਿ ਬੋਧਿਸਤ੍ਤੋ ਬਾਰਾਣਸਿਯਂ ਅਞ੍ਞਤਰਸ੍ਮਿਂ ਬ੍ਰਾਹ੍ਮਣਮਹਾਸਾਲਕੁਲੇ ਨਿਬ੍ਬਤ੍ਤਿ। ਤਸ੍ਸ ‘‘ਸਚ੍ਚੋ’’ਤਿ ਨਾਮਂ ਕਰਿਂਸੁ। ਸੋ વਯਪ੍ਪਤ੍ਤੋ ਤਕ੍ਕਸਿਲਂ ਗਨ੍ਤ੍વਾ ਦਿਸਾਪਾਮੋਕ੍ਖਸ੍ਸ ਆਚਰਿਯਸ੍ਸ ਸਨ੍ਤਿਕੇ ਸਿਪ੍ਪਂ ਉਗ੍ਗਣ੍ਹਿਤ੍વਾ ਨਚਿਰਸ੍ਸੇવ ਸਬ੍ਬਸਿਪ੍ਪਾਨਂ ਨਿਪ੍ਫਤ੍ਤਿਂ ਪਤ੍ਤੋ। ਆਚਰਿਯੇਨ ਅਨੁਞ੍ਞਾਤੋ ਬਾਰਾਣਸਿਂ ਪਚ੍ਚਾਗਨ੍ਤ੍વਾ ਮਾਤਾਪਿਤਰੋ વਨ੍ਦਿਤ੍વਾ ਤੇਹਿ ਅਭਿਨਨ੍ਦਿਯਮਾਨੋ ਤੇਸਂ ਚਿਤ੍ਤਾਨੁਰਕ੍ਖਣਤ੍ਥਂ ਕਤਿਪਾਹਂ ਤੇਸਂ ਸਨ੍ਤਿਕੇ વਸਿ। ਅਥ ਨਂ ਮਾਤਾਪਿਤਰੋ ਪਤਿਰੂਪੇਨ ਦਾਰੇਨ ਸਂਯੋਜੇਤੁਕਾਮਾ ਸਬ੍ਬਂ વਿਭવਜਾਤਂ ਆਚਿਕ੍ਖਿਤ੍વਾ ਘਰਾવਾਸੇਨ ਨਿਮਨ੍ਤੇਸੁਂ।
Tadā hi bodhisatto bārāṇasiyaṃ aññatarasmiṃ brāhmaṇamahāsālakule nibbatti. Tassa ‘‘sacco’’ti nāmaṃ kariṃsu. So vayappatto takkasilaṃ gantvā disāpāmokkhassa ācariyassa santike sippaṃ uggaṇhitvā nacirasseva sabbasippānaṃ nipphattiṃ patto. Ācariyena anuññāto bārāṇasiṃ paccāgantvā mātāpitaro vanditvā tehi abhinandiyamāno tesaṃ cittānurakkhaṇatthaṃ katipāhaṃ tesaṃ santike vasi. Atha naṃ mātāpitaro patirūpena dārena saṃyojetukāmā sabbaṃ vibhavajātaṃ ācikkhitvā gharāvāsena nimantesuṃ.
ਮਹਾਸਤ੍ਤੋ ਨੇਕ੍ਖਮ੍ਮਜ੍ਝਾਸਯੋ ਅਤ੍ਤਨੋ ਨੇਕ੍ਖਮ੍ਮਪਾਰਮਿਂ ਪਰਿਬ੍ਰੂਹੇਤੁਕਾਮੋ ਘਰਾવਾਸੇ ਆਦੀਨવਂ ਪਬ੍ਬਜ੍ਜਾਯ ਆਨਿਸਂਸਞ੍ਚ ਨਾਨਪ੍ਪਕਾਰਤੋ ਕਥੇਤ੍વਾ ਮਾਤਾਪਿਤੂਨਂ ਅਸ੍ਸੁਮੁਖਾਨਂ ਰੋਦਮਾਨਾਨਂ ਅਪਰਿਮਾਣਂ ਭੋਗਕ੍ਖਨ੍ਧਂ ਅਨਨ੍ਤਂ ਯਸਂ ਮਹਨ੍ਤਞ੍ਚ ਞਾਤਿਪਰਿવਟ੍ਟਂ ਪਹਾਯ ਮਹਾਨਾਗੋવ ਅਯਸਙ੍ਖਲਿਕਂ ਘਰਬਨ੍ਧਨਂ ਛਿਨ੍ਦਨ੍ਤੋ ਨਿਕ੍ਖਮਿਤ੍વਾ ਹਿਮવਨ੍ਤਪ੍ਪਦੇਸਂ ਪવਿਸਿਤ੍વਾ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ વਨਮੂਲਫਲਾਫਲੇਹਿ ਯਾਪੇਨ੍ਤੋ ਨਚਿਰਸ੍ਸੇવ ਅਟ੍ਠ ਸਮਾਪਤ੍ਤਿਯੋ ਪਞ੍ਚ ਚ ਅਭਿਞ੍ਞਾਯੋ ਨਿਬ੍ਬਤ੍ਤੇਤ੍વਾ ਝਾਨਕੀਲ਼ਂ ਕੀਲ਼ਯਮਾਨੋ ਸਮਾਪਤ੍ਤਿવਿਹਾਰੇਨ વਿਹਰਤਿ।
Mahāsatto nekkhammajjhāsayo attano nekkhammapāramiṃ paribrūhetukāmo gharāvāse ādīnavaṃ pabbajjāya ānisaṃsañca nānappakārato kathetvā mātāpitūnaṃ assumukhānaṃ rodamānānaṃ aparimāṇaṃ bhogakkhandhaṃ anantaṃ yasaṃ mahantañca ñātiparivaṭṭaṃ pahāya mahānāgova ayasaṅkhalikaṃ gharabandhanaṃ chindanto nikkhamitvā himavantappadesaṃ pavisitvā isipabbajjaṃ pabbajitvā vanamūlaphalāphalehi yāpento nacirasseva aṭṭha samāpattiyo pañca ca abhiññāyo nibbattetvā jhānakīḷaṃ kīḷayamāno samāpattivihārena viharati.
ਸੋ ਏਕਦਿવਸਂ ਦਿਬ੍ਬਚਕ੍ਖੁਨਾ ਲੋਕਂ ਓਲੋਕੇਨ੍ਤੋ ਅਦ੍ਦਸ ਸਕਲਜਮ੍ਬੁਦੀਪੇ ਮਨੁਸ੍ਸੇ ਯੇਭੁਯ੍ਯੇਨ ਪਾਣਾਤਿਪਾਤਾਦਿਦਸਅਕੁਸਲਕਮ੍ਮਪਥਪਸੁਤੇ ਕਾਮਨਿਦਾਨਂ ਕਾਮਾਧਿਕਰਣਂ ਅਞ੍ਞਮਞ੍ਞਂ વਿવਾਦਾਪਨ੍ਨੇ। ਦਿਸ੍વਾ ਏવਂ ਚਿਨ੍ਤੇਸਿ – ‘‘ਨ ਖੋ ਪਨ ਮੇਤਂ ਪਤਿਰੂਪਂ, ਯਦਿਦਂ ਇਮੇ ਸਤ੍ਤੇ ਏવਂ ਪਾਪਪਸੁਤੇ વਿવਾਦਾਪਨ੍ਨੇ ਚ ਦਿਸ੍વਾ ਅਜ੍ਝੁਪੇਕ੍ਖਣਂ। ਅਹਞ੍ਹਿ ‘ਸਤ੍ਤੇ ਸਂਸਾਰਪਙ੍ਕਤੋ ਉਦ੍ਧਰਿਤ੍વਾ ਨਿਬ੍ਬਾਨਥਲੇ ਪਤਿਟ੍ਠਪੇਸ੍ਸਾਮੀ’ਤਿ ਮਹਾਸਮ੍ਬੋਧਿਯਾਨਂ ਪਟਿਪਨ੍ਨੋ, ਤਸ੍ਮਾ ਤਂ ਪਟਿਞ੍ਞਂ ਅવਿਸਂવਾਦੇਨ੍ਤੋ ਯਂਨੂਨਾਹਂ ਮਨੁਸ੍ਸਪਥਂ ਗਨ੍ਤ੍વਾ ਤੇ ਤੇ ਸਤ੍ਤੇ ਪਾਪਤੋ ਓਰਮਾਪੇਯ੍ਯਂ, વਿવਾਦਞ੍ਚ ਨੇਸਂ વੂਪਸਮੇਯ੍ਯ’’ਨ੍ਤਿ।
So ekadivasaṃ dibbacakkhunā lokaṃ olokento addasa sakalajambudīpe manusse yebhuyyena pāṇātipātādidasaakusalakammapathapasute kāmanidānaṃ kāmādhikaraṇaṃ aññamaññaṃ vivādāpanne. Disvā evaṃ cintesi – ‘‘na kho pana metaṃ patirūpaṃ, yadidaṃ ime satte evaṃ pāpapasute vivādāpanne ca disvā ajjhupekkhaṇaṃ. Ahañhi ‘satte saṃsārapaṅkato uddharitvā nibbānathale patiṭṭhapessāmī’ti mahāsambodhiyānaṃ paṭipanno, tasmā taṃ paṭiññaṃ avisaṃvādento yaṃnūnāhaṃ manussapathaṃ gantvā te te satte pāpato oramāpeyyaṃ, vivādañca nesaṃ vūpasameyya’’nti.
ਏવਂ ਪਨ ਚਿਨ੍ਤੇਤ੍વਾ ਮਹਾਸਤ੍ਤੋ ਮਹਾਕਰੁਣਾਯ ਸਮੁਸ੍ਸਾਹਿਤੋ ਸਨ੍ਤਂ ਸਮਾਪਤ੍ਤਿਸੁਖਂ ਪਹਾਯ ਇਦ੍ਧਿਯਾ ਤਤ੍ਥ ਤਤ੍ਥ ਗਨ੍ਤ੍વਾ ਤੇਸਂ ਚਿਤ੍ਤਾਨੁਕੂਲਂ ਧਮ੍ਮਂ ਦੇਸੇਨ੍ਤੋ ਕਲਹવਿਗ੍ਗਹવਿવਾਦਾਪਨ੍ਨੇ ਸਤ੍ਤੇ ਦਿਟ੍ਠਧਮ੍ਮਿਕਞ੍ਚ ਸਮ੍ਪਰਾਯਿਕਞ੍ਚ વਿਰੋਧੇ ਆਦੀਨવਂ ਦਸ੍ਸੇਤ੍વਾ ਅਞ੍ਞਮਞ੍ਞਂ ਸਮਗ੍ਗੇ ਸਹਿਤੇ ਅਕਾਸਿ। ਅਨੇਕਾਕਾਰવੋਕਾਰਞ੍ਚ ਪਾਪੇ ਆਦੀਨવਂ વਿਭਾવੇਨ੍ਤੋ ਤਤੋ ਸਤ੍ਤੇ વਿવੇਚੇਤ੍વਾ ਏਕਚ੍ਚੇ ਦਸਸੁ ਕੁਸਲਕਮ੍ਮਪਥਧਮ੍ਮੇਸੁ ਪਤਿਟ੍ਠਾਪੇਸਿ। ਏਕਚ੍ਚੇ ਪਬ੍ਬਾਜੇਤ੍વਾ ਸੀਲਸਂવਰੇ ਇਨ੍ਦ੍ਰਿਯਗੁਤ੍ਤਿਯਂ ਸਤਿਸਮ੍ਪਜਞ੍ਞੇ ਪવਿવੇਕવਾਸੇ ਝਾਨਾਭਿਞ੍ਞਾਸੁ ਚ ਯਥਾਰਹਂ ਪਤਿਟ੍ਠਾਪੇਸਿ। ਤੇਨ વੁਤ੍ਤਂ –
Evaṃ pana cintetvā mahāsatto mahākaruṇāya samussāhito santaṃ samāpattisukhaṃ pahāya iddhiyā tattha tattha gantvā tesaṃ cittānukūlaṃ dhammaṃ desento kalahaviggahavivādāpanne satte diṭṭhadhammikañca samparāyikañca virodhe ādīnavaṃ dassetvā aññamaññaṃ samagge sahite akāsi. Anekākāravokārañca pāpe ādīnavaṃ vibhāvento tato satte vivecetvā ekacce dasasu kusalakammapathadhammesu patiṭṭhāpesi. Ekacce pabbājetvā sīlasaṃvare indriyaguttiyaṃ satisampajaññe pavivekavāse jhānābhiññāsu ca yathārahaṃ patiṭṭhāpesi. Tena vuttaṃ –
੭੧.
71.
‘‘ਪੁਨਾਪਰਂ ਯਦਾ ਹੋਮਿ, ਤਾਪਸੋ ਸਚ੍ਚਸવ੍ਹਯੋ।
‘‘Punāparaṃ yadā homi, tāpaso saccasavhayo;
ਸਚ੍ਚੇਨ ਲੋਕਂ ਪਾਲੇਸਿਂ, ਸਮਗ੍ਗਂ ਜਨਮਕਾਸਹ’’ਨ੍ਤਿ॥
Saccena lokaṃ pālesiṃ, samaggaṃ janamakāsaha’’nti.
ਇਧਾਪਿ ਮਹਾਪੁਰਿਸਸ੍ਸ ਹੇਟ੍ਠਾ વੁਤ੍ਤਨਯੇਨੇવ ਸੇਸਪਾਰਮਿਯੋ ਨਿਦ੍ਧਾਰੇਤਬ੍ਬਾ। ਤਥਾ ਗੁਣਾਨੁਭਾવਾ ਚ વਿਭਾવੇਤਬ੍ਬਾਤਿ।
Idhāpi mahāpurisassa heṭṭhā vuttanayeneva sesapāramiyo niddhāretabbā. Tathā guṇānubhāvā ca vibhāvetabbāti.
ਸਚ੍ਚਤਾਪਸਚਰਿਯਾવਣ੍ਣਨਾ ਨਿਟ੍ਠਿਤਾ।
Saccatāpasacariyāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਚਰਿਯਾਪਿਟਕਪਾਲ਼ਿ • Cariyāpiṭakapāḷi / ੮. ਸਚ੍ਚਤਾਪਸਚਰਿਯਾ • 8. Saccatāpasacariyā
