| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
7. д̇хаммажаггагат̇аа
7. Dhammacakkakathā
1. сажжаваараван̣н̣анаа
1. Saccavāravaṇṇanā
39. буна д̇хаммажаггаббавад̇д̇анасуд̇д̇анд̇амзва буб̣б̣ан̇г̇амам̣ гад̇ваа гат̇ид̇ааяа д̇хаммажаггагат̇ааяа абуб̣б̣ад̇т̇аануван̣н̣анаа. д̇ад̇т̇а д̣̇угкавад̇т̇угаад̇и згаабхисамаяавасзна д̣̇угкам̣ вад̇т̇у зд̇зсанд̇и д̣̇угкавад̇т̇угаа. д̇ад̣̇зва д̣̇угкам̣ висзсзд̇ваа сажжавад̇т̇угаад̇иаад̣̇имааха. д̇ад̇т̇а сажжам̣ аарамман̣ам̣ убад̇т̇амбхо зд̇зсанд̇и сажжаарамман̣аа. сажжам̣ г̇ожаро висаяо зд̇зсанд̇и сажжаг̇ожараа. сажжасан̇г̇ахид̇аад̇и маг̇г̇асажжзна сан̇г̇ахид̇аа. сажжабарияаабаннаад̇и маг̇г̇асажжааяад̇д̇аа. сажжз самуд̣̇ааг̇ад̇аад̇и д̣̇угкабариж̇аананзна д̣̇угкасажжз самуббаннаа. д̇ат̇аа д̇ад̇т̇зва тид̇аа бад̇идтид̇аа жа.
39. Puna dhammacakkappavattanasuttantameva pubbaṅgamaṃ katvā kathitāya dhammacakkakathāya apubbatthānuvaṇṇanā. Tattha dukkhavatthukāti ekābhisamayavasena dukkhaṃ vatthu etesanti dukkhavatthukā. Tadeva dukkhaṃ visesetvā saccavatthukātiādimāha. Tattha saccaṃ ārammaṇaṃ upatthambho etesanti saccārammaṇā. Saccaṃ gocaro visayo etesanti saccagocarā. Saccasaṅgahitāti maggasaccena saṅgahitā. Saccapariyāpannāti maggasaccāyattā. Sacce samudāgatāti dukkhaparijānanena dukkhasacce samuppannā. Tathā tattheva ṭhitā patiṭṭhitā ca.
40. ид̣̇аани ‘‘бавад̇д̇ид̇з жа бхаг̇авад̇аа д̇хаммажаггз’’д̇и вуд̇д̇ам̣ д̇хаммажаггам̣ нид̣̇д̣̇исид̇угаамо д̇хаммажагганд̇иаад̣̇имааха. д̇ад̇т̇а д̣̇увид̇хам̣ д̇хаммажаггам̣ бадивзд̇хад̇хаммажаггам̣ д̣̇зсанаад̇хаммажагган̃жа. бадивзд̇хад̇хаммажаггам̣ б̣од̇хибаллан̇гз, д̣̇зсанаад̇хаммажаггам̣ исибад̇анз. д̇хамман̃жа бавад̇д̇зд̇и жагган̃жаад̇и бадивзд̇хад̇хаммажаггам̣ вуд̇д̇ам̣, жагган̃жа бавад̇д̇зд̇и д̇хамман̃жаад̇и д̣̇зсанаад̇хаммажаггам̣. гат̇ам̣? бхаг̇аваа хи б̣од̇хибаллан̇гз нисинно маг̇г̇агкан̣з инд̣̇рияаб̣алаб̣ож̇жхан̇г̇амаг̇г̇ан̇г̇аад̣̇ибхзд̣̇ам̣ д̇хамман̃жа бавад̇д̇зд̇и, соязва жа д̇хаммо гилзсасад̇д̇угхаад̇ааяа бавад̇д̇анад̇о бахаран̣ажаггам̣ вияаад̇и жагган̃жа. д̇хаммам̣ бавад̇д̇знд̇оязва бхаг̇аваа д̇ам̣ жаггам̣ бавад̇д̇зд̇и наама. зд̇зна д̇хаммоязва жагганд̇и гаммад̇хаараяасамаасад̇аа вуд̇д̇аа ход̇и. исибад̇анз нисинно бхаг̇аваа д̇хаммад̣̇зсанагкан̣з взнзяяасанд̇аанз гилзсасад̇д̇угхаад̇ааяа бавад̇д̇анад̇о бахаран̣ажаггасад̣̇исам̣ д̣̇зсанаажагган̃жа бавад̇д̇зд̇и, взнзяяасанд̇аанз инд̣̇рияаб̣алаб̣ож̇жхан̇г̇амаг̇г̇ан̇г̇аад̣̇ибхзд̣̇ам̣ д̇хаммажагган̃жа бавад̇д̇зд̇и. зд̇зна д̇хаммо жа жагган̃жа д̇хаммажагганд̇и д̣̇ванд̣̇асамаасад̇аа вуд̇д̇аа ход̇и. яасмаа бана бавад̇д̇агз сад̇и бавад̇д̇анаа наама ход̇и, д̇асмаа саб̣б̣ад̇т̇ааби ‘‘бавад̇д̇зд̇ий’’д̇и вуд̇д̇ам̣, бавад̇д̇анадтзна бана ‘‘жагга’’нд̇и вуд̇д̇ам̣ ход̇ийд̇и взд̣̇ид̇аб̣б̣ам̣. д̇хаммзна бавад̇д̇зд̇ийд̇и д̇хаммажагганд̇иаад̣̇ийни д̣̇зсанаад̇хаммажаггамзва санд̇хааяа вуд̇д̇аанийд̇и взд̣̇ид̇аб̣б̣аани.
40. Idāni ‘‘pavattite ca bhagavatā dhammacakke’’ti vuttaṃ dhammacakkaṃ niddisitukāmo dhammacakkantiādimāha. Tattha duvidhaṃ dhammacakkaṃ paṭivedhadhammacakkaṃ desanādhammacakkañca. Paṭivedhadhammacakkaṃ bodhipallaṅke, desanādhammacakkaṃ isipatane. Dhammañca pavatteti cakkañcāti paṭivedhadhammacakkaṃ vuttaṃ, cakkañca pavatteti dhammañcāti desanādhammacakkaṃ. Kathaṃ? Bhagavā hi bodhipallaṅke nisinno maggakkhaṇe indriyabalabojjhaṅgamaggaṅgādibhedaṃ dhammañca pavatteti, soyeva ca dhammo kilesasattughātāya pavattanato paharaṇacakkaṃ viyāti cakkañca. Dhammaṃ pavattentoyeva bhagavā taṃ cakkaṃ pavatteti nāma. Etena dhammoyeva cakkanti kammadhārayasamāsatā vuttā hoti. Isipatane nisinno bhagavā dhammadesanakkhaṇe veneyyasantāne kilesasattughātāya pavattanato paharaṇacakkasadisaṃ desanācakkañca pavatteti, veneyyasantāne indriyabalabojjhaṅgamaggaṅgādibhedaṃ dhammacakkañca pavatteti. Etena dhammo ca cakkañca dhammacakkanti dvandasamāsatā vuttā hoti. Yasmā pana pavattake sati pavattanā nāma hoti, tasmā sabbatthāpi ‘‘pavattetī’’ti vuttaṃ, pavattanaṭṭhena pana ‘‘cakka’’nti vuttaṃ hotīti veditabbaṃ. Dhammena pavattetīti dhammacakkantiādīni desanādhammacakkameva sandhāya vuttānīti veditabbāni.
д̇ад̇т̇а д̇хаммзна бавад̇д̇зд̇ийд̇и яат̇аасабхаавад̇д̇аа д̇хаммзна бавад̇д̇ам̣ жагганд̇и д̇хаммажагганд̇и вуд̇д̇ам̣ ход̇и. д̇хаммажарияааяа бавад̇д̇зд̇ийд̇и взнзяяасанд̇аанз д̇хаммад̇т̇ааяа бавад̇д̇ам̣ жагганд̇и д̇хаммажагганд̇и вуд̇д̇ам̣ ход̇и. д̇хаммз тид̇од̇иаад̣̇ийхи бхаг̇авад̇о д̇хаммабхууд̇ад̇аа д̇хаммассаамид̇аа жа вуд̇д̇аа ход̇и. яат̇ааха – ‘‘со хаавусо, бхаг̇аваа ж̇аанам̣ ж̇аанаад̇и бассам̣ бассад̇и жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о’’д̇и (ма. ни. 1.203). д̇асмаа д̇зхи д̇хаммасса жагганд̇и д̇хаммажагганд̇и вуд̇д̇ам̣ ход̇и. тид̇од̇и висаяийбхаавзна тид̇о. бад̇идтид̇од̇и ажалабхаавзна бад̇идтид̇о. васиббад̇д̇од̇и иссарабхаавам̣ бад̇д̇о. баарамиббад̇д̇од̇и годиббад̇д̇о. взсаараж̇ж̇аббад̇д̇од̇и висаарад̣̇абхаавам̣ бад̇д̇о. д̇хаммз бад̇идтаабзнд̇од̇иаад̣̇ийхи взнзяяасанд̇аанамабзгкид̇ваа вуд̇д̇зхи бана важанзхи д̇хаммассаамид̇ааяа жа д̇хаммад̇т̇ааяа жагганд̇и вуд̇д̇ам̣ ход̇и. д̇хаммам̣ саггаронд̇од̇ихааад̣̇ийхи д̇хаммад̇т̇ааяа жагганд̇и вуд̇д̇ам̣ ход̇и. яо хи д̇хаммам̣ саггаараад̣̇ивасзна бавад̇д̇зд̇и, со д̇хаммад̇т̇ам̣ бавад̇д̇зд̇и. д̇хаммам̣ саггаронд̇од̇и яат̇аа гад̇о со д̇хаммо сугад̇о ход̇и, звамзва нам̣ гаронд̇о. д̇хаммам̣ г̇арум̣ гаронд̇од̇и д̇асмим̣ г̇ааравуббад̇д̇ияаа д̇ам̣ г̇арум̣ гаронд̇о. д̇хаммам̣ маанзнд̇од̇и д̇хаммам̣ бияан̃жа бхааванийяан̃жа гад̇ваа вихаранд̇о. д̇хаммам̣ бууж̇знд̇од̇и д̇ам̣ абад̣̇исид̇ваа д̣̇зсанаабадибад̇д̇ибууж̇ааяа бууж̇ам̣ гаронд̇о. д̇хаммам̣ абажааяамаанод̇и д̇ассзва д̇хаммасса саггаараг̇аругаарзхи нийжавуд̇д̇ид̇ам̣ гаронд̇о. д̇хаммад̣̇д̇хаж̇о д̇хаммагзд̇ууд̇и д̇ам̣ д̇хаммам̣ д̇хаж̇амива бурагкад̇ваа гзд̇умива жа угкибид̇ваа бавад̇д̇ияаа д̇хаммад̣̇д̇хаж̇о д̇хаммагзд̇у жа худ̇ваад̇и ад̇т̇о. д̇хаммаад̇хибад̇зяяод̇и д̇хаммаад̇хибад̇ид̇о ааг̇ад̇о бхааванаад̇хаммавасзнзва жа саб̣б̣агирияаанам̣ гаран̣зна д̇хаммаад̇хибад̇зяяо худ̇ваа. д̇ам̣ ко бана д̇хаммажаггам̣ аббадивад̇д̇ияанд̇и гзнажи нивад̇д̇зд̇ум̣ асаггун̣зяяад̇ааяа аббадихад̇абавад̇д̇ид̇аа вуд̇д̇аа. д̇асмаа со д̇хаммо бавад̇д̇анадтзна жагганд̇и вуд̇д̇ам̣ ход̇и.
Tattha dhammena pavattetīti yathāsabhāvattā dhammena pavattaṃ cakkanti dhammacakkanti vuttaṃ hoti. Dhammacariyāya pavattetīti veneyyasantāne dhammatthāya pavattaṃ cakkanti dhammacakkanti vuttaṃ hoti. Dhamme ṭhitotiādīhi bhagavato dhammabhūtatā dhammassāmitā ca vuttā hoti. Yathāha – ‘‘so hāvuso, bhagavā jānaṃ jānāti passaṃ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato’’ti (ma. ni. 1.203). Tasmā tehi dhammassa cakkanti dhammacakkanti vuttaṃ hoti. Ṭhitoti visayībhāvena ṭhito. Patiṭṭhitoti acalabhāvena patiṭṭhito. Vasippattoti issarabhāvaṃ patto. Pāramippattoti koṭippatto. Vesārajjappattoti visāradabhāvaṃ patto. Dhamme patiṭṭhāpentotiādīhi veneyyasantānamapekkhitvā vuttehi pana vacanehi dhammassāmitāya ca dhammatthāya cakkanti vuttaṃ hoti. Dhammaṃ sakkarontotihaādīhi dhammatthāya cakkanti vuttaṃ hoti. Yo hi dhammaṃ sakkārādivasena pavatteti, so dhammatthaṃ pavatteti. Dhammaṃ sakkarontoti yathā kato so dhammo sukato hoti, evameva naṃ karonto. Dhammaṃ garuṃ karontoti tasmiṃ gāravuppattiyā taṃ garuṃ karonto. Dhammaṃ mānentoti dhammaṃ piyañca bhāvanīyañca katvā viharanto. Dhammaṃ pūjentoti taṃ apadisitvā desanāpaṭipattipūjāya pūjaṃ karonto. Dhammaṃ apacāyamānoti tasseva dhammassa sakkāragarukārehi nīcavuttitaṃ karonto. Dhammaddhajo dhammaketūti taṃ dhammaṃ dhajamiva purakkhatvā ketumiva ca ukkhipitvā pavattiyā dhammaddhajo dhammaketu ca hutvāti attho. Dhammādhipateyyoti dhammādhipatito āgato bhāvanādhammavaseneva ca sabbakiriyānaṃ karaṇena dhammādhipateyyo hutvā. Taṃ kho pana dhammacakkaṃ appaṭivattiyanti kenaci nivattetuṃ asakkuṇeyyatāya appaṭihatapavattitā vuttā. Tasmā so dhammo pavattanaṭṭhena cakkanti vuttaṃ hoti.
сад̣̇д̇хинд̣̇рияам̣ д̇хаммо, д̇ам̣ д̇хаммам̣ бавад̇д̇зд̇ийд̇и взнзяяасанд̇аанз маг̇г̇асамбаяуд̇д̇асад̣̇д̇хинд̣̇рияуббаад̣̇анзна д̇ам̣ сад̣̇д̇хинд̣̇рияам̣ д̇хаммам̣ бавад̇д̇зд̇ийд̇и ад̇т̇о. зсзва наяо сзсзсуби. сажжаад̇и сажжан̃аан̣аани. вибассанаа жа виж̇ж̇аа жа маг̇г̇ан̃аан̣амзва. ануббаад̣̇з н̃аан̣анд̇и арахад̇д̇апалз н̃аан̣ам̣. д̇амби взнзяяасанд̇аанз бавад̇д̇зд̇иязва, ниб̣б̣аанан̃жа бадивзд̇хам̣ гаронд̇о бавад̇д̇зд̇иязва наама.
Saddhindriyaṃ dhammo, taṃ dhammaṃ pavattetīti veneyyasantāne maggasampayuttasaddhindriyuppādanena taṃ saddhindriyaṃ dhammaṃ pavattetīti attho. Eseva nayo sesesupi. Saccāti saccañāṇāni. Vipassanā ca vijjā ca maggañāṇameva. Anuppāde ñāṇanti arahattaphale ñāṇaṃ. Tampi veneyyasantāne pavattetiyeva, nibbānañca paṭivedhaṃ karonto pavattetiyeva nāma.
самуд̣̇аяаваараад̣̇ийсу самуд̣̇аяавад̇т̇угаа нирод̇хавад̇т̇угаа маг̇г̇авад̇т̇угаад̇и висзсабад̣̇ам̣ д̣̇ассзд̇ваа сан̇кид̇д̇аа. зд̇т̇ааби вуд̇д̇асад̣̇исам̣ батамам̣ вуд̇д̇анаязнзва взд̣̇ид̇аб̣б̣ам̣.
Samudayavārādīsu samudayavatthukā nirodhavatthukā maggavatthukāti visesapadaṃ dassetvā saṅkhittā. Etthāpi vuttasadisaṃ paṭhamaṃ vuttanayeneva veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. сажжавааро • 1. Saccavāro
