| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
7. ஸச்சவாரோ
7. Saccavāro
36. ‘‘‘யாவதா து³க்க²ஸ்ஸ து³க்க²ட்டோ², ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய து³க்க²ட்டோ² நத்தீ²’தி – சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. து³க்க²ஸ்ஸ து³க்க²ட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘யாவதா ஸமுத³யஸ்ஸ ஸமுத³யட்டோ²…பே॰… யாவதா நிரோத⁴ஸ்ஸ நிரோத⁴ட்டோ²…பே॰… யாவதா மக்³க³ஸ்ஸ மக்³க³ட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய மக்³க³ட்டோ² நத்தீ²’தி – சக்கு²ங் உத³பாதி³…பே॰… ஆலோகோ உத³பாதி³’’. மக்³க³ஸ்ஸ மக்³க³ட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
சதூஸு அரியஸச்சேஸு ஸதங் த⁴ம்மா, ஸதங் அத்தா², த்³வே நிருத்திஸதானி, சத்தாரி ஞாணஸதானி.
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 4-8. ஸத்தபோ³தி⁴ஸத்தவாராதி³வண்ணனா • 4-8. Sattabodhisattavārādivaṇṇanā
