| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৭. সচ্চৰারো
7. Saccavāro
৩৬. ‘‘‘যাৰতা দুক্খস্স দুক্খট্ঠো, ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায দুক্খট্ঠো নত্থী’তি – চক্খুং উদপাদি, ঞাণং উদপাদি, পঞ্ঞা উদপাদি, ৰিজ্জা উদপাদি, আলোকো উদপাদি’’। দুক্খস্স দুক্খট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘যাৰতা সমুদযস্স সমুদযট্ঠো…পে॰… যাৰতা নিরোধস্স নিরোধট্ঠো…পে॰… যাৰতা মগ্গস্স মগ্গট্ঠো ঞাতো দিট্ঠো ৰিদিতো সচ্ছিকতো ফস্সিতো পঞ্ঞায। অফস্সিতো পঞ্ঞায মগ্গট্ঠো নত্থী’তি – চক্খুং উদপাদি…পে॰… আলোকো উদপাদি’’। মগ্গস্স মগ্গট্ঠে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
চতূসু অরিযসচ্চেসু সতং ধম্মা, সতং অত্থা, দ্ৰে নিরুত্তিসতানি, চত্তারি ঞাণসতানি।
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪-৮. সত্তবোধিসত্তৰারাদিৰণ্ণনা • 4-8. Sattabodhisattavārādivaṇṇanā
