| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๗. สจฺจวาโร
7. Saccavāro
๓๖. ‘‘‘ยาวตา ทุกฺขสฺส ทุกฺขโฎฺฐ, ญาโต ทิโฎฺฐ วิทิโต สจฺฉิกโต ผสฺสิโต ปญฺญายฯ อผสฺสิโต ปญฺญาย ทุกฺขโฎฺฐ นตฺถี’ติ – จกฺขุํ อุทปาทิ, ญาณํ อุทปาทิ, ปญฺญา อุทปาทิ, วิชฺชา อุทปาทิ, อาโลโก อุทปาทิ’’ฯ ทุกฺขสฺส ทุกฺขเฎฺฐ ปญฺจวีสติ ธมฺมา, ปญฺจวีสติ อตฺถา, ปญฺญาส นิรุตฺติโย, สตํ ญาณานิฯ
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘ยาวตา สมุทยสฺส สมุทยโฎฺฐ…เป.… ยาวตา นิโรธสฺส นิโรธโฎฺฐ…เป.… ยาวตา มคฺคสฺส มคฺคโฎฺฐ ญาโต ทิโฎฺฐ วิทิโต สจฺฉิกโต ผสฺสิโต ปญฺญายฯ อผสฺสิโต ปญฺญาย มคฺคโฎฺฐ นตฺถี’ติ – จกฺขุํ อุทปาทิ…เป.… อาโลโก อุทปาทิ’’ฯ มคฺคสฺส มคฺคเฎฺฐ ปญฺจวีสติ ธมฺมา, ปญฺจวีสติ อตฺถา, ปญฺญาส นิรุตฺติโย, สตํ ญาณานิฯ
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
จตูสุ อริยสเจฺจสุ สตํ ธมฺมา, สตํ อตฺถา, เทฺว นิรุตฺติสตานิ, จตฺตาริ ญาณสตานิฯ
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๔-๘. สตฺตโพธิสตฺตวาราทิวณฺณนา • 4-8. Sattabodhisattavārādivaṇṇanā
