| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൭. സച്ചവാരോ
7. Saccavāro
൩൬. ‘‘‘യാവതാ ദുക്ഖസ്സ ദുക്ഖട്ഠോ, ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ ദുക്ഖട്ഠോ നത്ഥീ’തി – ചക്ഖും ഉദപാദി, ഞാണം ഉദപാദി, പഞ്ഞാ ഉദപാദി, വിജ്ജാ ഉദപാദി, ആലോകോ ഉദപാദി’’. ദുക്ഖസ്സ ദുക്ഖട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘യാവതാ സമുദയസ്സ സമുദയട്ഠോ…പേ॰… യാവതാ നിരോധസ്സ നിരോധട്ഠോ…പേ॰… യാവതാ മഗ്ഗസ്സ മഗ്ഗട്ഠോ ഞാതോ ദിട്ഠോ വിദിതോ സച്ഛികതോ ഫസ്സിതോ പഞ്ഞായ. അഫസ്സിതോ പഞ്ഞായ മഗ്ഗട്ഠോ നത്ഥീ’തി – ചക്ഖും ഉദപാദി…പേ॰… ആലോകോ ഉദപാദി’’. മഗ്ഗസ്സ മഗ്ഗട്ഠേ പഞ്ചവീസതി ധമ്മാ, പഞ്ചവീസതി അത്ഥാ, പഞ്ഞാസ നിരുത്തിയോ, സതം ഞാണാനി.
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ചതൂസു അരിയസച്ചേസു സതം ധമ്മാ, സതം അത്ഥാ, ദ്വേ നിരുത്തിസതാനി, ചത്താരി ഞാണസതാനി.
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ൪-൮. സത്തബോധിസത്തവാരാദിവണ്ണനാ • 4-8. Sattabodhisattavārādivaṇṇanā
