| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
11. сажжавибхан̇г̇асуд̇д̇ам̣
11. Saccavibhaṅgasuttaṃ
371. звам̣ мз суд̇ам̣ – згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
371. Evaṃ me sutaṃ – ekaṃ samayaṃ bhagavā bārāṇasiyaṃ viharati isipatane migadāye. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘д̇ат̇ааг̇ад̇зна, бхигкавз, арахад̇аа саммаасамб̣уд̣̇д̇хзна б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣, яад̣̇ид̣̇ам̣ – жад̇уннам̣ арияасажжаанам̣ аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣. гад̇амзсам̣ жад̇уннам̣? д̣̇угкасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угкасамуд̣̇аяасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угканирод̇хасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угканирод̇хаг̇ааминияаа бадибад̣̇ааяа арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣. д̇ат̇ааг̇ад̇зна, бхигкавз, арахад̇аа саммаасамб̣уд̣̇д̇хзна б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣ , яад̣̇ид̣̇ам̣ – имзсам̣ жад̇уннам̣ арияасажжаанам̣ аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣.
‘‘Tathāgatena, bhikkhave, arahatā sammāsambuddhena bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmiṃ, yadidaṃ – catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkammaṃ. Katamesaṃ catunnaṃ? Dukkhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhasamudayassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhanirodhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhanirodhagāminiyā paṭipadāya ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ. Tathāgatena, bhikkhave, arahatā sammāsambuddhena bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmiṃ , yadidaṃ – imesaṃ catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkammaṃ.
‘‘сзват̇а, бхигкавз, саарибуд̇д̇амог̇г̇аллаанз; бхаж̇ат̇а, бхигкавз, саарибуд̇д̇амог̇г̇аллаанз. бан̣д̣ид̇аа бхигкуу ануг̇г̇аахагаа саб̣рахмажаарийнам̣. сзяяат̇ааби, бхигкавз, ж̇анзд̇аа 1, звам̣ саарибуд̇д̇о; сзяяат̇ааби ж̇аад̇асса аабаад̣̇зд̇аа, звам̣ мог̇г̇аллаано. саарибуд̇д̇о, бхигкавз, сод̇аабад̇д̇ипалз винзд̇и, мог̇г̇аллаано уд̇д̇амад̇т̇з. саарибуд̇д̇о, бхигкавз, баход̇и жад̇д̇аари арияасажжаани вид̇т̇аарзна аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇у’’нд̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
‘‘Sevatha, bhikkhave, sāriputtamoggallāne; bhajatha, bhikkhave, sāriputtamoggallāne. Paṇḍitā bhikkhū anuggāhakā sabrahmacārīnaṃ. Seyyathāpi, bhikkhave, janetā 2, evaṃ sāriputto; seyyathāpi jātassa āpādetā, evaṃ moggallāno. Sāriputto, bhikkhave, sotāpattiphale vineti, moggallāno uttamatthe. Sāriputto, bhikkhave, pahoti cattāri ariyasaccāni vitthārena ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātu’’nti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
372. д̇ад̇ра ко ааяасмаа саарибуд̇д̇о ажирабагганд̇асса бхаг̇авад̇о бхигкуу ааманд̇зси – ‘‘аавусо, бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
372. Tatra kho āyasmā sāriputto acirapakkantassa bhagavato bhikkhū āmantesi – ‘‘āvuso, bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘д̇ат̇ааг̇ад̇зна, аавусо, арахад̇аа саммаасамб̣уд̣̇д̇хзна б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣, яад̣̇ид̣̇ам̣ – жад̇уннам̣ арияасажжаанам̣ аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣. гад̇амзсам̣ жад̇уннам̣? д̣̇угкасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угкасамуд̣̇аяасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угканирод̇хасса арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣, д̣̇угканирод̇хаг̇ааминияаа бадибад̣̇ааяа арияасажжасса аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣.
‘‘Tathāgatena, āvuso, arahatā sammāsambuddhena bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmiṃ, yadidaṃ – catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkammaṃ. Katamesaṃ catunnaṃ? Dukkhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhasamudayassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhanirodhassa ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ, dukkhanirodhagāminiyā paṭipadāya ariyasaccassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ.
373. ‘‘гад̇аман̃жаавусо, д̣̇угкам̣ арияасажжам̣? ж̇аад̇иби д̣̇угкаа, ж̇арааби д̣̇угкаа, маран̣амби д̣̇угкам̣, согабарид̣̇звад̣̇угкад̣̇оманассубааяаасааби д̣̇угкаа, яамбижчам̣ на лабхад̇и д̇амби д̣̇угкам̣; сам̣кид̇д̇зна бан̃жубаад̣̇аанагканд̇хаа д̣̇угкаа.
373. ‘‘Katamañcāvuso, dukkhaṃ ariyasaccaṃ? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, yampicchaṃ na labhati tampi dukkhaṃ; saṃkhittena pañcupādānakkhandhā dukkhā.
‘‘гад̇амаа жаавусо, ж̇аад̇и? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇аад̇и сан̃ж̇аад̇и огганд̇и абхиниб̣б̣ад̇д̇и канд̇хаанам̣ баад̇убхааво ааяад̇анаанам̣ бадилаабхо, аяам̣ вужжад̇аавусо – ‘ж̇аад̇и’’’.
‘‘Katamā cāvuso, jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti khandhānaṃ pātubhāvo āyatanānaṃ paṭilābho, ayaṃ vuccatāvuso – ‘jāti’’’.
‘‘гад̇амаа жаавусо, ж̇араа? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго, аяам̣ вужжад̇аавусо – ‘ж̇араа’’’.
‘‘Katamā cāvuso, jarā? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko, ayaṃ vuccatāvuso – ‘jarā’’’.
‘‘гад̇аман̃жаавусо, маран̣ам̣? яаа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалам̣гирияаа канд̇хаанам̣ бхзд̣̇о гал̣зварасса нигкзбо ж̇ийвид̇инд̣̇рияассубажчзд̣̇о, ид̣̇ам̣ вужжад̇аавусо – ‘маран̣ам̣’’’.
‘‘Katamañcāvuso, maraṇaṃ? Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālaṃkiriyā khandhānaṃ bhedo kaḷevarassa nikkhepo jīvitindriyassupacchedo, idaṃ vuccatāvuso – ‘maraṇaṃ’’’.
‘‘гад̇амо жаавусо, сого? яо ко, аавусо, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса сого сожанаа сожид̇ад̇д̇ам̣ анд̇осого анд̇обарисого, аяам̣ вужжад̇аавусо – ‘сого’’’.
‘‘Katamo cāvuso, soko? Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṃ antosoko antoparisoko, ayaṃ vuccatāvuso – ‘soko’’’.
‘‘гад̇амо жаавусо, барид̣̇зво? яо ко, аавусо, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса аад̣̇зво барид̣̇зво аад̣̇званаа барид̣̇званаа аад̣̇звид̇ад̇д̇ам̣ барид̣̇звид̇ад̇д̇ам̣, аяам̣ вужжад̇аавусо – ‘барид̣̇зво’’’.
‘‘Katamo cāvuso, paridevo? Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṃ paridevitattaṃ, ayaṃ vuccatāvuso – ‘paridevo’’’.
‘‘гад̇аман̃жаавусо, д̣̇угкам̣? яам̣ ко, аавусо, гааяигам̣ д̣̇угкам̣ гааяигам̣ асаад̇ам̣ гааяасампассаж̇ам̣ д̣̇угкам̣ асаад̇ам̣ взд̣̇аяид̇ам̣, ид̣̇ам̣ вужжад̇аавусо – ‘д̣̇угкам̣’’’.
‘‘Katamañcāvuso, dukkhaṃ? Yaṃ kho, āvuso, kāyikaṃ dukkhaṃ kāyikaṃ asātaṃ kāyasamphassajaṃ dukkhaṃ asātaṃ vedayitaṃ, idaṃ vuccatāvuso – ‘dukkhaṃ’’’.
‘‘гад̇аман̃жаавусо, д̣̇оманассам̣? яам̣ ко, аавусо, жзд̇асигам̣ д̣̇угкам̣ жзд̇асигам̣ асаад̇ам̣ маносампассаж̇ам̣ д̣̇угкам̣ асаад̇ам̣ взд̣̇аяид̇ам̣, ид̣̇ам̣ вужжад̇аавусо – ‘д̣̇оманассам̣’’’.
‘‘Katamañcāvuso, domanassaṃ? Yaṃ kho, āvuso, cetasikaṃ dukkhaṃ cetasikaṃ asātaṃ manosamphassajaṃ dukkhaṃ asātaṃ vedayitaṃ, idaṃ vuccatāvuso – ‘domanassaṃ’’’.
‘‘гад̇амо жаавусо, убааяаасо? яо ко, аавусо, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса ааяаасо убааяаасо ааяаасид̇ад̇д̇ам̣ убааяаасид̇ад̇д̇ам̣, аяам̣ вужжад̇аавусо – ‘убааяаасо’’’.
‘‘Katamo cāvuso, upāyāso? Yo kho, āvuso, aññataraññatarena byasanena samannāgatassa aññataraññatarena dukkhadhammena phuṭṭhassa āyāso upāyāso āyāsitattaṃ upāyāsitattaṃ, ayaṃ vuccatāvuso – ‘upāyāso’’’.
‘‘гад̇аман̃жаавусо, яамбижчам̣ на лабхад̇и д̇амби д̣̇угкам̣? ж̇аад̇ид̇хаммаанам̣, аавусо, сад̇д̇аанам̣ звам̣ ижчаа уббаж̇ж̇ад̇и – ‘ахо вад̇а, маяам̣ на ж̇аад̇ид̇хаммаа ассаама; на жа, вад̇а, но ж̇аад̇и ааг̇ажчзяяаа’д̇и. на ко банзд̇ам̣ ижчааяа бад̇д̇аб̣б̣ам̣. ид̣̇амби – ‘яамбижчам̣ на лабхад̇и д̇амби д̣̇угкам̣’. ж̇араад̇хаммаанам̣, аавусо, сад̇д̇аанам̣…бз… б̣яаад̇хид̇хаммаанам̣, аавусо, сад̇д̇аанам̣… маран̣ад̇хаммаанам̣, аавусо, сад̇д̇аанам̣… согабарид̣̇звад̣̇угкад̣̇оманассубааяаасад̇хаммаанам̣, аавусо, сад̇д̇аанам̣ звам̣ ижчаа уббаж̇ж̇ад̇и – ‘ахо вад̇а, маяам̣ на согабарид̣̇звад̣̇угкад̣̇оманассубааяаасад̇хаммаа ассаама ; на жа, вад̇а, но согабарид̣̇звад̣̇угкад̣̇оманассубааяаасаа ааг̇ажчзяяу’нд̇и . на ко банзд̇ам̣ ижчааяа бад̇д̇аб̣б̣ам̣. ид̣̇амби – ‘яамбижчам̣ на лабхад̇и д̇амби д̣̇угкам̣’’’.
‘‘Katamañcāvuso, yampicchaṃ na labhati tampi dukkhaṃ? Jātidhammānaṃ, āvuso, sattānaṃ evaṃ icchā uppajjati – ‘aho vata, mayaṃ na jātidhammā assāma; na ca, vata, no jāti āgaccheyyā’ti. Na kho panetaṃ icchāya pattabbaṃ. Idampi – ‘yampicchaṃ na labhati tampi dukkhaṃ’. Jarādhammānaṃ, āvuso, sattānaṃ…pe… byādhidhammānaṃ, āvuso, sattānaṃ… maraṇadhammānaṃ, āvuso, sattānaṃ… sokaparidevadukkhadomanassupāyāsadhammānaṃ, āvuso, sattānaṃ evaṃ icchā uppajjati – ‘aho vata, mayaṃ na sokaparidevadukkhadomanassupāyāsadhammā assāma ; na ca, vata, no sokaparidevadukkhadomanassupāyāsā āgaccheyyu’nti . Na kho panetaṃ icchāya pattabbaṃ. Idampi – ‘yampicchaṃ na labhati tampi dukkhaṃ’’’.
‘‘гад̇амз жаавусо, сам̣кид̇д̇зна бан̃жубаад̣̇аанагканд̇хаа д̣̇угкаа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо. имз вужжанд̇аавусо – ‘сам̣кид̇д̇зна бан̃жубаад̣̇аанагканд̇хаа д̣̇угкаа’. ид̣̇ам̣ вужжад̇аавусо – ‘д̣̇угкам̣ арияасажжам̣’’’.
‘‘Katame cāvuso, saṃkhittena pañcupādānakkhandhā dukkhā? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Ime vuccantāvuso – ‘saṃkhittena pañcupādānakkhandhā dukkhā’. Idaṃ vuccatāvuso – ‘dukkhaṃ ariyasaccaṃ’’’.
375. ‘‘гад̇аман̃жаавусо, д̣̇угканирод̇хаг̇ааминий бадибад̣̇аа арияасажжам̣? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи.
375. ‘‘Katamañcāvuso, dukkhanirodhagāminī paṭipadā ariyasaccaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
‘‘гад̇амаажаавусо, саммаад̣̇идти? яам̣ ко, аавусо, д̣̇угкз н̃аан̣ам̣, д̣̇угкасамуд̣̇аяз н̃аан̣ам̣, д̣̇угканирод̇хз н̃аан̣ам̣, д̣̇угканирод̇хаг̇ааминияаа бадибад̣̇ааяа н̃аан̣ам̣, аяам̣ вужжад̇аавусо – ‘саммаад̣̇идти’’’.
‘‘Katamācāvuso, sammādiṭṭhi? Yaṃ kho, āvuso, dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ, ayaṃ vuccatāvuso – ‘sammādiṭṭhi’’’.
‘‘гад̇амо жаавусо, саммаасан̇габбо? нзгкаммасан̇габбо, аб̣яаабаад̣̇асан̇габбо , авихим̣саасан̇габбо, аяам̣ вужжад̇аавусо – ‘саммаасан̇габбо’’’.
‘‘Katamo cāvuso, sammāsaṅkappo? Nekkhammasaṅkappo, abyāpādasaṅkappo , avihiṃsāsaṅkappo, ayaṃ vuccatāvuso – ‘sammāsaṅkappo’’’.
‘‘гад̇амаа жаавусо, саммааваажаа? мусааваад̣̇аа взраман̣ий, бисун̣ааяа ваажааяа взраман̣ий, парусааяа ваажааяа взраман̣ий, сампаббалаабаа взраман̣ий, аяам̣ вужжад̇аавусо – ‘саммааваажаа’’’.
‘‘Katamā cāvuso, sammāvācā? Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī, ayaṃ vuccatāvuso – ‘sammāvācā’’’.
‘‘гад̇амо жаавусо, саммаагамманд̇ий? баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий, аяам̣ вужжад̇аавусо – ‘саммаагамманд̇о’’’.
‘‘Katamo cāvuso, sammākammantī? Pāṇātipātā veramaṇī, adinnādānā veramaṇī, kāmesumicchācārā veramaṇī, ayaṃ vuccatāvuso – ‘sammākammanto’’’.
‘‘гад̇амо жаавусо, саммааааж̇ийво? ид̇хаавусо, арияасааваго мижчааааж̇ийвам̣ бахааяа саммааааж̇ийвзна ж̇ийвигам̣ габбзд̇и, аяам̣ вужжад̇аавусо – ‘саммааааж̇ийво’’’.
‘‘Katamo cāvuso, sammāājīvo? Idhāvuso, ariyasāvako micchāājīvaṃ pahāya sammāājīvena jīvikaṃ kappeti, ayaṃ vuccatāvuso – ‘sammāājīvo’’’.
‘‘гад̇амо жаавусо, саммаавааяаамо? ид̇хаавусо, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, аяам̣ вужжад̇аавусо – ‘саммаавааяаамо’’’.
‘‘Katamo cāvuso, sammāvāyāmo? Idhāvuso, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati, anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati, ayaṃ vuccatāvuso – ‘sammāvāyāmo’’’.
‘‘гад̇амаа жаавусо, саммаасад̇и? ид̇хаавусо, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий вихарад̇и…бз… жид̇д̇з жид̇д̇аанубассий вихарад̇и… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, аяам̣ вужжад̇аавусо – ‘саммаасад̇и’’’.
‘‘Katamā cāvuso, sammāsati? Idhāvuso, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu vedanānupassī viharati…pe… citte cittānupassī viharati… dhammesu dhammānupassī viharati ātāpī sampajāno satimā vineyya loke abhijjhādomanassaṃ, ayaṃ vuccatāvuso – ‘sammāsati’’’.
‘‘гад̇амо жаавусо, саммаасамаад̇хи? ид̇хаавусо, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и, вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и, бийд̇ияаа жа вирааг̇аа убзгкаго жа вихарад̇и…бз… д̇ад̇ияам̣ жхаанам̣… вихарад̇и, аяам̣ вужжад̇аавусо – ‘саммаасамаад̇хи’. ид̣̇ам̣ вужжад̇аавусо – ‘д̣̇угканирод̇хаг̇ааминий бадибад̣̇аа арияасажжам̣’’’.
‘‘Katamo cāvuso, sammāsamādhi? Idhāvuso, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati, vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati, pītiyā ca virāgā upekkhako ca viharati…pe… tatiyaṃ jhānaṃ… viharati, ayaṃ vuccatāvuso – ‘sammāsamādhi’. Idaṃ vuccatāvuso – ‘dukkhanirodhagāminī paṭipadā ariyasaccaṃ’’’.
‘‘д̇ат̇ааг̇ад̇знаавусо, арахад̇аа саммаасамб̣уд̣̇д̇хзна б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣, яад̣̇ид̣̇ам̣ – имзсам̣ жад̇уннам̣ арияасажжаанам̣ аажигканаа д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгамма’’нд̇и.
‘‘Tathāgatenāvuso, arahatā sammāsambuddhena bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmiṃ, yadidaṃ – imesaṃ catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkamma’’nti.
ид̣̇амавожа ааяасмаа саарибуд̇д̇о. ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇унд̇и.
Idamavoca āyasmā sāriputto. Attamanā te bhikkhū āyasmato sāriputtassa bhāsitaṃ abhinandunti.
сажжавибхан̇г̇асуд̇д̇ам̣ нидтид̇ам̣ згаад̣̇асамам̣.
Saccavibhaṅgasuttaṃ niṭṭhitaṃ ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 11. сажжавибхан̇г̇асуд̇д̇аван̣н̣анаа • 11. Saccavibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 11. сажжавибхан̇г̇асуд̇д̇аван̣н̣анаа • 11. Saccavibhaṅgasuttavaṇṇanā
