| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
11. сажжавибхан̇г̇асуд̇д̇аван̣н̣анаа
11. Saccavibhaṅgasuttavaṇṇanā
371. аажигканаад̇и – ‘‘ид̣̇ам̣ д̣̇угкам̣ арияасажжам̣, аяам̣ д̣̇угканирод̇хаг̇ааминий бадибад̣̇аа арияасажжа’’нд̇и аад̣̇ид̇о гат̇анам̣. д̣̇зсанаад̇и д̇ассзва ад̇т̇асса ад̇исаж̇ж̇анам̣ баб̣од̇ханам̣. бан̃н̃аабанаад̇и багаарзхи н̃аабанаа, саа бана яасмаа ид̇т̇амид̣̇анд̇и взнзяяаанам̣ бажжагкад̇о д̣̇ассанаа, д̇зсам̣ ваа санд̇аанз бад̇идтаабанаа ход̇и, д̇асмаа ааха – ‘‘д̣̇угкасажжаад̣̇ийнам̣ табанаа’’д̇и. бадтабанаад̇и бад̇идтаабанаа. яасмаа бадтабияамаанасабхааваа д̣̇зсанаа бхааж̇анам̣ убаг̇ажчанд̇ий вияа ход̇и, д̇асмаа вуд̇д̇ам̣ – ‘‘бан̃н̃аабанаа’’д̇и, ж̇аанаабанаад̇и ад̇т̇о. вивадагаран̣аад̇и д̣̇зсияамаанасса ад̇т̇асса вивадабхаавагаран̣ам̣. вибхааг̇агирияаад̇и яат̇аавуд̇д̇асса ад̇т̇авибхааг̇асса вид̇т̇аарагаран̣ам̣. баагадабхаавагаран̣анд̇и аг̇амбхийрабхааваабаад̣̇анам̣. абаро наяо – жад̇усажжасан̃н̃ид̇асса ад̇т̇асса бажжзгам̣ саруубад̇о д̣̇ассанавасзна ид̣̇анд̇и аад̣̇ид̇о сигкаабанам̣ гат̇анам̣ аажигканаа, звам̣ барасанд̇аанз баб̣од̇ханавасзна бавад̇д̇аабанаа д̣̇зсанаа, звам̣ винзяяаанам̣ жид̇д̇абарид̇осаж̇ананзна д̇зсам̣ б̣уд̣̇д̇хибарибаажанам̣ ‘‘бан̃н̃аабанаа’’д̇и вужжад̇и. звам̣ бан̃н̃аабзнд̇ий жа саа д̣̇зсияамаанам̣ ад̇т̇ам̣ взнзяяасанд̇аанз багаарад̇о табзд̇и бад̇идтабзд̇ийд̇и ‘‘бадтабанаа’’д̇и вужжад̇и. багаарад̇о табзнд̇ий бана сам̣кид̇д̇асса вид̇т̇аарад̇о бадивуд̇д̇асса бунаабхид̇хаанад̇о ‘‘виваран̣аа’’д̇и, д̇ассзвад̇т̇асса вибхааг̇агаран̣ад̇о ‘‘вибхаж̇анаа’’д̇и, вуд̇д̇асса вид̇т̇аарзнаабхид̇хаанад̇о вибхад̇д̇асса хзд̇уд̣̇аахаран̣ад̣̇ассанад̇о, ‘‘уд̇д̇аанийгамма’’нд̇и вужжад̇и. д̇знааха – ‘‘баагадабхаавагаран̣а’’нд̇и, хзд̇уубамаавасзнад̇т̇асса баагадабхаавагаран̣ад̇од̇и ад̇т̇о.
371.Ācikkhanāti – ‘‘idaṃ dukkhaṃ ariyasaccaṃ, ayaṃ dukkhanirodhagāminī paṭipadā ariyasacca’’nti ādito kathanaṃ. Desanāti tasseva atthassa atisajjanaṃ pabodhanaṃ. Paññāpanāti pakārehi ñāpanā, sā pana yasmā itthamidanti veneyyānaṃ paccakkhato dassanā, tesaṃ vā santāne patiṭṭhāpanā hoti, tasmā āha – ‘‘dukkhasaccādīnaṃ ṭhapanā’’ti. Paṭṭhapanāti patiṭṭhāpanā. Yasmā paṭṭhapiyamānasabhāvā desanā bhājanaṃ upagacchantī viya hoti, tasmā vuttaṃ – ‘‘paññāpanā’’ti, jānāpanāti attho. Vivaṭakaraṇāti desiyamānassa atthassa vivaṭabhāvakaraṇaṃ. Vibhāgakiriyāti yathāvuttassa atthavibhāgassa vitthārakaraṇaṃ. Pākaṭabhāvakaraṇanti agambhīrabhāvāpādanaṃ. Aparo nayo – catusaccasaññitassa atthassa paccekaṃ sarūpato dassanavasena idanti ādito sikkhāpanaṃ kathanaṃ ācikkhanā, evaṃ parasantāne pabodhanavasena pavattāpanā desanā, evaṃ vineyyānaṃ cittaparitosajananena tesaṃ buddhiparipācanaṃ ‘‘paññāpanā’’ti vuccati. Evaṃ paññāpentī ca sā desiyamānaṃ atthaṃ veneyyasantāne pakārato ṭhapeti patiṭṭhapetīti ‘‘paṭṭhapanā’’ti vuccati. Pakārato ṭhapentī pana saṃkhittassa vitthārato paṭivuttassa punābhidhānato ‘‘vivaraṇā’’ti, tassevatthassa vibhāgakaraṇato ‘‘vibhajanā’’ti, vuttassa vitthārenābhidhānato vibhattassa hetudāharaṇadassanato, ‘‘uttānīkamma’’nti vuccati. Tenāha – ‘‘pākaṭabhāvakaraṇa’’nti, hetūpamāvasenatthassa pākaṭabhāvakaraṇatoti attho.
ануг̇г̇аахагаад̇и ануг̇г̇ан̣ханагаамаа. свааяамануг̇г̇ахо сан̇г̇ахавад̇т̇увасзна баагадо ход̇ийд̇и ааха ‘‘аамисасан̇г̇ахзнаа’’д̇иаад̣̇и. ж̇анзд̇аа ж̇анзд̇д̇ийд̇и ааха ‘‘ж̇анигаа маад̇аа’’д̇и. вуд̣̇д̇хим̣ барисам̣ аабаад̣̇зд̇ийд̇и аабаад̣̇зд̇аа. д̇знааха ‘‘босзд̇аа’’д̇и. ид̣̇аани д̣̇виннам̣ махаат̇зраанам̣ яат̇ааггамам̣ саб̣рахмажаарийнам̣ бхаг̇авад̇аа вуд̇д̇зхи ж̇анигабосигамаад̇удтааниязхи сан̇г̇аахагад̇ам̣ вид̇т̇аарад̇о д̣̇ассзд̇ум̣, ‘‘ж̇анигамаад̇аа хий’’д̇иаад̣̇и вуд̇д̇ам̣. барад̇огхосзна винааби убаримаг̇г̇аад̇хиг̇амо ход̇ийд̇и ‘‘бажжад̇д̇абурисагаарзнаа’’д̇и вуд̇д̇ам̣. батамамаг̇г̇о зва хи саавагаанам̣ зганд̇ад̇о гхосаабзгкод̇и. бад̇д̇зсубийд̇и би-сад̣̇д̣̇зна баг̇зва аббад̇д̇зсууд̇и д̣̇ассзд̇и. бхавасса аббамад̇д̇агад̇аа наама ид̇д̇арагаалад̇ааяаад̇и ааха ‘‘ажчараасан̇гхаад̇амад̇д̇амбий’’д̇и. ж̇анзд̇аад̇и ж̇анаго, т̇зро бана арияааяа ж̇анаяид̇аа. аабаад̣̇зд̇аад̇и вад̣дхзд̇аа бариб̣руухзд̇аа. буримасмим̣ сажжад̣̇ваяз саммасанаг̇г̇ахан̣ам̣ логияад̇д̇аа д̇асса, ид̇арасмим̣ д̇асса аг̇г̇ахан̣ам̣ логуд̇д̇арад̇д̇аа.
Anuggāhakāti anuggaṇhanakāmā. Svāyamanuggaho saṅgahavatthuvasena pākaṭo hotīti āha ‘‘āmisasaṅgahenā’’tiādi. Janetā janettīti āha ‘‘janikā mātā’’ti. Vuddhiṃ parisaṃ āpādetīti āpādetā. Tenāha ‘‘posetā’’ti. Idāni dvinnaṃ mahātherānaṃ yathākkamaṃ sabrahmacārīnaṃ bhagavatā vuttehi janikaposikamātuṭṭhāniyehi saṅgāhakataṃ vitthārato dassetuṃ, ‘‘janikamātā hī’’tiādi vuttaṃ. Paratoghosena vināpi uparimaggādhigamo hotīti ‘‘paccattapurisakārenā’’ti vuttaṃ. Paṭhamamaggo eva hi sāvakānaṃ ekantato ghosāpekkhoti. Pattesupīti pi-saddena pageva appattesūti dasseti. Bhavassa appamattakatā nāma ittarakālatāyāti āha ‘‘accharāsaṅghātamattampī’’ti. Janetāti janako, thero pana ariyāya janayitā. Āpādetāti vaḍḍhetā paribrūhetā. Purimasmiṃ saccadvaye sammasanaggahaṇaṃ lokiyattā tassa, itarasmiṃ tassa aggahaṇaṃ lokuttarattā.
гаамзхи нигканд̇о сан̇габбо нзгкаммасан̇габбо. свааяамасса д̇ад̇о нигкаманад̇т̇о д̇зсам̣ бадибагкабхаавад̇о д̇зхи висам̣саг̇г̇ад̇о вираж̇ж̇анад̇о самужчинд̣̇анад̇о саб̣б̣асо вивид̇д̇абхаавад̇о жа ход̇ийд̇и д̣̇ассзд̇ум̣, ‘‘гаамабажжанийгадтзнаа’’д̇иаад̣̇и вуд̇д̇ам̣. д̇ад̇т̇а гаамабад̣̇агхаад̇анд̇и яат̇аа гаамо бад̣̇ам̣ бад̇идтам̣ на лабхад̇и, звам̣ хананам̣, гаамасамужчзд̣̇анд̇и ад̇т̇о. гаамзхи саб̣б̣асо вивид̇д̇ад̇д̇аа гаамавивид̇д̇о, арияамаг̇г̇о, д̇асса анд̇о, арияапалам̣, д̇асмим̣ гаамавивид̇д̇анд̇з. зсзва наяод̇и иминаа ‘‘б̣яаабаад̣̇абажжанийгадтзнаа’’д̇иаад̣̇ияож̇анам̣ ад̇ид̣̇исад̇и. саб̣б̣з жзд̇з нзгкаммасан̇габбаад̣̇аяо наанаажид̇д̇зсу лаб̣бханд̇ийд̇и яож̇анаа. яад̣̇и згажид̇д̇з лаб̣бханд̇и, гат̇ам̣ д̇ивид̇хамижчаасан̇габбаанам̣ самуг̇гхаад̇од̇и ааха ‘‘д̇ад̇ра хий’’д̇иаад̣̇и. на наанаа лаб̣бхад̇ийд̇и иминаа д̇ивид̇хагижжагаарид̇ам̣ саммаасан̇габбасса д̣̇ассзд̇и. гижжавасзна хи д̇асса наамасса лаабхо. саммааваажаад̣̇ийнамби маг̇г̇агкан̣з згажид̇д̇з лаб̣бхамаанаанамби жад̇угижжагаарид̇ааяа жад̇уб̣б̣ид̇ханаамаад̣̇ид̇аа взд̣̇ид̇аб̣б̣аа. сзсам̣ сувин̃н̃зяяамзва.
Kāmehi nikkhanto saṅkappo nekkhammasaṅkappo. Svāyamassa tato nikkhamanattho tesaṃ paṭipakkhabhāvato tehi visaṃsaggato virajjanato samucchindanato sabbaso vivittabhāvato ca hotīti dassetuṃ, ‘‘kāmapaccanīkaṭṭhenā’’tiādi vuttaṃ. Tattha kāmapadaghātanti yathā kāmo padaṃ patiṭṭhaṃ na labhati, evaṃ hananaṃ, kāmasamucchedanti attho. Kāmehi sabbaso vivittattā kāmavivitto, ariyamaggo, tassa anto, ariyaphalaṃ, tasmiṃ kāmavivittante. Eseva nayoti iminā ‘‘byāpādapaccanīkaṭṭhenā’’tiādiyojanaṃ atidisati. Sabbe cete nekkhammasaṅkappādayo nānācittesu labbhantīti yojanā. Yadi ekacitte labbhanti, kathaṃ tividhamicchāsaṅkappānaṃ samugghātoti āha ‘‘tatra hī’’tiādi. Na nānā labbhatīti iminā tividhakiccakāritaṃ sammāsaṅkappassa dasseti. Kiccavasena hi tassa nāmassa lābho. Sammāvācādīnampi maggakkhaṇe ekacitte labbhamānānampi catukiccakāritāya catubbidhanāmāditā veditabbā. Sesaṃ suviññeyyameva.
сажжавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Saccavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 11. сажжавибхан̇г̇асуд̇д̇ам̣ • 11. Saccavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 11. сажжавибхан̇г̇асуд̇д̇аван̣н̣анаа • 11. Saccavibhaṅgasuttavaṇṇanā
