Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā

    4. сажжавибхан̇г̇о

    4. Saccavibhaṅgo

    1. суд̇д̇анд̇абхааж̇анийяам̣

    1. Suttantabhājanīyaṃ

    уд̣̇д̣̇зсаван̣н̣анаа

    Uddesavaṇṇanā

    189. саасанаггамод̇и арияасажжаани вужжанд̇и арияасажжад̣̇зсанаа ваа. сагалан̃хи саасанам̣ бхаг̇авад̇о важанам̣ сажжавинимуд̇д̇ам̣ над̇т̇ийд̇и сажжзсу гамад̇и, сийласамаад̇хибан̃н̃аасан̇каад̇ам̣ ваа саасанам̣ зд̇зсу гамад̇и, д̇асмаа гамад̇и зд̇т̇аад̇и гамо, гим̣ гамад̇и? саасанам̣, саасанасса гамо саасанаггамод̇и сажжаани саасанабавад̇д̇идтаанаани вужжанд̇и, д̇ам̣д̣̇зсанаа жа д̇аб̣б̣охаарзнаад̇и.

    189. Sāsanakkamoti ariyasaccāni vuccanti ariyasaccadesanā vā. Sakalañhi sāsanaṃ bhagavato vacanaṃ saccavinimuttaṃ natthīti saccesu kamati, sīlasamādhipaññāsaṅkhātaṃ vā sāsanaṃ etesu kamati, tasmā kamati etthāti kamo, kiṃ kamati? Sāsanaṃ, sāsanassa kamo sāsanakkamoti saccāni sāsanapavattiṭṭhānāni vuccanti, taṃdesanā ca tabbohārenāti.

    д̇ат̇аад̇и д̇ам̣сабхааваава. авид̇ат̇аад̇и амусаасабхааваа. анан̃н̃ат̇аад̇и ан̃н̃аагаарарахид̇аа. д̣̇угкад̣̇угкад̇аад̇ам̣нимид̇д̇ад̇аахи анидтад̇аа бийл̣анадто, д̣̇вид̇хааби барид̣̇аханам̣, гилзсад̣̇аахасамааяог̇о ваа санд̇аабадтод̇и аяамзд̇зсам̣ висзсо. буг̇г̇алахим̣санам̣ ваа бийл̣анам̣, ад̇д̇ано зва д̇икин̣абхааво санд̇аабанам̣ санд̇аабод̇и. зд̇т̇а жа бийл̣анадто д̣̇угкасса сарасзнзва аавибхаванаагааро, ид̇арз яат̇ааггамам̣ самуд̣̇аяамаг̇г̇анирод̇хад̣̇ассанзхи аавибхаванаагаараад̇и аяам̣ жад̇уннамби висзсо. д̇ад̇рад̇ад̇раабхинанд̣̇анавасзна б̣яаабзд̇ваа ууханам̣ раасигаран̣ам̣ д̣̇угканиб̣б̣ад̇д̇анам̣ ааяууханам̣, самуд̣̇аяад̇о ааг̇ажчад̇ийд̇и ваа ааяам̣, д̣̇угкам̣. д̇асса ууханам̣ бавад̇д̇анам̣ ааяууханам̣, сарасаавибхааванаагааро зсо. нид̣̇ад̣̇аад̇и д̣̇угканд̇и нид̣̇аанам̣, ‘‘ид̣̇ам̣ д̇ам̣ д̣̇угка’’нд̇и самбадижчаабзнд̇ам̣ вияа самудтаабзд̇ийд̇и ад̇т̇о. д̣̇угкад̣̇ассанзна жааяам̣ нид̣̇аанадто аави бхавад̇и. сам̣яог̇абалиб̣од̇хадтаа нирод̇хамаг̇г̇ад̣̇ассанзхи, д̇з жа сам̣саарасам̣яож̇анамаг̇г̇анивааран̣аагаараа д̣̇адтаб̣б̣аа.

    Tathāti taṃsabhāvāva. Avitathāti amusāsabhāvā. Anaññathāti aññākārarahitā. Dukkhadukkhatātaṃnimittatāhi aniṭṭhatā pīḷanaṭṭho, dvidhāpi paridahanaṃ, kilesadāhasamāyogo vā santāpaṭṭhoti ayametesaṃ viseso. Puggalahiṃsanaṃ vā pīḷanaṃ, attano eva tikhiṇabhāvo santāpanaṃ santāpoti. Ettha ca pīḷanaṭṭho dukkhassa saraseneva āvibhavanākāro, itare yathākkamaṃ samudayamagganirodhadassanehi āvibhavanākārāti ayaṃ catunnampi viseso. Tatratatrābhinandanavasena byāpetvā ūhanaṃ rāsikaraṇaṃ dukkhanibbattanaṃ āyūhanaṃ, samudayato āgacchatīti vā āyaṃ, dukkhaṃ. Tassa ūhanaṃ pavattanaṃ āyūhanaṃ, sarasāvibhāvanākāro eso. Nidadāti dukkhanti nidānaṃ, ‘‘idaṃ taṃ dukkha’’nti sampaṭicchāpentaṃ viya samuṭṭhāpetīti attho. Dukkhadassanena cāyaṃ nidānaṭṭho āvi bhavati. Saṃyogapalibodhaṭṭhā nirodhamaggadassanehi, te ca saṃsārasaṃyojanamagganivāraṇākārā daṭṭhabbā.

    ниссаранд̇и зд̇т̇а сад̇д̇аа, саяамзва ваа ниссадам̣ висам̣яуд̇д̇ам̣ саб̣б̣асан̇кад̇зхи саб̣б̣убад̇хибадиниссаг̇г̇абхаавад̇од̇и ниссаран̣ам̣. аяамасса сабхаавзна аавибхаванаагааро. вивзгаасан̇кад̇аамад̇адтаа самуд̣̇аяамаг̇г̇ад̣̇угкад̣̇ассанаавибхаванаагаараа, самуд̣̇аяагкаяааббажжаяаавинаасид̇аа ваа. сам̣саарад̇о ниг̇г̇аманам̣ нияяаанам̣. аяамасса сарасзна багаасанаагааро, ид̇арз самуд̣̇аяанирод̇хад̣̇угкад̣̇ассанзхи. д̇ад̇т̇а балиб̣од̇хубажчзд̣̇авасзна ниб̣б̣аанаад̇хиг̇амова ниб̣б̣аананимид̇д̇ад̇аа хзд̇вадто. бан̃н̃аабад̇хаанад̇д̇аа маг̇г̇асса ниб̣б̣аанад̣̇ассанам̣, жад̇усажжад̣̇ассанам̣ ваа д̣̇ассанадто. жад̇усажжад̣̇ассанз гилзсад̣̇угкасанд̇аабавуубасаманз жа аад̇хибажжам̣ гаронд̇и маг̇г̇ан̇г̇ад̇хаммаа самбаяуд̇д̇ад̇хаммзсууд̇и со маг̇г̇асса ад̇хибад̇зяяадтод̇и. висзсад̇о ваа аарамман̣аад̇хибад̇ибхууд̇аа маг̇г̇ан̇г̇ад̇хаммаа хонд̇и ‘‘маг̇г̇аад̇хибад̇ино д̇хаммаа’’д̇и важанад̇од̇и со д̇зсам̣ аагааро ад̇хибад̇зяяадто. звамаад̣̇и аахаад̇и самб̣анд̇хо. д̇ад̇т̇а абхисамаяадтод̇и абхисамзд̇аб̣б̣адто, абхисамаяасса ваа висаяабхууд̇о ад̇т̇о абхисамаяадто, абхисамаяассзва ваа бавад̇д̇иаагааро абхисамаяадто, со жзд̇т̇а абхисамзд̇аб̣б̣зна бийл̣анаад̣̇инаа д̣̇ассид̇од̇и д̣̇адтаб̣б̣о.

    Nissaranti ettha sattā, sayameva vā nissaṭaṃ visaṃyuttaṃ sabbasaṅkhatehi sabbupadhipaṭinissaggabhāvatoti nissaraṇaṃ. Ayamassa sabhāvena āvibhavanākāro. Vivekāsaṅkhatāmataṭṭhā samudayamaggadukkhadassanāvibhavanākārā, samudayakkhayaappaccayaavināsitā vā. Saṃsārato niggamanaṃ niyyānaṃ. Ayamassa sarasena pakāsanākāro, itare samudayanirodhadukkhadassanehi. Tattha palibodhupacchedavasena nibbānādhigamova nibbānanimittatā hetvaṭṭho. Paññāpadhānattā maggassa nibbānadassanaṃ, catusaccadassanaṃ vā dassanaṭṭho. Catusaccadassane kilesadukkhasantāpavūpasamane ca ādhipaccaṃ karonti maggaṅgadhammā sampayuttadhammesūti so maggassa adhipateyyaṭṭhoti. Visesato vā ārammaṇādhipatibhūtā maggaṅgadhammā honti ‘‘maggādhipatino dhammā’’ti vacanatoti so tesaṃ ākāro adhipateyyaṭṭho. Evamādi āhāti sambandho. Tattha abhisamayaṭṭhoti abhisametabbaṭṭho, abhisamayassa vā visayabhūto attho abhisamayaṭṭho, abhisamayasseva vā pavattiākāro abhisamayaṭṭho, so cettha abhisametabbena pīḷanādinā dassitoti daṭṭhabbo.

    гужчид̇ам̣ кам̣ д̣̇угкам̣. ‘‘самааг̇амо самзд̇а’’нд̇иаад̣̇ийсу гзваласса ааг̇ама-сад̣̇д̣̇асса зд̇а-сад̣̇д̣̇асса жа баяог̇з сам̣яог̇ад̇т̇асса анубалаб̣бханад̇о сам̣-сад̣̇д̣̇асса жа баяог̇з убалаб̣бханад̇о ‘‘сам̣яог̇ам̣ д̣̇ийбзд̇ий’’д̇и ааха, звам̣ ‘‘уббаннам̣ уд̣̇ид̇а’’нд̇и зд̇т̇ааби. аяа-сад̣̇д̣̇о г̇ад̇иад̇т̇асид̣̇д̇хо хзд̇у-сад̣̇д̣̇о вияа гааран̣ам̣ д̣̇ийбзд̇и ад̇д̇ано паланибпаад̣̇анзна аяад̇и бавад̇д̇ад̇и, зд̇и ваа зд̇асмаа паланд̇и аяод̇и, сам̣яог̇з уббад̇д̇игааран̣ам̣ самуд̣̇аяод̇и зд̇т̇а висум̣ баяуж̇ж̇амаанааби убасаг̇г̇а-сад̣̇д̣̇аа сад̇хаад̇угам̣ сам̣яог̇ад̇т̇ам̣ уббаад̣̇ад̇т̇ан̃жа д̣̇ийбзнд̇и гирияаависзсагад̇д̇аад̇и взд̣̇ид̇аб̣б̣аа.

    Kucchitaṃ khaṃ dukkhaṃ. ‘‘Samāgamo sameta’’ntiādīsu kevalassa āgama-saddassa eta-saddassa ca payoge saṃyogatthassa anupalabbhanato saṃ-saddassa ca payoge upalabbhanato ‘‘saṃyogaṃ dīpetī’’ti āha, evaṃ ‘‘uppannaṃ udita’’nti etthāpi. Aya-saddo gatiatthasiddho hetu-saddo viya kāraṇaṃ dīpeti attano phalanipphādanena ayati pavattati, eti vā etasmā phalanti ayoti, saṃyoge uppattikāraṇaṃ samudayoti ettha visuṃ payujjamānāpi upasagga-saddā sadhātukaṃ saṃyogatthaṃ uppādatthañca dīpenti kiriyāvisesakattāti veditabbā.

    абхааво зд̇т̇а род̇хассаад̇и нирод̇ход̇и зд̇зна ниб̣б̣аанасса д̣̇угкавивзгабхаавам̣ д̣̇ассзд̇и. самад̇хиг̇ад̇з д̇асмим̣ д̇ад̣̇ад̇хиг̇амавад̇о буг̇г̇аласса род̇хаабхааво бавад̇д̇исан̇каад̇асса род̇хасса бадибагкабхууд̇ааяа нивад̇д̇ияаа ад̇хиг̇ад̇ад̇д̇аад̇и зд̇асмин̃жад̇т̇з абхааво зд̇асмим̣ род̇хассаад̇и нирод̇хоижжзва бад̣̇асамаасо. д̣̇угкаабхааво банзд̇т̇а буг̇г̇аласса, на ниб̣б̣аанассзва. ануббаад̣̇о зва нирод̇хо ануббаад̣̇анирод̇хо. ааяад̇ибхаваад̣̇ийсу аббавад̇д̇и, на бана бхан̇г̇од̇и бхан̇г̇аваажагам̣ нирод̇ха-сад̣̇д̣̇ам̣ нивад̇д̇зд̇ваа ануббаад̣̇аваажагам̣ г̇ан̣хаад̇и. зд̇асмим̣ ад̇т̇з гааран̣з палобажаарам̣ гад̇ваа нирод̇хабажжаяо нирод̇ход̇и вуд̇д̇о. бадибад̣̇аа жа ход̇и буг̇г̇аласса д̣̇угканирод̇хаббад̇д̇ияаа. нану саа зва д̣̇угканирод̇хаббад̇д̇ийд̇и д̇ассаа зва саа бадибад̣̇аад̇и на яуж̇ж̇ад̇ийд̇и? на, буг̇г̇алаад̇хиг̇амасса язхи со ад̇хиг̇ажчад̇и, д̇зсам̣ гааран̣абхууд̇ад̇хаммаанан̃жа бад̇д̇ибхаавзна бадибад̣̇аабхаавзна жа вуд̇д̇ад̇д̇аа. сажчигирияаасажчигаран̣ад̇хаммаанам̣ ан̃н̃ад̇д̇аабхаавзби хи буг̇г̇аласажчигирияад̇хаммабхаавзхи наанад̇д̇ам̣ гад̇ваа нид̣̇д̣̇зсо гад̇о. ат̇а ваа д̣̇угканирод̇хаббад̇д̇ияаа нидтаанам̣ паланд̇и д̇ассаа д̣̇угканирод̇хаббад̇д̇ияаа бадибад̣̇ад̇аа д̣̇адтаб̣б̣аа.

    Abhāvo ettha rodhassāti nirodhoti etena nibbānassa dukkhavivekabhāvaṃ dasseti. Samadhigate tasmiṃ tadadhigamavato puggalassa rodhābhāvo pavattisaṅkhātassa rodhassa paṭipakkhabhūtāya nivattiyā adhigatattāti etasmiñcatthe abhāvo etasmiṃ rodhassāti nirodhoicceva padasamāso. Dukkhābhāvo panettha puggalassa, na nibbānasseva. Anuppādo eva nirodho anuppādanirodho. Āyatibhavādīsu appavatti, na pana bhaṅgoti bhaṅgavācakaṃ nirodha-saddaṃ nivattetvā anuppādavācakaṃ gaṇhāti. Etasmiṃ atthe kāraṇe phalopacāraṃ katvā nirodhapaccayo nirodhoti vutto. Paṭipadā ca hoti puggalassa dukkhanirodhappattiyā. Nanu sā eva dukkhanirodhappattīti tassā eva sā paṭipadāti na yujjatīti? Na, puggalādhigamassa yehi so adhigacchati, tesaṃ kāraṇabhūtadhammānañca pattibhāvena paṭipadābhāvena ca vuttattā. Sacchikiriyāsacchikaraṇadhammānaṃ aññattābhāvepi hi puggalasacchikiriyadhammabhāvehi nānattaṃ katvā niddeso kato. Atha vā dukkhanirodhappattiyā niṭṭhānaṃ phalanti tassā dukkhanirodhappattiyā paṭipadatā daṭṭhabbā.

    б̣уд̣̇д̇хаад̣̇аяо арияаа бадивиж̇жханд̇ийд̇и зд̇т̇а бадивид̣̇д̇хагаалз бавад̇д̇ам̣ б̣уд̣̇д̇хаад̣̇ивохаарам̣ ‘‘аг̇амаа рааж̇аг̇ахам̣ б̣уд̣̇д̇хо’’д̇иаад̣̇ийсу (су. ни. 410) вияа буримагаалзби ааробзд̇ваа ‘‘б̣уд̣̇д̇хаад̣̇аяо’’д̇и вуд̇д̇ам̣. д̇з хи б̣уд̣̇д̇хаад̣̇аяо жад̇уухи маг̇г̇зхи бадивиж̇жханд̇ийд̇и. арияабадивиж̇жхид̇аб̣б̣аани сажжаани арияасажжаанийд̇и жзд̇т̇а буримабад̣̇з уд̇д̇арабад̣̇алобо д̣̇адтаб̣б̣о. арияаа иманд̇и бадивиж̇жхид̇аб̣б̣адтзна згад̇д̇ам̣ убанзд̇ваа ‘‘има’’нд̇и вуд̇д̇ам̣. д̇асмаад̇и д̇ат̇ааг̇ад̇асса арияад̇д̇аа д̇асса сажжаанийд̇и арияасажжаанийд̇и вужжанд̇ийд̇и ад̇т̇о. д̇ат̇ааг̇ад̇зна хи саяам̣ ад̇хиг̇ад̇ад̇д̇аа, д̇знзва багаасид̇ад̇д̇аа, д̇ад̇о зва жа ан̃н̃зхи ад̇хиг̇аманийяад̇д̇аа д̇аани д̇асса хонд̇ийд̇и. арияабхаавасид̣̇д̇хид̇обийд̇и зд̇т̇а арияасаад̇хагаани сажжаани арияасажжаанийд̇и буб̣б̣з вияа уд̇д̇арабад̣̇алобо д̣̇адтаб̣б̣о. арияаани сажжаанийд̇ибийд̇и зд̇т̇а авид̇ат̇абхаавзна аран̣ийяад̇д̇аа ад̇хиг̇анд̇аб̣б̣ад̇д̇аа арияаани, арияавохааро ваа аяам̣ ависам̣ваад̣̇аго авид̇ат̇аруубо д̣̇адтаб̣б̣о.

    Buddhādayo ariyā paṭivijjhantīti ettha paṭividdhakāle pavattaṃ buddhādivohāraṃ ‘‘agamā rājagahaṃ buddho’’tiādīsu (su. ni. 410) viya purimakālepi āropetvā ‘‘buddhādayo’’ti vuttaṃ. Te hi buddhādayo catūhi maggehi paṭivijjhantīti. Ariyapaṭivijjhitabbāni saccāni ariyasaccānīti cettha purimapade uttarapadalopo daṭṭhabbo. Ariyā imanti paṭivijjhitabbaṭṭhena ekattaṃ upanetvā ‘‘ima’’nti vuttaṃ. Tasmāti tathāgatassa ariyattā tassa saccānīti ariyasaccānīti vuccantīti attho. Tathāgatena hi sayaṃ adhigatattā, teneva pakāsitattā, tato eva ca aññehi adhigamanīyattā tāni tassa hontīti. Ariyabhāvasiddhitopīti ettha ariyasādhakāni saccāni ariyasaccānīti pubbe viya uttarapadalopo daṭṭhabbo. Ariyāni saccānītipīti ettha avitathabhāvena araṇīyattā adhigantabbattā ariyāni, ariyavohāro vā ayaṃ avisaṃvādako avitatharūpo daṭṭhabbo.

    б̣аад̇ханалагкан̣анд̇и зд̇т̇а д̣̇угкад̣̇угкад̇аннимид̇д̇абхааво б̣аад̇ханаа, уд̣̇аяаб̣б̣аяабийл̣ид̇ад̇аа ваа. бхаваад̣̇ийсу ж̇аад̇иаад̣̇ивасзна жагкурог̇аад̣̇ивасзна жа анзгад̇хаа д̣̇угкасса бавад̇д̇анамзва буг̇г̇аласса санд̇аабанам̣, д̇ад̣̇асса гижжам̣ расо. бавад̇д̇инивад̇д̇ийсу сам̣саарамогкзсу бавад̇д̇и худ̇ваа г̇аяхад̇ийд̇и бавад̇д̇ибажжубадтаанам̣. бабхавад̇и зд̇асмаа д̣̇угкам̣ бадисанд̇хияам̣ ниб̣б̣ад̇д̇ад̇и буримабхавзна бажчимабхаво гхадид̇о сам̣яуд̇д̇о худ̇ваа бавад̇д̇ад̇ийд̇и бабхаво. ‘‘звамби д̇ан̣хаанусаяз ануухад̇з ниб̣б̣ад̇д̇ад̇ий д̣̇угкамид̣̇ам̣ бунаббуна’’нд̇и (д̇ха. ба. 338) звам̣ бунаббунам̣ уббаад̣̇анам̣ анубажчзд̣̇агаран̣ам̣. бхаваниссаран̣анивааран̣ам̣ балиб̣од̇хо. рааг̇агкаяаад̣̇ибхаавзна саб̣б̣ад̣̇угкасанд̇ад̇аа санд̇и. ажжуд̇ирасанд̇и ажжуд̇исамбад̇д̇игам̣. жаванам̣ ваа гижжанд̇и д̇ад̣̇абхаавам̣ гижжамива вохарид̇ваа ажжуд̇игижжанд̇и ад̇т̇о. ажаванан̃жа сабхаавассаабарижжаж̇анам̣ авигаарад̇аа д̣̇адтаб̣б̣аа. бан̃жагканд̇ханимид̇д̇асун̃н̃ад̇ааяа авиг̇г̇ахам̣ худ̇ваа г̇аяхад̇ийд̇и анимид̇д̇абажжубадтаанам̣. анусаяубажчзд̣̇анавасзна сам̣сааражаарагад̇о ниг̇г̇амануубааяабхааво нияяаанам̣. нимид̇д̇ад̇о бавад̇д̇ад̇о жа жид̇д̇асса вудтаанам̣ худ̇ваа г̇аяхад̇ийд̇и вудтаанабажжубадтаанам̣.

    Bādhanalakkhaṇanti ettha dukkhadukkhatannimittabhāvo bādhanā, udayabbayapīḷitatā vā. Bhavādīsu jātiādivasena cakkhurogādivasena ca anekadhā dukkhassa pavattanameva puggalassa santāpanaṃ, tadassa kiccaṃ raso. Pavattinivattīsu saṃsāramokkhesu pavatti hutvā gayhatīti pavattipaccupaṭṭhānaṃ. Pabhavati etasmā dukkhaṃ paṭisandhiyaṃ nibbattati purimabhavena pacchimabhavo ghaṭito saṃyutto hutvā pavattatīti pabhavo. ‘‘Evampi taṇhānusaye anūhate nibbattatī dukkhamidaṃ punappuna’’nti (dha. pa. 338) evaṃ punappunaṃ uppādanaṃ anupacchedakaraṇaṃ. Bhavanissaraṇanivāraṇaṃ palibodho. Rāgakkhayādibhāvena sabbadukkhasantatā santi. Accutirasanti accutisampattikaṃ. Cavanaṃ vā kiccanti tadabhāvaṃ kiccamiva voharitvā accutikiccanti attho. Acavanañca sabhāvassāpariccajanaṃ avikāratā daṭṭhabbā. Pañcakkhandhanimittasuññatāya aviggahaṃ hutvā gayhatīti animittapaccupaṭṭhānaṃ. Anusayupacchedanavasena saṃsāracārakato niggamanūpāyabhāvo niyyānaṃ. Nimittato pavattato ca cittassa vuṭṭhānaṃ hutvā gayhatīti vuṭṭhānapaccupaṭṭhānaṃ.

    асуван̣н̣аад̣̇и суван̣н̣аад̣̇и вияа д̣̇иссамаанам̣ мааяаад̇и вад̇т̇усаб̣бхааваа д̇ассаа вибарийд̇ад̇аа вуд̇д̇аа. уд̣̇агам̣ вияа д̣̇иссамаанаа бана марийжи убаг̇ад̇аанам̣ д̇ужчаа ход̇и, вад̇т̇умад̇д̇амби д̇ассаа на д̣̇иссад̇ийд̇и висам̣ваад̣̇игаа вуд̇д̇аа. марийжимааяааад̇д̇аанам̣ вибагко бхааво д̇ажчаавибарийд̇абхууд̇абхааво. арияан̃аан̣ассаад̇и авид̇ат̇аг̇аахагасса н̃аан̣асса, д̇зна бадивзд̇хабажжавзгкан̣аани г̇аяханд̇и, д̇зсан̃жа г̇ожарабхааво бадивиж̇жхид̇аб̣б̣ад̇аааарамман̣абхааво жа д̣̇адтаб̣б̣о. аг̇г̇илагкан̣ам̣ ун̣хад̇д̇ам̣. д̇ан̃хи гад̇т̇ажи гадтаад̣̇иубаад̣̇аанабхзд̣̇зби висам̣ваад̣̇агам̣ вибарийд̇ам̣ абхууд̇ам̣ ваа гад̣̇аажи на ход̇и. ‘‘б̣яаад̇хид̇хаммаа ж̇араад̇хаммаа, ат̇о маран̣ад̇хаммино’’д̇и (а. ни. 3.39; 5.57) зд̇т̇а вуд̇д̇аа ж̇аад̇иаад̣̇игаа логабагад̇и. мануссаанам̣ уд̣̇д̇хам̣ д̣̇ийгхад̇аа, згажжаанам̣ д̇иражчаанаанам̣ д̇ирияам̣ д̣̇ийгхад̇аа, вуд̣̇д̇хинидтам̣ бад̇д̇аанам̣ буна авад̣дханам̣ звамаад̣̇игаа жаад̇и вад̣̇анд̇и. д̇ажчаавибарийд̇абхууд̇абхаавзсу бажчимо д̇ат̇ад̇аа, батамо авид̇ат̇ад̇аа, маж̇жхимо анан̃н̃ат̇ад̇аад̇и аяамзд̇зсам̣ висзсо.

    Asuvaṇṇādi suvaṇṇādi viya dissamānaṃ māyāti vatthusabbhāvā tassā viparītatā vuttā. Udakaṃ viya dissamānā pana marīci upagatānaṃ tucchā hoti, vatthumattampi tassā na dissatīti visaṃvādikā vuttā. Marīcimāyāattānaṃ vipakkho bhāvo tacchāviparītabhūtabhāvo. Ariyañāṇassāti avitathagāhakassa ñāṇassa, tena paṭivedhapaccavekkhaṇāni gayhanti, tesañca gocarabhāvo paṭivijjhitabbatāārammaṇabhāvo ca daṭṭhabbo. Aggilakkhaṇaṃ uṇhattaṃ. Tañhi katthaci kaṭṭhādiupādānabhedepi visaṃvādakaṃ viparītaṃ abhūtaṃ vā kadāci na hoti. ‘‘Byādhidhammā jarādhammā, atho maraṇadhammino’’ti (a. ni. 3.39; 5.57) ettha vuttā jātiādikā lokapakati. Manussānaṃ uddhaṃ dīghatā, ekaccānaṃ tiracchānānaṃ tiriyaṃ dīghatā, vuddhiniṭṭhaṃ pattānaṃ puna avaḍḍhanaṃ evamādikā cāti vadanti. Tacchāviparītabhūtabhāvesu pacchimo tathatā, paṭhamo avitathatā, majjhimo anaññathatāti ayametesaṃ viseso.

    д̣̇угкаа ан̃н̃ам̣ на б̣аад̇хаганд̇и гасмаа вуд̇д̇ам̣, нану д̇ан̣хааби ж̇аад̇и вияа д̣̇угканимид̇д̇ад̇ааяа б̣аад̇хигаад̇и? на, б̣аад̇хагабабхавабхаавзна висум̣ г̇ахид̇ад̇д̇аа. ж̇аад̇иаад̣̇ийнам̣ вияа ваа д̣̇угкасса ад̇хидтаанабхааво д̣̇угкад̣̇угкад̇аа жа б̣аад̇хагад̇аа, на д̣̇угкасса бабхавагад̇аад̇и над̇т̇и д̇ан̣хааяа бабхавагабхаавзна г̇ахид̇ааяа б̣аад̇хагад̇д̇аббасан̇г̇о. д̇знааха ‘‘д̣̇угкаа ан̃н̃ам̣ на б̣аад̇хага’’нд̇и. б̣аад̇хагад̇д̇анияаамзнаад̇и д̣̇угкам̣ б̣аад̇хагамзва, д̣̇угкамзва б̣аад̇хаганд̇и звам̣ д̣̇вид̇хааби б̣аад̇хагад̇д̇аавад̇хааран̣знаад̇и ад̇т̇о. д̇ам̣ винаа наан̃н̃ад̇од̇и сад̇иби авасзсагилзсаавасзсаагусаласаасавагусаламуулаавасзсасаасавагусалад̇хаммаанам̣ д̣̇угкахзд̇убхаавз на д̇ан̣хааяа винаа д̇зсам̣ д̣̇угкахзд̇убхааво ад̇т̇и, д̇зхи бана винааби д̇ан̣хааяа д̣̇угкахзд̇убхааво ад̇т̇и гусалзхи винаа агусалзхи, руубааважараад̣̇ийхи винаа гаамааважараад̣̇ийхи жа д̇ан̣хааяа д̣̇угканиб̣б̣ад̇д̇агад̇д̇аа. д̇ажчанияяаанабхаавад̇д̇аад̇и д̣̇вид̇хааби нияамзна д̇ажчо нияяаанабхааво зд̇асса, на мижчаамаг̇г̇асса вияа вибарийд̇ад̇ааяа, логияамаг̇г̇асса вияа ваа анзганд̇игад̇ааяа ад̇ажчод̇и д̇ажчанияяаанабхааво, маг̇г̇о. д̇асса бхааво д̇ажчанияяаанабхаавад̇д̇ам̣, д̇асмаа д̇ажчанияяаанабхаавад̇д̇аа. саб̣б̣ад̇т̇а д̣̇вид̇хааби нияамзна д̇ажчаавибарийд̇абхууд̇абхааво вуд̇д̇од̇и ааха ‘‘ид̇и д̇ажчаавибаллаасаа’’д̇иаад̣̇и.

    Dukkhā aññaṃ na bādhakanti kasmā vuttaṃ, nanu taṇhāpi jāti viya dukkhanimittatāya bādhikāti? Na, bādhakapabhavabhāvena visuṃ gahitattā. Jātiādīnaṃ viya vā dukkhassa adhiṭṭhānabhāvo dukkhadukkhatā ca bādhakatā, na dukkhassa pabhavakatāti natthi taṇhāya pabhavakabhāvena gahitāya bādhakattappasaṅgo. Tenāha ‘‘dukkhā aññaṃ na bādhaka’’nti. Bādhakattaniyāmenāti dukkhaṃ bādhakameva, dukkhameva bādhakanti evaṃ dvidhāpi bādhakattāvadhāraṇenāti attho. Taṃ vinā nāññatoti satipi avasesakilesaavasesākusalasāsavakusalamūlāvasesasāsavakusaladhammānaṃ dukkhahetubhāve na taṇhāya vinā tesaṃ dukkhahetubhāvo atthi, tehi pana vināpi taṇhāya dukkhahetubhāvo atthi kusalehi vinā akusalehi, rūpāvacarādīhi vinā kāmāvacarādīhi ca taṇhāya dukkhanibbattakattā. Tacchaniyyānabhāvattāti dvidhāpi niyamena taccho niyyānabhāvo etassa, na micchāmaggassa viya viparītatāya, lokiyamaggassa viya vā anekantikatāya atacchoti tacchaniyyānabhāvo, maggo. Tassa bhāvo tacchaniyyānabhāvattaṃ, tasmā tacchaniyyānabhāvattā. Sabbattha dvidhāpi niyamena tacchāviparītabhūtabhāvo vuttoti āha ‘‘iti tacchāvipallāsā’’tiādi.

    сажжа-сад̣̇д̣̇асса самбхаванд̇аанам̣ ад̇т̇аанам̣ уд̣̇д̇харан̣ам̣, самбхаванд̇з ваа ад̇т̇з вад̇ваа ад̇хиббзд̇ад̇т̇асса уд̣̇д̇харан̣ам̣ ад̇т̇уд̣̇д̇хааро. вирад̇исажжзд̇и мусааваад̣̇авирад̇ияам̣. на хи ан̃н̃авирад̇ийсу сажжа-сад̣̇д̣̇о нирул̣ход̇и. ‘‘ид̣̇амзва сажжам̣, могхаман̃н̃а’’нд̇и г̇ахид̇аа д̣̇идти д̣̇идтисажжам̣. ‘‘амосад̇хаммам̣ ниб̣б̣аанам̣ , д̇ад̣̇арияаа сажжад̇о вид̣̇уу’’д̇и (су. ни. 763) амосад̇хаммад̇д̇аа ниб̣б̣аанам̣ барамад̇т̇асажжам̣ вуд̇д̇ам̣. д̇асса бана д̇ам̣самбаабагасса жа маг̇г̇асса баж̇аананаа бадивзд̇хо авиваад̣̇агааран̣анд̇и д̣̇ваяамби ‘‘зган̃хи сажжам̣ на д̣̇уд̇ияамад̇т̇и, яасмим̣ баж̇аа но вивад̣̇з баж̇аана’’нд̇и (су. ни. 890; махаани. 119) миссаа г̇аат̇ааяа сажжанд̇и вуд̇д̇ам̣.

    Sacca-saddassa sambhavantānaṃ atthānaṃ uddharaṇaṃ, sambhavante vā atthe vatvā adhippetatthassa uddharaṇaṃ atthuddhāro. Viratisacceti musāvādaviratiyaṃ. Na hi aññaviratīsu sacca-saddo niruḷhoti. ‘‘Idameva saccaṃ, moghamañña’’nti gahitā diṭṭhi diṭṭhisaccaṃ. ‘‘Amosadhammaṃ nibbānaṃ , tadariyā saccato vidū’’ti (su. ni. 763) amosadhammattā nibbānaṃ paramatthasaccaṃ vuttaṃ. Tassa pana taṃsampāpakassa ca maggassa pajānanā paṭivedho avivādakāraṇanti dvayampi ‘‘ekañhi saccaṃ na dutiyamatthi, yasmiṃ pajā no vivade pajāna’’nti (su. ni. 890; mahāni. 119) missā gāthāya saccanti vuttaṃ.

    нзд̇ам̣ д̣̇угкам̣ арияасажжанд̇и ааг̇ажчзяяа, нзд̇ам̣ таанам̣ виж̇ж̇ад̇ийд̇и зд̇зна ж̇аад̇иаад̣̇ийнам̣ д̣̇угкаарияасажжабхаавз авибарийд̇ад̇ам̣ д̣̇ассзд̇и, ан̃н̃ам̣ д̣̇угкам̣ арияасажжанд̇и ааг̇ажчзяяа, нзд̇ам̣ таанам̣ виж̇ж̇ад̇ийд̇и иминаа д̣̇угкаарияасажжабхаавасса ж̇аад̇иаад̣̇ийсу нияад̇ад̇ам̣. сажзби гат̇ан̃жи гожи звам̣жид̇д̇о ааг̇ажчзяяа, бан̃н̃аабанз бана сахад̇хаммзна бан̃н̃аабанз ад̇д̇ано ваад̣̇асса жа бан̃н̃аабанз самад̇т̇о над̇т̇ийд̇и д̣̇ассзд̇ум̣ ‘‘ахамзд̇ам̣…бз… бан̃н̃аабзссаамийд̇и ааг̇ажчзяяа, нзд̇ам̣ таанам̣ виж̇ж̇ад̇ий’’д̇и вуд̇д̇ам̣. ж̇аад̇иаад̣̇ийнам̣ анан̃н̃ат̇ад̇аа ан̃н̃асса жа д̇ат̇аабхууд̇асса абхаавоязвзд̇т̇а таанаабхааво. сажзби гожи ааг̇ажчзяяа, ааг̇ажчад̇у, таанам̣ бана над̇т̇ийд̇и аяамзд̇т̇а суд̇д̇ад̇т̇о. зса наяо д̣̇уд̇ияасуд̇д̇зби. д̇ад̇т̇а бана самбад̇д̇ад̇аа бажжагкад̇аа жа батамад̇аа, д̇ам̣нимид̇д̇ад̇аа д̣̇уд̇ияад̇аа, д̇ад̣̇убасамад̇аа д̇ад̇ияад̇аа, д̇ам̣самбаабагад̇аа жад̇уд̇т̇ад̇аад̇и д̣̇адтаб̣б̣аа.

    Netaṃ dukkhaṃ ariyasaccanti āgaccheyya, netaṃ ṭhānaṃ vijjatīti etena jātiādīnaṃ dukkhaariyasaccabhāve aviparītataṃ dasseti, aññaṃ dukkhaṃ ariyasaccanti āgaccheyya, netaṃ ṭhānaṃ vijjatīti iminā dukkhaariyasaccabhāvassa jātiādīsu niyatataṃ. Sacepi kathañci koci evaṃcitto āgaccheyya, paññāpane pana sahadhammena paññāpane attano vādassa ca paññāpane samattho natthīti dassetuṃ ‘‘ahametaṃ…pe… paññāpessāmīti āgaccheyya, netaṃ ṭhānaṃ vijjatī’’ti vuttaṃ. Jātiādīnaṃ anaññathatā aññassa ca tathābhūtassa abhāvoyevettha ṭhānābhāvo. Sacepi koci āgaccheyya, āgacchatu, ṭhānaṃ pana natthīti ayamettha suttattho. Esa nayo dutiyasuttepi. Tattha pana sampattatā paccakkhatā ca paṭhamatā, taṃnimittatā dutiyatā, tadupasamatā tatiyatā, taṃsampāpakatā catutthatāti daṭṭhabbā.

    ниб̣б̣уд̇игаамзна бариж̇аананаад̣̇ийхи ан̃н̃ам̣ гин̃жи гижжам̣ гаад̇аб̣б̣ам̣ над̇т̇и, д̇хамман̃аан̣агижжам̣ ваа ид̇о ан̃н̃ам̣ над̇т̇и, барин̃н̃зяяаад̣̇ийни жа зд̇аббарамаанзваад̇и жад̇д̇аарзва вуд̇д̇аани. д̇ан̣хааяа аад̣̇ийнавад̣̇ассаавийнам̣ васзна ‘‘д̇ан̣хаавад̇т̇уаад̣̇ийнам̣ зд̇ам̣барамад̇ааяаа’’д̇и вуд̇д̇ам̣. д̇ат̇аа аалаяз бан̃жагаамаг̇ун̣асан̇каад̇з, сагалавад̇т̇угаамасан̇каад̇з, бхавад̇д̇аяасан̇каад̇з ваа д̣̇угкз д̣̇осад̣̇ассаавийнам̣ васзна ‘‘аалаяаад̣̇ийнам̣ зд̇ам̣барамад̇ааяаа’’д̇и вуд̇д̇ам̣.

    Nibbutikāmena parijānanādīhi aññaṃ kiñci kiccaṃ kātabbaṃ natthi, dhammañāṇakiccaṃ vā ito aññaṃ natthi, pariññeyyādīni ca etapparamānevāti cattāreva vuttāni. Taṇhāya ādīnavadassāvīnaṃ vasena ‘‘taṇhāvatthuādīnaṃ etaṃparamatāyā’’ti vuttaṃ. Tathā ālaye pañcakāmaguṇasaṅkhāte, sakalavatthukāmasaṅkhāte, bhavattayasaṅkhāte vā dukkhe dosadassāvīnaṃ vasena ‘‘ālayādīnaṃ etaṃparamatāyā’’ti vuttaṃ.

    сахзд̇угзна д̣̇угкзнаад̇и зд̇зна д̣̇угкасса аб̣б̣ожчиннад̇аад̣̇ассанзна ад̇исам̣взг̇авад̇т̇уд̇ам̣ д̣̇ассзд̇и.

    Sahetukena dukkhenāti etena dukkhassa abbocchinnatādassanena atisaṃvegavatthutaṃ dasseti.

    на бадивзд̇хан̃аан̣ам̣ вияа сагид̣̇зва б̣уж̇жхад̇и, ат̇а ко ану ану б̣уж̇жханад̇о ануб̣од̇хо, ануссаваагаарабаривид̇аггад̣̇идтиниж̇жхаанагканд̇иануг̇ад̇о ваа б̣од̇хо ануб̣од̇хо. на хи со бажжагкад̇о б̣уж̇жхад̇и, ануссаваад̣̇ивасзна бана габбзд̇ваа г̇ан̣хаад̇ийд̇и. гижжад̇од̇и бариж̇аананаад̣̇ид̇о. д̇ам̣гижжагаран̣знзва хи д̇аани д̇асса баагадаани. виваддаанубассанааяа хи сан̇каарзхи бад̇илийяамаанамаанасасса уббаж̇ж̇амаанам̣ маг̇г̇ан̃аан̣ам̣ висан̇каарам̣ д̣̇угканиссаран̣ам̣ аарамман̣ам̣ гад̇ваа д̣̇угкам̣ барижчинд̣̇ад̇и, д̣̇угкаг̇ад̇ан̃жа д̇ан̣хам̣ баж̇ахад̇и, нирод̇хан̃жа пусад̇и аад̣̇ижжо вияа бабхааяа, саммаасан̇габбаад̣̇ийхи саха уббаннам̣ д̇ам̣ маг̇г̇ам̣ бхаавзд̇и, на жа сан̇каарз амун̃жид̇ваа бавад̇д̇амаанзна н̃аан̣зна зд̇ам̣ саб̣б̣ам̣ саггаа гаад̇ум̣ нимид̇д̇абавад̇д̇зхи авудтид̇ад̇д̇аа, д̇асмаа зд̇аани гижжаани гаронд̇ам̣ д̇ам̣ н̃аан̣ам̣ д̣̇угкаад̣̇ийни вибхаавзд̇и д̇ад̇т̇а саммоханивад̇д̇анзнаад̇и ‘‘жад̇д̇аариби сажжаани бассад̇ий’’д̇и вуд̇д̇ам̣.

    Na paṭivedhañāṇaṃ viya sakideva bujjhati, atha kho anu anu bujjhanato anubodho, anussavākāraparivitakkadiṭṭhinijjhānakkhantianugato vā bodho anubodho. Na hi so paccakkhato bujjhati, anussavādivasena pana kappetvā gaṇhātīti. Kiccatoti parijānanādito. Taṃkiccakaraṇeneva hi tāni tassa pākaṭāni. Vivaṭṭānupassanāya hi saṅkhārehi patilīyamānamānasassa uppajjamānaṃ maggañāṇaṃ visaṅkhāraṃ dukkhanissaraṇaṃ ārammaṇaṃ katvā dukkhaṃ paricchindati, dukkhagatañca taṇhaṃ pajahati, nirodhañca phusati ādicco viya pabhāya, sammāsaṅkappādīhi saha uppannaṃ taṃ maggaṃ bhāveti, na ca saṅkhāre amuñcitvā pavattamānena ñāṇena etaṃ sabbaṃ sakkā kātuṃ nimittapavattehi avuṭṭhitattā, tasmā etāni kiccāni karontaṃ taṃ ñāṇaṃ dukkhādīni vibhāveti tattha sammohanivattanenāti ‘‘cattāripi saccāni passatī’’ti vuttaṃ.

    д̣̇угкасамуд̣̇аяамби со бассад̇ийд̇и гааланд̇арад̣̇ассанам̣ санд̇хааяа вуд̇д̇анд̇и жз? на, ‘‘яо ну ко, аавусо, д̣̇угкам̣ бассад̇и, д̣̇угкасамуд̣̇аяамби со бассад̇ий’’д̇иаад̣̇инаа (сам̣. ни. 5.1100) згад̣̇ассино ан̃н̃ад̇д̇аяад̣̇ассид̇аавижааран̣ааяа д̇ассаа саад̇ханад̇т̇ам̣ г̇авам̣бад̇ид̇т̇зрзна имасса суд̇д̇асса аахарид̇ад̇д̇аа бажжзган̃жа сажжзсу д̣̇иссамаанзсу ан̃н̃ад̇д̇аяад̣̇ассанасса яож̇ид̇ад̇д̇аа. ан̃н̃ат̇аа анубуб̣б̣аабхисамаяз буримад̣̇идтасса бажчаа ад̣̇ассанад̇о самуд̣̇аяаад̣̇ид̣̇ассино д̣̇угкаад̣̇ид̣̇ассанад̇аа на яож̇зд̇аб̣б̣аа сияаад̇и. суд̣̇д̇хасан̇каарабун̃ж̇амад̇д̇ад̣̇ассанад̇о саггааяад̣̇идтибарияудтаанам̣ ниваарзд̇и. ‘‘логасамуд̣̇аяам̣ ко, гажжаана, яат̇аабхууд̇ам̣ саммаббан̃н̃ааяа бассад̇о яаа логз над̇т̇ид̇аа, саа на ход̇ий’’д̇и важанад̇о самуд̣̇аяад̣̇ассанам̣ хзд̇упалаббаб̣анд̇хаавижчзд̣̇ад̣̇ассанавасзна ужчзд̣̇ад̣̇идтибарияудтаанам̣ нивад̇д̇зд̇и. ‘‘логанирод̇хам̣ ко…бз… бассад̇о яаа логз ад̇т̇ид̇аа, саа на ход̇ий’’д̇и (сам̣. ни. 2.15) важанад̇о нирод̇хад̣̇ассанам̣ хзд̇унирод̇хаа паланирод̇хад̣̇ассанавасзна сассад̇ад̣̇идтибарияудтаанам̣ ниваарзд̇и. ад̇д̇агаарасса бажжагкад̣̇ассанад̇о маг̇г̇ад̣̇ассанзна ‘‘над̇т̇и ад̇д̇агаарз, над̇т̇и барагаарз, над̇т̇и бурисагаарз’’д̇иаад̣̇игам̣ (д̣̇ий. ни. 1.168) агирияад̣̇идтибарияудтаанам̣ баж̇ахад̇и. ‘‘над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяа, ахзд̇уу аббажжаяаа сад̇д̇аа сам̣гилиссанд̇и. над̇т̇и хзд̇у…бз… висуд̣̇д̇хияаа, ахзд̇уу аббажжаяаа сад̇д̇аа висуж̇жханд̇ий’’д̇иаад̣̇игаа ахзд̇угад̣̇идти жа ид̇ха агирияад̣̇идтиг̇г̇ахан̣зна г̇ахид̇аад̇и д̣̇адтаб̣б̣аа. сааби хи висуд̣̇д̇химаг̇г̇ад̣̇ассанзна бахийяад̇ийд̇и.

    Dukkhasamudayampi so passatīti kālantaradassanaṃ sandhāya vuttanti ce? Na, ‘‘yo nu kho, āvuso, dukkhaṃ passati, dukkhasamudayampi so passatī’’tiādinā (saṃ. ni. 5.1100) ekadassino aññattayadassitāvicāraṇāya tassā sādhanatthaṃ gavaṃpatittherena imassa suttassa āharitattā paccekañca saccesu dissamānesu aññattayadassanassa yojitattā. Aññathā anupubbābhisamaye purimadiṭṭhassa pacchā adassanato samudayādidassino dukkhādidassanatā na yojetabbā siyāti. Suddhasaṅkhārapuñjamattadassanato sakkāyadiṭṭhipariyuṭṭhānaṃ nivāreti. ‘‘Lokasamudayaṃ kho, kaccāna, yathābhūtaṃ sammappaññāya passato yā loke natthitā, sā na hotī’’ti vacanato samudayadassanaṃ hetuphalappabandhāvicchedadassanavasena ucchedadiṭṭhipariyuṭṭhānaṃ nivatteti. ‘‘Lokanirodhaṃ kho…pe… passato yā loke atthitā, sā na hotī’’ti (saṃ. ni. 2.15) vacanato nirodhadassanaṃ hetunirodhā phalanirodhadassanavasena sassatadiṭṭhipariyuṭṭhānaṃ nivāreti. Attakārassa paccakkhadassanato maggadassanena ‘‘natthi attakāre, natthi parakāre, natthi purisakāre’’tiādikaṃ (dī. ni. 1.168) akiriyadiṭṭhipariyuṭṭhānaṃ pajahati. ‘‘Natthi hetu, natthi paccayo sattānaṃ saṃkilesāya, ahetū appaccayā sattā saṃkilissanti. Natthi hetu…pe… visuddhiyā, ahetū appaccayā sattā visujjhantī’’tiādikā ahetukadiṭṭhi ca idha akiriyadiṭṭhiggahaṇena gahitāti daṭṭhabbā. Sāpi hi visuddhimaggadassanena pahīyatīti.

    д̣̇угкан̃аан̣ам̣ самуд̣̇аяапаласса д̣̇угкасса ад̇хуваад̣̇ибхаавам̣ бассад̇ийд̇и палз виббадибад̇д̇им̣ нивад̇д̇зд̇и. ‘‘иссаро логам̣ бавад̇д̇зд̇и нивад̇д̇зд̇и жаа’’д̇и иссарагааран̣ино вад̣̇анд̇и, бад̇хаанад̇о аави бхавад̇и, д̇ад̇т̇зва жа бад̇илийяад̇ийд̇и бад̇хаанагааран̣ино. ‘‘гаалавасзнзва бавад̇д̇ад̇и нивад̇д̇ад̇и жаа’’д̇и гаалаваад̣̇ино. ‘‘сабхаавзнзва самбход̇и вибход̇и жаа’’д̇и сабхаававаад̣̇ино. аад̣̇и-сад̣̇д̣̇зна ан̣уухи лого бавад̇д̇ад̇и, саб̣б̣ам̣ буб̣б̣згад̇ахзд̇ууд̇и звамаад̣̇и агааран̣абариг̇г̇ахо д̣̇адтаб̣б̣о. раамуд̣̇агаал̣аараад̣̇ийнам̣ вияа аруубалогз, ниг̇ан̣таад̣̇ийнам̣ вияа логат̇убигааяа абаваг̇г̇о могкод̇и г̇ахан̣ам̣ . аад̣̇и-сад̣̇д̣̇зна бад̇хаанасса аббавад̇д̇и, г̇ун̣авияуд̇д̇асса ад̇д̇ано сагад̇д̇ани авадтаанам̣, б̣рахмунаа салогад̇аа, д̣̇идтад̇хамманиб̣б̣аанаваад̣̇аад̇и звамаад̣̇иг̇г̇ахан̣ан̃жа д̣̇адтаб̣б̣ам̣. зд̇т̇а г̇ун̣авияуд̇д̇ассаад̇и б̣уд̣̇д̇хисукад̣̇угкаижчаад̣̇осабаяад̇д̇ад̇хаммаад̇хаммасан̇каарзхи навахи ад̇д̇аг̇ун̣зхи виббаяуд̇д̇ассаад̇и ган̣аад̣̇абхагкаваад̣̇о. инд̣̇рияад̇аббанабуд̇д̇амукад̣̇ассанаад̣̇ийхи винаа абаваг̇г̇о над̇т̇ийд̇и г̇ахзд̇ваа д̇ат̇аабавад̇д̇анам̣ гаамасукаллигаануяог̇о.

    Dukkhañāṇaṃ samudayaphalassa dukkhassa adhuvādibhāvaṃ passatīti phale vippaṭipattiṃ nivatteti. ‘‘Issaro lokaṃ pavatteti nivatteti cā’’ti issarakāraṇino vadanti, padhānato āvi bhavati, tattheva ca patilīyatīti padhānakāraṇino. ‘‘Kālavaseneva pavattati nivattati cā’’ti kālavādino. ‘‘Sabhāveneva sambhoti vibhoti cā’’ti sabhāvavādino. Ādi-saddena aṇūhi loko pavattati, sabbaṃ pubbekatahetūti evamādi akāraṇapariggaho daṭṭhabbo. Rāmudakāḷārādīnaṃ viya arūpaloke, nigaṇṭhādīnaṃ viya lokathupikāya apavaggo mokkhoti gahaṇaṃ . Ādi-saddena padhānassa appavatti, guṇaviyuttassa attano sakattani avaṭṭhānaṃ, brahmunā salokatā, diṭṭhadhammanibbānavādāti evamādiggahaṇañca daṭṭhabbaṃ. Ettha guṇaviyuttassāti buddhisukhadukkhaicchādosapayattadhammādhammasaṅkhārehi navahi attaguṇehi vippayuttassāti kaṇādabhakkhavādo. Indriyatappanaputtamukhadassanādīhi vinā apavaggo natthīti gahetvā tathāpavattanaṃ kāmasukhallikānuyogo.

    аж̇жхад̇д̇игаб̣аахирзсу д̣̇ваад̣̇асасу ааяад̇анзсу гаамабхававибхавад̇ан̣хаавасзна д̣̇ваад̣̇аса д̇игаа чад̇д̇им̣са д̇ан̣хаавижарид̇аани. куд̣̇д̣̇агавад̇т̇увибхан̇г̇з ваа ааг̇ад̇анаязна гаалавибхааг̇ам̣ анаамасид̇ваа вуд̇д̇аани. виймам̣сид̣̇д̇хибаад̣̇аад̣̇аяо б̣од̇хибагкияаа гижжанаанад̇д̇зна вуд̇д̇аа, ад̇т̇ад̇о згад̇д̇аа саммаад̣̇идтимукзна д̇ад̇т̇а анд̇ог̇ад̇хаа. д̇аяо нзгкаммавид̇аггаад̣̇аяод̇и логияагкан̣з алобхамзд̇д̇аагарун̣аасамбаяог̇авасзна бхиннаа маг̇г̇агкан̣з лобхаб̣яаабаад̣̇авихим̣саасамужчзд̣̇авасзна д̇аяод̇и згоби вуд̇д̇о. зса наяо саммааваажаад̣̇ийсу. аббижчад̇аасанд̇удтид̇аанам̣ бана бхаавз саммааааж̇ийвасамбхавад̇о д̇зна д̇зсам̣ сан̇г̇ахо д̣̇адтаб̣б̣о. бхаванд̇арзби ж̇ийвид̇ахзд̇уби ариязхи авийд̇иггаманийяад̇д̇аа арияаганд̇аанам̣ саммааваажаад̣̇исийлаанам̣ г̇ахан̣зна язна сад̣̇д̇хаахад̇т̇зна д̇аани бариг̇г̇ахзд̇аб̣б̣аани, со сад̣̇д̇хаахад̇т̇о г̇ахид̇оязва ход̇ийд̇и д̇ад̇о анан̃н̃аани сад̣̇д̇хинд̣̇рияасад̣̇д̇хааб̣алаани д̇ад̇т̇а анд̇ог̇ад̇хаани хонд̇и. д̇зсам̣ ад̇т̇ид̇ааяаад̇и сад̣̇д̇хинд̣̇рияасад̣̇д̇хааб̣алачанд̣̇ид̣̇д̇хибаад̣̇аанам̣ ад̇т̇ид̇ааяа сийласса ад̇т̇ибхаавад̇о д̇ивид̇хзнаби сийлзна д̇з д̇аяоби г̇ахид̇аад̇и д̇ад̇т̇а анд̇ог̇ад̇хаа. жид̇д̇асамаад̇хийд̇и жид̇д̇ид̣̇д̇хибаад̣̇ам̣ вад̣̇ад̇и. ‘‘жид̇д̇ам̣ бан̃н̃ан̃жа бхааваяа’’нд̇и (сам̣. ни. 1.23, 192) хи жид̇д̇амукзна самаад̇хи вуд̇д̇од̇и самаад̇химукзна жид̇д̇амби вад̇д̇аб̣б̣ад̇ам̣ арахад̇и. жид̇д̇ид̣̇д̇хибаад̣̇абхааванааяа бана самаад̇хиби ад̇химад̇д̇о ход̇ийд̇и виймам̣сид̣̇д̇хибаад̣̇аад̣̇иважанам̣ вияа жид̇д̇ид̣̇д̇хибаад̣̇аважанам̣ авад̇ваа ид̇ха ‘‘жид̇д̇асамаад̇хий’’д̇и вуд̇д̇ам̣. ‘‘бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇ий’’д̇и (д̣̇ий. ни. 3.359; сам̣. ни. 5.376; а. ни. 3.96; 11.12) важанад̇о самаад̇хиубагаараа бийд̇ибассад̣̇д̇хияо, д̇асмаа самаад̇хиг̇г̇ахан̣зна г̇ахид̇аа, убзгкаа бана самаад̇хиубагаарагад̇о д̇ам̣сад̣̇исагижжад̇о жа, д̇асмаа саммаасамаад̇хивасзна зд̇зсам̣ анд̇ог̇ад̇хад̇аа д̣̇адтаб̣б̣аа.

    Ajjhattikabāhiresu dvādasasu āyatanesu kāmabhavavibhavataṇhāvasena dvādasa tikā chattiṃsa taṇhāvicaritāni. Khuddakavatthuvibhaṅge vā āgatanayena kālavibhāgaṃ anāmasitvā vuttāni. Vīmaṃsiddhipādādayo bodhipakkhiyā kiccanānattena vuttā, atthato ekattā sammādiṭṭhimukhena tattha antogadhā. Tayo nekkhammavitakkādayoti lokiyakkhaṇe alobhamettākaruṇāsampayogavasena bhinnā maggakkhaṇe lobhabyāpādavihiṃsāsamucchedavasena tayoti ekopi vutto. Esa nayo sammāvācādīsu. Appicchatāsantuṭṭhitānaṃ pana bhāve sammāājīvasambhavato tena tesaṃ saṅgaho daṭṭhabbo. Bhavantarepi jīvitahetupi ariyehi avītikkamanīyattā ariyakantānaṃ sammāvācādisīlānaṃ gahaṇena yena saddhāhatthena tāni pariggahetabbāni, so saddhāhattho gahitoyeva hotīti tato anaññāni saddhindriyasaddhābalāni tattha antogadhāni honti. Tesaṃ atthitāyāti saddhindriyasaddhābalachandiddhipādānaṃ atthitāya sīlassa atthibhāvato tividhenapi sīlena te tayopi gahitāti tattha antogadhā. Cittasamādhīti cittiddhipādaṃ vadati. ‘‘Cittaṃ paññañca bhāvaya’’nti (saṃ. ni. 1.23, 192) hi cittamukhena samādhi vuttoti samādhimukhena cittampi vattabbataṃ arahati. Cittiddhipādabhāvanāya pana samādhipi adhimatto hotīti vīmaṃsiddhipādādivacanaṃ viya cittiddhipādavacanaṃ avatvā idha ‘‘cittasamādhī’’ti vuttaṃ. ‘‘Pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyatī’’ti (dī. ni. 3.359; saṃ. ni. 5.376; a. ni. 3.96; 11.12) vacanato samādhiupakārā pītipassaddhiyo, tasmā samādhiggahaṇena gahitā, upekkhā pana samādhiupakārakato taṃsadisakiccato ca, tasmā sammāsamādhivasena etesaṃ antogadhatā daṭṭhabbā.

    бхааро вияа вигхаад̇агад̇д̇аа. д̣̇уб̣бхигкамива б̣аад̇хагад̇д̇аа. ‘‘ниб̣б̣аанабарамам̣ сука’’нд̇и (ма. ни. 2.215, 217; д̇ха. ба. 203, 204) сукабхаавад̇о субхигкамива. анидтабхаавад̇о саасан̇гасаббадибхаяад̇о жа д̣̇угкам̣ взрийвисаругкабхаяаоримад̇ийруубамам̣.

    Bhāro viya vighātakattā. Dubbhikkhamiva bādhakattā. ‘‘Nibbānaparamaṃ sukha’’nti (ma. ni. 2.215, 217; dha. pa. 203, 204) sukhabhāvato subhikkhamiva. Aniṭṭhabhāvato sāsaṅkasappaṭibhayato ca dukkhaṃ verīvisarukkhabhayaorimatīrūpamaṃ.

    д̇ат̇ад̇т̇знаад̇и д̇ат̇асабхаавзна, барин̃н̃зяяабхаавзнаад̇и ад̇т̇о. зд̇зна арияасажжад̣̇ваяам̣ сияаа д̣̇угкам̣, на арияасажжам̣, сияаа арияасажжам̣, на д̣̇угканд̇и имамад̇т̇ам̣ д̣̇ассзд̇и. арияасажжа-сад̣̇д̣̇абараа хи д̣̇угкаад̣̇исад̣̇д̣̇аа барин̃н̃зяяаад̣̇ибхаавам̣ вад̣̇анд̇и. д̇знзва арияасажжа-сад̣̇д̣̇аанабзгкам̣ д̣̇угка-сад̣̇д̣̇ам̣ санд̇хааяа маг̇г̇асамбаяуд̇д̇асааман̃н̃апалад̇хаммаанам̣ аад̣̇ибад̣̇асан̇г̇ахо вуд̇д̇о, д̇ад̣̇абзгкам̣ санд̇хааяа жад̇уд̇т̇абад̣̇асан̇г̇ахо. самуд̣̇аяаад̣̇ийсу авасзсагилзсаад̣̇аяо самуд̣̇аяо, на арияасажжам̣, сан̇кааранирод̇хо нирод̇хасамаабад̇д̇и жа нирод̇хо, на арияасажжам̣, арияамаг̇г̇ад̇о ан̃н̃аани маг̇г̇ан̇г̇аани маг̇г̇о, на арияасажжанд̇и иминаа наязна яож̇анаа гаад̇аб̣б̣аа. д̣̇угкам̣ взд̣̇анийяамби санд̇ам̣ взд̣̇агарахид̇ам̣, гзвалам̣ бана д̇асмим̣ ад̇д̇ано бажжаязхи бавад̇д̇амаанз д̣̇угкам̣ взд̣̇зд̇ийд̇и вохаарамад̇д̇ам̣ ход̇и. звам̣ ид̇арзсуби.

    Tathatthenāti tathasabhāvena, pariññeyyabhāvenāti attho. Etena ariyasaccadvayaṃ siyā dukkhaṃ, na ariyasaccaṃ, siyā ariyasaccaṃ, na dukkhanti imamatthaṃ dasseti. Ariyasacca-saddaparā hi dukkhādisaddā pariññeyyādibhāvaṃ vadanti. Teneva ariyasacca-saddānapekkhaṃ dukkha-saddaṃ sandhāya maggasampayuttasāmaññaphaladhammānaṃ ādipadasaṅgaho vutto, tadapekkhaṃ sandhāya catutthapadasaṅgaho. Samudayādīsu avasesakilesādayo samudayo, na ariyasaccaṃ, saṅkhāranirodho nirodhasamāpatti ca nirodho, na ariyasaccaṃ, ariyamaggato aññāni maggaṅgāni maggo, na ariyasaccanti iminā nayena yojanā kātabbā. Dukkhaṃ vedanīyampi santaṃ vedakarahitaṃ, kevalaṃ pana tasmiṃ attano paccayehi pavattamāne dukkhaṃ vedetīti vohāramattaṃ hoti. Evaṃ itaresupi.

    гирияаава виж̇ж̇ад̇ийд̇и самуд̣̇аяамзва вад̣̇ад̇и, д̇асса ваа д̣̇угкабажжаяабхаавам̣. маг̇г̇о ад̇т̇ийд̇и вад̇д̇аб̣б̣з ‘‘маг̇г̇амад̇т̇ий’’д̇и огаарасса абхааво гад̇од̇и д̣̇адтаб̣б̣о. г̇амагод̇и г̇анд̇аа. саасавад̇аа асубхад̇аад̇и гад̇ваа нирод̇хамаг̇г̇аа субхаа зва. д̣̇угкаад̣̇ийнам̣ барияааязна самуд̣̇аяаад̣̇ибхааво жа ад̇т̇и, на бана нирод̇хабхааво, нирод̇хасса ваа д̣̇угкаад̣̇ибхаавод̇и на ан̃н̃аман̃н̃асаман̇г̇ид̇аад̇и ааха ‘‘нирод̇хасун̃н̃аани ваа’’д̇иаад̣̇и. самуд̣̇аяз д̣̇угкассаабхаавад̇од̇и боноб̣бхавигааяа д̇ан̣хааяа бунаб̣бхавасса абхаавад̇о. яат̇аа ваа багад̇иваад̣̇ийнам̣ вигаараавибхаавад̇о буб̣б̣з бадиббалийнаа жа багад̇ибхаавзнзва д̇идтанд̇и, на звам̣ самуд̣̇аяасамбаяуд̇д̇амби д̣̇угкам̣ самуд̣̇аяабхаавзна д̇идтад̇ийд̇и ааха ‘‘самуд̣̇аяз д̣̇угкассаабхаавад̇о’’д̇и. яат̇аа авибхад̇д̇зхи вигаарзхи маханд̇аа висзсинд̣̇рияабхууд̇ависзсзхи багад̇ибхаавзнзва тид̇зхи багад̇и саг̇аб̣бхаа багад̇иваад̣̇ийнам̣, звам̣ на палзна саг̇аб̣бхо хзд̇ууд̇и ад̇т̇о. д̣̇угкасамуд̣̇аяаанам̣ нирод̇хамаг̇г̇аанан̃жа асамавааяаад̇и зд̇ам̣ виваранд̇о ааха ‘‘на хзд̇усамавзд̇ам̣ хзд̇упала’’нд̇иаад̣̇и. д̇ад̇т̇а ид̇ха д̇анд̇уусу бадо, габаалзсу гхадо, б̣иран̣зсу гадо, д̣̇вийсу ан̣уусу д̣̇виан̣уганд̇иаад̣̇инаа ид̇ха б̣уд̣̇д̇хивохаараж̇анаго ависум̣ сид̣̇д̇хаанам̣ самб̣анд̇хо самавааяо, д̇зна самавааязна гааран̣зсу д̣̇вийсу ан̣уусу д̣̇виан̣угам̣ палам̣ самавзд̇ам̣ згийбхууд̇амива самб̣анд̇хам̣, д̇ийсу ан̣уусу д̇иан̣уганд̇и звам̣ махаабат̇авимахаауд̣̇агамахаааг̇г̇имахааваад̇агканд̇хабарияанд̇ам̣ палам̣ ад̇д̇ано гааран̣зсу самавзд̇анд̇и самавааяаваад̣̇ино вад̣̇анд̇и. звам̣ бана вад̣̇анд̇зхи абаримаан̣зсу гааран̣зсу махаабаримаан̣ам̣ згам̣ палам̣ самавзд̇ам̣ ад̇д̇ано анд̇ог̇ад̇хзхи гааран̣зхи саг̇аб̣бхам̣ асун̃н̃анд̇и вуд̇д̇ам̣ ход̇и, звамид̇ха самавааяаабхааваа палз хзд̇у над̇т̇ийд̇и хзд̇усун̃н̃ам̣ паланд̇и ад̇т̇о.

    Kiriyāva vijjatīti samudayameva vadati, tassa vā dukkhapaccayabhāvaṃ. Maggo atthīti vattabbe ‘‘maggamatthī’’ti okārassa abhāvo katoti daṭṭhabbo. Gamakoti gantā. Sāsavatā asubhatāti katvā nirodhamaggā subhā eva. Dukkhādīnaṃ pariyāyena samudayādibhāvo ca atthi, na pana nirodhabhāvo, nirodhassa vā dukkhādibhāvoti na aññamaññasamaṅgitāti āha ‘‘nirodhasuññāni vā’’tiādi. Samudaye dukkhassābhāvatoti ponobbhavikāya taṇhāya punabbhavassa abhāvato. Yathā vā pakativādīnaṃ vikārāvibhāvato pubbe paṭippalīnā ca pakatibhāveneva tiṭṭhanti, na evaṃ samudayasampayuttampi dukkhaṃ samudayabhāvena tiṭṭhatīti āha ‘‘samudaye dukkhassābhāvato’’ti. Yathā avibhattehi vikārehi mahantā visesindriyabhūtavisesehi pakatibhāveneva ṭhitehi pakati sagabbhā pakativādīnaṃ, evaṃ na phalena sagabbho hetūti attho. Dukkhasamudayānaṃ nirodhamaggānañca asamavāyāti etaṃ vivaranto āha ‘‘na hetusamavetaṃ hetuphala’’ntiādi. Tattha idha tantūsu paṭo, kapālesu ghaṭo, biraṇesu kaṭo, dvīsu aṇūsu dviaṇukantiādinā idha buddhivohārajanako avisuṃ siddhānaṃ sambandho samavāyo, tena samavāyena kāraṇesu dvīsu aṇūsu dviaṇukaṃ phalaṃ samavetaṃ ekībhūtamiva sambandhaṃ, tīsu aṇūsu tiaṇukanti evaṃ mahāpathavimahāudakamahāaggimahāvātakkhandhapariyantaṃ phalaṃ attano kāraṇesu samavetanti samavāyavādino vadanti. Evaṃ pana vadantehi aparimāṇesu kāraṇesu mahāparimāṇaṃ ekaṃ phalaṃ samavetaṃ attano antogadhehi kāraṇehi sagabbhaṃ asuññanti vuttaṃ hoti, evamidha samavāyābhāvā phale hetu natthīti hetusuññaṃ phalanti attho.

    бавад̇д̇ибхаавад̇од̇и сам̣саарасса бавад̇д̇ибхаавад̇о. жад̇уаахаарабхзд̣̇ад̇од̇и иминаа жад̇д̇ааро аахаарабхзд̣̇з д̇зхи бхиннз д̇аббажжаяад̇хаммабхзд̣̇з жа сан̇г̇ан̣хаад̇и. руубаабхинанд̣̇анаад̣̇ибхзд̣̇о руубаад̣̇иканд̇хавасзна, аарамман̣авасзна ваа. убаад̣̇аанзхи убаад̣̇ийяад̇ийд̇и убаад̣̇и, убаад̣̇аанагканд̇хабан̃жагам̣. ниб̣б̣аанан̃жа д̇ам̣ниссаран̣абхууд̇ам̣ д̇асса вуубасамо д̇ам̣санд̇ийд̇и гад̇ваа д̇асса яаава бажчимам̣ жид̇д̇ам̣, д̇аава сзсад̇ам̣, д̇ад̇о баран̃жа анавасзсад̇ам̣ убаад̣̇ааяа ‘‘саубаад̣̇исзсаниб̣б̣аанад̇хаад̇у анубаад̣̇исзсаниб̣б̣аанад̇хаад̇уу’’д̇и д̣̇вид̇хаа вохарийяад̇ийд̇и. ‘‘саммаад̣̇идти саммаасан̇габбо вибассанаа, ид̇арз самат̇о’’д̇и вад̣̇анд̇и. сийламби хи самат̇асса убагаарагад̇д̇аа самат̇аг̇г̇ахан̣зна г̇аяхад̇ийд̇и д̇зсам̣ ад̇хиббааяо. ат̇а ваа яаанад̣̇ваяавасзна лад̣̇д̇хо маг̇г̇о самат̇о вибассанаад̇и ааг̇аманавасзна вуд̇д̇од̇и д̣̇адтаб̣б̣о. саббад̣̇зсад̇д̇аад̇и сийлагканд̇хаад̣̇ийнам̣ згад̣̇зсад̇д̇аад̇и ад̇т̇о. сийлагканд̇хаад̣̇аяо хи саб̣б̣алогияалогуд̇д̇арасийлаад̣̇исан̇г̇аахагаа, арияамаг̇г̇о логуд̇д̇ароязваад̇и д̇ад̣̇згад̣̇зсо ход̇и.

    Pavattibhāvatoti saṃsārassa pavattibhāvato. Catuāhārabhedatoti iminā cattāro āhārabhede tehi bhinne tappaccayadhammabhede ca saṅgaṇhāti. Rūpābhinandanādibhedo rūpādikhandhavasena, ārammaṇavasena vā. Upādānehi upādīyatīti upādi, upādānakkhandhapañcakaṃ. Nibbānañca taṃnissaraṇabhūtaṃ tassa vūpasamo taṃsantīti katvā tassa yāva pacchimaṃ cittaṃ, tāva sesataṃ, tato parañca anavasesataṃ upādāya ‘‘saupādisesanibbānadhātu anupādisesanibbānadhātū’’ti dvidhā voharīyatīti. ‘‘Sammādiṭṭhi sammāsaṅkappo vipassanā, itare samatho’’ti vadanti. Sīlampi hi samathassa upakārakattā samathaggahaṇena gayhatīti tesaṃ adhippāyo. Atha vā yānadvayavasena laddho maggo samatho vipassanāti āgamanavasena vuttoti daṭṭhabbo. Sappadesattāti sīlakkhandhādīnaṃ ekadesattāti attho. Sīlakkhandhādayo hi sabbalokiyalokuttarasīlādisaṅgāhakā, ariyamaggo lokuttaroyevāti tadekadeso hoti.

    онад̇асахааяо вияа вааяаамо баг̇г̇ахагижжасааман̃н̃ад̇о. ам̣сагуудам̣ д̣̇ад̇ваа тид̇асахааяо вияа сад̇и абилаабанавасзна нижжалабхаавагаран̣асааман̃н̃ад̇о. саж̇аад̇ид̇од̇и савид̇аггасавижаараад̣̇ибхзд̣̇зсу самаанааяа самаад̇хиж̇аад̇ияаад̇и ад̇т̇о. гирияад̇од̇и самаад̇хиануруубагирияад̇о. д̇ад̇о зва хи ‘‘жад̇д̇ааро сад̇ибадтаанаа самаад̇хинимид̇д̇аа, жад̇д̇ааро саммаббад̇хаанаа самаад̇хибаригкаараа’’д̇и (ма. ни. 1.462) сад̇ивааяаамаанам̣ самаад̇хисса нимид̇д̇абаригкаарабхааво вуд̇д̇од̇и.

    Onatasahāyo viya vāyāmo paggahakiccasāmaññato. Aṃsakūṭaṃ datvā ṭhitasahāyo viya sati apilāpanavasena niccalabhāvakaraṇasāmaññato. Sajātitoti savitakkasavicārādibhedesu samānāya samādhijātiyāti attho. Kiriyatoti samādhianurūpakiriyato. Tato eva hi ‘‘cattāro satipaṭṭhānā samādhinimittā, cattāro sammappadhānā samādhiparikkhārā’’ti (ma. ni. 1.462) sativāyāmānaṃ samādhissa nimittaparikkhārabhāvo vuttoti.

    аагодзнд̇зна вияаад̇и ‘‘анижжам̣ анижжа’’нд̇иаад̣̇инаа бан̃н̃аасад̣̇исзна гижжзна саманд̇ад̇о аагодзнд̇зна вияа ‘‘анижжам̣ каяадтзна, д̣̇угкам̣ бхаяадтзнаа’’д̇иаад̣̇инаа баривад̇д̇анд̇зна вияа жа аад̣̇ааяа уухид̇ваа д̣̇иннамзва бан̃н̃аа бадивиж̇жхад̇и. д̣̇виннам̣ самаанагаалад̇д̇зби бажжаяабхаавзна сан̇габбасса буримагааласса вияа нид̣̇д̣̇зсо гад̇о. саж̇аад̇ид̇од̇и ‘‘д̣̇угкз н̃аан̣а’’нд̇иаад̣̇ийсу самаанааяа бан̃н̃ааж̇аад̇ияаа. гирияад̇од̇и зд̇т̇а бан̃н̃аасад̣̇исагижжам̣ гирияаад̇и вуд̇д̇ам̣, буб̣б̣з бана самаад̇хиубагаарагам̣ д̇ад̣̇ануруубам̣ гижжанд̇и аяамзд̇т̇а висзсо. ‘‘саб̣б̣ам̣, бхигкавз, абхин̃н̃зяяа’’нд̇и (сам̣. ни. 4.46) важанад̇о жад̇д̇аариби абхимукам̣ бажжагкад̇о н̃аад̇аб̣б̣аани, абхивисидтзна ваа н̃аан̣зна н̃аад̇аб̣б̣аанийд̇и абхин̃н̃зяяаани.

    Ākoṭentena viyāti ‘‘aniccaṃ anicca’’ntiādinā paññāsadisena kiccena samantato ākoṭentena viya ‘‘aniccaṃ khayaṭṭhena, dukkhaṃ bhayaṭṭhenā’’tiādinā parivattantena viya ca ādāya ūhitvā dinnameva paññā paṭivijjhati. Dvinnaṃ samānakālattepi paccayabhāvena saṅkappassa purimakālassa viya niddeso kato. Sajātitoti ‘‘dukkhe ñāṇa’’ntiādīsu samānāya paññājātiyā. Kiriyatoti ettha paññāsadisakiccaṃ kiriyāti vuttaṃ, pubbe pana samādhiupakārakaṃ tadanurūpaṃ kiccanti ayamettha viseso. ‘‘Sabbaṃ, bhikkhave, abhiññeyya’’nti (saṃ. ni. 4.46) vacanato cattāripi abhimukhaṃ paccakkhato ñātabbāni, abhivisiṭṭhena vā ñāṇena ñātabbānīti abhiññeyyāni.

    д̣̇урабхисамбхавад̇аранд̇и абхисамбхавид̇ум̣ саад̇хзд̇ум̣ асаггун̣зяяад̇арам̣, сад̇д̇ивигхаад̇зна д̣̇урад̇хиг̇аманд̇и ад̇т̇о. б̣аад̇хагабабхавасанд̇инияяааналагкан̣зхи вавад̇т̇аанам̣ салагкан̣ававад̇т̇аанам̣. д̣̇ураваг̇аахад̇т̇зна г̇амбхийрад̇д̇аад̇и ол̣ааригаа д̣̇угкасамуд̣̇аяаа. д̇иражчаанаг̇ад̇аанамби хи д̣̇угкам̣ аахаараад̣̇ийсу жа абхилаасо баагадо, бийл̣анаад̣̇иааяууханаад̣̇ивасзна бана ‘‘ид̣̇ам̣ д̣̇угкам̣, ид̣̇амасса гааран̣а’’нд̇и яаат̇аавад̇о ог̇аахид̇ум̣ асаггун̣зяяад̇д̇аа г̇амбхийраа, сан̣хасукумад̇хаммад̇д̇аа нирод̇хамаг̇г̇аа сабхаавад̇о зва г̇амбхийрад̇д̇аа д̣̇ураваг̇аахаа, д̇знзва уббаннз маг̇г̇з над̇т̇и нирод̇хамаг̇г̇аанам̣ яаат̇аавад̇о анаваг̇ааход̇и. ниб̣б̣аанамби маг̇г̇зна ад̇хиг̇анд̇аб̣б̣ад̇д̇аа д̇асса паланд̇и абад̣̇иссад̇ийд̇и ааха ‘‘палаабад̣̇зсад̇о’’д̇и. вуд̇д̇ан̃хи ‘‘д̣̇угканирод̇хз н̃аан̣ам̣ ад̇т̇абадисамбхид̣̇аа’’д̇и (вибха. 719). маг̇г̇оби нирод̇хасса самбаабагабхаавад̇о хзд̇ууд̇и абад̣̇иссад̇ийд̇и ааха ‘‘хзд̇уабад̣̇зсад̇о’’д̇и. вуд̇д̇амби жзд̇ам̣ ‘‘д̣̇угканирод̇хаг̇ааминияаа бадибад̣̇ааяа н̃аан̣ам̣ д̇хаммабадисамбхид̣̇аа’’д̇и (вибха. 719). ид̇и виж̇ан̃н̃аад̇и ид̇и-сад̣̇д̣̇зна виж̇аананаггамам̣ д̣̇ассзд̇и. звам̣ багаарзхийд̇и звам̣-сад̣̇д̣̇зна виж̇аананагааран̣абхууд̇з наяз.

    Durabhisambhavataranti abhisambhavituṃ sādhetuṃ asakkuṇeyyataraṃ, sattivighātena duradhigamanti attho. Bādhakapabhavasantiniyyānalakkhaṇehi vavatthānaṃ salakkhaṇavavatthānaṃ. Duravagāhatthena gambhīrattāti oḷārikā dukkhasamudayā. Tiracchānagatānampi hi dukkhaṃ āhārādīsu ca abhilāso pākaṭo, pīḷanādiāyūhanādivasena pana ‘‘idaṃ dukkhaṃ, idamassa kāraṇa’’nti yāthāvato ogāhituṃ asakkuṇeyyattā gambhīrā, saṇhasukhumadhammattā nirodhamaggā sabhāvato eva gambhīrattā duravagāhā, teneva uppanne magge natthi nirodhamaggānaṃ yāthāvato anavagāhoti. Nibbānampi maggena adhigantabbattā tassa phalanti apadissatīti āha ‘‘phalāpadesato’’ti. Vuttañhi ‘‘dukkhanirodhe ñāṇaṃ atthapaṭisambhidā’’ti (vibha. 719). Maggopi nirodhassa sampāpakabhāvato hetūti apadissatīti āha ‘‘hetuapadesato’’ti. Vuttampi cetaṃ ‘‘dukkhanirodhagāminiyā paṭipadāya ñāṇaṃ dhammapaṭisambhidā’’ti (vibha. 719). Iti vijaññāti iti-saddena vijānanakkamaṃ dasseti. Evaṃ pakārehīti evaṃ-saddena vijānanakāraṇabhūte naye.

    уд̣̇д̣̇зсаван̣н̣анаа нидтид̇аа.

    Uddesavaṇṇanā niṭṭhitā.

    1. д̣̇угкасажжанид̣̇д̣̇зсо

    1. Dukkhasaccaniddeso

    ж̇аад̇инид̣̇д̣̇зсаван̣н̣анаа

    Jātiniddesavaṇṇanā

    190. д̇ад̇т̇а …бз… аяам̣ маад̇игаад̇и нид̣̇д̣̇зсаваарааад̣̇имхи вуд̇д̇з ж̇аад̇иаад̣̇инид̣̇д̣̇зсз д̇зсам̣ ж̇аад̇иаад̣̇ийнам̣ нид̣̇д̣̇зсавасзна д̣̇угкасса арияасажжасса гат̇анад̇т̇ааяа, д̇зсу ваа ж̇аад̇иаад̣̇ийсу д̇зсан̃жа д̣̇угкадтз взд̣̇ид̇аб̣б̣з ж̇аад̇иаад̣̇ийнам̣ нид̣̇д̣̇зсавасзна д̣̇угкасса арияасажжасса гат̇анад̇т̇ааяа д̣̇угкад̣̇угканд̇иаад̣̇игаа д̣̇угкамаад̇игаа взд̣̇ид̇аб̣б̣аад̇и ад̇т̇о. ат̇а ваа д̇ад̇т̇аад̇и д̇асмим̣ нид̣̇д̣̇зсаваарз. ‘‘ж̇аад̇иби д̣̇угкаа…бз… сам̣кид̇д̇зна бан̃жубаад̣̇аанагканд̇хаа д̣̇угкаа’’д̇и аяам̣ д̣̇угкасса арияасажжасса гат̇анад̇т̇ааяа маад̇игаад̇и яат̇аад̣̇ассид̇асса ж̇аад̇иаад̣̇инид̣̇д̣̇зсасса маад̇игаабхаавам̣ д̣̇ийбзд̇и. д̇ам̣ д̣̇ийбзд̇ваа буна яасмим̣ бад̣̇ад̣̇ваяз тад̇ваа д̣̇угкам̣ арияасажжам̣ гат̇зд̇аб̣б̣ам̣, д̇асса нид̣̇д̇хааран̣ад̇т̇ам̣ саб̣б̣ам̣ д̣̇угкам̣ сан̇гад̣дхзнд̇о ааха ‘‘ид̣̇ан̃хи д̣̇угкам̣ наамаа’’д̇иаад̣̇и.

    190. Tattha…pe… ayaṃ mātikāti niddesavāraādimhi vutte jātiādiniddese tesaṃ jātiādīnaṃ niddesavasena dukkhassa ariyasaccassa kathanatthāya, tesu vā jātiādīsu tesañca dukkhaṭṭhe veditabbe jātiādīnaṃ niddesavasena dukkhassa ariyasaccassa kathanatthāya dukkhadukkhantiādikā dukkhamātikā veditabbāti attho. Atha vā tatthāti tasmiṃ niddesavāre. ‘‘Jātipi dukkhā…pe… saṃkhittena pañcupādānakkhandhā dukkhā’’ti ayaṃ dukkhassa ariyasaccassa kathanatthāya mātikāti yathādassitassa jātiādiniddesassa mātikābhāvaṃ dīpeti. Taṃ dīpetvā puna yasmiṃ padadvaye ṭhatvā dukkhaṃ ariyasaccaṃ kathetabbaṃ, tassa niddhāraṇatthaṃ sabbaṃ dukkhaṃ saṅkaḍḍhento āha ‘‘idañhi dukkhaṃ nāmā’’tiādi.

    сабхаавад̇од̇и д̣̇угкавзд̣̇аяид̇асабхаавад̇о. наамад̇од̇и д̇знзва сабхаавзна лад̣̇д̇ханаамад̇о. д̇зна на ан̃н̃зна барияааязна ид̣̇ам̣ д̣̇угкам̣ наама, ат̇а ко д̣̇угкад̇д̇ааязваад̇и сабхаавзна наамам̣ висзсзд̇и. ат̇а ваа наамад̇од̇и уд̣̇аяаб̣б̣аяаванд̇ад̇ааяа лад̣̇д̇ханаамад̇о. яат̇аа ан̃н̃з уд̣̇аяаб̣б̣аяаванд̇о д̇хаммаа на сабхаавад̇о д̣̇угкаа, на звам̣ ид̣̇ам̣, ат̇а ко сабхаавад̇о д̣̇угкаа, бхууд̇амзвзд̣̇ам̣ д̣̇угканд̇и буримзна д̣̇угка-сад̣̇д̣̇зна бажчимам̣ висзсзд̇и. вибарин̣аамаванд̇ад̇ааяа сукам̣ анидтамзва ход̇ийд̇и д̣̇угкам̣ наама ж̇аад̇ам̣. д̇знзвааха ‘‘д̣̇угкуббад̇д̇ихзд̇уд̇о’’д̇и. ган̣н̣асуулаад̣̇ийхи абхибхууд̇асса нид̇т̇унанаад̣̇ийхи д̣̇угкаабхибхууд̇ад̇ааяа вин̃н̃ааяамаанааяаби гим̣ д̇ава руж̇ж̇ад̇ийд̇и бужчид̇ваава ган̣н̣асуулаад̣̇ид̣̇угкам̣ ж̇аанид̇аб̣б̣ам̣ ход̇ийд̇и бадижчаннад̣̇угкад̇аа д̇асса вуд̇д̇аа. убаггамасса жа баагадабхаавад̇од̇и гааран̣аавасзна д̣̇угкависзсасса баагадабхаавам̣ д̣̇ассзд̇и.

    Sabhāvatoti dukkhavedayitasabhāvato. Nāmatoti teneva sabhāvena laddhanāmato. Tena na aññena pariyāyena idaṃ dukkhaṃ nāma, atha kho dukkhattāyevāti sabhāvena nāmaṃ viseseti. Atha vā nāmatoti udayabbayavantatāya laddhanāmato. Yathā aññe udayabbayavanto dhammā na sabhāvato dukkhā, na evaṃ idaṃ, atha kho sabhāvato dukkhā, bhūtamevedaṃ dukkhanti purimena dukkha-saddena pacchimaṃ viseseti. Vipariṇāmavantatāya sukhaṃ aniṭṭhameva hotīti dukkhaṃ nāma jātaṃ. Tenevāha ‘‘dukkhuppattihetuto’’ti. Kaṇṇasūlādīhi abhibhūtassa nitthunanādīhi dukkhābhibhūtatāya viññāyamānāyapi kiṃ tava rujjatīti pucchitvāva kaṇṇasūlādidukkhaṃ jānitabbaṃ hotīti paṭicchannadukkhatā tassa vuttā. Upakkamassa ca pākaṭabhāvatoti kāraṇāvasena dukkhavisesassa pākaṭabhāvaṃ dasseti.

    сабхаавам̣ мун̃жид̇ваа багааранд̇арзна д̣̇угканд̇и вужжамаанам̣ барияааяад̣̇угкам̣. гат̇зд̇аб̣б̣ад̇д̇аа бадин̃н̃аад̇ам̣ яат̇аа гат̇зд̇аб̣б̣ам̣, д̇ам̣багаарад̣̇ассанад̇т̇ам̣ ‘‘арияасажжан̃жа наамзд̇а’’нд̇иаад̣̇имааха. сан̇кзбо сааман̃н̃ам̣, сааман̃н̃ан̃жа висзсз анд̇огарид̇ваа бавад̇д̇ад̇ийд̇и д̇ад̇т̇а убхаяат̇ааби гат̇зд̇ум̣ ваддад̇и. вид̇т̇ааро бана висзсо ж̇аад̇иаад̣̇иго, висзсо жа висзсанд̇аранивад̇д̇агод̇и ж̇аад̇иаад̣̇ийсу ж̇араад̣̇ийнам̣ сан̇кибанам̣ на саггаа гаад̇унд̇и д̇ад̇т̇а вид̇т̇аарзнзва гат̇зд̇аб̣б̣ам̣.

    Sabhāvaṃ muñcitvā pakārantarena dukkhanti vuccamānaṃ pariyāyadukkhaṃ. Kathetabbattā paṭiññātaṃ yathā kathetabbaṃ, taṃpakāradassanatthaṃ ‘‘ariyasaccañca nāmeta’’ntiādimāha. Saṅkhepo sāmaññaṃ, sāmaññañca visese antokaritvā pavattatīti tattha ubhayathāpi kathetuṃ vaṭṭati. Vitthāro pana viseso jātiādiko, viseso ca visesantaranivattakoti jātiādīsu jarādīnaṃ saṅkhipanaṃ na sakkā kātunti tattha vitthāreneva kathetabbaṃ.

    191. ‘‘абарасса абарассаа’’д̇и д̣̇ийбанам̣ абарад̇т̇ад̣̇ийбанам̣. саамиад̇т̇зби хи абарад̇т̇а-сад̣̇д̣̇о сиж̇жхад̇ийд̇и. д̇зсам̣ д̇зсанд̇и ваа саамивасзна вуд̇д̇ам̣ ад̇т̇ам̣ бхуммавасзна вад̇д̇угаамад̇ааяа ааха ‘‘абарад̇т̇ад̣̇ийбана’’нд̇и, абарасмим̣ абарасмим̣ д̣̇ийбананд̇и ад̇т̇о. абарасса абарасса ваа ж̇аад̇исан̇каад̇асса ад̇т̇асса д̣̇ийбанам̣ абарад̇т̇ад̣̇ийбанам̣. бан̃жаг̇ад̇ивасзна згзгааяаби г̇ад̇ияаа кад̇д̇ияаад̣̇ибхуммад̣̇зваад̣̇ихад̇т̇иаад̣̇иж̇аад̇ивасзна жаад̇и г̇ад̇иж̇аад̇ивасзна.

    191. ‘‘Aparassa aparassā’’ti dīpanaṃ aparatthadīpanaṃ. Sāmiatthepi hi aparattha-saddo sijjhatīti. Tesaṃ tesanti vā sāmivasena vuttaṃ atthaṃ bhummavasena vattukāmatāya āha ‘‘aparatthadīpana’’nti, aparasmiṃ aparasmiṃ dīpananti attho. Aparassa aparassa vā jātisaṅkhātassa atthassa dīpanaṃ aparatthadīpanaṃ. Pañcagativasena ekekāyapi gatiyā khattiyādibhummadevādihatthiādijātivasena cāti gatijātivasena.

    д̇ин̣аагааро д̇ин̣аж̇аад̇и, со жа убаад̣̇аабан̃н̃ад̇д̇ийд̇и ‘‘бан̃н̃ад̇д̇ияа’’нд̇и ааха. д̇ад̣̇убаад̣̇ааяаад̇и д̇ам̣ батамам̣ вин̃н̃аан̣ам̣ убаад̣̇ааяа аяам̣ ж̇аад̇и, наасса гуд̇ожи ниг̇г̇аманам̣ убаад̣̇ааяа. яасмаа жа звам̣, д̇асмаа саавасса ж̇аад̇и батамавин̃н̃аан̣асан̇каад̇аад̇и ад̇т̇о. ат̇а ваа д̇ад̣̇убаад̣̇ааяа саж̇аад̇од̇и вужжад̇ийд̇и саавасса ж̇аад̇и батамавин̃н̃аан̣асан̇каад̇аад̇и ад̇т̇о. вин̃н̃аан̣амукзна жа бан̃жаби канд̇хаа вуд̇д̇аа хонд̇ийд̇и ‘‘бадисанд̇хияа’’нд̇и ааха. арияабхаавагаран̣ад̇д̇аа арияасийланд̇и баад̇имогкасам̣варо вужжад̇и. ж̇аад̇иаад̣̇ийниби лагкан̣аани д̇хаммаанам̣ аагааравигаараад̇и гад̇ваа сахуббаад̣̇агаа сахавигаарагаад̇и вуд̇д̇аа. ж̇ааяанадтзнаад̇иаад̣̇и ааяад̇анавасзна яонивасзна жа д̣̇вийхи д̣̇вийхи бад̣̇зхи саб̣б̣асад̇д̇з барияаад̣̇ияид̇ваа ж̇аад̇им̣ д̣̇ассзд̇ум̣ вуд̇д̇ам̣. буриманаяз бана згзгзнзва бад̣̇зна саб̣б̣асад̇д̇з барияаад̣̇ияид̇ваа ж̇аад̇и д̣̇ассид̇аад̇и аяам̣ висзсо. гзжи бана ‘‘буриманаяз гад̇д̇унид̣̇д̣̇зсо, бажчиманаяз бхааванид̣̇д̣̇зсо гад̇о’’д̇и вад̣̇анд̇и, ‘‘д̇зсам̣ д̇зсам̣ сад̇д̇аанам̣ ж̇аад̇ий’’д̇и бана гад̇д̇ари сааминид̣̇д̣̇зсасса гад̇ад̇д̇аа убхаяад̇т̇ааби бхааванид̣̇д̣̇зсова яуд̇д̇о. самбун̣н̣аа ж̇аад̇и сан̃ж̇аад̇и. баагадаа ниб̣б̣ад̇д̇и абхиниб̣б̣ад̇д̇и. ‘‘д̇зсам̣ д̇зсам̣ сад̇д̇аанам̣…бз… абхиниб̣б̣ад̇д̇ий’’д̇и сад̇д̇авасзна бавад̇д̇ад̇д̇аа саммуд̇игат̇аа.

    Tiṇākāro tiṇajāti, so ca upādāpaññattīti ‘‘paññattiya’’nti āha. Tadupādāyāti taṃ paṭhamaṃ viññāṇaṃ upādāya ayaṃ jāti, nāssa kutoci niggamanaṃ upādāya. Yasmā ca evaṃ, tasmā sāvassa jāti paṭhamaviññāṇasaṅkhātāti attho. Atha vā tadupādāya sajātoti vuccatīti sāvassa jāti paṭhamaviññāṇasaṅkhātāti attho. Viññāṇamukhena ca pañcapi khandhā vuttā hontīti ‘‘paṭisandhiya’’nti āha. Ariyabhāvakaraṇattā ariyasīlanti pātimokkhasaṃvaro vuccati. Jātiādīnipi lakkhaṇāni dhammānaṃ ākāravikārāti katvā sahuppādakā sahavikārakāti vuttā. Jāyanaṭṭhenātiādi āyatanavasena yonivasena ca dvīhi dvīhi padehi sabbasatte pariyādiyitvā jātiṃ dassetuṃ vuttaṃ. Purimanaye pana ekekeneva padena sabbasatte pariyādiyitvā jāti dassitāti ayaṃ viseso. Keci pana ‘‘purimanaye kattuniddeso, pacchimanaye bhāvaniddeso kato’’ti vadanti, ‘‘tesaṃ tesaṃ sattānaṃ jātī’’ti pana kattari sāminiddesassa katattā ubhayatthāpi bhāvaniddesova yutto. Sampuṇṇā jāti sañjāti. Pākaṭā nibbatti abhinibbatti. ‘‘Tesaṃ tesaṃ sattānaṃ…pe… abhinibbattī’’ti sattavasena pavattattā sammutikathā.

    д̇ад̇ра д̇ад̇раад̇и згажад̇увогаарабхавзсу д̣̇виннам̣ д̣̇виннам̣, сзсз руубад̇хаад̇уяам̣ бадисанд̇хигкан̣з уббаж̇ж̇амаанаанам̣ бан̃жаннам̣, гаамад̇хаад̇уяам̣ вигалаавигалинд̣̇рияаанам̣ васзна сад̇д̇аннам̣ наваннам̣ д̣̇асаннам̣ буна д̣̇асаннам̣ згаад̣̇асаннан̃жа ааяад̇анаанам̣ васзна сан̇г̇ахо взд̣̇ид̇аб̣б̣о. згабхавабарияаабаннасса канд̇хасанд̇аанасса батамаабхиниб̣б̣ад̇д̇ибхууд̇аа бадисанд̇хигканд̇хаад̇и ааха ‘‘батамаабхиниб̣б̣ад̇д̇илагкан̣аа’’д̇и. д̇амзва санд̇аанам̣ нияяаад̇знд̇ам̣ вияа ‘‘ханд̣̇а г̇ан̣хат̇аа’’д̇и бадижчаабзнд̇ам̣ вияа бавад̇д̇ад̇ийд̇и нияяаад̇анарасаа. санд̇ад̇ияаа зва уммуж̇ж̇анам̣ худ̇ваа г̇аяхад̇ийд̇и уммуж̇ж̇анабажжубадтаанаа. д̣̇угкараасисса вижид̇д̇ад̇аа д̣̇угкавижид̇д̇ад̇аа, д̣̇угкависзсаа ваа д̇ад̣̇аваяаваа, д̇ам̣ бажжубадтаабзд̇и палад̇ийд̇и д̣̇угкавижид̇д̇ад̇аабажжубадтаанаа.

    Tatra tatrāti ekacatuvokārabhavesu dvinnaṃ dvinnaṃ, sese rūpadhātuyaṃ paṭisandhikkhaṇe uppajjamānānaṃ pañcannaṃ, kāmadhātuyaṃ vikalāvikalindriyānaṃ vasena sattannaṃ navannaṃ dasannaṃ puna dasannaṃ ekādasannañca āyatanānaṃ vasena saṅgaho veditabbo. Ekabhavapariyāpannassa khandhasantānassa paṭhamābhinibbattibhūtā paṭisandhikkhandhāti āha ‘‘paṭhamābhinibbattilakkhaṇā’’ti. Tameva santānaṃ niyyātentaṃ viya ‘‘handa gaṇhathā’’ti paṭicchāpentaṃ viya pavattatīti niyyātanarasā. Santatiyā eva ummujjanaṃ hutvā gayhatīti ummujjanapaccupaṭṭhānā. Dukkharāsissa vicittatā dukkhavicittatā, dukkhavisesā vā tadavayavā, taṃ paccupaṭṭhāpeti phalatīti dukkhavicittatāpaccupaṭṭhānā.

    барияааяаниббарияааяад̣̇угкзсу яам̣ д̣̇угкам̣ ж̇аад̇и ход̇и, д̇ам̣ д̣̇угкабхаавоязва д̇ассаа д̣̇угкадто. яад̣̇и агкаанзна баабун̣ид̇аб̣б̣ам̣ сияаа, бхаг̇аваа аажигкзяяа. бхаг̇авад̇ааби –

    Pariyāyanippariyāyadukkhesu yaṃ dukkhaṃ jāti hoti, taṃ dukkhabhāvoyeva tassā dukkhaṭṭho. Yadi akkhānena pāpuṇitabbaṃ siyā, bhagavā ācikkheyya. Bhagavatāpi –

    ‘‘д̇ам̣ гим̣ ман̃н̃ат̇а, бхигкавз, гад̇амо ну ко маханд̇ад̇аро? яо жааяам̣ маяаа барид̇д̇о баан̣имад̇д̇о баасаан̣о г̇ахид̇о, яо жа химаваа баб̣б̣ад̇арааж̇аад̇и. аббама…бз… г̇ахид̇о, химаванд̇ам̣ баб̣б̣ад̇арааж̇аанам̣ убанид̇хааяа сан̇камби на убзд̇и, галабхааг̇амби на убзд̇и, убанид̇хамби на убзд̇и. звамзва ко, бхигкавз, яам̣ со бурисо д̇ийхи сад̇д̇исад̇зхи хан̃н̃амаано д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇зд̇и, д̇ам̣ нзраяигасса д̣̇угкасса убанид̇хааяа сан̇камби…бз… убанид̇хамби на убзд̇ий’’д̇и (ма. ни. 3.250) –

    ‘‘Taṃ kiṃ maññatha, bhikkhave, katamo nu kho mahantataro? Yo cāyaṃ mayā paritto pāṇimatto pāsāṇo gahito, yo ca himavā pabbatarājāti. Appama…pe… gahito, himavantaṃ pabbatarājānaṃ upanidhāya saṅkhampi na upeti, kalabhāgampi na upeti, upanidhampi na upeti. Evameva kho, bhikkhave, yaṃ so puriso tīhi sattisatehi haññamāno tatonidānaṃ dukkhaṃ domanassaṃ paṭisaṃvedeti, taṃ nerayikassa dukkhassa upanidhāya saṅkhampi…pe… upanidhampi na upetī’’ti (ma. ni. 3.250) –

    убамаавасзна багаасид̇ам̣ аабааяигад̣̇угкам̣. сукуббад̇д̇игааран̣аани сужийни уббалаад̣̇ийнийд̇и гад̇ваа д̇ад̇т̇а ниб̣б̣ад̇д̇инивааран̣зна ж̇аад̇ияаа д̣̇угкавад̇т̇убхаавам̣ д̣̇ассзд̇и ‘‘ат̇а ко’’д̇иаад̣̇инаа. д̣̇угкуббад̇д̇игааран̣з ниб̣б̣ад̇д̇анзна г̇аб̣бхабарихаран̣уубаггамзна винаа маад̇угужчисамбхавамзва д̣̇угкам̣ г̇аб̣бхогганд̇имуулагам̣ ан̃н̃аанабзгкад̇д̇аа, убаггаманиб̣б̣ад̇д̇ам̣ бана барихаран̣амуулагам̣ огганд̇имад̇д̇аанабзгкад̇д̇аа. аяамзд̇зсам̣ висзсо.

    Upamāvasena pakāsitaṃ āpāyikadukkhaṃ. Sukhuppattikāraṇāni sucīni uppalādīnīti katvā tattha nibbattinivāraṇena jātiyā dukkhavatthubhāvaṃ dasseti ‘‘atha kho’’tiādinā. Dukkhuppattikāraṇe nibbattanena gabbhapariharaṇūpakkamena vinā mātukucchisambhavameva dukkhaṃ gabbhokkantimūlakaṃ aññānapekkhattā, upakkamanibbattaṃ pana pariharaṇamūlakaṃ okkantimattānapekkhattā. Ayametesaṃ viseso.

    ад̇д̇ано абхимукам̣ гад̣дханам̣ аагад̣дханам̣, барид̇о саб̣б̣ад̇обхааг̇зна гад̣дханам̣ баригад̣дханам̣. ад̇хо д̇хунанам̣ од̇хунанам̣, д̇ирияам̣, саб̣б̣ад̇о ваа д̇хунанам̣ нид̇хунанам̣. д̇ажчзд̇ваа каарабагкибанам̣ каараабадижчагам̣.

    Attano abhimukhaṃ kaḍḍhanaṃ ākaḍḍhanaṃ, parito sabbatobhāgena kaḍḍhanaṃ parikaḍḍhanaṃ. Adho dhunanaṃ odhunanaṃ, tiriyaṃ, sabbato vā dhunanaṃ nidhunanaṃ. Tacchetvā khārapakkhipanaṃ khārāpaṭicchakaṃ.

    сагаласарийранхаабанам̣ нхаабанам̣, згад̣̇зсад̇хованам̣ д̇хованам̣, суурияаабхимукабавад̇д̇анзна аад̇аабанам̣, бан̃жаг̇г̇ид̇аабзна барид̇аабанам̣ д̣̇адтаб̣б̣ам̣. саб̣б̣оязва ваа д̇аабо д̣̇вид̇хааби вуд̇д̇о.

    Sakalasarīranhāpanaṃ nhāpanaṃ, ekadesadhovanaṃ dhovanaṃ, sūriyābhimukhapavattanena ātāpanaṃ, pañcaggitāpena paritāpanaṃ daṭṭhabbaṃ. Sabboyeva vā tāpo dvidhāpi vutto.

    гухим̣ ну бад̇идтам̣ лабхзт̇а, ж̇аад̇ияаа винаа на д̇асса д̣̇угкасса бад̇идтаанам̣ ад̇т̇ийд̇и ад̇т̇о, ж̇аад̇ияаа ваа винаа со сад̇д̇о гухим̣ ну бад̇идтам̣, гад̇т̇а ну бад̇идтанд̇о д̇ам̣ д̣̇угкам̣ лабхзт̇аад̇и ад̇т̇о. д̇ад̇т̇а д̇иражчаанзсу гат̇ам̣ д̣̇угкам̣ бхавзяяа д̇ахим̣ д̇иражчаанзсу ж̇аад̇им̣ винаа. на жассаад̇и на жз асса. нану нзвад̇т̇ийд̇и самб̣анд̇хо гаад̇аб̣б̣о, нану аахаад̇и ваа. яад̣̇ад̇од̇и яасмаа нзвад̇т̇и, д̇асмаа аахаад̇и ад̇т̇о.

    Kuhiṃ nu patiṭṭhaṃ labhetha, jātiyā vinā na tassa dukkhassa patiṭṭhānaṃ atthīti attho, jātiyā vā vinā so satto kuhiṃ nu patiṭṭhaṃ, kattha nu patiṭṭhanto taṃ dukkhaṃ labhethāti attho. Tattha tiracchānesu kathaṃ dukkhaṃ bhaveyya tahiṃ tiracchānesu jātiṃ vinā. Na cassāti na ce assa. Nanu nevatthīti sambandho kātabbo, nanu āhāti vā. Yadatoti yasmā nevatthi, tasmā āhāti attho.

    ж̇араанид̣̇д̣̇зсаван̣н̣анаа

    Jarāniddesavaṇṇanā

    192. ж̇ийран̣амзва ж̇ийран̣ад̇аа, ж̇ийран̣асса ваа аагааро д̇аа-сад̣̇д̣̇зна вуд̇д̇о.

    192. Jīraṇameva jīraṇatā, jīraṇassa vā ākāro tā-saddena vutto.

    яат̇аабурз асаллагкзнд̇зд̇и г̇ааравагаран̣аубадтаанаад̣̇ийни асаллагкзнд̇з д̇ам̣нимид̇д̇ам̣ д̣̇оманассам̣ уббаж̇ж̇ад̇ийд̇и ад̇т̇о.

    Yathāpure asallakkhenteti gāravakaraṇaupaṭṭhānādīni asallakkhente taṃnimittaṃ domanassaṃ uppajjatīti attho.

    сад̇аад̣̇ийнанд̇и сад̇исуд̇авийрияабан̃н̃аад̣̇ийнам̣ виббаваасанимид̇д̇ам̣ ад̇д̇анаа абасаад̣̇зд̇аб̣б̣зхиби ад̇д̇ано буд̇д̇ад̣̇аарзхи абасаад̣̇анийяад̇о. авасавад̇д̇ан̇г̇абажжан̇г̇ад̇ааяа сужиасужиаад̣̇ивижааран̣авирахзна жа б̣аалагумаарагагаало вияа ж̇ин̣н̣агаало ход̇ийд̇и ааха ‘‘бхияяо б̣аалад̇д̇аббад̇д̇ияаа’’д̇и.

    Satādīnanti satisutavīriyapaññādīnaṃ vippavāsanimittaṃ attanā apasādetabbehipi attano puttadārehi apasādanīyato. Avasavattaṅgapaccaṅgatāya suciasuciādivicāraṇavirahena ca bālakumārakakālo viya jiṇṇakālo hotīti āha ‘‘bhiyyo bālattappattiyā’’ti.

    маран̣анид̣̇д̣̇зсаван̣н̣анаа

    Maraṇaniddesavaṇṇanā

    193. ‘‘гааласса анд̇агасса гирияаа’’д̇и яаа логз вужжад̇и, саа жуд̇и, маран̣анд̇и ад̇т̇о. жаванагаалоязва ваа анад̇иггаманийяад̇д̇аа висзсзна гаалод̇и вуд̇д̇о, д̇асса гирияаа жуд̇игканд̇хаанам̣ бхзд̣̇аббад̇д̇иязва. мажжу маран̣анд̇и зд̇т̇ааби самаасам̣ агад̇ваа яо мажжу вужжад̇и бхзд̣̇о, яан̃жа маран̣ам̣ баан̣ажааг̇о, ид̣̇ам̣ вужжад̇и маран̣анд̇и висум̣ самб̣анд̇хо на на яуж̇ж̇ад̇и.

    193. ‘‘Kālassa antakassa kiriyā’’ti yā loke vuccati, sā cuti, maraṇanti attho. Cavanakāloyeva vā anatikkamanīyattā visesena kāloti vutto, tassa kiriyā cutikkhandhānaṃ bhedappattiyeva. Maccu maraṇanti etthāpi samāsaṃ akatvā yo maccu vuccati bhedo, yañca maraṇaṃ pāṇacāgo, idaṃ vuccati maraṇanti visuṃ sambandho na na yujjati.

    яасса канд̇хабхзд̣̇асса бавад̇д̇ад̇д̇аа ‘‘д̇иссо мад̇о, пуссо мад̇о’’д̇и вохааро ход̇и, со канд̇хаббаб̣анд̇хасса анубажчиннад̇ааяа ‘‘саммуд̇имаран̣а’’нд̇и вуд̇д̇о, баб̣анд̇хасамужчзд̣̇о жа ‘‘самужчзд̣̇амаран̣а’’нд̇и. маран̣амби д̣̇угканд̇и имасмим̣ банад̇т̇з д̣̇угкасажжагат̇аа ваддагат̇аад̇и гад̇ваа ‘‘саммуд̇имаран̣ам̣ ад̇хиббзд̇а’’нд̇и ааха. д̇ассзва нааманд̇и д̇аб̣бхаавад̇о д̇ад̣̇згад̣̇зсабхаавад̇о жа маран̣а-сад̣̇д̣̇аб̣ахуд̇д̇з асаммохад̇т̇ам̣ вуд̇д̇ам̣. жуд̇илагкан̣анд̇и ‘‘жаванад̇аа’’д̇и нид̣̇ассид̇ажаваналагкан̣амзва вад̣̇ад̇и. самбад̇д̇ибхаваканд̇хзхи вияож̇зд̇ийд̇и вияог̇арасам̣, вияог̇агирияаабхууд̇ад̇ааяа ваа ‘‘вияог̇араса’’нд̇и вуд̇д̇ам̣. сад̇д̇асса буримабхавад̇о виббаваасо худ̇ваа убадтаад̇ийд̇и виббаваасабажжубадтаанам̣.

    Yassa khandhabhedassa pavattattā ‘‘tisso mato, phusso mato’’ti vohāro hoti, so khandhappabandhassa anupacchinnatāya ‘‘sammutimaraṇa’’nti vutto, pabandhasamucchedo ca ‘‘samucchedamaraṇa’’nti. Maraṇampi dukkhanti imasmiṃ panatthe dukkhasaccakathā vaṭṭakathāti katvā ‘‘sammutimaraṇaṃ adhippeta’’nti āha. Tasseva nāmanti tabbhāvato tadekadesabhāvato ca maraṇa-saddabahutte asammohatthaṃ vuttaṃ. Cutilakkhaṇanti ‘‘cavanatā’’ti nidassitacavanalakkhaṇameva vadati. Sampattibhavakhandhehi viyojetīti viyogarasaṃ, viyogakiriyābhūtatāya vā ‘‘viyogarasa’’nti vuttaṃ. Sattassa purimabhavato vippavāso hutvā upaṭṭhātīti vippavāsapaccupaṭṭhānaṃ.

    маран̣анд̇игаад̇и маран̣асса аасаннаа. яад̣̇и маран̣ам̣ на бхависсад̇и, яат̇аавуд̇д̇ам̣ гааяигам̣ жзд̇асиган̃жа д̣̇угкам̣ на бхависсад̇ийд̇и ааха ‘‘д̣̇виннамби д̣̇угкаанам̣ вад̇т̇убхаавзнаа’’д̇и.

    Maraṇantikāti maraṇassa āsannā. Yadi maraṇaṃ na bhavissati, yathāvuttaṃ kāyikaṃ cetasikañca dukkhaṃ na bhavissatīti āha ‘‘dvinnampi dukkhānaṃ vatthubhāvenā’’ti.

    баабагаммаад̣̇инимид̇д̇анд̇и баабагамманимид̇д̇ам̣ баабаг̇ад̇инимид̇д̇ан̃жаад̇и ад̇т̇о, гаммамби ваа зд̇т̇а ‘‘нимид̇д̇а’’нд̇и вуд̇д̇ам̣ убабад̇д̇инимид̇д̇абхаавзна убадтаанад̇о. д̇ад̣̇убадтаанзби хи ‘‘агад̇ам̣ вад̇а мз галяаан̣а’’нд̇иаад̣̇инаа анаббагам̣ д̣̇оманассам̣ уббаж̇ж̇ад̇ийд̇и. бхад̣̇д̣̇ассаад̇и галяаан̣агаммассаад̇и ад̇т̇о. ависзсад̇од̇и ‘‘саб̣б̣зса’’нд̇и зд̇зна яож̇зд̇аб̣б̣ам̣. саб̣б̣зсанд̇и жа язсам̣ гааяигам̣ д̣̇угкам̣ уббаж̇ж̇ад̇и, д̇зязва саб̣б̣з г̇ахид̇аа ‘‘вид̇уж̇ж̇амаанамаммаана’’нд̇и висзсид̇ад̇д̇аа. санд̇хийнам̣ б̣анд̇ханаани санд̇хиб̣анд̇ханаани , д̇зсам̣ чзд̣̇анзна ниб̣б̣ад̇д̇ам̣ д̣̇угкам̣ ‘‘санд̇хиб̣анд̇ханажчзд̣̇ана’’нд̇и вуд̇д̇ам̣. аад̣̇и-сад̣̇д̣̇о ваа гааран̣ад̇т̇о, санд̇хиб̣анд̇ханажчзд̣̇анамуулаганд̇и ад̇т̇о.

    Pāpakammādinimittanti pāpakammanimittaṃ pāpagatinimittañcāti attho, kammampi vā ettha ‘‘nimitta’’nti vuttaṃ upapattinimittabhāvena upaṭṭhānato. Tadupaṭṭhānepi hi ‘‘akataṃ vata me kalyāṇa’’ntiādinā anappakaṃ domanassaṃ uppajjatīti. Bhaddassāti kalyāṇakammassāti attho. Avisesatoti ‘‘sabbesa’’nti etena yojetabbaṃ. Sabbesanti ca yesaṃ kāyikaṃ dukkhaṃ uppajjati, teyeva sabbe gahitā ‘‘vitujjamānamammāna’’nti visesitattā. Sandhīnaṃ bandhanāni sandhibandhanāni , tesaṃ chedanena nibbattaṃ dukkhaṃ ‘‘sandhibandhanacchedana’’nti vuttaṃ. Ādi-saddo vā kāraṇattho, sandhibandhanacchedanamūlakanti attho.

    анаяаб̣яасанаабаад̣̇анам̣ вияаад̇и анаяаб̣яасанаабад̇д̇и вияаад̇и ад̇т̇о. ваал̣аад̣̇ийхи гад̇з хи анаяаб̣яасанаабаад̣̇анз анд̇ог̇ад̇хаа анаяаб̣яасанаабад̇д̇и зд̇т̇а нид̣̇ассананд̇и.

    Anayabyasanāpādanaṃ viyāti anayabyasanāpatti viyāti attho. Vāḷādīhi kate hi anayabyasanāpādane antogadhā anayabyasanāpatti ettha nidassananti.

    соганид̣̇д̣̇зсаван̣н̣анаа

    Sokaniddesavaṇṇanā

    194. сукагааран̣ам̣ хид̇ам̣, д̇асса палам̣ сукам̣. н̃аад̇игкаяод̇и бхог̇аад̣̇ийхи н̃аад̇ийнам̣ барихаани маран̣ан̃жа. аяам̣ бана висзсод̇и бхог̇аб̣яасанаад̣̇ибад̣̇ад̇т̇ависзсам̣ рог̇аб̣яасанаад̣̇ийсу самаасависзсан̃жа санд̇хааяааха. н̃аад̇ибхог̇аа бан̃н̃ад̇д̇имад̇д̇аа д̇аб̣б̣инаасааваад̇и иминаа ад̇хиббааязна абаринибпаннад̇ам̣ санд̇хааяа ‘‘анибпаннааний’’д̇и ааха. абаринибпаннад̇ам̣язва хи санд̇хааяа висуд̣̇д̇химаг̇г̇з (висуд̣̇д̇хи. 2.447 аад̣̇аяо) жа ‘‘д̣̇аса руубаани анибпаннааний’’д̇и вуд̇д̇ам̣. руубаган̣д̣аван̣н̣анааяан̃хи (д̇ха. са. адта. 975 багин̣н̣агагат̇аа) ни ‘‘абаринибпаннааний’’д̇и вуд̇д̇аани. канд̇хавибхан̇г̇з жа нибпаад̣̇зд̇аб̣б̣асса нирод̇хасамаабад̇д̇иаад̣̇игасса нибпаннад̇аа вуд̇д̇аад̇и асабхаавад̇хаммасса жа нибпаннад̇аа, ниб̣б̣аанассзва анибпаннад̇аад̇и.

    194. Sukhakāraṇaṃ hitaṃ, tassa phalaṃ sukhaṃ. Ñātikkhayoti bhogādīhi ñātīnaṃ parihāni maraṇañca. Ayaṃ pana visesoti bhogabyasanādipadatthavisesaṃ rogabyasanādīsu samāsavisesañca sandhāyāha. Ñātibhogā paññattimattā tabbināsāvāti iminā adhippāyena aparinipphannataṃ sandhāya ‘‘anipphannānī’’ti āha. Aparinipphannataṃyeva hi sandhāya visuddhimagge (visuddhi. 2.447 ādayo) ca ‘‘dasa rūpāni anipphannānī’’ti vuttaṃ. Rūpakaṇḍavaṇṇanāyañhi (dha. sa. aṭṭha. 975 pakiṇṇakakathā) ni ‘‘aparinipphannānī’’ti vuttāni. Khandhavibhaṅge ca nipphādetabbassa nirodhasamāpattiādikassa nipphannatā vuttāti asabhāvadhammassa ca nipphannatā, nibbānasseva anipphannatāti.

    д̇хамма-сад̣̇д̣̇о хзд̇уад̇т̇од̇и ааха ‘‘д̣̇угкасса уббад̇д̇ихзд̇унаа’’д̇и. жхааманд̇и д̣̇ад̣дхам̣. буб̣б̣з вуд̇д̇алагкан̣аад̣̇игаа д̣̇оманассавзд̣̇анаа согод̇и д̇асса буна лагкан̣аад̣̇аяо на вад̇д̇аб̣б̣аа сияум̣, д̇ат̇ааби д̣̇оманассависзсад̇д̇аа согасса жа висидтаа лагкан̣аад̣̇аяо вад̇д̇аб̣б̣аад̇и ‘‘гин̃жаабий’’д̇иаад̣̇имааха. висаарарахид̇ам̣ анд̇о зва сан̇гужид̇ам̣ жинд̇анам̣, сугканам̣ ваа анд̇ониж̇жхаанам̣. бариниж̇жхааяанам̣ д̣̇аханам̣. н̃аад̇иб̣яасанаад̣̇иануруубам̣ сожанам̣ анусожанам̣, д̇ам̣ д̇ам̣ ваа г̇ун̣ам̣ д̣̇осан̃жа ануг̇анд̇ваа сожанам̣ д̇аббанам̣ анусожанам̣.

    Dhamma-saddo hetuatthoti āha ‘‘dukkhassa uppattihetunā’’ti. Jhāmanti daḍḍhaṃ. Pubbe vuttalakkhaṇādikā domanassavedanā sokoti tassa puna lakkhaṇādayo na vattabbā siyuṃ, tathāpi domanassavisesattā sokassa ca visiṭṭhā lakkhaṇādayo vattabbāti ‘‘kiñcāpī’’tiādimāha. Visārarahitaṃ anto eva saṅkucitaṃ cintanaṃ, sukkhanaṃ vā antonijjhānaṃ. Parinijjhāyanaṃ dahanaṃ. Ñātibyasanādianurūpaṃ socanaṃ anusocanaṃ, taṃ taṃ vā guṇaṃ dosañca anugantvā socanaṃ tappanaṃ anusocanaṃ.

    ж̇аванагкан̣зд̇и манод̣̇ваараж̇аванагкан̣з. д̇ат̇аа хи д̇ам̣ д̣̇ассзнд̇о ‘‘зд̇д̇агаа мз’’д̇иаад̣̇имааха. гааяавин̃н̃аан̣аад̣̇ивийт̇ияамби бана ж̇аванагкан̣з д̣̇оманассасса бажжаяо ход̇и зва. д̇знзва ‘‘ж̇аванагкан̣з жаа’’д̇и ааха. ан̃н̃ат̇аа гааяигажзд̇асигад̣̇угкаанам̣ гааяавад̇т̇угаманод̣̇ваараббавад̇д̇аанамзва бажжаяод̇и г̇ан̣хзяяа д̇ад̇т̇а висзсзна гааяигажзд̇асигасад̣̇д̣̇аббавад̇д̇ид̇о.

    Javanakkhaṇeti manodvārajavanakkhaṇe. Tathā hi taṃ dassento ‘‘ettakā me’’tiādimāha. Kāyaviññāṇādivīthiyampi pana javanakkhaṇe domanassassa paccayo hoti eva. Teneva ‘‘javanakkhaṇe cā’’ti āha. Aññathā kāyikacetasikadukkhānaṃ kāyavatthukamanodvārappavattānameva paccayoti gaṇheyya tattha visesena kāyikacetasikasaddappavattito.

    д̇уж̇ж̇ад̇ийд̇и ‘‘д̇уд̣̇ад̇ий’’д̇и вад̇д̇аб̣б̣з б̣яад̇д̇аяавасзна вуд̇д̇анд̇и взд̣̇ид̇аб̣б̣ам̣.

    Tujjatīti ‘‘tudatī’’ti vattabbe byattayavasena vuttanti veditabbaṃ.

    барид̣̇званид̣̇д̣̇зсаван̣н̣анаа

    Paridevaniddesavaṇṇanā

    195. аад̣̇званд̇и зд̇знаад̇и аад̣̇звод̇и аад̣̇звана-сад̣̇д̣̇ам̣ гад̇ваа ассувиможанаад̣̇ивигаарам̣ аабаж̇ж̇анд̇аанам̣ д̇аб̣б̣игаараабад̇д̇ияаа со сад̣̇д̣̇о гаран̣абхаавзна вуд̇д̇од̇и. вийхибалаабаад̣̇аяо вияа д̇ужчам̣ важанам̣ балаабо. г̇ун̣ад̣̇осз гид̇д̇зд̇и б̣од̇хзд̇ийд̇и г̇ун̣ад̣̇осагид̇д̇анарасо лаалабба-сад̣̇д̣̇о. ад̇т̇аанад̇т̇з хирияид̇аб̣б̣аж̇анз жа авижаарзд̇ваа буг̇г̇аласса самбхамабхааво худ̇ваа барид̣̇звана-сад̣̇д̣̇о убадтаад̇ийд̇и ‘‘самбхамабажжубадтаано’’д̇и вуд̇д̇о, согавад̇т̇уавигхаад̇зна ваа самбхамо, на уд̇д̇аасасамбхамо, со жа барид̣̇звана-сад̣̇д̣̇зна баагадо ход̇ийд̇и барид̣̇зво ‘‘самбхамабажжубадтаано’’д̇и вуд̇д̇о.

    195. Ādevanti etenāti ādevoti ādevana-saddaṃ katvā assuvimocanādivikāraṃ āpajjantānaṃ tabbikārāpattiyā so saddo karaṇabhāvena vuttoti. Vīhipalāpādayo viya tucchaṃ vacanaṃ palāpo. Guṇadose kitteti bodhetīti guṇadosakittanaraso lālappa-saddo. Atthānatthe hiriyitabbajane ca avicāretvā puggalassa sambhamabhāvo hutvā paridevana-saddo upaṭṭhātīti ‘‘sambhamapaccupaṭṭhāno’’ti vutto, sokavatthuavighātena vā sambhamo, na uttāsasambhamo, so ca paridevana-saddena pākaṭo hotīti paridevo ‘‘sambhamapaccupaṭṭhāno’’ti vutto.

    согаабхибхууд̇о барид̣̇звананимид̇д̇ам̣ мудтибот̇анаад̣̇ийни гарод̇и, барид̣̇звананимид̇д̇амзва жа н̃аад̇иаб̣бхад̇т̇ан̇г̇аманаад̣̇ийни жинд̇зд̇ийд̇и барид̣̇звасса д̣̇угкад̣̇оманассаанам̣ вад̇т̇убхааво вуд̇д̇о.

    Sokābhibhūto paridevananimittaṃ muṭṭhipothanādīni karoti, paridevananimittameva ca ñātiabbhatthaṅgamanādīni cintetīti paridevassa dukkhadomanassānaṃ vatthubhāvo vutto.

    бхияяод̇и язна винаа на ход̇и, д̇ад̇о барид̣̇звасамудтаабагад̣̇оманассад̇о, буб̣б̣з вуд̇д̇ад̣̇угкад̇о ваа бхияяо, ган̣тодтад̇аалуаад̣̇исосаж̇ад̇оби ваа бхияяод̇и ан̃н̃ан̃жа гааяигам̣ жзд̇асигам̣ д̇ам̣нид̣̇аанад̣̇угкам̣ сан̇г̇ан̣хаад̇и.

    Bhiyyoti yena vinā na hoti, tato paridevasamuṭṭhāpakadomanassato, pubbe vuttadukkhato vā bhiyyo, kaṇṭhoṭṭhatāluādisosajatopi vā bhiyyoti aññañca kāyikaṃ cetasikaṃ taṃnidānadukkhaṃ saṅgaṇhāti.

    д̣̇угкад̣̇оманассанид̣̇д̣̇зсаван̣н̣анаа

    Dukkhadomanassaniddesavaṇṇanā

    196-7. гааяигам̣ д̣̇угкам̣ гааяигасса д̣̇угкасса убаниссаяабажжаяод̇и ‘‘д̣̇угкид̇асса д̣̇угкам̣ уббаж̇ж̇ад̇ий’’д̇и вуд̇д̇ам̣. зд̇зна д̣̇угкзна абхибхууд̇ад̇д̇аа нагкад̇д̇ам̣ гийл̣ид̇ум̣ на лабхаамийд̇и б̣алавад̣̇оманассам̣ уббаж̇ж̇ад̇ийд̇и д̣̇угкасса д̣̇оманассавад̇т̇уд̇аа ход̇и.

    196-7. Kāyikaṃ dukkhaṃ kāyikassa dukkhassa upanissayapaccayoti ‘‘dukkhitassa dukkhaṃ uppajjatī’’ti vuttaṃ. Etena dukkhena abhibhūtattā nakkhattaṃ kīḷituṃ na labhāmīti balavadomanassaṃ uppajjatīti dukkhassa domanassavatthutā hoti.

    ад̇д̇ано бавад̇д̇игкан̣ам̣ санд̇хааяа ‘‘бийл̣зд̇ий’’д̇и вуд̇д̇ам̣ гааяигад̣̇угкам̣, д̇ад̣̇убаниссаяад̇о ваа.

    Attano pavattikkhaṇaṃ sandhāya ‘‘pīḷetī’’ti vuttaṃ kāyikadukkhaṃ, tadupanissayato vā.

    аавадданд̇ийд̇и баривадданд̇и. вивадданд̇ийд̇и баб̣бхаарз кид̇д̇ад̇т̇амбхо вияа луд̇ханд̇и. муулажчиннаругко вияа чиннабабаад̇ам̣ бабад̇анд̇и, барид̣̇аяхамаанажид̇д̇аа буримад̣̇оманассубаниссаяавасзна жинд̇знд̇и, виг̇ад̇з д̣̇оманассз д̇ат̇аажинд̇анам̣ над̇т̇ийд̇и.

    Āvaṭṭantīti parivaṭṭanti. Vivaṭṭantīti pabbhāre khittatthambho viya ludhanti. Mūlacchinnarukkho viya chinnapapātaṃ papatanti, paridayhamānacittā purimadomanassupanissayavasena cintenti, vigate domanasse tathācintanaṃ natthīti.

    убааяаасанид̣̇д̣̇зсаван̣н̣анаа

    Upāyāsaniddesavaṇṇanā

    198. саб̣б̣ависаяаббадибад̇д̇инивааран̣авасзна саманд̇ад̇о сийд̣̇анам̣ сам̣сийд̣̇анам̣, удтзд̇умби асаггун̣зяяад̇аагаран̣авасзна ад̇иб̣алавам̣, вируубам̣ ваа сийд̣̇анам̣ висийд̣̇анам̣. ан̃н̃ам̣ висаяам̣ аг̇анд̇ваа н̃аад̇иб̣яасанаад̣̇ийсу вируубо аасан̇г̇о д̇ад̇т̇зва аваб̣анд̇хад̇аа б̣яаасад̇д̇и. нид̇т̇унанагаран̣ад̇о нид̇т̇унанарасо. висийд̣̇анам̣ висаад̣̇о.

    198. Sabbavisayappaṭipattinivāraṇavasena samantato sīdanaṃ saṃsīdanaṃ, uṭṭhetumpi asakkuṇeyyatākaraṇavasena atibalavaṃ, virūpaṃ vā sīdanaṃ visīdanaṃ. Aññaṃ visayaṃ agantvā ñātibyasanādīsu virūpo āsaṅgo tattheva avabandhatā byāsatti. Nitthunanakaraṇato nitthunanaraso. Visīdanaṃ visādo.

    саяам̣ на д̣̇угко д̣̇осад̇д̇аа сан̇каарагканд̇хабарияаабаннад̇хамманд̇арад̇д̇аа ваа. яз бана д̣̇оманассамзва убааяаасод̇и вад̣̇зяяум̣, д̇з ‘‘убааяаасо д̇ийхи канд̇хзхи згзнааяад̇анзна згааяа д̇хаад̇уяаа самбаяуд̇д̇о, згзна канд̇хзна згзнааяад̇анзна згааяа д̇хаад̇уяаа гзхижи самбаяуд̇д̇о’’д̇и (д̇хаад̇у. 249) имааяа баал̣ияаа бадигкибид̇аб̣б̣аа. висаад̣̇аббад̇д̇ияаа сукад̣̇угкагааран̣ам̣ аг̇ан̣аяид̇ваа д̣̇угкадтаанаад̣̇ийни гаронд̇аанам̣ убааяаасо гааяигад̣̇угкасса вад̇т̇у ход̇и, висаад̣̇анавасзнзва н̃аад̇ивинаасаад̣̇ийни жинд̇знд̇аанам̣ д̣̇оманассасса. ад̇д̇ано бавад̇д̇игкан̣зязва убааяаасо д̣̇оманассасамбаяог̇ад̇о жид̇д̇ам̣ барид̣̇ахад̇и, авибпааригад̇аагаран̣авасзна гааяам̣ висаад̣̇зд̇и, д̇ад̣̇убхаяагаран̣знзва д̇ад̇о барам̣ д̇ам̣нимид̇д̇ам̣ гааяигам̣ жзд̇асиган̃жа ад̇химад̇д̇ам̣ д̣̇угкам̣ ж̇анаяад̇ийд̇и д̣̇угко вуд̇д̇о.

    Sayaṃ na dukkho dosattā saṅkhārakkhandhapariyāpannadhammantarattā vā. Ye pana domanassameva upāyāsoti vadeyyuṃ, te ‘‘upāyāso tīhi khandhehi ekenāyatanena ekāya dhātuyā sampayutto, ekena khandhena ekenāyatanena ekāya dhātuyā kehici sampayutto’’ti (dhātu. 249) imāya pāḷiyā paṭikkhipitabbā. Visādappattiyā sukhadukkhakāraṇaṃ agaṇayitvā dukkhaṭṭhānādīni karontānaṃ upāyāso kāyikadukkhassa vatthu hoti, visādanavaseneva ñātivināsādīni cintentānaṃ domanassassa. Attano pavattikkhaṇeyeva upāyāso domanassasampayogato cittaṃ paridahati, avipphārikatākaraṇavasena kāyaṃ visādeti, tadubhayakaraṇeneva tato paraṃ taṃnimittaṃ kāyikaṃ cetasikañca adhimattaṃ dukkhaṃ janayatīti dukkho vutto.

    аббияасамбаяог̇анид̣̇д̣̇зсаван̣н̣анаа

    Appiyasampayoganiddesavaṇṇanā

    199. на аббияанд̇ийд̇и на г̇амияанд̇и, на бавзсийяанд̇ийд̇и ад̇т̇о. анад̇т̇анд̇и б̣яасанам̣, д̣̇угкам̣ ваа. ахид̇анд̇и д̇асса хзд̇ум̣. д̣̇уд̇ияз ад̇т̇авигаббз ад̇т̇ам̣ на гаамзнд̇ийд̇и анад̇т̇агаамаад̇иаад̣̇и асамад̇т̇асамаасоби яож̇ид̇о. ‘‘асуурияабассаани мукааний’’д̇иаад̣̇ийсу вияа хи язна самаасо, на д̇ассааяам̣ бадисзд̇хаго а-гаарод̇и. яасмим̣ гисмин̃жи ниб̣бхаяз яог̇агкзма-сад̣̇д̣̇о нирул̣хо д̣̇угкаяог̇ад̇о кзмад̇д̇аа.

    199. Na appiyantīti na gamiyanti, na pavesīyantīti attho. Anatthanti byasanaṃ, dukkhaṃ vā. Ahitanti tassa hetuṃ. Dutiye atthavikappe atthaṃ na kāmentīti anatthakāmātiādi asamatthasamāsopi yojito. ‘‘Asūriyapassāni mukhānī’’tiādīsu viya hi yena samāso, na tassāyaṃ paṭisedhako a-kāroti. Yasmiṃ kismiñci nibbhaye yogakkhema-saddo niruḷho dukkhayogato khemattā.

    сан̇г̇ад̇иаад̣̇ийсу сан̇кааравасзна яам̣ лаб̣бхад̇и, д̇ам̣ г̇ахзд̇аб̣б̣ам̣. на хи сан̇каараанам̣ таананисаж̇ж̇аад̣̇аяо бхож̇анаад̣̇игижжзсу ваа сахагаран̣ам̣ виж̇ж̇ад̇ийд̇и бажчимад̣̇ваяам̣ д̇ад̣̇ад̇т̇авасзна лаб̣бхад̇ийд̇и на саггаа вад̇д̇унд̇и. яам̣ лаб̣бхад̇ийд̇и ваа яам̣ ад̇т̇аж̇аад̇ам̣ лаб̣бхад̇ийд̇и ад̇т̇о. д̇зна яат̇аа лаб̣бхад̇и сан̇г̇ад̇иаад̣̇ийсу ад̇т̇о, д̇ат̇аа яож̇зд̇аб̣б̣о. буг̇г̇аласса хи сан̇г̇ад̇и г̇анд̇ваа сан̇каарзхи сам̣яог̇о ход̇и, ааг̇ад̇зхи жа д̇зхи, буг̇г̇аласса жа ад̇д̇ано таанаад̣̇ийсу сан̇каарзхи сахабхааво ход̇и, саб̣б̣агирияаасу жа миссийбхаавод̇и. анад̇т̇абхааво убад̣̇д̣̇авабхааво.

    Saṅgatiādīsu saṅkhāravasena yaṃ labbhati, taṃ gahetabbaṃ. Na hi saṅkhārānaṃ ṭhānanisajjādayo bhojanādikiccesu vā sahakaraṇaṃ vijjatīti pacchimadvayaṃ tadatthavasena labbhatīti na sakkā vattunti. Yaṃ labbhatīti vā yaṃ atthajātaṃ labbhatīti attho. Tena yathā labbhati saṅgatiādīsu attho, tathā yojetabbo. Puggalassa hi saṅgati gantvā saṅkhārehi saṃyogo hoti, āgatehi ca tehi, puggalassa ca attano ṭhānādīsu saṅkhārehi sahabhāvo hoti, sabbakiriyāsu ca missībhāvoti. Anatthabhāvo upaddavabhāvo.

    анидтаанам̣ аабаат̇аг̇аманамад̇д̇ам̣ д̇ам̣г̇ахан̣амад̇д̇ан̃жа аббияасамбаяог̇о, на бана бат̇авипассаад̣̇аяо вияа аббияасамбаяог̇о наама зго д̇хаммо ад̇т̇ийд̇и ааха ‘‘со ад̇т̇ад̇о зго д̇хаммо наама над̇т̇ий’’д̇и. анидтаани ган̣дагаад̣̇ийни амид̇д̇аа жа усуаад̣̇ийхи виж̇жханаад̣̇ид̣̇угкам̣ уббаад̣̇знд̇и.

    Aniṭṭhānaṃ āpāthagamanamattaṃ taṃgahaṇamattañca appiyasampayogo, na pana pathaviphassādayo viya appiyasampayogo nāma eko dhammo atthīti āha ‘‘so atthato eko dhammo nāma natthī’’ti. Aniṭṭhāni kaṇṭakādīni amittā ca usuādīhi vijjhanādidukkhaṃ uppādenti.

    ид̇хаад̇и имасмим̣ логз д̣̇угкам̣ ход̇ийд̇и ваа ид̇ха имасмим̣ д̣̇угкасажжанид̣̇д̣̇зсз д̣̇угко вуд̇д̇од̇и ваа яож̇зд̇аб̣б̣ам̣.

    Idhāti imasmiṃ loke dukkhaṃ hotīti vā idha imasmiṃ dukkhasaccaniddese dukkho vuttoti vā yojetabbaṃ.

    бияавиббаяог̇анид̣̇д̣̇зсаван̣н̣анаа

    Piyavippayoganiddesavaṇṇanā

    200. минанд̇ийд̇и наал̣ияаад̣̇ийсу д̇хан̃н̃ам̣ вияа анд̇о багкибанд̇и, на б̣ахи гаронд̇ийд̇и ад̇т̇о. амаа-сад̣̇д̣̇о сахабхаавад̣̇ийбаго. н̃ааяанд̇и ваа аж̇жхад̇д̇игааижжзва. н̃аад̇иб̣яасанаад̣̇иго худ̇ваа убадтаад̇ийд̇и б̣яасанабажжубадтаано. согуббаад̣̇анзнзва сарийрам̣ сосзнд̇и, гисам̣ гаронд̇и, агисамби нирож̇ад̇аагаран̣зна милаабзнд̇и, д̇ад̇о жа гааяигам̣ д̣̇угкам̣ уббаж̇ж̇ад̇ийд̇и д̇ад̣̇уббаад̣̇агад̇аа вуд̇д̇аа.

    200. Minantīti nāḷiyādīsu dhaññaṃ viya anto pakkhipanti, na bahi karontīti attho. Amā-saddo sahabhāvadīpako. Ñāyanti vā ajjhattikāicceva. Ñātibyasanādiko hutvā upaṭṭhātīti byasanapaccupaṭṭhāno. Sokuppādaneneva sarīraṃ sosenti, kisaṃ karonti, akisampi nirojatākaraṇena milāpenti, tato ca kāyikaṃ dukkhaṃ uppajjatīti taduppādakatā vuttā.

    согасарасамаббид̇аад̇и зд̇зна жзд̇асигад̣̇угкам̣ д̣̇ассзд̇и, вид̇уж̇ж̇анд̇ийд̇и зд̇зна гааяигам̣ д̣̇угкам̣.

    Sokasarasamappitāti etena cetasikadukkhaṃ dasseti, vitujjantīti etena kāyikaṃ dukkhaṃ.

    ижчаанид̣̇д̣̇зсаван̣н̣анаа

    Icchāniddesavaṇṇanā

    201. яасмим̣ гаалз ж̇аад̇ияаа на ааг̇анд̇аб̣б̣ам̣, д̇ам̣ гаалам̣ г̇ахзд̇ваа ааха ‘‘бариниб̣б̣уд̇зсу жа виж̇ж̇амаанам̣ ж̇аад̇ияаа анааг̇амана’’нд̇и. яамбийд̇и язнабийд̇и ад̇т̇о вуд̇д̇о. яад̣̇ааби бана яам̣-сад̣̇д̣̇о ‘‘ижча’’нд̇и зд̇ам̣ абзгкад̇и, д̇ад̣̇ааби алаабхависидтаа ижчаа вуд̇д̇аа ход̇и. яад̣̇аа ‘‘на лабхад̇ий’’д̇и зд̇ам̣ абзгкад̇и, д̇ад̣̇аа ижчаависидто алаабхо вуд̇д̇о ход̇и. со банад̇т̇ад̇о ан̃н̃о д̇хаммо над̇т̇и, д̇ат̇ааби алаб̣бханзяяаижчаава вуд̇д̇аа ход̇и. абаабун̣ид̇аб̣б̣зсу бавад̇д̇ад̇д̇аа зва ‘‘аббад̇д̇ибажжубадтаанаа’’д̇и вуд̇д̇аа. яад̇т̇а хи саа ижчаа бавад̇д̇аа, д̇ам̣ вад̇т̇ум̣ абаабун̣анд̇ий худ̇ваа г̇аяхад̇ийд̇и.

    201. Yasmiṃ kāle jātiyā na āgantabbaṃ, taṃ kālaṃ gahetvā āha ‘‘parinibbutesu ca vijjamānaṃ jātiyā anāgamana’’nti. Yampīti yenapīti attho vutto. Yadāpi pana yaṃ-saddo ‘‘iccha’’nti etaṃ apekkhati, tadāpi alābhavisiṭṭhā icchā vuttā hoti. Yadā ‘‘na labhatī’’ti etaṃ apekkhati, tadā icchāvisiṭṭho alābho vutto hoti. So panatthato añño dhammo natthi, tathāpi alabbhaneyyaicchāva vuttā hoti. Apāpuṇitabbesu pavattattā eva ‘‘appattipaccupaṭṭhānā’’ti vuttā. Yattha hi sā icchā pavattā, taṃ vatthuṃ apāpuṇantī hutvā gayhatīti.

    чиннабхиннаг̇ан̣знаад̇и ниллаж̇ж̇зна д̇худ̇д̇аг̇ан̣зна, габбадигаг̇ан̣зна ваа.

    Chinnabhinnagaṇenāti nillajjena dhuttagaṇena, kappaṭikagaṇena vā.

    вигхаад̇амаяанд̇и жид̇д̇авигхаад̇амаяам̣ д̣̇оманассам̣ жид̇д̇авигхаад̇ад̇о зва уббаннам̣ уб̣б̣анд̇ханаж̇араад̇исаараад̣̇игааяигам̣ д̣̇угкан̃жа. ижчид̇аалаабханд̇и алаб̣бханзяяаижчамзва вад̣̇ад̇и.

    Vighātamayanti cittavighātamayaṃ domanassaṃ cittavighātato eva uppannaṃ ubbandhanajarātisārādikāyikaṃ dukkhañca. Icchitālābhanti alabbhaneyyaicchameva vadati.

    убаад̣̇аанагканд̇ханид̣̇д̣̇зсаван̣н̣анаа

    Upādānakkhandhaniddesavaṇṇanā

    202. вид̇т̇ин̣н̣асса д̣̇угкасса зд̇д̇аганд̇и д̣̇ассанам̣ д̣̇угкасса сан̇кзбо, д̇ам̣ гаад̇ум̣ на саггаа вид̇т̇аарасса ананд̇ад̇д̇аа. д̣̇угкавид̇т̇аараг̇ад̇ам̣ бана д̣̇зсанаавид̇т̇аарам̣ бахааяа яад̇т̇а саб̣б̣о д̣̇угкавид̇т̇ааро самод̇хаанам̣ г̇ажчад̇и, д̇ад̇т̇а д̣̇зсанааяа вавад̇т̇аанам̣ сан̇кзбо, д̇ам̣ гаад̇ум̣ саггаа д̇аад̣̇исасса вад̇т̇уно саб̣бхааваа.

    202. Vitthiṇṇassa dukkhassa ettakanti dassanaṃ dukkhassa saṅkhepo, taṃ kātuṃ na sakkā vitthārassa anantattā. Dukkhavitthāragataṃ pana desanāvitthāraṃ pahāya yattha sabbo dukkhavitthāro samodhānaṃ gacchati, tattha desanāya vavatthānaṃ saṅkhepo, taṃ kātuṃ sakkā tādisassa vatthuno sabbhāvā.

    д̣̇зсам̣ ж̇аананд̇о маг̇г̇агкааяигабурисо д̣̇зсаго. бхаг̇авааби д̣̇угкасса д̣̇зсаго. ‘‘д̣̇угканд̇ад̣̇зсагзнаа’’д̇и ваа баато, д̣̇угканд̇агкааяигод̇и ад̇т̇о.

    Desaṃ jānanto maggakkhāyikapuriso desako. Bhagavāpi dukkhassa desako. ‘‘Dukkhantadesakenā’’ti vā pāṭho, dukkhantakkhāyikoti attho.

    баавагаад̣̇аяо яат̇аа инд̇ханаад̣̇ийни б̣аад̇хзнд̇и, звам̣ б̣аад̇хаяамаанаа. мааран̣анд̇игад̣̇угкаабхигхаад̇знаад̇и иминаа ад̇ибаагадзна ж̇аад̇иж̇араад̣̇угкавигхаад̇аж̇асогаад̣̇аяо д̣̇ассзд̇и. д̇ад̇од̇и барид̣̇звад̇о уд̣̇д̇хам̣. ган̣та сосаад̣̇и санд̇хи б̣анд̇хажчзд̣̇анаад̣̇и ж̇анага д̇хаад̇угкобха самааяог̇ад̇о гааяасса ааб̣аад̇ханад̣̇угкам̣ д̣̇угкам̣. язсу гзсужийд̇и д̇иссасса ваа пуссасса ваа убаад̣̇аанагканд̇хзсу саб̣б̣амби жагкурог̇аад̣̇ид̣̇угкам̣ саб̣б̣асад̇д̇аг̇ад̇ам̣ звам̣багаарамзваад̇и сан̇кибид̇ваа д̣̇ассзнд̇од̇и ад̇т̇о.

    Pāvakādayo yathā indhanādīni bādhenti, evaṃ bādhayamānā. Māraṇantikadukkhābhighātenāti iminā atipākaṭena jātijarādukkhavighātajasokādayo dasseti. Tatoti paridevato uddhaṃ. Kaṇṭha sosādi sandhi bandhacchedanādi janaka dhātukkhobha samāyogato kāyassa ābādhanadukkhaṃ dukkhaṃ. Yesu kesucīti tissassa vā phussassa vā upādānakkhandhesu sabbampi cakkhurogādidukkhaṃ sabbasattagataṃ evaṃpakāramevāti saṅkhipitvā dassentoti attho.

    д̣̇угкасажжанид̣̇д̣̇зсаван̣н̣анаа нидтид̇аа.

    Dukkhasaccaniddesavaṇṇanā niṭṭhitā.

    2. самуд̣̇аяасажжанид̣̇д̣̇зсаван̣н̣анаа

    2. Samudayasaccaniddesavaṇṇanā

    203. уд̇д̇арабад̣̇алобам̣ гад̇ваа ‘‘бунаб̣бхавагаран̣ам̣ буноб̣бхаво’’д̇иааха. ‘‘маносампассо’’д̇и зд̇т̇а мано вияа жа буримабад̣̇асса огааранд̇ад̇аа д̣̇адтаб̣б̣аа. ат̇а ваа сийладтзна ига-сад̣̇д̣̇зна г̇амияад̇т̇ад̇д̇аа гирияааваажагасса сад̣̇д̣̇асса ад̣̇ассанам̣ д̣̇адтаб̣б̣ам̣ яат̇аа ‘‘абуубабхагканасийло аабуубиго’’д̇и. ‘‘д̇ад̣̇д̇хид̇аа’’ид̇и б̣ахуважананид̣̇д̣̇зсаа вижид̇д̇ад̇д̇аа ваа д̇ад̣̇д̇хид̇аанам̣ абхид̇хааналагкан̣ад̇д̇аа ваа ‘‘бунаб̣бхавам̣ д̣̇зд̇ий’’д̇иаад̣̇ийсу ад̇т̇зсу боноб̣бхавигасад̣̇д̣̇асид̣̇д̇хи д̣̇адтаб̣б̣аа. д̇ад̇т̇а гаммасахаж̇аад̇аа бунаб̣бхавам̣ д̣̇зд̇и, гаммасахааяабхууд̇аа д̇ад̣̇асахаж̇аад̇аа бунаб̣бхавааяа сам̣вад̇д̇ад̇и, д̣̇увид̇хааби бунаббунам̣ бхавз ниб̣б̣ад̇д̇зд̇и. д̇знзвааха ‘‘бунаб̣бхавасса д̣̇ааяигаабий’’д̇иаад̣̇и. боноб̣бхавигааязваад̇и наамам̣ лабхад̇ийд̇и бунаб̣бхавам̣ д̣̇ааяигааби ад̣̇ааяигааби бунаб̣бхавам̣ д̣̇зд̇ижжзва боноб̣бхавигаад̇и самаанавибаагаад̇и наамам̣ лабхад̇и самаанасабхаавад̇д̇аа д̇ад̣̇аанубхаавад̇д̇аа жа. звам̣ ид̇арзсу д̣̇адтаб̣б̣ам̣. д̇ад̇т̇а убад̇химхи яат̇ааниб̣б̣ад̇д̇з ад̇д̇абхаавз вибажжанагаммам̣ зд̇иссаад̇и убад̇хивзбаггаа. нанд̣̇анадтзна нанд̣̇ий, ран̃ж̇анадтзна рааг̇о. яо жа нанд̣̇ирааг̇о, яаа жа д̇ан̣хаа, убхаяамзд̇ам̣ згад̇т̇ам̣, б̣яан̃ж̇анамзва наананд̇и д̇ан̣хаа ‘‘нанд̣̇ирааг̇зна сад̣̇д̇хим̣ ад̇т̇ад̇о згад̇д̇ам̣ г̇ад̇аа’’д̇и вуд̇д̇аа. рааг̇асамб̣анд̇хзна ‘‘уббаннассаа’’д̇и вуд̇д̇ам̣. руубааруубабхаварааг̇о висум̣ вагкад̇ийд̇и гаамабхавз зва бхавабад̇т̇анаауббад̇д̇и вуд̇д̇аад̇и взд̣̇ид̇аб̣б̣аа.

    203. Uttarapadalopaṃ katvā ‘‘punabbhavakaraṇaṃ punobbhavo’’tiāha. ‘‘Manosamphasso’’ti ettha mano viya ca purimapadassa okārantatā daṭṭhabbā. Atha vā sīlaṭṭhena ika-saddena gamiyatthattā kiriyāvācakassa saddassa adassanaṃ daṭṭhabbaṃ yathā ‘‘apūpabhakkhanasīlo āpūpiko’’ti. ‘‘Taddhitā’’iti bahuvacananiddesā vicittattā vā taddhitānaṃ abhidhānalakkhaṇattā vā ‘‘punabbhavaṃ detī’’tiādīsu atthesu ponobbhavikasaddasiddhi daṭṭhabbā. Tattha kammasahajātā punabbhavaṃ deti, kammasahāyabhūtā tadasahajātā punabbhavāya saṃvattati, duvidhāpi punappunaṃ bhave nibbatteti. Tenevāha ‘‘punabbhavassa dāyikāpī’’tiādi. Ponobbhavikāyevāti nāmaṃ labhatīti punabbhavaṃ dāyikāpi adāyikāpi punabbhavaṃ deticceva ponobbhavikāti samānavipākāti nāmaṃ labhati samānasabhāvattā tadānubhāvattā ca. Evaṃ itaresu daṭṭhabbaṃ. Tattha upadhimhi yathānibbatte attabhāve vipaccanakammaṃ etissāti upadhivepakkā. Nandanaṭṭhena nandī, rañjanaṭṭhena rāgo. Yo ca nandirāgo, yā ca taṇhā, ubhayametaṃ ekatthaṃ, byañjanameva nānanti taṇhā ‘‘nandirāgena saddhiṃ atthato ekattaṃ gatā’’ti vuttā. Rāgasambandhena ‘‘uppannassā’’ti vuttaṃ. Rūpārūpabhavarāgo visuṃ vakkhatīti kāmabhave eva bhavapatthanāuppatti vuttāti veditabbā.

    д̇асмим̣ д̇асмим̣ бияаруубз батамуббад̇д̇ивасзна ‘‘уббаж̇ж̇ад̇ий’’д̇и вуд̇д̇аа, бунаббунам̣ бавад̇д̇ивасзна ‘‘нивисад̇ий’’д̇и, барияудтаанаанусаяавасзна ваа уббад̇д̇инивзсаа яож̇зд̇аб̣б̣аа. самбад̇д̇ияанд̇и мануссасобхаг̇г̇з д̣̇звад̇д̇з жа. ад̇д̇ано жагкунд̇и савад̇т̇угам̣ жагкумааха, сабасаад̣̇ам̣ ваа мам̣сабин̣д̣ам̣. виббасаннабан̃жабасаад̣̇анд̇и барисуд̣̇д̇ханийлабийд̇алохид̇аган̣хаод̣̇аад̇аван̣н̣абасаад̣̇ам̣. раж̇ад̇абанаал̣игам̣ вияа чид̣̇д̣̇ам̣ аб̣бханд̇арз од̣̇аад̇ад̇д̇аа. бааман̇г̇асуд̇д̇ам̣ вияа ламб̣аган̣н̣аб̣ад̣̇д̇хам̣. д̇ун̇г̇аа ужжаа д̣̇ийгхаа наасигаа д̇ун̇г̇анаасигаа, звам̣ лад̣̇д̇хавохаарам̣ ад̇д̇ано гхаанам̣. ‘‘лад̣̇д̇хавохаараа’’д̇и ваа баато. д̇асмим̣ сад̇и д̇ун̇г̇аа наасигаа язсам̣, д̇з д̇ун̇г̇анаасигаа. звам̣ лад̣̇д̇хавохаараа сад̇д̇аа ад̇д̇ано гхаананд̇и яож̇анаа гаад̇аб̣б̣аа. ж̇ивхам̣…бз… ман̃н̃анд̇и ван̣н̣аа сан̣таанад̇о гижжад̇о жа. манам̣…бз… ул̣аарам̣ ман̃н̃анд̇и ад̇ийд̇аад̣̇иад̇т̇авижинанасамад̇т̇ам̣. ад̇д̇анаа бадилад̣̇д̇хаанийд̇и аж̇жхад̇д̇ан̃жа сарийраг̇анд̇хаад̣̇ийни б̣ахид̣̇д̇хаа жа вилзбанаг̇анд̇хаад̣̇ийни. уббаж̇ж̇амаанаа уббаж̇ж̇ад̇ийд̇и яад̣̇аа уббаж̇ж̇амаанаа ход̇и, д̇ад̣̇аа зд̇т̇а уббаж̇ж̇ад̇ийд̇и сааман̃н̃зна г̇ахид̇аа уббаад̣̇агирияаа лагкан̣абхаавзна вуд̇д̇аа, висаяависидтаа лагкид̇аб̣б̣абхаавзна. на хи сааман̃н̃ависзсзхи наанад̇д̇авохааро на ход̇ийд̇и. уббаж̇ж̇амаанаад̇и ваа анижчид̇о уббаад̣̇о хзд̇убхаавзна вуд̇д̇о. уббаж̇ж̇ад̇ийд̇и нижчид̇о палабхаавзна ‘‘яад̣̇и уббаж̇ж̇амаанаа ход̇и, зд̇т̇а уббаж̇ж̇ад̇ий’’д̇и. со хи д̇зна убаяож̇ид̇о вияа ход̇и.

    Tasmiṃ tasmiṃ piyarūpe paṭhamuppattivasena ‘‘uppajjatī’’ti vuttā, punappunaṃ pavattivasena ‘‘nivisatī’’ti, pariyuṭṭhānānusayavasena vā uppattinivesā yojetabbā. Sampattiyanti manussasobhagge devatte ca. Attano cakkhunti savatthukaṃ cakkhumāha, sapasādaṃ vā maṃsapiṇḍaṃ. Vippasannapañcapasādanti parisuddhanīlapītalohitakaṇhaodātavaṇṇapasādaṃ. Rajatapanāḷikaṃ viya chiddaṃ abbhantare odātattā. Pāmaṅgasuttaṃ viya lambakaṇṇabaddhaṃ. Tuṅgā uccā dīghā nāsikā tuṅganāsikā, evaṃ laddhavohāraṃ attano ghānaṃ. ‘‘Laddhavohārā’’ti vā pāṭho. Tasmiṃ sati tuṅgā nāsikā yesaṃ, te tuṅganāsikā. Evaṃ laddhavohārā sattā attano ghānanti yojanā kātabbā. Jivhaṃ…pe… maññanti vaṇṇā saṇṭhānato kiccato ca. Manaṃ…pe… uḷāraṃ maññanti atītādiatthavicinanasamatthaṃ. Attanā paṭiladdhānīti ajjhattañca sarīragandhādīni bahiddhā ca vilepanagandhādīni. Uppajjamānā uppajjatīti yadā uppajjamānā hoti, tadā ettha uppajjatīti sāmaññena gahitā uppādakiriyā lakkhaṇabhāvena vuttā, visayavisiṭṭhā lakkhitabbabhāvena. Na hi sāmaññavisesehi nānattavohāro na hotīti. Uppajjamānāti vā anicchito uppādo hetubhāvena vutto. Uppajjatīti nicchito phalabhāvena ‘‘yadi uppajjamānā hoti, ettha uppajjatī’’ti. So hi tena upayojito viya hoti.

    самуд̣̇аяасажжанид̣̇д̣̇зсаван̣н̣анаа нидтид̇аа.

    Samudayasaccaniddesavaṇṇanā niṭṭhitā.

    3. нирод̇хасажжанид̣̇д̣̇зсаван̣н̣анаа

    3. Nirodhasaccaniddesavaṇṇanā

    204. ануухад̇зд̇и ануд̣̇д̇хад̇з, аббахийнзд̇и ад̇т̇о.

    204. Anūhateti anuddhate, appahīneti attho.

    сийхо взд̇хагз бадибаж̇ж̇ад̇и, на усумхи, суваано лзд̣д̣умхи бадибаж̇ж̇ад̇и, на бахаарагз. каяаг̇аманавасзна вираж̇ж̇ад̇и, аббавад̇д̇иг̇аманавасзна нируж̇жхад̇и. анабзгкад̇ааяа жаж̇анавасзна хаанивасзна жа жаж̇ийяад̇и, буна яат̇аа на бавад̇д̇ад̇и, д̇ат̇аа д̣̇ууракибанавасзна бадиниссаж̇ж̇ийяад̇и, б̣анд̇ханабхууд̇ааяа можанавасзна мужжад̇и, асам̣гилзсавасзна на аллийяад̇и. ааяууханам̣ самуд̣̇аяо, д̇аббадибагкавасзна анааяууханам̣.

    Sīho vedhake paṭipajjati, na usumhi, suvāno leḍḍumhi paṭipajjati, na pahārake. Khayagamanavasena virajjati, appavattigamanavasena nirujjhati. Anapekkhatāya cajanavasena hānivasena ca cajīyati, puna yathā na pavattati, tathā dūrakhipanavasena paṭinissajjīyati, bandhanabhūtāya mocanavasena muccati, asaṃkilesavasena na allīyati. Āyūhanaṃ samudayo, tappaṭipakkhavasena anāyūhanaṃ.

    абан̃н̃ад̇д̇инд̇и абан̃н̃аабанам̣, ‘‘д̇ид̇д̇аалааб̣у ад̇т̇ий’’д̇и вохаараабхаавам̣ ваа. д̇ид̇д̇аалааб̣уваллияаа аббавад̇д̇им̣ ижчанд̇о бурисо вияа маг̇г̇о д̣̇адтаб̣б̣о, д̇асса д̇ассаа аббавад̇д̇ининнажид̇д̇асса муулажчзд̣̇анам̣ вияа маг̇г̇асса ниб̣б̣аанаарамман̣асса д̇ан̣хаабахаанам̣. д̇ад̣̇ааббавад̇д̇и вияа д̇ан̣хааяа аббавад̇д̇ибхууд̇ам̣ ниб̣б̣аанам̣ д̣̇адтаб̣б̣ам̣. д̣̇уд̇ияуубамааяа д̣̇агкин̣ад̣̇ваарам̣ вияа ниб̣б̣аанам̣, жорагхаад̇агаа вияа маг̇г̇о д̣̇адтаб̣б̣о, буримаа ваа убамаа маг̇г̇зна нируд̣̇д̇хааяа бияаруубасаад̇аруубзсу нируд̣̇д̇хаад̇и вад̇д̇аб̣б̣ад̇аад̣̇ассанад̇т̇ам̣ вуд̇д̇аа, бажчимаа ниб̣б̣аанам̣ ааг̇амма нируд̣̇д̇хааяаби.

    Apaññattinti apaññāpanaṃ, ‘‘tittaalābu atthī’’ti vohārābhāvaṃ vā. Tittaalābuvalliyā appavattiṃ icchanto puriso viya maggo daṭṭhabbo, tassa tassā appavattininnacittassa mūlacchedanaṃ viya maggassa nibbānārammaṇassa taṇhāpahānaṃ. Tadāppavatti viya taṇhāya appavattibhūtaṃ nibbānaṃ daṭṭhabbaṃ. Dutiyūpamāya dakkhiṇadvāraṃ viya nibbānaṃ, coraghātakā viya maggo daṭṭhabbo, purimā vā upamā maggena niruddhāya piyarūpasātarūpesu niruddhāti vattabbatādassanatthaṃ vuttā, pacchimā nibbānaṃ āgamma niruddhāyapi.

    нирод̇хасажжанид̣̇д̣̇зсаван̣н̣анаа нидтид̇аа.

    Nirodhasaccaniddesavaṇṇanā niṭṭhitā.

    4. маг̇г̇асажжанид̣̇д̣̇зсаван̣н̣анаа

    4. Maggasaccaniddesavaṇṇanā

    205. ан̃н̃амаг̇г̇абадигкзбанад̇т̇анд̇и д̇ид̇т̇иязхи габбид̇асса маг̇г̇асса д̣̇угканирод̇хаг̇ааминибадибад̣̇аабхаавам̣ бадигкзбзд̇унд̇и ад̇т̇о, ан̃н̃асса ваа маг̇г̇абхаавабадигкзбо ан̃н̃амаг̇г̇абадигкзбо. буг̇г̇аласса арияабхаавагарад̇д̇аа арияам̣ гарод̇ийд̇и арияо, арияапалабадилаабхагарад̇д̇аа арияам̣ лабхаабзд̇и ж̇анзд̇ийд̇и арияо. ад̇д̇ано гижжавасзна палавасзна жа арияанаамалаабхо зва вуд̇д̇од̇и д̣̇адтаб̣б̣о. адта ан̇г̇аани ассаад̇и ан̃н̃абад̣̇ад̇т̇асамаасам̣ агад̇ваа ‘‘адтан̇г̇аани асса санд̇ийд̇и адтан̇г̇иго’’д̇и бад̣̇асид̣̇д̇хи д̣̇адтаб̣б̣аа.

    205. Aññamaggapaṭikkhepanatthanti titthiyehi kappitassa maggassa dukkhanirodhagāminipaṭipadābhāvaṃ paṭikkhepetunti attho, aññassa vā maggabhāvapaṭikkhepo aññamaggapaṭikkhepo. Puggalassa ariyabhāvakarattā ariyaṃ karotīti ariyo, ariyaphalapaṭilābhakarattā ariyaṃ labhāpeti janetīti ariyo. Attano kiccavasena phalavasena ca ariyanāmalābho eva vuttoti daṭṭhabbo. Aṭṭha aṅgāni assāti aññapadatthasamāsaṃ akatvā ‘‘aṭṭhaṅgāni assa santīti aṭṭhaṅgiko’’ti padasiddhi daṭṭhabbā.

    жад̇уран̇г̇асаманнааг̇ад̇аа ваажаа ж̇анам̣ сан̇г̇ан̣хаад̇ийд̇и д̇аб̣б̣ибагкавирад̇исабхааваа саммааваажаа бхзд̣̇агарамижчааваажаабахаанзна ж̇анз самбаяуд̇д̇з жа бариг̇г̇ан̣ханагижжавад̇ий ход̇ийд̇и ‘‘бариг̇г̇ахалагкан̣аа’’д̇и вуд̇д̇аа. яат̇аа жийварагаммаад̣̇иго гамманд̇о згам̣ гаад̇аб̣б̣ам̣ самудтаабзд̇и нибпаад̣̇зд̇и, д̇ам̣д̇ам̣гирияаанибпаад̣̇аго ваа жзд̇анаасан̇каад̇о гамманд̇о хад̇т̇абаад̣̇ажаланаад̣̇игам̣ гирияам̣ самудтаабзд̇и, звам̣ сааваж̇ж̇агад̇д̇аб̣б̣агирияаасамудтаабагамижчаагамманд̇аббахаанзна саммаагамманд̇о нираваж̇ж̇асамудтаабанагижжаваа ход̇и, самбаяуд̇д̇ад̇хаммз жа самудтаабзнд̇о зва бавад̇д̇ад̇ийд̇и ‘‘самудтаабаналагкан̣о’’д̇и вуд̇д̇о. гааяаваажаанам̣ канд̇хасанд̇аанасса жа сам̣гилзсабхууд̇амижчааааж̇ийваббахаанзна саммааааж̇ийво ‘‘вод̣̇аабаналагкан̣о’’д̇и вуд̇д̇о.

    Caturaṅgasamannāgatā vācā janaṃ saṅgaṇhātīti tabbipakkhaviratisabhāvā sammāvācā bhedakaramicchāvācāpahānena jane sampayutte ca pariggaṇhanakiccavatī hotīti ‘‘pariggahalakkhaṇā’’ti vuttā. Yathā cīvarakammādiko kammanto ekaṃ kātabbaṃ samuṭṭhāpeti nipphādeti, taṃtaṃkiriyānipphādako vā cetanāsaṅkhāto kammanto hatthapādacalanādikaṃ kiriyaṃ samuṭṭhāpeti, evaṃ sāvajjakattabbakiriyāsamuṭṭhāpakamicchākammantappahānena sammākammanto niravajjasamuṭṭhāpanakiccavā hoti, sampayuttadhamme ca samuṭṭhāpento eva pavattatīti ‘‘samuṭṭhāpanalakkhaṇo’’ti vutto. Kāyavācānaṃ khandhasantānassa ca saṃkilesabhūtamicchāājīvappahānena sammāājīvo ‘‘vodāpanalakkhaṇo’’ti vutto.

    ад̇д̇ано бажжанийгагилзсаа д̣̇идтзгадтаа авиж̇ж̇аад̣̇аяо. бассад̇ийд̇и багаасзд̇ийд̇и ад̇т̇о. д̇знзва хи ан̇г̇зна д̇ад̇т̇а бажжавзгкан̣аа бавад̇д̇ад̇ийд̇и. д̇ат̇зваад̇и ад̇д̇ано бажжанийгагилзсзхи сад̣̇д̇хинд̇и ад̇т̇о.

    Attano paccanīkakilesā diṭṭhekaṭṭhā avijjādayo. Passatīti pakāsetīti attho. Teneva hi aṅgena tattha paccavekkhaṇā pavattatīti. Tathevāti attano paccanīkakilesehi saddhinti attho.

    гижжад̇од̇и буб̣б̣абхааг̇зхи д̣̇угкаад̣̇ин̃аан̣зхи гад̇д̇аб̣б̣агижжасса ид̇ха нибпад̇д̇ид̇о, имассзва ваа н̃аан̣асса д̣̇угкаад̣̇иббагаасанагижжад̇о. д̇ийн̣и наамаани лабхад̇и гаамасан̇габбаад̣̇иббахаанагижжанибпад̇д̇ид̇о. сигкаабад̣̇авибхан̇г̇з (вибха. 703 аад̣̇аяо) ‘‘вирад̇ижзд̇анаа саб̣б̣з самбаяуд̇д̇ад̇хаммаа жа сигкаабад̣̇ааний’’д̇и вуд̇д̇аад̇и д̇ад̇т̇а бад̇хаанаанам̣ вирад̇ижзд̇анаанам̣ васзна ‘‘вирад̇ияоби хонд̇и жзд̇анааяобий’’д̇и ааха. мусааваад̣̇аад̣̇ийхи вираман̣агаалз ваа вирад̇ияо субхаасид̇аад̣̇иваажаабхаасанаад̣̇игаалз жа жзд̇анааяо яож̇зд̇аб̣б̣аа, маг̇г̇агкан̣з вирад̇ияова жзд̇анаанам̣ амаг̇г̇ан̇г̇ад̇д̇аа згасса н̃аан̣асса д̣̇угкаад̣̇ин̃аан̣ад̇аа вияа згааяа вирад̇ияаа мусааваад̣̇аад̣̇ивирад̇ибхааво вияа жа згааяа жзд̇анааяа саммааваажаад̣̇игижжад̇д̇аяасаад̇ханасабхааваабхааваа саммааваажаад̣̇ибхааваасид̣̇д̇хид̇о, д̇ам̣сид̣̇д̇хияан̃жа ан̇г̇ад̇д̇аяад̇д̇аасид̣̇д̇хид̇о жа.

    Kiccatoti pubbabhāgehi dukkhādiñāṇehi kattabbakiccassa idha nipphattito, imasseva vā ñāṇassa dukkhādippakāsanakiccato. Tīṇi nāmāni labhati kāmasaṅkappādippahānakiccanipphattito. Sikkhāpadavibhaṅge (vibha. 703 ādayo) ‘‘viraticetanā sabbe sampayuttadhammā ca sikkhāpadānī’’ti vuttāti tattha padhānānaṃ viraticetanānaṃ vasena ‘‘viratiyopi honti cetanāyopī’’ti āha. Musāvādādīhi viramaṇakāle vā viratiyo subhāsitādivācābhāsanādikāle ca cetanāyo yojetabbā, maggakkhaṇe viratiyova cetanānaṃ amaggaṅgattā ekassa ñāṇassa dukkhādiñāṇatā viya ekāya viratiyā musāvādādiviratibhāvo viya ca ekāya cetanāya sammāvācādikiccattayasādhanasabhāvābhāvā sammāvācādibhāvāsiddhito, taṃsiddhiyañca aṅgattayattāsiddhito ca.

    буб̣б̣абхааг̇зби маг̇г̇агкан̣зби саммаасамаад̇хи зваад̇и яад̣̇иби самаад̇хиубагаарагаанам̣ абхиниробанаанумаж̇ж̇анасамбияааяанаб̣рууханасанд̇асукаанам̣ вид̇аггаад̣̇ийнам̣ васзна жад̇уухи жхаанзхи саммаасамаад̇хи вибхад̇д̇о, д̇ат̇ааби вааяаамо вияа ануббаннаагусалаануббаад̣̇анаад̣̇ижад̇увааяаамагижжам̣, сад̇и вияа жа асубхаасукаанижжаанад̇д̇зсу гааяаад̣̇ийсу субхаад̣̇исан̃н̃аабахаанажад̇усад̇игижжам̣, зго самаад̇хи жад̇уггаж̇жхаанасамаад̇хигижжам̣ на саад̇хзд̇ийд̇и буб̣б̣абхааг̇зби батамаж̇жхаанасамаад̇хижид̇д̇з жхаанасамаад̇хи батамаж̇жхаанасамаад̇хи зва маг̇г̇агкан̣зби, д̇ат̇аа буб̣б̣абхааг̇зби жад̇уд̇т̇аж̇жхаанасамаад̇хижид̇д̇з жхаанасамаад̇хи жад̇уд̇т̇аж̇жхаанасамаад̇хи зва маг̇г̇агкан̣збийд̇и ад̇т̇о.

    Pubbabhāgepi maggakkhaṇepi sammāsamādhi evāti yadipi samādhiupakārakānaṃ abhiniropanānumajjanasampiyāyanabrūhanasantasukhānaṃ vitakkādīnaṃ vasena catūhi jhānehi sammāsamādhi vibhatto, tathāpi vāyāmo viya anuppannākusalānuppādanādicatuvāyāmakiccaṃ, sati viya ca asubhāsukhāniccānattesu kāyādīsu subhādisaññāpahānacatusatikiccaṃ, eko samādhi catukkajjhānasamādhikiccaṃ na sādhetīti pubbabhāgepi paṭhamajjhānasamādhicitte jhānasamādhi paṭhamajjhānasamādhi eva maggakkhaṇepi, tathā pubbabhāgepi catutthajjhānasamādhicitte jhānasamādhi catutthajjhānasamādhi eva maggakkhaṇepīti attho.

    важийбхзд̣̇асса убагаараго вид̇агго сааваж̇ж̇аанаваж̇ж̇аважийбхзд̣̇анивад̇д̇анабавад̇д̇анагарааяа саммааваажааяаби убагаараго зваад̇и ‘‘свааяа’’нд̇иаад̣̇имааха. важийбхзд̣̇анияаамигаа ваажаа гааяигагирияаанияаамагасса саммаагамманд̇асса убагааригаа. ид̣̇ам̣ вийрияанд̇и жад̇усаммаббад̇хаанавийрияам̣. г̇ад̇ияод̇и нибпад̇д̇ияо, гижжаад̣̇исабхаавз ваа. саманвзсид̇ваад̇и убад̇хаарзд̇ваа.

    Vacībhedassa upakārako vitakko sāvajjānavajjavacībhedanivattanapavattanakarāya sammāvācāyapi upakārako evāti ‘‘svāya’’ntiādimāha. Vacībhedaniyāmikā vācā kāyikakiriyāniyāmakassa sammākammantassa upakārikā. Idaṃ vīriyanti catusammappadhānavīriyaṃ. Gatiyoti nipphattiyo, kiccādisabhāve vā. Samanvesitvāti upadhāretvā.

    буримаани д̣̇вз сажжаани уг̇г̇ан̣хид̇ваад̇и самб̣анд̇хо. идтам̣ ганд̇анд̇и нирод̇хамаг̇г̇зсу ниннабхаавам̣ д̣̇ассзд̇и, на абхинанд̣̇анам̣, д̇анниннабхаавоязва жа д̇ад̇т̇а гаммагаран̣ам̣ д̣̇адтаб̣б̣ам̣.

    Purimāni dve saccāni uggaṇhitvāti sambandho. Iṭṭhaṃ kantanti nirodhamaggesu ninnabhāvaṃ dasseti, na abhinandanaṃ, tanninnabhāvoyeva ca tattha kammakaraṇaṃ daṭṭhabbaṃ.

    гижжад̇од̇и барин̃н̃аад̣̇ид̇о. аарамман̣абадивзд̇ход̇и сажчигирияаабадивзд̇хамааха. саб̣б̣амби бадивзд̇хан̃аан̣ам̣ логуд̇д̇аранд̇и гасмаа вуд̇д̇ам̣, нану уг̇г̇ахаад̣̇ибадивзд̇хо жа бадивзд̇хова, на жа со логуд̇д̇арод̇и? на, гзвалзна бадивзд̇ха-сад̣̇д̣̇зна уг̇г̇ахаад̣̇ибадивзд̇хаанам̣ аважанийяад̇д̇аа, бадивзд̇ханимид̇д̇ад̇д̇аа ваа уг̇г̇ахаад̣̇ивасзна бавад̇д̇ам̣ д̣̇угкаад̣̇ийсу буб̣б̣абхааг̇з н̃аан̣ам̣ ‘‘бадивзд̇хо’’д̇и вуд̇д̇ам̣, на бадивзд̇хад̇д̇аа, бадивзд̇хабхууд̇амзва бана н̃аан̣ам̣ санд̇хааяааха ‘‘саб̣б̣амби бадивзд̇хан̃аан̣ам̣ логуд̇д̇ара’’нд̇и. уг̇г̇ахабарибужчаан̃аан̣ааниби саванан̃аан̣з зва аварод̇хам̣ г̇ажчанд̇ийд̇и ‘‘саванад̇хааран̣асаммасанан̃аан̣ам̣ логияа’’нд̇и д̇ивид̇хамзва н̃аан̣амааха. уг̇г̇ахаад̣̇ийхи сажжабариг̇г̇ан̣ханам̣ бариг̇г̇ахо.

    Kiccatoti pariññādito. Ārammaṇapaṭivedhoti sacchikiriyāpaṭivedhamāha. Sabbampi paṭivedhañāṇaṃ lokuttaranti kasmā vuttaṃ, nanu uggahādipaṭivedho ca paṭivedhova, na ca so lokuttaroti? Na, kevalena paṭivedha-saddena uggahādipaṭivedhānaṃ avacanīyattā, paṭivedhanimittattā vā uggahādivasena pavattaṃ dukkhādīsu pubbabhāge ñāṇaṃ ‘‘paṭivedho’’ti vuttaṃ, na paṭivedhattā, paṭivedhabhūtameva pana ñāṇaṃ sandhāyāha ‘‘sabbampi paṭivedhañāṇaṃ lokuttara’’nti. Uggahaparipucchāñāṇānipi savanañāṇe eva avarodhaṃ gacchantīti ‘‘savanadhāraṇasammasanañāṇaṃ lokiya’’nti tividhameva ñāṇamāha. Uggahādīhi saccapariggaṇhanaṃ pariggaho.

    баяог̇од̇и гирияаа, вааяаамо ваа. д̇асса маханд̇ад̇арасса ижчид̇аб̣б̣ад̇ам̣ д̣̇уггарад̇арад̇ан̃жа убамаахи д̣̇ассзд̇и ‘‘бхаваг̇г̇аг̇ахан̣ад̇т̇а’’нд̇иаад̣̇инаа.

    Payogoti kiriyā, vāyāmo vā. Tassa mahantatarassa icchitabbataṃ dukkarataratañca upamāhi dasseti ‘‘bhavaggagahaṇattha’’ntiādinā.

    бад̣̇агхаад̇анд̇и зд̇т̇а г̇ад̇амаг̇г̇о ‘‘бад̣̇а’’нд̇и вужжад̇и. язна жубааязна гааран̣зна гаамавид̇агго уббаж̇ж̇ад̇и, со д̇асса г̇ад̇амаг̇г̇од̇и д̇асса гхаад̇о бад̣̇агхаад̇о. уссуггаабзд̇ваад̇и уд̣̇д̇хам̣ уд̣̇д̇хам̣ санд̇ивисзсаяуд̇д̇ам̣ гад̇ваа, вад̣дхзд̇ваад̇и ад̇т̇о.

    Padaghātanti ettha gatamaggo ‘‘pada’’nti vuccati. Yena cupāyena kāraṇena kāmavitakko uppajjati, so tassa gatamaggoti tassa ghāto padaghāto. Ussukkāpetvāti uddhaṃ uddhaṃ santivisesayuttaṃ katvā, vaḍḍhetvāti attho.

    баал̣ияам̣ вибхад̇д̇зсууд̇и гад̇арабаал̣ияам̣? д̇хаммасан̇г̇ахз д̇аава адта гасин̣аани д̣̇аса асубхаа жад̇д̇ааро б̣рахмавихаараа жад̇д̇аари ааруббаани вибхад̇д̇аани, ааг̇амзсу д̣̇аса ануссад̇ияо аахаарз бадигууласан̃н̃аа жад̇уд̇хаад̇увавад̇т̇аананд̇и имаани жаад̇и д̇ад̇т̇а д̇ад̇т̇а вибхад̇д̇ам̣. имзсу д̇ийсууд̇и гаамаад̣̇ийсу д̇ийсу таанзсу.

    Pāḷiyaṃ vibhattesūti katarapāḷiyaṃ? Dhammasaṅgahe tāva aṭṭha kasiṇāni dasa asubhā cattāro brahmavihārā cattāri āruppāni vibhattāni, āgamesu dasa anussatiyo āhāre paṭikūlasaññā catudhātuvavatthānanti imāni cāti tattha tattha vibhattaṃ. Imesu tīsūti kāmādīsu tīsu ṭhānesu.

    мижчааваажаасан̇каад̇ааяаад̇и зд̇зна згааяа жзд̇анааяа бахаад̇аб̣б̣азгад̇д̇ам̣ д̣̇ассзд̇и. ид̇ха арияасааваго сагаляаан̣абут̇уж̇ж̇анаго сзгко. гааяад̣̇вааравийд̇иггамаад̇и ааж̇ийвахзд̇угад̇о баан̣аад̇ибаад̇аад̣̇ид̇о висум̣ висум̣ вираман̣ам̣ яож̇зд̇аб̣б̣ам̣.

    Micchāvācāsaṅkhātāyāti etena ekāya cetanāya pahātabbaekattaṃ dasseti. Idha ariyasāvako sakalyāṇaputhujjanako sekkho. Kāyadvāravītikkamāti ājīvahetukato pāṇātipātādito visuṃ visuṃ viramaṇaṃ yojetabbaṃ.

    аяам̣ банассаад̇и маг̇г̇абхаавзна жад̇уб̣б̣ид̇хамби згад̇д̇зна г̇ахзд̇ваа асса маг̇г̇асса аяам̣ жхаанавасзна саб̣б̣асад̣̇исасаб̣б̣аасад̣̇исазгажжасад̣̇исад̇аа висзсо. баад̣̇агаж̇жхаананияаамзна ход̇ийд̇и ид̇ха баад̣̇агаж̇жхаананияаамам̣ д̇хурам̣ гад̇ваа ааха, адтасаалинияам̣ бана вибассанаанияаамам̣ д̇ад̇т̇а саб̣б̣аваад̣̇аавирод̇хад̇о, ид̇ха бана саммасид̇аж̇жхаанабуг̇г̇алаж̇жхаасаяаваад̣̇анивад̇д̇анад̇о баад̣̇агаж̇жхаананияаамам̣. вибассанаанияаамо бана саад̇хааран̣ад̇д̇аа ид̇хааби на бадигкид̇д̇од̇и д̣̇адтаб̣б̣о. ан̃н̃з жаажарияаваад̣̇аа вагкамаанаа вибхаж̇ид̇аб̣б̣аад̇и яат̇аавуд̇д̇амзва д̇аава баад̣̇агаж̇жхаананияаамам̣ вибхаж̇анд̇о ааха ‘‘баад̣̇агаж̇жхаананияаамзна д̇ааваа’’д̇и.

    Ayaṃ panassāti maggabhāvena catubbidhampi ekattena gahetvā assa maggassa ayaṃ jhānavasena sabbasadisasabbāsadisaekaccasadisatā viseso. Pādakajjhānaniyāmena hotīti idha pādakajjhānaniyāmaṃ dhuraṃ katvā āha, aṭṭhasāliniyaṃ pana vipassanāniyāmaṃ tattha sabbavādāvirodhato, idha pana sammasitajjhānapuggalajjhāsayavādanivattanato pādakajjhānaniyāmaṃ. Vipassanāniyāmo pana sādhāraṇattā idhāpi na paṭikkhittoti daṭṭhabbo. Aññe cācariyavādā vakkhamānā vibhajitabbāti yathāvuttameva tāva pādakajjhānaniyāmaṃ vibhajanto āha ‘‘pādakajjhānaniyāmena tāvā’’ti.

    ааруббз жад̇уггабан̃жага…бз… вуд̇д̇ам̣ адтасаалинияанд̇и ад̇хиббааяо. нану д̇ад̇т̇а ‘‘ааруббз д̇игажад̇уггаж̇жхаанам̣ уббаж̇ж̇ад̇ий’’д̇и вуд̇д̇ам̣, на ‘‘жад̇уггабан̃жагаж̇жхаана’’нд̇и? сажжам̣, язсу бана сам̣саяо ад̇т̇и, д̇зсам̣ уббад̇д̇ид̣̇ассанзна, д̇знад̇т̇ад̇о жад̇уггабан̃жагаж̇жхаанам̣ уббаж̇ж̇ад̇ийд̇и вуд̇д̇амзва ход̇ийд̇и звамаахаад̇и взд̣̇ид̇аб̣б̣ам̣. самуд̣̇ааяан̃жа абзгкид̇ваа ‘‘д̇ан̃жа логуд̇д̇арам̣, на логияа’’нд̇и ааха. жад̇уд̇т̇аж̇жхаанамзва хи логияам̣ д̇ад̇т̇а уббаж̇ж̇ад̇и, на жад̇уггам̣ бан̃жаган̃жаад̇и. зд̇т̇а гат̇анд̇и баад̣̇агаж̇жхаанасса абхааваа гат̇ам̣ д̣̇адтаб̣б̣анд̇и ад̇т̇о. д̇ам̣жхаанигаава д̇асса д̇ад̇т̇а д̇аяо маг̇г̇аа уббаж̇ж̇анд̇и д̇аж̇жхаанигам̣ батамапалаад̣̇им̣ баад̣̇агам̣ гад̇ваа убаримаг̇г̇абхааванааяаад̇и ад̇хиббааяо, д̇игажад̇уггаж̇жхаанигам̣ бана маг̇г̇ам̣ бхаавзд̇ваа д̇ад̇т̇уббаннасса аруубаж̇жхаанам̣ д̇аж̇жхаанигам̣ палан̃жа баад̣̇агам̣ гад̇ваа убаримаг̇г̇абхааванааяа ан̃н̃ажхаанигааби уббаж̇ж̇анд̇ийд̇и жхаанан̇г̇аад̣̇инияаамигаа буб̣б̣аабхисан̇каарасамаабад̇д̇и баад̣̇агам̣, на саммасид̇аб̣б̣аад̇и палассаби баад̣̇агад̇аа д̣̇адтаб̣б̣аа.

    Āruppe catukkapañcaka…pe… vuttaṃ aṭṭhasāliniyanti adhippāyo. Nanu tattha ‘‘āruppe tikacatukkajjhānaṃ uppajjatī’’ti vuttaṃ, na ‘‘catukkapañcakajjhāna’’nti? Saccaṃ, yesu pana saṃsayo atthi, tesaṃ uppattidassanena, tenatthato catukkapañcakajjhānaṃ uppajjatīti vuttameva hotīti evamāhāti veditabbaṃ. Samudāyañca apekkhitvā ‘‘tañca lokuttaraṃ, na lokiya’’nti āha. Catutthajjhānameva hi lokiyaṃ tattha uppajjati, na catukkaṃ pañcakañcāti. Etthakathanti pādakajjhānassa abhāvā kathaṃ daṭṭhabbanti attho. Taṃjhānikāva tassa tattha tayo maggā uppajjanti tajjhānikaṃ paṭhamaphalādiṃ pādakaṃ katvā uparimaggabhāvanāyāti adhippāyo, tikacatukkajjhānikaṃ pana maggaṃ bhāvetvā tatthuppannassa arūpajjhānaṃ tajjhānikaṃ phalañca pādakaṃ katvā uparimaggabhāvanāya aññajhānikāpi uppajjantīti jhānaṅgādiniyāmikā pubbābhisaṅkhārasamāpatti pādakaṃ, na sammasitabbāti phalassapi pādakatā daṭṭhabbā.

    д̣̇угкан̃аан̣аад̣̇ийнам̣ руубаад̣̇ичал̣аарамман̣ад̇д̇аа нзгкаммасан̇габбаад̣̇ийнам̣ гасин̣аад̣̇ид̇ам̣д̇ам̣гусалаарамман̣аарамман̣ад̇д̇аа саммааваажаад̣̇ийнам̣ ан̇г̇аанам̣ д̇ам̣д̇ам̣вирамид̇аб̣б̣аад̣̇иаарамман̣ад̇д̇аа ‘‘яат̇аанурууба’’нд̇и ааха. д̇ад̣̇ануруубод̇и авиббадисаарагарасийлам̣ вааяаамасса висзсабажжаяод̇и сийлаануруубад̇аа вааяаамасса вуд̇д̇аа самбаяуд̇д̇ассаби, самбаяуд̇д̇ассзва жа важанад̇о ‘‘сийлабхуумияам̣ бад̇идтид̇ассаа’’д̇и авад̇ваа ‘‘бад̇идтамаанассаа’’д̇и вуд̇д̇ам̣. жзд̇асо асаммосод̇и ‘‘згаарагко’’д̇и зд̇т̇а вуд̇д̇зна сад̇аарагкзна жзд̇асо рагкид̇ад̇аа. д̇знааха ‘‘ид̇и…бз… сувихид̇ажид̇д̇аарагкассаа’’д̇и.

    Dukkhañāṇādīnaṃ rūpādichaḷārammaṇattā nekkhammasaṅkappādīnaṃ kasiṇāditaṃtaṃkusalārammaṇārammaṇattā sammāvācādīnaṃ aṅgānaṃ taṃtaṃviramitabbādiārammaṇattā ‘‘yathānurūpa’’nti āha. Tadanurūpoti avippaṭisārakarasīlaṃ vāyāmassa visesapaccayoti sīlānurūpatā vāyāmassa vuttā sampayuttassapi, sampayuttasseva ca vacanato ‘‘sīlabhūmiyaṃ patiṭṭhitassā’’ti avatvā ‘‘patiṭṭhamānassā’’ti vuttaṃ. Cetaso asammosoti ‘‘ekārakkho’’ti ettha vuttena satārakkhena cetaso rakkhitatā. Tenāha ‘‘iti…pe… suvihitacittārakkhassā’’ti.

    аасавагкаяан̃аан̣асса виж̇ж̇аабхааво вуд̇д̇од̇и аасавагкаяасан̇каад̇з маг̇г̇з д̇ийхи канд̇хзхи сан̇г̇ахид̇з бан̃н̃аагканд̇хо виж̇ж̇аа, сийласса жад̇уннан̃жа жхаанаанам̣ жаран̣абхааво вуд̇д̇од̇и ид̇арз д̣̇вз канд̇хаа жаран̣ам̣. яанд̇и зд̇зна ниб̣б̣аанам̣ г̇ажчанд̇ийд̇и яаанам̣, вибассанаава яаанам̣ вибассанааяаанам̣. сийлам̣ самаад̇хисса висзсабажжаяо, самаад̇хи вибассанааяаад̇и самат̇асса убагаарад̇д̇аа сийлагканд̇хо жа самат̇аяаанзна сан̇г̇ахид̇о. вибассанааяаанзна гаамзсу аад̣̇ийнавам̣ вибхаавзнд̇о самат̇аяаанзна нираамисам̣ жхаанасукам̣ абарижжаж̇анд̇о анд̇ад̣̇ваяагуммаг̇г̇ам̣ виваж̇ж̇зд̇и. бан̃н̃аа вияа мохасса, сийласамаад̇хаяо жа д̣̇осалобхаанам̣ уж̇увибажжанийгаа ад̣̇осаалобхзхи саад̇хзд̇аб̣б̣ад̇д̇аа. сийласамаад̇хибан̃н̃ааяог̇ад̇о аад̣̇имаж̇жхабарияосаанагаляаан̣ам̣. сийлаад̣̇ийни хи саасанасса аад̣̇имаж̇жхабарияосаананд̇и. яасмим̣ тид̇о маг̇г̇адто паладто жа арияо ход̇и, д̇ам̣ маг̇г̇апаласан̇каад̇ам̣ канд̇хад̇д̇аяасан̇г̇ахид̇ам̣ саасанам̣ арияабхууми.

    Āsavakkhayañāṇassa vijjābhāvo vuttoti āsavakkhayasaṅkhāte magge tīhi khandhehi saṅgahite paññākkhandho vijjā, sīlassa catunnañca jhānānaṃ caraṇabhāvo vuttoti itare dve khandhā caraṇaṃ. Yanti etena nibbānaṃ gacchantīti yānaṃ, vipassanāva yānaṃ vipassanāyānaṃ. Sīlaṃ samādhissa visesapaccayo, samādhi vipassanāyāti samathassa upakārattā sīlakkhandho ca samathayānena saṅgahito. Vipassanāyānena kāmesu ādīnavaṃ vibhāvento samathayānena nirāmisaṃ jhānasukhaṃ apariccajanto antadvayakummaggaṃ vivajjeti. Paññā viya mohassa, sīlasamādhayo ca dosalobhānaṃ ujuvipaccanīkā adosālobhehi sādhetabbattā. Sīlasamādhipaññāyogato ādimajjhapariyosānakalyāṇaṃ. Sīlādīni hi sāsanassa ādimajjhapariyosānanti. Yasmiṃ ṭhito maggaṭṭho phalaṭṭho ca ariyo hoti, taṃ maggaphalasaṅkhātaṃ khandhattayasaṅgahitaṃ sāsanaṃ ariyabhūmi.

    маг̇г̇асажжанид̣̇д̣̇зсаван̣н̣анаа нидтид̇аа.

    Maggasaccaniddesavaṇṇanā niṭṭhitā.

    суд̇д̇анд̇абхааж̇анийяаван̣н̣анаа нидтид̇аа.

    Suttantabhājanīyavaṇṇanā niṭṭhitā.

    2. абхид̇хаммабхааж̇анийяаван̣н̣анаа

    2. Abhidhammabhājanīyavaṇṇanā

    206-214. арияасажжа-сад̣̇д̣̇о самуд̣̇аяз вад̇д̇амаано барин̃н̃зяяабхааварахид̇з зганд̇абахаад̇аб̣б̣з д̇ан̣хаасан̇каад̇з самуд̣̇аяз бавад̇д̇ад̇и, на бахаад̇аб̣б̣абарин̃н̃зяязсу авасзсагилзсаавасзсаагусалзсу аббахаад̇аб̣б̣зсу жа саасавагусаламуулаавасзсасаасавагусалзсууд̇и саббад̣̇зсо д̇ад̇т̇а самуд̣̇аяо ход̇и, гзвалам̣ сажжасад̣̇д̣̇з ниббад̣̇зсод̇и ааха ‘‘ниббад̣̇зсад̇о самуд̣̇аяам̣ д̣̇ассзд̇у’’нд̇и. д̣̇угканирод̇хаа бана арияасажжад̣̇зсанааяам̣ д̇хаммад̇о ниббад̣̇зсаа зва. на хи д̇ад̇о ан̃н̃о д̇хаммо ад̇т̇и, яо сажжад̣̇зсанааяам̣ д̣̇угкам̣ нирод̇ход̇и жа вад̇д̇аб̣б̣о сияаа, маг̇г̇оби адтан̇г̇игабан̃жан̇г̇игаваарзсу абуб̣б̣о над̇т̇и, д̇асмаа самуд̣̇аяамзва ‘‘ниббад̣̇зсад̇о д̣̇ассзд̇у’’нд̇и вад̣̇ад̇и д̇асса саб̣б̣ад̇т̇а д̇ийсуби ваарзсу абуб̣б̣асса д̣̇ассид̇ад̇д̇аа. абуб̣б̣асамуд̣̇аяад̣̇ассанад̇т̇ааяаби хи сажжад̣̇зсанааяам̣ ‘‘д̇ад̇т̇а гад̇амо д̣̇угкасамуд̣̇аяо? д̇ан̣хаа’’д̇и важанам̣ гзвалааяа д̇ан̣хааяа сажжа-сад̣̇д̣̇асса бавад̇д̇ид̣̇ассанад̇т̇анд̇и. д̣̇зсанаавасзна бана д̇ам̣ д̇ам̣ самуд̣̇аяам̣ табзд̇ваа д̣̇угкам̣ д̇асса д̇асса бахаанавасзна нирод̇хо адтан̇г̇игабан̃жан̇г̇игасаб̣б̣алогуд̇д̇арагусалавасзна маг̇г̇о жа арияасажжад̣̇зсанааяам̣ на вуд̇д̇од̇и д̣̇угкаад̣̇ийни жа д̇ад̇т̇а саббад̣̇зсаани д̣̇ассид̇аани хонд̇ийд̇и д̇аани жа ниббад̣̇зсаани д̣̇ассзд̇ум̣ сажжад̣̇зсанаа вуд̇д̇аад̇и вад̇д̇ум̣ ваддад̇и. бажжаяасан̇каад̇анд̇и гаммагилзсавасзна ж̇аад̇иаад̣̇ид̣̇угкасса муулабхууд̇анд̇и ад̇т̇о.

    206-214. Ariyasacca-saddo samudaye vattamāno pariññeyyabhāvarahite ekantapahātabbe taṇhāsaṅkhāte samudaye pavattati, na pahātabbapariññeyyesu avasesakilesāvasesākusalesu appahātabbesu ca sāsavakusalamūlāvasesasāsavakusalesūti sappadeso tattha samudayo hoti, kevalaṃ saccasadde nippadesoti āha ‘‘nippadesato samudayaṃ dassetu’’nti. Dukkhanirodhā pana ariyasaccadesanāyaṃ dhammato nippadesā eva. Na hi tato añño dhammo atthi, yo saccadesanāyaṃ dukkhaṃ nirodhoti ca vattabbo siyā, maggopi aṭṭhaṅgikapañcaṅgikavāresu apubbo natthi, tasmā samudayameva ‘‘nippadesato dassetu’’nti vadati tassa sabbattha tīsupi vāresu apubbassa dassitattā. Apubbasamudayadassanatthāyapi hi saccadesanāyaṃ ‘‘tattha katamo dukkhasamudayo? Taṇhā’’ti vacanaṃ kevalāya taṇhāya sacca-saddassa pavattidassanatthanti. Desanāvasena pana taṃ taṃ samudayaṃ ṭhapetvā dukkhaṃ tassa tassa pahānavasena nirodho aṭṭhaṅgikapañcaṅgikasabbalokuttarakusalavasena maggo ca ariyasaccadesanāyaṃ na vuttoti dukkhādīni ca tattha sappadesāni dassitāni hontīti tāni ca nippadesāni dassetuṃ saccadesanā vuttāti vattuṃ vaṭṭati. Paccayasaṅkhātanti kammakilesavasena jātiādidukkhassa mūlabhūtanti attho.

    нирод̇хасажжам̣…бз… бан̃жахаагаарзхи нид̣̇д̣̇идтанд̇и арияасажжад̣̇зсанад̇о сажжад̣̇зсанааяа висзсам̣ д̣̇ассзд̇и. д̇ад̇т̇а ‘‘д̇ин̣н̣аннан̃жа гусаламуулаанам̣ авасзсаанан̃жа саасавагусалаанам̣ бахаана’’нд̇и ид̣̇ам̣ д̇зсам̣ бажжаяаанам̣ авиж̇ж̇аад̇ан̣хааубаад̣̇аанаанам̣ бахаанавасзна, авиж̇ж̇аад̣̇ийсу ваа бахийнзсу д̇зсам̣ аббавад̇д̇ивасзна вуд̇д̇анд̇и взд̣̇ид̇аб̣б̣ам̣. на хи гусалаа бахаад̇аб̣б̣аад̇и. бахаананд̇и жа маг̇г̇агижжавасзна д̇ад̣̇ад̇хиг̇аманийяам̣ нирод̇хам̣ д̣̇ассзд̇и, нирод̇хассзва ваа д̇ан̣хаад̣̇ийнам̣ аббавад̇д̇ибхааво бахаананд̇и д̣̇адтаб̣б̣ам̣.

    Nirodhasaccaṃ…pe… pañcahākārehi niddiṭṭhanti ariyasaccadesanato saccadesanāya visesaṃ dasseti. Tattha ‘‘tiṇṇannañca kusalamūlānaṃ avasesānañca sāsavakusalānaṃ pahāna’’nti idaṃ tesaṃ paccayānaṃ avijjātaṇhāupādānānaṃ pahānavasena, avijjādīsu vā pahīnesu tesaṃ appavattivasena vuttanti veditabbaṃ. Na hi kusalā pahātabbāti. Pahānanti ca maggakiccavasena tadadhigamanīyaṃ nirodhaṃ dasseti, nirodhasseva vā taṇhādīnaṃ appavattibhāvo pahānanti daṭṭhabbaṃ.

    яад̣̇иби ‘‘буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇и, звамассааяам̣ арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и (ма. ни. 3.431) логуд̇д̇арамаг̇г̇агкан̣з адтан̇г̇игамаг̇г̇абаарибуурияаа убаниссаяад̣̇ассанад̇т̇ам̣ ид̣̇ам̣ вуд̇д̇ам̣, д̇ат̇ааби ‘‘буб̣б̣зва ко банаа’’д̇и важанам̣ гааяагаммаад̣̇исуд̣̇д̇хияаа д̣̇уурад̇арубаниссаяад̇ам̣, жагкаад̣̇ийсу асаараж̇ж̇анд̇асса асам̣яуд̇д̇асса асаммуул̣хасса аад̣̇ийнаваанубассино вихарад̇о д̇ааязва вудтаанаг̇ааминияаа вибассанааяа ааяад̇им̣ бан̃жубаад̣̇аанагканд̇хзсу абажаяам̣ г̇ажчанд̇зсу саб̣б̣асан̇каарзсу вивадданавасзна, боноб̣бхавигад̇ан̣хааяа бахийяамаанааяа гилзсад̣̇уурийбхаавзна, гааяигажзд̇асигад̣̇арат̇асанд̇аабабарил̣аахзсу бахийяамаанзсу бассад̣̇д̇хагааяажид̇д̇авасзна гааяигажзд̇асигасукз бадисам̣взд̣̇ияамаанз ‘‘яаа д̇ат̇аабхууд̇асса д̣̇идти, саасса ход̇и саммаад̣̇идтий’’д̇иаад̣̇инаа (ма. ни. 3.431) вуд̇д̇аанам̣ вудтаанаг̇ааминивибассанаагкан̣з бавад̇д̇аанам̣ бан̃жаннам̣ саммаад̣̇идтаад̣̇ийнам̣ ан̇г̇аанам̣ аасаннад̇арубаниссаяад̇ан̃жа д̣̇ассзд̇ийд̇и аасаннад̇арубаниссаяавасзна бан̃жан̇г̇игам̣ маг̇г̇ам̣ сукам̣ б̣уж̇жханд̇аанам̣ буг̇г̇алаанам̣ аж̇жхаасаяавасзна бан̃жан̇г̇игамаг̇г̇ад̣̇зсанааяа бавад̇д̇ад̇ам̣ д̣̇ийбзд̇и. д̇знааха ‘‘буб̣б̣зва ко…бз… субарисуд̣̇д̇хо ход̇ийд̇и важанад̇о’’д̇иаад̣̇и. звамид̣̇ам̣ важанад̇од̇и ниссаггаважанам̣ д̣̇зсанубааяасса н̃аабаганид̣̇ассанам̣ ход̇и, важанад̇од̇и ваа ад̇д̇ано важанаануруубам̣ бан̃жан̇г̇игоби маг̇г̇о бадибад̣̇аа зваад̇и бхаг̇авад̇аа д̣̇зсид̇од̇и ад̇т̇о. гад̇т̇аад̇и? д̣̇звабурз, д̇асмаа д̇ам̣ д̣̇зсид̇анаяам̣ д̣̇ассзд̇ум̣ бан̃жан̇г̇игаваароби нид̣̇д̣̇идто д̇хаммасан̇г̇аахагзхи. ат̇а ваа ‘‘буб̣б̣зва ко банассаа’’д̇и важанзнзва аж̇жхаасаяависзсагааран̣анид̣̇ассагзна буг̇г̇алаж̇жхаасаяавасзна бан̃жан̇г̇иго маг̇г̇оби бадибад̣̇аа зваад̇и д̣̇зсид̇о ход̇ийд̇и ааха ‘‘буб̣б̣зва ко бана…бз… важанад̇о бана…бз… д̣̇зсид̇о’’д̇и, д̇асмаа д̇ам̣ суд̇д̇анд̇з д̣̇зсид̇анаяам̣ д̣̇ассзд̇ум̣ бан̃жан̇г̇игаваароби нид̣̇д̣̇идто бхаг̇авад̇аа д̣̇звабурзд̇и ад̇т̇о.

    Yadipi ‘‘pubbeva kho panassa kāyakammaṃ vacīkammaṃ ājīvo suparisuddho hoti, evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti (ma. ni. 3.431) lokuttaramaggakkhaṇe aṭṭhaṅgikamaggapāripūriyā upanissayadassanatthaṃ idaṃ vuttaṃ, tathāpi ‘‘pubbeva kho panā’’ti vacanaṃ kāyakammādisuddhiyā dūratarupanissayataṃ, cakkhādīsu asārajjantassa asaṃyuttassa asammūḷhassa ādīnavānupassino viharato tāyeva vuṭṭhānagāminiyā vipassanāya āyatiṃ pañcupādānakkhandhesu apacayaṃ gacchantesu sabbasaṅkhāresu vivaṭṭanavasena, ponobbhavikataṇhāya pahīyamānāya kilesadūrībhāvena, kāyikacetasikadarathasantāpapariḷāhesu pahīyamānesu passaddhakāyacittavasena kāyikacetasikasukhe paṭisaṃvediyamāne ‘‘yā tathābhūtassa diṭṭhi, sāssa hoti sammādiṭṭhī’’tiādinā (ma. ni. 3.431) vuttānaṃ vuṭṭhānagāminivipassanākkhaṇe pavattānaṃ pañcannaṃ sammādiṭṭhādīnaṃ aṅgānaṃ āsannatarupanissayatañca dassetīti āsannatarupanissayavasena pañcaṅgikaṃ maggaṃ sukhaṃ bujjhantānaṃ puggalānaṃ ajjhāsayavasena pañcaṅgikamaggadesanāya pavattataṃ dīpeti. Tenāha ‘‘pubbeva kho…pe… suparisuddho hotīti vacanato’’tiādi. Evamidaṃ vacanatoti nissakkavacanaṃ desanupāyassa ñāpakanidassanaṃ hoti, vacanatoti vā attano vacanānurūpaṃ pañcaṅgikopi maggo paṭipadā evāti bhagavatā desitoti attho. Katthāti? Devapure, tasmā taṃ desitanayaṃ dassetuṃ pañcaṅgikavāropi niddiṭṭho dhammasaṅgāhakehi. Atha vā ‘‘pubbeva kho panassā’’ti vacaneneva ajjhāsayavisesakāraṇanidassakena puggalajjhāsayavasena pañcaṅgiko maggopi paṭipadā evāti desito hotīti āha ‘‘pubbeva kho pana…pe… vacanato pana…pe… desito’’ti, tasmā taṃ suttante desitanayaṃ dassetuṃ pañcaṅgikavāropi niddiṭṭho bhagavatā devapureti attho.

    жхаанзхи д̣̇зсанаабавзсо, бхааванаабавзсо ваа жхаанаабхинивзсо. згзгасмим̣ годтаасз жад̇уннам̣ жад̇уннам̣ наяасахассаанам̣ д̣̇ассанам̣ г̇ан̣анаасукад̇т̇анд̇и взд̣̇ид̇аб̣б̣ам̣. яат̇аа бана баал̣и тид̇аа, д̇ат̇аа згзгиссаа бадибад̣̇ааяа сун̃н̃ад̇аад̣̇ийсу жа бан̃жа бан̃жа годтаасз яож̇зд̇ваа баал̣иг̇аманам̣ гад̇анд̇и вин̃н̃ааяад̇и. д̇ад̇т̇а адтан̇г̇игаваарз д̣̇уд̇ияаж̇жхаанаад̣̇ийсу д̇асмим̣ самаяз сад̇д̇ан̇г̇иго маг̇г̇о ход̇ийд̇и яож̇анаа гаад̇аб̣б̣аа, саб̣б̣асан̇г̇аахигаваарз жа яат̇аа виж̇ж̇амаанад̇хаммавасзнаад̇и.

    Jhānehi desanāpaveso, bhāvanāpaveso vā jhānābhiniveso. Ekekasmiṃ koṭṭhāse catunnaṃ catunnaṃ nayasahassānaṃ dassanaṃ gaṇanāsukhatthanti veditabbaṃ. Yathā pana pāḷi ṭhitā, tathā ekekissā paṭipadāya suññatādīsu ca pañca pañca koṭṭhāse yojetvā pāḷigamanaṃ katanti viññāyati. Tattha aṭṭhaṅgikavāre dutiyajjhānādīsu tasmiṃ samaye sattaṅgiko maggo hotīti yojanā kātabbā, sabbasaṅgāhikavāre ca yathā vijjamānadhammavasenāti.

    абхид̇хаммабхааж̇анийяаван̣н̣анаа нидтид̇аа.

    Abhidhammabhājanīyavaṇṇanā niṭṭhitā.

    3. бан̃хабужчагаван̣н̣анаа

    3. Pañhapucchakavaṇṇanā

    215. звам̣ буримзсуби д̣̇вийсууд̇и гасмаа вуд̇д̇ам̣, нану суд̇д̇анд̇абхааж̇анийяз д̣̇угканирод̇хаг̇ааминибадибад̣̇аанид̣̇д̣̇зсз логияалогуд̇д̇арамиссаго маг̇г̇о вуд̇д̇о. д̇асса хи адтагат̇ааяам̣ (вибха. адта. 205) ‘‘жад̇уусу сажжзсу уг̇г̇ахаад̣̇ивасзна буб̣б̣абхааг̇ан̃аан̣уббад̇д̇им̣ санд̇хааяа ид̣̇ам̣ ‘д̣̇угкз н̃аан̣а’нд̇иаад̣̇и вуд̇д̇ам̣, бадивзд̇хагкан̣з бана згамзва н̃аан̣ам̣ ход̇ий’’д̇и саммаад̣̇идтияаа, д̇ат̇аа саммаасан̇габбаад̣̇ийнан̃жа логияалогуд̇д̇арамиссагад̇аа д̣̇ассид̇аа ‘‘абижзсаа саммаад̣̇идти наама буб̣б̣абхааг̇з наанаагкан̣аа наанаарамман̣аа ход̇и, маг̇г̇агкан̣з згагкан̣аа згаарамман̣аа’’д̇иаад̣̇инаа жаад̇и? сажжамзд̇ам̣, звам̣ бана ааг̇аманавасзна д̇ад̇т̇ааби жад̇усажжагаммадтаанад̣̇ассанаад̣̇имукзна арияова адтан̇г̇иго маг̇г̇о д̣̇ассид̇о. зван̃жа гад̇ваа ‘‘бадивзд̇хагкан̣з бана згамзва н̃аан̣ам̣ ход̇ий’’д̇и маг̇г̇ан̃аан̣асса згассзва д̣̇угкан̃аан̣аад̣̇ид̇аа, ‘‘маг̇г̇агкан̣з бана…бз… згова гусаласан̇габбо уббаж̇ж̇ад̇и, аяам̣ саммаасан̇габбо наамаа’’д̇иаад̣̇инаа маг̇г̇асан̇габбаад̣̇ийнам̣ саммаасан̇габбаад̣̇ид̇аа жа нид̣̇д̇хаарид̇аа, баал̣ияан̃жа адтан̇г̇игам̣ маг̇г̇ам̣ уд̣̇д̣̇исид̇ваа д̇амзва нид̣̇д̣̇исид̇ум̣ ‘‘д̣̇угкз н̃аан̣а’’нд̇иаад̣̇и вуд̇д̇ам̣. д̇зна суд̇д̇анд̇абхааж̇анийязби д̣̇виннам̣ логияад̇аа, д̣̇виннам̣ логуд̇д̇арад̇аа вуд̇д̇аа ‘‘звам̣ буримзсуби д̣̇вийсууд̇и зд̇знаад̇и.

    215. Evaṃpurimesupi dvīsūti kasmā vuttaṃ, nanu suttantabhājanīye dukkhanirodhagāminipaṭipadāniddese lokiyalokuttaramissako maggo vutto. Tassa hi aṭṭhakathāyaṃ (vibha. aṭṭha. 205) ‘‘catūsu saccesu uggahādivasena pubbabhāgañāṇuppattiṃ sandhāya idaṃ ‘dukkhe ñāṇa’ntiādi vuttaṃ, paṭivedhakkhaṇe pana ekameva ñāṇaṃ hotī’’ti sammādiṭṭhiyā, tathā sammāsaṅkappādīnañca lokiyalokuttaramissakatā dassitā ‘‘apicesā sammādiṭṭhi nāma pubbabhāge nānākkhaṇā nānārammaṇā hoti, maggakkhaṇe ekakkhaṇā ekārammaṇā’’tiādinā cāti? Saccametaṃ, evaṃ pana āgamanavasena tatthāpi catusaccakammaṭṭhānadassanādimukhena ariyova aṭṭhaṅgiko maggo dassito. Evañca katvā ‘‘paṭivedhakkhaṇe pana ekameva ñāṇaṃ hotī’’ti maggañāṇassa ekasseva dukkhañāṇāditā, ‘‘maggakkhaṇe pana…pe… ekova kusalasaṅkappo uppajjati, ayaṃ sammāsaṅkappo nāmā’’tiādinā maggasaṅkappādīnaṃ sammāsaṅkappāditā ca niddhāritā, pāḷiyañca aṭṭhaṅgikaṃ maggaṃ uddisitvā tameva niddisituṃ ‘‘dukkhe ñāṇa’’ntiādi vuttaṃ. Tena suttantabhājanīyepi dvinnaṃ lokiyatā, dvinnaṃ lokuttaratā vuttā ‘‘evaṃ purimesupi dvīsūti etenāti.

    бан̃хабужчагаван̣н̣анаа нидтид̇аа.

    Pañhapucchakavaṇṇanā niṭṭhitā.

    сажжавибхан̇г̇аван̣н̣анаа нидтид̇аа.

    Saccavibhaṅgavaṇṇanā niṭṭhitā.




    Next: 5. инд̣̇рияавибхан̇г̇о • 5. Indriyavibhaṅgo




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 4. сажжавибхан̇г̇о • 4. Saccavibhaṅgo

    адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
    1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
    2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
    3. бан̃хаабужчагаван̣н̣анаа • 3. Pañhāpucchakavaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 4. сажжавибхан̇г̇о • 4. Saccavibhaṅgo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact