| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. сажжаяамагам̣
5. Saccayamakaṃ
1. бан̣н̣ад̇д̇ивааро
1. Paṇṇattivāro
нид̣̇д̣̇зсаваараван̣н̣анаа
Niddesavāravaṇṇanā
10-26. ‘‘д̣̇угкам̣ д̣̇угкасажжанд̇и? ааманд̇аа’’д̇и зд̇т̇а гин̃жааби д̣̇угкад̣̇угкам̣ сан̇каарад̣̇угкам̣ вибарин̣аамад̣̇угканд̇и д̇ийсуби д̣̇угкасад̣̇д̣̇о бавад̇д̇ад̇и, ‘‘ж̇аад̇иби д̣̇угкаа’’д̇иаад̣̇инаа (махаава. 14; вибха. 190) ж̇аад̇иаад̣̇ийсу жа, со бана д̣̇угкад̣̇угкад̇о ан̃н̃ад̇т̇а бавад̇д̇амаано ан̃н̃анирабзгко наббавад̇д̇ад̇и. суд̣̇д̇хан̃жзд̇т̇а д̣̇угкабад̣̇ам̣ ан̃н̃анирабзгкам̣ г̇ахзд̇ваа бан̣н̣ад̇д̇исод̇ханам̣ гарод̇и, д̇зна ниббарияааяад̇о д̣̇угкасабхаавад̇д̇аа зва яам̣ д̣̇угкад̣̇угкам̣, д̇асмим̣ д̣̇угкад̣̇угкз зса д̣̇угкасад̣̇д̣̇о, д̇ан̃жа зганд̇зна д̣̇угкасажжамзваад̇и ‘‘ааманд̇аа’’д̇и вуд̇д̇ам̣. суд̣̇д̇хасажжаваарз сажжавибхан̇г̇з вуд̇д̇зсу самуд̣̇аязсу гожи палад̇хаммзсу над̇т̇и, на жа палад̇хаммзсу гожи нирод̇ход̇и вужжамаано ад̇т̇и, маг̇г̇асад̣̇д̣̇о жа палапалан̇г̇зсу маг̇г̇апалад̇д̇аа бавад̇д̇ад̇и, на маг̇г̇агижжасаб̣бхааваа. баринидтид̇анияяаанагижжаани хи д̇аани. нияяаанаваажаго жзд̇т̇а маг̇г̇асад̣̇д̣̇о, на нияяаанапалаваажаго, д̇асмаа самуд̣̇аяо сажжам̣, нирод̇хо сажжам̣, маг̇г̇о сажжанд̇и зд̇зсуби ‘‘ааманд̇аа’’ижжзва виссаж̇ж̇анам̣ гад̇ам̣.
10-26. ‘‘Dukkhaṃdukkhasaccanti? Āmantā’’ti ettha kiñcāpi dukkhadukkhaṃ saṅkhāradukkhaṃ vipariṇāmadukkhanti tīsupi dukkhasaddo pavattati, ‘‘jātipi dukkhā’’tiādinā (mahāva. 14; vibha. 190) jātiādīsu ca, so pana dukkhadukkhato aññattha pavattamāno aññanirapekkho nappavattati. Suddhañcettha dukkhapadaṃ aññanirapekkhaṃ gahetvā paṇṇattisodhanaṃ karoti, tena nippariyāyato dukkhasabhāvattā eva yaṃ dukkhadukkhaṃ, tasmiṃ dukkhadukkhe esa dukkhasaddo, tañca ekantena dukkhasaccamevāti ‘‘āmantā’’ti vuttaṃ. Suddhasaccavāre saccavibhaṅge vuttesu samudayesu koci phaladhammesu natthi, na ca phaladhammesu koci nirodhoti vuccamāno atthi, maggasaddo ca phalaphalaṅgesu maggaphalattā pavattati, na maggakiccasabbhāvā. Pariniṭṭhitaniyyānakiccāni hi tāni. Niyyānavācako cettha maggasaddo, na niyyānaphalavācako, tasmā samudayo saccaṃ, nirodho saccaṃ, maggo saccanti etesupi ‘‘āmantā’’icceva vissajjanaṃ kataṃ.
ат̇а ваа бад̣̇асод̇ханзна бад̣̇зсу сод̇хид̇зсу сажжависзсанабхууд̇аа зва д̣̇угкаад̣̇исад̣̇д̣̇аа ид̇ха г̇ахид̇аад̇и вин̃н̃ааяанд̇и. д̇зсам̣ бана зганд̇зна сажжависзсанабхаавам̣, сажжаанан̃жа д̇аб̣б̣исзсанаяог̇ависзсам̣ д̣̇ийбзд̇ум̣ суд̣̇д̇хасажжавааро вуд̇д̇од̇и сажжависзсанаанам̣ д̣̇угкаад̣̇ийнам̣ зганд̇асажжад̇д̇аа ‘‘д̣̇угкам̣ сажжам̣…бз… маг̇г̇о сажжанд̇и? ааманд̇аа’’д̇и вуд̇д̇анд̇и. яат̇аа жзд̇т̇а, звам̣ канд̇хаяамагаад̣̇ийсуби суд̣̇д̇хаканд̇хаад̣̇иваарзсу канд̇хаад̣̇ивисзсанабхууд̇аанамзва руубаад̣̇ийнам̣ г̇ахан̣ам̣ яуд̇д̇ам̣. адтагат̇ааяам̣ (яама. адта. канд̇хаяамага 38) бана ‘‘яасмаа бияаруубасаад̇аруубасан̇каад̇ам̣ ваа руубам̣ ход̇у бхууд̇убаад̣̇ааруубам̣ ваа, саб̣б̣ам̣ бан̃жасу канд̇хзсу сан̇г̇ахам̣ г̇ажчад̇зва, д̇асмаа ааманд̇аад̇и бадиж̇аанаад̇ий’’д̇и важанзна руубаад̣̇ижагкаад̣̇ид̣̇угкаад̣̇иг̇г̇ахан̣зхи суд̣̇д̇хаканд̇хаад̣̇иваарзсуби канд̇хаад̣̇ивисзсанад̇о ан̃н̃зби г̇ахид̇аад̇и аяамад̇т̇о д̣̇ийбид̇о ход̇и, д̇зна д̇ад̣̇ануруубад̇аавасзна ид̇аро ад̇т̇о вуд̇д̇о.
Atha vā padasodhanena padesu sodhitesu saccavisesanabhūtā eva dukkhādisaddā idha gahitāti viññāyanti. Tesaṃ pana ekantena saccavisesanabhāvaṃ, saccānañca tabbisesanayogavisesaṃ dīpetuṃ suddhasaccavāro vuttoti saccavisesanānaṃ dukkhādīnaṃ ekantasaccattā ‘‘dukkhaṃ saccaṃ…pe… maggo saccanti? Āmantā’’ti vuttanti. Yathā cettha, evaṃ khandhayamakādīsupi suddhakhandhādivāresu khandhādivisesanabhūtānameva rūpādīnaṃ gahaṇaṃ yuttaṃ. Aṭṭhakathāyaṃ (yama. aṭṭha. khandhayamaka 38) pana ‘‘yasmā piyarūpasātarūpasaṅkhātaṃ vā rūpaṃ hotu bhūtupādārūpaṃ vā, sabbaṃ pañcasu khandhesu saṅgahaṃ gacchateva, tasmā āmantāti paṭijānātī’’ti vacanena rūpādicakkhādidukkhādiggahaṇehi suddhakhandhādivāresupi khandhādivisesanato aññepi gahitāti ayamattho dīpito hoti, tena tadanurūpatāvasena itaro attho vutto.
нид̣̇д̣̇зсаваараван̣н̣анаа нидтид̇аа.
Niddesavāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
27-164. анд̇амасо суд̣̇д̇хааваасаанамбийд̇и ид̣̇ам̣ д̇зсам̣ арияад̇д̇аа д̣̇угкасажжзна убабаж̇ж̇анз аасан̇гаа сияаад̇и гад̇ваа вуд̇д̇ам̣. д̇ан̣хаавиббаяуд̇д̇ажид̇д̇ассаад̇и ид̣̇ам̣ бан̃жавогааравасзнзва г̇ахзд̇аб̣б̣анд̇и вуд̇д̇ам̣. яасса д̣̇угкасажжам̣ уббаж̇ж̇ад̇ийд̇и зд̇зна бана саннидтаанзна саб̣б̣з убабаж̇ж̇анд̇аа бавад̇д̇ияам̣ жад̇увогаарз маг̇г̇апалад̇о ан̃н̃ажид̇д̇аанам̣ уббаад̣̇агкан̣асаман̇г̇ино бан̃жавогаарз жа саб̣б̣ажид̇д̇аанам̣ уббаад̣̇агкан̣асаман̇г̇ино сан̇г̇ахид̇аад̇и д̇зсвзва саннидтаанзна нижчид̇зсу гзжи ‘‘бавад̇д̇з д̇ан̣хаавиббаяуд̇д̇ажид̇д̇асса уббаад̣̇агкан̣з’’д̇и зд̇зна д̣̇угкасамуд̣̇аязсу згагодтаасаббавад̇д̇исаман̇г̇ино д̣̇ассийяанд̇и саннидтаанзна г̇ахид̇ассзва вибхааг̇ад̣̇ассанад̇о, д̇зна жад̇увогаараанамби г̇ахан̣ам̣ убабаннамзва. на хи д̇зсу маг̇г̇апалуббаад̣̇асаман̇г̇ийсу басан̇г̇ад̇аа ад̇т̇и д̇ам̣саман̇г̇ийнам̣ д̇зсам̣ саннидтаанзна аг̇г̇ахид̇ад̇д̇аад̇и. ид̣̇ам̣ ид̇ха на г̇ахзд̇аб̣б̣анд̇и ид̣̇ам̣ жад̇увогаарз паласамаабад̇д̇ижид̇д̇ам̣ ид̇ха сажжаанам̣ уббаад̣̇аважанз на г̇ахзд̇аб̣б̣анд̇и вуд̇д̇ам̣ ход̇и.
27-164. Antamasosuddhāvāsānampīti idaṃ tesaṃ ariyattā dukkhasaccena upapajjane āsaṅkā siyāti katvā vuttaṃ. Taṇhāvippayuttacittassāti idaṃ pañcavokāravaseneva gahetabbanti vuttaṃ. Yassa dukkhasaccaṃ uppajjatīti etena pana sanniṭṭhānena sabbe upapajjantā pavattiyaṃ catuvokāre maggaphalato aññacittānaṃ uppādakkhaṇasamaṅgino pañcavokāre ca sabbacittānaṃ uppādakkhaṇasamaṅgino saṅgahitāti tesveva sanniṭṭhānena nicchitesu keci ‘‘pavatte taṇhāvippayuttacittassa uppādakkhaṇe’’ti etena dukkhasamudayesu ekakoṭṭhāsappavattisamaṅgino dassīyanti sanniṭṭhānena gahitasseva vibhāgadassanato, tena catuvokārānampi gahaṇaṃ upapannameva. Na hi tesu maggaphaluppādasamaṅgīsu pasaṅgatā atthi taṃsamaṅgīnaṃ tesaṃ sanniṭṭhānena aggahitattāti. Idaṃ idha na gahetabbanti idaṃ catuvokāre phalasamāpatticittaṃ idha saccānaṃ uppādavacane na gahetabbanti vuttaṃ hoti.
зд̇т̇а жа саб̣б̣зсам̣ убабаж̇ж̇анд̇аананд̇и ид̣̇ам̣ гаммаж̇абавад̇д̇асса батамуббаад̣̇ад̣̇ассанзна вуд̇д̇ам̣, асан̃н̃асад̇д̇аабзд̇т̇а сан̇г̇ахид̇аа. бавад̇д̇з д̇ан̣хаавиббаяуд̇д̇ажид̇д̇асса уббаад̣̇агкан̣зд̇и ид̣̇ам̣ бана самуд̣̇аяасажжуббаад̣̇авомиссасса д̣̇угкасажжуббаад̣̇асса д̇ам̣рахид̇асса д̣̇ассанавасзна вуд̇д̇ам̣. д̇ан̣хааяа уббаад̣̇агкан̣зд̇и д̇ам̣сахид̇асса самуд̣̇аяасажжуббаад̣̇авомиссасса. д̇зсам̣ бана асан̃н̃асад̇д̇аанам̣ бавад̇д̇ияам̣ д̣̇угкасажжасса уббаад̣̇о саб̣б̣ад̇т̇а на г̇ахид̇о, д̇ат̇аа нирод̇хо жаад̇и. маг̇г̇асажжаяамагзби зсзва наяо. д̇зсам̣ д̇асмим̣ убабад̇д̇игкан̣з жа д̇ан̣хаавиббаяуд̇д̇ажид̇д̇уббад̇д̇игкан̣з жаад̇и звамзд̇т̇а кан̣авасзна огаасо взд̣̇ид̇аб̣б̣од̇и вуд̇д̇ам̣, зван̃жа сад̇и ‘‘яасса яад̇т̇а д̣̇угкасажжам̣ уббаж̇ж̇ад̇и, д̇асса д̇ад̇т̇а самуд̣̇аяасажжам̣ уббаж̇ж̇иссад̇ий’’д̇и (яама. 1.сажжаяамага.71) зд̇асса виссаж̇ж̇анз бажчимагодтаасз ‘‘ид̇арзсам̣ жад̇увогаарам̣ бан̃жавогаарам̣ убабаж̇ж̇анд̇аанам̣, бавад̇д̇з жид̇д̇асса уббаад̣̇агкан̣з д̇зсам̣ д̇ад̇т̇а д̣̇угкасажжан̃жа уббаж̇ж̇ад̇и самуд̣̇аяасажжан̃жа уббаж̇ж̇иссад̇ий’’д̇и ид̣̇ам̣ на яуж̇ж̇зяяа. на хи убабад̇д̇игкан̣з жид̇д̇уббад̇д̇игкан̣з жа самуд̣̇аяасажжам̣ уббаж̇ж̇иссад̇ийд̇и. д̇асмаа убабад̇д̇игкан̣ад̇ан̣хаавиббаяуд̇д̇ажид̇д̇уббад̇д̇игкан̣асаман̇г̇ийнам̣ буг̇г̇алаанам̣ яасмим̣ гаамааважараад̣̇иогаасз саа убабад̇д̇и жид̇д̇уббад̇д̇и жа бавад̇д̇амаанаа, д̇ад̇т̇а д̇зсанд̇и огаасавасзнзвзд̇т̇а д̇ад̇т̇а-сад̣̇д̣̇асса ад̇т̇о яуж̇ж̇ад̇и. буг̇г̇алогаасавааро хзса. д̇ад̇т̇а буг̇г̇алависзсад̣̇ассанад̇т̇ам̣ ‘‘саб̣б̣зсам̣ убабаж̇ж̇анд̇аана’’нд̇иаад̣̇и вуд̇д̇ам̣, огаасо бана яад̇т̇а д̇з, со зваад̇и.
Ettha ca sabbesaṃ upapajjantānanti idaṃ kammajapavattassa paṭhamuppādadassanena vuttaṃ, asaññasattāpettha saṅgahitā. Pavatte taṇhāvippayuttacittassa uppādakkhaṇeti idaṃ pana samudayasaccuppādavomissassa dukkhasaccuppādassa taṃrahitassa dassanavasena vuttaṃ. Taṇhāya uppādakkhaṇeti taṃsahitassa samudayasaccuppādavomissassa. Tesaṃ pana asaññasattānaṃ pavattiyaṃ dukkhasaccassa uppādo sabbattha na gahito, tathā nirodho cāti. Maggasaccayamakepi eseva nayo. Tesaṃ tasmiṃ upapattikkhaṇe ca taṇhāvippayuttacittuppattikkhaṇe cāti evamettha khaṇavasena okāso veditabboti vuttaṃ, evañca sati ‘‘yassa yattha dukkhasaccaṃ uppajjati, tassa tattha samudayasaccaṃ uppajjissatī’’ti (yama. 1.saccayamaka.71) etassa vissajjane pacchimakoṭṭhāse ‘‘itaresaṃ catuvokāraṃ pañcavokāraṃ upapajjantānaṃ, pavatte cittassa uppādakkhaṇe tesaṃ tattha dukkhasaccañca uppajjati samudayasaccañca uppajjissatī’’ti idaṃ na yujjeyya. Na hi upapattikkhaṇe cittuppattikkhaṇe ca samudayasaccaṃ uppajjissatīti. Tasmā upapattikkhaṇataṇhāvippayuttacittuppattikkhaṇasamaṅgīnaṃ puggalānaṃ yasmiṃ kāmāvacarādiokāse sā upapatti cittuppatti ca pavattamānā, tattha tesanti okāsavasenevettha tattha-saddassa attho yujjati. Puggalokāsavāro hesa. Tattha puggalavisesadassanatthaṃ ‘‘sabbesaṃ upapajjantāna’’ntiādi vuttaṃ, okāso pana yattha te, so evāti.
‘‘саб̣б̣зсам̣ жаванд̇аанам̣ бавад̇д̇з жид̇д̇асса бхан̇г̇агкан̣з ааруббз маг̇г̇асса жа паласса жа уббаад̣̇агкан̣з д̇зсам̣ самуд̣̇аяасажжан̃жа нуббаж̇ж̇ад̇и д̣̇угкасажжан̃жа нуббаж̇ж̇ад̇ий’’д̇и зд̇т̇а бана ‘‘бавад̇д̇з жид̇д̇асса бхан̇г̇агкан̣з д̣̇угкасажжам̣ нуббаж̇ж̇ад̇ий’’д̇и жид̇д̇абадиб̣ад̣̇д̇хавуд̇д̇ид̇д̇аа жид̇д̇аж̇аруубамзва ид̇хаад̇хиббзд̇ам̣, на гаммаж̇аад̣̇ируубам̣ жид̇д̇ам̣ анабзгкид̇ваава уббаж̇ж̇анад̇од̇и гзжи вад̣̇анд̇и. ‘‘яасса ваа бана самуд̣̇аяасажжам̣ нуббаж̇ж̇ад̇ий’’д̇и зд̇зна бана саннидтаанзна г̇ахид̇о буг̇г̇ало на жид̇д̇ам̣ абзгкид̇ваава г̇ахид̇о, ат̇а ко яо гожи звам̣багааро, д̇асмаа ‘‘д̇асса д̣̇угкасажжам̣ нуббаж̇ж̇ад̇ий’’д̇и зд̇зна жа на жид̇д̇аабзгкамзва д̣̇угкасажжам̣ вуд̇д̇ам̣, ат̇а ко яам̣ гин̃жийд̇и жид̇д̇асса бхан̇г̇агкан̣з яам̣ гин̃жи д̣̇угкасажжам̣ нуббаж̇ж̇ад̇ийд̇и аяамад̇т̇о вин̃н̃ааяад̇ийд̇и. на хи яамагз вибхаж̇ид̇аб̣б̣з авибхад̇д̇аа наама бужчаа ад̇т̇ийд̇и.
‘‘Sabbesaṃ cavantānaṃ pavatte cittassa bhaṅgakkhaṇe āruppe maggassa ca phalassa ca uppādakkhaṇe tesaṃ samudayasaccañca nuppajjati dukkhasaccañca nuppajjatī’’ti ettha pana ‘‘pavatte cittassa bhaṅgakkhaṇe dukkhasaccaṃ nuppajjatī’’ti cittapaṭibaddhavuttittā cittajarūpameva idhādhippetaṃ, na kammajādirūpaṃ cittaṃ anapekkhitvāva uppajjanatoti keci vadanti. ‘‘Yassa vāpana samudayasaccaṃ nuppajjatī’’ti etena pana sanniṭṭhānena gahito puggalo na cittaṃ apekkhitvāva gahito, atha kho yo koci evaṃpakāro, tasmā ‘‘tassa dukkhasaccaṃ nuppajjatī’’ti etena ca na cittāpekkhameva dukkhasaccaṃ vuttaṃ, atha kho yaṃ kiñcīti cittassa bhaṅgakkhaṇe yaṃ kiñci dukkhasaccaṃ nuppajjatīti ayamattho viññāyatīti. Na hi yamake vibhajitabbe avibhattā nāma pucchā atthīti.
‘‘суд̣̇д̇хааваасаанам̣ д̣̇уд̇ияз жид̇д̇звад̇д̇амаанз’’д̇и ид̣̇ам̣ саб̣б̣анд̇имзна барижчзд̣̇зна яасса яад̇т̇а д̣̇угкасажжам̣ уббаж̇ж̇ид̇т̇а, но жа самуд̣̇аяасажжам̣, д̇ам̣д̣̇ассанавасзна вуд̇д̇ам̣. д̇асмим̣ бана д̣̇ассид̇з д̇зна самаанаг̇ад̇игад̇д̇аа д̣̇уд̇ияаагусалажид̇д̇ад̇о буримасаб̣б̣ажид̇д̇асаман̇г̇ино д̇знзва д̣̇ассид̇аа хонд̇и. д̇зсамби хи д̇ад̇т̇а д̣̇угкасажжам̣ уббаж̇ж̇ид̇т̇а но жа д̇зсам̣ д̇ад̇т̇а самуд̣̇аяасажжам̣ уббаж̇ж̇ид̇т̇аад̇и. зван̃жа гад̇ваа ‘‘ид̇арзсам̣ жад̇увогаарабан̃жавогаараана’’нд̇и зд̇т̇а яат̇аавуд̇д̇аа суд̣̇д̇хааваасаа аг̇г̇ахид̇аа хонд̇и. яат̇аа ‘‘яасса яад̇т̇а д̣̇угкасажжам̣ уббаж̇ж̇ад̇и, д̇асса д̇ад̇т̇а самуд̣̇аяасажжам̣ уббаж̇ж̇ид̇т̇аа’’д̇и (яама. 1.сажжаяамага.61) зд̇асса виссаж̇ж̇анз ‘‘суд̣̇д̇хааваасаанам̣ убабад̇д̇ижид̇д̇асса уббаад̣̇агкан̣з’’д̇и (яама. 1.сажжаяамага.61) зд̇знзва убабад̇д̇ижид̇д̇уббаад̣̇агкан̣асаман̇г̇исамаанаг̇ад̇игаа д̣̇уд̇ияаагусалад̇о буримасаб̣б̣ажид̇д̇уббаад̣̇агкан̣асаман̇г̇ино д̣̇ассид̇аа хонд̇ийд̇и на д̇з ‘‘ид̇арзса’’нд̇и зд̇зна г̇аяханд̇и, звамид̇хааби д̣̇адтаб̣б̣анд̇и. ‘‘ид̇арзса’’нд̇и важанам̣ бан̃жавогаараанам̣ висзсанад̇т̇ам̣, на жад̇увогаараанам̣. на хи д̇з буб̣б̣з вуд̇д̇аа важ̇ж̇зд̇аб̣б̣аа санд̇и бан̃жавогаараа вияа яат̇аавуд̇д̇аа суд̣̇д̇хааваасаад̇и. ‘‘абхисамзд̇аавийнам̣ д̇зсам̣ д̇ад̇т̇а д̣̇угкасажжан̃жа уббаж̇ж̇ид̇т̇а маг̇г̇асажжан̃жа уббаж̇ж̇ид̇т̇аа’’д̇и (яама. 1.сажжаяамага.41) зд̇зна саннидтаанзна буг̇г̇алогаасаа ан̃н̃аман̃н̃абарижчиннаа г̇ахид̇аад̇и яасмим̣ огаасз абхисамзд̇аавино, д̇з звам̣ ‘‘абхисамзд̇аавийна’’нд̇и зд̇зна г̇ахид̇аад̇и д̣̇адтаб̣б̣аа . д̇зна яз гаамааважарз руубааважарз аруубааважарз ваа абхисамзд̇аавино руубааважарам̣ аруубааважарам̣ ваа убабаннаа, яаава д̇ад̇т̇аабхисамаяо уббанно бхависсад̇и, д̇аава д̇з зд̇т̇а на г̇аяханд̇и, д̇з бана буримагодтаасз ‘‘суд̣̇д̇хааваасаанам̣ д̣̇уд̇ияз жид̇д̇з вад̇д̇амаанз’’д̇и звам̣ д̣̇ассид̇зхи суд̣̇д̇хааваасз ануббаннаабхисамаязхи самаанаг̇ад̇игаад̇и висум̣ на д̣̇ассид̇аа. ‘‘анабхисамзд̇аавийна’’нд̇и г̇ахид̇аа яз саб̣б̣ад̇т̇а д̇ад̇т̇а жа анабхисамзд̇аавино, д̇зсу суд̣̇д̇хааваасаанам̣ г̇ахан̣агаалависзсанад̇т̇ам̣ ‘‘суд̣̇д̇хааваасаанам̣ д̣̇уд̇ияз жид̇д̇з вад̇д̇амаанз’’д̇и (яама. 1.сажжаяамага.42) вуд̇д̇анд̇и.
‘‘Suddhāvāsānaṃ dutiye cittevattamāne’’ti idaṃ sabbantimena paricchedena yassa yattha dukkhasaccaṃ uppajjittha, no ca samudayasaccaṃ, taṃdassanavasena vuttaṃ. Tasmiṃ pana dassite tena samānagatikattā dutiyākusalacittato purimasabbacittasamaṅgino teneva dassitā honti. Tesampi hi tattha dukkhasaccaṃ uppajjittha no ca tesaṃ tattha samudayasaccaṃ uppajjitthāti. Evañca katvā ‘‘itaresaṃ catuvokārapañcavokārāna’’nti ettha yathāvuttā suddhāvāsā aggahitā honti. Yathā ‘‘yassa yattha dukkhasaccaṃ uppajjati, tassa tattha samudayasaccaṃ uppajjitthā’’ti (yama. 1.saccayamaka.61) etassa vissajjane ‘‘suddhāvāsānaṃ upapatticittassa uppādakkhaṇe’’ti (yama. 1.saccayamaka.61) eteneva upapatticittuppādakkhaṇasamaṅgisamānagatikā dutiyākusalato purimasabbacittuppādakkhaṇasamaṅgino dassitā hontīti na te ‘‘itaresa’’nti etena gayhanti, evamidhāpi daṭṭhabbanti. ‘‘Itaresa’’nti vacanaṃ pañcavokārānaṃ visesanatthaṃ, na catuvokārānaṃ. Na hi te pubbe vuttā vajjetabbā santi pañcavokārā viya yathāvuttā suddhāvāsāti. ‘‘Abhisametāvīnaṃ tesaṃ tattha dukkhasaccañca uppajjittha maggasaccañca uppajjitthā’’ti (yama. 1.saccayamaka.41) etena sanniṭṭhānena puggalokāsā aññamaññaparicchinnā gahitāti yasmiṃ okāse abhisametāvino, te evaṃ ‘‘abhisametāvīna’’nti etena gahitāti daṭṭhabbā . Tena ye kāmāvacare rūpāvacare arūpāvacare vā abhisametāvino rūpāvacaraṃ arūpāvacaraṃ vā upapannā, yāva tatthābhisamayo uppanno bhavissati, tāva te ettha na gayhanti, te pana purimakoṭṭhāse ‘‘suddhāvāsānaṃ dutiye citte vattamāne’’ti evaṃ dassitehi suddhāvāse anuppannābhisamayehi samānagatikāti visuṃ na dassitā. ‘‘Anabhisametāvīna’’nti gahitā ye sabbattha tattha ca anabhisametāvino, tesu suddhāvāsānaṃ gahaṇakālavisesanatthaṃ ‘‘suddhāvāsānaṃ dutiye citte vattamāne’’ti (yama. 1.saccayamaka.42) vuttanti.
яасса жид̇д̇асса ананд̇араа аг̇г̇амаг̇г̇ам̣ бадилабхиссанд̇ийд̇и зд̇зна вод̣̇аанажид̇д̇асаман̇г̇инаа самаанаг̇ад̇игаа д̇ад̇о буримад̇аражид̇д̇асаман̇г̇иноби яаава саб̣б̣анд̇имад̇ан̣хаасамбаяуд̇д̇ажид̇д̇асаман̇г̇ий, д̇аава д̣̇ассид̇аад̇и взд̣̇ид̇аб̣б̣аа. зса наяо ан̃н̃зсу зваруубзсууд̇и.
Yassa cittassa anantarā aggamaggaṃ paṭilabhissantīti etena vodānacittasamaṅginā samānagatikā tato purimataracittasamaṅginopi yāva sabbantimataṇhāsampayuttacittasamaṅgī, tāva dassitāti veditabbā. Esa nayo aññesu evarūpesūti.
бавад̇д̇з жид̇д̇асса бхан̇г̇агкан̣зд̇и ааг̇ад̇адтаанз бадисанд̇хижид̇д̇ассаби бхан̇г̇агкан̣аг̇г̇ахан̣ам̣ д̣̇адтаб̣б̣ам̣, д̇ат̇аа ‘‘бавад̇д̇з жид̇д̇асса уббаад̣̇агкан̣з’’д̇и ааг̇ад̇адтаанз жа жуд̇ижид̇д̇ассаби уббаад̣̇агкан̣ассаад̇и. ‘‘яасса д̣̇угкасажжам̣ на нируж̇жхад̇и, д̇асса самуд̣̇аяасажжам̣ на нируж̇жхиссад̇ий’’д̇и (яама. 1.сажжаяамага.116) зд̇асса виссаж̇ж̇анз д̣̇вийсуби годтаасзсу ‘‘аруубз маг̇г̇асса жа паласса жа бхан̇г̇агкан̣з’’ижжзва (яама. 1.сажжаяамага.116) вуд̇д̇ам̣, на висзсид̇ам̣. гасмаа? згассаби маг̇г̇асса жа паласса жа бхан̇г̇агкан̣асаман̇г̇ино убхаяагодтаасабхаж̇анад̇о. яасса д̣̇угкасажжам̣ на нируж̇жхад̇ийд̇и зд̇зна саннидтаанзна г̇ахид̇зсу хи арубз маг̇г̇апалабхан̇г̇агкан̣асаман̇г̇ийсу гзсан̃жи д̇ин̣н̣ам̣ палаанам̣ д̣̇виннан̃жа маг̇г̇аанам̣ бхан̇г̇агкан̣асаман̇г̇ийнам̣ ниранд̇арам̣ ануббаад̣̇зд̇ваа анд̇аранд̇араа вибассанааниганд̇им̣ бхаваниганд̇им̣ уббаад̣̇зд̇ваа яз убаримаг̇г̇з уббаад̣̇зссанд̇и, д̇зсам̣ самуд̣̇аяасажжам̣ нируж̇жхиссад̇ийд̇и д̇зсам̣язва бана гзсан̃жи анд̇араа д̇ан̣хам̣ ануббаад̣̇зд̇ваа убаримаг̇г̇ауббаад̣̇знд̇аанам̣ маг̇г̇апалабхан̇г̇агкан̣асаман̇г̇ийнам̣ самуд̣̇аяасажжам̣ на нируж̇жхиссад̇ийд̇и. сааман̃н̃аважанзнаби жа буримагодтаасз вужжамаанзна бажчимагодтаасз вагкамаанз важ̇ж̇зд̇ваава г̇ахан̣ам̣ ход̇ийд̇и д̣̇ассид̇ояам̣ наяод̇и.
Pavatte cittassa bhaṅgakkhaṇeti āgataṭṭhāne paṭisandhicittassapi bhaṅgakkhaṇaggahaṇaṃ daṭṭhabbaṃ, tathā ‘‘pavatte cittassa uppādakkhaṇe’’ti āgataṭṭhāne ca cuticittassapi uppādakkhaṇassāti. ‘‘Yassa dukkhasaccaṃ na nirujjhati, tassa samudayasaccaṃ na nirujjhissatī’’ti (yama. 1.saccayamaka.116) etassa vissajjane dvīsupi koṭṭhāsesu ‘‘arūpe maggassa ca phalassa ca bhaṅgakkhaṇe’’icceva (yama. 1.saccayamaka.116) vuttaṃ, na visesitaṃ. Kasmā? Ekassapi maggassa ca phalassa ca bhaṅgakkhaṇasamaṅgino ubhayakoṭṭhāsabhajanato. Yassa dukkhasaccaṃ na nirujjhatīti etena sanniṭṭhānena gahitesu hi arupe maggaphalabhaṅgakkhaṇasamaṅgīsu kesañci tiṇṇaṃ phalānaṃ dvinnañca maggānaṃ bhaṅgakkhaṇasamaṅgīnaṃ nirantaraṃ anuppādetvā antarantarā vipassanānikantiṃ bhavanikantiṃ uppādetvā ye uparimagge uppādessanti, tesaṃ samudayasaccaṃ nirujjhissatīti tesaṃyeva pana kesañci antarā taṇhaṃ anuppādetvā uparimaggauppādentānaṃ maggaphalabhaṅgakkhaṇasamaṅgīnaṃ samudayasaccaṃ na nirujjhissatīti. Sāmaññavacanenapi ca purimakoṭṭhāse vuccamānena pacchimakoṭṭhāse vakkhamāne vajjetvāva gahaṇaṃ hotīti dassitoyaṃ nayoti.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
3. барин̃н̃ааваараван̣н̣анаа
3. Pariññāvāravaṇṇanā
165-170. барин̃н̃ааваарз …бз… д̇иссобзд̇т̇а барин̃н̃аа лаб̣бханд̇ийд̇и зд̇т̇зва висзсанам̣ канд̇хаяамагаад̣̇ийсу саб̣б̣аканд̇хаад̣̇ийнам̣ вияа саб̣б̣асажжаанам̣ абарин̃н̃зяяад̇аад̣̇ассанад̇т̇ам̣ сажчигаран̣абхааванаавасзна имасса ваарасса аббавад̇д̇ид̣̇ассанад̇т̇ан̃жа. д̣̇угкасса барин̃н̃ад̇т̇ам̣ самуд̣̇аяасса жа бахаанад̇т̇ам̣ бхаг̇авад̇и б̣рахмажарияам̣ вуссад̇ийд̇и барин̃н̃аабахаанам̣ сажжзсу д̣̇ассзд̇ум̣ д̣̇угкз д̇ийран̣абарин̃н̃аа вуд̇д̇аа, на бахаанабарин̃н̃аа. самуд̣̇аяз жа бахаанабарин̃н̃аа, на д̇ийран̣абарин̃н̃аа. н̃аад̇абарин̃н̃аа бана саад̇хааран̣аад̇и убхаяад̇т̇а вуд̇д̇аа. маг̇г̇ан̃аан̣ан̃хи д̣̇угкасамуд̣̇аяаани вибхаавзд̇ийд̇и н̃аад̇абарин̃н̃аа жа ход̇и , д̣̇угкад̇ийран̣агижжаанам̣ нибпаад̣̇анад̇о д̇ийран̣абарин̃н̃аа жа, самуд̣̇аяасса аббавад̇д̇игаран̣ад̇ова бахаанабарин̃н̃аа жаад̇и д̇иссоби барин̃н̃аа маг̇г̇агкан̣з зва яож̇зд̇аб̣б̣аад̇и.
165-170. Pariññāvāre…pe… tissopettha pariññā labbhantīti ettheva visesanaṃ khandhayamakādīsu sabbakhandhādīnaṃ viya sabbasaccānaṃ apariññeyyatādassanatthaṃ sacchikaraṇabhāvanāvasena imassa vārassa appavattidassanatthañca. Dukkhassa pariññatthaṃ samudayassa ca pahānatthaṃ bhagavati brahmacariyaṃ vussatīti pariññāpahānaṃ saccesu dassetuṃ dukkhe tīraṇapariññā vuttā, na pahānapariññā. Samudaye ca pahānapariññā, na tīraṇapariññā. Ñātapariññā pana sādhāraṇāti ubhayattha vuttā. Maggañāṇañhi dukkhasamudayāni vibhāvetīti ñātapariññā ca hoti , dukkhatīraṇakiccānaṃ nipphādanato tīraṇapariññā ca, samudayassa appavattikaraṇatova pahānapariññā cāti tissopi pariññā maggakkhaṇe eva yojetabbāti.
барин̃н̃ааваараван̣н̣анаа нидтид̇аа.
Pariññāvāravaṇṇanā niṭṭhitā.
сажжаяамагаван̣н̣анаа нидтид̇аа.
Saccayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 5. сажжаяамагам̣ • 5. Saccayamakaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. сажжаяамагам̣ • 5. Saccayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. сажжаяамагам̣ • 5. Saccayamakaṃ
