| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. সচ্ছিকরণীযসুত্তং
9. Sacchikaraṇīyasuttaṃ
১৮৯. ‘‘চত্তারোমে , ভিক্খৰে, সচ্ছিকরণীযা ধম্মা। কতমে চত্তারো? অত্থি , ভিক্খৰে, ধম্মা কাযেন সচ্ছিকরণীযা; অত্থি, ভিক্খৰে, ধম্মা সতিযা সচ্ছিকরণীযা; অত্থি, ভিক্খৰে, ধম্মা চক্খুনা সচ্ছিকরণীযা; অত্থি, ভিক্খৰে, ধম্মা পঞ্ঞায সচ্ছিকরণীযা। কতমে চ, ভিক্খৰে, ধম্মা কাযেন সচ্ছিকরণীযা? অট্ঠ ৰিমোক্খা, ভিক্খৰে, কাযেন সচ্ছিকরণীযা।
189. ‘‘Cattārome , bhikkhave, sacchikaraṇīyā dhammā. Katame cattāro? Atthi , bhikkhave, dhammā kāyena sacchikaraṇīyā; atthi, bhikkhave, dhammā satiyā sacchikaraṇīyā; atthi, bhikkhave, dhammā cakkhunā sacchikaraṇīyā; atthi, bhikkhave, dhammā paññāya sacchikaraṇīyā. Katame ca, bhikkhave, dhammā kāyena sacchikaraṇīyā? Aṭṭha vimokkhā, bhikkhave, kāyena sacchikaraṇīyā.
‘‘কতমে চ, ভিক্খৰে, ধম্মা সতিযা সচ্ছিকরণীযা? পুব্বেনিৰাসো, ভিক্খৰে, সতিযা সচ্ছিকরণীযো।
‘‘Katame ca, bhikkhave, dhammā satiyā sacchikaraṇīyā? Pubbenivāso, bhikkhave, satiyā sacchikaraṇīyo.
‘‘কতমে চ, ভিক্খৰে, ধম্মা চক্খুনা সচ্ছিকরণীযা? সত্তানং চুতূপপাতো, ভিক্খৰে, চক্খুনা সচ্ছিকরণীযো।
‘‘Katame ca, bhikkhave, dhammā cakkhunā sacchikaraṇīyā? Sattānaṃ cutūpapāto, bhikkhave, cakkhunā sacchikaraṇīyo.
‘‘কতমে চ, ভিক্খৰে, ধম্মা পঞ্ঞায সচ্ছিকরণীযা? আসৰানং খযো, ভিক্খৰে, পঞ্ঞায সচ্ছিকরণীযো। ইমে খো, ভিক্খৰে, চত্তারো সচ্ছিকরণীযা ধম্মা’’তি। নৰমং।
‘‘Katame ca, bhikkhave, dhammā paññāya sacchikaraṇīyā? Āsavānaṃ khayo, bhikkhave, paññāya sacchikaraṇīyo. Ime kho, bhikkhave, cattāro sacchikaraṇīyā dhammā’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. সচ্ছিকরণীযসুত্তৰণ্ণনা • 9. Sacchikaraṇīyasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯. সচ্ছিকরণীযসুত্তৰণ্ণনা • 9. Sacchikaraṇīyasuttavaṇṇanā
