| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਸਚ੍ਛਿਕਰਣੀਯਸੁਤ੍ਤਂ
9. Sacchikaraṇīyasuttaṃ
੧੮੯. ‘‘ਚਤ੍ਤਾਰੋਮੇ , ਭਿਕ੍ਖવੇ, ਸਚ੍ਛਿਕਰਣੀਯਾ ਧਮ੍ਮਾ। ਕਤਮੇ ਚਤ੍ਤਾਰੋ? ਅਤ੍ਥਿ , ਭਿਕ੍ਖવੇ, ਧਮ੍ਮਾ ਕਾਯੇਨ ਸਚ੍ਛਿਕਰਣੀਯਾ; ਅਤ੍ਥਿ, ਭਿਕ੍ਖવੇ, ਧਮ੍ਮਾ ਸਤਿਯਾ ਸਚ੍ਛਿਕਰਣੀਯਾ; ਅਤ੍ਥਿ, ਭਿਕ੍ਖવੇ, ਧਮ੍ਮਾ ਚਕ੍ਖੁਨਾ ਸਚ੍ਛਿਕਰਣੀਯਾ; ਅਤ੍ਥਿ, ਭਿਕ੍ਖવੇ, ਧਮ੍ਮਾ ਪਞ੍ਞਾਯ ਸਚ੍ਛਿਕਰਣੀਯਾ। ਕਤਮੇ ਚ, ਭਿਕ੍ਖવੇ, ਧਮ੍ਮਾ ਕਾਯੇਨ ਸਚ੍ਛਿਕਰਣੀਯਾ? ਅਟ੍ਠ વਿਮੋਕ੍ਖਾ, ਭਿਕ੍ਖવੇ, ਕਾਯੇਨ ਸਚ੍ਛਿਕਰਣੀਯਾ।
189. ‘‘Cattārome , bhikkhave, sacchikaraṇīyā dhammā. Katame cattāro? Atthi , bhikkhave, dhammā kāyena sacchikaraṇīyā; atthi, bhikkhave, dhammā satiyā sacchikaraṇīyā; atthi, bhikkhave, dhammā cakkhunā sacchikaraṇīyā; atthi, bhikkhave, dhammā paññāya sacchikaraṇīyā. Katame ca, bhikkhave, dhammā kāyena sacchikaraṇīyā? Aṭṭha vimokkhā, bhikkhave, kāyena sacchikaraṇīyā.
‘‘ਕਤਮੇ ਚ, ਭਿਕ੍ਖવੇ, ਧਮ੍ਮਾ ਸਤਿਯਾ ਸਚ੍ਛਿਕਰਣੀਯਾ? ਪੁਬ੍ਬੇਨਿવਾਸੋ, ਭਿਕ੍ਖવੇ, ਸਤਿਯਾ ਸਚ੍ਛਿਕਰਣੀਯੋ।
‘‘Katame ca, bhikkhave, dhammā satiyā sacchikaraṇīyā? Pubbenivāso, bhikkhave, satiyā sacchikaraṇīyo.
‘‘ਕਤਮੇ ਚ, ਭਿਕ੍ਖવੇ, ਧਮ੍ਮਾ ਚਕ੍ਖੁਨਾ ਸਚ੍ਛਿਕਰਣੀਯਾ? ਸਤ੍ਤਾਨਂ ਚੁਤੂਪਪਾਤੋ, ਭਿਕ੍ਖવੇ, ਚਕ੍ਖੁਨਾ ਸਚ੍ਛਿਕਰਣੀਯੋ।
‘‘Katame ca, bhikkhave, dhammā cakkhunā sacchikaraṇīyā? Sattānaṃ cutūpapāto, bhikkhave, cakkhunā sacchikaraṇīyo.
‘‘ਕਤਮੇ ਚ, ਭਿਕ੍ਖવੇ, ਧਮ੍ਮਾ ਪਞ੍ਞਾਯ ਸਚ੍ਛਿਕਰਣੀਯਾ? ਆਸવਾਨਂ ਖਯੋ, ਭਿਕ੍ਖવੇ, ਪਞ੍ਞਾਯ ਸਚ੍ਛਿਕਰਣੀਯੋ। ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਸਚ੍ਛਿਕਰਣੀਯਾ ਧਮ੍ਮਾ’’ਤਿ। ਨવਮਂ।
‘‘Katame ca, bhikkhave, dhammā paññāya sacchikaraṇīyā? Āsavānaṃ khayo, bhikkhave, paññāya sacchikaraṇīyo. Ime kho, bhikkhave, cattāro sacchikaraṇīyā dhammā’’ti. Navamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਸਚ੍ਛਿਕਰਣੀਯਸੁਤ੍ਤવਣ੍ਣਨਾ • 9. Sacchikaraṇīyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਸਚ੍ਛਿਕਰਣੀਯਸੁਤ੍ਤવਣ੍ਣਨਾ • 9. Sacchikaraṇīyasuttavaṇṇanā
