| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
сажчигаад̇аб̣б̣анид̣̇д̣̇зсаван̣н̣анаа
Sacchikātabbaniddesavaṇṇanā
29. сажчигаад̇аб̣б̣анид̣̇д̣̇зсз д̣̇аса згуд̇д̇арависсаж̇ж̇анаани бадилаабхасажчигирияаавасзна вуд̇д̇аани. д̇ад̇т̇а агуббаа жзд̇овимуд̇д̇ийд̇и арахад̇д̇апалавимуд̇д̇и. саа хи на губбад̇и на жалад̇и на барихааяад̇ийд̇и агуббаа, саб̣б̣агилзсзхи жид̇д̇асса вимуд̇д̇ад̇д̇аа жзд̇овимуд̇д̇ийд̇и вужжад̇и. виж̇ж̇аад̇и д̇иссо виж̇ж̇аа. вимуд̇д̇ийд̇и д̣̇асуд̇д̇арабарияааязна арахад̇д̇апалам̣ вуд̇д̇ам̣, сан̇г̇ийд̇ибарияааязна бана ‘‘вимуд̇д̇ийд̇и д̣̇вз вимуд̇д̇ияо жид̇д̇асса жа ад̇химуд̇д̇и ниб̣б̣аанан̃жаа’’д̇и (д̣̇ий. ни. адта. 3.304) вуд̇д̇ам̣. зд̇т̇а жа адта самаабад̇д̇ияо нийваран̣аад̣̇ийхи судту вимуд̇д̇ад̇д̇аа вимуд̇д̇и наама, ниб̣б̣аанам̣ саб̣б̣асан̇кад̇ад̇о вимуд̇д̇ад̇д̇аа вимуд̇д̇и наама. д̇иссо виж̇ж̇аад̇и буб̣б̣зниваасаануссад̇ин̃аан̣ам̣ виж̇ж̇аа сад̇д̇аанам̣ жуд̇уубабаад̇з н̃аан̣ам̣ виж̇ж̇аа аасаваанам̣ каяз н̃аан̣ам̣ виж̇ж̇аа. д̇амавиж̇жханадтзна виж̇ж̇аа, вид̣̇ид̇агаран̣адтзнааби виж̇ж̇аа. буб̣б̣зниваасаануссад̇ин̃аан̣ан̃хи уббаж̇ж̇амаанам̣ буб̣б̣зниваасам̣ чаад̣̇зд̇ваа тид̇ам̣ д̇амам̣ виж̇жхад̇и, буб̣б̣зниваасан̃жа вид̣̇ид̇ам̣ гарод̇ийд̇и виж̇ж̇аа. жуд̇уубабаад̇з н̃аан̣ам̣ жуд̇ибадисанд̇хижчаад̣̇агам̣ д̇амам̣ виж̇жхад̇и, жуд̇уубабаад̇ан̃жа вид̣̇ид̇ам̣ гарод̇ийд̇и виж̇ж̇аа. аасаваанам̣ каяз н̃аан̣ам̣ жад̇усажжажчаад̣̇агам̣ д̇амам̣ виж̇жхад̇и, жад̇усажжад̇хаммз жа вид̣̇ид̇ам̣ гарод̇ийд̇и виж̇ж̇аа. жад̇д̇аари сааман̃н̃апалаанийд̇и сод̇аабад̇д̇ипалам̣, сагад̣̇ааг̇аамипалам̣, анааг̇аамипалам̣, арахад̇д̇апалам̣. баабад̇хаммз самзд̇и винаасзд̇ийд̇и саман̣о, саман̣асса бхааво сааман̃н̃ам̣. жад̇уннам̣ арияамаг̇г̇аанамзд̇ам̣ наамам̣. сааман̃н̃асса палаани сааман̃н̃апалаани.
29. Sacchikātabbaniddese dasa ekuttaravissajjanāni paṭilābhasacchikiriyāvasena vuttāni. Tattha akuppā cetovimuttīti arahattaphalavimutti. Sā hi na kuppati na calati na parihāyatīti akuppā, sabbakilesehi cittassa vimuttattā cetovimuttīti vuccati. Vijjāti tisso vijjā. Vimuttīti dasuttarapariyāyena arahattaphalaṃ vuttaṃ, saṅgītipariyāyena pana ‘‘vimuttīti dve vimuttiyo cittassa ca adhimutti nibbānañcā’’ti (dī. ni. aṭṭha. 3.304) vuttaṃ. Ettha ca aṭṭha samāpattiyo nīvaraṇādīhi suṭṭhu vimuttattā vimutti nāma, nibbānaṃ sabbasaṅkhatato vimuttattā vimutti nāma. Tisso vijjāti pubbenivāsānussatiñāṇaṃ vijjā sattānaṃ cutūpapāte ñāṇaṃ vijjā āsavānaṃ khaye ñāṇaṃ vijjā. Tamavijjhanaṭṭhena vijjā, viditakaraṇaṭṭhenāpi vijjā. Pubbenivāsānussatiñāṇañhi uppajjamānaṃ pubbenivāsaṃ chādetvā ṭhitaṃ tamaṃ vijjhati, pubbenivāsañca viditaṃ karotīti vijjā. Cutūpapāte ñāṇaṃ cutipaṭisandhicchādakaṃ tamaṃ vijjhati, cutūpapātañca viditaṃ karotīti vijjā. Āsavānaṃ khaye ñāṇaṃ catusaccacchādakaṃ tamaṃ vijjhati, catusaccadhamme ca viditaṃ karotīti vijjā. Cattāri sāmaññaphalānīti sotāpattiphalaṃ, sakadāgāmiphalaṃ, anāgāmiphalaṃ, arahattaphalaṃ. Pāpadhamme sameti vināsetīti samaṇo, samaṇassa bhāvo sāmaññaṃ. Catunnaṃ ariyamaggānametaṃ nāmaṃ. Sāmaññassa phalāni sāmaññaphalāni.
бан̃жа д̇хаммагканд̇хаад̇и сийлагканд̇хо, самаад̇хигканд̇хо, бан̃н̃аагканд̇хо, вимуд̇д̇игканд̇хо, вимуд̇д̇ин̃аан̣ад̣̇ассанагканд̇хо. д̇хаммагканд̇хаад̇и д̇хаммавибхааг̇аа д̇хаммагодтаасаа. сийлагканд̇хаад̣̇ийсуби зсзва наяо. логияалогуд̇д̇араа сийласамаад̇хибан̃н̃аа зва сийласамаад̇хибан̃н̃аагканд̇хаа . самужчзд̣̇абадиббассад̣̇д̇хиниссаран̣авимуд̇д̇ияо зва вимуд̇д̇игканд̇хо. д̇ивид̇хаа вимуд̇д̇ибажжавзгкан̣аа зва вимуд̇д̇ин̃аан̣ад̣̇ассанагканд̇хо. со логияо зва. ж̇аананадтзна н̃аан̣амзва д̣̇ассанадтзна д̣̇ассананд̇и н̃аан̣ад̣̇ассанам̣, вимуд̇д̇ийнам̣ н̃аан̣ад̣̇ассанам̣ вимуд̇д̇ин̃аан̣ад̣̇ассананд̇и вужжад̇и. вигкамбханад̇ад̣̇ан̇г̇авимуд̇д̇ияо бана самаад̇хибан̃н̃аагканд̇хзхзва сан̇г̇ахид̇аа. имз бан̃жа д̇хаммагканд̇хаа сзгкаанам̣ сзгкаа, асзгкаанам̣ асзгкаад̇и вуд̇д̇аа. зд̇зсу хи логияаа жа ниссаран̣авимуд̇д̇и жа нзвасзгкаанаасзгкаа. сзгкаа хонд̇ааби сзгкаанам̣ имз ид̇и сзгкаа, асзгкаанам̣ имз ид̇и асзгкаад̇и вужжанд̇и. ‘‘сзгкзна вимуд̇д̇игканд̇хзна саманнааг̇ад̇о ход̇ий’’д̇и зд̇т̇а бана ниссаран̣авимуд̇д̇ияаа аарамман̣агаран̣авасзна саманнааг̇ад̇од̇и взд̣̇ид̇аб̣б̣о. ча абхин̃н̃аад̇и ча ад̇хигаани н̃аан̣аани. гад̇амаа ча? ид̣̇д̇хивид̇хан̃аан̣ам̣ , д̣̇иб̣б̣асод̇ад̇хаад̇ун̃аан̣ам̣, буб̣б̣зниваасаануссад̇ин̃аан̣ам̣, жзд̇обарияан̃аан̣ам̣, д̣̇иб̣б̣ажагкун̃аан̣ам̣, аасаваанам̣ каяз н̃аан̣анд̇и имаа ча.
Pañca dhammakkhandhāti sīlakkhandho, samādhikkhandho, paññākkhandho, vimuttikkhandho, vimuttiñāṇadassanakkhandho. Dhammakkhandhāti dhammavibhāgā dhammakoṭṭhāsā. Sīlakkhandhādīsupi eseva nayo. Lokiyalokuttarā sīlasamādhipaññā eva sīlasamādhipaññākkhandhā . Samucchedapaṭippassaddhinissaraṇavimuttiyo eva vimuttikkhandho. Tividhā vimuttipaccavekkhaṇā eva vimuttiñāṇadassanakkhandho. So lokiyo eva. Jānanaṭṭhena ñāṇameva dassanaṭṭhena dassananti ñāṇadassanaṃ, vimuttīnaṃ ñāṇadassanaṃ vimuttiñāṇadassananti vuccati. Vikkhambhanatadaṅgavimuttiyo pana samādhipaññākkhandheheva saṅgahitā. Ime pañca dhammakkhandhā sekkhānaṃ sekkhā, asekkhānaṃ asekkhāti vuttā. Etesu hi lokiyā ca nissaraṇavimutti ca nevasekkhānāsekkhā. Sekkhā hontāpi sekkhānaṃ ime iti sekkhā, asekkhānaṃ ime iti asekkhāti vuccanti. ‘‘Sekkhena vimuttikkhandhena samannāgato hotī’’ti ettha pana nissaraṇavimuttiyā ārammaṇakaraṇavasena samannāgatoti veditabbo. Cha abhiññāti cha adhikāni ñāṇāni. Katamā cha? Iddhividhañāṇaṃ , dibbasotadhātuñāṇaṃ, pubbenivāsānussatiñāṇaṃ, cetopariyañāṇaṃ, dibbacakkhuñāṇaṃ, āsavānaṃ khaye ñāṇanti imā cha.
сад̇д̇а кийн̣аасаваб̣алаанийд̇и кийн̣аа аасаваа ассаад̇и кийн̣аасаво, кийн̣аасавасса б̣алаани кийн̣аасаваб̣алаани. гад̇амаани сад̇д̇а? вуд̇д̇аани бхаг̇авад̇аа –
Satta khīṇāsavabalānīti khīṇā āsavā assāti khīṇāsavo, khīṇāsavassa balāni khīṇāsavabalāni. Katamāni satta? Vuttāni bhagavatā –
‘‘ид̇ха, бхигкавз, кийн̣аасавасса бхигкуно анижжад̇о саб̣б̣з сан̇каараа яат̇аабхууд̇ам̣ саммаббан̃н̃ааяа суд̣̇идтаа хонд̇и. яамби, бхигкавз, кийн̣аасавасса бхигкуно анижжад̇о саб̣б̣з сан̇каараа яат̇аабхууд̇ам̣ саммаббан̃н̃ааяа суд̣̇идтаа хонд̇и, ид̣̇амби, бхигкавз, кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и ‘кийн̣аа мз аасаваа’д̇и.
‘‘Idha, bhikkhave, khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti. Yampi, bhikkhave, khīṇāsavassa bhikkhuno aniccato sabbe saṅkhārā yathābhūtaṃ sammappaññāya sudiṭṭhā honti, idampi, bhikkhave, khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti ‘khīṇā me āsavā’ti.
‘‘буна жабарам̣, бхигкавз, кийн̣аасавасса бхигкуно ан̇г̇аарагаасуубамаа гаамаад̇и яат̇аабхууд̇ам̣ саммаббан̃н̃ааяа суд̣̇идтаа хонд̇и. яамби, бхигкавз…бз… ид̣̇амби кийн̣аасавасса бхигкуно б̣алам̣ ход̇и…бз….
‘‘Puna caparaṃ, bhikkhave, khīṇāsavassa bhikkhuno aṅgārakāsūpamā kāmāti yathābhūtaṃ sammappaññāya sudiṭṭhā honti. Yampi, bhikkhave…pe… idampi khīṇāsavassa bhikkhuno balaṃ hoti…pe….
‘‘буна жабарам̣, бхигкавз, кийн̣аасавасса бхигкуно вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхаарам̣ вивзгадтам̣ нзгкаммаабхирад̇ам̣ б̣яанд̇ийбхууд̇ам̣ саб̣б̣асо аасавадтааниязхи д̇хаммзхи. яамби, бхигкавз…бз… ид̣̇амби кийн̣аасавасса бхигкуно б̣алам̣ ход̇и…бз….
‘‘Puna caparaṃ, bhikkhave, khīṇāsavassa bhikkhuno vivekaninnaṃ cittaṃ hoti vivekapoṇaṃ vivekapabbhāraṃ vivekaṭṭhaṃ nekkhammābhirataṃ byantībhūtaṃ sabbaso āsavaṭṭhāniyehi dhammehi. Yampi, bhikkhave…pe… idampi khīṇāsavassa bhikkhuno balaṃ hoti…pe….
‘‘буна жабарам̣, бхигкавз, кийн̣аасавасса бхигкуно жад̇д̇ааро сад̇ибадтаанаа бхаавид̇аа хонд̇и субхаавид̇аа. бан̃жинд̣̇рияаани бхаавид̇аани хонд̇и субхаавид̇аани. сад̇д̇а б̣ож̇жхан̇г̇аа бхаавид̇аа хонд̇и субхаавид̇аа. арияо адтан̇г̇иго маг̇г̇о бхаавид̇о ход̇и субхаавид̇о. яамби, бхигкавз, кийн̣аасавасса бхигкуно арияо адтан̇г̇иго маг̇г̇о бхаавид̇о ход̇и субхаавид̇о, ид̣̇амби кийн̣аасавасса бхигкуно б̣алам̣ ход̇и, яам̣ б̣алам̣ ааг̇амма кийн̣аасаво бхигку аасаваанам̣ каяам̣ бадиж̇аанаад̇и ‘кийн̣аа мз аасаваа’’’д̇и (а. ни. 10.90; д̣̇ий. ни. 3.357; бади. ма. 2.44).
‘‘Puna caparaṃ, bhikkhave, khīṇāsavassa bhikkhuno cattāro satipaṭṭhānā bhāvitā honti subhāvitā. Pañcindriyāni bhāvitāni honti subhāvitāni. Satta bojjhaṅgā bhāvitā honti subhāvitā. Ariyo aṭṭhaṅgiko maggo bhāvito hoti subhāvito. Yampi, bhikkhave, khīṇāsavassa bhikkhuno ariyo aṭṭhaṅgiko maggo bhāvito hoti subhāvito, idampi khīṇāsavassa bhikkhuno balaṃ hoti, yaṃ balaṃ āgamma khīṇāsavo bhikkhu āsavānaṃ khayaṃ paṭijānāti ‘khīṇā me āsavā’’’ti (a. ni. 10.90; dī. ni. 3.357; paṭi. ma. 2.44).
д̇ад̇т̇а батамзна б̣алзна д̣̇угкасажжабадивзд̇хо, д̣̇уд̇иязна самуд̣̇аяасажжабадивзд̇хо, д̇ад̇иязна нирод̇хасажжабадивзд̇хо, жад̇уухи маг̇г̇асажжабадивзд̇хо багаасид̇о ход̇и.
Tattha paṭhamena balena dukkhasaccapaṭivedho, dutiyena samudayasaccapaṭivedho, tatiyena nirodhasaccapaṭivedho, catūhi maggasaccapaṭivedho pakāsito hoti.
адта вимогкаад̇и аарамман̣з ад̇химужжанадтзна бажжанийгад̇хаммзхи жа судту мужжанадтзна вимогкаа. ‘‘гад̇амз адта? руубий руубаани бассад̇и, аяам̣ батамо вимогко. аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и, аяам̣ д̣̇уд̇ияо вимогко. ‘субха’нд̇зва ад̇химуд̇д̇о ход̇и, аяам̣ д̇ад̇ияо вимогко. саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и, аяам̣ жад̇уд̇т̇о вимогко. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и, аяам̣ бан̃жамо вимогко. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и, аяам̣ чадто вимогко. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и, аяам̣ сад̇д̇амо вимогко. саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, аяам̣ адтамо вимогко’’д̇и (д̣̇ий. ни. 2.174; 3.358; а. ни. 8.66).
Aṭṭha vimokkhāti ārammaṇe adhimuccanaṭṭhena paccanīkadhammehi ca suṭṭhu muccanaṭṭhena vimokkhā. ‘‘Katame aṭṭha? Rūpī rūpāni passati, ayaṃ paṭhamo vimokkho. Ajjhattaṃ arūpasaññī bahiddhā rūpāni passati, ayaṃ dutiyo vimokkho. ‘Subha’nteva adhimutto hoti, ayaṃ tatiyo vimokkho. Sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati, ayaṃ catuttho vimokkho. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati, ayaṃ pañcamo vimokkho. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati, ayaṃ chaṭṭho vimokkho. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati, ayaṃ sattamo vimokkho. Sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, ayaṃ aṭṭhamo vimokkho’’ti (dī. ni. 2.174; 3.358; a. ni. 8.66).
нава анубуб̣б̣анирод̇хаад̇и нава анубадибаадияаа нирод̇хаа. ‘‘гад̇амз нава? батамам̣ жхаанам̣ самаабаннасса гаамасан̃н̃аа нируд̣̇д̇хаа ход̇и, д̣̇уд̇ияам̣ жхаанам̣ самаабаннасса вид̇аггавижаараа нируд̣̇д̇хаа хонд̇и, д̇ад̇ияам̣ жхаанам̣ самаабаннасса бийд̇и нируд̣̇д̇хаа ход̇и, жад̇уд̇т̇ам̣ жхаанам̣ самаабаннасса ассаасабассаасаа нируд̣̇д̇хаа хонд̇и, аагаасаанан̃жааяад̇анам̣ самаабаннасса руубасан̃н̃аа нируд̣̇д̇хаа ход̇и, вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа нируд̣̇д̇хаа ход̇и, аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа нируд̣̇д̇хаа ход̇и, нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа нируд̣̇д̇хаа ход̇и, сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа нируд̣̇д̇хаа хонд̇ий’’д̇и (а. ни. 9.31; д̣̇ий. ни. 3.344, 359).
Nava anupubbanirodhāti nava anupaṭipāṭiyā nirodhā. ‘‘Katame nava? Paṭhamaṃ jhānaṃ samāpannassa kāmasaññā niruddhā hoti, dutiyaṃ jhānaṃ samāpannassa vitakkavicārā niruddhā honti, tatiyaṃ jhānaṃ samāpannassa pīti niruddhā hoti, catutthaṃ jhānaṃ samāpannassa assāsapassāsā niruddhā honti, ākāsānañcāyatanaṃ samāpannassa rūpasaññā niruddhā hoti, viññāṇañcāyatanaṃ samāpannassa ākāsānañcāyatanasaññā niruddhā hoti, ākiñcaññāyatanaṃ samāpannassa viññāṇañcāyatanasaññā niruddhā hoti, nevasaññānāsaññāyatanaṃ samāpannassa ākiñcaññāyatanasaññā niruddhā hoti, saññāvedayitanirodhaṃ samāpannassa saññā ca vedanā ca niruddhā hontī’’ti (a. ni. 9.31; dī. ni. 3.344, 359).
д̣̇аса асзгкаа д̇хаммаад̇и убари сигкид̇аб̣б̣аабхаавад̇о на сигканд̇ийд̇и асзгкаа. ат̇а ваа д̇ийсу сигкаасу сигканд̇ийд̇и сзгкаа, вуд̣̇д̇хиббад̇д̇аа сзгкаад̇и асзгкаа, араханд̇о. асзгкаанам̣ имз ид̇и асзгкаа. ‘‘гад̇амз д̣̇аса? асзгкаа саммаад̣̇идти, асзгко саммаасан̇габбо, асзгкаа саммааваажаа, асзгко саммаагамманд̇о, асзгко саммааааж̇ийво, асзгко саммаавааяаамо, асзгкаа саммаасад̇и, асзгко саммаасамаад̇хи, асзгкам̣ саммаан̃аан̣ам̣, асзгкаа саммаавимуд̇д̇ий’’д̇и (д̣̇ий. ни. 3.348, 360). асзгкам̣ саммаан̃аан̣анд̇и арахад̇д̇апалабан̃н̃ам̣ табзд̇ваа сзсалогияабан̃н̃аа. саммаавимуд̇д̇ийд̇и арахад̇д̇апалавимуд̇д̇и. адтагат̇ааяам̣ (д̣̇ий. ни. адта. 3.348) бана вуд̇д̇ам̣ –
Dasa asekkhā dhammāti upari sikkhitabbābhāvato na sikkhantīti asekkhā. Atha vā tīsu sikkhāsu sikkhantīti sekkhā, vuddhippattā sekkhāti asekkhā, arahanto. Asekkhānaṃ ime iti asekkhā. ‘‘Katame dasa? Asekkhā sammādiṭṭhi, asekkho sammāsaṅkappo, asekkhā sammāvācā, asekkho sammākammanto, asekkho sammāājīvo, asekkho sammāvāyāmo, asekkhā sammāsati, asekkho sammāsamādhi, asekkhaṃ sammāñāṇaṃ, asekkhā sammāvimuttī’’ti (dī. ni. 3.348, 360). Asekkhaṃ sammāñāṇanti arahattaphalapaññaṃ ṭhapetvā sesalokiyapaññā. Sammāvimuttīti arahattaphalavimutti. Aṭṭhakathāyaṃ (dī. ni. aṭṭha. 3.348) pana vuttaṃ –
‘‘асзгкаа саммаад̣̇идтийд̇иаад̣̇аяо саб̣б̣зби паласамбаяуд̇д̇ад̇хаммаа зва. зд̇т̇а жа саммаад̣̇идти саммаан̃аан̣анд̇и д̣̇вийсу таанзсу бан̃н̃аава гат̇ид̇аа. саммаавимуд̇д̇ийд̇и иминаа бана бад̣̇зна вуд̇д̇аавасзсаа паласамаабад̇д̇ид̇хаммаа сан̇г̇ахид̇аа’’д̇и.
‘‘Asekkhā sammādiṭṭhītiādayo sabbepi phalasampayuttadhammā eva. Ettha ca sammādiṭṭhi sammāñāṇanti dvīsu ṭhānesu paññāva kathitā. Sammāvimuttīti iminā pana padena vuttāvasesā phalasamāpattidhammā saṅgahitā’’ti.
саб̣б̣ам̣, бхигкавз, сажчигаад̇аб̣б̣анд̇иаад̣̇ийсу аарамман̣асажчигирияаа взд̣̇ид̇аб̣б̣аа. руубам̣ бассанд̇о сажчигарод̇ийд̇иаад̣̇ийсу руубаад̣̇ийни логияаани бассид̇аб̣б̣аагаарзна бассанд̇о д̇аанзва руубаад̣̇ийни аарамман̣асажчигирияааяа сажчигарод̇и, руубаад̣̇ийни ваа бассид̇аб̣б̣аагаарзна бассанд̇о д̇зна хзд̇унаа сажчигаад̇аб̣б̣ам̣ ниб̣б̣аанам̣ сажчигарод̇и. бассанд̇од̇и хи бад̣̇ам̣ хзд̇уад̇т̇зби агкаражинд̇агаа ижчанд̇и. анан̃н̃аад̇ан̃н̃ассаамийд̇инд̣̇рияаад̣̇ийни бана логуд̇д̇араани бажжавзгкан̣авасзна бассанд̇о д̇аанзва аарамман̣асажчигирияааяа сажчигарод̇и. ‘‘амад̇ог̇ад̇хам̣ ниб̣б̣аанам̣ барияосаанадтзна сажчигарод̇ий’’д̇и ид̣̇ам̣ барин̃н̃зяяабахаад̇аб̣б̣асажчигаад̇аб̣б̣абхаавзд̇аб̣б̣зсу сажчигаад̇аб̣б̣ад̇д̇аа уж̇угамзва. яз яз д̇хаммаа сажчигад̇аа хонд̇и, д̇з д̇з д̇хаммаа пассид̇аа хонд̇ийд̇и аарамман̣асажчигирияааяа сажчигад̇аа аарамман̣апассзна пудтаа хонд̇и, бадилаабхасажчигирияааяа сажчигад̇аа бадилаабхапассзна пудтаа хонд̇ийд̇и.
Sabbaṃ, bhikkhave, sacchikātabbantiādīsu ārammaṇasacchikiriyā veditabbā. Rūpaṃ passanto sacchikarotītiādīsu rūpādīni lokiyāni passitabbākārena passanto tāneva rūpādīni ārammaṇasacchikiriyāya sacchikaroti, rūpādīni vā passitabbākārena passanto tena hetunā sacchikātabbaṃ nibbānaṃ sacchikaroti. Passantoti hi padaṃ hetuatthepi akkharacintakā icchanti. Anaññātaññassāmītindriyādīni pana lokuttarāni paccavekkhaṇavasena passanto tāneva ārammaṇasacchikiriyāya sacchikaroti. ‘‘Amatogadhaṃ nibbānaṃ pariyosānaṭṭhena sacchikarotī’’ti idaṃ pariññeyyapahātabbasacchikātabbabhāvetabbesu sacchikātabbattā ujukameva. Ye ye dhammā sacchikatā honti, te te dhammā phassitā hontīti ārammaṇasacchikiriyāya sacchikatā ārammaṇaphassena phuṭṭhā honti, paṭilābhasacchikiriyāya sacchikatā paṭilābhaphassena phuṭṭhā hontīti.
сажчигаад̇аб̣б̣анид̣̇д̣̇зсаван̣н̣анаа нидтид̇аа.
Sacchikātabbaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇амаяан̃аан̣анид̣̇д̣̇зсо • 1. Sutamayañāṇaniddeso
