| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. ஸசேதனஸுத்தவண்ணனா
5. Sacetanasuttavaṇṇanā
15. பஞ்சமே இஸிபதனேதி பு³த்³த⁴பச்சேகபு³த்³த⁴ஸங்கா²தானங் இஸீனங் த⁴ம்மசக்கப்பவத்தனத்தா²ய சேவ உபோஸத²கரணத்தா²ய ச ஆக³ந்த்வா பதனே, ஸன்னிபாதட்டா²னேதி அத்தோ². பத³னேதிபி பாடோ², அயமேவ அத்தோ². மிக³தா³யேதி மிகா³னங் அப⁴யத்தா²ய தி³ன்னே. ச²ஹி மாஸேஹி சா²ரத்தூனேஹீதி ஸோ கிர ரஞ்ஞா ஆணத்ததி³வஸேயேவ ஸப்³பூ³பகரணானி ஸஜ்ஜெத்வா அந்தேவாஸிகேஹி ஸத்³தி⁴ங் அரஞ்ஞங் பவிஸித்வா கா³மத்³வாரகா³மமஜ்ஜ²தே³வகுலஸுஸானாதீ³ஸு டி²தருக்கே² சேவ ஜா²மபதிதஸுக்க²ருக்கே² ச விவஜ்ஜெத்வா ஸம்பன்னபதே³ஸே டி²தே ஸப்³ப³தோ³ஸவிவஜ்ஜிதே நாபி⁴அரனேமீனங் அனுரூபே ருக்கே² க³ஹெத்வா தங் சக்கங் அகாஸி. தஸ்ஸ ருக்கே² விசினித்வா க³ண்ஹந்தஸ்ஸ சேவ கரொந்தஸ்ஸ ச எத்தகோ காலோ வீதிவத்தோ. தேன வுத்தங் – ‘‘ச²ஹி மாஸேஹி சா²ரத்தூனேஹீ’’தி. நானாகரணந்தி நானத்தங். நேஸந்தி ந ஏஸங். அத்தே²ஸந்தி அத்தி² ஏஸங். அபி⁴ஸங்கா²ரஸ்ஸ க³தீதி பயோக³ஸ்ஸ க³மனங். சிங்கு³லாயித்வாதி பரிப்³ப⁴மித்வா. அக்கா²ஹதங் மஞ்ஞேதி அக்கே² பவேஸெத்வா ட²பிதமிவ.
15. Pañcame isipataneti buddhapaccekabuddhasaṅkhātānaṃ isīnaṃ dhammacakkappavattanatthāya ceva uposathakaraṇatthāya ca āgantvā patane, sannipātaṭṭhāneti attho. Padanetipi pāṭho, ayameva attho. Migadāyeti migānaṃ abhayatthāya dinne. Chahi māsehi chārattūnehīti so kira raññā āṇattadivaseyeva sabbūpakaraṇāni sajjetvā antevāsikehi saddhiṃ araññaṃ pavisitvā gāmadvāragāmamajjhadevakulasusānādīsu ṭhitarukkhe ceva jhāmapatitasukkharukkhe ca vivajjetvā sampannapadese ṭhite sabbadosavivajjite nābhiaranemīnaṃ anurūpe rukkhe gahetvā taṃ cakkaṃ akāsi. Tassa rukkhe vicinitvā gaṇhantassa ceva karontassa ca ettako kālo vītivatto. Tena vuttaṃ – ‘‘chahi māsehi chārattūnehī’’ti. Nānākaraṇanti nānattaṃ. Nesanti na esaṃ. Atthesanti atthi esaṃ. Abhisaṅkhārassa gatīti payogassa gamanaṃ. Ciṅgulāyitvāti paribbhamitvā. Akkhāhataṃ maññeti akkhe pavesetvā ṭhapitamiva.
ஸதோ³ஸாதி ஸக³ண்டா³ உண்ணதோணதட்டா²னயுத்தா. ஸகஸாவாதி பூதிஸாரேன சேவ பெ²க்³கு³னா ச யுத்தா. காயவங்காதிஆதீ³னி காயது³ச்சரிதாதீ³னங் நாமானி. ஏவங் பபதிதாதி ஏவங் கு³ணபதனேன பதிதா. ஏவங் பதிட்டி²தாதி ஏவங் கு³ணேஹி பதிட்டி²தா. தத்த² லோகியமஹாஜனா பபதிதா நாம, ஸோதாபன்னாத³யோ பதிட்டி²தா நாம. தேஸுபி புரிமா தயோ கிலேஸானங் ஸமுதா³சாரக்க²ணே பபதிதா நாம, கீ²ணாஸவா பன ஏகந்தேனேவ பதிட்டி²தா நாம. தஸ்மாதி யஸ்மா அப்பஹீனகாயவங்காத³யோ பபதந்தி, பஹீனகாயவங்காத³யோ பதிட்ட²ஹந்தி, தஸ்மா. காயவங்காதீ³னங் பன ஏவங் பஹானங் வேதி³தப்³ப³ங் – பாணாதிபாதோ அதி³ன்னாதா³னங் மிச்சா²சாரோ முஸாவாதோ³ பிஸுணாவாசா மிச்சா²தி³ட்டீ²தி இமே தாவ ச² ஸோதாபத்திமக்³கே³ன பஹீயந்தி, ப²ருஸாவாசா ப்³யாபாதோ³தி த்³வே அனாகா³மிமக்³கே³ன, அபி⁴ஜ்ஜா² ஸம்ப²ப்பலாபோதி த்³வே அரஹத்தமக்³கே³னாதி.
Sadosāti sagaṇḍā uṇṇatoṇataṭṭhānayuttā. Sakasāvāti pūtisārena ceva pheggunā ca yuttā. Kāyavaṅkātiādīni kāyaduccaritādīnaṃ nāmāni. Evaṃ papatitāti evaṃ guṇapatanena patitā. Evaṃ patiṭṭhitāti evaṃ guṇehi patiṭṭhitā. Tattha lokiyamahājanā papatitā nāma, sotāpannādayo patiṭṭhitā nāma. Tesupi purimā tayo kilesānaṃ samudācārakkhaṇe papatitā nāma, khīṇāsavā pana ekanteneva patiṭṭhitā nāma. Tasmāti yasmā appahīnakāyavaṅkādayo papatanti, pahīnakāyavaṅkādayo patiṭṭhahanti, tasmā. Kāyavaṅkādīnaṃ pana evaṃ pahānaṃ veditabbaṃ – pāṇātipāto adinnādānaṃ micchācāro musāvādo pisuṇāvācā micchādiṭṭhīti ime tāva cha sotāpattimaggena pahīyanti, pharusāvācā byāpādoti dve anāgāmimaggena, abhijjhā samphappalāpoti dve arahattamaggenāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ஸசேதனஸுத்தங் • 5. Sacetanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. ஸசேதனஸுத்தவண்ணனா • 5. Sacetanasuttavaṇṇanā
