| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. ஸசேதனஸுத்தவண்ணனா
5. Sacetanasuttavaṇṇanā
15. பஞ்சமே இஸயோ பதந்தி ஸன்னிபதந்தி எத்தா²தி இஸிபதனந்தி ஆஹ ‘‘பு³த்³த⁴பச்சேகபு³த்³த⁴ஸங்கா²தான’’ந்திஆதி³. ஸப்³பூ³பகரணானி ஸஜ்ஜெத்வாதி ஸப்³பா³னி ருக்க²ஸ்ஸ சே²த³னதச்ச²னாதி³ஸாத⁴னானி உபகரணானி ரஞ்ஞா ஆணத்ததி³வஸேயேவ ஸஜ்ஜெத்வா. நானா கரீயதி ஏதேனாதி நானாகரணங், நானாபா⁴வோதி ஆஹ ‘‘நானத்த’’ந்தி. நேஸந்தி ஸரலோபேனாயங் நித்³தே³ஸோதி ஆஹ ‘‘ந ஏஸ’’ந்தி. ததா² அத்தே²ஸந்தி எத்தா²பீதி ஆஹ ‘‘அத்தி² ஏஸ’’ந்தி. பவத்தனத்த²ங் அபி⁴ஸங்க²ரணங் அபி⁴ஸங்கா²ரோ, தஸ்ஸ க³தி வேக³ஸா பவத்தி. தங் ஸந்தா⁴யாஹ ‘‘பயோக³ஸ்ஸ க³மன’’ந்தி.
15. Pañcame isayo patanti sannipatanti etthāti isipatananti āha ‘‘buddhapaccekabuddhasaṅkhātāna’’ntiādi. Sabbūpakaraṇāni sajjetvāti sabbāni rukkhassa chedanatacchanādisādhanāni upakaraṇāni raññā āṇattadivaseyeva sajjetvā. Nānā karīyati etenāti nānākaraṇaṃ, nānābhāvoti āha ‘‘nānatta’’nti. Nesanti saralopenāyaṃ niddesoti āha ‘‘na esa’’nti. Tathā atthesanti etthāpīti āha ‘‘atthi esa’’nti. Pavattanatthaṃ abhisaṅkharaṇaṃ abhisaṅkhāro, tassa gati vegasā pavatti. Taṃ sandhāyāha ‘‘payogassa gamana’’nti.
ஸக³ண்டா³தி கு²த்³தா³னுகு²த்³த³கக³ண்டா³. தேனாஹ ‘‘உண்ணதோணதட்டா²னயுத்தா’’தி. ஸகஸாவாதி ஸகஸடா. தேனாஹ ‘‘பூதிஸாரேனா’’திஆதி³. ஏவங் கு³ணபதனேன பதிதாதி யதா² தங் சக்கங் நாபி⁴அரனேமீனங் ஸதோ³ஸதாய ந பதிட்டா²ஸி, ஏவமேகச்சே புக்³க³லா காயவங்காதி³வஸேன ஸதோ³ஸதாய கு³ணபதனேன பதிதா ஸகட்டா²னே ந திட்ட²ந்தி. எத்த² ச ப²ருஸவாசாத³யோபி அபாயக³மனீயா ஸோதாபத்திமக்³கே³னேவ பஹீயந்தீதி த³ட்ட²ப்³பா³.
Sagaṇḍāti khuddānukhuddakagaṇḍā. Tenāha ‘‘uṇṇatoṇataṭṭhānayuttā’’ti. Sakasāvāti sakasaṭā. Tenāha ‘‘pūtisārenā’’tiādi. Evaṃ guṇapatanena patitāti yathā taṃ cakkaṃ nābhiaranemīnaṃ sadosatāya na patiṭṭhāsi, evamekacce puggalā kāyavaṅkādivasena sadosatāya guṇapatanena patitā sakaṭṭhāne na tiṭṭhanti. Ettha ca pharusavācādayopi apāyagamanīyā sotāpattimaggeneva pahīyantīti daṭṭhabbā.
ஸசேதனஸுத்தவண்ணனா நிட்டி²தா.
Sacetanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ஸசேதனஸுத்தங் • 5. Sacetanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ஸசேதனஸுத்தவண்ணனா • 5. Sacetanasuttavaṇṇanā
