| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. сажзд̇анасуд̇д̇аван̣н̣анаа
5. Sacetanasuttavaṇṇanā
15. бан̃жамз исибад̇анзд̇и б̣уд̣̇д̇хабажжзгаб̣уд̣̇д̇хасан̇каад̇аанам̣ исийнам̣ д̇хаммажаггаббавад̇д̇анад̇т̇ааяа жзва убосат̇агаран̣ад̇т̇ааяа жа ааг̇анд̇ваа бад̇анз, саннибаад̇адтаанзд̇и ад̇т̇о. бад̣̇анзд̇иби баато, аяамзва ад̇т̇о. миг̇ад̣̇ааязд̇и миг̇аанам̣ абхаяад̇т̇ааяа д̣̇иннз. чахи маасзхи чаарад̇д̇уунзхийд̇и со гира ран̃н̃аа аан̣ад̇д̇ад̣̇ивасзязва саб̣б̣уубагаран̣аани саж̇ж̇зд̇ваа анд̇зваасигзхи сад̣̇д̇хим̣ аран̃н̃ам̣ бависид̇ваа г̇аамад̣̇ваараг̇аамамаж̇жхад̣̇звагуласусаанаад̣̇ийсу тид̇аругкз жзва жхаамабад̇ид̇асугкаругкз жа виваж̇ж̇зд̇ваа самбаннабад̣̇зсз тид̇з саб̣б̣ад̣̇осавиваж̇ж̇ид̇з наабхиаранзмийнам̣ ануруубз ругкз г̇ахзд̇ваа д̇ам̣ жаггам̣ агааси. д̇асса ругкз вижинид̇ваа г̇ан̣ханд̇асса жзва гаронд̇асса жа зд̇д̇аго гаало вийд̇ивад̇д̇о. д̇зна вуд̇д̇ам̣ – ‘‘чахи маасзхи чаарад̇д̇уунзхий’’д̇и. наанаагаран̣анд̇и наанад̇д̇ам̣. нзсанд̇и на зсам̣. ад̇т̇зсанд̇и ад̇т̇и зсам̣. абхисан̇каарасса г̇ад̇ийд̇и баяог̇асса г̇аманам̣. жин̇г̇улааяид̇ваад̇и бариб̣бхамид̇ваа. агкаахад̇ам̣ ман̃н̃зд̇и агкз бавзсзд̇ваа табид̇амива.
15. Pañcame isipataneti buddhapaccekabuddhasaṅkhātānaṃ isīnaṃ dhammacakkappavattanatthāya ceva uposathakaraṇatthāya ca āgantvā patane, sannipātaṭṭhāneti attho. Padanetipi pāṭho, ayameva attho. Migadāyeti migānaṃ abhayatthāya dinne. Chahi māsehi chārattūnehīti so kira raññā āṇattadivaseyeva sabbūpakaraṇāni sajjetvā antevāsikehi saddhiṃ araññaṃ pavisitvā gāmadvāragāmamajjhadevakulasusānādīsu ṭhitarukkhe ceva jhāmapatitasukkharukkhe ca vivajjetvā sampannapadese ṭhite sabbadosavivajjite nābhiaranemīnaṃ anurūpe rukkhe gahetvā taṃ cakkaṃ akāsi. Tassa rukkhe vicinitvā gaṇhantassa ceva karontassa ca ettako kālo vītivatto. Tena vuttaṃ – ‘‘chahi māsehi chārattūnehī’’ti. Nānākaraṇanti nānattaṃ. Nesanti na esaṃ. Atthesanti atthi esaṃ. Abhisaṅkhārassa gatīti payogassa gamanaṃ. Ciṅgulāyitvāti paribbhamitvā. Akkhāhataṃ maññeti akkhe pavesetvā ṭhapitamiva.
сад̣̇осаад̇и саг̇ан̣д̣аа ун̣н̣ад̇он̣ад̇адтаанаяуд̇д̇аа. сагасааваад̇и бууд̇исаарзна жзва пзг̇г̇унаа жа яуд̇д̇аа. гааяаван̇гаад̇иаад̣̇ийни гааяад̣̇ужжарид̇аад̣̇ийнам̣ наамаани. звам̣ бабад̇ид̇аад̇и звам̣ г̇ун̣абад̇анзна бад̇ид̇аа. звам̣ бад̇идтид̇аад̇и звам̣ г̇ун̣зхи бад̇идтид̇аа. д̇ад̇т̇а логияамахааж̇анаа бабад̇ид̇аа наама, сод̇аабаннаад̣̇аяо бад̇идтид̇аа наама. д̇зсуби буримаа д̇аяо гилзсаанам̣ самуд̣̇аажаарагкан̣з бабад̇ид̇аа наама, кийн̣аасаваа бана зганд̇знзва бад̇идтид̇аа наама. д̇асмаад̇и яасмаа аббахийнагааяаван̇гаад̣̇аяо бабад̇анд̇и, бахийнагааяаван̇гаад̣̇аяо бад̇идтаханд̇и, д̇асмаа. гааяаван̇гаад̣̇ийнам̣ бана звам̣ бахаанам̣ взд̣̇ид̇аб̣б̣ам̣ – баан̣аад̇ибаад̇о ад̣̇иннаад̣̇аанам̣ мижчаажааро мусааваад̣̇о бисун̣ааваажаа мижчаад̣̇идтийд̇и имз д̇аава ча сод̇аабад̇д̇имаг̇г̇зна бахийяанд̇и, парусааваажаа б̣яаабаад̣̇од̇и д̣̇вз анааг̇аамимаг̇г̇зна, абхиж̇жхаа сампаббалаабод̇и д̣̇вз арахад̇д̇амаг̇г̇знаад̇и.
Sadosāti sagaṇḍā uṇṇatoṇataṭṭhānayuttā. Sakasāvāti pūtisārena ceva pheggunā ca yuttā. Kāyavaṅkātiādīni kāyaduccaritādīnaṃ nāmāni. Evaṃ papatitāti evaṃ guṇapatanena patitā. Evaṃ patiṭṭhitāti evaṃ guṇehi patiṭṭhitā. Tattha lokiyamahājanā papatitā nāma, sotāpannādayo patiṭṭhitā nāma. Tesupi purimā tayo kilesānaṃ samudācārakkhaṇe papatitā nāma, khīṇāsavā pana ekanteneva patiṭṭhitā nāma. Tasmāti yasmā appahīnakāyavaṅkādayo papatanti, pahīnakāyavaṅkādayo patiṭṭhahanti, tasmā. Kāyavaṅkādīnaṃ pana evaṃ pahānaṃ veditabbaṃ – pāṇātipāto adinnādānaṃ micchācāro musāvādo pisuṇāvācā micchādiṭṭhīti ime tāva cha sotāpattimaggena pahīyanti, pharusāvācā byāpādoti dve anāgāmimaggena, abhijjhā samphappalāpoti dve arahattamaggenāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. сажзд̇анасуд̇д̇ам̣ • 5. Sacetanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. сажзд̇анасуд̇д̇аван̣н̣анаа • 5. Sacetanasuttavaṇṇanā
