| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. து³தியபண்ணாஸகங்
2. Dutiyapaṇṇāsakaṃ
(6) 1. ஸசித்தவக்³கோ³
(6) 1. Sacittavaggo
1-10. ஸசித்தஸுத்தாதி³வண்ணனா
1-10. Sacittasuttādivaṇṇanā
51-60. து³தியஸ்ஸ பட²மாதீ³னி உத்தானத்தா²னி. த³ஸமே பித்தங் ஸமுட்டா²னமேதேஸந்தி பித்தஸமுட்டா²னா, பித்தபச்சயாபித்தஹேதுகாதி அத்தோ². ஸெம்ஹஸமுட்டா²னாதீ³ஸுபி ஏஸேவ நயோ. ஸன்னிபாதிகாதி திண்ணம்பி பித்தாதீ³னங் கோபேன ஸமுட்டி²தா. உதுபரிணாமஜாதி விஸபா⁴க³உதுதோ ஜாதா. ஜங்க³லதே³ஸவாஸீனஞ்ஹி அனூபதே³ஸே வஸந்தானங் விஸபா⁴கோ³ ச உது உப்பஜ்ஜதி, அனூபதே³ஸவாஸீனஞ்ச ஜங்க³லதே³ஸேதி ஏவங் பரஸமுத்³த³தீராதி³வஸேனபி உதுவிஸபா⁴க³தா உப்பஜ்ஜதியேவ. ததோ ஜாதாதி உதுபரிணாமஜா. அத்தனோ பகதிசரியானங் விஸயானங் விஸமங் காயபரிஹரணவஸேன ஜாதா விஸமபரிஹாரஜா. தேனாஹ ‘‘அதிசிரட்டா²னநிஸஜ்ஜாதி³னா விஸமபரிஹாரேன ஜாதா’’தி. ஆதி³-ஸத்³தே³ன மஹாபா⁴ரவஹனஸுதா⁴கொட்டனாதீ³னங் ஸங்க³ஹோ. பரஸ்ஸ உபக்கமதோ நிப்³ப³த்தா ஓபக்கமிகா. பா³ஹிரங் பச்சயங் அனபெக்கி²த்வா கேவலங் கம்மவிபாகதோவ ஜாதா கம்மவிபாகஜா. தத்த² புரிமேஹி ஸத்தஹி காரணேஹி உப்பன்னா ஸாரீரிகா வேத³னா ஸக்கா படிபா³ஹிதுங், கம்மவிபாகஜானங் பன ஸப்³ப³பே⁴ஸஜ்ஜானிபி ஸப்³ப³பரித்தானிபி நாலங் படிகா⁴தாய.
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
ஸசித்தஸுத்தாதி³வண்ணனா நிட்டி²தா.
Sacittasuttādivaṇṇanā niṭṭhitā.
ஸசித்தவக்³க³வண்ணனா நிட்டி²தா.
Sacittavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
1. ஸசித்தஸுத்தங் • 1. Sacittasuttaṃ
2. ஸாரிபுத்தஸுத்தங் • 2. Sāriputtasuttaṃ
3. டி²திஸுத்தங் • 3. Ṭhitisuttaṃ
4. ஸமத²ஸுத்தங் • 4. Samathasuttaṃ
5. பரிஹானஸுத்தங் • 5. Parihānasuttaṃ
6. பட²மஸஞ்ஞாஸுத்தங் • 6. Paṭhamasaññāsuttaṃ
7. து³தியஸஞ்ஞாஸுத்தங் • 7. Dutiyasaññāsuttaṃ
8. மூலகஸுத்தங் • 8. Mūlakasuttaṃ
9. பப்³ப³ஜ்ஜாஸுத்தங் • 9. Pabbajjāsuttaṃ
10. கி³ரிமானந்த³ஸுத்தங் • 10. Girimānandasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
1-4. ஸசித்தஸுத்தாதி³வண்ணனா • 1-4. Sacittasuttādivaṇṇanā
8. மூலகஸுத்தவண்ணனா • 8. Mūlakasuttavaṇṇanā
9. பப்³ப³ஜ்ஜாஸுத்தவண்ணனா • 9. Pabbajjāsuttavaṇṇanā
10. கி³ரிமானந்த³ஸுத்தவண்ணனா • 10. Girimānandasuttavaṇṇanā
